IDAedu_NAHV
Открыть в Telegram
Больше
Страна не указанаКатегория не указана
1 082
Подписчики
-224 часа
-17 дней
+730 дней
Архив постов
1 080
kitob taqdimoti Tez kunda.....
BOŞLANĞIÇ NAHV SARF
o'qish va o'qitish uchun munosib varyant!
1 080
Ko‘pchilik: «Vaqtim yo‘q», deydi. Aslida esa muammo vaqtning kamligida emas, ilmning ustuvor bo‘lmay qolganidadir.
Inson nimani qadrlasa, o‘sha narsa uchun vaqt ajratadi. Ilm ham shunday. Uni birinchi o‘ringa qo‘ygan inson kun tartibini ilmga qarab rejalashtiradi.
Vaqt topilmaydi. Vaqt ajratiladi. Ilm esa o‘ziga ajratilgan vaqtning qadriga yetgan insonni yuksaltiradi.
قال يحيى بن أبي كثير رحمه الله:
لا يُسْتَطَاعُ العِلْمُ بِرَاحَةِ الجِسْمِ
“Ilmga tana rohatini ko‘zlab erishib bo‘lmaydi.
1 080
Hayotda har kimning uzri bo‘lishi mumkin. Muhim xizmat vazifasi, oilaviy masala yoki kutilmagan holatlar yuz beradi. Bunday holatlar hech kimdan xoli emas.
Lekin ilmga jiddiy qaraydigan insonni boshqalardan ajratib turadigan narsa — uning munosabatidir. U bir darsni o‘tkazib yuborsa ham, ilmni tark etmaydi. Aksincha: «Bu safar uzrim bor, in shaa Alloh keyingi darsda albatta qatnashaman», deydi.
Shuning uchun u ilm bilan aloqasini uzmaydi va sobit qoladi. Ilm yo‘lida eng katta yutuqlardan biri ham aynan mana shu davomiylikdir.
قال الإمام أحمد رحمه الله:
العِلْمُ لا يَعْدِلُهُ شَيْءٌ لِمَنْ صَحَّتْ نِيَّتُهُ
“Niyati to‘g‘ri bo‘lgan inson uchun ilmga teng keladigan narsa yo‘q.”
1 080
Ba’zan talaba ilmni emas, ilmni o‘z qulayligiga bo‘ysundirmoqchi bo‘ladi.
“Bugun boshqa vaqt qilaylik.”
“Bu safar darsni sursak bo‘ladimi?”
Agar bu holat odatga aylansa, ilm asta-sekin hayotdagi ustuvor o‘rnini yo‘qota boshlaydi. Shundan keyin esa bahonalar ko‘payadi, qatnashuv kamayadi va ilm yo‘li ham uzoqlashib boradi.
Ilmga sobitlik bilan xizmat qilgan insongina uning samarasini ko‘radi.
قال الله تعالى:
﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾
“Bizning yo‘limizda jiddu jahd qilgan zotlarni, albatta, O‘z yo‘llarimizga hidoyat qilurmiz.”
1 080
Repost from IDA edu
Ilmda uzoqqa borgan insonlarning hayotiga nazar tashlasangiz, ularni birlashtiradigan muhim bir sifatni ko‘rasiz: ular ilmni o‘z hayotlariga moslashtirmaydi, aksincha hayotlarini ilmga moslashtiradi.
Ustoz qaysi vaqtni belgilasa, o‘sha vaqtni qadrlaydi. Boshqa ishlarini esa imkon qadar ilm atrofida rejalashtiradi.
Aynan mana shunday munosabat ilmning barakasini olib keladi. Chunki ilm fidoyilikni yaxshi ko‘radi. Qulaylikni emas.
قال بعض السلف:
مَنْ صَدَقَ فِي طَلَبِ الْعِلْمِ فُتِحَتْ لَهُ أَبْوَابُهُ
“Kim ilm talabida rostgo‘y va sidqidildan bo‘lsa, uning uchun ilm eshiklari ochiladi.”
1 080
Repost from IDA edu
Ilm yo‘lida muvaffaqiyat tasodifan nasib bo‘ladigan ne’mat emas. Uning ortida ixlos, sabr, odob va intizom yotadi.
Ko‘p insonlar ilm olishni xohlaydi. Ammo ilm har bir xohlovchiga emas, uning haqqini ado qilgan kishiga nasib etadi. Ilmning haqqi esa ustozni hurmat qilish, belgilangan tartibga rioya etish va ilmni dunyoviy mashg‘ulotlardan ustun qo‘ya olishdir.
Ilmga odob bilan kirgan insonning ilmi barakali bo‘ladi. Chunki odob — ilmning eshigidir.
قال الإمام مالك رحمه الله:
تَعَلَّمِ الْأَدَبَ قَبْلَ أَنْ تَتَعَلَّمَ الْعِلْمَ
“Ilmdan oldin odobni o‘rgan.”
