သီဟဝဏ္ဏ

Youtube အသုံးပြုတဲ့မိတ်ဆွေများအနေနဲ့ ကျနော့်ရဲ့ ချန်နယ်အသစ်လေးကို Join ပေးနိုင်ပါတယ်။ ထီပေါက်ရင် မုန့်ကျွေးပါ့မယ်။ 😜 https://www.youtube.com/watch?v=kaRYU5uaKZE

Online ရာဇဝတ်မှုနဲ့ မူးယစ်ဆေးဝါးကို ပြတ်ပြတ်သားသား နှိမ်နင်းမယ့် အစိုးရ၏ မူဝါဒ   🟢သမ္မတကြီးရဲ့ ဒီအပိုင်းမိန့်ခွန်းမှာ Online လိမ်လည်မှု၊ Online လောင်းကစားနဲ့ မူးယစ်ဆေးဝါးကို သာမန်ရာဇဝတ်မှုအဖြစ် မသတ်မှတ်ဘဲ နိုင်ငံလုံခြုံရေးကို ခြိမ်းခြောက်နေတဲ့ အမျိုးသားအဆင့် ပြဿနာတွေအဖြစ် ပြတ်ပြတ်သားသား ပြောသွားတာကိုတွေ့ရပါတယ်။   🟢ဒီပြဿနာဟာ ပြည်တွင်းတစ်နိုင်ငံတည်းနဲ့ မသက်ဆိုင်ဘဲ ပြစ်မှုကျူးလွန်သူ ၉၉ ရာခိုင်နှုန်းဟာ ပြည်ပနိုင်ငံသားတွေဖြစ်တာ၊ Starlink အပါအဝင် ဆက်သွယ်ရေးပစ္စည်းတွေနဲ့ ငွေပေးချေမှုစနစ်တွေကလည်း ပြည်ပကွန်ရက်တွေနဲ့ ချိတ်ဆက်ထားတာကြောင့် နိုင်ငံဖြတ်ကျော် ရာဇဝတ်ကွန်ရက်တစ်ခုဖြစ်ကြောင်း ပြောထားပါတယ်…   🟢အဲဒါကြောင့်ပဲ နိုင်ငံပေါင်း ၅၈ နိုင်ငံက တရားခံ ၇၂,၉၅၀ ဦးကို ဖမ်းဆီးလွှဲပြောင်းပေးခဲ့သလို၊ တရားမဝင် အဆောက်အအုံတွေကိုပါ ဖြိုဖျက်ခဲ့တာဟာ ပြဿနာရဲ့ အရင်းအမြစ်ကို ဖြတ်တောက်ဖို့အထိ ဆုံးဖြတ်ထားတာကိုတွေ့ရတယ်…   🟢တစ်ဆက်တည်းမှာပဲ မူးယစ်ဆေးဝါးဟာ ငွေကြေးခဝါချမှု၊ လက်နက်မှောင်ခိုမှုနဲ့ အကြမ်းဖက်လုပ်ငန်းတွေကို ထောက်ပံ့ပေးနေတဲ့ အဓိကအရင်းအမြစ်ဖြစ်ပြီး၊ အချို့ EAOs လက်နက်ကိုင်အဖွဲ့တွေရဲ့ ဝင်ငွေလမ်းကြောင်းလည်း ဖြစ်နေတာကြောင့် သတင်းဖော်ထုတ်ပြီး ထိထိရောက်ရောက် နှိမ်နင်းသွားမယ် လို့ ပြတ်ပြတ်သားသား ပြောထားပါတယ်..   🟢အပေါ်ပြောထားတဲ့အချက်တွေကို ပြန်ကောက်ရမယ်ဆိုရင် Online လိမ်လည်မှု၊ Online လောင်းကစားမှုနဲ့ မူးယစ်ဆေးဝါးကိစ္စကို သီးခြားပြဿနာတွေအဖြစ် မခွဲထားဘဲ နိုင်ငံတော်လုံခြုံရေး၊ တရားဥပဒေစိုးမိုးရေးနဲ့ နိုင်ငံတည်ငြိမ်ရေးကို ထိခိုက်စေတဲ့ ခြိမ်းခြောက်မှုတစ်ခုတည်းအဖြစ် သတ်မှတ်ထားတာကို တွေ့နိုင်ပါတယ်။   🟢ဒါကြောင့်လည်း ဥပဒေကို တင်းတင်းကျပ်ကျပ် အသုံးပြုပြီး ပြည်တွင်းမှာသာမက မိတ်ဖက်နိုင်ငံတွေနဲ့ပါ ပူးပေါင်းကာ အရင်းအမြစ်အထိရောက်အောင် ပြတ်ပြတ်သားသား နှိမ်နင်းမယ်ဆိုတဲ့ပြောကြားချက်တွေဟာ လက်ရှိနိုင်ငံတော်အစိုးရရဲ့ မူဝါဒတွေကို တစ်ခါတည်းချပြသွားတာလို့ယူဆရပါတယ်… သီဟဝဏ္ဏ

သမ္မတကြီးရဲ့ ရက် (၁၀၀) ပြည့် မိန့်ခွန်းထဲမှာ မြန်မာနိုင်ငံရဲ့ အာဆီယံအပေါ်ထားတဲ့ ရပ်တည်ချက်ကို ပြတ်ပြတ်သားသား ပြောလိုက်တာတွေ့ရတယ်…   🔷အဓိကတော့ အာဆီယံက ထုတ်ပြန်ထားတဲ့ ASEAN Five-Point Consensus ဟာ အာဆီယံတစ်ဖွဲ့လုံးရဲ့ ဘုံသဘောတူညီချက် မဟုတ်ဘူးဆိုတာကို ထပ်ပြီး အလေးပေးပြောခဲ့တာက ပိုပြီး အဓိပ္ပာယ်ရှိပါတယ်။ ဒီအချက်က မြန်မာနိုင်ငံအနေနဲ့ အာဆီယံရဲ့ ဆုံးဖြတ်ချက်တိုင်းကို မျက်စိမှိတ်လက်ခံမှာ မဟုတ်ဘဲ၊ ကိုယ့်နိုင်ငံအတွက် အကျိုးရှိ၊ မရှိကို အရင်ဆုံး ချိန်ဆပြီးမှ ဆုံးဖြတ်မယ်ဆိုတဲ့ သဘောကို ဖော်ပြနေပါတယ်…   🔷ဒါပေမယ့် ဒီလိုပြောတာဟာ အာဆီယံကို ကျောခိုင်းမယ်လို့တော့ မဆိုလိုပါဘူး။ ASEAN Charter၊ ASEAN Way နဲ့ ASEAN Spirit ကို လေးစားဆဲဖြစ်ပြီး၊ မြန်မာနိုင်ငံအတွက် အကျိုးရှိတဲ့ကိစ္စဆိုရင် ဆက်ပြီး ပူးပေါင်းလုပ်ဆောင်မယ်လို့ ပြောထားတဲ့အတွက် အာဆီယံနဲ့ ဆက်ဆံရေးကို ဆက်လက်ထိန်းသိမ်းသွားမယ်ဆိုတဲ့ သဘောလည်း ပါဝင်ပါတယ်…   🔷နောက်တစ်ချက်ကတော့ ပြီးခဲ့တဲ့ (၅) နှစ်အတွင်း အာဆီယံရဲ့ ခွဲခြားဆက်ဆံခံရမှုတွေ ရှိခဲ့ချိန်မှာတောင် မြန်မာနိုင်ငံအနေနဲ့ အာဆီယံအဖွဲ့ဝင်နိုင်ငံတစ်နိုင်ငံအဖြစ် တာဝန်ဝတ္တရားတွေကို ဆက်ထမ်းဆောင်ခဲ့တယ်ဆိုတဲ့ အချက်ပါ။ ဒါပေမယ့် လာမယ့်ကာလတွေမှာ အာဆီယံရဲ့ အကျိုးမရှိတဲ့ ဖိအားပေးမှုတွေကိုတော့ Case by Case အလိုက် တုံ့ပြန်သွားမယ်လို့ ပြောသွားတဲ့အတွက် အရင်လို တိတ်တိတ်နေမယ့် သဘောမဟုတ်တော့ဘဲ ကိုယ့်ရပ်တည်ချက်အတိုင်း လုပ်မယ်ဆိုတာကိုလည်း ပြတ်ပြတ်သားသား ထုတ်ဖော်ပြောဆိုထားပါတယ်…   🔷အနှစ်ချုပ်ပြောရရင် မြန်မာနိုင်ငံအနေနဲ့ အာဆီယံကို ဆန့်ကျင်မယ်ဆိုတဲ့ သဘောမဟုတ်ဘဲ၊ အဖွဲ့ဝင်နိုင်ငံတစ်နိုင်ငံအဖြစ် ဆက်လက်ပူးပေါင်းသွားမယ့်အပြင် ကိုယ့်နိုင်ငံရဲ့ အမျိုးသားအကျိုးစီးပွားနဲ့ အချုပ်အခြာအာဏာကို ဦးစားပေးဆုံးဖြတ်သွားမယ်ဆိုတဲ့ ရပ်တည်ချက်ကို ပိုပြီး ပြတ်သားအောင် ထုတ်ဖော်ပြောဆိုလိုက်တာလို့ မြင်ပါတယ်။ ဆိုလိုချင်တာက အရင်လိုတော့ လာမလုပ်နဲ့လို့ ပြောလိုက်တဲ့သဘောပဲ။ သီဟဝဏ္ဏ

🟢သမ္မတကြီး ဦးမင်းအောင်လှိုင်ရဲ့ မိန့်ခွန်းမှာ နိုင်ငံတော်လုံခြုံရေးနဲ့ ကာကွယ်ရေးစွမ်းရည်ကို ပိုမိုခိုင်မာအောင် တည်ဆောက်မယ်ဆိုပြီး အဓိက အလေးပေးပြောသွားတာလည်းတွေ့ရတယ်..   🟢တပ်မတော်ကို Standard Army အဖြစ် တည်ဆောက်မယ်လို့ ပြောတဲ့အချက်မှာ လူအင်အားတိုးချဲ့ဖို့တင် မဟုတ်ပါဘူး။ ခေတ်မီနည်းပညာ၊ လေ့ကျင့်ရေးနဲ့ စည်းကမ်းပိုင်းတွေကို အဆင့်မြှင့်ပြီး နိုင်ငံကို ကာကွယ်နိုင်တဲ့ တပ်မတော်တစ်ရပ် ဖြစ်လာဖို့ ရည်ရွယ်ထားတာ ဖြစ်ပါတယ်...   🟢တစ်ဖက်မှာလည်း ပြည်သူ့စစ်မှုထမ်းဥပဒေကို ဆက်လက်အကောင်အထည်ဖော်မယ်လို့ အတိအလင်း ပြောထားပါတယ်။ နိုင်ငံကို ကာကွယ်ဖို့ဆိုတာ တပ်မတော်တစ်ဖွဲ့တည်းနဲ့ တင်မဟုတ်ဘူး နိုင်ငံသားတိုင်း မိမိနိုင်ငံကိုကာကွယ်ရမယ့်တာဝန်ရှိပါတယ်။ ဒါကြောင့် ဒီဥကပဒေကို  ဆက်လက်ကိုင်စွဲထားတာဖြစ်နိုင်ပါတယ်…   🟢ပြည်တွင်းလုံခြုံရေးအပိုင်းမှာလည်း ရဲတပ်ဖွဲ့ရဲ့ အခန်းကဏ္ဍကို ပိုပြီး အရေးပေးထားပါတယ်။ ရဲတွေကို လေ့ကျင့်မှု ပိုကောင်းအောင်လုပ်မယ်၊ အဂတိကင်းအောင် လုပ်မယ်၊ ပြည်သူယုံကြည်တဲ့ ရဲတပ်ဖွဲ့ဖြစ်အောင် တည်ဆောက်မယ်ဆိုတာက တရားဥပဒေစိုးမိုးရေးကို ပိုမိုထိရောက်စေချင်တဲ့ ရည်ရွယ်ချက်လို့ ယူဆရပါတယ်….   🟢ဒါတင်မကသေးပါဘူး။ ပြည်သူတွေနဲ့ နေ့တိုင်းထိတွေ့နေရတဲ့ ရပ်ကွက်၊ ကျေးရွာနဲ့ မြို့နယ်အဆင့် အုပ်ချုပ်ရေးအဖွဲ့တွေကိုပါ စွမ်းရည်ရှိပြီး အဂတိကင်းတဲ့ အဖွဲ့အစည်းတွေဖြစ်လာအောင် လေ့ကျင့်ပေးမယ်လို့ ပြောထားပါတယ်။ အပေါ်ပိုင်းတင် မဟုတ်ဘဲ အောက်ခြေကနေ အုပ်ချုပ်ရေးယန္တရားကို ပြုပြင်ချင်တဲ့ သဘောလည်း ပါနေပါတယ်…. 🟢တစ်ကိုယ်ရေအမြင်အရတော့ နိုင်ငံတစ်နိုင်ငံ တည်ငြိမ်ချင်ရင် လုံခြုံရေး၊ တရားဥပဒေစိုးမိုးရေးနဲ့ အုပ်ချုပ်ရေးဆိုတဲ့ အခြေခံမဏ္ဍိုင်သုံးခု အားကောင်းဖို့ လိုပါတယ်။ ဒီမိန့်ခွန်းမှာလည်း အဲဒီမဏ္ဍိုင်သုံးခုကို တစ်ပြိုင်တည်း မြှင့်တင်ဖို့ ဦးတည်ထားတာကို အဓိကထား ပြောသွားပါတယ်။ အဲဒီရည်မှန်းချက်တွေ လက်တွေ့အကောင်အထည်ဖော်နိုင်မယ်ဆိုရင် နိုင်ငံရဲ့ လုံခြုံရေးနဲ့ တည်ငြိမ်ရေးအတွက် အခြေခံအင်အားတစ်ခု ဖြစ်လာမယ်လို့ မြင်မိပါတယ်…. သီဟဝဏ္ဏ

ယနေ့ သမ္မတကြီး ဦးမင်းအောင်လှိုင်ရဲ့ ရက် (၁၀၀) ပြည့် မိန့်ခွန်းမှာ နိုင်ငံတစ်နိုင်ငံ တိုးတက်ဖို့ဆိုရင် အရေးအကြီးဆုံးက ငြိမ်းချမ်းရေး ဖြစ်တယ်ဆိုပြီး အလေးပေး ပြောကြားတာတွေ့ရပါတယ်။   စစ်ပွဲတွေ ဆက်ဖြစ်နေသရွေ့ ရင်းနှီးမြှုပ်နှံမှုတွေ မဝင်လာနိုင်ဘူး၊ စက်ရုံအလုပ်ရုံတွေ မတိုးချဲ့နိုင်ဘူး၊ အလုပ်အကိုင်အခွင့်အလမ်းတွေ မဖန်တီးနိုင်ဘူး။ အဲ့ဒီလိုအခြေအနေမှာ နစ်နာရတာဟာ နိုင်ငံရေးအင်အားစုတွေမဟုတ်ဘဲ သာမန်ပြည်သူတွေပဲ ဖြစ်ပါတယ်။ ဒါကြောင့် ငြိမ်းချမ်းရေးကို အခြေခံပြီး ဖွံ့ဖြိုးတိုးတက်ရေးကို ရှေ့တန်းတင်တဲ့ မူဝါဒဟာ လက်တွေ့ကျပြီး နိုင်ငံအတွက် လိုအပ်တဲ့ လမ်းကြောင်းတစ်ခုလို့ ဆိုနိုင်ပါတယ်။   အထူးသဖြင့် "ငြိမ်းချမ်းရေးတံခါးကို အမြဲဖွင့်ထားတယ်" ဆိုပြီး ပြေားကြားခဲ့သလို လက်နက်နဲ့ ရင်ဆိုင်မယ့်အစား စားပွဲဝိုင်းမှာ တွေ့ဆုံဆွေးနွေးဖို့၊ အမြင်မတူသူတွေကိုပါ ကြိုတင်ကန့်သတ်ချက်မထားဘဲ ဖိတ်ခေါ်ထားတာက ပဋိပက္ခတွေကို နိုင်ငံရေးနည်းလမ်းနဲ့ အဆုံးသတ်ဖို့ ကြိုးပမ်းနေတယ်ဆိုတာကို ပြသနေပါတယ်။   တိုင်းရင်းသားလက်နက်ကိုင်အဖွဲ့ (၁၃) ဖွဲ့နဲ့ ဆွေးနွေးနိုင်ခဲ့တာ၊ NCA လက်မှတ်ရေးထိုးထားသည်ဖြစ်စေ မရေးထိုးရသေးသည်ဖြစ်စေ အဖွဲ့အားလုံးကို ဖိတ်ခေါ်ထားတာတွေကလည်း တံခါးပိတ်မူဝါဒထက် ပါဝင်ဆွေးနွေးရေးကို ဦးစားပေးတဲ့ သဘောထားတစ်ရပ်အဖြစ် မြင်တွေ့ရပါတယ်။   တစ်ဖက်မှာလည်း ဖွဲ့စည်းပုံအခြေခံဥပဒေ ပြင်ဆင်ရေးနဲ့ ဒီမိုကရေစီ၊ ဖက်ဒရယ်စနစ်ကို အခြေခံတဲ့ ပြည်ထောင်စုတည်ဆောက်ရေးကို ဆက်လက်ဖော်ဆောင်ဖို့ အဆိုပြုထားတာက နိုင်ငံရေးအရ အဖြေရှာလိုတဲ့ ရည်ရွယ်ချက်ကို ထင်ဟပ်စေပါတယ်။   အမှန်တကယ်တော့ ထာဝရငြိမ်းချမ်းရေးကို အစိုးရတစ်ဖွဲ့တည်းက တည်ဆောက်လို့ မရပါဘူး။ အစိုးရ၊ တပ်မတော်၊ နိုင်ငံရေးပါတီတွေ၊ တိုင်းရင်းသားအဖွဲ့အစည်းတွေ၊ ပြည်သူတွေအားလုံးက တစ်ဖက်နဲ့တစ်ဖက် အပြန်အလှန်ယုံကြည်မှုတည်ဆောက်ပြီး ပူးပေါင်းဆောင်ရွက်မှသာ ငြိမ်းချမ်းရေးဟာ အမှန်တကယ် အသက်ဝင်လာမှာ ဖြစ်ပါတယ်။   အနှစ်ချုပ်ရရင် ငြိမ်းချမ်းရေးကို လက်တွေ့အကောင်အထည်ဖော်နိုင်မယ်ဆိုရင် အကျိုးအမြတ်ရမယ့်သူက အစိုးရတစ်ဖွဲ့တည်း မဟုတ်ပါဘူး။ အကျိုးခံစားရမယ့်သူက မြန်မာနိုင်ငံသားအားလုံး ဖြစ်ပါတယ်။ လက်နက်သံတွေ တိတ်ဆိတ်သွားတဲ့နေ့ဟာ စီးပွားရေးပြန်လည်ရှင်သန်မယ့်နေ့၊ ဖွံ့ဖြိုးတိုးတက်ရေး ပြန်လည်စတင်မယ့်နေ့ဖြစ်ပြီး၊ နောင်လာမယ့်မျိုးဆက်တွေအတွက် ပိုမိုတည်ငြိမ်တဲ့ အနာဂတ်ကို ဖန်တီးပေးနိုင်မယ့် နေ့လည်း ဖြစ်ပါတယ်။ သီဟဝဏ္ဏ

သတင်းထူး သတင်းဦးလေးတွေ တင်ပေးနေတဲ့ ဒီချန်နယ်လေးတွေကိုလည်း join ပေးကြပါဦး အမျိုးတို့ https://t.me/newshubmm https://t.me/unionpoliticsnews https://t.me/Newschannel11115   https://t.me/Thazinoo969 https://t.me/tharsitt007   https://t.me/snipersu13 https://t.me/hminewai https://t.me/TruthZoneOnline

နိုင်ငံတကာသတင်းတွေကို သီးသန့် ဖတ်ရှုချင်တဲ့သူတွေအတွက် ဒီ Channel ကနေ အဆက်မပြတ်ဖော်ပြနေတာတွေ့လို မျှဝေပေးလိုက်ပါတယ် နိုင်ငံတကာသတင်းတွေကို အဆက်မပြတ်ဖတ်ရှုချင်သူများ ဒီ Channel လေးကို Join ထားပေးကြပါ... https://t.me/InternationalDailyNews365၏

၁၉-၇-၂၀၂၅  ရက်နေ့ ယနေ့မှာ ကျရောက်တဲ့ (၇၉) နှစ်မြောက် "အာဇာနည်နေ့"တွင် အာဇာနည်ခေါင်းဆောင်ကြီးများအားရိုသေစွာဂါရဝပြုအပ်ပါသည် သီဟဝဏ္ဏ

၁၇-၇-၂၀၂၆ ရက်နေ့ မနေ့က ကျင်းပခဲ့တဲ့ မြန်မာ - ရုရှား ကြည်းတပ်နှစ်ရပ်အကြား တပ်ဖွဲများ စုပေါင်းလေ့ကျင့်ခန်း လက်တွေ့ပူးပေါင်း ဆောင်ရွက်ခဲ့ခြင်းကို သတိထားကြည့်မယ်ဆိုရင် မြန်မာ-ရုရှား ဆက်ဆံရေးနှင့်ပတ်သက်ပြီး  အချက်တစ်ချက်တော့ သဘောပေါက်လာကြမှာပါ။ ဒါဟာ သာမန် သံတမန်ရေးဆက်ဆံမှုတစ်ခု မဟုတ်တော့ဘူး။ နှစ်နိုင်ငံရဲ့ ယုံကြည်မှုက စစ်ရေး၊ နည်းပညာ၊ စီးပွားရေးနဲ့ အရပ်ဘက်ကဏ္ဍတွေအထိ ပိုပြီး နက်ရှိုင်းလာတဲ့ မဟာဗျူဟာမြောက် မိတ်ဖက်ဆက်ဆံရေးတစ်ခုအဖြစ် တဖြည်းဖြည်း ပုံဖော်လာနေတာကို တွေ့ရပါတယ်။ ဒီလိုပြောရတာ အကြောင်းမဲ့တော့ မဟုတ်ပါဘူး။ မြန်မာနဲ့ ရုရှားတို့ရဲ့ စစ်ဘက်ဆက်ဆံရေးကို ပြန်ကြည့်လိုက်ရင် ဒီနေ့မှ စတာမဟုတ်ဘူး။ နှစ်ပေါင်းများစွာကြာအောင် စစ်ပညာသင်တန်းတွေ၊ အရာရှိလေ့ကျင့်ရေးအစီအစဉ်တွေ၊ စစ်လက်နက်နဲ့ နည်းပညာပူးပေါင်းဆောင်ရွက်မှုတွေကို အဆင့်လိုက် တည်ဆောက်လာခဲ့တာ ဖြစ်ပါတယ်။ Army Games နိုင်ငံတကာ စစ်ရေးပြိုင်ပွဲတွေမှာ အတူပါဝင်ခဲ့တယ်။ Caucasus-2020 မဟာဗျူဟာ စစ်ရေးလေ့ကျင့်ခန်းမှာ အတွေ့အကြုံတွေ မျှဝေခဲ့တယ်။ ၂၀၂၃ ခုနှစ် အာဆီယံအပေါင်း အကြမ်းဖက်မှုတန်ပြန်တိုက်ဖျက်ရေး လေ့ကျင့်ခန်းတွေမှာလည်း နှစ်နိုင်ငံတပ်ဖွဲ့တွေ အတူတကွ လေ့ကျင့်ခဲ့ကြတယ်။ ဒီအခြေခံတွေကို တည်ဆောက်လာခဲ့ပြီးနောက် အခုကျင်းပခဲ့တဲ့ MYANMAR-RUSSIA JOINT EXERCISE (TIGER-2026) ကတော့ နောက်တစ်ဆင့်ကို တက်သွားတဲ့ မှတ်တိုင်တစ်ခုလို့ ပြောနိုင်ပါတယ်။ ဘာကြောင့်လဲဆိုတော့ ဒီတစ်ကြိမ်က နှစ်နိုင်ငံကြည်းတပ်တွေ မြေပြင်မှာ တိုက်ရိုက်ပူးပေါင်းလေ့ကျင့်ခဲ့ကြတာ ဖြစ်ပြီး၊ ခေတ်သစ်စစ်ပွဲတွေမှာ တကယ်အသုံးပြုနေတဲ့ နည်းဗျူဟာတွေနဲ့ နည်းပညာတွေကို လက်တွေ့အခြေအနေအတိုင်း လေ့ကျင့်ခဲ့ကြတာ ဖြစ်လို့ပါ။ ဒီနေ့ခေတ် စစ်မြေပြင်မှာ အနိုင်ရဖို့ဆိုတာ စစ်သည်အရေအတွက် များရုံနဲ့ မလုံလောက်တော့ပါဘူး။ သတင်းအချက်အလက်ကို ဘယ်လောက်မြန်မြန်ရလဲ၊ နည်းပညာကို ဘယ်လောက်ထိရောက်ထိ အသုံးချနိုင်လဲဆိုတာက ပိုပြီး အရေးကြီးလာပါတယ်။ ဒါကြောင့် TIGER-2026 မှာ UAV၊ FPV Drone၊ စနိုက်ပါစနစ်၊ စစ်မြေပြင်ထောက်လှမ်းရေးနဲ့ တိုက်ခိုက်ရေးနည်းဗျူဟာတွေကို ပေါင်းစပ်လေ့ကျင့်ခဲ့တာဟာ အနာဂတ်စစ်ပွဲတွေရဲ့ ပုံစံကို ကြိုတင်ပြင်ဆင်နေတယ်လို့ မြင်နိုင်ပါတယ်။ ထူးခြားတာက မြန်မာ့တပ်မတော် ထုတ်လုပ်တဲ့ လက်နက်ပစ္စည်းတွေနဲ့ ရုရှားရဲ့ အဆင့်မြင့်စစ်နည်းပညာသုံး စက်ပစ္စည်းတွေကို တွဲဖက်အသုံးပြုခဲ့တာပါ။ ဒါဟာ လက်နက်ပြပွဲတစ်ခု မဟုတ်ဘဲ နည်းပညာဖလှယ်မှု၊ အတွေ့အကြုံမျှဝေမှုနဲ့ စစ်ဘက်ယုံကြည်မှုကို လက်တွေ့တည်ဆောက်နေတယ်ဆိုတာကို ပြသတဲ့ အချက်ဖြစ်ပါတယ်။ နောက်ထပ် စိတ်ဝင်စားစရာကတော့ Robotic Ambulance အသုံးပြုခဲ့တာပါ။ ရန်သူ့ပစ်ခတ်မှုအောက်ကနေ ဒဏ်ရာရစစ်သည်တွေကို မောင်းသူမဲ့စနစ်နဲ့ ကယ်ထုတ်နိုင်တာဟာ အနာဂတ်စစ်မြေပြင်မှာ Artificial Intelligence နဲ့ Robotics တွေရဲ့ အခန်းကဏ္ဍ ဘယ်လောက်အထိ အရေးပါလာမလဲဆိုတာကို သက်သေပြလိုက်တာပဲ ဖြစ်ပါတယ်။ တကယ်တော့ စစ်ရေးပူးပေါင်းဆောင်ရွက်မှုဆိုတာ လေ့ကျင့်ခန်းပြီးရင် အဆုံးသတ်သွားတာ မဟုတ်ပါဘူး။ အဲဒီကနေ စစ်ပညာဖလှယ်မှု၊ သုတေသနပူးပေါင်းဆောင်ရွက်မှု၊ ကာကွယ်ရေးစက်မှုလုပ်ငန်း ဖွံ့ဖြိုးတိုးတက်ရေးနဲ့ လူ့စွမ်းအားအရင်းအမြစ် မြှင့်တင်ရေးအထိ ဆက်ပြီး အကျိုးသက်ရောက်နိုင်ပါတယ်။ ဒီထက်ပိုပြီး အရေးကြီးတာက စစ်ရေးကနေ အရပ်ဘက်ကဏ္ဍကို ကူးစက်လာနိုင်တဲ့ အကျိုးကျေးဇူးတွေပါ။ ဒီနေ့ ရုရှားနဲ့ မြန်မာတို့ ပူးပေါင်းဆောင်ရွက်နေတာဟာ ကာကွယ်ရေးကဏ္ဍတစ်ခုတည်း မဟုတ်တော့ပါဘူး။ စွမ်းအင်၊ လျှပ်စစ်၊ နျူကလီးယားနည်းပညာ၊ ရေနံနဲ့ သဘာဝဓာတ်ငွေ့၊ သတ္တုတူးဖော်ရေး၊ ပညာရေး၊ ကျန်းမာရေး၊ သိပ္ပံနည်းပညာနဲ့ ခရီးသွားလုပ်ငန်းတွေအထိ ပူးပေါင်းဆောင်ရွက်မှုတွေ တိုးချဲ့လာနေတာကို တွေ့ရပါတယ်။ နိုင်ငံတစ်နိုင်ငံ ခိုင်မာဖို့ဆိုတာ စစ်အင်အားတစ်ခုတည်းနဲ့ မရပါဘူး။ စီးပွားရေးတိုးတက်ရမယ်။ နည်းပညာတိုးတက်ရမယ်။ လူ့စွမ်းအားအရင်းအမြစ် တိုးတက်ရမယ်။ ဒီအချက်တွေ အားလုံးက တစ်ခုနဲ့တစ်ခု ဆက်စပ်နေပါတယ်။ ဒါကြောင့် မြန်မာ-ရုရှား ပူးပေါင်းဆောင်ရွက်မှုတွေက စစ်ရေးအဆင့်ကို ကျော်လွန်ပြီး နိုင်ငံတည်ဆောက်ရေးအတွက် လိုအပ်တဲ့ ကဏ္ဍစုံကို ဖြည်းဖြည်းချင်း ချိတ်ဆက်လာနိုင်မယ်လို့ မျှော်လင့်ချက်တွေ ရှိလာပါတယ်။ အဆုံးသတ်အနေနဲ့ ပြောရရင် TIGER-2026 ဟာ စစ်ရေးလေ့ကျင့်ခန်းတစ်ခုသာ မဟုတ်ပါဘူး။ နှစ်နိုင်ငံကြား နှစ်ပေါင်းများစွာ တည်ဆောက်လာခဲ့တဲ့ ယုံကြည်မှု၊ မိတ်ဖက်ဆက်ဆံရေးနဲ့ နည်းပညာပူးပေါင်းဆောင်ရွက်မှုတွေကို နောက်တစ်ဆင့် မြှင့်တင်လိုက်တဲ့ မှတ်တိုင်တစ်ခုလို့ ပြောနိုင်ပါတယ်။ အနာဂတ်မှာလည်း ဒီလိုပူးပေါင်းဆောင်ရွက်မှုတွေ ဆက်လက်တိုးချဲ့နိုင်မယ်ဆိုရင် ကာကွယ်ရေးကဏ္ဍတင်မကဘဲ စီးပွားရေး၊ နည်းပညာ၊ ပညာရေးနဲ့ အရပ်ဘက်ဖွံ့ဖြိုးတိုးတက်ရေးတွေမှာပါ အပြန်အလှန် အကျိုးရှိတဲ့ ပူးပေါင်းဆောင်ရွက်မှုတွေ ပိုမိုခိုင်မာလာနိုင်ပြီးမြန်မာ-ရုရှား ဆက်ဆံရေးဟာ ဒေသတွင်းမှာ အရေးပါတဲ့ မဟာဗျူဟာမြောက် မိတ်ဖက်ဆက်ဆံရေးတစ်ရပ်အဖြစ် ဆက်လက်ဖွံ့ဖြိုးလာနိုင်မယ်လို့ မြင်ပါတယ်။ သီဟဝဏ္ဏ

ချင်းပြည်နယ်၊ ထန်တလန်မြို့ကို တပ်မတော်က အပြည့်အဝ ပြန်လည်ထိန်းချုပ်နိုင်ခဲ့ပြီဆိုတဲ့ သတင်းဟာ ဒေသတည်ငြိမ်ရေးအတွက် ခြေလှမ်းသစ်တစ်ခု ဖြစ်ပေမဲ့ မြေပြင်မှာတော့ စိန်ခေါ်မှုတွေ အများကြီး ရှိနေဆဲ ဖြစ်ပါတယ်။ ၂၀၂၁ ခုနှစ် စက်တင်ဘာမှာ တိုက်ပွဲတွေ စတင်ကတည်းက မြို့ခံသောင်းချီဘေးလွတ်ရာ တိမ်းရှောင်ခဲ့ရပြီး၊ ၂၀၂၂ ခုနှစ်အတွင်း အိမ်ခြေ ရာနဲ့ချီ မီးလောင်ပြာကျခဲ့လို့ ထန်တလန်ဟာ "မြို့ပျက်ကြီး" ဘဝကို ရောက်ခဲ့ရပါတယ်။ အဲဒီနောက် ၂၀၂၅ ခုနှစ်အထိ ပြင်းထန်တဲ့ တိုက်ပွဲတွေ ဆက်တိုက်ဖြစ်ပွားခဲ့ပြီး၊ အခု ၂၀၂၆ ခုနှစ် ဇွန်လနဲ့ ဇူလိုင်လပိုင်းကျမှသာ တပ်မတော်က မြို့ပေါ်ဧရိယာကို အပြည့်အဝ ပြန်လည်စိုးမိုးနိုင်ခဲ့တာပါ။ စစ်ရေးဗျူဟာအရ ထန်တလန်ဟာ အိန္ဒိယနယ်စပ်နဲ့ နီးစပ်ပြီး ဟားခါးမြို့နဲ့ ဆက်သွယ်ထားတာမို့ ထောက်ပံ့ပို့ဆောင်ရေးအတွက် အလွန်အရေးပါတဲ့ နယ်မြေတစ်ခု ဖြစ်ပါတယ်။ ဒါပေမဲ့ အကြမ်းဖက် CNF နဲ့ CDF အဖွဲ့တွေအနေနဲ့ စာသင်ကျောင်း၊ ဆေးရုံနဲ့ ဘုရားကျောင်းတွေလို အရပ်ဘက် အဆောက်အအုံတွေကို စစ်ရေးအရ အကာအကွယ်ယူ အသုံးပြုခဲ့ကြတာဟာ နိုင်ငံတကာ စစ်ပွဲဆိုင်ရာ စည်းမျဉ်းတွေကို ပြောင်ပြောင်တင်းတင်း ချိုးဖောက်ခဲ့တာ ဖြစ်ပြီး၊ မြို့ပြတစ်ခုလုံး ပျက်စီးဆုံးရှုံးခဲ့ရခြင်းရဲ့ အဓိက အကြောင်းရင်းလည်း ဖြစ်ပါတယ်။ စစ်ရေးအရ မြေပြင်ကို ပြန်လည်စိုးမိုးနိုင်ခြင်းဟာ ပထမအဆင့်ပဲ ရှိပါသေးတယ်။ အမှန်တကယ် ပိုခက်ခဲတဲ့ ဒုတိယအဆင့်ကတော့ ပျက်စီးသွားတဲ့ လူမှုအဖွဲ့အစည်းနဲ့ အခြေခံအဆောက်အအုံတွေကို ပြန်လည်တည်ဆောက်ဖို့ပဲ ဖြစ်ပါတယ်။ လက်ရှိမှာ မြို့ရဲ့ ဘုရားကျောင်းနဲ့ နေအိမ်တွေ အကုန်လုံးနီးပါး ပျက်စီးသွားခဲ့ရတာမို့ ဒေသခံတွေရဲ့ စိတ်ပိုင်းဆိုင်ရာကို အပြင်းအထန် ထိခိုက်စေခဲ့ပါတယ်။ မြို့ကို ပြန်ရလို့ ပြည်သူတွေ ဝမ်းသာနေကြတာ မှန်ပေမဲ့ လက်တွေ့မှာတော့ စစ်ဘေးရှောင် ပြည်သူတွေကို ပြန်လည်နေရာချထားရေးအတွက် နေစရာအိမ်မရှိတဲ့ ပြဿနာ၊ ဆေးရုံ၊ ကျောင်းနဲ့ လျှပ်စစ်မီးတွေကို အစကနေ ပြန်တည်ဆောက်ဖို့ ငွေကြေးနဲ့ အချိန် အမြောက်အမြား လိုအပ်မယ့် ပြဿနာတွေဟာ ကြီးမားတဲ့ မြေပြင်စိန်ခေါ်မှုတွေ ဖြစ်နေပါတယ်။ ဒါတွေကို အစိုးရက ထိထိမိမိ အရှိန်အဟုန်ကောင်းကောင်းနဲ့ ဆောင်ရွက်ပေးနိုင်ပါမှ ပြည်သူတွေလည်း ဝန်ပေါ့သွားမှာပါ... အကြမ်းဖက်သမားတွေအနေနဲ့လည်း မိမိရဲ့ကိုယ်ကျိုးအတ္တတွေကို ဘေးဖယ်ပြီး ပြန်သူတွေရဲံ့မျက်နှာကို ပြန်ကြည့်ဖို့လိုပါပြီ… ဒီအတိုင်းဆက်သွားနေရင် နှစ်ဖက်အဖွဲ့တွေလည်း သေကြေမဲ့အပြင် ပြည်သူတွေလည်း ဒုက္ခတောထဲက ရုန်းထွက်နိုင်မှာမဟုတ်‌တော့ဘူး... ပြည်သူ့မျက်နှာ ပြန်ကြည့်ကြပါ... သီဟဝဏ္ဏ

ချင်းပြည်နယ်၊ ထန်တလန်မြို့ကို တပ်မတော်က အပြည့်အဝ ပြန်လည်ထိန်းချုပ်နိုင်ခဲ့ပြီဆိုတဲ့ သတင်းဟာ ဒေသတည်ငြိမ်ရေးအတွက် ခြေလှမ်းသစ်တစ်ခု ဖြစ်ပေမဲ့ မြေပြင်မှာတော့ စိန်ခေါ်မှုတွေ အများကြီး ရှိနေဆဲ ဖြစ်ပါတယ်။ ၂၀၂၁ ခုနှစ် စက်တင်ဘာမှာ တိုက်ပွဲတွေ စတင်ကတည်းက မြို့ခံသောင်းချီဘေးလွတ်ရာ တိမ်းရှောင်ခဲ့ရပြီး၊ ၂၀၂၂ ခုနှစ်အတွင်း အိမ်ခြေ ရာနဲ့ချီ မီးလောင်ပြာကျခဲ့လို့ ထန်တလန်ဟာ "မြို့ပျက်ကြီး" ဘဝကို ရောက်ခဲ့ရပါတယ်။ အဲဒီနောက် ၂၀၂၅ ခုနှစ်အထိ ပြင်းထန်တဲ့ တိုက်ပွဲတွေ ဆက်တိုက်ဖြစ်ပွားခဲ့ပြီး၊ အခု ၂၀၂၆ ခုနှစ် ဇွန်လနဲ့ ဇူလိုင်လပိုင်းကျမှသာ တပ်မတော်က မြို့ပေါ်ဧရိယာကို အပြည့်အဝ ပြန်လည်စိုးမိုးနိုင်ခဲ့တာပါ။ စစ်ရေးဗျူဟာအရ ထန်တလန်ဟာ အိန္ဒိယနယ်စပ်နဲ့ နီးစပ်ပြီး ဟားခါးမြို့နဲ့ ဆက်သွယ်ထားတာမို့ ထောက်ပံ့ပို့ဆောင်ရေးအတွက် အလွန်အရေးပါတဲ့ နယ်မြေတစ်ခု ဖြစ်ပါတယ်။ ဒါပေမဲ့ အကြမ်းဖက် CNF နဲ့ CDF အဖွဲ့တွေအနေနဲ့ စာသင်ကျောင်း၊ ဆေးရုံနဲ့ ဘုရားကျောင်းတွေလို အရပ်ဘက် အဆောက်အအုံတွေကို စစ်ရေးအရ အကာအကွယ်ယူ အသုံးပြုခဲ့ကြတာဟာ နိုင်ငံတကာ စစ်ပွဲဆိုင်ရာ စည်းမျဉ်းတွေကို ပြောင်ပြောင်တင်းတင်း ချိုးဖောက်ခဲ့တာ ဖြစ်ပြီး၊ မြို့ပြတစ်ခုလုံး ပျက်စီးဆုံးရှုံးခဲ့ရခြင်းရဲ့ အဓိက အကြောင်းရင်းလည်း ဖြစ်ပါတယ်။ စစ်ရေးအရ မြေပြင်ကို ပြန်လည်စိုးမိုးနိုင်ခြင်းဟာ ပထမအဆင့်ပဲ ရှိပါသေးတယ်။ အမှန်တကယ် ပိုခက်ခဲတဲ့ ဒုတိယအဆင့်ကတော့ ပျက်စီးသွားတဲ့ လူမှုအဖွဲ့အစည်းနဲ့ အခြေခံအဆောက်အအုံတွေကို ပြန်လည်တည်ဆောက်ဖို့ပဲ ဖြစ်ပါတယ်။ လက်ရှိမှာ မြို့ရဲ့ ဘုရားကျောင်း အကုန်လုံးနီးပါး ပျက်စီးသွားခဲ့ရတာမို့ ဒေသခံတွေရဲ့ စိတ်ပိုင်းဆိုင်ရာကို အပြင်းအထန် ထိခိုက်စေခဲ့ပါတယ်။ မြို့ကို ပြန်ရလို့ ပြည်သူတွေ ဝမ်းသာနေကြတာ မှန်ပေမဲ့ လက်တွေ့မှာတော့ စစ်ဘေးရှောင် ပြည်သူတွေကို ပြန်လည်နေရာချထားရေးအတွက် နေစရာအိမ်မရှိတဲ့ ပြဿနာ၊ ဆေးရုံ၊ ကျောင်းနဲ့ လျှပ်စစ်မီးတွေကို အစကနေ ပြန်တည်ဆောက်ဖို့ ငွေကြေးနဲ့ အချိန် အမြောက်အမြား လိုအပ်မယ့် ပြဿနာတွေဟာ ကြီးမားတဲ့ မြေပြင်စိန်ခေါ်မှုတွေ ဖြစ်နေပါတယ်။ ဒါတွေကို အစိုးရက ထိထိမိမိ အရှိန်အဟုန်ကောင်းကောင်းနဲ့ ဆောင်ရွက်ပေးနိုင်ပါမှ ပြည်သူတွေလည်း ဝန်ပေါ့သွားမှာပါ... အကြမ်းဖက်သမားတွေအနေနဲ့လည်း မိမိရဲ့ကိုယ်ကျိုးအတ္တတွေကို ဘေးဖယ်ပြီး ပြန်သူတွေရဲံ့မျက်နှာကို ပြန်ကြည့်ဖို့လိုပါပြီ… ဒီအတိုင်းဆက်သွားနေရင် နှစ်ဖက်အဖွဲ့တွေလည်း သေကြေမဲ့အပြင် ပြည်သူတွေလည်း ဒုက္ခတောထဲက ရုန်းထွက်နိုင်မှာမဟုတ်‌ောတ သီဟဝဏ္ဏ

ဖောက်ကလန်လား... မာဗီးနပ်စ်လား? ဘောလုံးပွဲတစ်ပွဲက ပြန်ဖွင့်ပေးလိုက်တဲ့ စစ်ပွဲသမိုင်း   အာဂျင်တီးနားက အင်္ဂလန်ကို ၂-၁ နဲ့ အနိုင်ရပြီး ဗိုလ်လုပွဲတက်သွားတဲ့ ပွဲပြီးတာနဲ့ ကစားသမားတွေက "Las Malvinas son Argentinas" ဆိုတဲ့ စာတန်းကို ကိုင်မြှောက်ပြခဲ့ပါတယ်။ဒီစာတန်းကို မြင်ပြီး "အောင်ပွဲခံတာပဲ " လို့ ထင်နိုင်ပါတယ်။ ဒါပေမဲ့ အဲဒီစကားလုံးတွေထဲမှာ နှစ်ပေါင်းများစွာ မပြီးဆုံးသေးတဲ့ သမိုင်းတစ်ခု၊ နိုင်ငံရေးအငြင်းပွားမှုတစ်ခု ရှိနေပါတယ်။   ဗြိတိန်က Falkland Islands လို့ ခေါ်တဲ့ ကျွန်းစုကို အာဂျင်တီးနားကတော့ Islas Malvinas လို့ ခေါ်ပါတယ်။ နှစ်နိုင်ငံစလုံးက အဲဒီကျွန်းစုဟာ ကိုယ့်ပိုင်နက်ဖြစ်တယ်လို့ ယနေ့အထိ အခိုင်အမာ ရပ်တည်နေကြဆဲပါ။   ဒီအငြင်းပွားမှုက ၁၉၈၂ ခုနှစ်မှာ စစ်ပွဲအဖြစ် ပေါက်ကွဲခဲ့ပါတယ်။ အာဂျင်တီးနားတပ်တွေက ကျွန်းစုကို ထိန်းချုပ်ဖို့ ဝင်ရောက်ခဲ့ပြီး၊ ဗြိတိန်က ရေတပ်နဲ့ တပ်ဖွဲ့တွေ စေလွှတ်ကာ ပြန်လည်တိုက်ခိုက်ခဲ့ပါတယ်။ ရက်ပေါင်း ၇၄ ရက်ပဲ ကြာခဲ့ပေမဲ့ သွေးထွက်သံယို အလွန်များခဲ့တဲ့ ဒီရက်တိုစစ်ပွဲအတွင်းမှာ အာဂျင်တီးနားစစ်သည် ၆၄၉ ဦးနဲ့ ဗြိတိန်စစ်သည် ၂၅၅ ဦးအထိ သေဆုံးခဲ့ရပြီး နောက်ဆုံးမှာတော့ ဗြိတိန်က ၎င်းကျွန်းစုတွေကို ပြန်လည်သိမ်းပိုက်နိုင်ခဲ့ပါတယ်။ အဲဒီနောက်ပိုင်းကစပြီး ကျွန်းစုကို ဗြိတိန်က ဆက်လက်ထိန်းချုပ်ထားသလို၊ အာဂျင်တီးနားကလည်း သူတို့ရဲ့ အချုပ်အခြာအာဏာပိုင်နက်ဖြစ်တယ်ဆိုတဲ့ ရပ်တည်ချက်ကို မပြောင်းလဲသေးပါဘူး။   ဒါကြောင့် ဒီတစ်ခေါက် အာဂျင်တီးနားကစားသမားတွေ စာတန်းကိုင်ပြတာဟာ အောင်ပွဲခံရုံတင် မဟုတ်ဘဲ သူတို့နိုင်ငံရဲ့ သမိုင်းနဲ့ ရပ်တည်ချက်ကို ကမ္ဘာ့ရှေ့မှောက်မှာ ထပ်ပြီး ဖော်ပြလိုက်တာလို့လည်း မြင်နိုင်ပါတယ်။တစ်ဖက်မှာတော့ ဒီလိုလုပ်ရပ်တွေဟာ အားကစားကို နိုင်ငံရေးနဲ့ ရောနှောစေတယ်လို့ ဝေဖန်သူတွေလည်း ရှိပါတယ်။ အမြင်ကတော့ တစ်ယောက်နဲ့တစ်ယောက် မတူနိုင်ပါဘူး။   ဒါပေမဲ့ သေချာတာတစ်ခုကတော့ ဘောလုံးဟာ တစ်ခါတလေ ဂိုးသွင်း၊ ဂိုးပေးတဲ့ အားကစားတစ်ခုထက် ပိုပါတယ်။ နိုင်ငံတစ်နိုင်ငံရဲ့ သမိုင်း၊ အမျိုးသားရေးခံစားချက်နဲ့ နိုင်ငံရေးရပ်တည်ချက်တွေကို ကမ္ဘာ့စင်မြင့်ပေါ်မှာ ထင်ဟပ်စေတဲ့ နေရာတစ်ခုလည်း ဖြစ်ပါတယ်။ Falkland လို့ ခေါ်မလား၊ Malvinas လို့ ခေါ်မလားဆိုတဲ့ အငြင်းပွားမှုကလည်း ယနေ့အထိ အဆုံးမသတ်သေးတဲ့ သမိုင်းတစ်ပိုင်းအဖြစ် ဆက်လက်တည်ရှိနေဆဲ ဖြစ်ပါတယ်။   သီဟဝဏ္ဏ

အမှောင်ကိုခွင်းပြီး အလင်းဆီကို ပြန်လှမ်းလိုက်ပါ ညီလေးတို့...   တောထဲရောက်တာ သုံးနှစ်၊ လေးနှစ်မကတော့ဘူး။ အခုဆို ငါးနှစ်နီးပါး ရှိလာပြီ။ အဲဒီအချိန်အတွင်း ဘာတွေပြောင်းလဲသွားလဲဆိုတာ ကိုယ့်ကိုယ်ကိုယ် တစ်ခါလောက် မေးကြည့်ဖူးလား။ အစတုန်းကတော့ "မကြာခင် အောင်မြင်တော့မယ်" လို့ ထင်ခဲ့ကြတာပေါ့။   ဒါပေမဲ့ ဒီနေ့အထိ အဆုံးသတ်ကို မမြင်ရသေးဘူး။ လမ်းကလည်း ရှည်သထက်ရှည်လာတယ်။ မျှော်လင့်ချက်တွေကလည်း တဖြည်းဖြည်း လျော့လာတယ်။ အခုဆို ရဲဘော်အချင်းချင်းတောင် "ဒီလိုဆက်သွားရင် တကယ်ဖြစ်ပါ့မလား" လို့ မေးနေကြတဲ့အသံတွေ ကြားနေရပြီ။   အဲဒီမေးခွန်းကို ဘယ်သူမှ မဖြေနိုင်ဘူး။ ဒါပေမဲ့ ကိုယ့်ဘဝကိုတော့ ကိုယ်တိုင် ဆုံးဖြတ်နိုင်သေးတယ်။ တကယ်ပြောတာပါ... လူငယ်ဘဝဆိုတာ တစ်ခါပဲရတာ။ ပြန်မရတော့ဘူး။ အကောင်းဆုံးအရွယ်၊ အားအင်အပြည့်ရှိတဲ့အချိန်တွေကို တောထဲမှာ ကုန်ဆုံးနေတာ တန်ရဲ့လား။   ကိုယ့်အသက်ကို စွန့်ပြီး တိုက်နေရတဲ့အချိန်မှာ အိမ်က မိဘတွေကတော့ သားပြန်လာမယ့်နေ့ကို မျှော်နေတုန်းပဲ။ မိခင်က ညတိုင်း စိတ်ပူနေတုန်းပဲ။ ဖခင်ကလည်း "ငါ့သားလေး ဘယ်တော့ပြန်လာမလဲ" ဆိုပြီး စောင့်နေတုန်းပဲ။ သူတို့လိုချင်တာ နိုင်ငံရေးအောင်ပွဲ မဟုတ်ဘူး။ သားလေး အသက်ရှင်လျက် အိမ်ပြန်လာတာပဲ။ ညီလေးတို့...ဘယ်လမ်းကို ရွေးခဲ့တယ်ဆိုတာထက် ဘယ်အချိန်မှာ လမ်းမှန်ကို ပြန်ရွေးရဲတယ်ဆိုတာက ပိုအရေးကြီးတယ်။ အမှားကို ဆက်လျှောက်နေတာ သတ္တိမဟုတ်ဘူး။ အမှားကို ရပ်ပြီး လမ်းမှန်ကို ပြန်ရွေးနိုင်တာကသာ တကယ့်သတ္တိပါ။   သေနတ်ကိုင်ထားတာက အနာဂတ် မဟုတ်ဘူး။ အနာဂတ်ဆိုတာ ပညာရေး၊ အလုပ်အကိုင်၊ မိသားစုနဲ့ ကိုယ့်ဘဝကို ကိုယ်တည်ဆောက်နိုင်တာပဲ။တောထဲမှာ နောက်ထပ်တစ်နှစ် ကုန်သွားရင် အဲဒီတစ်နှစ်ကို ဘယ်သူမှ ပြန်ပေးနိုင်မှာ မဟုတ်ဘူး။ ဒါပေမဲ့ ဒီနေ့ ဆုံးဖြတ်လိုက်ရင် ကျန်နေသေးတဲ့ ဘဝကိုတော့ ပြန်တည်ဆောက်နိုင်သေးတယ်။   ဒါကြောင့် ညီလေးတို့... အဆုံးမရှိတဲ့ သေနတ်သံတွေကို ကျောခိုင်းလိုက်ပါ။ မုန်းတီးမှုတွေကို လွှတ်ချလိုက်ပါ။ တောတောင်တွေထဲက ထွက်လာပြီး ကိုယ့်အိမ်ကို ပြန်လာလိုက်ပါ။ ကိုယ့်မိသားစုရင်ခွင်ကို ပြန်လာလိုက်ပါ။အမှောင်ထဲမှာ ဆက်လျှောက်နေမယ့်အစား အလင်းရှိတဲ့ဘက်ကို လှည့်ကြည့်လိုက်ပါ။   အိမ်ပြန်လာတဲ့သူအတွက် မနက်ဖြန်ဆိုတာ အမြဲရှိတယ်။   ဒါပေမဲ့ တောထဲမှာ အချိန်ဆွဲနေတဲ့သူအတွက်တော့ နောက်ကျသွားနိုင်တဲ့ မနက်ဖြန်တွေလည်း ရှိတယ်။   ဘဝကို သေနတ်နဲ့ မတည်ဆောက်ပါနဲ့။ အနာဂတ်ကို မျှော်လင့်ချက်နဲ့ တည်ဆောက်ပါ။ အမှောင်ကို ခွင်းပြီး အလင်းဆီကို ဒီနေ့ပဲ ပြန်လှမ်းလိုက်ပါ။   သီဟဝဏ္ဏ

ဗမာတွေရဲ့ကျေးဇူး ရခိုင်တွေအပေါ်မှာ လုံးဝမရှိခဲ့​​ဘူးလား..? သီဟဝဏ္ဏ

ဗမာတွေရဲ့ကျေးဇူး ရခိုင်တွေအပေါ်မှာ လုံးဝမရှိခဲ့​​ဘူးလား..? သီဟဝဏ္ဏ

ဒုတိယဗိုလ်ချုပ်ကြီး ရာပြည့်က DKBA ကို အွန်လိုင်းလိမ်လည်မှုတွေ တိုက်ဖျက်ရေးမှာ ပူးပေါင်းပါဝင်ဖို့နဲ့ ဒီလိုလုပ်ရပ်တွေမှာ ကိုယ်တိုင်လည်း မပတ်သက်ဖို့ တိုက်တွန်းပြောကြားခဲ့တာက လက်ရှိအခြေအနေမှာ အရေးကြီးတဲ့အချက်တစ်ခုဖြစ်ပါတယ်… အခုအချိန်မှာ အွန်လိုင်းလိမ်လည်မှုတွေက ပုံစံမျိုးစုံနဲ့ ပိုမိုများပြားလာနေပြီး ပြည်သူတွေရဲ့ လုံခြုံရေးနဲ့ ယုံကြည်မှုကို ထိခိုက်စေနိုင်တဲ့ ပြဿနာတစ်ခု ဖြစ်လာပါတယ်။ ဒီလိုအန္တရာယ်တွေကို လျှော့ချနိုင်ဖို့ဆိုရင် အဖွဲ့အစည်းတစ်ခုတည်းနဲ့ မလုံလောက်ဘဲ သက်ဆိုင်သူအားလုံး ပူးပေါင်းဆောင်ရွက်ဖို့ လိုအပ်ပါတယ်… DKBA အနေနဲ့လည်း အွန်လိုင်းလိမ်လည်မှုတိုက်ဖျက်ရေးမှာ အပြုသဘောဆောင်စွာ ပါဝင်ပူးပေါင်းပေးနိုင်မယ်ဆိုရင် ဒေသခံပြည်သူတွေအတွက် ပိုမိုလုံခြုံပြီး ယုံကြည်စိတ်ချရတဲ့ အခြေအနေတစ်ရပ်ကို ဖန်တီးပေးနိုင်မှာ ဖြစ်ပါတယ်… ဒါ့အပြင် ဒေသတည်ငြိမ်အေးချမ်းရေးနဲ့ နောင်မျိုးဆက်သစ်တွေရဲ့ အနာဂတ်အတွက် ပညာရေး၊ ကျန်းမာရေးနဲ့ ဖွံ့ဖြိုးရေးကဏ္ဍတွေမှာ ပူးပေါင်းလုပ်ဆောင်သွားမယ့် အချက်တွေကလည်း အရေးကြီးတဲ့ အဓိကအချက်တွေပါပဲ… ဘာကြောင့်လဲဆိုတော့ တကယ့်ငြိမ်းချမ်းရေးဆိုတာ တိုက်ပွဲတွေ မရှိရုံနဲ့ မပြီးဆုံးပါဘူး။ ပြည်သူတွေ လုံခြုံစွာ နေထိုင်နိုင်ခြင်း၊ ကလေးတွေ ပညာသင်ယူနိုင်ခြင်း၊ လူမှုဘဝတွေ တိုးတက်ကောင်းမွန်လာခြင်းတို့နဲ့အတူမှသာ ရေရှည်တည်တံ့နိုင်မှာ ဖြစ်ပါတယ်…ဒါကြောင့် အားလုံးက ဒေသအကျိုး၊ ပြည်သူအကျိုးကို ရှေးရှု့ပြီး ပူးပေါင်းလက်တွဲနိုင်မယ်ဆိုရင် ပိုမိုကောင်းမွန်တဲ့ အနာဂတ်တစ်ခုကို တည်ဆောက်နိုင်မှာပါ… ဒီတွေ့ဆုံဆွေးနွေးမှုကနေ ဒေသတွင်းငြိမ်းချမ်းရေးနဲ့ ဖွံ့ဖြိုးတိုးတက်ရေးအတွက် ကောင်းမွန်တဲ့အခြေအနေတွေ အခွင့်အလမ်းတွေပေါ်လာမယ်လို့ မျှော်လင့်ပါတယ်… သီဟဝဏ္ဏ

ကိုကျော်မိုးထွန်းကို ပုဂ္ဂိုလ်ရေးအရ ပြင်းပြင်းထန်ထန်တိုက်ခိုက်ရေးသားထားတဲ့ ကုလသမဂ္ဂအတွင်းရေးမှူး ချုပ်ထံ အိတ်ဖွင့်ပေးစာ (၂) ဆောင်းပါးကို ရန်ကုန်မြို့အခြေစိုက် ကုလသမဂ္ဂအဖွဲ့အစည်းဆိုင်ရာ ဌာနတွေကို e-mail များဖြင့် ပေးပို့ခဲ့ပြီး လူမှုကွန်ရက်ပေါ်တွင်လည်း သတင်းများ ကျယ်ကျယ်ပြန့်ပြန့် ပျံ့နှံ့နေကြောင်း သိရှိ ရပါတယ်။ - R2P ကို ဖိတ်ခေါ်ထားတဲ့ ကိုကျော်မိုးထွန်း ရဲ့ တောင်းဆိုချက်ထွက်ပေါ်လာပြီးတစ်ပြိုင်နက် အစိုးရနေ့စဉ်ထုတ် သတင်းစာတွေမှာ အဆိုပါ ဆောင်းပါး ပါရှိလာခြင်း ဖြစ်ပါတယ်။ သီဟဝဏ္ဏ

ခင်ဦးနယ်ကို ပြောလိုက်တာနဲ့ အရင်ကတော့ စိမ်းစိုတဲ့ လယ်ကွင်းတွေ၊ အလုပ်ကြိုးစားတဲ့ လယ်သမားတွေ၊ ရွာထဲမှာ ဆော့ကစားနေတဲ့ ကလေးတွေရဲ့ ရယ်သံတွေကိုပဲ မြင်ယောင်မိပါတယ်… ကိုယ်တွေလည်း အဲဒီဒေသဘက်မှာ ၆ နှစ်လောက်နေခဲ့တော့ သံယောဇဉ်တွေက မပြတ်ဘူး… ဒါပေမယ့် အကြမ်းဖက် PDF ပေါ်လာပြီးနောက်မှာတော့ အဲဒီရယ်သံတွေထက် စိုးရိမ်မှုတွေက ပိုကြီးလာသလို၊ အေးချမ်းမှုထက် ကြောက်ရွံ့မှုက ပိုများလာတယ်ဆိုတာကတော့ အသေအချာပဲ…   လက်နက်ကိုင်ပြီး ရမ်းကားနေတဲ့ အကြမ်းဖက် PDF ကြောင့် လယ်လုပ်စားတဲ့သူတွေ လယ်မဆင်းရဲကြတော့ဘူး။ ဈေးရောင်းတဲ့သူတွေ အရင်လို စိတ်ချလက်ချ မရောင်းနိုင်တော့သလို ကလေးတွေတောင် အေးအေးချမ်းချမ်း စာသင်ဖို့ မလွယ်တော့တဲ့ အခြေအနေတွေကို ရင်ဆိုင်နေကြရပြီ… ပြောရမယ်ဆိုရင် ရှုံးမှုအများဆုံးက ဘယ်သူတွေလဲဆိုရင် လက်နက်မကိုင်တဲ့ သာမန်ပြည်သူတွေပဲ….   လယ်မြေဆိုတာ ဒေသခံတွေအတွက် မြေတစ်ကွက်သက်သက် မဟုတ်ပါဘူး။ အဲဒါက သူတို့မိသားစုရဲ့ အသက်မွေးဝမ်းကျောင်း၊ မျိုးဆက်အလိုက် ထိန်းသိမ်းလာတဲ့ အမွေအနှစ်၊ သားသမီးတွေရဲ့ အနာဂတ်ကို တည်ဆောက်ပေးတဲ့ အခြေခံအုတ်မြစ်တွေဖြစ်တယ်…   အကြမ်းဖက် PDF မီးရှို့ဖျက်ဆီးလို့ပျက်စီးသွားတဲ့ အိမ်တစ်လုံးကို အုတ်နံရံနဲ့ ခေါင်မိုးတစ်ခု ဆုံးရှုံးသွားတာလို့ပဲ မြင်လို့မရဘူး။ အဲဒီအိမ်ထဲမှာ ရှိခဲ့တဲ့ ဘဝတစ်ခု၊ မိသားစုတစ်စုရဲ့ အမှတ်တရတွေ၊ အနာဂတ်အိပ်မက်တွေပါ တစ်ပြိုင်တည်း ပျက်စီးသွားတာ…   ဒါတွေတင်မကသေးဘူး အကြမ်းဖက်သမား PDF တွေရဲ့ခြိမ်းခြောက်အနိုင်ကျင့်မှုတွေကြောင့် အပြစ်မဲ့ပြည်သူတွေဟာ နေ့စဉ် ကြောက်ရွံ့မှုတွေနဲ့ အိပ်ရာဝင်ရတဲ့ ဘဝ၊ မနက်ဖြန် ဘာဖြစ်မလဲဆိုတာ မသေချာတဲ့ ဘဝ၊ ကိုယ့်သားသမီးရဲ့ အနာဂတ်ကိုတောင် စိတ်မချနိုင်တဲ့ဘဝ ဒီလိုနာကျင်စရာကောင်းတဲ့ အခြေအနေတွေနဲ့ ဖြတ်သန်းနေကြရတယ်…   ဒီအခြေအနေတွေနဲ့ပတ်သက်ပြီး ခင်ဦးနယ်ကပြည်သူတွေက သူတို့နယ်မြေလေး အေးချမ်းစွာ လုပ်ကိုင်စားသောက်နိုင်ဖို့ အကြမ်းဖက်သမား PDF တွေကို အမြန်ဆုံးချေမှုန်းရှင်းလင်းပေးပါဆိုတဲ့ တောင်းဆိုတဲ့အသံတွေထွက်လာတယ်… ဒီလိုထွက်ပေါ်လာတဲ့ အသံဟာ ခင်ဦးနယ်တစ်ခုတည်းရဲ့ အသံမဟုတ်ပါဘူး။ အကြမ်းဖက်သမားတွေရဲ့ဒဏ်ကို ခံစားနေရတဲ့ ဒေသတိုင်းက သာမန်ပြည်သူတွေရဲ့ ရင်ထဲက အသံပါ….   ပြည်သူတွေ လိုချင်တာက ရိုးရှင်းပါတယ်… "ကြောက်ရွံ့မှု မရှိတဲ့နေ့ရက်တွေနဲ့အေးချမ်းစွာ ရှင်သန်နိုင်တဲ့ဘဝလိုအပ်တာပါ"   သီဟဝဏ္ဏ

ပြောရမယ်ဆိုရင် စာသင်ကျောင်းဆိုတာ ကလေးတွေရဲ့ အိပ်မက်တွေ ရှင်သန်ရာ၊ အနာဂတ်ကို ပုံဖော်ရာ "ဘေးကင်းလုံခြုံတဲ့ နိဗ္ဗာန်ဘုံ" တစ်ခုပါ။ ဒါပေမဲ့ ဒီကနေ့မှာတော့ အကြမ်းဖက် NUG လက်အောက်ခံ PDF အဖွဲ့တွေရဲ့ ယုတ်မာတဲ့ လုပ်ရပ်တွေကြောင့် တဖြည်းဖြည်း မှေးမှိန်နေပြီလို့ ပြောရမလိုဖြစ်နေပြီ... ပြီးခဲ့တဲ့ ရက်ပိုင်းက တောင်ငူမြို့နယ်၊ မြပင်ကူးရွာမှာ ကလေးတွေ စာသင်ကြားနေတုန်း အကြမ်းဖက် PDF တွေက လက်နက်ကြီးနဲ့ ပစ်ခတ်တိုက်ခိုက်ခဲ့တဲ့ ဖြစ်စဉ်ဟာ ကလေးငယ်တွေရဲ့ စိတ်နှလုံးကို ဘယ်လောက်ထိ ဒဏ်ရာရစေမလဲဆိုတာ တွေးကြည့်ရုံနဲ့တင် ရင်နာစရာပါ။ "ကျောင်းတက်လို့" ဆိုတဲ့ အကြောင်းပြချက်နဲ့ အပြစ်မဲ့တဲ့ ကလေးတွေကို ပစ်မှတ်ထားတာဟာ ဘယ်လိုမှ လက်ခံနိုင်စရာမရှိတဲ့ ယုတ်မာတဲ့ လုပ်ရပ်ဖြစ်ပါတယ်... ဒါတင်မကသေးပါဘူး၊ ဆားလင်းကြီးမြို့နယ် လက်ပံတောင်းရွာမှာလည်း ကျောင်းသားတွေ ကျောင်းတက်လို့ဆိုပြီး အကြမ်းဖက် NUG PDF တွေက မိဘတွေကို ဖမ်းဆီးကာ ရိုက်နှက်သတ်ဖြတ်လို့ ကျောင်းသားမိဘတစ်ဦး သေဆုံးခဲ့ရတဲ့ သတင်းတွေဟာ တော်တော်လေးကို အော့နှလုံးနာစရာကောင်းလှပါတယ်... ကလေးတစ်ယောက်ကို ကျောင်းမတက်ဖို့ ခြိမ်းခြောက်တာ၊ ကျောင်းကို ပစ်ခတ်တာဟာ အဲဒီကလေးတွေရဲ့ တစ်နေ့တာကို ဖျက်ဆီးလိုက်တာ မဟုတ်ပါဘူး၊ သူတို့တွေရဲ့ ဘဝတစ်ခုလုံးနဲ့ နိုင်ငံရဲ့ အနာဂတ်ကို ဖျက်ဆီးလိုက်တာပါ။ ပညာရေးကဏ္ဍကို တိုက်ခိုက်နေတာတွေဟာ နိုင်ငံတကာ ရာဇဝတ်မှုတွေ ဖြစ်သလို၊ လူသားမျိုးနွယ်အပေါ် ကျူးလွန်တဲ့ ပြစ်မှုတွေလည်း ဖြစ်ပါတယ်... ကလေးတွေ လက်ထဲမှာ ပတ်ဝန်းကျင်မှာ သေနတ်တွေ၊ ကျည်ဆံတွေ ဗုံးဆံတွေ မဟုတ်ဘဲ စာအုပ်စာပေတွေနဲ့ လှပတဲ့အိပ်မက်တွေပဲ ရှိသင့်ပါတယ်… ပညာရေးဟာ ငြိမ်းချမ်းရေးရဲ့ အခြေခံအုတ်မြစ်ဖြစ်တဲ့အတွက် အဲဒီအုတ်မြစ်ကို ဖြိုဖျက်နေတာတွေဟာ နိုင်ငံတစ်နိုင်ငံရဲ့ အနာဂတ်ကို မှောင်မိုက်စေမှာ အသေအချာပါပဲ… ဒါကြောင့် ဒီလိုစစ်ရာဇဝတ်မှုကျူးလွန်တာတွေရပ်တန့်ဖို့အတွက်ဆိုရင် အကြမ်းဖက် NUG နဲ့ NUG လက်အောက်ခံ PDF တွေကို ပြည်တွင်းမှာတင်မကဘဲ နိုင်ငံတကာကပါ ထိထိရောက်ရောက် ဖိအားပေးပြီး ပြတ်ပြတ်သားသားချေမှုန်းဖို့ လိုပါတယ်… ဒါမှသာ ကလေးငယ်တွေရဲ့ဘဝအိပ်မက်တွေနဲ့ နိုင်ငံရဲ့အနာဂတ်ကလှပမှာဖြစ်ပါတယ်… သီဟဝဏ္ဏ