𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

لنتدبر....💜

حمادة: إيه يا رجالة... الكلام ع إيه؟ شريف: هنقعد نسمع الماتش ونمشي. حمادة: مين اللي هيلعب؟ عبدالله: الأهلي... اقعد بقى. 🤨 حمادة: ماشي يا عم، بس الماتش لسه عليه نص ساعة. عبدالله: هتفضل واقف يعني ولا إيه؟ 🙄😂 حمادة: خلاص يا عم... هقعد. 🫡 شريف: هتشربوا إيه؟ عبدالله: أنا هشرب قهوة. حمادة: وأنا واحدة شويبس. عبدالله: قولنااااا... مقااااااطعة! 😠😠 شريف: سيبهولي... أنا هضربهولك. 🙄 عبدالله: هاتله شاي من غير سكر. 🤨🤨 حمادة: ولااا... شوفت الواد اللي داخل ده؟ معاه حتة عربية مووووت، وغني وحاجة توووب! 😭😂 شريف: حصل... ربنا يزيده ويزيدنا. 🤍 حمادة: يا ريتني مكانه. 😭 عبدالله: وتكون مكانه ليه؟ ما إنت عندك حاجات أحسن منه. حمادة: أحسن منه إيه بس يا عم؟ 😂 عبدالله: أنا أصلًا أعرفه شخصيًا... هو وإخواته عندهم حوارات كتير مع بعض ، وأبوه وأمه منفصلين، وحاجات كتير مش موجودة عندك لو كانت موجودة عندك مكنتش هتتمنى حياته. شريف: يعني يا حمادة... احمد ربنا وبوس إيدك وش وضهر، إنت عندك نعم كتير. عبدالله: وإنت ممكن توصل في الغِنى وتبقى زيه عادي، مفيش مشكلة... أهم حاجة متبقاش مضايق، أو شايف إن ربنا مش مديك نعم، عشان إنت شايف نعمة غيرك وناسي النعم اللي عندك.

﴿وَإِن تَعُدُّوا نِعْمَةَ اللَّهِ لَا تُحْصُوهَا﴾

حمادة: بمعنى؟ عبدالله: يعني مهما قعدت تعد النعم اللي عندك، مش هتقدر تحصيها... فبدل ما تفضل تبص لنعمة غيرك، بص للنعم اللي ربنا مديهالك واحمده عليها. حمادة: تمام... فهمت. الحمد لله على كل النِّعَم.♡゙

﴿وَإِن تَعُدُّوا نِعْمَةَ اللَّهِ لَا تُحْصُوهَا﴾

الآية بتفكرنا إن نِعَم ربنا علينا أكتر بكتير من إننا نقدر نعدّها أو حتى نلاحظها كلها. صحتك، ونظرك، وسمعك، ونَفَسك، وأكلك وشربك، وأهلك، والأمان، والستر... وحتى النعم اللي إنت مش واخد بالك منها أصلًا. إحنا ساعات بنبص لنعمة عند غيرنا وننسى نعم كتير جدًا في إيدينا، اتعودنا عليها لدرجة إننا بقينا شايفينها حاجة عادية. وعشان كده، كل ما تفتكر الآية دي، افتكر إن عندك نعم أكتر مما تتخيل... فبدل ما تنشغل باللي ناقصك، احمد ربنا على اللي مديهولك.

﴿إِنَّ اللَّهَ لَغَفُورٌ رَّحِيمٌ﴾

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

«كُلُّ أُمَّتي مُعافًى إلا المُجاهِرِينَ، وإنَّ مِنَ المُجاهَرَةِ أنْ يَعْمَلَ الرَّجُلُ باللَّيْلِ عَمَلًا، ثُمَّ يُصْبِحَ وقَدْ سَتَرَهُ اللَّهُ، فيقولَ: يا فُلانُ، عَمِلْتُ البارِحَةَ كذا وكذا، وقَدْ باتَ يَسْتُرُهُ رَبُّهُ، ويُصْبِحُ يَكْشِفُ سِتْرَ اللَّهِ عَنْهُ».