ادبیات سئونلر

«سابیر هاکا» آتام ایشچی ایدی ایمانلی بیر کیشی هرواخت ناماز قیلاندا آللاه اللریندن اوتاناردی! https://t.me/Adabiyyatsevanlar

مای بایرامی وطنیمیزین زحمتکش لرینه قوتلو و موتلو اولسون.

ن

«کریم_احمدیان» شاهید نه دن نغمه لرده آغلاییر بوگون سرحدسیز بوغونتو دوغولور منده گؤزومدن ماهنی لار باشلاییب یاغیر هونکورتو لال اولور بوغولور منده یالانچی صحنه ده اویناییریق بیز چوخورلو یولاغا آیاق باسیریق پانتومیم اولوبدور بوتون یاشاییش سسین صداقتین دؤنوب آسیریق اوزاقدا دییلدی بیزیم نغمه لر بو رسمی دییلدی اونوداق اونو آغیزلار اود قوسور بوغاز اودلانیر فاجیعه یارانیر دئییرم بونو! بؤلونور باخیشلار طالعی سینیر تیتره ییر ایشیقلار بیردن قارالیر بؤیله سی دورومدور یاشایشیمیز قیسمته اینانان یانیب سارالیر https://t.me/Adabiyyatsevanlar

انتشارات اندیشه نو(مرکز نشر وپخش  کتابهای ترکی آذربایجانی ): آدرس : تهران-خیابان انقلاب-روبروی دانشگاه تهران-مجتمع فروزنده-طبقه زیر همکف-واحد101 تلفن66953959     ----- 09146436743 آقای قوسی https://t.me/Adabiyyatsevanlar

«میر هادی مظلومی» ادبیات سئونلر گوزگوسونده زمان: سه شنبه 1402/2/12 ساعات: 21 آپاریجی:«کریم قربانزاده»

میر حسین دلدار بناب داها یازدا بایرام گتیره بیلمیر! گول آچیر یارالار، سولور یارالار سؤزلریم آغزیمدا قابار چالیرلار دیلیم زنجیرله‌نیب، دوستاق ایچینده شئعیرلر ایچیمده محبوس قالیرلار دوداق‌سیز دانیشیر، گؤزلرده سؤزلر گؤزلردن تؤكولور سؤز شلاله‌سی باخیش وار مین کیتاب سؤز وار ایچینده باخیش وار نئی‌ده‌دیر، حزین ناله‌سی آغلاییر باخیشلار، گولور باخیشلار جهننم یارانیر، جننت یارانیر دویون دوشور بیردن، دوداغا دوداق هردن یاشدا یانیر، قورو دا یانیر گؤیده بیر اولدوز وار، گونش‌سیز، آی‌سیز داغلاردا نیسگیلین گؤتوره بیلمیر گؤزلر بولود_ بولود یالقیزلیق یاغیر داها یازدا بایرام گتیره بیلمیر! داریخیر سؤزجوکلر، دیلی دوداغی ایچیمده هارایلار آتش پوسکورور ایللردیر بیر محبوس قارا داخمادا بایاتی_بایاتی، قابار اؤسکورور... ۱۴۰۲/۰۲/۰۴ https://t.me/Adabiyyatsevanlar

یولو وار. دئدیم. تئز بیر مکتوب یاز آللاها، ایزین آل، سونرا سئودیگین قیزلا ائولن. دئیه‌سن بتر تلسیرمیش بیزیم اوغلان! تئز سوروشدو : سن  کیمی منه اویغون گوروسن؟ منی سئون اولار میه؟ من جان آلانام، ملک‌الموتام ها... واختی فوتا وئرمدن باغیردیم :  من منمنننننننننن..... قونشونون لاری خوروزو واختسیز بانلامایایدی کشکه... ۱۴۰۲/۱/۲۰

«ذکیه ذولفقاری» عزرائیل‌له آتیش-باریش.( ۴ ) دونن گئجه عالم روُیادا گینه عزرائیل‌له اوز- اوزه گلیب، خئیلک دانیشدیم. دئییبلر: آج تویوق یاتار یوخودا، دیمدیینده داری گوُرر. آمااا من بس نیه عزرائیلی گوردوم آخی؟ هله- هله آنلایا بیلمیرم. دنیز کناریندا، مئشه ایچینده، گوُزل عیمارتلر ویلالار همشه اورییمی آپارار!  گئرچکدن همشه آرزی ائتمیشم کی، او طبیعتی، او ائولری ان آزی باری یوخودا گوُرم.   آنجاق هئچ واخت عزرائیلی آرزیلامامیشام کی! نیه گلیر تپیلیر یوخوما. نه ایسه، عالم روُیادا گوُردوم، صور اسرافیلین گوبگینه گوج دوشوب، دونیا یاراناندان بری یاتدیغی او آغ بولوتلارین اوستوندن قالخیب، آللاهین امریله یوخولو- یوخولو فیشقیراغینی چالیب. سونرا  دونیا داغیلیب،  کوللو کوفان اولوب. اوُلولرین هامیسی لوت- پوت قبیردن خوتدایبلار. هره‌سی‌نین‌ایسه الینده بیر مکتوب گلیرلر عرش کبریایا طرف. یوخاری باشدا ایسه، چوخ ایشیقلی  گونش کیمی بیر  وارلیق اوتوروب ماسا آرخاسیندا. چوخ چوخ عظمتلی بیر گورونتویدو. مکتوب‌لار بعضیلری‌نین ساغ الینده بعضیلری‌نین‌‌ایسه سول الینده‌‌یدیلر. من‌ چوخ  شاشقین- شاشقین،  آغزی آچیق دوروب بو لوت- پوتلره باخیردیم. قیامت احوالاتی دئیه‌ردیلر بویوموش ها آللاهیم، دئدیم. بوردا داها  محرم- نامحرم، حجاب قانونو فیلاندان خبر یوخودو. دوزو بو صحنه‌لر نامه اعمال قونوسونو یادیمدان چیخارتمیشدی. (سونرا دوشوندوم کی، او مکتوب سول اللرینده اولانلار نیه اوجور پوزغونویدولار). بابا آخی هئچ اولمازسا توت یارپاغیندان زاددان دا بئله اوُزلرینه توتمامیشدیلار!!! اوشاق خایلاغی زادی واریدی آخی. اونلارین وریندن من اوتانیب، اوزومو چئویریردیم اویانا... اوُز -اوُزومه دئییردیم،  بس بو دونیادا حجابا گوُره خانیملارین دده‌لرین یاندیرانلار هاردادیلار گوره‌سن؟ گشت ایرشاد، اسلام قانونو، زوراکی اوُرتوق فیلان هانی  بس. بو  حالدا گوُردوم بیری الینی قویدو چینیمه!  ائله دیسکندیم کی زهریم چاتلادی، دئدیم یقین گشت ایرشادین خانیملارینداندی. آخی منیم‌ده حجابیم یوخودو . یونگول بیر کوینک شالوار گئیمیشدیم فقط. بیردن چوُندوم گوُردوم، ناخوش حاللاریمدا نئچه دفعه جانیمی آلماغا گلن گوُزل گوُیچک دوستوم عزرائیل‌بگدی!!!. آما، ندنسه بو دفعه اوُلومدن اصلا ذره‌جه‌ده قورخمادیم. هر حالدا قیامت اولموشدو، منده جانلی شاهیدیدیم. آنجاق بیر آن عزرائیلین گوُزلرینده اولان او چکیجی روُعبدن جانیم اوشندی. دیلیم توتار- توتماز سلام وئریب قاچماق ایستدیم. اوایسه اَل آتیب قیر- موم اَلیمدن یاپیشدی، ساخلادی. نیه یالان دئییم، اَلی اَلیمه ده‌ینده خوش بیر حیس جانیمی بورودی. دئدی: هارا قاچیرسان؟ دئییرسن به بورادا او دونیادی، مین بیر کلکله منی آلدادیب اَلیمدن قاچاسان؟ یوخ... خانیم دا بو قره او قره‌لره بنزمز. سنین داها جیککیوه ده بلد اولموشام بورکووده.  بو گوردوغون اینسانلارین جانینی گوز قیرپیما آلمیشام یئر اوزونده بیر سن قالمیسان والسلام. باخ... من عصیرلر یورقونویام،  سنینده جانینی آلسام،  ماموریتیم بیتر گئدیب باشیمی قویوب دویونجا یاتارام. آیریجا، سن منی دونیا و آخیرت‌ده چوخ بی آبیر ائلیبسن! عرش کبریادا بوتون ملکلر منی لاغا قویوب گولورلر. اونلار دئییرلر:  سن بیر  مئتیر یاریم  بویدا قادینا  آلدانیبسان، هله ده آدیوی قویوبسان ملک؟ دوزدو لاپ بیرینجی اینسان آدام پیغمبرده حوایا آلداندی، آما او باشقا بیر موضوعویدی. همده، او آدامیدی من اوُلوم مله‌ییم، ملک‌الموتام. ایندی دا.... دینمز سوُله‌مز،  اوزان اوُل سنده دینجل، من‌ده. دئدیم: یووووخ استغفرالاه.  سنی تانیمایانا لهنت. سنین آدین گلنده هامی تیر-تیر تیترییر!  من بویدا عاجیز بیر قادین سنی آلدادا بیلنمرم کی. فقط دوستلوق عالمینده سنله دیلخوشلوق ائدیردیم. اوُلمک بیر شئ دییل کی، اوُل دئسن بو دیقه اوزانیب اوُلرم. آما من سنی دوشونورم واللاه بیللاه ، سنه اورییم یانیر. باخ بیر،  منیم جانیمی آلاندان سونرا بوش بئکار قالیب، داریخاجاقسان.  یاتماق دا اولار بیر عصر، ایکی عصر...سونرا یورولوب، یاتماقدان دا بئزه‌جکسن. آما یولداشین اولسا اصلا نه اوزولرسن نه یورولارسان. واووووو بیلمیرسن نه عالم اولار؟  دونیالارین  دادینی چیخاردادسان. گوُردوم دئیه‌سن سوُزلریم قوزولوغونا یاتدی. رنگ روفو آچیلدی، گوزلری پارلادی.  ملک اولاندا نولار اودا یولداش ایستیر دا !!! بیر آز گولومسنیب دئدی: یانی دئییرسن ائولنیم؟ اوخوم هدفه دیمیشدی. دئدیم: بلی... بلی. دئدی: اولماز جانیم  منی قوروب دده‌وین کوهنه بورجلارینا وئرمه! من اوُز باشیما دئییلم.

«رضوان حاجی قاسملی» جانای طالع اولدوزومون ایکی قولو وار بیری سنین‌کی دیر بیری منیم‌کی گئجه‌ده آغ قارا شعر یولو وار بیری سنین‌کی دیر بیری منیم‌کی بؤلوندو اورگیم بیر پاییز بیر یاز یاریلدی توپراغیم آرادا آراز ایکی ناغیل اولدوق من دئییم سن یاز بیری سنین‌کی دیر بیری منیم‌کی یویوروق گئجه‌نین درین گوناهین پوزوروق بولودون آیدین صاباحین گونشین اوستونه چکیلن آهین بیری سنین‌کی دیر بیری منیم‌کی سن یازان هارایین باغیشلانماسی یاساق سئوگیمیزین یاغیشلانماسی ایکی قول بویوندا اورک یانماسی بیری سنین‌کی دیر بیری منیم‌کی جانایین گئجه. لر ساغی سولوندا اولدوزلار آخیلیر گونش یولوندا ایکی چیچک آچیب تیکان کولوندا بیری سنین‌کی دیر بیری منیم‌کی        https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده»  7 https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده»  6 https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده»  5 https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده»  1 https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده»  1 https://t.me/Adabiyyatsevanlar

اوشاق ادبیاتی سونای، آنیسا بئش داش بالالاری ادبیات سئونلر گوروشونده1402/2/7 آپاریجی:«کریم قربانزاده» 4 https://t.me/Adabiyyatsevanlar