ادبیات سئونلر

ــ  بوی ، باشیما خئییر ، ــ دئدی . ـ لاپ زیندان کیمی دیر . بونو نئجه آپاریم؟  احمد اودون شله سینی بئلینه آلیب ديدی :  ــ ائوینین یئرینی دئ آپاریم . قاری قاباغا دوشدو ، احمده اونون آردینجا یولا دوزلدیلر . بیر آز گئدندن سونرا قاری بیر کومانی گؤستره رک دئدی: ــ بالا ، شله نی قوی یئره ، چاتمیشیق ، بوردان بئله سینی آپارارام .احمد شله نی یئره قویوب قاری ایله خداحافیظ لشدی .  قاری اونا هئچ آللاهین  « ساق اول » نودا دئمَدی    https://t.me/Adabiyyatsevanlar

شاهانه ائله بیل بیردن آییلدی . تلاشلا دئدی :  ــ آمان ، من هاردایام ؟ ایندی دایم منی آختاریر . منی جزالاندیراجاق! ــ دایان چوخ قورخورسان ؟  ــ دایم دن یوخ . آتامین ساراییندا بیر عفریته قاری وار ان چوخ اوندان قورخورام . آتامین ایشی دارا دوشن کیمی ، چاغیریب اونا تاپیشسریق وئریر. قاری جادوسونو ایشه سالیب ، آتامین تاپیشیریغینی یئرینه یئتیریر. ایندی یقین کی، منیم ایتمه ییمی خبر وئریبلر . بو ساعات هارادا اولسا اؤزونو یئتیرجک . سنه ده خطر یئتیره بیلر . هر گون زهله می تؤکور . وزیرین چپ گؤز اوغلونو یانیمدا تعریف له ییر . منیم ایسه اوندان زهلم گيدیر .  قیزین سؤزلری احمدین خوشونا گلمدی . آز قالدی بو سؤزلردن سارسیلسین . اؤزونو توپلاییب دیللندی :  ــ بیر آزدا دایانا بیلمزسنمی؟ احمد بو سؤزلری قملی دئدی . قیزی بیر داها سوزوب دریندن آه چکدی شاهانه آیاغا قالخدی ، الینی هاوادا یئلله یرک : ــ الوداع ، ــ دئدی . سونرا دا دره آشاغی گئتمه یه باشلادی .  احمد چاشیب قالدی . نه ائده جه یینی بیلمه دی . او ، بو تئزلیکله شاهانه دن آیریلماق ایستمیر دی .  احمد :  ــ یاخشی . ایندی کی ، گئدیرسن قوی سنی اؤتوروم ، ــ دئدی .  ــ ایگید اوغلان ، اولماز . سنی منیم یانیمدا گؤررلر. بیزیم گؤروشوموزو کیمسه بیلممه لیدیر . اگر آتام ائشیتسه سنی موکافاتلاندیرماق عوضینه زندانا سالدیرار.  احمد دئدی :  ــ آتانین ظولموندن خبر دارام اونون ظولموندن قاچیب بو داغلاردا مسکن سالمیشیق . آنجاق بورادا دا راحلیق یوخدور .  ــ نییه راحاتلیق یوخدور؟  ــ اونا گؤره کی ، بو داغلار آرخاسیندا بیر دیو یاشاییر . ایلده ایکی دفعه هجوم ائدیب واریمیزی ـ یوخوموزو تالاییب آپاریر . هئچ کس اونونلا باجارا بیلمیر .  دیو آدینی ائشیدن کیمی قورخودان شاهانه نین توکلری بیز ـ بیز اولدو . ــ آمان ، من قورخورام ! ایندی گلر . منی یولا سال .  ــ منیم یانیمدا هئچ ندن قورخما ، ــ  دئیه احمد قیزا بیر قدر ده یاخین گلدی . آیریلیق واختی چاتمیشدی . شاهانه دیللندی :  ــ  منیم خیلاص کاریم ، یاخینا گل .  احمدایره لی یئریدی . شاهانه اونون ساچلارینی اؤز ظریف اللری ایله تومارلایاراق دئدی :  ــ بیلمیرم سنه نه هدیه وئریم؟ آخی منی اؤلومدن قورتاردین ... احمد دئدی :  ــ  هئچ نه ایستمیرم . بومنیم انسانلیق بورجومدور .  قیز ساکیتجه بارماغینداکی اوزویو چیخاریب احمدین بارماغینا تاخماق ایسته دی . احمد الینی گئری چکرک راضیلیق وئرمدی .  قیز قوینوندان قیراغی زر حاشیه لی دستمالی چیخاریب احمدین آچیق یاخاسیندان ایچری سالدی .  احمد: ــ آخی ، دستمال آیریلیق دیر ، ــ دئدی .  شاهانه گولومسه دی: ــ اونو کیم دئییر ؟ یایلیق آیریلق دئییل... احمد دسمالی قوینوندان چیخاریب الینده توتاراق دئدی :  ــ بو دسمالی عؤموروم بویو ساخلایاجاغام . بس منیم یادیگاریم نه اولسون ؟  شاهانه ، اطرافا گؤز گزدیردی . نظرلری سیلدیریم قایاداکی ، تنها ، ظریف آغ چیچه یه ساتاشدی .  ــ باخ ، او چیچه یی در منه وئر ، ــ دئدی . ــ اونو سولماغا قویمایاجاغام . سنین یادگارین کیمی ساخلایاجاغام ،  احمد جلد قایایا دیرمانیب چیچه یی اوزدو . اونو شاهانه یه وئردی . شاهانه آغ چیچه یی یوخاری قالدیراراق ، هاوادا یئلله ده ـ یئلله ده اوزاقلاشدی .احمد ده اونا دسمال یئلله دی . شاهانه گؤزدن ایتینجه یئرینده دونوب قالدی . سانکی ، شاهانه نین سئحریندن چیخا بیلمیردی .  احمدی خیالدان کوپ قاریسی نین دونقولتوسوآییردی . قاری دونقولدانا ـ دونقولدانا دئییردی :  ــ  آها ، دئمک بئله . اودونچو احمدین اشتهاسی نا باخ! شاه قیزینا وورولوب . شاهانه دسمالینی اونا یادیگار ويردی . بونلارین هامیسینی شاها خبر وئرمک لازیمدیر . یاخشی احمد ، شاه قیزینی سئومه یی سنه گؤستره ره م ! سس کسیلدی . احمد کؤنولسوز حالدا بالتانی گؤتوروب قورو اودونلاردان کسدی . شاهانه دن آیریلاندان سونرا ائله بیل گوجدن دوشموشدو .گوج ـ بلا ایله شله سینی دالینا آلیب ائوه یوللاندی . کند یولونا یئنیجه چیخمیشدی کی ، قارشیسینا اوز ـ گؤزوندن زهرمار یاغان بیر قاری چیخدی . دونقولتوسو اوزاقدان ائشیدیلیردی : ــ گؤروم آنان آغلار قالسین ! اوجاغین سؤنسون ! من سنه نئیله میشدیم !  احمد قاری یا یاناشدی :  ــ کیمی قارغیریسان، آی ننه ؟ ــ اود آپارمیش ، گوجله ییغدیغیم چیر ـ چیرپینی الیمدن آلیب قاچدی . گؤروم اونون آناسی آغلار قالسین . سن بویدا اوغلان ایدی  احمدین اوره یی یوموشالدی .  ــ ننه جان ، آغلاما . باخ بو شله نی سنه وئره رم . آپار اوجاغینی یاندیر .  قاری آج گؤزلوکله شله نی احمددن آلیب چینینه قالدیرماق ایسته دی . آنجاق شله ایری اولدوغوندان گوجوچاتمادی . 

اوشاق ادبیاتی ۳ سئحیرلی اوزوک  اوچونجی ناغیل :  « ایلک گؤروش » یازان : علی صمدلی کؤچورن : علی آغ گونئيلی  ــ  ابرازی  کتاب :‌ ژنرالین اوشاقلیغی ) پووئست لر بؤلومو ) احمده ائله گلیردی کی ، بو گون باشقا گونلره بنظمیر . هاوا داها ایشیقلی ، چیچکلر داها عطیرلی ایدی . قوشلار داها گؤزه ل اوخویوردولار . اونا ائله گلیردی کی ، هله ده پالید آغاجی نین بوداغینی قوجاقلاییب سئحیرلی بیر عالمه تاماشا ائدیر .او ، نئجه ده اینجه و ظریف ایدی. بلکه ا ، بیر خیال ایدی . بس او ، هارایا گئتدی . قیرخ اینجه بئللی قیز اؤز ظریف اللری اوستونده اونو هارایا اوچوردولار ؟ احمد خیاللارایچینده بیردن گؤزونو آچیب ، اؤزونو مئشه ده گؤردو ، بیر آغاج کسمیشدی کی، پلنگ نریلتیسی قیز قیشقیرتیسی ائشتدی . تئز سسه گلن طرفه قاچدی . پنجه سینی قیزین سینه سینه قویان پلنگین اوستونه نه واخت آتیلدیغینی اؤزوده بیلمه دی . الینین بیرینی پلنگین آلت چنه سینه او بیرینی ایسه اوست چنه سینه کئچیریب وار گوجوایله دارتدی . پلنگ آرخاسی اوسته ییخیلدی . احمد قولدان گوجلو ایدی . اؤزونو ایتیرمه دن پلنگله چارپیشیردی . پلنگ وار سسی ایله نریلده دی . آنجاق اونون آغزی آچیق اولدوغوندان ، بو نریلتی چوخ بوغوق ایدی . قیز آیاغا قالخیب ، بیر قدر گئری چکیلدی . بو قورخونج منظره نی گؤرممک اوچون اللری ایله اوزونو قاپادی . سینه سینده کی جایناق یئرلریندن سیزان قان اونون آغ ایپک دونوندا قیرمیزی ناخیشلار آچیردی ، قیز بارماغینین آراسیندان قورخا – قورخا باخیب گؤردوکی ، احمد پلنگین جایناقلاری آلتیندادیر. چیغیریب اؤزوندن گئتدی ، احمد پلنگین نفه سینی کسیب آیاغا قالخدی . قانلی اللری ایله آلنینین ترینی سیلدی . آلنی دا ، قوللاری کیمی آل – قان اولدو . سونرا قیزا طرف گئدیب اونو قوللاری اوستونه آلیدی . بیلیردی کی ، یاخیندا سرین بولاق وار . اونو بولاق باشینا آپاردی . اووجونو سو ایله دولدوروب قیزین اوستونه سپدی . قیز اؤزونه گلیب گؤزلرینی آچدی .  یاواش سسله سوروشدو:  ــ آمان،  من هاردایام؟ ــ  قورخما ، ــ دئیه احمد دیللندی . ـ  اؤزونو اله آل .  ــ سن کیمسن ؟  ــ من، شاه قیزی شاهانه یم .  احمد اونو تانیدی . یوخودا گؤردویو قیز ایدی .  ــ بس بو جنگللیکده نه گزیرسن ؟  سحر تئزدن قیر قیزلا خال ــ خال مئشه سینه سئیره چیخمیشدیم . دایه می حیرصلندیرمک اوچون اونلاردان آرالاندیم . سونرا دا مئشه ده آزدیم بیرده گؤردوم کی ، پلنگ اوستومه آتیلدی . سونراسیندان خبریم اولمادی .  ــ چوخ قورخدون ايله می ؟  ــ  البته . بس سن قورخمادین ؟ اؤزونو پلنگین اوستونه آتدین ؟  ــ من سنینین اوچون قورخدوم . ــ سن بورادا نه ائدیردین ؟  ــ اودون قیریردیم . ــ  اودونو نئیله ییرسن ؟  ــ آپاریب بازاردا ساتیب ، داری چؤره یی آلیرام . ننه م له اؤزومو دولاندیریرام .  ــ داری چؤره یی نئجه اولور ؟ احمد دستمالا بوکولوب بیر پارچا داری چؤره یی چیخاریب شاهانییه وئردی .  ــ  آل باخ ، داری چؤره یی دادلی اولور.  ــ شاهانه چؤره یی آلیب دیشلدی .  ــ چوخ دادلی دیر، ــ دئدی . ــ دایم هر گون منی یئمک اوچون دانلاییر . قارشیما یوز لؤیون خوره ک قویور . منده چاشیب قالیرام، بیلمیره م هانسیندان یئییم . سن تکجه داری چؤره یی ایله دولانیرسان .  ــ تکجه چؤره ک له یاشاماق اولماز . من هم ده آرزولاریملا یاشاییرام ، ــ دئیه احمد جاواب وئردی . شاهانه تعجوبله سوروشدو :  ــ آرزو ندیر ؟ وئر اونودا دادیم باخیم .  ــ بیلمیرسن ، آرزو ندیر؟  ــ بیرینجی دفعه دیرکی،  ائشیدیرم . احمد دئدی :  ــ باخ، مثلا ، من آرزو ائدیرم کی، ائله بیر ایتی قیلینجیم اولسون کی، هر شئیی کسیب توکه بیلسین . او ، قیلینج لا بوتون ظولم کارلاری ، قصب کارلاری ، ال چاتماز طیلیسیم لری محو ائده بیلیم ! ــ ماراقلی دیر ! داها نه آرزو ائدیرسن ؟  ــ آرزو ائدیرم کی، ننه مین سؤیله دیی ناغیللاردا اولدوغو کیمی ، سئحیرلی خالچام اولسون اوستونه چیخاندا ، منی ایسته دیییم یئره آپارسین .  ــ من جییَز  هئچ نه آرزو ائده بیلمیرم ، ــ دئییب شاهانه دریندن کؤکس اؤتوردو . هر شئیی منه زورلا وئریرلر: یئمه یی ده ، تزه پالتاریدا .خالچانین اوستونده اوچماغی ایسه منده ایستردیم . ائله بیر خالچا اولا بیلمز !  ــ اولار، ــ دئیه احمد ایناملا جاواب وئردی . ــ  ننم جاوان یاشلاریندان الوان ناخیشلی بیر خالچا توخویور . بو خالچانین هر بیر ایلمه سی نین رنگینی بیر چیچکدن آلیر . بیر لقمان اونا دئییب کی ، یوزبیرینجی رنگین ایلمه سینی وورا بیلسن ، خالچا سئحیرلی اولاجاق ، سنی ایسته دییین یئرلره آپاراجاق .

اوشاق ادبیاتی چئویرن: منیژه جم‌نژاد ایپک قوردو آی ایشیغیندا، کیچیک بیر یومورتا بیر یارپاق اوستونده آرامجا یاتمیشدی. آیی گؤرورسن؟ کیچیک یومورتانی دا گؤرورسن؟ بیر یکشنبه سحری، ایستی گونش دوغدو و... «پات!» یومورتادان بالاجا، چوخ آج بیر قورد چیخدی. او، یئیه‌جک بیر شی آختارماغا باشلادی. دوشنبه گونو، بیر آلمانی دلیب یئیب کئچدی. آمّا هله‌ده آج ایدی. سه‌شنبه گونو، ایکی آرمودو دلیب یئیب کئچدی. آمّا هله‌ده آج ایدی. چارشنبه گونو، اوچ اریک دلیب یئیب کئچدی. آمّا هله‌ده آج ایدی. پنجشنبه گونو، دؤرد چیلک دلیب یئیب کئچدی. آمّا هله‌ده آج ایدی. جمعه گونو، بش پورتاغال دلیب یئیب کئچدی. آمّا هله‌ده آج ایدی. شنبه گونو، بیر پارچا شوکولاتلی کیک، بیر بستنی، بیر خیارشور، بیر دیلیم سوییس پنیری، بیر دیلیم سوسیس، بیر مامپاس، بیر پارچا گیلاسلی پای، بیر پارچا کالباس، بیر فنجان کیک  و بیر دیلیم قارپیـز دلیب یئیب کئچدی. او گئجه قارنی آغریدی! صاباحیسی گون، یئنه یکشنبه گونو ایدی. قورد، یاشیل، تزه بیر یارپاغی دلیب یئدی. اوندان سونرا حالی چوخ یاخشیلاشدی. آرتیق نه آج ایدی، نه ده بالاجا بیر قورد. او، بؤیوک، کؤک بیر قورد اولموشدو. سونرا اؤزونه کیچیک بیر ائو تیكدی؛ بونا «قوزا» دئییرلر. قورد ایکی هفته‌دن چوخ قوزانین ایچینده قالدی. سونرا قوزانین اوستونده کیچیک بیر دئشیک آچدی، اؤزونو ائشییه چکدی و... او، چوخ گؤزل بیر کپه‌نک اولموشدو! https://t.me/Adabiyyatsevanlar

اوشاق ادبیاتی نویسنده (چین): چائو_وِن_شوان             شیائو و پدرش کجا رفتند؟ وقتی بذرها در هر هشت مزرعه کاشته شدند، باران گرفت. باران نه تند می‌بارید و نه آهسته، و یکنواخت و بی‌صدا بود. آن‌ها کنار هم روی زمین نشستند و از باران به جایی پناه نبردند. پدر سرش را بالا گرفت، آهی کشید و گفت: «چه باران خوبی، شیائو آب باران را نوشید: «به‌به! به‌به!» الاغ کوچولو هم سرش را تکان داد و با خوشحالی عرعر کرد. ‌ مترجم: مرضیه_زهیری_هاشم‌آبادی گروه سنی ٧ https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

ویدا حشمتی گؤز یاشی قاپیسی (رومانیندان پارچا) – «اعتماد باش‌کئچید» مقدس متنلردن بیرینده دئییلیر: سمانین بوتون قاپیلاری باغلانسا دا، گؤز یاشی قاپیسی همیشه آچیقدیر. تانرییا و اؤز «من»ینه قاووشماسی اوچون انسان بیر نئچه معنوی مرحله‌دن کئچیر. «گؤز یاشی قاپیسی» انسانین ساختاکارلیقدان، تَکببوردن و دونیوی یالانلاردان تمامیله آریندیغی مقامدیر. اعتماد باش‌کئچیدین چاپا حاضیرلانان یئنی روماندا باشقالاری اوچون پول مقابیلنده بدیعی اثرلر، علمی ایشلر و مقاله‌لر یازان «گوست‌رایتر»ین (گؤلگه مؤَلیفین) قریبه‌لیک‌لرله دولو حیاتین‌دان بحث ائدیلیر. باشقالارین آدینا یازماقلا ساختا کیملیکلر اولدوران قهرمانین، نهایت کی، اؤز ایچ بحرانی ایله اوزبه اوز قالماسی جمعیّتده گئدن ان مختلف پروسسلرین شرحینه یئنی چالارلار قاتیر. حیطده نیه‌سه ساتاشدی، ژالوزو آرا‌لایِب، ماراقلَا پنجردن ائشییگه زیللندی. سونرا دینمزجه کیتابی گَتیریب قوجانین تومباسی‌نین اوستونه قویدو و آیاق ساخلامادان چیخیشا ساری یؤنلدی. – گؤرون تلفونوم هارادادیر، خواهش ائدیرم، خجالتینیزدن چیخارام، – قوجا قیزین آرخاسینجا سسلندی. – اؤیرنیب دئیرم، دئدیم، – قیز قاپینین او اوزوندن جاواب وئردی. قوجا آپاراتین بوتون چیتیرتی-پاتیرتیسینا باخمایاراق، یئریندن دیکلدی، الینی اوزادیب کیتابی گؤتوردو. جیلدی قوپاریلمیش، مؤلیفی بیلینمه‌ین شعر کیتابی ایدی. کیتابی اورتاسیندان آچیب اوخوماغا باشلادی: آخشام اولور... قریبه حیس‌دیر، سیزه دئییم – ائله بیلیردیم، هئچ زامان آخشام اولمور، سحرلر بیر دفعه آچیلیر، آللاهین امریله، آچیلان گوللر سولمور. ائله بیلیردیم، «شر قاریشیر» ایفاده‌سی ساده‌جه مجازدیر، مجازدیر ایشیغی اودور، کؤلگَه‌لری چکیب اوزادیر... آخشام اولور... منی کامینا چکیر قارانلیق، سینسی بیر تشویش ایچیمی بورویور. گاه شؤنگویور، شیروانیر، نسه گؤرموش کیمی، گاه هورور، گاه کیریییر. شرق‌له غرب قاووشور، یئر گویله بیرلشیر، قاناتلاریمین تیر-تیر اسدییینی گؤرونجه، ایچینی چکه-چکه گولور بیررنگلی خیلقت، یقین «نه آغیلسیز کپنکدیر»، – فیکیرلشیر... https://t.me/Adabiyyatsevanlar

بؤیوک تورک شاعری ناظم حکمت و تورک دونیاسی... پروفسور، دکتر علی قافقازییالی چئویرن: (م. صفا)                                            (۱۱)     تیفلیسدن موسکووایا سیاحتین چتین‌لیگی و سووئت خالقینین وضعیتی...    تیفلیسدن موسکووایا سیاحتین چتین‌لیگی و سووئت خالقینین وضعیتی والا نورالددین-ین آشاغیداکی سؤزلری ایله چوخ یاخشی تصویر ائدیلمیش‌دیر:    قاتارین گیریش قاپیلاری آچیلدی و آمان الله -یم! قاتار دولو ایدی... بیزی اوتوردوغوموز اوچ نفرلیک اوتوراجاقلارا سیخیشدیردیلار. و بو، کیفایت دئییلدی. اونلار یوخاری چارپایی یا چیخدیلار. آیاقلار یوخاریدان ساللانیردی. یئنی سرنیشین لر اوتوروب آیاقلارینی ساللایانلارین آرخاسینداکی چارپایی لارا باشلاری ایله توللانیردی. ازدهام گلمه‌یه داوام ائدیردی. سونرا، داوا-دالاش و مباریزه‌نین آراسیندا بیزی سؤیکندییمیز اورتا چارپایی نی آچماغا مجبور ائتدیلر. البته کی، تکجه بیزیم دئییلدی... بوتون کوپه لرده ده، عینی ایدی. آیاق لار، چکمه‌لر و حتی آیاق قابی لار بو چارپایی لاردان دوز اوزوموزه ساللانیردی. و اونلار دا، اونلارین آرخاسینداکی چارپایی لارا باشلاری ایله توللانیردی.   سیخ اهالیسی اولان اؤلکه... خاریجی و داخلی محاربه‌لر عمومی خدمتلری آلت-اوست ائدیب، نه ائده بیلرسینیز؟   یئنی بیر دالغا پئیدا اولدو. بو یئنی گلن لر تکجه عینادکارلیقلا دهلیزلری دولدورماقلا کیفایتلنمه‌دیلر، هم ده ایکینجی درجه‌لی تراموای لارداکیلار کیمی اوتوراجاق سیرالاری آراسیندا سیغال چکدیلر. حتی بلیط ییغان دا، ساده بیر "باغیشلایین" دئیه‌رک اونلارین یانیندان کئچه بیلمزدی.                                            [...]   بیر آندا ناظم باشینی پنجره‌دن چیخاردی. حتی قاتار واقونلارینین داملارینا دا چیخیرلار. بیز ده، اورا گئتمه لی ییکمی؟ دئدی.   شئوکت ثورئییا و پروفئسورون جوغرافی بیلیکلری گوجلودور. دوزه‌ن‌لییه چاتمادان یولا دوشمه‌مه‌لی ایدیک! روسییانین دوزه‌ن‌لیکلرینه چاتدیقدان سونرا بونو سینایا بیله ریک.   بیر-بیریمیزین چیین لرینه سویکه نیب مورگوله‌یه‌رک یول گئدیردیک. بو سیاحت اون بیر گون داوام ائد‌جک‌دی.   باکییا چاتاندا، اورادا جمعی آلتی ساعت قالاجاغیمیزی دقتله آراشدیردیقدان سونرا شیمون خوجانین اونا وئردیگی مکتوبو گؤتوروب تله سیک یولا دوشدو.                                             [...]    ایستی‌لیک دؤزولمز ایدی و قاتار واقونلارینین ایچری‌سینده نفس آلماق ممکون دئییلدی. اما سرنیشین لر بیر-بیرینی تانی ییردیلار. هر کس اؤز سرنیشین یولداشلارینین یئرینی چوخ یاخشی بیلیردی. کیمسه توالته گئتمک اوچون ایستانسییادان دوشنده، هئچ کیم زورلا اونون یئرینی توتماغا جسارت ائتمه ییردی؛ حتی بیر مدت اوتورسالار بئله، قانونی صاحبی قاییداندا نزاکتله قالخیب گئدیردیلر.    من ده، ناظم له بیرلیکده اوتوبوسدان دوشدوم. اوشاقلی قادینلار و حامیله قادینلار آیاق اوسته دورموشدولار. یئرلریمیزی اونلارا اعتبار ائتدیک. پنجره‌دن خوجایا سسلندیم:    "بیز یوخاریداییق، ناراحات اولما"، - دئدیک.    قاتار واقونونون دامینا چیخدیق... اوراسی دا، دولو ایدی. اؤزوموز اوچون چتین‌لیکله یئر آچا بیلدیک... آردی وار https://t.me/Adabiyyatsevanlar  

چرشنبه گونو ادبیات سئونلر کانالیندا بؤیوک تورک شاعری ناظم حکمت و تورک دنیاسی...  پرفسور. دکتر علی قافقازییالی نوبل آکادمیک یایینجیلیک کتاب، آنکارا، 2023  چئویرن: مجید تیموری فر (م. صفا)    https://t.me/Adabiyyatsevanlar

بو موصاحبه یه عاید الیمیزه چاتان یاداشت. آلپار جناب ساعدی ایلخیچییا گلنده منیم ۱۵ یاشیم وارایدی ، اونلارلا تانیش اولماق  او یاشدا اولاسی دئییلدی !  نئجه اولماسین  بیلمیرم  آنجاق منیم او چاغ دا آتامین آناسی یاشیییردی و دوکتو'ر ساعدی نین یولداشلاری اونو بیزیم ائوه گتیردیلر و حیطیمیزده بوءیو'ک آنامی سَککی او'سته اوتورارکن عکسین سالدیلار ، او عکس  ایلخیچی کیتابیندا  " یک پیرزن ایلخیچی " عنوانیندا چاپ اولوبدور ، سونرالار من ایلخیچی کیتابین اوخودوغوم دا نقشه نین چوخ یئرلری نین یانلیش اولدوغون گوءردو'م ، اونون او'چو'ن او زامانکی ساوادیم لا - دبیرستان - باشاردیغیم قدر دو'زگو'ن نقشه (خریطه!) چکمه گه چالیشدیم و اونو دکتر ساعدی گیله یوللادیم ، ۱۳۴۷ ده شیراز دانیشگاهیندا قبول اولدوم ، اورادا قاشقائی لرله یولداش اولدوق ، گرگین پور عاییله سی جناب بهمن بیگی نین باجی سی اوشاقلاری و قاشقایی موزیکینین دیریلدنلری ایدیلر و ایکی باجی ایکی قارداش پهلوی دانشگاهیندا اوءیرنجی ایدیلر ، قوربت یئرینده منه دایاق اولدولار !!         منیم اوءیرنجی اولدوغوم چاغ دا ، تئهران دا نئچه یول گرگین پور گیلینَن بیرلیک ده جناب دوءکتیر ساعدی ایله بیر مجلس ده اولموشدوق ، یادیما گلن جناب بهروز دولت آبادی و سعید سلطان پور دا  وارایدیلار ، نئچه یول دا سی متری خییاوانیندا درمانگاهلارینا دا گئتمیشدیک. دانیشیقلاریمیزدا من گوءندَرن نقشه نین ده سوءزو' گئتمیشدی و بو نقشه ۱۳۵۸ ده ایلخیچی کیتابینین امیرکبیر طرفیندان ایکینجی چاپ و یایینیندا چاپ اولوبدور. https://t.me/Adabiyyatsevanlar

عبدالرضا_مولوی بؤیوک‌بابام، آزادلیق‌سئور بیر کیشی‌یدی. گوللـه‌لنمه‌دن اؤنجه، شعرلرینی باغچاداکی نار آغاجینین دیبینده باسدیردی. من هئچ واخت اونون شعرلرینی اوخومادیم، آما باغچانین نارلاریندان آنلاشیلیر: آزادلیق قیرمیزی و شیرین اولمالی‌دیر. شعر_اوجاغی ترجومه قایناق:شعر اوجاغی https://t.me/Adabiyyatsevanlar