Cyber Youth Cambodia (Channel)

ក្រុមហេគឃ័រ (Hackers) បានប្រើប្រាស់កម្មវិធីបញ្ញាសិប្បនិម្មិត (AI agent) របស់ប្រទេសចិន ដើម្បីវាយប្រហារលើធនាគារធំៗបំផុតរបស់ប្រទេសកូរ៉េខាងត្បូង និងបានលួចទិន្នន័យផ្ទាល់ខ្លួនរបស់មនុស្សចំនួន ៦៨.០០០ នាក់ ដែលនេះជាការកត់សម្គាល់នូវការឈ្លានពានដំបូងៗបំផុតមួយដោយប្រើ AI ចូលទៅក្នុងប្រព័ន្ធហិរញ្ញវត្ថុសកល។ ក្រុមអ្នកស៊ើបអង្កេតនៅទីក្រុងសេអ៊ូលបានឱ្យដឹងថា ការវាយប្រហារដែលត្រូវបានរកឃើញដំបូងកាលពីសប្តាហ៍មុននោះ បានប៉ះពាល់ដល់ក្រុមហ៊ុនហិរញ្ញវត្ថុកូរ៉េខាងត្បូងយ៉ាងហោចណាស់ចំនួន ៧ ហើយបានបន្សល់ទុកនូវស្លាកស្នាមនៃឧបករណ៍សន្តិសុខតាមប្រព័ន្ធអ៊ីនធឺណិតឈ្មោះ Artex AI ដែលត្រូវបានបង្កើតឡើងនៅក្នុងប្រទេសចិន។ អង្គភាពប្រឆាំងអំពើភេរវកម្មតាមប្រព័ន្ធអ៊ីនធឺណិតនៃទីភ្នាក់ងារនគរបាលជាតិ បាននិយាយកាលពីថ្ងៃអង្គារថា ខ្លួនបានបើកការស៊ើបអង្កេតលើការលួចចូលប្រព័ន្ធនេះហើយ... Artex គឺជាកម្មវិធី AI ប្រភពបើកចំហ (open-source AI agent) ដែលបង្កើតឡើងដោយលោក Li Puhua ដែលជាវិស្វករសន្តិសុខតាមប្រព័ន្ធអ៊ីនធឺណិតជនជាតិចិនម្នាក់ ដោយប្រើឈ្មោះក្លែងក្លាយថា Autumn។ Open-source មានន័យថា វាអាចទាញយក និងយកទៅកែច្នៃប្រើប្រាស់បានដោយឥតគិតថ្លៃ។ @OUPNarith