شِعر و شُعور .

‏اعتقيني عتق الارقاب ياحزة عصير ‏واستريني واصلحي بين عرفي وجهلي

‏مايخدش السمعه ولا يعيب الانسان ‏الا الدروب اللي ماهي مستقيمه ‏لاتستهين بسمعتك لين تنهان ‏وتصير لامعنى ولا منك قيمه ‏اطمر ليا شفت الردا طمرة حصان ‏واحفظ نقا وجهك وذب الخريمه ‏مناكب الارض العريضات ميدان ‏ماهي ف حاجه منك غير العزيمه

ياليتني قبل اتصل صوبك مصلي ركعتين كأن الله أعتقني من الحسرة وشرهات الندم ما يجعل الرجال تايه بين حين وبين حين إلا الثقة لا جات مندفعة على ساق وقدم

‏على حروة بكاء وتنهيدة وغصَّة وضيقة بال ‏وعلى رجوى الرّحاب تمر صدري كل فجريَّة ‏تمر سنين من عمري وأنا في وحشة الترحال ‏أخاف من التعلِّق والقسى والدمع والكيَّة ‏يعذِّبني شعور إن الشعور أحيان ما ينقال ‏وشعور إني على وعر الطريق أحيان منسيَّة

اللهُم صّلِ وسَلّمْ عَلۓِ نَبِيْنَا مُحمَد ﷺ.

ان كان للحبّ دولة تستضيف القلوب ‏من غيرك ابايعه .. واقدّم له الولاء"

‏من كثر ما تضغط الدنيا علي واقول عادي ‏صرت أواجه وقتي الغلاب وأصافح يمينه".

"الذكريات بكل الاحوال تشقيك ‏مافيه روح من الحنين استراحت ‏تحزن على ذكرى حزينه تبكيك ‏وتضيق من ذكرى جميله وراحت"

يرتفع صوت العتب والمشاريه ‏ولايرخص الدمع العزيز وتهله ‏اللي على الخاطر تشوفه وتوحيه ‏واللي ورى بوابة الصدر .. خله ‏ياسيد الحب العفيف ولياليه ‏إن فرّق الغيم الهوى ، راح ظله ‏إليا كسرت الغصن لاعاد تسقيه ‏ماعاد ينبت لو ترده محله !

‏جعل من ضرك يا درة الأوطان ‏مايصبح عليه صبحٍ سعيد ..💚 ⁩

"مع إنّي ما عاد أعرف وين الزمن ودّاك ‏إلى الحين .. أقدّس ما حصل بينك وبيني"

‏يا عشيري وش بقى ثاني نخافه ‏بالدروب الموحشات السرمديه ‏ليه أمل من الطريق وليه أخافه ‏والمدى قيظ وسراب ومهمهيه ‏وما ورى ريع الطعون إلا الكسافه ‏كل ما أذبه وأشيل السامريه ‏وأنت يا طهر الصباح ويا عفافه ‏لا تصافحني بحد الحضرميه ‏لا يغرك نبض كفي وارتجافه ‏ضاق بي قلبي وشلته في يديه

‏ " ما أطرد المقفي ليا صفط شراعه ‏ مخبل اللي للمقفين .. تبّا ا ا ا ا عي "

‏اذا اخطا عليك اللي تعده ذرى وحزام ‏لاتشره على اللي ماتعده ولا حاجة

‏التماس العذر لـ الطيب كرامه  ‏اتركوا لاصحابكم مخرج طواري ‏من تعذر جنبوا عنه الملامه  ‏لا تصير حلوقكم مثل البواري  ‏التسامح . . يقفل ابواب الندامه  ‏والعتب بابٍ من ابواب الذواري .

‏بأسم الأله اللي على العرش معبود ‏اللي رفع سبعٍ .. وسبعٍ تحتنا ‏اللي سجد له بآخر الليل داؤد ‏ونزل كتابٍ من حروفه لغتنا ‏الله يجنبنا عمل كل منقود ‏يارب تجعل بالهدى خاتمتنا

‏ماجيتك يوم إنها " ثقال ومّعاسير " ‏وشلون أجي يومها خفاف وهواين

‏يارب انا اخطي بعض الأحيان واتوب ‏واذكر ذنوبي و اتقلب على جنب ‏خلقتني عبدك ولا عندي ذنوب ‏ودي اموت ولا عليه ولا ذنب

‏أخاف لا أخسر حبها العف ، و تروح ‏للي ما يسوى خصلةٍ من شعرها *

ألاقيك في مطلع قصيده ونسمة نود ‏ و فِـ البدر لا ضوّى .. و فـ الورد لا ندّى ‏ وفي حلمي الغادي وفي نصفي المفقود ‏ وليلٍ هقيت إنّه يعدّي ، ولا عدّى