Aravot.am

📘 «Պատասխանը դեռ չունեմ»․ Փաշինյանը՝ խորհրդարանում առանց ձայների 2/3-ի նոր Սահմանադրության հասնելու հարցի առիթով Նիկոլ Փաշինյանը հայտարարել է, որ դեռ չունի պատասխան, թե ինչ իրավական մեխանիզմով է հնարավոր նոր Սահմանադրության նախագիծը ներկայացնել, եթե խորհրդարանում չկա անհրաժեշտ 2/3 մեծամասնությունը՝ նշելով, որ այդ հարցով դեռ սպասում է իրավաբանների եզրակացությանը։ Վարչապետը վերահաստատել է, որ նոր Սահմանադրության ընդունումը շարունակում է մնալ իշխանության նախընտրական պարտավորությունը, իսկ նախագծի տեքստը, իր խոսքով, նախատեսվում է հրապարակել մինչև տարեվերջ։ aravot.am | @aravot

🟦 «Մխիթար Հայրապետյանն ինքը չի ցանկացել շարունակել գործունեությունը կառավարության կազմում»․ Նիկոլ Փաշինյան Վարչապետ Նիկոլ Փաշինյանը հայտարարել է, որ ԲՏԱ նախարար Մխիթար Հայրապետյանը քննարկումների արդյունքում ինքն է որոշել չշարունակել գործունեությունը կառավարության կազմում։ Անդրադառնալով Ալեն Սիմոնյանի հետագա քաղաքական դերակատարմանը՝ Փաշինյանն ասել է, որ քննարկումներ են ընթանում, և լուծումներ կլինեն։ aravot.am | @aravot

Դավիթ Իշխանյանը՝ Բաքվի բանտից. «Ամենածանրը այն է, որ մեր երեսին ուղղակի շպրտում են, որ եթե ձեր իշխանությունները ոչինչ չեն անում և շահագրգիռ չեն ձեր վերադարձով, ի՞նչ եք ուզում միջազգային ատյաններից կամ դատարաններից»

⚖️ «Մինչեւ հիմա ընդդիմադիրների վրա կարած ո՞ր գործն է հաստատվել, որ այս մեկը հաստատվի». Արմենուհի Կյուրեղյանը՝ Արեգնազ Մանուկյանին ներկայացվող մեղադրանքի մասին ԱԺ «Հայաստան» խմբակցության ՀՅԴ պատգամավոր Արմենուհի Կյուրեղյանը հայտարարել է, որ Արեգնազ Մանուկյանի նկատմամբ քրեական գործընթացը քաղաքական հետապնդում է և այն կապել է «Բարգավաճ Հայաստան» կուսակցության ներկայացուցիչների նկատմամբ իշխանությունների գործողությունների հետ։ aravot.am | @aravot

🚨 Փաշինյան․ նախընտրական խոստումներս կատարված կհամարեմ, երբ «թալանվածը» ամբողջությամբ վերադարձվի Վարչապետը հայտարարեց, որ իրավապահները գործում են իրենց լիազորությունների շրջանակում, իսկ Գագիկ Ծառուկյանի գործով քննադատություններին պատասխանեց՝ նախկինում գործերի ընթացքը խոչընդոտվել է «դատաիրավական մաֆիայի» պատճառով։ Նա նաև ասաց, որ նախկինում տված հանձնարարականները պետք է կյանքի կոչվեն, քանի որ, իր խոսքով, ժողովուրդը դրանց օգտին է քվեարկել։ aravot.am | @aravot

💰 MONEYVAL-ը հրապարակել է Հայաստանի գնահատման զեկույցը Եվրոպայի խորհրդի MONEYVAL հանձնախումբը հրապարակել է Հայաստանի գնահատման զեկույցը՝ նշելով, որ երկրում գործում է փողերի լվացման և ահաբեկչության ֆինանսավորման դեմ պայքարի ամուր համակարգ, սակայն անհրաժեշտ է բարելավել փողերի լվացման գործերով քրեական հետապնդումներն ու ակտիվների վերադարձի գործընթացը։ Հայաստանը ներառվել է ուժեղացված հետագա վերահսկողության գործընթացում և առաջիկա երեք տարիների ընթացքում պետք է իրականացնի հանձնախմբի ներկայացրած հիմնական առաջարկությունները։ aravot.am | @aravot

🗺️ Փաշինյանը՝ Տիգրանաշենի և Արծվաշենի հարցերի մասին․ «Պետք է բոլոր կիսատ հարցերը լուծենք» Վարչապետ Նիկոլ Փաշինյանը հայտարարել է, որ Տիգրանաշենի և Արծվաշենի հարցերը մնում են օրակարգում, և սահմանազատումը պետք է շարունակվի այն քարտեզներով, որոնց հիման վրա իրականացվել է Տավուշի գործընթացը։ Նրա խոսքով՝ անկլավների և էքսկլավների թեմայից Հայաստանը չի հրաժարվում, քանի որ, ըստ Ալմաթայի հռչակագրի սկզբունքների, Արծվաշենը ՀՀ ինքնիշխան տարածք է։ aravot.am | @aravot

📩 Դավիթ Իշխանյանի ուղերձը Բաքվի բանտից․ «Սա հայ ժողովրդի և պետականության դեմ բացված դատ է» Բաքվում պահվող Դավիթ Իշխանյանը իր ուղերձում հայտարարել է, որ իր նկատմամբ ընթացող դատավարությունը քաղաքական պատվեր է և կապ չունի քրեական հանցագործությունների հետ։ Նրա գնահատմամբ՝ դատավարությունը հիմնված է ազգային ու էթնիկ պատկանելության նկատմամբ ատելության վրա և ուղղված է հայ ժողովրդի ու հայկական պետականության դեմ։ aravot.am | @aravot

⚖️ «Իր խուց որևէ իր՝ սեղան կամ աթոռ, չի բերվել». Արդարացման դատավճիռը ստացավ օրինական ուժ․ Լիպարիտ Սիմոնյան Վճռաբեկ դատարանը վարույթ չի ընդունել դատախազության բողոքը, և Գրիգոր Մաթևոսյանի արդարացման դատավճիռը մտել է օրինական ուժի մեջ։ Նրա պաշտպանի խոսքով՝ դատարանը հաշվի է առել, որ մեղադրանքը բավարար ապացույցներով հաստատված չի եղել։ Դատարանը նշել է նաև, որ գործով առանցքային համարված ապացույցներից մեկը չի կարող հիմք հանդիսանալ դատավճռի համար, քանի որ պաշտպանական կողմը զրկված է եղել այն տրամադրած անձին պատշաճ հարցաքննելու հնարավորությունից։ 🔗 aravot.am | @aravot

🏭 «Արարատցեմենտի» աշխատակիցները բողոքի ակցիա են անցկացրել Կապարակնքված «Արարատցեմենտի» աշխատակիցներն այսօր բողոքի ակցիա են անցկացրել՝ պահանջելով, որ գործարանի աշխատանքը չդադարեցվի և իրենք չկորցնեն աշխատանքը։ Աշխատակիցները նշել են, որ գործարանից իրենց ընտանիքների եկամուտն է կախված և հայտարարել են, որ եթե նշանակվի ժամանակավոր կառավարիչ, ապա արտադրությունը պետք է շարունակվի, իսկ աշխատողները չտուժեն։ aravot.am | @aravot

⚖️ Նիկոլ Փաշինյանը հայտարարել է, որ իրավապահ մարմինները Գագիկ Ծառուկյանի գործով գործում են իրենց լիազորությունների շրջանակում։ Նա նաև ա նշել է, որ «Արարատցեմենտ» գործարանը շատ շուտով լինելու է պետական։ ✅ Փաշինյանի խոսքով՝ Սահմանադրության նոր տեքստը կհրապարակվի մինչև տարեվերջ։ ✅Անդրադառնալով անկլավների թեմային՝ վարչապետը ընդգծել է, որ Արծվաշենը Հայաստանի ինքնիշխան տարածք է։

«ՌԴ կառավարության ղեկավարի հետ ունեցել ենք բաց, անկեղծ քննարկում, ձեռք են բերվել մի շարք պայմանավորվածություններ, որոնց մի մասի մանրամասներով չեմ կիսվի այս պահին»․ Փաշինյանը՝ ՌԴ կատարած աշխատանքային այցի մասին։

🎨 «Մեր երեխաները գիշերները հացի հերթ էին կանգնում, ասում էին՝ ընկեր Իրա, տալոնը տուր, քեզ համար էլ հաց բերենք» Արցախի արվեստագործների միության հիմնադիր Իրա Թամրազյանը պատմել է Հադրութից տեղահանված ստեղծագործական կենտրոնի անցած ճանապարհի, պատերազմի տարիների դժվարությունների և այսօր Հայաստանում երեխաների ու կանանց համար իրականացվող ծրագրերի մասին։ Նրա խոսքով՝ կենտրոնը շարունակում է գործել՝ շուրջ 200 երեխայի և 150 կնոջ համար կազմակերպելով անվճար ստեղծագործական ու մասնագիտական դասընթացներ, սակայն տարածքի պահպանման համար անհրաժեշտ է մշտական աջակցություն։ 🔗 aravot.am | @aravot

🟦 «Ուժեղ Հայաստան». ցուցակում չանցած կուսակցականները կզբաղվեն կուսակցաշինությամբ «Ուժեղ Հայաստան» դաշինքը հայտարարել է, որ ընտրական ցուցակում ընդգրկված, սակայն անցողիկ տեղերում չհայտնված կուսակցականները թիմային քննարկումներից հետո իրենց ներուժը կուղղեն կուսակցության զարգացման աշխատանքներին։ Դաշինքի խոսքով՝ այս որոշմամբ նաև նպատակ ունեն պաշտպանել իրենց անդամներին հնարավոր նոր ճնշումներից։ 🔗 aravot.am | @aravot

🌸 «Մարդիկ սկսել են ավելի շատ ծաղիկ նվիրել իրար»․ Փաշինյանը՝ լոլիկի և ծաղկի՝ ոչ սեզոնային գնանկման առիթով Կառավարության նիստում Էկոնոմիկայի նախարար Գևորգ Պապոյանը հայտնել է արտահանման ծավալների աճի և արտահանողներին փոխհատուցման ծրագրերի մասին։ Քննարկման ընթացքում անդրադարձ է եղել նաև լոլիկի ու ծաղկի գների նվազմանը, ինչին վարչապետ Նիկոլ Փաշինյանը արձագանքել է հումորային մեկնաբանությամբ։ 🔗 aravot.am | @aravot

📬📬📬 Մամուլը գրում է 🔺Վահան Հովհաննիսյանը կարծում է, որ քրեական վարույթ նախաձեռնելու դեպքում Նիկոլ Փաշինյանին պարտադիր պետք է կանչեն հարցաքննության. «168 ժամ» 🔺Չնայած պատգամավոր Բագրատյանի անձնական ունեցվածքը թղթի վրա բավականին համեստ է թվում, նրա կինը՝ Նաիրա Հակոբյանը, տիրապետում է իսկական հարստության. «Ժողովուրդ» 🔺Փաշինյանը լրատվամիջոցներում տեղ գտած նյութերի ուսումնասիրությամբ զբաղվող աշխատանքային խումբ է ստեղծել. Aravot 🔺«Միշտ եմ այն կարծիքին եղել, որ իրավապաշտպան կառույցից չեն կարող հրաժարվել մարդիկ` զուտ քաղաքական հայացքների համար». Նինա Կարապետյանց.«Հրապարակ» 🔺«Այդքան մարդու մահվան մատնեցին, մահվան պատճառ դարձան, մի առյուծն ի՞նչ է իրենց համար». «Փաստ» 🔺Ստացվում է՝ մարդկանց սահմանադրական իրավունքը ոչնչացրին՝ ԿԸՀ-ի ձեռքով. Վարդան Այվազյան. «Հրապարակ» 🔺Թուրքիան քննադատելու փոխարէն, Թրամփ-ը քննադատեց ՆԱԹՕ-ի իր միւս դաշնակիցները և հակառակ Քոնկրեսական Ընդդիմութեան, Կը Խոստանայ F-35 Ծախել Անգարային. «Ասպարեզ» 🔺Սննդամթերքի գները տարեկան կտրվածքով աճել են 8,5 տոկոսով՝ նախորդ տարվա 6,2 տոկոսի փոխարեն. «Փաստ» 🔺Եվ, փաստորեն, JF-17C կործանիչներն արդեն Ադրբեջանի բանակի ռազմաօդային ուժերի զինանոցում են. «168 ժամ» Մամուլի տեսությունն ամբողջությամբ

📅Վարչապետ Նիկոլ Փաշինյանը հուլիսի 10-ից 29-ը ներառյալ կգտնվի արձակուրդում։

🏭 «Քննչականին ասում ենք՝ ապօրինի է, մի՛ արա, ասում է՝ ես իմ գործը կանեմ, բողոք ունես՝ գնա ուրիշ տեղ բողոքի». «Արարատցեմենտի» աշխատակիցները ցույց են անում «Արարատցեմենտի» աշխատակիցներն արդեն չորրորդ օրն են բողոքի ակցիա են անցկացնում՝ պահանջելով բացել կապարակնքված գործարանը։ Նրանց խոսքով՝ աշխատանքի դադարեցման հետևանքով հարյուրավոր մարդիկ զրկվել են եկամտից, իսկ գործարանի ղեկավարությունը պնդում է, որ իրավապահներից դեռևս հստակ պատասխան չի ստացել։ 🔗 aravot.am | @aravot

#Վերլուծական 📰 Երկխոսություն՝ տնտեսական ճնշման ստվերում Հայ-ռուսական հարաբերություններում կուտակված քաղաքական ու տնտեսական խնդիրների ֆոնին Նիկոլ Փաշինյանի այցը Ռուսաստան դիտարկվում է որպես երկխոսությունը վերագործարկելու փորձ։ Հանդիպման առանցքում եղել են առևտրատնտեսական համագործակցությունը, ԵԱՏՄ շրջանակում փոխգործակցությունը և ռուսական սահմանափակումների հետևանքով առաջացած խնդիրները։ Կողմերը դեռևս չեն լուծել առկա տարաձայնությունները, սակայն պատրաստակամություն են հայտնել դրանք քննարկել բանակցային ճանապարհով։ Առաջիկա ամիսներին հարաբերությունների զարգացումը կախված կլինի տնտեսական սահմանափակումների մեղմացումից և փոխադարձ վստահության աստիճանական վերականգնումից։ 🖊 Էմմա Գաբրիելյանի վերլուծականը

🇦🇿 «Ակնկալում ենք, որ Ադրբեջանի նկատմամբ տարածքային պահանջները կհեռացվեն Հայաստանի Սահմանադրությունից։ Դրանից հետո կարող է ստորագրվել խաղաղության համաձայնագիրը». Ջեյհուն Բայրամով Ադրբեջանի ԱԳ նախարար Ջեյհուն Բայրամովը հայտարարել է, որ Բաքուն խաղաղության համաձայնագրի իր մասը վերջնականապես համաձայնեցրել է, սակայն դրա ստորագրումը կապում է Հայաստանի Սահմանադրության փոփոխության հետ։ Նա նաև նշել է, որ սահմանազատման գործընթացը շարունակվում է, իսկ «էքսկլավային գյուղերի» հարցը լուծում կստանա։ 🔗 aravot.am | @aravot