𝘽𝙖𝙘 ²⁰²⁷ 𝙬𝙞𝙩𝙝 𝙢𝙚𝙧𝙞𝙚𝙢📚✍️

بمناسبة الدور الثاني الذي موضوعه عن الاحتمالات اود نسربلكم حاجة من برنامج الباك هي الاحتمالات تع 2 ثانوي ماراهيش نفسها قاع تع 3 ثانوي 🫠 غير شوية قوانين رئيسية

اليوم الجمعة لا تنسوا قراءة سورة الكهف💚✨

الدور الثاني من المسابقة

🟥🟥🟥🟥نداء عاجل لاهل قسنطينة❗️❗️ مصابين حادثة انحراف قسنطينة اليوم يحتاجون تبرع بالدم 🩸 اماكن التبرع •كابنة شاحنة امام الخليفة • دخلة تاع chu

ارجو منكم تكتبوا id التلغرام في الخانة المخصصة ليكون من الشكل @.... و ذلك لأجل اقامة الدور الثالث

راح نحطو الدور الثاني بعد قليل و راح تكون المدة تاعو يومين

لي تأهلوا للدور الثاني راكم هنا🌚

السلام عليكم🌚

ترقبوا قادم الأيام الإعلان عن الدور 2

نسيتوا المسابقة، حنا ما نسيناهاش برك تاخرنا هههه

زميل قالكم امي عندها كونسار و تحتاج نقل صفائح في سبيطار كاك تاع باتنه اذا تقدر ديرلي بب في قناه اي واحد في باتنه ولا هك يقدر يروح يتبرع يروح من 8 لل 2 وهاذا نيميرو تاع الوالد لاي استفسار : 0664427878 #

الحلقة السابعة من سلسلة #تجربتي_مع_البكالوريا السلام عليكم ورحمة الله وبركاته معاكم الطالب انس تحصلت على بكالوريا 2025 بمعدل 10.96 وفي بكالوريا 2026 تحصلت على معدل 16.17 وش هو السر لي خلاني ننتقل من معدل ضعيف نوعا ما الى معدل مشرف ؟ - اول حاجة هي الاصرار والعزيمة : عقدت العزم باش نقرا مليح وندي معدل مشرف - ثاني حاجة طريقة الدراسة : حرفيا بدلت طريقة دراستي من مصادر و كيفية التعامل مع المواد بحيث انتقلت من الجانب النظري الى الجانب التطبيقي لي كنت اهملته في عامي لول والمصادر طبعا غيرتهم في المواد الاساسية ولي ننصحكم بيهم بشدة في رياضيات الاستاذ مرنيز والفيزياء الأستاذ عبد الله ووفقكم الله وسدد خطاكم

تحبو نبداو تحدي تطوير الإنجليزية بشرط انو تلتازمو و نكونو مجموعة تاع 15 ماكس لي بغاو يشاركو يقولولي ⬇️

نصيحة على السريع لي ضعاف فاللغة الإنجليزية ابداو تقراوها من دوك راه عندكم شهر في يدكم حاولو تستغلوه مليح و زيد المعامل تاعها طلع تسما حاولو تطورو روحكم فيها و ماشي كيما حكاية كل صيف🌚 هاد الشهر ديروها كشغل راكم تقراو صح ماشي بالنفحة منها تحاولو تعاودو تدخلو في أجواء الدراسة و منها تستفادو

السلام عليكم كيف حالكم🌚

Heeey guys 🥹🥹🥹 صااو معكم ادمينة جديدة سموني احلام🥹 طالبة في مدرسة عليا علوم بيولوجية سنة ثانية💗 متحصلة على بكالوريا 2025 بتقدير جيد شعبة علوم تجريبية🥹🥹 قررت نبدا نعاونكم ونقدملكم نصائح هدا عام فيما يخص شعبتي ومواد تعنا وهدا كل شيييء🥹🥹🥹💗 غي بغيت نعرفكم عليا استودعكن الله الذي لا تضيع ودائعه💗💗

حتى جا نهار النتائج... والله غير كانت من أجمل اللحظات في حياتي 🥹🤍. الحمد لله ربي ما خيبنيش، وفرحني بالمعدل لي كنت نحلم بيه، وفي داك الوقت فهمت بلي حتى التعب، والسهر، والدموع، ولحظات اليأس لي عشتهم، ما كان حتى واحد منهم راح باطل الحمد لله 🤲🏻🥹 وفي الأخير، إذا نحب نوصلكم رسالة وحدة، فهي أن البكالوريا ماشي للذكي برك، البكالوريا تاع لي يصبر ويكمل حتى لآخر نهار. إذا طحت، قوم. إذا تعبت، ارتاح شوية ومن بعد كمل. وما تقارنش روحك حتى بواحد، خاطر كل واحد عندو رحلتو وظروفو. وأهم حاجة... توكلوا على ربي. ديرو لي عليكم، وخليو النتيجة عليه سبحانه، لأنه إذا كتبلكم حاجة، والله كامل الكون ما يقدر يحبسها عليكم. ربي يوفقكم كامل، وإن شاء الله كامل تلحقو وين باغيين 🫶🏻❤️

من بعد دخلنا للفصل الثالث، وهنا حسيت بلي الوقت راه يجري بزاف وأنا عاد روطار، وبزاف مواد ما كنتش متمكنة منهم، ولقيت روحي حتى الحفظ نسيتو وعاودت كلش من الصفر 😭🥲. كملت نقرا، وحتى حبست ما نروح لليسي باش نستغل كل دقيقة، وزدت من ساعات الدراسة. حتى لحق الباك، وما كنتش مكملة الحفظ، واللغات دخلتلهم بوحدة واحدة برك و فلسفة حافظة مقالة وحدة هاكا و مطاحتش ههههه 😂. ما نكذبش، كنت خايفة، بصح في نفس الوقت كنت متأكدة بلي تعبي ما يروحش باطل، خاطر أنا سعيت ودرت لي عليا، والنتيجة بيد ربي، ومهما كانت أكيد فيها الخير. فوت النهار اللول ، وهنا فهمت بلي الباك مجرد امتحان عادي، غير حنا لي مضخمينو و لي يقرا يلحق نورمال 🙂 وليت ندخل لكل مادة براحة أكثر وثقة أكبر حتى كملنا و كنت بزاف مرتاحة و ما خممتش فالنتيجة و قلت نتقبلها مهما كانت فيها خير ليا