ذهِيب

بيتٍ لإبن هادي

ولابد من يومٍ يثوّر كتامه أما على المطران ، ولا على يام

- سعد من قحطان بن هود حزامه -

إبن شافي لأزهم في صلب جدّه اقبلو قحطان من نجد وتهامة كنهم الموج القوي في بحر جدّه لارتفع فوق البحر تسعين قامة .

« وداعية تهز ضلوع صدر العاشق الولهان وداعٍ فيه من صدق الحزن مالا ينسيني »

وقفيّ لين الزمان يمرنا بأربع فصولة الثواني مستحيل انها تكون اللي بقى لي يوم جيتي كان ياكثر الكلام اللي بقوله ويوم رحتي ما لقيت من الكلام الا ، تعالي يا ثمر قلب وهبك اللّٰه مرابيه وميوله انتي الدنيا واهلها كلهم – وانا لحالي ان ذبحتيني جعل روحي فدا العين الخجولة وان عتقتيني جعلت الليلة اعز الليالي ما بعد هز الندم قلبي على شي يطولة لين شفت النظره المتكلمه ترثع بحالي جعل يسقى يوم كان الوقت ينساب بسهولة ودقة الساعة تمر اسماعنا — ولا نبالي سلميني صوتك الممسوك انا سيد وصولة من متى والصمت يغلب نبرتك على وصالي ؟ واسأليني ليه أهاب بطلتك وانتي جفولة وليه لا مني تباطيتك طرى لي ما طرى لي وعلميني من عطا شمس الشتا وجهه وزوله ومن رسم ظله على الشاطي وهو ماسك ظلالي وجهك اللي مستعد اعيش له واموت حوله يا كثر مافي تفاصيله وجودي ، وانعزالي والعيون اللي قبل شوفك من الدنيا ملولة صار يملاها الشغف حتى وانا اشوفك قبالي لا تغرك كلمةٍ مرت على سمعك عجوله ما بعد من النسم صدري ولا جيتي ببالي رفرفة روحي على قدٍّ تبرا ، من نحوله رفرفة طيرٍ على الغصن الهزيل من الشمالي الحظيظ اللي لقى بعيونك النجلا قبولة من يلومه لا زهد في الامنيات وفي الليالي لا المحبّة طاوعتني في زعلّك ، ولا الرجولة غالية يا الدمعة اللي ما تسيل إلا لغاليّ .

صباح الخير أما بعد : نفسي تستحق الحُب أكثر مما يفعلون .

يا غتيرٍ بالقبايل وتاريخ العرب جدنا اللي سبع الأفيا شكوا حرايبه من بني ضيغم عبيده عريبين النسب من بني هاجر وقحطان حن ضرايبه جمعنا يشدي قنيف يزايفه المهب الهنادي بارقه والقنا سحايبه

- عمير إبن راشد إبن عفيشة الهاجريّ

محمد ابن الذيب ماهو بصاحي قل للحكومة يحكمونه بالاعدام مع انه اكرم من هبوب الرياحي ويدينه الثنتين جمعية ايتام لكن يحرضنا لحمل السلاحي يبى يسوي في العرب مثل صدام عجمي ومجنون وخبل وانفتاحي وان قلت وين نسوقها قال قدام .

أنا لا منها تساوت في عيوني الأمور ما عاد تفرق معي غدت سوا كلها والي على ما تمر بسمح لها بالمرور لوني أفطن لها ، ما كني أفطن لها لا ضاق منها صدر ولا تحرك شعور لو يجتمع دقّها كله — مع جلّها مراحل العمر تمضي كلها في عبور ما عاش أحدً قبل ولا بعد حلّها تزين ولا تشين ، أفياض ولا دهور مقسّمه وأنت لأمن خذتها خلها عنّز إحجاجّك لمن يعلم ما في الصدور وأوجد لكل الخلايق سبل وتدلها " ولا تضايق ولو صدرك يبوح ويبور ما الله خلق مشكله، إلا خلق حلها " .

دعواتكّم لجدتي بالرحمة والمغفرة .

« غديت في بحر هقواتي بلا مركّب ولا مجداف وعلى كف الليالي — مات حلمي قبل ميلاده »

‏متى ما هب للوحشة نسيمٍ يشغل المرتاب ‏تهندمت القصايد والقصايد بشتها ضافي ‏" اجيب امْن البيوت الفارقة ما يكسب الاعجاب ‏ واجي للناس وانا الفارق بقافي وميقافي " ‏يا سحر اوّل قصيدة قدّمت شعري على الالباب ‏تجلّت بالعذوبه من مسامر طرفك الغافي ‏حفظتك يوم قمت ابذل لغاية قلبي الاسباب ‏عشقتك قبل اعرف ان الوصال اصعب من انصافي ‏على اعتاب الاماني ماني مغنّي بيوت عتاب ‏لا تطرين المخافة وان سمحت امن الرجا خافي ‏توشحت الهقاوي والعزايم قافها ما شاب ‏لها وجهي مورّدها لغير المنهل الصافي ‏على دربٍ سلكته ما لخطواتي عنه مجناب ‏ما شفته كيف ابا الد النظر واناظر خلافي ‏لو عيوني كفيفة ما تشوف ان الرحاب رحاب ‏تعكّزت البصيرة لجل اشرّف فوق مشرافي ‏احث الفكر والبِس كل حرف امن الامل جلباب ‏واحوز الصعبة بقلبٍ يوقّف وقفة الوافي ‏كثر ما مرّ به ما قد تركني بين ضرس وناب ‏معه حكمة حليم وصبر ذيب وصملة سنافي ‏يقدّي خطوتي في كل وجهة لاوسع الابواب ‏اعيش بحدسه وذاخر ثبات لرحلتي كافي ‏محال اصد واصدّق من يقول الزمن غلّاب ‏"لو اهدافي كبيرة مستحيل اخلّي اهدافي" .

يا طلوع الشمّس ، وهّاج المصابيح المطلّة نورك الوهّاج يشرق للأوادم في ديرها .

إجتماع مضيم — لابدّه لابدّه والله إن يشكي المكان مْن إزدحامة .

أغيب لا مال قرص الشمس يم المغيب وأبادل الليل ونجومه شعور الولا أهيم في عزلتي لين أتعافى وأطيب وأبثّ دعواي لـ المعبود جل وعلا أكثر ما يدعو للاستغراب عقل اللبيب كثر ما يسعى ورى البلوى وهو مبتلى واخطر عداوة على الطيّب عداوة صحيب أحياناً الكره يسكن في ثياب — الغلا الحسد يصنع من الانسان كائن عجيب أروغ من الداب واجفل من ظبيّ الفلا أنا في وجهك يا ربي من رداة النصيب ومن اعتياد المرارة واعتياد الحلا يا مدعين المبادي بالكلام الرتيب حنا اتكلنا على الله واتكلتوا على طبايع ما تليق بـ كل حرٍ عريب ونفوسٍ الله جعلها تحت حكم جهلا ان ضيَّق اسمي عليكم كل فجٍ رحيب بكره يعيف بعضكم في شرابٍ وكلا أنا لو أهمس وصل صوتي بعيد وقريب وأنتم من العام ما ارتحتوا وفيكم بلا صرتوا تمنون عثره للحصان النجيب اما كذا دحرة الخصام — ولا فلا ما دام ما الله هداكم للقرار المصيب تهذّبوا فـ البيان وصايحوا فـ الخلا " تحمّلوا واقع ماهوب عنكم غريب أنتم تعانون من مبطي ماهوب أولا " .