𝘽𝙖𝙘 ²⁰²⁷ 𝙬𝙞𝙩𝙝 𝙢𝙚𝙧𝙞𝙚𝙢📚✍️

الحلقة السابعة من سلسلة #تجربتي_مع_البكالوريا السلام عليكم ورحمة الله وبركاته معاكم الطالب انس تحصلت على بكالوريا 2025 بمعدل 10.96 وفي بكالوريا 2026 تحصلت على معدل 16.17 وش هو السر لي خلاني ننتقل من معدل ضعيف نوعا ما الى معدل مشرف ؟ - اول حاجة هي الاصرار والعزيمة : عقدت العزم باش نقرا مليح وندي معدل مشرف - ثاني حاجة طريقة الدراسة : حرفيا بدلت طريقة دراستي من مصادر و كيفية التعامل مع المواد بحيث انتقلت من الجانب النظري الى الجانب التطبيقي لي كنت اهملته في عامي لول والمصادر طبعا غيرتهم في المواد الاساسية ولي ننصحكم بيهم بشدة في رياضيات الاستاذ مرنيز والفيزياء الأستاذ عبد الله ووفقكم الله وسدد خطاكم

تحبو نبداو تحدي تطوير الإنجليزية بشرط انو تلتازمو و نكونو مجموعة تاع 15 ماكس لي بغاو يشاركو يقولولي ⬇️

نصيحة على السريع لي ضعاف فاللغة الإنجليزية ابداو تقراوها من دوك راه عندكم شهر في يدكم حاولو تستغلوه مليح و زيد المعامل تاعها طلع تسما حاولو تطورو روحكم فيها و ماشي كيما حكاية كل صيف🌚 هاد الشهر ديروها كشغل راكم تقراو صح ماشي بالنفحة منها تحاولو تعاودو تدخلو في أجواء الدراسة و منها تستفادو

السلام عليكم كيف حالكم🌚

Heeey guys 🥹🥹🥹 صااو معكم ادمينة جديدة سموني احلام🥹 طالبة في مدرسة عليا علوم بيولوجية سنة ثانية💗 متحصلة على بكالوريا 2025 بتقدير جيد شعبة علوم تجريبية🥹🥹 قررت نبدا نعاونكم ونقدملكم نصائح هدا عام فيما يخص شعبتي ومواد تعنا وهدا كل شيييء🥹🥹🥹💗 غي بغيت نعرفكم عليا استودعكن الله الذي لا تضيع ودائعه💗💗

حتى جا نهار النتائج... والله غير كانت من أجمل اللحظات في حياتي 🥹🤍. الحمد لله ربي ما خيبنيش، وفرحني بالمعدل لي كنت نحلم بيه، وفي داك الوقت فهمت بلي حتى التعب، والسهر، والدموع، ولحظات اليأس لي عشتهم، ما كان حتى واحد منهم راح باطل الحمد لله 🤲🏻🥹 وفي الأخير، إذا نحب نوصلكم رسالة وحدة، فهي أن البكالوريا ماشي للذكي برك، البكالوريا تاع لي يصبر ويكمل حتى لآخر نهار. إذا طحت، قوم. إذا تعبت، ارتاح شوية ومن بعد كمل. وما تقارنش روحك حتى بواحد، خاطر كل واحد عندو رحلتو وظروفو. وأهم حاجة... توكلوا على ربي. ديرو لي عليكم، وخليو النتيجة عليه سبحانه، لأنه إذا كتبلكم حاجة، والله كامل الكون ما يقدر يحبسها عليكم. ربي يوفقكم كامل، وإن شاء الله كامل تلحقو وين باغيين 🫶🏻❤️

من بعد دخلنا للفصل الثالث، وهنا حسيت بلي الوقت راه يجري بزاف وأنا عاد روطار، وبزاف مواد ما كنتش متمكنة منهم، ولقيت روحي حتى الحفظ نسيتو وعاودت كلش من الصفر 😭🥲. كملت نقرا، وحتى حبست ما نروح لليسي باش نستغل كل دقيقة، وزدت من ساعات الدراسة. حتى لحق الباك، وما كنتش مكملة الحفظ، واللغات دخلتلهم بوحدة واحدة برك و فلسفة حافظة مقالة وحدة هاكا و مطاحتش ههههه 😂. ما نكذبش، كنت خايفة، بصح في نفس الوقت كنت متأكدة بلي تعبي ما يروحش باطل، خاطر أنا سعيت ودرت لي عليا، والنتيجة بيد ربي، ومهما كانت أكيد فيها الخير. فوت النهار اللول ، وهنا فهمت بلي الباك مجرد امتحان عادي، غير حنا لي مضخمينو و لي يقرا يلحق نورمال 🙂 وليت ندخل لكل مادة براحة أكثر وثقة أكبر حتى كملنا و كنت بزاف مرتاحة و ما خممتش فالنتيجة و قلت نتقبلها مهما كانت فيها خير ليا

📍و هادي هي الحاجة اللي ننصحكم بها بزاااف اخطييييكم من الستراس، انتوما اتكلوا على ربي و اسعاو حتى التالي و ديرو ڨاع لي تقدرو عليه المهم ما تفشلوش صح يجوكم خيبات في وسط الطريق لكن ماتخلوهمش يحبسوكم 🫶🏻

في الفصل الثاني حسيت اني بديت نحسن نوعا ما من طريقة دراستي وليت نحل بزاف مواضيع و وليت نقرا ڨاع المواد ( ابار فلسفة 😂 ) لكن كنت نحس بزاف بالتعب زاد الضغط بزاف و فقدت الحماس و الشغف لي كنت داخلة بيه و بديت نفقد الامل انو نوصل لهدفي بسك كنت روطار مقارنة بالناس لخرين خصوصا فالمواد الثانوية ( فخ المقارنات ما توقعوش فيه خاوتي عمركم ما تقارنو روحكم مع الناس🥲 ) جات الاختبارات و ديت 14 معدل مالقري كنت قاريتلهم مليح زعما 🙃😂 دبرست شويا و فشلت و حسيت تعبي راه يروح باطل ايا حبست ما قريتش وحد السمانة هاك و موراها فقت مع روحي و كملت قريت نورمال و ما خليتش الستراس يتمكن مني

لحق الدخول المدرسي و كنت مستعدة للبدء ، درت برنامج الأسبوعي لي نتبعه ( مع الوقت اهملته و مالتزمتش بيه 🙂) و بديت البرنامج مع الاساتذة تاع ليسي عادي الدرس لي نديروه نعاوده فالدار فاليوتيوب لكن درت خطأ لي هو ركزت بزاف على المواد الاساسية و اهملت المواد الثانوية بزاف و مواد الحفظ تقريبا مبديتش فيهم حتى لحقو عليا الاختبارات عليها عانيت معاهم مبعد لحق الباك و مالحقتش اصلا باش نكملهم 🙃 ديت الفصل الاول معدل 15 ( ما عجبنيش 🤣 ) جات عطلة الشتاء ايا بديت الحفظ و بديت نقرا اللغات و الحمد لله كملت مع دروس الفصل الاول لكن كنت مشي متمكنة من التمارين و المواضيع عليها كثفت منهم فالفصل الزاوج و رجعت نحل ليسوجي كثر

بدات رحلة البكالوريا مع بداية أوت ، وين قلت انو لازم قبل الدخول المدرسي نعالج كامل النقائص لي نعاني منها حددت ڨاع الأمور لي نحتاجها فالباك يعني وش لازم نكون عارفة من السنة الثانية، لقيت انو عندي شويا نقائص فالرياضيات( ماقريناش المتتاليات فسنة ثانية و كنت ناقصة فالدوال) و كان عندي نقص كبيييير فالهندسة 🥲 ديت فيها 7 فسنة ثانية 🙂😂 ( btw كنت هندسة ميكانيكية) ، أما الفيزياء مبديتش فيها الصراحة كنت متمكنة منها من قبل و المواد الاخرى شفت بلي متحتاجش المكتسبات القبلية 🤷🏻‍♀️ و منها اتكلت على الله و بديت بوتيرة خفيفة ما كنتش نجهد نفسي بزاف كنت اكثر شي نقرا ساعتين فاليوم استمريت عليها حتى جا الدخول المدرسي لقيت روحي الحمد لله عالجت نقائصي و تمكنت منها عادي 😮‍💨

بداية خلوني نقولكم على مستواي من قبل 🙂 منذ مرحلة الابتدائي كان معدلي ممتاز يعني ، لكن فالثانوي تراجعت نوعا ما و أصبح معدلي بين القريب من الجيد إلى الجيد 🥲 كانت غايضتني كي تراجعت ههه و هذا لي خلاني ندير القلب و نقوي العزيمة، قلت لازم عليا نحط ڨاع وش عندي و نرجع لمستواي لي ضاع مني و لازم عليا ندي معدل ممتاز أو على الأقل جيد جدا فالباك و نحقق حلمي و ندير طب أو طب أسنان 😍😁

السلام عليكم 🌚 معكم الادمن حفصة ، طالبة طب و متحصلة على بكالوريا 2025 شعبة تقني رياضي بتقدير ممتاز . اليوم راح نشارك معاكم تجربتي في عام البكالوريا مع شوية نصائح تعملوا بها في الوقت الحالي لعل و عسى تستفادو منها ❤️

السلام عليكم جميعا 😊 عدنا لكم في الحلقة السادسة من سلسلة #تجربتي_مع_البكالوريا نعتذر على التأخير 🥲

هلو هلووو كيف حالكم تحتاجو مساعدة فكش حاجة قولولي 👀

الدور الثاني يحق لجميع من شارك في الدور الأول المشاركة فيه للاطلاع على ما يجب تقويمه من المكتسبات المتعلقة بالاحتمالات لكن يحق فقط للمتاهلين العشرة التنافس على الدورة المجانية لضمان اعطاء كل ذي حق حقه

كل من تحصل على علامة تساوي او تفوق 6 و لم يدرج اسمه في القائمة فليتواصل معنا