شِعر و شُعور .

‏يا عشيري وش بقى ثاني نخافه ‏بالدروب الموحشات السرمديه ‏ليه أمل من الطريق وليه أخافه ‏والمدى قيظ وسراب ومهمهيه ‏وما ورى ريع الطعون إلا الكسافه ‏كل ما أذبه وأشيل السامريه ‏وأنت يا طهر الصباح ويا عفافه ‏لا تصافحني بحد الحضرميه ‏لا يغرك نبض كفي وارتجافه ‏ضاق بي قلبي وشلته في يديه

‏ " ما أطرد المقفي ليا صفط شراعه ‏ مخبل اللي للمقفين .. تبّا ا ا ا ا عي "

‏اذا اخطا عليك اللي تعده ذرى وحزام ‏لاتشره على اللي ماتعده ولا حاجة

‏التماس العذر لـ الطيب كرامه  ‏اتركوا لاصحابكم مخرج طواري ‏من تعذر جنبوا عنه الملامه  ‏لا تصير حلوقكم مثل البواري  ‏التسامح . . يقفل ابواب الندامه  ‏والعتب بابٍ من ابواب الذواري .

‏بأسم الأله اللي على العرش معبود ‏اللي رفع سبعٍ .. وسبعٍ تحتنا ‏اللي سجد له بآخر الليل داؤد ‏ونزل كتابٍ من حروفه لغتنا ‏الله يجنبنا عمل كل منقود ‏يارب تجعل بالهدى خاتمتنا

‏ماجيتك يوم إنها " ثقال ومّعاسير " ‏وشلون أجي يومها خفاف وهواين

‏يارب انا اخطي بعض الأحيان واتوب ‏واذكر ذنوبي و اتقلب على جنب ‏خلقتني عبدك ولا عندي ذنوب ‏ودي اموت ولا عليه ولا ذنب

‏أخاف لا أخسر حبها العف ، و تروح ‏للي ما يسوى خصلةٍ من شعرها *

ألاقيك في مطلع قصيده ونسمة نود ‏ و فِـ البدر لا ضوّى .. و فـ الورد لا ندّى ‏ وفي حلمي الغادي وفي نصفي المفقود ‏ وليلٍ هقيت إنّه يعدّي ، ولا عدّى

‏ ‏ "مل قلبٍ عذبته التفاصيل الصغار ‏ الظنون ظنونها والأكيد أكيدها"

متى تقبل وأعيد اجمل تفاصيل العمر حولك ؟ ‏ " اشوف إني وحيد وحولي العربان ملتّمه " ‏انا اللي عقب فقدك كل زولٍ احسبه زولك ‏مثل طفلٍ يحسب ان كل من تلبس عباه .. أمه 😔.

‏جليلة نسب ومعربة جدين ‏كاملة الاوصاف ولله الكمال

‏أنا لو ينسيّك الزمن ماني بناسيك ‏محبتك قصة ما أقدر أكتب نهايتها ‏لو الوقت يرجع قبل أعرفك وقبل أجيك ‏وقبل الهقاوي تنثني دون غايتها ‏بروح أنتظر في أول مكانٍ جمعني فيك ‏وبعيد تجربتي معك من بدايتها

‏أشيل ماشالت . . ظهور البعارين ‏ماهوب انا اللي ماتشيله عظامه

‏كل دربٍ يجمعني فيك جيت و تغانمته / أعدّك ربح و غيرك في الدنيا مخاسيري

‏ما يعجبني غير حرٍ ما يهاب الصعاب ‏ بأسه شديدٍ و قلبه لـ الحب — شجاعي

‏يالله يامروي ضمت يابس العود ‏من السحاب اللي مزونه تناشى ‏تروي ضما قلبً من الوقت ملهود ‏لين الهموم اللي بصدري تلاشى ‏ذكرك كما غيثً معه برق وارعود ‏وقلوبنا مثل الصحاري عطاشى

‏مامرتني الذكرى القديمة مرور كرام ‏احس بوجعها ينتشر داخل اعماقي ‏ياحلم الحياه أنا بدونك بدون أحلام ‏يا ويلك من الله كيف تصبر على فراقي ‏كرهت الظروف وسالفة للظروف أحكام ‏أقدر ظروفك وأنت ماتقدر أشواقي ‏يجيني على شوفك مشاعر وله وهيّام ‏وأنا فيك والله مدري ويش انا لاقي

‏آتحاشى - ذكرياتك - بالتناسي والنزوح ‏وآتوارى عن حقيقه قيّدت لي معصمي ‏كلّما عزّمت أنسى رايتي البيضا تلوح ‏والحلول الممكنه خلف القصايد تحتمي مشكلة عقلي نبيه ومشكله قلبي سروح ‏و بين هذا و بين ذاك آتوه وآجن واعتمي ‏آه من طيش الهيام ونزوة القلب اللحوح ‏اكسروني ؛ كسرة الابيات بلسان اعجمي ‏السؤال اللي سلب لُبّ الإجابه:وين اروح ؟ ‏و غربتي غربه مشاعرّ بس لقلبك تنتميّ .

‏المُبالغةُ في الحَمدِ تأتي بأرزاقٍ من حَيث لا تُدرِك