گەشە(توسعه): سید هاشم هدایتی
Открыть в Telegram
در این کانال یادداشت های شخصی اینجانب حول مباحث توسعە, با تمرکز بر کردستان و گاهی هم اشعار و دلنوشتەها و ...درج می شود. منتظر نظر و پیشنهادهای شما هستم. t.me/KDproblems لینک کانال
Больше603
Подписчики
Нет данных24 часа
+37 дней
+430 дней
Архив постов
وردە فەرمایشت ( ٢٢٣ )
🔹ئێژن:" ساڵ وە ساڵ، خوەزگە وە پار"
🔹 ئەو مەتەڵە لەوایە ئاماژە بە چەن شت بێت؛
🔸یەک. باس کردن لە بیرەوەرییەکان و ڕابوردوو هەمیشە بۆ مرۆڤ بەچێژترە لە ئێستای کە تێدا دەژیت.
🔸دوو. هەرچێک تەمەن ئەرواتە سەر ژیان بەرەو عەقڵانیەت دەڕوات و ناکرێت مرۆڤ وەک ڕابوردوو کە کەم تەمەنتر بووە و هەرچێکی پێی خۆش بووە کردوویەتی، هەڵسوکەوت بکات بۆیە، تەبعەن کردەوەی پێشووی پێ خۆشترە.
🔸دەشکرێت بڵێین ژیانی مرۆڤ بەگشتی. سەرەڕای ئەو هەموو پێشکەوتووییە کەبە بۆنەی کەرەسەو تێکنۆلۆژیا، ڕووی داوە، بەچێژتر نابێت. مرۆڤ هەر یادی ڕابردووی لە زەیندایە.
🔹بۆیە سەرجەمی ئەو بۆچوونانە پێمان دەڵێت؛ قەدری ئەوڕۆتان بزانن، چونکه بێگومان لەداهاتوودا دلتان بەسۆ دەبێت بۆ ئەوڕۆژانەی تێپەڕ دەبن!
س.ه.هیدایەتی
t.me/KDproblems
وردە فەرمایشت ( ٢٢٢ )
🔹ئێژن:" شێتێک کوچکێک بخاتە ناو چاوانەیەکەوە هەزار عاقڵ دەری نایرێت!"
🔹 چەنێک ژیرانە ئەو مەتەڵە ئاماژەی کردووە بە ئاکامی کردەوەی نەزانێکی بێ عەقڵەوە کە بەهۆی رەفتارێکی دوور لە عەقڵانیەت، هەم خۆی تووشی دەردیسەر دەکات، هەم دەوروبەرییەکانی"
🔹ئەوجۆرە کەسانە هەندێک جار شارێک و وڵاتێک تووشی بەدبەختیی و چەرمەسەری گەورە دەکەنەوە و بگرە پێشی نەزانن و کارەکەی خۆیانیش بە دروست بزانن!
🔹پەیامی ئەو مەتەڵە ئەوەیە کە مرۆڤی ژیر پێش هەر وتار و کردەوەیەک بیر لە ئاخر و ئاکامی ئیشەکەی دەکاتەوە!
س.ه.هیدایەتی
t.me/KDproblems
وردە فەرمایشت ( ٢٢١ )
🔹ئێژن:" شمشێر ئەوەشنیت، قەڵخانت پێبێت!"
🔹 ئەو مەتەڵە وەک زۆربەی مەتەڵەکانی تر ئاماژەیە بە گرینگی ڕاوێژ و چارەسەری و پێشبینی کردەوەکانی مرۆڤ و کۆمەڵگەکان و بەرگری کردن لە بریاردانی سەرسەری "
🔹ئەزموونەکان پێمان دەڵێن هۆکاری زۆرینەی دۆڕان و شکست و بە ئاکام نەگەیشتنەکان، سەرسەری بوونە لە هەڵوێست و بڕیارداندا!
🔹بەپێی ئەو ئامۆژگارییە، دەبێت پێش هەر کارێک لە ئاکامەکەی تێبگەین. وە بزانین کەسێک دەست دوەشێنێت، دەبێ چاوەڕوان بێت لێی بدرێتەوە. کەوایە یان خۆمان تووشی شەڕ نەکەین کە زۆر کە ئەمە باشترە، یان پێش هێرشکردنە سەر دوژمن، لەبیری خۆپارێزیدا بین!
س.ه.هیدایەتی
t.me/KDproblems
وردە فەرمایشت ( ٢٢٠ )
🔹ئێژن:" جواو مشت پالەقەس"
🔹 ئەو مەتەڵە وەک مەتەڵی "جواو کوڵۆ کوچکە " ئاماژەیە بە شێوازی کۆمەڵگەیەک کە خەڵکەکەی، تۆڵەسەندنەوەیان، وەک ریگاچاری کێشەکانیان هەڵبژاردووە!
🔹ڕاستە خەڵکی ئاسایی پتر لایان وایە وەڵامی مست پالەقەیە، بەڵام لەسەر مەنتیقی ئینسانی، شێوازی بەربەرەکانێ و بەگژاچونەوە، بڕیاردانە بە هەرگيز حەل نەبوونی کێشەکان!
🔹ئەو کەسانەی بۆ چارەسەری کێشە مرۆییەکان لایەنگری شێوازی ئینسانین هیوادارن؛ : "دادوەری و پێداگری بۆ سەقامگیری یاسا"، بتوانێت وەک دەرمانێک بۆ چارەسەرکردنی کێشە ئینسانییەکان، بەکاربێت!
س.ه.هیدایەتی
t.me/KDproblems
وردە فەرمایشت ( ٢١٩ )
🔹ئێژن:" کەرێک بەیت بە کەرێ، سنان لە بندەسیەوە دەرێ!"
🔹 ئەو مەتەڵە ڕەخنەیە لە هەر جۆرە ئیش و کارێکی بازرگانی یان ئەو هەڵسوکەوت و دان و سان و ئاڵوگۆڕانەی کە دەبێ قازانجی تێدا بێت بۆ مرۆڤ، کەچی وانیە"
🔹جەختی ئەو مەتەڵە لەسەر ئەوەیە: دوور لە عەقڵانییەتە کە مرۆڤێک لە فکری تێچووی و داهاتی ئیش و کارێکدا نەبێت و بەڕێوەی ببات!
🔹وەک هەموو مەتەڵەکان، ئەم مەتەڵەیش دەرسی بەڕێوبەرایەتی ئابووری و دیپلۆماسییەت و پێوەندییە ئینسانی و کۆمەڵایەتییەکان دەدات بە مرۆڤ و دەڵێت: "کاری بێ فایدە مەکەن!"
س.ه.هیدایەتی
t.me/KDproblems
وردە فەرمایشت ( ٢١٨ )
🔹ئێژن:" هەم لە ئاخوڕ ئەخوات هەم لە تیوەرە "
🔹 ئەو مەتەڵە بەتوندى و ڕاشکاوییەوە ئاماژە دەکات بەو مرۆڤانەی هیچ بنەمایەکی ئەخلاقییان بۆ مەعاش و ژیانی رۆژانەیان نییە و لەهەر لایەکەوە بۆیان بگونجێت گیفانی خۆیان پڕدەکەنەوە!
🔹 نازانین تەخسیری بارودۆخی نالەباری ئابووری و کۆمەڵایەتییە یان هەر ڕیشەی لە فەرهەنگی وڵاتەکەماندایە کە هەر ڕۆژ شایەتی دیتنی کەسانێکین کە بە ئەوپەڕی بێ حەیایییەوە هەم لە سەر سفرەی مەزڵۆم دادەنیشن، هەم کاسەلێسی زاڵمەکانن!
🔹 پەیامی مەتەڵەکە ئاشکرایە؛ "چاوتان لێی بێت چی دەخۆن و هین کێیە دەیخۆن! لەسەر هەر سفرەیەک دامەنیشن! تەواو!
س.ه.هیدایەتی
t.me/kDproblems
وردە فەرمایشت ( ٢١٧ )
🔹ئێژن:" بنەجۆ، باش بشێلە!"
🔹 ئەو مەتەڵە وەک ئەزموونی مرۆڤ دەڵێت: هەرکارێک سەرەتاو بنەڕەتەکەی باش دانریابێت، ئاکامی چاوەڕوانکراوی دێتەدی! بەڵام وەک چۆن ماڵێک بنەڕەتی پتەو دانەنریابێت لە زوترین کاتدا دەڕووخێت، هەر ئیشێکی تریش نیازی بە بنەڕەتی درووستە!
🔹وەک لە زۆرێک لە مەتەڵەکاندا ئاماژەی پێکراوە، ئەم ئامۆژگارییانە هەموویان باسی بەڕێوەبەرایەتی دەکەن. واتا ئامانج، بە بەڕێوەبەرایەتی عالمانە دێتەدی!
🔹پەیامی ئەو مەتەڵە ئەوەيە کە؛ "وریا بن یان کارێک دەس پێ مەکەن، یان بنەڕەتی کارەکەتان لەسەر زانست و واقیعبینی دابنێن تاکوو بە ئامانجی خۆی بگات"
س.ه.هیدایەتی
t.me/KDproblems
وردە فەرمایشت ( ٢١٦ )
🔹ئێژن:" بێژنگ بگرە ڕووی خوەت، خەڵک چۆن ئەوێنیت خوەتیش هەر وایتە!"
🔹 پێشێنیانی ئێمە لەو مەتەڵە بەنرخەدا یەکێک لە گرینگترین بنەماکانی مرۆڤناسی و مەعریفەتی ئینسانییان گونجاندووە، بۆچوونێک کە لەگەڵ شێوازەکانی فێرکاری عیرفانیی و زانستی ڕەوانناسی، یەکدەگرێتەوە.
🔹زانایانی ئەو دوو شێوازە، لایان وایە مرۆڤ کاتێک لەبارەی کەسانێکی ترەوە داوەری دەکات، خەریکە خۆی دەناسێنێت و ئەو سیفەتانەی دەینێتەسەر شانی خەڵک لەڕاستیدا هەر ئەوانەن لە بیر و مێشک و کردەوەی خۆیدا بەدیدەکرێن!
🔹کەوایە دەکرێت پەیامی ئەو مەتەڵە بەمجۆرە بخوێنینەوە کە: "وریا بین! خەڵک چۆن دەبینیینەوە، خۆیشمان هەر واینە"،
س.ه.هیدایەتی
t.me/kDproblems
وردە فەرمایشت ( ٢١٥ )
🔹ئێژن:" عالەم بزانێت، میمکم نەزانێت!"
🔹 ئەو مەتەڵە ئاماژەیەکی تیز و تەنزاوییە بەو بەرچاوتەنگانەی، تێدەکۆشن هەواڵە گرینگەکان لە نزیکانی خۆیان بشارنەوە و بۆيان گرینگ نییە خەڵکیتر ئەو هەواڵانە ببیسن!
🔹لەڕاستیدا ئەگەر لە ڕابردوودا ئیمکانی شاردنەوەی هەواڵ بووبێت لە ڕۆژگاری ئێمەدا لەسێبەری سۆشیال مێدیاکاندا ئەوکارە قەت ناکرێت. وە ئەگەر سەرچاوەی هەواڵەکان حازر نەبن خۆیان ڕاستییەکان بڵاو بکەنەوە کەسانیتر هەواڵی نادروستی لێ بڵاو دەکەنەوە!
🔹پەیامی ئەو مەتەڵە ئەوەیە شاردنەوەی ئەو هەواڵ و ڕووداوانەی پێوەندی بە ماف و ژیانی خەلکەوەیە ئیشیکی ناڕەوایە. چونکە: "زانین مافی هەمووانە"!
س.ه.هیدایەتی
t.me/KDproblems
وردە فەرمایشت ( ٢١٤ )
🔹ئێژن:" کفن گیفانی نییە!"
🔹 هەزار ڕەحمەت لەڕۆحی پێشینیانی ئێمە کە بە ڕستەیەکی کورت، بەحرێک زانیاری و دەرسی قووڵی ژیانیان بۆ باس کردووین!
🔹کفن گیفانی نییە واتا مرۆڤی کفن پۆش هیچ گەڵاڵەیەکی بۆ پاشەناز و زەخیرە کردنی پارە نییە. جا کێیە ڕۆژێک جلی کفن، نەکاتە بەری!
🔹کەوایە وریابین ڕۆژێک دێت ئێمەیش دەبێ بە ئیجبار، کفن بپۆشین. لەو ڕۆژە بیر بکەینەوە و خۆمانی بۆ ئامادە بکەین. تەواو...
س.ه.هیدایەتی
t.me/KDproblems
وردە فەرمایشت ( ٢١٣ )
🔹ئێژن:" گا بەدەم جفتیارا ئەڕوانێت!"
🔹 لەو مەتەڵەدا دەکرێ مەبەستی لە گا، هەموو کەرەسەو تێکنۆلۆژیاکان بێت! لە بەشی دووەمیشدا، جووتیار ئاماژە بە ڕۆڵی فەرماندە بکات، واتا ئەو کەسەی کە کەرەسەکان بەڕێوە دەبات!
🔹لە زانستی بەرێوەبەرایەتیدا هەموو ئەو شتانە کە ڕێکخراوەیەک پێک دێنن پێیان دەڵێن؛"سەرچاوە"و وان بە دەستی سەرکردە و ڕێبەبەری ڕێکخراوەکەوە، کە دەتوانێت بەباشترین یان خراپترین شێوە کەڵکیان لێ وەر بگیرێت!
🔹 دەکرێ ئەو مەتەڵە ئاماژەیش بێت بە چۆنیەتی ژیانی مرۆڤ لەڕوانگەی زانایانی ئایینییەوە. کە دەڵێن؛ ئەسپ وەک جەستەیەو، چاوی لە سوارکارەکەیەتی کە بریتییە لە ڕۆح تابزانێت چۆن بەڕێوەی دەبات!
س.ه.هیدایەتی
t.me/KDproblems
وردە فەرمایشت ( ٢١٢ )
🔹ئەڵێن: " شەڕ وە شمشێر و مامەڵە وە پووڵ!"
🔹 ئەو مەتەڵە پێداگرییە لەسەر
ڕوانگەی مەنتقی و عەقڵانی کە پێمان دەسەلمێنن کەس نابێت بەدەستی خاڵی بڕواتە شەڕی دوژمنێکەوە کە سەرتاپای چەک بێت. هەروەک نابێت کەس بێ دابینکردنی بودجە و پارەی پێویست، بڕواتە مەیدانی رکابەری بازرگانییەوە!
🔹زۆرجار ئارەزوو و حەزەکانی خۆمان دەکەینە بەڵگە و بێ ئەوەی لە فیکری دابین کردنی پێداویستییەکانیاندا بین، بەدەستی خاڵی دەچینە پێشوازیانەوە و هیچ داهاتێکیش بەدەست ناهێنین.
🔹ئەو مەتەڵە دەڵێت بۆ هەر کارێک دەبێت بەرنامەڕێژیتان هەبێت و نیازە مادی و ئینسانییەکانی ئامادە بکەن ئینجا هەنگاوی بۆ هەلبگرن و چاوەڕوان بن بگەن بە ئامانج و ئارەزووەکانتان!
س.ه.هیدایەتی
t.me/KDproblems
وردە فەرمایشت ( ٢١١ )
🔹ئێژن :" کابرا ئەونە درۆزنە بێژێت ماس چەرمگە، خەڵک ئەیژن ڕەشە!"
🔹 ئەو مەتەڵە ئاماژەیە بەو مرۆڤە درۆزنانەی کە متمانەی خەڵکیان لەدەس داوە و کەس بڕوایان پێ ناکات!
🔹لەبەرانبەری ئەم مەتەڵەدا بۆ کەسانێک کە ڕاستگۆن و بوونەتە هۆی متمانەی خەڵک، وتراوە: "کابرا بێژێت ماست ڕەشە خەڵک ئەیژن؛ ڕەشە"
🔹پەیامی ئەو مەتەڵە، "ڕاستبێژییە"و دەڵێت ڕەوتی زۆربوونى ڕاستوێژی، دەبێتە هۆی دروستبوونی متمانە و سەرمایەی کۆمەڵایەتی کە لە پێویستییە هەرە گرینگەکانی پێشکەوتنی هەر وڵاتێکن!
س.ه.هیدایەتی
t.me/KDproblems
وردە فەرمایشت ( ٢١٠ )
🔹ئێژن:" چەم بێ چەقەڵ ناوێت!"
🔹ئەو مەتەڵە نیشاندەری واقیعییەتێکی هەمیشەیی و هەمەلایەنەی سروشت و ژیانی ئێمەیە کە دەڵێت؛ "هیچ جوانییەک نییە دوور بێت لە ناشیرینی. هیچ ناشیرینەکیش نییە ئاوێتەی جوانی نەبێت!"
🔹"چەم" یان "چۆم" نوێنەی جوانی سروشتە کە پڕیەتی لە دار و گوڵ و ئاو و کانی و مەل و گیانلەبەرانی جوان و دڵڕفێن. کەچی لەو حاڵەتەشدا بێبەش نییە لە بوونی گیانلەبەرانی ناحەز و بێ فایە وەک "چەقەڵ"، کە بێ سوود ترین جانەوەری دەشت و چیاکانە!
🔹بگرە پەیامی ئەو مەتەڵە ئەوە بێت کە؛ خەڵکینە بەدوای مەدینەی فازیلەدا مەگەڕێن. دەستەیەک گوێزی خۆش تام و بۆنیش هەر نەبێت، دانەیەک گوێزی پووچەڵی تێدایە!
س.ه.هیدایەتی
t.me/KDproblems
وردە فەرمایشت ( ٢٠٩ )
🔹ئێژن: " پووزی ڕەش و چەرمگ لەبوارا دەرئەکەفێت! "
🔹ئەو مەتەڵە ئاماژەیە بەو یاسا هەتاهەتاییە کە مرۆڤ تا نەجووڵێتەوە لێهاتوویى ناکەوێتە بەرچاو. وەک چۆن وتوویانە تا مرۆڤ نەدوێت عەیب و هونەری دەرناکەوێت.
🔹ڕەفتار و کردەوە بۆ نواندنی لێهاتوویی، باشترین پێوەرە. هەر ئیدعایەک پێویستە بە کردەوە خۆی بسەلمێنێت. وەک چۆن دەنگ و نووسراوە تا نەبیسرێن و نەبینرێن جوانییان بۆ کەس دەرناکەوێت.
🔹بگرە دەرسی ئەو مەتەڵە بۆ کورد، ئەوەبێت؛ "لە ئەزموون مەترسن وەک وتوویانە؛ سوار تا نەگلێت نابێتە سوار" بۆ نیشاندانی لێهاتووییەکان دەبێ قولی لێ هەڵکەن!
س.ه.هیدایەتی
t.me/KDproblems
وردە فەرمایشت ( ٢٠٨ )
🔹ئێژن:" کوتەک لە بەهەشتەوە هاتووە!"
🔹ئەو مەتەڵە ئاماژەیە بە شێوە پەروەردەییەکی دژە ئینسانی کە هەزاران ساڵە باڵی ڕەشی کێشاووەتە سەر ژیانی مرۆڤدا و پێی وایە بەبێی بەکارهێنانی زۆر، کەس پەروەردە نابێت!
🔹جێی خۆشحاڵییە مرۆڤ خەریکە بەو قەناعەتەی بگات کە بەکارهێنانی توندوتیژیی لە سیستەمی پەروەردەیی و راهێناندا شێوەەکی ئینسانی و دادپەروەرانە نییە!
🔹ئەڵبەتە چاوپۆشی لێناکرێت کە هێشتا زۆرێک لە کۆمەڵگەکان نەیانتوانیوە لەو شێوە لابدەن و هەر ڕۆژ هەواڵی دەیان ڕووداوی ناحەز لەمبارەوە دەبیسرێت. وەک ئەو هەواڵە دلتەزێنەی ئاوایییەکی سەر بە سنە کە - بەناو مامۆستایەک- بۆ تەمبێکردنی خوێندکارەکانی چ کردەوەیەکی ناحەز و دڵتەزێنی نواندووە!
س.ه.هیدایەتی
t.me/KDproblems
وردە فەرمایشت ( ٢٠٧ )
🔹ئێژن: " هیلکە ناکا، ماڕکەکەیش ئەخوات! "
🔹ئەو مەتەڵە ئاماژەیە بە کەسانێکی نەزانکار کە لەکاتی مامەڵەو بازرگانیدا نەتەنیا هیچ قازانجێک بەدەس ناهێنن بەڵکو دەسمایەکەیشیان بەفیڕۆ دەدەن!
🔹وەک لە زۆر لە مەتەڵەکاندا هاتووە پێشینیانی ئێمە بەو ئاکامە گەیشتوون کە بۆ هەر ئیش و کارێک، مرۆڤ دەبێت لێزان و تێگەیشتوو و خاوەنی کارامەیی پێویست بێت.
🔹پەیامی ئەو مەتەڵە ئەوەیە؛ ئەو کەسانەی خاوەنی زەوق و حەز و کارامەیی ئیشێک نین، بەڵام ئیدیعایان هەیە، قەت ناتوانن لەو ئیشەدا سەرکەوتووبن و خۆیان تووشی زیان دەکەن.
س.ه.هیدایەتی
t.me/KDproblems
نەورۆز و یه‌کیەتی نەتەوەیی کورد!
سه‌ید هاشم هیدایه‌تی
نه‌ورۆزی ئه‌وساڵ ده‌رفه‌تێکی ستراتیژیکی بۆ کورد ڕه‌خساند تا به پێداچوونه‌وه‌یه‌کی بنه‌ڕەتی تێبگات کە هۆکاری زۆر گرینگتر له چه‌ک و توندوتیژیی به ده‌سته‌وه‌یه بۆ ناساندنی خۆی به خۆی و به هاوسێکانی و به خه‌ڵکی جیهان؛ "فه‌رهه‌نگ".
ڕیشەی فه‌رهه‌نگی کورد ئه‌وه‌نده لق و پۆ و شاخ و به‌رگی پێیە بۆ پێناس و بوونی کورد که ئیدی نیازی به بەختکردنی گیانی ڕۆڵەکانی کەمترە.
ئه‌وه‌ی ئه‌وساڵ ڕوویدا ته‌نیا به‌شێک بوو له‌و تواناییه فه‌رهه‌نگییه‌ی که کورد هه‌یه‌تی و ده‌توانێت وه‌ک سه‌رمایه‌یێکی کۆمه‌ڵایه‌تی و ئینسانی که‌ڵکی لێ وه‌ر بگیرێت.
کورد وه‌ک نەتەوەیەکی کۆن توانیویه له به‌رانبه‌ر سه‌دان ساڵ زوڵم و زۆری نه‌یاران و هاوسێی بێ ئه‌مه‌گ، خۆڕاگری بکات و فه‌رهه‌نگ و داب و نه‌رێتی خۆی بپارێزێت.
فه‌رهه‌نگ کە له لایه‌ن زانایانی کۆمه‌ڵناس و فه‌رهه‌نگناسه‌وه به ئولگوویه‌کی هاوبه‌شی ڕه‌فتاری ناسێندراوه، بریتییه له کۆی ئه‌و وه‌ڵامانه‌ی له درێژه‌ی مێژوودا هەر نەتەوەیەک بۆ پرسیاره‌کانی خۆی داویه‌ته‌وه، بەواتایەکی تر فەرهەنگ کۆی ئه‌و ڕێگاچارانه‌یە کە هەر نەتەوەیەک بۆ نیازه‌کانی خۆی دۆزیویه‌ته‌وه و هووییه‌تی تایبه‌تی نەتەوەیی پێ ده‌به‌خشێت.
که‌وابوو فه‌رهه‌نگی کورد بریتییه له هه‌موو بیر و بۆچوون و ڕه‌فتاری تاکه‌تاکه‌ی کورد له هه‌ر ناوچه‌یه‌کی کوردنشیندا، لە چۆنیه‌تی دروسکردنی خوارده‌مه‌نیی و خانوو و ژینگه‌وە بگرە تا هات و چوو و پێوه‌ندییه‌کانی بنه‌ماڵه و خزم و که‌س و تایفه و هاوسێ و ده‌وروبه‌ر، که‌سب و کار و دابین کردنی نیازه فیزیۆلۆژییه‌کانی خه‌ڵک و فێرکردن و فێربوون و ئاڵوگۆڕی ئه‌زموونه‌کان و ... هه‌ر کرده‌وه‌یه‌کی تر که کورد له ژیانی کۆمەڵایەتی خۆیدا به‌کاری ده‌هێنێت و کورد لە نەتەوەکانی تر جودا دەکاتەوە.
دیاره هه‌ندێک هۆکار، ڕۆڵی تایبه‌تیتریان هه‌س له یه‌کگرتوویی نەتەوەی کورددا. واتا ئه‌و هۆکارانه ئه‌گه‌ر نه‌بن نه‌ته‌وه‌بوونی کورد ناسه‌لمێندرێت. وه‌ک زمانی هاوبه‌ش، جه‌ژن و ڕێوڕه‌سم و ئایینه‌کان (مه‌به‌ست له ئایینه‌کان ته‌نیا دین و مه‌زهه‌ب نییه) واتا هه‌موو ئه‌و ڕه‌فتاره گشتی و هاوبه‌شانه ده‌گرێته‌به‌ر که به‌شێوه‌ی گشتی و تێکڕایی به‌ڕێوه ده‌چن وه‌ک: ڕێوڕسمی جه‌ژنی نه‌ورۆز، ڕه‌مه‌زان، قوربان، مەولوود، شەوی چلە، نوێژی جومعە و تەراوێح، زیکری تەکیە و خانەقاکان، ڕێوڕەسمی پیری شالیاری و دەف نەوازی، ڕێوڕەسمی زەماوەند، سەرەخۆشیی، ڕێوڕەسمی ناونیانی منداڵ، ڕێوڕەسمی خەلەوخەرمان و کشتوکاڵ و هیتد.
کێیه ڕؤڵی جەژنەکان لە پاراستنی ناسنامەی فەرهەنگی کورد و پاراستنی یەکێتی نەتەوەیی کورددا که‌تمان بکات!
ڕێوڕه‌سمی نه‌ورۆزی ئه‌وساڵ به‌و شێوازه‌ی که له زۆرێک لە شار و دێهاته‌کانی ناوچه جۆراوجۆره‌کانی کورده‌واریدا ڕووی دا په‌یامێکی ئاشکرا بوو بۆ تاکه‌تاکه‌ی کورد و نه‌یاره‌کانیان که بزانن چلۆن ئه‌و ڕسم و باوه کۆنه ده‌توانێت دەستی ده‌یان هه‌زار کورد، به بیر و بۆچوون و هه‌ڵوێست و به‌ره‌ی جیاوازه‌وه بنێته نێو ده‌ست و بە عالەم بڵێن ئێمە نه‌ته‌وه‌یه‌کی یه‌کگرتوو و شادیخواز و دژ به توندوتیژی و هاودڵ و هاوڕێ و هاوده‌نگین!
ئه‌وه ئه‌و هۆکاره گوم بووگەیه که کوردی په‌راکنده و زامداری ده‌ستی دووبه‌ره‌کی و چه‌ن به‌ره‌کیی، نیازی تایبه‌تی پێیه.
هەروەها ئەو ئایینانە کە له ڕۆژانی پێش و پاشی نه‌ورۆزه‌دا ده‌یان هه‌زار تاکی کوردی ڕۆژۆوانی له مزگه‌وته‌کانی کورده‌واری کۆ کرده‌وه له ڕیزه‌کانی نوێژی ته‌راوێح و جه‌ژنی ڕه‌مه‌زاندا.
بگره هه‌ندێ که‌س به چاوی سووکه‌وه چاویان له‌و ڕێوڕه‌سمه گرینگ و مه‌زنه کردبێت، به‌ڵام له بیرمان نه‌چێت کورد بۆ وه‌ده‌س هێنانه‌وه‌ی دووباره‌ی یه‌کیەتی نه‌ته‌وه‌یی به هه‌موو ئه‌و ڕێوڕه‌سمانه نیازی هه‌یه. جا چ ڕێوڕه‌سمی نه‌ورۆز بێت، چ نوێژ و چ ڕۆژوو و ج چوارشه‌مه سووری و چ جه‌ژنی مه‌ولوودی پێغه‌مبه‌ر و چ ڕێوڕه‌سمی چله‌ی زستان و چ زه‌ماوه‌ند و هه‌ڵپه‌ڕکێ، چ کۆڕی زیکر و ته‌لیله‌ی ده‌روێش و سۆفییه‌کان و چ مه‌راسمی پیری شالیار!
لەڕاستیدا بۆ یه‌ک گرتنه‌وه‌ی دووباره‌مان و بۆ دوورکه‌وتنه‌وه‌مان له دووبه‌ره‌کی و چه‌ن به‌ره‌کی عه‌شایری و حێزبایه‌تی و ئایدیۆلۆژییەکان، نابێت حاشا بکه‌ین له هیچ ڕێوڕه‌سمێکی کۆنی کوردی.
نیازمان بە چه‌ترێکی فەرهەنگییە بۆ ئه‌وه‌ی گشت، به هەر ناوێکه‌وه، له ژێریدا جێ بگرین. بۆیە نیازمان به ئەزموونە بۆ ده‌رک کردن، خۆش ویستن، سووکایەتی نەکردن و ڕێزنان لە یه‌کتری !
سیروان; ١٤٠٤،١،٢٣
t.me/KDproblems
وردە فەرمایشت ( ٢٠٦ )
🔹ئێژن: " کابرا دێر هات و زوو پیا گەیی! "
🔹ئەو مەتەڵە بە دوو شێوە دەخوێنرێتەوە:
🔸یەک هەبوونی گەندەڵی ناو کۆمەڵگە و شێوازێکی ناحەز بەناو ئاشنا بازی،
🔸دووەم کەسێک زۆر زیرەکانە لە دەرفەتەکان کەلک بگرێت و بە هۆی توانایی و لێهاتوویی شەخسییەوە بەرندەی کێبڕکێ بێت.
🔹گەندەڵیی دەردێکی بێ دەرمانی کۆمەلگەی ئێمەیە. تارادەیەک بەدەگمەن ئیشت بۆ ئەنجام دەدەن و داوای بەرتیلت لێ نەکەن یان شیرینیت! لێ وەرنەگرن.
🔹 لەباری کەڵک گرتن لە دەرفەتەکانیش بەداخەوە دۆخی نالەباری بەڕێوەبەرایەتی و دەسەڵاتی نالایقەکان کاری وای کردووە کە زۆرێک لەمرۆڤە لێهاتووەکان یان خراونەتە پەراوێز یان لەوڵات دوور کەوتوونەتەوە و دەرفەتێک بۆ کێبڕکێ نەماوە!
س.ه.هیدایەتی
t.me/KDproblems
وردە فەرمایشت ( ٢٠٥ )
🔹ئێژن: " لە نۆکیسە قەرز مەکە، قەرزت کرد، خەرجی مەکە"
🔹ئەو مەتەڵە دوو پەیامی رەوانناسانەی پێیە؛
🔸یەک. کەسانێک کە نەدار بووبێتن، هەمیشە مەترسییان هەیە ئەو نەدارییە دووپات ببێتەوە، بۆیە ئەگەر دەسکەوتێکیان ببێت بۆ پاراستنی تاڕادەی ڕژدی و دەست وشکی دەڕۆنە پێشەوە!
🔸دوو. ئەو مەتەڵە ئاماژە بە بنیچەیەکی حاشا هەڵنەگرە کە مرۆڤی دارا و دەوڵەمەند بە نیسبەتی مرۆڤی نەدار دەست و دڵبازترە!
🔹 بارو دۆخی نالەباری ئابووری هۆکارێکی سەرەکی و گرینگە بۆ ئەوەی مرۆڤەکان بەرەو ڕژدی هانبدات. ناشاردرێتەوە کە؛ لە کۆمەڵگەی نەدار، یارمەتیی و قەرز بەیەکدانی خەڵک، زۆر کەمترە لە کۆمەلگەی دەوڵەمەند و دارا!
س.ه.هیدایەتی
t.me/kDproblems
