SALOMATLIK SABOQLARI |Tibbiy maslahat kanal

Наманганда РШТЁИМ Наманган филиалида «Алиментар семизлик» хасталиги билан азият чекаётган беморларни юқори технологик жарроҳлик йўли билан даволаш йўлга қўйилди. Бемор Т. Х. 44 ёш. Беморни ортиқча вазн безовта қилиб келган. Ўтказилган бариатрик жарроҳлик  (SLEEVE - ошқозон кичрайтириш) амалиётидан сўнг беморнинг вазни 134 кгдан 100 кг  га камайган. Бемор ҳозирда соғлом турмуш тарзида яшамоқда. Бариатрик амалиётга кўрсатмаси мавжуд бўлган беморлар  РШТЁИМ Наманган филиалига мурожаат қилишлари мумкин!!! Тел факс: 782230581 Тел моб:  942743797 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❗️Буни билишингиз керак! 🌐 ЖССТ маълумотларига кўра, 2022 йилда 5 ёшгача бўлган 37 миллион нафар бола ортиқча вазнга эга эди ва 5 ёшдан 19 ёшгача 390 миллион нафардан ортиқ болалар ва ўсмирлар ортиқча вазнли ҳамда улардан 160 миллион нафари семизликдан азият чекарди. ❓Хўш, болалар нима сабабдан семириб кетишади? ❓Семизлик қандай оқибатларга олиб келади ва қайси касалликларни келтириб чиқариши мумкин? ❓Ортиқча вазнли болаларни қандай парвариш қилиш керак? ❓Уларни овқатлантиришда нималарга аҳамият бериш лозим?

👩🏻‍⚕️ Бу саволларга Республика ихтисослаштирилган эндокринология илмий-амалий тиббиёт маркази Болалар эндокринологияси бўлими мудири, тиббиёт фанлари номзоди Мухлиса Шорихсиева батафсил жавоб берди.

©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

ТАКОМИЛЛАШАЁТГАН ТЕЗКОР ВА МАЛАКАЛИ ТИББИЙ ХИЗМАТ Сўнгги йилларда тиббиётнинг муҳим тармоқларидан бири - тез тиббий хизмат кўрсатиш тизими тобора такомиллашиб бормоқда. Бу борада  Президентимизнинг 2022 йил 16 июндаги “Аҳолига тез тиббий ёрдам кўрсатиш тизимини такомиллаштириш тўғрисида”ги қарорида белгиланган вазифаларнинг ҳаётга татбиқ этилиши соҳа ишини янги босқичга кўтаряпти. Республика тез тиббий  ёрдам маркази Наманган филиалида оммавий ахборот воситалари вакиллари учун ташкилланган навбатдаги пресс-турда шулар ҳақида батафсил маълумот олинди. Иштирокчилар дастлаб филиалнинг узлуксиз хизмат кўрсатиш инфратузилмаси, «Call-марказ», шунингдек, Наманган шаҳар тез тиббий ёрдам маркази ва иншоотлари, автомобиль парки  фаолияти билан яқиндан танишдилар. РШТЁИМ Наманган филиали мажлислар залида кечган анжуманда РТТЁМ Наманган филали масъуллари вилоятда тез тиббий ёрдам хизматини кўрсатиш юзасидан амалга оширилаётган ишлар хусусида маълумот бердилар. Филиал раҳбари Адҳамжон Ирисбоевнинг таъкидлашича,  1 та тез тиббий ёрдам станцияси, 15 та шохобча ва 129 та постларда 234 та тез тиббий ёрдам бригадаси кечаю кундуз аҳоли хизматида. Энг замонавий хорижий автомашиналарда чақирувлар бўйича тезкор тиббий хизмат кўрсатилмоқда. Келгусида тиббиётнинг мазкур тармоғи янада такомиллашади. Тез тиббий ёрдам бригадалари иши янада яхшиланади, вилоят ихтисослаштирилган кардиология илмий-амалий тиббиёт маркази билан масофавий диагностика йўлга қўйилади. Хитойнинг «Citis» компанияси билан  ҳамкорликда янада замонавий «Салл-маркази» барпо этилади. Пресс-тур қатнашчилари кадрлар малакасини ошириш, фаолият доирасини кенгайтириш, 112 хизмати билан интеграциялашув, муаммоли вазиятларни бартараф этиш каби саволларга жавоб олишди. 📝 Namangantoday ➡️ Обуна бўлинг ➡️https://t.me/namangantoday

❗️Буни билишингиз керак! 📋 Деярли ҳар доим қандли диабетдан аввал диабет олди — организмда биринчи патологик ўзгаришлар бошланадиган ҳолат пайдо бўлади. Шу ҳолатни ўз вақтида ташхислаш ва даволаш орқали саломатликни яхшилаш ва хавфли асоратлар ривожланишининг олдини олиш мумкин. 👩🏻‍⚕️

Бу ҳақда Республика ихтисослаштирилган эндокринология илмий-амалий тиббиёт маркази шифокори, тиббиёт фанлари номзоди Нозимахон Назарова батафсил маълумот берди

. ©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❕Шивитли чой овқат ҳазм қилиш муаммоларини енгиллаштиради ▪️ Шивитли чой ошқозон ярасини "тинчлантиради" ва ошқозондаги кислоталилик муҳитини нормаллаштиради, шу билан бирга қорин бўшлиғи мушакларини бўшаштиради ва газ ҳосил бўлишини камайтиради. ▪️Бу ичимлик таркибидаги антиоксидантлар танага турли хил ичак инфекцияларига қарши курашишда ёрдам беради, бу овқат ҳазм қилиш органларининг ва умуман тананинг соғлиғини яхшилайди. 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❗️Буни билишингиз керак! 💐 Аллергия энг кенг тарқалган сурункали касалликлардан бири. У мураккаб хасталик бўлиб, иммунитет тизимининг атроф-муҳитнинг баъзи таркибий қисмларига юқори сезувчанлиги билан юзага келадиган ҳолатдир. 🌐 ЖССТ маълумотларига кўра, дунёда ҳар тўртинчи бола аллергиядан азият чекади. 🐝 Ҳашаротларнинг заҳри баъзи одамларда оғир ва ҳатто ҳалокатли реакцияларга олиб келиши мумкин. Инсект аллергия деб аталувчи бу хасталик ёз фаслида зўрайиши мумкин. Профилактика эса бу касалликнинг нохуш аломатларидан ҳимояланишга ёрдам беради. 👩🏻‍⚕️ Шундай экан, Республика ихтисослаштирилган аллергология ва клиник иммунология илмий-амалий тиббиёт маркази шифокори Шаҳло Ишмуҳамедованинг бу борадаги тавсияларига қулоқ тутамиз. ©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

☪️ Ийдул Азҳо- Қурбон ҳайити муборак бўлсин! 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❗️Буни билишингиз керак! 🌐 Жаҳон соғлиқни сақлаш ташкилотининг жорий йилда янгиланган ҳисоботига кўра, 2019 йилда дунёда астма билан касалланганлар сони 262 миллион нафарни ташкил қилган. Астма жиддий касаллик, аммо тўғри даволаш йўли билан уни назорат остида ушлаб туриш мумкин. 🌞 Афсуски, ёзнинг жазирама иссиқ кунлари бронхиал астма билан оғриган беморлар учун маълум қийинчиликлар вужудга келади. Аммо керакли эҳтиёт чораларини кўриш орқали уларни енгиллаштириш мумкин. 👩🏻‍⚕️ Бу борадаги тавсиялар билан эса Республика ихтисослаштирилган аллергология ва клиник иммунология илмий-амалий тиббиёт маркази шифокори Шаҳло Ишмуҳамедова бўлишди. ©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Буни билишингиз керак! ❓Кимлар аъзо ва тўқималар бўйича донор бўлиши мумкин? ❓Донорлик учун қандай қарши кўрсатмалар бор? ❓Юртимизда трансплантация амалиётларининг амалга оширилиши қандай кечмоқда? ✅ Ушбу саволларга академик В.Воҳидов номидаги Республика ихтисослаштирилган хируругия илмий-амалий тиббиёт маркази трансплантологи Акром Аҳмедов батафсил жавоб беради. ©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Эртаки тарвуздан заҳарланмаслик учун уни қандай тўғри танлаш керак? Кимёвий ўғитлар билан ҳаддан ортиқ ишлов берилган тарвузлар инсон саломатлигига жиддий хавф туғдириши мумкин. Тарвуз сотиб олаётганда маҳсулотнинг бутунлигига, чиримаганига ва кимёвий ўғитлар билан меъёрдан ортиқ тўйинтирилмаганига эътибор қаратиш керак. Агар таркибида нитрат моддаси меъёрдан ортиқ бўлган тарвуз истеъмол қилинса, унинг нохуш белгилари 4-6 соатдан кейин пайдо бўлади. Бундай ҳолатда кўнгил айниши, қусиш, ич кетиши, қорин ва бош оғриғи, тана ҳароратининг 38-39 даражагача кўтарилиши каби аломатлар кузатилиши мумкин. Заҳарланиш белгилари пайдо бўлса, дарҳол шифокорга мурожаат қилиш лозим. ©️Соғлиқни сақлаш вазирлиги 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❗️Кучли бош оғриғи, нутқ бузилиши, вақтинча кўрмаслик... Бу — кўз мигрени аломатлари бўлиши мумкин 📌 Кўз – инсон танасидаги энг нозик аъзо. Шу боис уни парваришлаш ва зарур озуқа моддалари билан таъминлаш алоҳида эътиборни талаб қилади. Акс ҳолда турли муаммолар кузатилиши ҳеч гап эмас. Шулардан бири кўз мигренидир. Хўш, у қандай касаллик? Кўз мигренининг келиб чиқишига қандай омиллар сабаб бўлади?

Ушбу саволларга Республика кўз касалликлари клиник шифохонаси шифокори Мавжуда Жунадуллаева жавоб берди.

🤕 — Мигреннинг бир нечта тури мавжуд. Уларнинг сабаблари, кечиши ва бошқа симптомлари ўхшаш ёки бир-биридан фарқланади, — дейди мутахассис. 👁 — Кўз мигрени эса мигреннинг бир тури бўлиб, бунда бош ва кўзнинг оғриши, кўнгил айниши билан бирга, кўриш майдонида ўзига хос ўзгаришлар кузатилади. Баъзи беморларда кўз тирқиши қисилиши, кўз ҳаракати чекланиши ва нарсаларнинг иккита бўлиб кўриниши (диплопия) рўй беради. 🥞 Касаллик бир неча босқичларда ривожланади. Аввалига беморда чарчоқ, уйқу босиши, кўп эснаш, чанқаш, ширинликка бўлган эҳтиёж кучаяди. Ёруғлик ва баланд товушлар беморга ёқмайди. Бошнинг энса қисмида тиришиш кузатилиб, бу ҳолат 1 соатдан 2-3 кунгача давом этиши мумкин. 👀 Кейинги босқичда кўз олдида ялтироқ доғлар ва ёруғлик чақнаши билан бирга, кўриш майдонида нуқсонлар юзага келади ва объектлар шакли бузилиши, ҳатто, вақтинча кўрмаслик кузатилади. 🖇 Баъзи беморларда эса нутқ бузилиши, қўлларда увишиш намоён бўлиб, бу симптомларнинг давомийлиги одатда 5-60 дақиқа давом этади. 💊 Учинчи босқичда касаллик бошнинг ярмида кучли оғриқ, кўнгил айниши ва қайт қилиш билан кечиб, кўпинча бош оғриғига қарши препаратлар беморга фойда бермайди. Кучли чарчоқ ва оғриқ туфайли у ухлай олмайди. 🩺 Тўртинчи босқич оғриқлар аста-секинлик билан қайтиши, кўриш қобилиятининг тикланиши билан 2 соатдан 3 кунгача давом этади. 👨🏻‍💻 Кўз мигренининг белгилари беморда мунтазам кузатилмайди ва бу хасталикка барча касб эгалари чалиниши мумкин. Қолаверса, касаллик ёш танламайди, яъни ёш болалар, ҳомиладорлар ва катта ёшли инсонларда ҳам бирдек кузатилади. ❇️ Хасталик хуружи кўпинча қуйидаги сабаблар таъсирида бошланади: 📱 компьютер, телефон ва гаджетлардан узоқ вақт фойдаланиш; 🥱 сурункали чарчоқ ва уйқусизлик; 😔 кучли стресс; 🧪 гормонлар алмашинувининг бузилиши; 💊 айрим дори воситаларининг асорати; 🥮 ширинликка ружу қўйиш; 🩺 кислород етишмаслиги; 🌥 об-ҳаво ўзгаришлари ва бошқалар. 🛏 Касаллик ва хуружларининг олдини олиш учун ўз вақтида дам олиш, ортиқча жисмоний ва ақлий зўриқмаслик, ўткир ҳид ва таъмли маҳсулотларни истеъмол қилмаслик, зарарли одатлар (тамаки чекиш, спиртли ичимликлар ичиш)ни тарк этиш, стресс ҳолатларига тушмаслик, спорт билан мунтазам шуғулланиш, бир сўз билан айтганда соғлом турмуш тарзига риоя қилиш лозим. ‼️ Агар касалликнинг белгилари давом этса, албатта, шифокорга мурожаат қилиш зарур. ©️ Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

«Океан» болалар реабилитация маркази - фарзандингиз саломатлигини тиклашда ва унда сузишга бўлган қизиқишни уйғотишда энг муносиб марказ! 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

🍵Нега одамлар жазирамада иссиқ чой ичади? Бу қанчалик тўғри?

“Ёзнинг иссиқ кунларида иссиқ чой ичиш организмнинг ички ҳароратини мувозанатлаштиришга ёрдам беради. Иссиқ чой ичганда тана терлаш орқали ўз-ўзини совитади ва бу салқинликни ҳис қилишга олиб келади”, - дейди Юнусобод туман тиббиёт бирлашмаси бошлиғи Шоира Абдусаттарова.

Иссиқ чойнинг кўплаб фойдалари бор, жумладан: 🔸Чой антиоксидантлар билан бойитилган, бу эса ҳужайраларни зарарли моддалардан ҳимоя қилади ва қариш жараёнини секинлаштиради. 🔸Иссиқ чой ҳазм қилишни яхшилашга ёрдам беради ва бу жараённи енгиллаштиради. 🔸Кўплаб чой турлари тинчлантирувчи таъсирга эга бўлиб, стресс ва асабийликни камайтиради. Масалан, мойчечакли чой уйқуни яхшилашга ёрдам беради. 🔸Занжабил чойи иммун тизимини мустаҳкамлайди, совқотиш ва инфекцияларга қарши курашади. 🔸Чой юрак-қон томир тизими фаолиятини яхшилаб, қон босимини пасайтиради. ©️Соғлиқни сақлаш вазирлиги 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Президент Шавкат Мирзиёев “Муборак Қурбон ҳайитини нишонлаш тўғрисида”ги қарорни имзолади. Қарорга кўра, 2024 йилда Қурбон ҳайитининг биринчи куни 16 июнь – якшанбага тўғри келиши муносабати билан юртимизда 16 июнь Қурбон ҳайити байрами сифатида нишонланади.  Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июнь – душанба кунига кўчирилади, 18 июнь – сешанба куни барча ходимлар учун қўшимча дам олиш куни бўлади. 📝 Namangantoday ➡️ Обуна бўлинг ➡️https://t.me/namangantoday

#ТАВСИЯ Мошнинг фойдали хусусиятлари Мошда кўп миқдорда мия, юрак ва асаб тизими фаолиятини қўллаб-қувватлаб турувчи фойдали моддалар ― магний, фосфор, калий мавжуд. Агар истеъмол қилинадиган таомлар рўйхатига мунтазам мошли овқат қўшилса, стресс ҳолатларни осонлик билан ўтказиш ва ўзини йўқотмасликка эришилади. Шунингдек, хотира ва кўриш қобилияти яхшиланади, суяклар ва бўғимлар янада мустаҳкамроқ бўлади. Мошда аллергия ва астмани енгишда ёрдам бериш каби шифобахш хусусиятлар ҳам бор. Юртимизда мошдан мошкичири, мошхўрда каби лаззатли таомлар тайёрланади ва хуш кўриб тановул қилинади. 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Бугун кечки ва тунги вақтларда 5—6 баллик геомагнит бўрони бўлиши прогноз қилинмоқда. 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Ёз фаслида саломатликни сақлашнинг 7 муҳим қоидаси Ёзнинг иссиқ ҳарорати инсон танасида айрим муаммоларни келтириб чиқариши мумкин. Шу сабабли бу фаслда гигиена қоидаларига риоя қилиш, нафақат шахсий тозаликни сақлаш, балки касалликларнинг олдини олишда ҳам муҳим аҳамиятга эга. ССВ матбуот хизмати томонидан ушбу қоидалар ҳақида маълумот тақдим этилди. 1. Овқат тайёрлаш ва сақлаш. Биламизки, иссиқ об-ҳавода баъзи озиқ-овқат маҳсулотлари жуда тез айнийди. Шу сабабли доим тоза ва озода жойларда таомланиш, тез бузиладиган маҳсулотлардан сақланиш зарур.   Бозорлар, кўчалар ва йўл ёқаларида сотиладиган уй шароитида тайёрланган овқатлар ҳамда қўлбола ичимликларни асло истеъмол қилманг. Шунингдек, мева ва сабзавотларни яхшилаб ювинг. Гўшт ва сут маҳсулотларини фақат совутгичда сақланг. 2. Сув ҳавзаларида чўмилиш. Чўмилиш ҳавзаларидаги ифлосланган сув ўткир вирусли ичак инфекциялари, гепатит (А, Е), ичбуруғ, ичтерлама, лямблиоз каби хавфли касалликларни келтириб чиқаради. Шунингдек, очиқ сув ҳавзаларида сузиш турли тери хасталиклари, бурун, оғиз ва қулоқ шиллиқ қаватлари яллиғланишига ҳам олиб келиши мумкин. Шу боис доим тоза ва дезинфекция қилинган сунъий сузиш ҳавзаларида чўмилиш лозим. Шахсий сочиқ ва сузиш воситаларини ишлатиш, уларни бегона одамларники билан алмаштирмаслик зарур. 3. Қўлларни тез-тез ювиш. Ёз фаслида совун ва антисептик геллар ёрдамида тез-тез қўлларни ювиб туриш терини озода сақлаб, зарарли бактерия ва вируслардан халос этади. Айниқса, овқатланишдан олдин ва кейин ҳамда ташқаридан уйга келганда бу одатни канда қилмаслик лозим. 4. Илиқ душ қабул қилиш. Жазирама ҳаво терида бактерияларни кўпайтириши мумкин. Шу боис иссиқ кунларда тез-тез илиқ душ қабул қилиш саломатлик учун фойдали. У инсонни тетиклантириб, танадаги ғуборларни кетказади. 5. Ҳожатхонадан фойдаланиш. Жамоат ҳожатхоналаридан фойдалангач, албатта, қўлларни совунлаб ювиш керак. Агар бунга имкон бўлмаса, антисептик воситаларни ишлатиш тавсия этилади. Шунингдек, жамоат жойларида эшик тутқичлари ва умумий фойдаланиладиган буюмларни ушлагандан кейин ҳам қўлларни совунлаб ювиш мақсадга мувофиқ. 6. Тоза сув ичиш. Иссиқ кунлари организм жуда кўп суюқлик талаб қилади. Бундай пайтда, албатта, тоза ва хавфсиз ичимликлар истеъмол қилиш керак. Айниқса, қайнатилган ёки фильтрланган тоза сув ичиш танада суюқлик балансини ушлашга ёрдам беради. 7. Уй ва иш жойида гигиена. Иссиқ кунларда уйларни тозалаш, намликни назорат қилиш ва ҳавони алмаштириб туриш жуда муҳим. Эшик тутқичлари, стол ва бошқа тез ифлосланадиган жойларни дезинфекция воситалари билан тозалаш турли касалликларга чалинишнинг олдини олади. Бундан ташқари, иш жойида шахсий озодаликка риоя қилиш, иш қуролларини доимий тоза сақлаш, хона ҳавосини тез-тез алмаштириб туриш, кондиционер ва вентиляторлардан тўғри фойдаланиш саломатликни сақлашда жуда муҳим. 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

Бахт ва бахтсизлик, омад ва омадсизлик ёнма-ён юради дейдилар. Ҳозиргина кулиб турган кўзларга ғам булути соя ташлаши ҳеч гап эмас экан. Ҳаёт деганлари жуда қизиқ, тасодифларга, қувончу ташвишларга тўла экан. Лекин инсон қачон, қай вақт бўлмасин, ҳамма нарсага ҳатто тақдирнинг оғир синовларига-да бардош беришни билиши ҳам шарт экан. Ҳаётимдан жуда бахтиёр эдим, ишларим юришгандан-юришди. Савдода омадим кулган экан. Давлатманд бўлдим, қўша-қўша машиналар, қасрмонанд уйлар обрўйимга обрў қўшарди. Оиламдан ҳам кўнглим тўқ эди, оқила аёлим, шириндан-шакар фарзандларим бор эди. Мен баъзан туш кўраётганга ўхшардим, уйғониб кетишдан чўчирдим. Кўнглимдаги ғашликнинг боиси бор экан. Боғимдаги гўзал, ақлли, доно гулим, якка-ю ёлғизим Нигора қизимнинг гулдек очилган пайтда хазон каби сўлиб бораётгани ақлу ҳушимни бошимдан учирди. Менга на бойлик, на қувонч татирди, уйқуларим қочди. Шифокорларнинг сўзига қараганда Нигора оққон экан. Бормаган дўхтир, табиб, оёғим етмаган шифохона қолмади ҳисоб. Бор-будимни сарфладим, натижа бўлмади. Чет элдаги номдор профессорларгача бориб маслаҳатларига қулоқ тутдим. Нигора эса кун сайин ҳолсизланиб, кўзини очгани ҳам мадори қолмади. Энг қора кун, мудҳиш фожеа рўй берди. Вужудим парчаланиб кетди. Энди мен ҳеч ким эмасман, инсон боласи учун фарзанд доғини кўриш дўзах оловидан-да кучлироқ эканини биласизми? Телбалардек қичқираман, дунёларига ўт қўйгим келади. Толесизлигимдан, қўлимдан ҳеч нарса келмаслигидан ўкиниб-ўкиниб йиғлайман. Кечалари самога термуламан, наҳотки ажал олдида инсон боласи шунчалар ожиз, нотавон бўлса?! Давлатмандлик ҳам ғурбат экан-да… Ундан кўра бир бурда нонга қорним тўйиб-тўймаса ҳам майли эди, ёлғизгина жигаргўшам ёнимда бўлса қани эди… Оёқ остида думалаб ётган тошга айланиб қолсам эди… Дардимга даво йўқлигини биламан, лекин нима қилай?!! Санжарбек ҲАМИДОВ (NAMANGANTODAY👇) ➥https://t.me/joinchat/AAAAAFDBwzXXvnjbbQ3RmQ

Биласизми? 📌Кунига қанча сув ичиш керак? ✅ Организмдаги сув балансини меъёрда ушлаб туриш учун қанча сув ичган маъқул экани ҳақидаги баҳсларга дуч келиб турамиз. Айрим мутахассислар 2 литр, бошқалари 3 литр, учинчи гуруҳ вакиллари эса эҳтиёжга қараб сув ичиш керак деб таъкидлайди. 🖇 Аслида эса ҳар куни ичиш учун мақбул сув миқдори бўйича умумий битта илмий хулосага келинмаган. Бу марказий асаб тизими ва бир нечта бошқа органларни ўз ичига олган организмдаги сувни тартибга солиш тизимининг мураккаблиги, шунингдек, тананинг индивидуал хусусиятлари билан изоҳланади. 📝 Инсоннинг сувга бўлган эҳтиёжи турли омилларга боғлиқ, уларнинг асосийлари: 🔸 жисмоний фаоллик даражаси; 🔸 атроф муҳитдаги иқлим шароитлари (ҳарорат, намлик даражаси); 🔸 умумий саломатлик ҳолати; 🔸 вазн; 🔸 махсус даврлар (ҳомиладорлик ва эмизиш). 🟢 Одамлар организми турлича бўлгани сабабли, вазн, терлаш, натрий йўқотиш ва иқлим шароитларига қараб эҳтиёжларини аниқлаб олгани фойдали. 👩🏻‍⚕️ Диетологларнинг фикрига кўра, ўртача ҳаво ҳарорати ва ўртача жисмоний фаоллик шароитида кунига ичиш керак бўлган тоза сув миқдорини бир килограмм вазнга 20-40 мл формуласи бўйича ҳисоблаш мумкин. 🧊 Шундай қилиб, катта ёшли эркаклар кунига ўртача 1,75 дан 2 литргача, аёллар 1,4 дан 1,6 литргача, болалар (ёшига қараб) 1 дан 1,6 литргача, ўсмирлар эса бир оз кўпроқ сув ичишлари керак. 🔄 Бу озиқ-овқат таркибидаги сувдан ташқари ўртача ҳисоб бўлиб, у ҳар бир киши учун алоҳида танланиши керак. Экстремал шароитларда танада кунига тахминан 8000 млгача сув йўқотилиши мумкин ва уни керакли миқдорда суюқлик ва электролитлар (натрий, магний, калий, кальций) билан тўлдириб олиш зарур. 🔗 Баъзида танадаги сувнинг умумий миқдори камайиши ёки кўпроқ суюқлик йўқотилиши натижасида сувсизланиш юзага келади. 🔻 Унинг умумий белгилари: 🔹 оғиз бўшлиғи, тил ва кўзларнинг қуруқлиги; 🔹 чанқаш ҳисси; 🔹 бош оғриғи; 🔹 чарчоқ. 📝 Кўп одамлар кунига етарли миқдорда сув ичиш борасида қийналишади. Бу борада кун бўйи тўғри сув ичишни одат қилиб олишга ва гидрация даражасини мувозанатда ушлаб туришга ёрдам берувчи айрим маслаҳатларни келтирамиз: 📎 эрталаб уйғонганингиздан сўнг дарҳол оч қоринга бир стакан илиқ сув (250 мл) ичинг; 📎 ичадиган сувингизни қуйидагича тақсимлаб олинг: тушликдан олдин 500 мл, тушдан кейин кечки овқатгача 500 мл, овқатланаётганда бир стакан; 📎 ҳар сафар чанқаганингизда, ҳатто, кечаси ҳам (лекин ётишдан камида 30 дақиқа олдин) сув ичинг. 🥘 Диетологлар овқатдан олдин, овқат пайтида ва ундан кейин мунтазам тозаланган сув ичишни тавсия қилади. Сувни овқатдан 15-30 дақиқа олдин ичиш идеал вариантдир. Бу ейилган овқатнинг тўлиқ ҳазм бўлишини таъминлайди. Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg

❓Ёзда офтоб уриши... Ундан қандай ҳимояланиш керак? ☀️ Баҳор фаслининг ёмғирли кунларидан сўнг юртимизда иссиқ ёз мавсуми бошланди. Ушбу жазирама фаслда офтоб уриши, халқ тили билан айтганда дам ўтиши энг кўп учрайдиган ҳолатлардан бири. Шу боис ундан сақланиш учун бир неча тавсияларга амал қилиш лозим.

👩🏻‍⚕️ — Ҳар бир фаслнинг инсон саломатлиги учун ижобий ва салбий таъсирлари бор, — дейди Республика шошилинч тиббий ёрдам илмий маркази директори Дониёр Алимов. — Хусусан, ёзда қуёш тиғида узоқ вақт бош яланг ва баданни ҳимоя қилмаган ҳолда қолиш — офтоб уришига сабаб бўлади.

📌 Афсуски, кўпчилик бу ҳолатга “бироз дам ўтибди” дея беписандлик билан қарайди. Аслида эса унга эътиборсиз бўлиш, жиддий оқибатларга олиб келиши мумкин. Чунки қуёш уриши — энг хавфли ҳолат бўлиб, у ташқи термал омиллар таъсирида организмнинг умумий қизиб кетиши ва ҳароратни меъёрда ушлаб туриш қобилиятини йўқотиши натижасида юзага келади. Унинг асосий белгилари қуйидагилар: 🤕 Кучли бош оғриғи; 😓 Терлашнинг тўхташи, тери қуруқ ва қизарган бўлиши; 🫀 Тез ва кучли юрак уриши; 👃Тез-тез нафас олиш; 😮 Ўткир нафас қисиши; 🩺 Бош айланиши; 🤮 Қусиш ёки кўнгил айниши. 🤒 Оғир ҳолатларда эса беморда алаҳсираш кузатилади. Тана ҳарорати, ҳатто, 41-42 даражагача кўтарилиши, чуқур беҳушлик ҳолати кузатилиши мумкин. 🥛 Бундай пайтда беморни, энг аввало, салқин жойга кўчириб ўтказиш лозим. Сўнг горизонтал ҳолда ётқизилиб, оёқларини сал кўтариш, кийимларини ечиш, юзини совуқ сувда ювиш ва бирор хўлланган матони юрак соҳасига қўйиш керак. Шунингдек, унга салқин ичимлик ёки қатиқ ичириш ва зудлик билан шифокорга мурожаат қилиш лозим. Сабаби қуёш урган инсонга шошилинч тиббий ёрдам кўрсатиш зарур.

🥛Иссиқлик уришининг олдини олиш учун бир неча тавсияларга амал қилиш лозим. Хусусан, жазирама кунларда организм кўп сув талаб қилади. Шу боис сувсизланишнинг олдини олиш учун кунига 3 литр миқдорда суюқлик ичиш (совутилган кўк чой, газсиз минерал сув, мевали, кам ёғли сутли ичимликлар) лозим. Тўғри тушадиган қуёш нурларидан сақланиш, ундан ҳимояловчи кремлар, кўзойнаклар ҳамда соябонлардан фойдаланиш керак.

👚 Кўчага чиқаётганда очиқ рангли табиий матодан тикилган енгил либослар ва иссиқдан сақлайдиган бош кийим кийиш зарур. Чунки улар организмни совутиш ва ультрафинафша нурлардан ҳимоялашга ёрдам беради. Ҳаво ҳарорати юқори бўлганда оғир жисмоний ишларни чеклаш ва кўпроқ ёпиқ жойларда бўлиш мақсадга мувофиқ. 👦🏻🧓Ёш болалар, кекса кишилар ва сурункали хасталиклар (юрак-қон томир, эндокрин, нафас олиш аъзолари, метоболик ва руҳий хасталиклар) билан оғрийдиган беморлар иссиқлик уришига кўпроқ мойил. Шу сабабли улар саломатлигини мунтазам кузатиб бориш муҳим. Соғлиқни сақлаш вазирлиги Матбуот хизмати 🖥 Яқинларингизга ҳам юборинг! ➡️ Каналга уланиш 👇👇👇 https://t.me/joinchat/AAAAAEVa57-78oPBBe-vQg