📓Usmon Azim

*** Бу қафас қушга кўниккан эди. Мустар яшар эди қуш хам сайрамай. Кўникиб минг йиллик тутқунлигига. Эшигини очиб қўйди бир куни қафас. Қуш эса...учиб бориб қўнмади гулга. Шунда сайраб юборди қафас: -Парвардигор! Озод эт бу қушдан мени!... Усмон Азим https://telegram.me/usmon_azim

*** Агар дўстинг ноҳақ эрса, Ҳақ сўзингни айтабер. Дўстлик сени ерга урса, Кўтаради қаро ер. Агар ёринг ноҳақ эрса, Ҳақ дилингда юрабер. Севги сени ерга урса, Кўтаради қаро ер. Агар отанг ноҳақ эрса, Ҳақ йўлингда боравер. Отанг сени ерга урса, Кўтаради қаро ер. Агар юртинг ноҳақ эрса Ҳақ руҳингда қолавер. Юртинг сени ерга урса, Кўтаради қаро ер. Агар халқинг ноҳақ эрса Ҳақ рўзингда қолавер. Халқинг сени ерга урса, Кўтаради қаро ер. Агар дунё ноҳақ эрса, Ҳақ дунёнгда турабер. Дунё сени ерга урса, Кўтаради қаро ер. Тангри билан кўнгил боғла, Кўнгилни ич - бўлгил маст... Агар сени Худо урса, Болам, ер ҳам кўтармас... Усмон Азим https://telegram.me/usmon_azim

Тошкентда туш каби юрибсан. Кетаяпсан, ёмғир ювган шаҳарни оралаб — қандай чиройлисан! Уйғонсам, эсимда қоласанми? Йўлкалар пойингга узун чўзилган, мошинлар беовоз сузарлар кўчаларда. Чорраҳаларда чироқлар баҳордай ям-яшил. Сен учунми, ё сенинг сеҳрингми бу мўъжизалар? Сен — одам шаклидаги туманим — тарқаб кетмайсанми уйғонсам? Ортингдан кетишга рухсат бер. Бу ҳушёр дунёда, бу ишчан дунёда, бу бедор дунёда — ҳеч бўлмаса, биргина одам тушининг ортидан кетсин!.. Айтгандай, сен неча кунлик тушсан? Ҳар хил хаёлга борма. Умрим неча кун? — билмоқчиман, холос. Усмон Азим 16. 02. 2015 https://telegram.me/usmon_azim

*** Гоҳ гужум шовуллар, гоҳ шитирлар ток, Бу — боғда адашган паришон шамол. Бормисан оламда, юрибсанми соғ, Шамолдай йўлларни йўқотган аёл. Сенсиз — баҳорларим куз бўлди маним, Мен сенсиз сарғайдим, Мен сенсиз куйдим, Бир тирик гулханга айланди таним, Шу олов ичида бир сени суйдим. Сен — боғлар қўйнида қийналган шамол, Сенга йўл бермайди шохлар чалкашиб... Ям-яшил боғларда адашган аёл, Мен олов ичида қолдим адашиб. Усмон Азим https://telegram.me/usmon_azim

#ijodiy_uchrashuv 📹 Talabalarni kitob mutolaasiga jalb etish hamda badiiy savodxonlik darajasini yanada oshirish maqsadida oʻtkazilayotgan “Maʼrifat ulashib” loyihasi doirasida Termiz davlat universitetida Oʻzbekiston xalq shoiri Usmon Azim bilan ijodiy uchrashuv bo‘lib o‘tdi.

Bizni kuzating

Facebook | X | YouTube

*** Уриндим - асроринг еча олмадим - Хар битта жилвангда минг сирли тугун. Фақат, Тангрим, кечир, бандаларингдан Эрку, Озодликни кутганим учун. Қичкирдим - бўгзимда қотдилар унлар, Кўз ёшларим оқди сув каби бетаъм. Ахир, Тангрим, кечир, қоронғу тунлар Бўзлаб, йўл сўрадим, бандаларингдан. Сенинг осмонингга етмади бўйим, Ердан паст кўкларни айладим тавоф. Фақат, Тангрим, кечир, бандаларингдан Мангу саволларга изладим жавоб. Раво айламайсан менга меҳрингни Хатто кўргазмайсан ғазабу зуғум. Фақат, Тангрим, кечир,бандаларингга Бир қатра озодлик бермаганим-чун. Қон ютган кўримлар учун кечиргин, Бемаҳал ўлимлар учун кечиргин. Кўзимнинг ёшлиги учун кечиргин, Дунёнинг тошлиги учун кечиргин. Кечиргин - кўйингда адашганимни, Кечиргин - кўйингни танимаганим- чун. Кечиргин - эрк учун талошганимни, Ва эрк сенлигингни билмаганим-чун... Усмон Азим https://telegram.me/usmon_azim

SHE'R QANDAY TUGʻILADI... USMON AZIM HAQIQATLARI https://telegram.me/usmon_azim

Мен сени олисдан севиб яшадим, Дилни айтмоқликка топмадим журъат. Бетақдир йўлларни тамом ташладим, Англадим, юракка подшоҳдир қисмат. Йўқ, ҳеч ҳам керакмас ортиқ сийловлар, Кўздаги ёшимни артаман ўзим. Тунги бедорликлар, шеърий қийновлар - Фақат менга тегиш пинҳона рўзим. Гоҳо узоқлардан келар овозинг, Кўриниш бергайсан гоҳо бир лаҳза... Сен - менинг ҳаётда ёлғиз парвозим, Сен - менинг қалбимда умрбод ларза. Сен менинг бетўхтов яралишимсан, Сенсан - сўзга тушса, ёнган инқироз. Сен менинг дунёга таралишимсан - Кераксиз умримдан ортиқ эҳтирос. Не қилай? Кўмакми? Хўш, нима фойда? - Осон қилолмагай оғир йўлимни. Юракни узатмоқ зарурат жойда, Сен мудом узатдинг нозик қўлингни. Қара, йиғлаяпман... қайси томонга Телба хохиш билан қадам ташладим - Алмашсам бўлурми лаҳзангни жонга?.. Мен сени олисдан севиб яшадим. Усмон Азим https://telegram.me/usmon_azim

Халойиқ ортингдан боқади ҳайрон: Куйлагинг узуну плашинг калта, Бир қўлингга тутиб зангор соябон. Бирида қаппайган одми тўрхалта — Ўтиб кетаркансан сен буюк аёл: Сен кимлар учундир бир покиза туш, Сен кимлар учундир армонли хаёл... Мен-чи? Сени ўйлаб яшайман беҳуш. Майсаларнинг ранги учди ёдимдан, Унутдим ҳаётнинг қутлуғ исмини. Ҳаёт ўтиб борар менинг ёнимдан, Титроқ қўлларимдан юлқиб тизганин. Сен ҳам ўтажаксан... Кучаларда мунг, Қалбимда қолади ғамгин наволар... ...Ахир, сенсиз қандай яшамоқ мумкин? Нафас олай десам, тошдир ҳаволар. Усмон Азим https://telegram.me/usmon_azim

Сенга келиш нима? Кетишдай осон. Сенга йўқотишлар — топишдай бир гап. Сен дунёни кўрмай яшайсан мудом, Яшайсан дарахтдай ҳис қилиб, илғаб. Қалбингда фожелар зумда учади, Янги ғуссаларни қучасан шодон. Бебахтлигинг бахтдай сендан кечади — Алъомон, Ўзингдан, жоним, алъомон! Сени тўфонларнинг узи асрасин, Сендан йироқ қочсин қисмат дудлари. Йўлингга аямай қутлар ташласин, Қўли очиқ келсин умринг ҳутларин. Сенга кетиш нима? Хайр-хўш... Тамом... Мен ҳам омон қолай — Бир нажот бергин. Нима у бошимга отганинг? Осмон... Тўхта! Олиб кетма пойимдан ерни... Усмон Азим https://telegram.me/usmon_azim