EHS Myanmar

⚠️ လူဦးရေများပြားလာမှု ကမ္ဘာ့လူဦးရေ များသထက်များလာသည်နှင့်အမျှ ဖွံ့ဖြိုးတိုးတက်မှု၊ စက်မှုထွန်းကားမှုတို့ အတူယှဉ်တွဲပါလာပြီး အကျိုးဆက်အနေဖြင့် ကမ္ဘာတစ်ဝှမ်းရှိ ရေဂေဟစနစ်များအား အပြောင်းအလဲများဖြစ်ပေါ်လာကာ ဇီဝမျိုးကွဲအများအပြားကို ဆုံးရှုံးခဲ့ရသည်။ ရေချိုအရင်းအမြစ် ရေရှည်တည်တံ့မှုအတွက်လည်း စိုးရိမ်ရသော အခြေအနေဖြစ်နေပါသည်။ ရေရှားပါးမှုပြဿနာကြောင့် အကျိုးဆက်အနေနှင့် သန်းပေါင်းများစွာသောလူများ ရေပြတ်လပ်ခြင်း၊ ရေတိမ်ဒေသများ ပျောက်ကွယ်လာခြင်း၊ ဂေဟစနစ် ထိခိုက်နေခြင်းများကြုံတွေ့နေရလျက်ရှိသည်မှာ ငြင်းဆိုဖွယ်ရာမရှိပေ။ ❗️သန့်ရှင်းသော ရေချိုရရှိမှုသည် လူသားတို့ ကျန်းမာရေး နှင့် အသက်ရှင်သန်ရေးအတွက် အလွန်ပင်အရေးကြီးသည်။ ရေခမ်းခြောက်လာသဖြင့် လူတို့ သောက်သုံးရန် နှင့် ကောက်ပဲသီးနှံများ စိုက်ပျိုးရန် ရေလုံလောက်စွာမရနိုင်သဖြင့် ကျန်းမာရေးထိခိုက်မှု နှင့် စီးပွါးရေးကျဆင်းမှုများ ဖြစ်ပေါ်လာနိုင်သည်။ ထို့အပြင် သန့်ရှင်းသော မိလ္လာစနစ်မရနိုင်သဖြင့် ကာလဝမ်းရောဂါ၊ အူရောင်ငန်းဖျားရောဂါ နှင့်အခြား ရေကြောင့်ဖြစ်သော ရောဂါများအပါအဝင် သေစေတတ်သော ဝမ်းပျက်ဝမ်းလျှောရောဂါများကို ဖြစ်စေနိုင်သည်။ ❗️ကမ္ဘာ့ရေတိမ်ဒေသများ၏ ထက်ဝက်ခန့်သည် ၁၉၀၀ ခုနှစ်ကတည်းက ဖျက်ဆီးခံခဲ့ရသည်။ ရေတိမ်ဒေသများသည် နို့တိုက်သတ္တဝါများ၊ ငှက်များ၊ ငါးများ နှင့် ကျောရိုးမဲ့သတ္တဝါများအပါဝင် သတ္တဝါမျိုးစိတ်များစွာအတွက် ကျက်စားရာဒေသအဖြစ် ပံ့ပိုးဆောင်ရွက်ပေးနိုင်သည်။ ရေတိမ်ဒေသများသည် ကမ္ဘာ့လူဦးရေထက်ဝက်၏ အစားအစာအတွက် အဓိကကျသော ဆန်စပါးစိုက်ပျိုးမှုကိုလည်း ပံ့ပိုးပေးသည်။ ထို့အပြင် ရေစစ်ထုတ်ခြင်း၊ မုန်တိုင်းကာကွယ်ရေး၊ ရေလွှမ်းမိုးမှုထိန်းချုပ်ခြင်းနှင့် လူသားများကိုအကျိုးပြုသည့် ဂေဟစနစ်ဝန်ဆောင်မှုများစွာကို ပေးဆောင်ပါသည်။ ရေရှားပါးမှုပြဿနာကြောင့် ဤကဲ့သို့ အရေးပါသော ကမ္ဘာ့ရေတိမ်ဒေသများတဖြည်းဖြည်း ပိုမိုပျောက်ကွယ်လာနေပြီဖြစ်သည်။ ❗️ရေရှားပါးလာသောအခါ သဘာဝအတိုင်းတည်ရှိနေသော ဂေဟစနစ်များအား ပျက်စီးစေနိုင်သည်။ အာရှအလယ်ပိုင်းရှိ အာရယ်လ် ပင်လယ်သည် တစ်ချိန်က ကမ္ဘာ့စတုတ္ထအကြီးဆုံး ရေချိုအိုင်ဖြစ်သည်။ သို့သော် ဆည်မြောင်းနှင့် လျှပ်စစ်ဓာတ်အားထုတ်လုပ်ရန် ရေကို လွှဲပေးခြင်းကြောင့် ယခုအခါ အလွန်ညစ်ညမ်းပြီး သမုဒ္ဒရာကဲ့သို့ ငန်နေပြီဖြစ်သည်။ ဤဂေဟဗေဒ ကပ်ဘေးကြောင့် ထိုဒေသတွင် အစာရေစာပြတ်လပ်မှုများဖြစ်ပေါ်ခဲ့ပြီး မွေးကင်းစကလေးသေဆုံးမှု တိုးမြင့်လာကာ အနီးနားရှိ လူဦးရေ၏ လူ့သက်တမ်းကျဆင်းမှုကို ဖြစ်စေခဲ့သည်။ ရေရှားပါးမှု၏ အကျိုးဆက်များကား ဤမျှပင် ထိခိုက်စေနိုင်သည်။ သန့်ရှင်းသော ရေချိုစနစ်များ လုံလောက်စွာရရှိရေးသည် ကျွန်ုပ်တို့ လူသားတွေအတွက်သာမက ဇီဝမျိုးစိတ်အားလုံးနှင့် ဂေဟစနစ် ကောင်းမွန်စွာ လည်ပတ်နိုင်ရန်အတွက်လည်း လွန်စွာအရေးကြီးပါသည်။ ထို့ကြောင့် ရေရှားပါးမှု အခက်အခဲကို သက်သာစေရန် ရေရှည်တည့်တံ့နိုင်သော ရေအသုံးပြုမှုနည်းလမ်းများကို အကောင်အထည်ဖော်ခြင်း၊ သဘာဝပတ်ဝန်းကျင်စိမ်းလန်းစိုပြည်အောင် ထိန်းသိမ်းခြင်း၊ သစ်ပင် သစ်တောများ စိုက်ပျိုး ထူထောင်ခြင်း စသည်တို့ကို အလေးထားဆောင်ရွက်ကြရန် လိုအပ်ပါသည်။ ထိုသို့ ဆောင်ရွက် ခြင်းဖြင့် ရေရှားပါးမှုပြဿနာကို ဖြေရှင်းနိုင်မည့်အပြင် ရာသီဥတုသမမျှတပြီး လူသားများ၏ ကျန်းမာရေးနှင့် စီးပွားရေးကိုပါ အထောက်အကူ ဖြစ်စေပေလိမ့်မည်။ ရေးသားသူ - သင်းသင်းထက်အောင် (EHS Myanmar) ကိုးကား - worldwildlife.org --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #freshwater #waterscarcity #waterscarcityawareness #savewatersavelife

ရေချိုအရင်းအမြစ်ရှားပါးလာမှု အန္တရာယ် ----------------------------------------------- EHS Myanmar | 18.8.2024 ကျွန်ုပ်တို့ ကမ္ဘာ့မြေပုံကို ကြည့်လိုက်လျှင် ကုန်းမြေထက် ရေဖုံးလွှမ်းနေသော နယ်နိမိတ်က ပိုများသည်ကို တွေ့မြင်ကြရပေမည်။ ရေပမာဏ ဤမျှ များပြားသော ကမ္ဘာကြီးပေါ်တွင် ရေရှားပါးမှု ပြဿနာ မကြာခဏ ကြုံတွေ့နေရခြင်းသည် အံ့အားသင့်ဖွယ် ဖြစ်ကောင်းဖြစ်နေပါလိမ့်မည်။ ကမ္ဘာ့မျက်နှာပြင်၏ ၇၀% ကို ရေများဖုံးလွှမ်းထားသော်လည်း ကျွန်ုပ်တို့ နေ့စဉ်ဘဝတွင် အသုံးပြုနိုင်သည့် ရေချိုအရင်းအမြစ် ပမာဏမှာ ၃% သာရှိပါသည်။ ထိုပမာဏထဲမှ ၂% ခန့်သည် ဝင်ရိုးစွန်းဒေသ နှင့် ရေခဲမြစ်များအောက်တွင် အေးခဲနေပြီး အမှန်တကယ် အသုံးပြု၍ရနိုင်သည့် ရေချိုပမာဏမှာ ၁% သာရှိသည်။ ကမ္ဘာတစ်ဝှမ်းတွင် လူဦးရေ ၄ ဘီလီယမ်ခန့်သည် ၁ နှစ်လျှင် အနည်းဆုံး တစ်လခန့် ရေရှားပါးမှုပြဿနာကို ရင်ဆိုင်နေကြရသည်။ ဂေဟစနစ် နှင့် လူသားတို့ ရှင်သန်ရေးအတွက် မရှိမဖြစ်သော ရေစနစ် (Water Systems) များအတွက် စိုးရိမ်ဖွယ်ရာ အခြေအနေများ ဖြစ်ပေါ်လျက်ရှိနေပါသည်။ မြစ်ချောင်းများ၊ ရေကန် နှင့် မြေအောက်ရေများ ခမ်းခြောက်လာနေပြီး၊ အသုံးပြုရန်အတွက်လည်း အလွန်ညစ်ညမ်းလာနေသည်။ ကမ္ဘာ့ရေတိမ်ဒေသ (Wetlands) တစ်ဝက်ကျော်သည်လည်း ပျောက်ကွယ်သွားပြီဖြစ်သည်။ ရာသီဥတုပြောင်းလဲမှုကြောင့် ကမ္ဘာတစ်ဝှမ်းရှိ ရာသီဥတု နှင့် ရေစနစ် (Water Systems) များ ပြောင်းလဲလာပြီး အချို့နေရာများတွင် ရေရှားပါးမှု၊ မိုးခေါင်မှု နှင့် ရေကြီးရေလျှံမှုများ ဖြစ်ပေါ်လျက်ရှိပါသည်။ လက်ရှိသုံးစွဲမှုနှုန်းအတိုင်းဆက်သွားလျှင် အခြေအနေက ပိုဆိုးလာနိုင်ပြီး ၂၀၂၅ ခုနှစ် တွင် ကမ္ဘာ့လူဦးရေ၏ သုံးပုံနှစ်ပုံသည် ရေပြတ်လပ်မှုနှင့် ရင်ဆိုင်ရနိုင်သည်ဟု ခန့်မှန်းထားကြသည်။ ထို့အပြင် ကမ္ဘာတဝှမ်းရှိ ဂေဟစနစ်များ ပိုမိုထိခိုက်လာနိုင်သည့် အခြေအနေတစ်ရပ်ပင်ဖြစ်သည်။ ဤကဲ့သို့ ရေရှားပါးမှုပြဿနာကို ပေါ်ပေါက်လာစေသော အဓိက အကြောင်းအရင်းများမှာ ရာသီဥတုဖောက်ပြန်ခြင်း၊ ရေထုညစ်ညမ်းခြင်း၊ စိုက်ပျိုးရေး နှင့် လူဦးရေးများပြားလာခြင်း တို့ကြောင့်ဖြစ်သည်။ ⚠️ ရာသီဥတုဖောက်ပြန်ခြင်း လူနေမှုအဆင့်အတန်းများ ဖွံ့ဖြိုးတိုးတက်လာသည်နှင့်အမျှ စက်မှုလုပ်ငန်းများလည်း တိုးချဲ့များပြားလာပြီး နေ့စဉ် လေထုထဲသို့ ထုတ်လွှတ်နေသည့် ကာဗွန်ဒိုင်အောက်ဆိုဒ် နှင့် ဖန်လုံအိမ်ဓာတ်ငွေ့များလည်း ပိုမိုတိုးပွားလာသည်။ ၎င်းဖန်လုံအိမ်ဓာတ်ငွေ့များကြောင့် ကမ္ဘာ့ ရာသီဥတုပုံစံ နှင့် ရေစနစ်ပုံစံများတွင် အပြောင်းအလဲများ ဆက်တိုက်ဖြစ်ပေါ်နေသည်။ အချို့နေရာများတွင် ရေခမ်းခြောက်ပြီး၊ တစ်ချိန်တည်းတွင် အခြားတစ်နေရာတွင် ရေကြီးရေလျှံမှုများ ဖြစ်ပေါ်လျက်ရှိသည်။ အချို့နေရာများတွင် ရေခဲပြင် နှင့် ဆီးနှင်းပြင်ကြီးများ အရည်ပျော်ကာ ပျောက်ကွယ်သွားပြီး မြစ်အောက်ပိုင်းတစ်လျှောက် နေထိုင်သူများအတွက် ရေချိုအထောက်အပံ့ရရှိမှုကို ထိခိုက်စေပါသည်။ ဤကဲ့သို့သော ရာသီဥတုဆိုင်ရာ ပြောင်းလဲမှုများကြောင့် ရေချိုပမာဏ နည်းပါးလာပြီး စိုက်ပျိုးရေး၊ စွမ်းအင်ထုတ်လုပ်ရေး၊ မြို့ပြများ နှင့် ကမ္ဘာတစ်ဝှမ်းရှိ ဂေဟစနစ် အတွက် ရေမလုံလောက်မှုများ ဖြစ်ပေါ်လျက်ရှိသည်။ ⚠️ ရေထုညစ်ညမ်းခြင်း စက်မှုလုပ်ငန်းများမှ စွန့်ပစ်ပစ္စည်းများ၊ လူတို့စွန့်ပစ်သော ရေဆိုးများ၊ လယ်ယာသုံး ဓာတ်မြေဩဇာ နှင့် ပိုးသတ်ဆေးများကြောင့် ရေညစ်ညမ်းမှုဖြစ်ပေါ်လာရသည်။ ထိုအညစ်အကြေးများသည် မြေအောက်ရေထဲအထိပင် စိမ့်ဝင်နိုင်ပြီး မြေအောက်ရေညစ်ညမ်းမှုကို ဖြစ်ပေါ်စေသည်။ ရေညစ်ညမ်းမှုကြောင့် သောက်သုံးရန်မသင့်သောအခြေအနေကဲ့သို့ ချက်ချင်းသိသာနိုင်သော အကျိုးဆက်များရှိသလို ပတ်ဝန်းကျင်နှင့် အစာကွင်းဆက်အတွင်း အချိန်ကြာမြင့်စွာတည်ရှိနေပြီးမှ ဖြစ်ပေါ်လာနိုင်သည့် ဆိုးကျိုးများလည်းရှိပါသည်။ ထိုညစ်ညမ်းသော ရေများကို အသုံးပြု၍မရနိုင်ခြင်းသည်လည်း ရေချိုရှားပါးခြင်းပြဿနာ၏ အကြောင်းအရင်းတစ်ရပ်ပင်ဖြစ်သည်။ ⚠️ စိုက်ပျိုးရေး စိုက်ပျိုးရေးသည် ကမ္ဘာ့ရေချိုပမာဏ၏ ၇၀% အား အသုံးပြုလျက်ရှိသည်။ သို့ရာတွင် ယိုစိမ့်နိုင်သော ဆည်မြောင်းစနစ်များ၊ စိုက်ပျိုးရာတွင် ရေကို ထိရောက်စွာ အသုံးမချနိုင်ခြင်း နှင့် ပတ်ဝန်းကျင်ရှိရေများ ခမ်းခြောက်စေနိုင်သော သီးပင်စားပင်များ စိုက်ပျိုးခြင်းတို့ကြောင့် ထိုထဲမှ ၆၀% မှာ အလဟသ ဖြစ်နေရသည်။ ဤကဲ့သို့ ရေဖြုန်းတီးနေမှုများကြောင့် မြစ်များ၊ ရေကန်များနှင့် မြေအောက်ရေများ ခမ်းခြောက်လာနေရသည်။ စိုက်ပျိုးရေးတွင် အသုံးပြုသော ဓာတ်မြေဩဇာနှင့် ပေါင်းသတ်ဆေးများကြောင့် ရေချိုညစ်ညမ်းမှုကို ဖြစ်ပေါ်စေပြီး လူ နှင့် အခြားသက်ရှိမျိုးစိတ်များအတွက်လည်း အန္တရာယ်ဖြစ်စေသည်။ စိုက်ပျိုးရေးသည်လည်း အခြားအရင်းအမြစ်များထက် ရေကို ပိုမိုသုံးစွဲပြီး ထိရောက်မှု မရှိခြင်းကြောင့် ရေဖြုန်းတီးရာရောက်သကဲ့သို့ ဖြစ်နေပြီး ရေရှားပါးမှုကိုဖြစ်ပေါ်စေသော အဓိက အကြောင်းတစ်ခုပင် ဖြစ်သည်။

How many types of freshwater ecosystems do you know? -------------------------------------------------------------- EHS Myanmar | 17.8.2024 ဒီအပတ်မှာတော့ EHS Myanmar ရဲ့ ဩဂုတ်လ အတွက် theme ဖြစ်တဲ့ ရေချိုဂေဟစနစ်နဲ့ ပတ်သတ်ပြီး ဉာဏ်စမ်းလေး တစ်ခုစီစဉ်ထားပါတယ်🤩 ဉာဏ်စမ်းလေးကို မဖြေခင်မှာ ရေချိုဂေဟစနစ်ဆိုတာဘာလဲ။ ရေချိုဂေဟစနစ်အမျိုးအစားတွေက ဘာတွေလဲ ။ ဘာကြောင့် အရေးပါသလဲ ဆိုတဲ့ အကြောင်းတွေကို အရင် ဖတ်ကြည့်လိုက်ကြရအောင်နော်🫢 ရေချိုဂေဟစနစ်ဆိုတာကတော့ သောက်သုံးလိုရတဲ့ရေ၊ ဆားပျော်ဝင်မှု မရှိသလောက်နည်းပါးတဲ့ရေတွေနဲ့ ဖွဲစည်းထားတဲ့ aquatic ecosystem တစ်ခုဖြစ်ပြီး ထိုဂေဟစနစ်တွင် အင်း၊ အိုင်၊ မြစ်ချောင်း၊ ရေကန်များနှင့် ရေလှောင်ကန်များပါဝင်ပါတယ်။ ဒါ့အပြင် ရေချိုဂေဟစနစ်ဟာ ဇီဝမျိုးစုံမျိုးကွဲများနှင့် များပြားလှသော အပင်မျိုးစိတ်တွေအတွက် ရှင်သန်ပေါက်ဖွားရာ ကျက်စားရာနေရာ အဖြစ်၎င်း၊ လူသားများအတွက် သောက်သုံးရေ၊ စိုက်ပျိုးရေး၊ စီးပွားရေးနှင့် အခြားသော ကဏ္ဍများတွင်၎င်း အထောက်အကူပြုလျက်ရှိပါတယ်။ ရေချိုဂေဟစနစ်ကို အခြေခံအားဖြင့် အမျိုးအစား (၃) မျိုးခွဲခြားနိုင်ပါတယ်။ (၁) Lentic (Standing or Slow Moving Water) Lentic ရေချိုဂေဟစနစ်ဆိုတာကတော့ ငြိမ်နေတဲ့ရေ တစ်နည်းအားဖြင့် စီးဆင်းမှု မရှိတဲ့ရေတွေနဲ့ ဖွဲစည်းထားတဲ့ ဂေဟစနစ်ပဲဖြစ်ပါတယ်။ ဥပမာ- ရေကန်များ၊ ရေလှောင်ကန်များ နှင့် ဆည်များ (၂) Lotic (Flowing water) Lotic ရေချိုဂေဟစနစ်ဆိုတာကတော့ စီးဆင်းနေတဲ့ရေတွေနဲ့ ဖွဲစည်းထားတဲ့ ဂေဟစနစ်ပဲဖြစ်ပါတယ်။ ဥပမာ- မြစ်များ၊ ချောင်းများ နှင့် စမ်းများ (၃) Wetlands Wetlands ရေချိုဂေဟစနစ်ဆိုတာကတော့ တစ်နှစ်ပတ်လုံး ရေများဖုံးလွှမ်းထားသော မြေမျက်နှာပြင် ဧရိယာများ သိုမဟုတ် အချိန်အပိုင်းအခြားတစ်ခုထိ စိုစွတ်နေသော မြေမျက်နှာပြင် ဧရိယာများနဲ့ ဖွဲစည်းထားတဲ့ ဂေဟစနစ်ပဲဖြစ်ပါတယ်။ ဥပမာ- အင်း၊ အိုင်၊ စိမ့်‌မြေများ အခုဆိုရင်တော့ ရေချိုဂေဟစနစ်နဲ့ အမျိုးအစားများအကြောင်းကို ဆွေးနွေးပြီးသွားပြီဖြစ်တဲ့အတွက် ဉာဏ်စမ်းလေးကို ဖြေဖို့ အဆင်သင့်ဖြစ်နေလောက်ပြီ ထင်ပါတယ်နော်🤗 ဉာဏ်စမ်းလေးကတော့ အောက်ဖော်ပြပါ ရေချိုဂေဟစနစ် သုံးခုကို အမျိုးအစားမှန်အောင် ပြောပြပေးရမှာဖြစ်ပါတယ်။ ဒီဉာဏ်စမ်းလေးမှာ ပါဝင်ချင်တယ်ဆိုရင်တော့ ရွေးချယ်ထားတဲ့ အဖြေများကို comment section လေးမှာ ဝေမျှပေးရမှာပဲဖြစ်ပါတယ်။ အဖြေများကို ဩဂုတ်လ ၂၁ ရက်နေ့မှာ ဖော်ပြပေးသွားမှာဖြစ်လို EHS Myanmar page ကို စောင့်ကြည့်ဖို မမေ့ကြနဲ့နော် #EHSMyanmar #FreshWaterEcosystem #Environmental #Sustainability #SDG

“International Day for the Conservation of Mangrove Ecosystem 2024” ကို ဂုဏ်ပြုဆင်နွှဲသောအားဖြင့် "မြန်မာ့ကမ်းရိုးတန်း၏ မဟာတံတိုင်းကြီးများ" webinar ကို EHS Myanmar မှ စီစဉ်ပြုလုပ်ခဲ့ပါတယ်။ Webinar မှာ ဆရာစောမျိုး၀င်းဆန်း မျှ‌ဝေပေးခဲ့တဲ့ ဒီရေတောတွေရဲ့ အရေးပါပုံ၊ အကျိုးပြုပုံတွေ နဲ့ ဒီရေတော ထိန်းသိမ်းစောင့်ရှောက်ရေးဆိုင်ရာ အကြောင်းအရာတွေကို webinar ကျင်းပခဲ့တဲ့နေ့က မရောက်လာနိုင်ခဲ့ကြတဲ့သူတွေအပြင် ဒီရေတောနဲ့ပတ်သက်ပြီး စိတ်၀င်စားကြသူများအတွက် ပြန်လည်နားဆင်နိုင်ဖို့ EHS Myanmar ရဲ့ YouTube Channel ဖြစ်တဲ့ EHS Myanmar: Sustainability Channel မှာ တင်ဆက်ထားကြောင်း အသိပေးလိုပါတယ်။ 📎 - https://youtu.be/D6_IvuflbRk?si=qgHPS0BP2LU6Jqs7 နောက်အပတ်တွေမှာလည်း EHS Myanmar က စီစဥ်ကျင်းပခဲ့တဲ့ Webinar တွေနဲ့ Bootcamp တွေမှာ သဘာ၀ပတ်၀န်းကျင်ထိန်းသိမ်းရေးနဲ့ ပတ်သက်ပြီး မျှဝေ၊ ဆွေးနွေးခဲ့တဲ့ အကြောင်းအရာတွေကို EHS Myanmar Youtube Channel မှာ တင်ဆက်ပေးသွားမှာကြောင့် ဆက်လက်စောင့်ကြည့်ပေးဖို့ ဖိတ်ခေါ်လိုက်ပါတယ်။ --------------------------------------------------------------------------- Don't forget to subscribe our YouTube Channel - https://youtube.com/@ehsmyanmar #EHSMyanmar #Sustainability #YouTubeChannel #Podcast

On International Wolf Day, we celebrate the strength, intelligence, and beauty of wolves. 🐺 Let’s work together to protect their wild spaces and coexist with these incredible creatures, preserving their vital role in the ecosystem. #EHSMyanmar #internationalwolfday #wolfconservation #savewolves

မြေအောက်ရေ ညစ်ညမ်းမှု နှင့် လူသားများ၏ ကျန်းမာရေး ----------------------------------------------- EHS Myanmar | 10.8.2024 ကမ္ဘာကို အာကာသထဲကကြည့်လိုက်ရင် မျက်နှာပြင်အနှံ့မှာ အပြာရောင်တော်တော်များများ ဖုံးလွှမ်းနေတာကြောင့် “အပြာရောင်ဂြိုဟ်” (Blue Planet) လို့ ခေါ်လေ့ရှိပါတယ်။ ကမ္ဘာမြေမှာ ကုန်းထုထက်၊ ရေထုက အများကြီးပိုကျယ်တယ်ဆိုတာ လူတိုင်းသိကြပါတယ်။ ရှိတဲ့ ရေထုရဲ့ ၉၇% ဟာလည်း ဆားငန်ရေတွေသာဖြစ်ပြီး၊ ကျန်တဲ့ ၃% ကသာ လူတွေသောက်သုံးလို့ရတဲ့ ရေချိုတွေ ဖြစ်ပါတယ်။ ရေချို ၃% လေးမှာမှ မြေအောက်ရေဟာ ၀.၆၁% ပဲရှိပါတယ်။ ၁% တောင်မရှိတဲ့ ပမာဏဖြစ်ပေမယ့် ကမ္ဘာပေါ်က ဘီလျံနဲ့ချီတဲ့ လူတော်တော်များများက သူတို့ရဲ့ အဓိကသောက်သုံးရေကို မြေအောက်ရေကနေ ရရှိတာပါ။ မြေအောက်ထဲက ရေကြောမှာ စုနေကြတဲ့ ရေတွေက သာမန်အားဖြင့် သောက်သုံး၊ အသုံးပြုဖို့အတွက် သန့်ရှင်းပေမယ့် အခုနောက်ပိုင်းမှာ တဖြည်းဖြည်းနဲ့ ညစ်ညမ်းမှုတွေ ပိုပိုဖြစ်လာပါတယ်။ ဘာတွေကြောင့် ဘယ်လိုဖြစ်လာတာလဲဆိုရင် ထုံးစံအတိုင်း လူသားတွေရဲ့ ဆောင်ရွက်ချက်တွေကြောင့်ပါပဲ။ ဖြစ်စေတဲ့အချက်တွေအများကြီးမှာမှ မြန်မာနိုင်ငံရဲ့ ရှုထောင့်ကနေ မြေအောက်ညစ်ညမ်းမှု ဖြစ်စေတဲ့အရာ (၃) မျိုးကိုပြောပြပါမယ်။ ၁) ဓာတု ပိုးသ/တ်ဆေးများ နှင့် ဓာတု မြေဩဇာများ အလွန်အကျွံအသုံးပြုခြင်း လယ်ယာစိုက်ပျိုးရေးကို အဓိကထားဆောင်ရွက်တဲ့ မြန်မာနိုင်ငံမှာ ကောက်၊ ပဲ၊ သီးနှံတွေ အထွက်တိုးဖို့နဲ့ ကောင်းကောင်းရှင်သန်နိုင်ဖို့အတွက် ဓာတုဓာတ်မြေဩဇာတွေကို အများအပြားအသုံးပြုလာကြပါတယ်။ ဒီအရာတွေက နိုက်ထရိုဂျင်ကိုအခြေခံထားတဲ့ compound တွေဖြစ်တာကြောင့် အပင်တွေကိုဖြန်းတဲ့အခါမှာ တစ်၀က်လောက်ကသာ အပင်အတွက်အသုံးဝင်မှာဖြစ်ပြီး၊ ကျန်တစ်၀က်လောက်ကတော့ မြေပေါ်ကျပြီး၊ မြေဆီလွှာထဲ ဖြည်းဖြည်းချင်းစိမ့်၀င်သွားတဲ့အခါမှာ မြေအောက်ရေကို ညစ်ညမ်းစေပါတယ်။ ၂) စက်ရုံများမှ ဓာတုအညစ်အကြေးများကို စနစ်တကျ မစွန့်ပစ်ခြင်း စက်ရုံတွေကထွက်တဲ့ ဓာတုအညစ်အကြေးတွေမှာ မျိုးစုံသော အန္တရာယ်ရှိတဲ့ အရာတွေပါ၀င်ပါတယ်။ Acid တွေ၊ စွန့်ပစ်ပစ္စည်းတွေကထွက်တဲ့ ရေမှာပျော်ဝင်နိုင်တဲ့ အဆိပ်အတောက်ဖြစ်စေတဲ့ ဓာတ်တွေ အစရှိတဲ့အရာတွေကို စနစ်တကျမစွန့်ပစ်တဲ့အခါ မြေအောက်ရေထိကို ဖြည်းဖြည်းချင်း စိမ့်၀င်သွားပြီး မြေအောက်ရေကိုညစ်ညမ်းစေပါတယ်။ ၃) အမှိုက်ပုံများ မိုးရွာချတဲ့အခါ မိုးရေတွေက အမှိုက်တွေအပေါ်ကိုကျသွားပြီး၊ အဲ့ဒီအမှိုက်တွေမှာပါတဲ့ အဆိပ်အတောက်ဖြစ်စေနိုင်တဲ့ ဓာတုဓာတ်တွေ၊ ဘတ်တီးရီးယားတွေနဲ့ ဗိုင်းရပ်(စ်) တွေနဲ့ထိတွေ့သွားတဲ့အတွက် မိုးရေတွေက ညစ်ညမ်းသွားပါတယ်။ ဒီညစ်ညမ်းသွားတဲ့ရေတွေက မြေအောက်ထဲစိမ့်၀င်သွားတဲ့အခါမှာ မြေအောက်ရေကိုပါ ညစ်ညမ်းသွားစေပါတယ်။ ဒီလိုအကြောင်းအမျိုးမျိုးကြောင့် ညစ်ညမ်းနေတဲ့ရေပမာဏက မြေအောက်ရေထဲကို စိမ့်၀င်တဲ့အခါမှာ နဂိုသန့်ရှင်းတဲ့ မြေအောက်ရေတွေက လူသားတွေအသုံးပြုဖို့ အန္တရာယ်များလာပါတယ်။ ကျန်းမာရေးဆိုင်ရာ ထိခိုက်မှုတွေ ကြီးကြီးမားမားရှိလာနိုင်ပါတယ်။ ညစ်ညမ်းတဲ့မြေအောက်ရေတွေကို အမြဲသောက်သုံးနေမိမယ်ဆိုရင် - ၀မ်းလျှောရောဂါ / ကာလ၀မ်းရောဂါ - ၀မ်းကိုက်ရောဂါ - အူရောင်၀မ်းဖျားရောဂါ တွေဖြစ်နိုင်ပြီး၊ ရေထဲမှာ အဆိပ်အတောက်ဖြစ်တဲ့ ဓာတုဓာတ်တွေများနေမယ်ဆိုရင်လည်း - ကင်ဆာရောဂါ - အာရုံကြောထိခိုက်စေနိုင်တာ - မျိုးပွားခြင်းနဲ့ သက်ဆိုင်တဲ့ ပြဿနာတွေနဲ့ ကြုံရနိုင်ပါတယ်။ ညစ်ညမ်းတဲ့ မြေအောက်ရေတွေနဲ့ ရုပ်ပိုင်းဆိုင်ရာ ထိတွေ့မိမယ်ဆိုရင်တော့ အရေပြားနဲ့ပတ်သက်တဲ့ ပြဿနာတွေကိုပါ ကြုံရနိုင်ပါတယ်။ ဒီလို အန္တရာယ်ကြီးမားတဲ့ နောက်ဆက်တွဲကျန်းမာရေးပြဿနာတွေ အများကြီးမဖြစ်လာအောင် မြေအောက်ရေကို လူသားတစ်ယောက်ချင်းစီတိုင်း သေချာ ထိန်းသိမ်းစောင့်ရှောက်ဖို့ လိုအပ်ပါတယ်။ အခုမျှဝေပေးခဲ့တဲ့ မြေအောက်ရေညစ်ညမ်းစေတဲ့ အချက်တွေကိုသိခြင်းအားဖြင့်၊ ဒီအချက်တွေကို ဘယ်လိုလျှော့ချနိုင်အောင်လုပ်သင့်လဲ၊ ဘာတွေကာကွယ်ဖို့လိုအပ်နေလဲဆိုတာ အတိုင်းအတာတစ်ခုထိ မြင်မိသွားမယ်လို့ ယုံကြည်ပါတယ်။ ရေးသားသူ - Asta (EHS Myanmar) ကိုးကား - cdc.gov , thesustainabilitycloud.com --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #freshwater #undergroundwater #waterconservation #freshwaterconservation #waterpollution

အသုံးမလိုတော့တဲ့ပစ္စည်းတွေကို ပြန်ရောင်းနိုင်မယ့် Platform တစ်ခုအကြောင်း တစေ့တစောင်း မိမိတို့ လုပ်ငန်းခွင်၊ အလုပ်ရုံ၊ အိမ်၊ တစ်နိုင်တစ်ပိုင်စီးပွားရေးလုပ်ငန်းများမှ နေ့စဉ် အသုံးမလိုတော့တဲ့ ပြန်သုံး၍ရသော Waste တွေထွက်ရှိလို့နေပါတယ်။ ဒီအကျိုးဆက်တွေကြောင့် အမှိုက်ပုံရဲ့ ထုထည်ဟာလည်း အရှိန်အဟုန်နှင့်အတူ ကြီးထွားနေပါတယ်။ ဒီလိုပြသနာတွေကိုဖြေရှင်းဖို့ Waste To Wealth လို့ခေါ်တဲ့ Prevent Plastics ကပြုလုပ်ထားတဲ့ Platform တစ်ခုကအသင့်ရှိလို့နေပါတယ်။ မိမိလုပ်ငန်းမှာအသုံးမလိုတော့တဲ့ပစ္စည်းတွေ‌သည် တခြားသူများအဖို့ ဈေး‌သက်သက်သာသာနဲ့ ရရှိနိုင်တဲ့ ကုန်ကြမ်းများဖြစ်လို့နေပါတယ်။ ထို Platform ပေါ်မှာ ရောင်းသူရော ၀ယ်သူရောပါရှိနေပြီး မိမိတို့စိတ်ကြိုက် ရောင်းခွင့်၊၀ယ်ခွင့်ပြုလုပ်နိုင်မှာဖြစ်ပါတယ်။ နေ့စဉ် မိမိလုပ်ငန်းမှထွက်ရှိနေတဲ့အမှိုက်တွေကို ပြန်ရောင်းချင်လို့ပဲဖြစ်ဖြစ်၊ မိမိလုပ်ငန်းအတွက်ကုန်ကြမ်းတွေကို ဈေးသက်သာစွာဖြင့် ဝယ်ယူချင်လို့ပဲ ဖြစ်ဖြစ်၊ Platform အကြောင်းစိတ်၀င်စားလို့ ၀င်ရောက်လေ့လာချင်တာပဲဖြစ်ဖြစ် Waste To Wealth Platform မှာ Register လုပ်ပြီး ၀င်ရောက်လေ့လာနိုင်ပါတယ်။ Platform မှာ ဘာသာစကား၂ခု (မြန်မာ၊English) ဟုထားရှိထားပြီး မိမိအားသန်ရာဘာသာစကားဖြင့်လေ့လာနိုင်တယ်။ 📌 Register လုပ်ရန် https://waste-to-wealth.com/ ----------------------------------------------------------------------- "𝙂𝙖𝙞𝙣𝙞𝙣𝙜 𝙠𝙣𝙤𝙬𝙡𝙚𝙙𝙜𝙚 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙬𝙞𝙨𝙙𝙤𝙢. 𝙎𝙝𝙖𝙧𝙞𝙣𝙜 𝙞𝙩 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙝𝙪𝙢𝙖𝙣𝙞𝙩𝙮." Don't forget us to follow us on instagram - https://www.instagram.com/ehsmyanmar/ #EHSMyanmar #METoME #MicroEffortToMillionEffects #Mediapartnership

ရာသီဥတု ဖောက်ပြန်မှုက ရေချိုဂေဟစနစ်ကို ဘယ်လိုသက်ရောက်မှုရှိနေလဲ? ----------------------------------------------- EHS Myanmar | 7.8.2024 ကမ္ဘာပေါ်ရှိ လူနှင့် သက်ရှိသတ္တဝါများ အသက်ရှင်နေထိုင်ရေးအတွက် ရေသည် မရှိမဖြစ်လိုအပ်သော အခြေခံအကျဆုံး အရာတစ်ခုဖြစ်သည်။ ကမ္ဘာ့မြေမျက်နှာပြင်၏ ၇၀% ကျော်ကိုရေများဖြင့် လွှမ်းခြုံထားသော်လည်း ၎င်းတို့အနက် ၃% ခန့်သာ ရေချိုများဖြစ်သည်။ ကမ္ဘာ့မိုးလေဝသအဖွဲ့၏ အဆိုအရ ကမ္ဘာပေါ်ရှိ ရေချိုပမာဏ၏ ၀.၅% မျှသာ အမှန်တကယ် အသုံးပြု၍ ရကြောင်း သိရှိရပါသည်။ ယနေ့ ကမ္ဘာ့နိုင်ငံအသီးသီးတွင် များစွာကြုံတွေ့ခံစားနေရသော အဓိက ပြဿနာမှာ ရာသီဥတုဖောက်ပြန်ပြောင်းလဲခြင်း (Climate Change) ဖြစ်သည်။ မြန်မာနိုင်ငံအပါအဝင် ကမ္ဘာ့နိုင်ငံအများစုတွင် မိုးခေါင်ခြင်း၊ ပူပြင်းခြောက်သွေ့မှုပြင်းထန်လာခြင်း၊ အချိန်အခါမဟုတ်မိုးများခြင်း၊ ရေကြီးခြင်း၊ မုန်တိုင်းများ ဖြစ်ပေါ်မှု များပြားလာခြင်း၊ ရေခဲပြင်ရေခဲတောင်များ အရည်ပျော်မှုကြောင့် ပင်လယ်ရေမျက်နှာပြင် မြင့်တက်လာခြင်း၊ ဆားပေါက်မြေများ များပြားလာခြင်း စသည့်အကြောင်းအရာများကြောင့် ရေချိုပမာဏ ရရှိမှုမှာ နည်းပါးလာသည်။ ထို့ကြောင့် ၂၀၅၀ ခုနှစ်ရောက်သည့်အခါ ကမ္ဘာ့လူဦးရေ၏ သုံးပုံနှစ်ပုံ (၅ ဘီလီလျံ) ခန့်သည် အနည်းဆုံး တစ်လကြာ ရေပြတ်လပ်မှုကို ကြုံတွေ့ရနိုင်သည်ဟု ကမ္ဘာ့ကုလသမဂ္ဂက ကြိုတင်ခန့်မှန်းထားသည်။ ဤသို့ ရာသီဥတုဖောက်ပြန်ပြောင်းလဲခြင်းသည် ကျွန်ုပ်တို့ နေထိုင်ရာ ကမ္ဘာမြေကြီးအတွက် စိန်ခေါ်မှုဖြစ်သည့်အပြင် လူသားများနှင့် သက်ရှိသတ္တဝါများစွာအတွက် မရှိမဖြစ်လိုအပ်သော မြစ်၊ ချောင်း၊ အင်းအိုင်၊ ရေကန်များ နှင့် ရေချိုအရင်းအမြစ် ဂေဟစနစ်ကို ခြိမ်းခြောက်နေသည့် အရာတစ်ခုဖြစ်သည်။ ရာသီဥတုပြောင်းလဲမှု၏ တိုက်ရိုက်အကျိုးဆက်များထဲမှ တစ်ခုမှာ မိုးရွာသွန်းမှုပုံစံများ ပြောင်းလဲလာခြင်းဖြစ်သည်။ အချို့ဒေသများတွင် မိုးသည်းထန်းစွာရွာသန်းပြီး ရေကြီးရေလျှံမှုများ ပိုမိုကြုံတွေ့ရပြီး အချို့ဒေသများတွင်မူ ကာလကြာရှည်စွာ မိုးခေါင်မှုကို ကြုံတွေ့ရသည်။ ထိုမှတစ်ဆင့် ရေချိုအရင်းအမြစ်များ၏ သဘာဝအတိုင်း ပြန်လည်ဖြည့်တင်းမှုကို အနှောင့်အယှက်ဖြစ်စေပြီး ရေချိုရရှိမှုကို ထိခိုက်စေသည်။ ကမ္ဘာကြီးပူနွေးလာမှုကြောင့် ကမ္ဘာတစ်ဝှမ်းတွင် တစ်နှစ်ထက်တစ်နှစ် အပူချိန် ပိုမိုမြင့်မားလာသည်။ ဤသို့ ကမ္ဘာကြီးပူနွေးလာမှုသည် ရေခဲတောင်များနှင့်ရေခဲပြင်များကို အရည်ပျော်စေပြီး ပင်လယ်ရေမျက်နှာပြင်ကို မြင့်တက်စေသည်။ ထို့အပြင် ပူပြင်းသောအပူချိန်သည် ရေကန်များ နှင့် မြစ်များ၏ အငွေ့ပျံနှုန်းကို ပို၍တိုးမြင့်စေပြီး ပင်လယ်ရေသည် ကမ်းရိုးတန်း ရေတိမ်လွှာများအတွင်းသို့ ဝင်ရောက်လာကာ ရေချိုနေရာများတွင် ပင်လယ်ဆားငန်ဓာတ်များ တိုးလာစေသည်။ ရာသီဥတုဖောက်ပြန်ပြောင်းလဲမှုကြောင့် ရေချိုရရှိနိုင်မှုနည်းပါးခြင်းနှင့် ရေအရည်အသွေးပြောင်းလဲမှုများသည် သောက်သုံးရေထောက်ပံ့မှုများ၊ စိုက်ပျိုးရေးနှင့် စက်မှုလုပ်ငန်းများတွင် ရေအသုံးပြုမှုကို ထိခိုက်စေနိုင်သည့်အပြင် လူမှုအသိုက်အဝန်းအတွက် ကျန်းမာရေး အန္တရာယ်များလည် ဖြစ်ပေါ်စေနိုင်သည်။ ထို့ကြောင့် လူနှင့်သက်ရှိသတ္တဝါများ အသက်ရှင်နေထိုင်ရန်အတွက် ရေချိုဂေဟစနစ်များကို ထိန်းသိမ်းကာကွယ်ရန်အတွက် ကျွန်ုပ်တို့ နေ့စဉ်ဘဝတွင် ရေအသုံးပြုမှုကို လျှော့ချခြင်း၊ ဖန်လုံအိမ်ဓာတ်ငွေ့ထုတ်လွှတ်မှုကိုလျှော့ချခြင်း၊ ရေအသုံးပြုမှုအသိပညာပေးလုပ်ငန်းများ မြှင့်တင်ခြင်း၊ ရေသိုလှောင်မှုနှင့်ဖြန့်ဖြူးရေး အခြေခံအဆောက်အအုံများ တိုးမြှင့်ခြင်း၊ ရာသီဥတုဖောက်ပြန်ပြောင်းလဲမှုကို လျော့ပါးစေရန် ရေရှည်တည်တံ့သောဖွံ့ဖြိုးရေးလုပ်ငန်းများ ဆောင်ရွက်ခြင်းနှင့် အနာဂတ်မျိုးဆက်များအတွက် ရေချိုအရင်းအမြစ်များ ရရှိရန် ကာကွယ်ကူညီပေးရန်မှာလည်း အရေးကြီးပါသည်။ ဤသို့ ရာသီဥတုဖောက်ပြန် စိန်ခေါ်မှုများကြားမှ သန့်ရှင်းပြီး ကျန်းမာသော ရေချိုဂေဟစနစ်များကို ရှင်သန်ကြီးထွားလာစေရန် လူထုအားအသိပညာပေးကာ တကူတကွလုပ်ဆောင်ကြပါစို့။ ရေးသားသူ - Kyaw Naing (EHS Myanmar) ကိုးကား - www.usbr.gov, www.nationalgeographic.org, myanamr.un.org, www.seametrics.com --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #FreshWaterEcosystem #freshwater #climatechange #freshwaterconservation

အဏ္ဏဝါဂေဟစနစ်နဲ့ပတ်သက်ပြီး သင်ဗဟုသုတ ဘယ်လောက်ကြွယ်ဝလဲဆိုတာ ဆန်းစစ်ကြည့်ရအောင်။ ဒီနေ့မှာတော့ အဏ္ဏဝါဂေဟစနစ်နဲ့ သက်ဆိုင်တဲ့ မေးခွန်းလေးတွေကို ပြင်ထားပေးပါတယ်။ ရွေးချယ်ပြီး ဖြေရတဲ့ မေးခွန်းလေးတွေဖြစ်တာမို့လို့ ပေါ့ပေါ့ပါးပါးနဲ့ လွယ်လွယ်ကူကူဖြေဆိုနိုင်မှာပါ။ ပုံတစ်ပုံချင်းစီရဲ့အောက်မှာ သက်ဆိုင်ရာမေးခွန်းနဲ့ အဖြေပါ ဖော်ပြထားတာမို့လို့ မသိသေးတဲ့ အကြောင်းအရာထဲကဆိုရင်လည်း ဗဟုသုတတိုးပွားသွားမယ်လို့ ယုံကြည်ပါတယ်။ နောက်ပြီး ဘယ်နှခု အဖြေမှန်ခဲ့လဲဆိုတာကို comment မှာ ရေးသွားပေးပါဦးနော်။ ပိုးစုန်းကြူး (EHS Myanmar) မှ စုစည်းတင်ဆက်သည်။ ကိုးကား - WWF, National Geographic, UNESCO, Conserveturtles,Lampipark --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #MarineEcosystem #MarineLife #savemarinelife #marineconservation

EHS Myanmar's Monthly Theme: What is it for August? -------------------------------------------------- 🇲🇲 EHS Myanmar မှ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှုပန်းတိုင် (Sustainable Development Goals) များကို အထောက်အကူပြုစေရန် ရည်ရွယ်၍ တစ်လနှင့်တစ်လ မတူညီသော ခေါင်းစဥ် (Theme) များကို အလှည့်ကျဖြင့် Knowledge Sharing များ ပြုလုပ်ပေးနေပါသည်။ 🌧မိုးရာသီဖြစ်တဲ့လျှောက် ရေကြီးရေလျှံမှုတွေနဲ့အတူရေချိုထိန်းသိမ်ရေးအတွက် "Fresh Water Ecosystem - August" Theme ကိုရွေးချယ်ထားပါသည်။ 🫗ရာသီဥတုဖောက်ပြန်ပြောင်းလာမှုနဲ့အတူ မိုးသည်းထန်ရွာရွာသွန်းခြင်းတို့ကြောင့် လူသားတွေအပြင် ရေပေါ်ရေအောက်သက်ရှိလောက တို့အတွက် ထိန်းသိမ်းစောင့်ရှောက်ခြင်းတို့ အပြင် လူသားတွေအသက်ရှင်ဖို့ အတွက်မရှိမဖြစ်လိုအပ်တဲ့ ရေချိုများ၏အရေးပါပုံ နှင့် ရေချိုဂေဟဗေဒစနစ်တို့ နှင့်ဆက်စပ်တဲ့ အကြောင်းအရာတွေကို ယခု Theme ဖြင့် ဆောင်းပါးများရေးသားခြင်း၊ Content များဖန်တီးခြင်း၊ အွန်လိုင်းဟောပြောပွဲများလုပ်ဆောင်ခြင်း၊ အွန်လိုင်းကမ်းပိန်းများစီစဉ်ခြင်း၊ Instagram တွင် Post အသစ်များရေးသားခြင်း စသည့် နည်းလမ်းများဖြင့် အသိပညာများရရှိအောင်ကြိုးစားပေးသွားမှာ ဖြစ်ပါသည်။ 😍 Fresh Water Ecosystem - August နှင့်ပတ်သတ်ပြီး စိတ်ဝင်စားလို့ လေ့လာသင်ယူချင်တယ်ဆိုရင်တော့ EHS Myanmar page ကို see first လုပ်ထားဖို့မမေ့ပါနဲ့ဦး။ ----------------------------------------------------------------------- "𝙂𝙖𝙞𝙣𝙞𝙣𝙜 𝙠𝙣𝙤𝙬𝙡𝙚𝙙𝙜𝙚 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙬𝙞𝙨𝙙𝙤𝙢. 𝙎𝙝𝙖𝙧𝙞𝙣𝙜 𝙞𝙩 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙝𝙪𝙢𝙖𝙣𝙞𝙩𝙮." Don't forget us to follow us on instagram - https://www.instagram.com/ehsmyanmar/ #EHSMyanmar #environmental #sustainability #marine #ecosystem #SDG

Celebrating Clouded Leopard Day! 🐆 Join us in raising awareness and protecting these magnificent creatures. Let's work together to ensure a future where they can thrive in the wild. #EHSMyanmar CloudedLeopardDay #WildlifeConservation #WildlifeProtection

Employee announcement - Operations Department ——————————————————————— EHS Myanmar- 27/07/2024 မောင်အောင်သူသည် အသက်(၁၈)နှစ်အရွယ် ကတည်းကပင် အကျိုးအမြတ်မယူသော လူမှုအဖွဲ့အစည်းတွင် စေတနာ့ဝန်ထမ်းအဖြစ် စတင်တာဝန်ထမ်းဆောင်ခဲ့ပြီး ရပ်ရွာဒေသဖွံ့ဖြို့ရေး လုပ်ငန်းများကို လုပ်ဆောင်ခဲ့ပါသည်။ သူသည် ကျား/မရေးရာတန်းတူညီမျှမှု ရရှိရေး ၊ အမျိုးသမီးသမီးများနှင့် ကလေးသူငယ်အခွင့်အရေးများရရှိခြင်းနှင့် အကြမ်းဖက်ဖက်မှုများ လျော့နည်းလာခြင်း အစရှိသော လူမှုဖွံဖြိုးရေးလုပ်ငန်းများနှင့် လူသားချင်းစာနာမှုဆိုင်ရာ စီမံချက်၊ ပရောဂျက်များတွင်လည်း တာဝန်ယူ လုပ်ဆောင်လျက်ရှိပါသည်။ အောင်သူသည် မတူညီသော အခန်းကဏ္ဍအသီးသီးမှတဆင့် မိမိ၏ စွမ်းဆောင်ရည်များကို မြင့်တင်လိုသောကြောင့် EHS Myanmar အဖွဲအစည်းတွင် သဘာဝပတ်ဝန်းကျင်ထိန်းသိမ်းရေး (Environmental Conservation) ၏ အရေးပါမှုကို မြှင့်တင်နိုင်ရန်နှင့် သဘာဝပတ်ဝန်းကျင်ထိန်းသိမ်းရေး အသိပညာရပ်များ ဝေမျှနိုင်ရန် လစဉ် အွန်လိုင်းပညာပေးဆွေးနွေးပွဲများနှင့် လှုံ့ဆော်မှု ကမ်ပိန်းများကိုလည်း ကို ပါဝင်လုပ်ကိုင်လျက်ရှိပြီး EHS Myanmar မှ ဖွင့်လှစ်သင်ကြားသည့် သင်တန်းများတွင်လည်း သင်ကြားရေးလက်ထောက် (Teaching Assistant) အဖြစ် လုပ်ဆောင်ပေးလျက်ရှိပါသည်။ သူသည် EHS Myanmar ၏ Capacity Building Training များ နှင့် Soft Skill Training ပေါင်းများစွာကိုလည်း တက်ရောက်အောင်မြင်ခဲ့သူတစ်ယောက်ဖြစ်ပါသည်။ အောင်သူသည် EHS Myanmar ၏ Operations Department တွင် အလုပ်သင် (Operations Intern) အဖြစ် ၆ လ လုပ်ကိုင်ပြီးနောက် ယခုအခါ The Environment, Health, and Safety Myanmar (EHS-Myanmar) ၏ Project Assistant ရာထူးဖြင့် အဖွဲ၏ ပရောဂျက်များ၊ သဘာဝပတ်ဝန်းကျင်ပညာပေးခြင်းလုပ်ငန်းများတွင် ပါဝင်လုပ်ကိုင်လျက်ရှိပါသည်။ #EHSMyanmar #EmployeeAnnouncement #projectassistant #operationsdepartment