ادبیات سئونلر

قاباقدا یاش وار. نریمان_حسن‌زاده ایکیمیز اوز-اوزه سئوینج ایله غم، ائله هئی دئییرم، بیر دینله منی! گؤزلرین نه دئییر، باشا دوشورم، نییه چاشدیریرسان دیلین‌له منی؟ سن اولان دونیادا باشقادیر دونیام، محبّت گؤز ایله، قاش ایله دئییل. یاشجا بؤیوک ایکن اوشاق اولورام، گؤرونور... بؤیوکلوک یاش ایله دئییل. گؤزون‌له هم‌رأیسَن، دیلین‌له یادسان، بیری دوغمادیرسا، او بیری یاددیر. گاه برکسَن داش کیمی، گاه آماناتسان، بلکه قادینلاردا بو احتیاطدی. نفسین عطیرلی، اؤزون تزه-تر، اویویور قوینوندا یاز ایلا باهار. سن مندن اؤزونو گؤزله‌دین، یئتر، اؤزوندن گؤزله کی، قاباقدا یاش وار! https://t.me/Adabiyyatsevanlar

"بهروزصدیق" گوزگوم گؤیلو جیرماقلانان یارالاریم یاللی یارغان اؤپرمیسن یارامیزدان هئییی سن...... چاتلاق دوشن باغریمیزی توتقونلاشان چاغیمیزی گؤروب سئوین آغریمیزی هئییییی سن..... بیلیردین کی دایاق ایدین تیکانلیقدا آیاق ایدین قارانلیقدا مایاق  ایدین هئیییی سن...‌ سؤزون جانی ،کؤنلو قان دی یئریم یاندی ،گؤیوم یاندی سن "بولود"ون" قارداش آندی" هئیییی سن.... "موغان"تورپاغی ساندیغیم دویوب دویوب باریندیغیم حاییف سونوندا یاندیغیم هئیییی سن..... https://t.me/Adabiyyatsevanlar

عبدالله عباسیان گُولمویون دُوسلارمَنه آغ ریسیماندان قورخورام چُون  چالیبدیر بیر دَفعه سانجان ائلاندان قورخورام قُورخولو دُورانیدیر یاران زاماندان قورخورام هئی ویریلار بیزلره زَخم زباندان قورخورام قُورخودُوبلار هئی اُوشاقلیقداخوخان گَلدی خوخان یُوخدو تقصیریم منیم بیرده خُوخاندان قورخورام آزچُوخ عُومرومده عجاییب منده گُونلَر گُورموشم خان  یُولوندا باش کَسیبلر منده خاندان قُورخورام اُوقَدَر ظولم ائیلدی دُونیا اُولان اینسانلارا قُوخمیشام  هم دُونیادان هم دُوستاندان  قُورخورام هرکیمه وئردیم سالام قاپاز سالیبدیرباشیمه وئرمگه گَلمیر  اُوزوم وآلله سالامدان قورخورام بیرقُومار باز دُونیادی  هئی کیشیلَن مات ائیلییر من اُوقدری کیش ومات اُولدوم قُوماردان قُورخورام رنگ عوض ائیلییر بواینسانلار دئیوم هر لحظه ده دُونیادا جاهیل اُولان اینسان نمادان   قورخورام درد اُوقدری بَرکیدی  جاندان چئیخا دای چئیخمادی تاپمادیم حاذیق حکیم جان اُولدو جاندان   قورخورام ائسته دیم بیرگُول دَرَم عُومرومده من گُولزاریدن بیرتیکان باتدی اَله من گُول ستاندان قورخورام ایلتماس ائتدیم دئدیم ساقی یئتیر سن باده نی وئردی بیر جُورعه دئدی عباسی جاندان قورخورام https://t.me/Adabiyyatsevanlar

بختیار علی مرادی-موغان اوغلو وار آخی! دانیشاندا گؤزله عاغیللی دانیش سؤزون ده بویو وار ائنی وار آخی سؤز آغیزدا پیشیب چیخار مثَل دیر هر سؤزون اؤزونون جانی وار آخی سئودا گمی نئجه اوزر تاختاسیز دانیشیقدا گرک اولسون ساختاسیز حیوان باش آپارار جومار نوختاسیز هر نه یین کؤکو وار بئینی وار آخی چوخو زلفعلی خان ائله ییر دازی هره نین بیر تهَر گلیر آوازی چتین باشا سالماق اولار قانمازی آدامین ایمانی،دینی وار آخی "موغان اوغلو"تانری اوزونه باخیب جَهالت چوخونون ائوینی ییخیب باغانی دئیرلر قینیندان چیخیب قینین بَیَنمه سین قینی وار آخی https://t.me/Adabiyyatsevanlar

اوشاق ادبیانی https://t.me/Adabiyyatsevanlar

اوشاق ادبیاتی سنده بوجور نقاشی چکه بیلرسن می؟ https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

گونه‌باخان رضوان حاجی قاسیملی "جانای"      کیچیک تارلامیز واریدی، بیر یانین آتام  گونه باخان اکمیشدی، گونه باخان زمیسی چوخ گؤزل اولموشدو.       هر سحر گونه باخانلار گونشه سالام دئییب اونونلا باشلارین گؤیه قالدیریب آخشام اولونجا دا یاتایا باخیب باشلارین آشاغی سالاردیلار. توخوملاری سانکی بیر بیر دوزموشدون، تاپالا بئله گؤزل‌ایدی!     قارا توخوملار لا یاشیل بیسگه آراسیندا تام گونش رنگینده یارپاقلار واریدی، منیم چوخ خوشوم گلیردی. ایچیمده دئییردیم: کئشکه همشه یای اولسون من ده بو تارلادا دولانیم.        بیر گون آناملا تارلادا آلاق ائلییردیک، یولدان  قیز جیغاز کئچیردی گؤزو قالمیشدی بیزده، آنام گونه باخانلارین ایچیندن بیر قارالمیشین دریب وئردی قیزا. منیم حاییفیم گلدی، آخی او تاپالا چوخ یئکه‌ایدی. دینجه چیخاندا دئدیم: آی آنا او تاپالامیزی نییه وئردین گئتدی؟ آنام چایین پیله‌ییب هورولتویلا ایچیب، دئدی: آی قیزیم بیلیرسن هئچ ایلک گونه باخان نئجه یاراندی؟ بیلیرسن بو ساری للک کیمی یارپاقلار نه اوچون تاپالانین هنده‌ورینده دوروبلار؟ بونلار هامیسی اؤنم وئرمک ایچین دیر قاداسی؛ گل اوتور دانیشیم سنه: ایللر اونجه بیر گؤزل باغ واریدی بول سولو  چیچکلی بیر باغ، آی نه اینجه‌سسلی قوشلار واریدی نه ساری کؤینک لر، بولبولر، مور سارماشیقلار، قرنفیللر، لاله‌لر،  عاقلیندان نه کئچرسه اوردا واریدی . قارا یازین ایلک گؤنلرینده او باغدا بیر یئنی بیتگی باشین قارا توپراقدان ایشیغا چیخارتدی . همشه اولدوغو کیمی باغدا کی گوللر، چیچکلر، آغاجلار هابئله قوشلار خوش گؤردوک دئییب، خوش یاشام آرزیلادیلار،  اودا هامیدان تشککور ائلییرکن قونشولوغا باشلادی.     یئنی یئتمه‌نین یاشامینین ایکینجی گونو کور سیچان ایسته‌مدن اونون اینجی  کؤکونه توخاندی،  یئنی بیتگی‌نین بیر آز بویو أییلدی دای هرنه ائله‌دی باشین دیک توتابیلمه‌دی . باغلیلارین هامیسی بو دوروما چوخ اوزولدولر هر کسین آغلینا نه گلدی، دئدی: -چوخ سو ایچ! -یئل دن یاردیم ایسته‌! -هله منه دایان دوزه‌لیرسن! آما بونلارین هئچ بیری اونون باشین قالدیرا بیلمه‌‌دی!        بیتگیلردن علاوه قوشلاردا بو دورومدان ناراحاتیدیلار . بیر نئچه گون بو ایشدن کئچدی،  هئچ‌کیمین الیندن بیر ایش گلمیردی. سونوندا دئدیلر: نه اولار بوندا نه وار کی بئله یاشایارسان،  ایشینده اولسا بیز سنه کؤمک اولاریق.  آما ساری کؤینک سانکی باشقا بیر دوشونجه لره جومموشدو!     بو سؤزلر  بیتگینین اوره‌ک یاراسینی بیتیرمک اوچون یئترلی دئیلدی. گونو گوندن داها دا ناراحات اولوردو . بیر سحر هامی میشیل میشیل یاتمیشدیلار. ساری کؤینک گلر بو بیتگینین یانینا،  یاپراغی اوسته اوتوروب  دئیر: لوطفن دیققتله منه قولاق آس:  نه کی گوجون وار وئر گؤزلرینه  منی ایزله،  سنین تکرار ساغلاملیغین بونا باغلی دیر!! بیتگی دریندن  آه چکیب دئیر: تامام، آما منیم کئفیم دوزه‌لر؟ ساری کؤینک دئیر: آرخایین اول سن منی ایزله،  من قاییتمییانا کیمی ده دینیب دانیشما!  بونو دئیب ، تام گونشه دوغرو اوچار! او بیتگی ده ترپنمه‌دن گونشه ساری باخار . گونش او گون چوخ ایستی ایدی سانکی یای مئوسیمی چاتماق اوزه‌ره. او گون باغدا کی گوللر، چیچکلر، آغاجلار، قوشلار بئله هامیسی حیرتله  بیتگییه باخیردیلار کی نه اولوب بو  دینمیر !      سوروشارلار  آی بالا بس ساری کؤینک هاردا؟ یئنه ده او بیتگیدن جاواب اولماز . گون آز قالا باتیردی کی بیردن بیره  آ........ه سسی گلر!     آی آمان، ایلاهی! بوتون باغ سسدن دوشدو. ساری کؤینک گون  بویونجا او قیزقین گونشین قاباغیندا دورموشدو بلکه او بیتگی گونشدن گوج آلسین .     ساری کؤینک جانین او بیتگی اوچون قوربان وئردی . تانری ساری کؤینگین جاندان کئچدیگین گؤررکن، باغریندا کی ساری للک لری او بیتگینین باشینا دوزدو، دن‌لرین ده تام ساری کؤینگین آغزینا تای شکیل وئردی!        او گونه کیمی دونیادا او بیتگیدن بیتمه‌میشدی. آما ساغلاملیغین ساری کؤینک گونشه قوربان گئدرکن أله‌گئتیرمیشدی؛ آدین قویدولار گونه باخان. او گوندن بری هر کیم اونون حاقیندا اولان فداکارلیغی اونودسا، دئیرلر: گونه باخان جاق دا یوخسان ساری کوینک دن للک ساخلییاسان! https://t.me/Adabiyyatsevanlar                                 

ساوالان وصفینده "کوثر موسوی" 9یاشیندا اردبیل شهریندن

ساوالان وصفینده کوثر موسوی 9یاشیندا اردبیل شهریندن

دلی باش دومرول۵ یازار: صمد بهرنگی چئویرن: منیژه جم‌نژاد بیر یودوم ایچسم قان اولسون. سندن سونرا قیزیلینی گوموشونو نئیلیرم؟ یالنیز کفن آلماق ایشینه گلر. سندن سونرا اوزون بویونلو آتلارینی نئیلیرم؟ اوزنگی‌سینه آیاق باسارسام تابوتوم اولسون. سندن سونرا اری نئیلیرم؟ اره گئتسم ایلان کیمی منی چالسین. آی کیشی، آی اوغوللاریمین آتاسی، جانین نه دَیری وار قوجا آتا- آنان سنه چوخ گؤردولر؟... گؤیلر شاهد اولسون، یئرلر شاهد اولسون، ...! آللاه شاهد اولسون، ائلین پهلوانلاری، قادینلاری، کیشی‌لری شاهد اولسون، من ایسته‌یه‌رک جانیمی سنه باغیشلادیم. قادین ارینی اؤپدو، اوغلانلارینی اؤپدو، عزراییلین یانینا گلدی، سس‌سیز، آرغین دوردو. عزراییل قادینین جانینی آلماق ایسته‌دی. بو گز دومرول ترپنیب باغیردی: آی نامرد عزراییل، بیزه قارا گئیدیرمه‌یه نه تلسیرسن؟...ال ساخلا منیم هله‌ سؤزوم وار. عزراییل دومرولو غضبلی گؤروب،  قادینینا ال وورماغا جسارت ائلمه‌دی، بیرآددیم دالی گئدیب دایاندی. گئنیش اوره‌کلی پهلوان‌ دومرول، قادینی اؤلومونو گؤرمه‌یه تابی یوخودور. آغزینی آچیب اوجادان دئدی: آی آلله، کیم اولدوغونو، نه اولدوغونو، هاردا اولدوغونو‌ بیلمیرم!...چوخلو عاغیلسیزلار یئرده، گؤیده سنی آختاریرلار،  آما انسانلارین اوره‌یینده اولدوغونو هئچ بیلمیرلر. آلله، یولللاردا تیکینتی تیکه‌جه‌یم، آجلاری دویوراجاغام، لوت‌لری گئیدیره‌جه‌یم، خوشبخت‌لییی هامیا گتیره‌جه‌یم. من قادینیمی سئویرم، ایستیرسن ایکیمیزین ده جانینی آل، آلمیرسان ایکیمیزی ده بوراخ!... دومرولون سؤزوندن آلله خوشلاندی. عزراییله بویوردو: ای عزراییل، بو ایکی ائش، یوز قیرخ ایل داها یاشایاجاقلار، سن گئت دومرولون آتا- آناسی جانینی آل گل. عزراییل دوروب گئتدی، دومرولون آتا- آناسی جانینی آلیب گلدی. دومرول قادینین، بالالارین باغرینا باسیب‌ دویونجا اؤپدو. هامی سئوینیب، پهلوان‌لیق ماهنی‌لاری اوخودو، خوشبخت‌لیک قوشمالاری اوخودولار، باغیردیلار، قادین کیشی اوینادیلار، آت قوودولار، بو آندا دده قورقود اوغوز ائلین آغ ساقالی گلیب اونلارین شنلیینده شریک اولدو، پهلوانلارین اوخویوب، بیلیب، درس اؤیرنمه‌لری اوچون، دومرول‌له قادینین حالینا ناغیل یازیب، اونلارین آدینا ماهنی قوشدو.  سون https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

آل قایید خلیل اوو گئجیکمیسن یولا دوشن قاتارام غوربتدی مکانیم چاتا بیلمزسن سنین حسرتینله اؤز یوُواسیندان اوُچدو کؤنلوم قوشو توتا بیلمزسن ساختا عشقین قوْللاریمی سیْندیرار بوُز نفسین اوره‌ییمی دوْندورار یاخین گلمه آهیم سنی یاندیرار غوصّه‌لر قوْینوندا یاتا بیلمزسن قوْینوندان باش وئرن تر چیچک ایدیم بوْینونا دولانان بیر لئچک ایدیم توْروندا چیرپینان هؤرومچک ایدیم بیرده کمندینی آتا بیلمزسن کؤنول ییْخماق اوْلدو آرزون نیّتین تزه‌دن جان دئمک باریْشماق چتین گئجیکدین قاتارا یاندی بیلیطین قایتاریب هئچ کیمه ساتا بیلمزسن "آلقایید"ام نه ساغیم وار نه سوْلوم پولاد بیر سُکّانا باغلانیْب قوْلوم سون منزیله گئدن یوْلدو بوُ یوْلوم ایزینی ایزیمه قاتا بیلمزسن https://t.me/Adabiyyatsevanlar

« لاپ یامان اوغورلوق ...» ماکسیم  گورکی نین سؤزلرینده : فارسجا : تقی عطایی چئویرن :  علی آغ گونئیلی  ( علی ابرازی ) عالم وداهی یازیچی ، بئش دفعه نوبل موکافاتینین کاندیدی  اولان  ،  اؤلمز  « آنا » اثرینین یارادیچی سی ماکسیم گورکی  ۱۹۳۶ - نجی ایل ژوئنین  ۱۸ - بنده وفات ائدیب . ماکسیم گورکی نین ،  ۱۰۵ ایل اؤنجه  کی ،دؤشونمیه لایقلی سؤزلری: دونیادا اوچ جوره اوغرو وار : ۱ —  معمولی اوغرولار  : ( او کسلردیلر کی ، اؤزلرینین و عائله لرینین  قارینلارینی دویورماق اوچون ، سیزین ، ائو جیهازلاریزی ،  قیزللاریزی ، گوموشلریزی ، کیفیزی ، پولوزو  ،  ساعاتیزی و جیب لریزی، ...و اوغورلاییرلار. ) ۲  —  سیاسی اوغرولار :  (او کسلردیلر کی ، سیزین گلجه ییزی ، آرزی لاریز ی ، رویالاریزی ، ایشیزی ،یاشاییشیزی ،  قانونی حقوقلاریزی ،معاشیزی ، موزدوزی ، الیزدن گلن  باجاریقلاریزی ، تحصیل ائتمک  حاقیزی ،آبیریزی ، اعتباریزی ، میللی وارلیقلاریزی، حتی وئرگیلریزی ده ، اوغورلاییب تالاییرلار .سیزی قره گونلره اوغراداراق، ظلمت وسفالت ایچینده ساخلاییرلار ). ۳ —  دینی اوغرولار :  ( او کسلردیلر کی , سیزین بو گؤزه ل دونیازی ، بئینیزین دوشونجک جرعتینی ،  علئمیز ی _  بیلیکلرزی ، عاغلیزی ، هوشوزی ،خوشلوق تؤرنلریزی ، شنلیکلریزی  ، بدن و روح ساغلاملیغیزی وبوتون  وار — یوخوزو  اوغورلایاراق ، اونون یئرینه ، جهالتی ، خرافاتی ، غمی  ، قوصه نی، مؤحنتی و ماتمی  چوخ باها قیمتینه ،  سیزه ساتیب  وآلدادیحی سؤزلرله  سیزدن مینیک آلاراق ، سیزی ، جهالتده ،ذیلتده ، یوخسوللوقدا  ، سفالتده ، نیکبت ده و... ایچینده ساخلاییرلار ! ) ماراقلی فرق بوراسیندادیر کی، عادی اوغرولار  اوغورلوق اوچون گلیب سیزی سئچیرلر . اما سیاسی و دینی اوغرولاری  سیر اؤزونوز سئچیب واونلارا حؤرمت ائدیرسینیز واونلاری بؤیوک حئساب ائدیرسینیز. دیگر وداها بؤیوک فرقی بودورکی ، عادی اوغرولار پلیس طرفیندن تعقیب ائدیلیر ،توتولوب  حبس ائدیلیر، اما سیاسی و دینی اوغرولار ... و اوسته لیک سیزی بورجلودا سالیللار. https://t.me/Adabiyyatsevanlar