អង្គភាពសារព័ត៌មាន ព្រះខ័នញូស៍ ប្រចាំស្រុកអន្លង់វែង ខេត្តឧត្តរមានជ័យ

នាវាចម្បាំងរុស្ស៊ី២គ្រឿង ចូលចតនៅកំពង់ផែក្រុងព្រះសីហនុ ដើម្បីបំពេញទស្សនកិច្ច៣ថ្ងៃ (ភ្នំពេញ)៖ នៅព្រឹកថ្ងៃទី៦ ខែមេសា ឆ្នាំ២០២៦នេះ នាវាចម្បាំងរបស់រុស្ស៊ីចំនួន​២​គ្រឿង បានចូលចតនៅកំពង់ផែស្វយ័តក្រុងព្រះសីហនុ ដើម្បីបំពេញទស្សនកិច្ចរយៈ​ពេល​៣ថ្ងៃ​នៅ​កម្ពុជា។ នាវាចម្បាំងទាំងពីរគ្រឿងនេះ មកពីកងនាវាប្រចាំតំបន់ប៉ាស៊ីហ្វិក​នៃកងទ័ព​ជើង​ទឹកសហព័ន្ធរុស្ស៊ី។ នាវាចម្បាំងរបស់រុស្ស៊ីដែលចតនៅកម្ពុជាពីថ្ងៃទី៦ ដល់ទី៨ ខែមេសា ឆ្នាំ២០២៦នេះ រួមមាននាវា Sovershenny លេខ៣៣៣ និងនាវា Rezky លេខ៣៤៣។ នាវា​ចម្បាំង​​ទាំងពីរគ្រឿងនេះ ដឹកនាំដោយមេបញ្ជាការ លោកវរនាវីឯក SHMAGIN Artem និងមេបញ្ជាការ លោកវរនាវីឯក KOVALEV Evgenii ហើយមាន​នាវិកសរុប​ប្រមាណ ២៦២នាក់។ នាវាចម្បាំង Sovershennyy ដាក់ដំណើរការកាលពីឆ្នាំ២០១៧។ វាជានាវាចម្បាំងប្រភេទ corvette ថ្នាក់ Steregushchy-class ទម្ងន់២២០០តោន ប្រវែង១០៤ម៉ែត្រ ដើរដោយម៉ាស៉ីនម៉ាស៊ូត និងល្បឿន៤៨គីឡូម៉ែត្រក្នុងមួយម៉ោង។ នាវាចម្បាំងនេះ មានបំពាក់ប្រព័ន្ធរ៉ាដា និងមីស៉ីលចម្រុះ ហើយមានកន្លែងសម្រាប់ឱ្យឧទ្ធម្ភាគចក្រអាចចុះចតបាន។ នាវាចម្បាំង Rezky ដាក់ដំណើរការកាលពីឆ្នាំ២០២៣។ វាមានលក្ខណៈបច្ចេកទេស ស្រដៀងគ្នាទៅនឹងនាវាចម្បាំង Sovershennyy ដែរ ដោយសារជានាវាប្រភេទ corvette ស្ថិតក្នុងថ្នាក់ Steregushchy-class ដូចគ្នា។ ពួកវាមានតម្លៃខ្ទង់ ១២០-១៥០លានដុល្លារក្នុងមួយគ្រឿង។ នៅវេលាម៉ោងជិត៩ព្រឹក នាវាចម្បាំងដ៏មានអនុភាពលើលំហ​សមុទ្រ​​របស់រុស្ស៊ី បានចូលចតនៅកំពុងផែស្វយ័តក្រុងព្រះសីហនុ។ ការមកដល់​របស់​នាវាចម្បាំងទាំងពីរគ្រឿង ត្រូវបានស្វាគមន៍យ៉ាងកក់ក្តៅពីសំណាក់ឧត្តម​នាវីត្រី​ អុិន​ សុខេមរា​ មេបញ្ជាការ​រង​មូលដ្ឋាន​សមុទ្រ​រាម​ ជាមួយកងទ័ពជើងទឹករបស់កម្ពុជាចំនួន​៦០​នាក់ ដោយមានការចូលរួមពីលោក Anatoly Borovik ឯកអគ្គរដ្ឋ​ទូតរុស្ស៊ី​ប្រចាំ​នៅកម្ពុជាផងដែរ។ ដំណើរទស្សនកិច្ចរបស់កងទ័ពជើងទឹករុស្ស៊ី និងនាវាចម្បាំងទាំងពីរគ្រឿងនេះ គឺជាកម្ម​វិធីមួយ ដើម្បីលើកកម្ពស់ទំនាក់ទំនង និងកិច្ចសហប្រតិបត្តិការលើវិស័យការពារ​ជាតិ​រវាងកម្ពុជា និងរុស្ស៊ី ដែលប្រទេសទាំងពីរតែងប្រកាន់យកក្នុងប្រវត្តិនៃទំនាក់ទំនង។ ក្រោយពេលចូលចតនៅកម្ពុជាហើយនោះ តាមកម្មវិធីដែលបានគ្រោងទុក។ មេបញ្ជា​ការ និងនាវិកនៅលើនាវានឹងបំពេញទស្សនកិច្ចនៅក្នុងខេត្តព្រះសីហនុ ដោយមានការ​ចូល​ជួបសម្តែងការគួរសមជាមួយថ្នាក់ដឹកនាំខេត្តព្រះសីហនុ និងឧត្តមនាវីទោ ម៉ី ឌីណា មេបញ្ជាការមូលដ្ឋានសមុទ្ររាម។ ក្រៅពីនោះ លោកឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិកម្ពុជា និងថ្នាក់ដឹកនាំនៃក្រសួងការពារជាច្រើនរូបទៀត ក៏នឹង​អញ្ជើញទស្សនកិច្ចលើនាវា​ផង​ដែរ។ កម្មវិធីទស្សនកិច្ចនេះ ក៏រួមមានកម្មវិធីទស្សនា​នាវា​ ដោយសិស្ស និស្សិត និង​លោក​គ្រូអ្នកគ្រូ នៃសាលាស្ថានទូតរុស្ស៊ី។ ក្រៅពីនេះ ក្នុងឱកាសសំចតនៅកម្ពុជា កងទ័ពជើងទឹកកម្ពុជា និងរុស្ស៊ី ក៏មា​ន​លេង​បាល់​ទាត់មិត្តភាពផងដែរ។ សូមបញ្ជាក់ថា ដើម្បីពង្រឹងទំនាក់ទំនង និងកិច្ចសហប្រតិបត្តិការរវាងកម្ពុជា និងរុស្ស៊ី នាវាចម្បាំងរបស់រុស្ស៊ី បានមកចត និងទស្សនកិច្ចនៅកម្ពុជាជាបន្តបន្ទាប់។ កាលពីឆ្នាំ​២០២៥ កំលុងខែមេសា និងឧសភា ក្រុមនាវាចម្បាំងរុស្ស៊ីជាច្រើនគ្រឿង បានចូល​មក​ច​ត​នៅកម្ពុជា រួមមាននាវាចម្បាំង Hero of the Russian Federation Aldar Tsydenzhapov និង Rezky រួមជាមួយនាវាផ្ទុកប្រេងធុនមធ្យម Pechenga នៅឯកំពង់ផែស្វយ័តព្រះសីហនុ។ របាយការណ៍បានបង្ហាញផងដែរថា គិតចាប់ពីឆ្នាំ២០១១មក នាវាចម្បាំងរុស្ស៊ី បានចូលចតនៅកម្ពុជា ចំនួន៨លើក ស្មើ១៨គ្រឿង៕

ក្រើនរំលឹក ហាមថតរូបភាព ឬវីដេអូ ចល័តទ័ព ទីតាំងអាវុធ និងទីតាំងលេណដ្ឋាន កងទ័ពចែកចាយលើបណ្តាញសង្គម សុវត្ថិភាពខ្លួនយើង យុទ្ធមិត្តយើង គ្រួសារយើង ប្រទេសជាតិយើង

នេះជាសកម្មភាពរបស់ទាហានថៃ បានរាយបន្លាលួសទាំងបំពាននៅតំបន់បុស្សស្បូវ-ជាំតែ និងបានរំលោភសេចក្តីថ្លែងការណ៍រួមរវាងប្រទេសទាំង ហើយជាសកម្មភាពកើតឡើងដដែលៗរបស់ទាហានថៃ មកលើទឹកដីកម្ពុជា។ សកម្មភាពនេះបានកើតឡើងកាលពីថ្ងៃទី៤ ខែមេសា ឆ្នាំ២០២៦។ ក្រៅពីរាយបន្លាលួសប្រវែង១០០ម៉ែត្រ ទាហានថៃ បានពង្រាយរថពាសដែកនៅតំបន់ខាងលើផងដែរ និងបានបន្តឈូសឆាយនៅក្បែរតំបន់ប្រាសាទព្រះវិហារ ភាគខាងជើងនៃវត្តកែវសិក្ខាគីរីស្វារៈទៀតផង។ ជាមួយសកម្មភាពបំពានដដែលជាដដែលរបស់ទាហានថៃខាងលើនេះ, នៅថ្ងៃទី៥ ខែមេសា ឆ្នាំ២០២៦នេះ កម្ពុជាបានធ្វើការតវ៉ាយ៉ាងដាច់អហង្ការ។ កម្ពុជាមិនទទួលស្គាល់នូវបន្ទាត់ព្រំដែន ឬការទាមទារដែនដីដោយឯកតោភាគីពីប្រទេសថៃទេ ហើយសង្កត់ធ្ងន់ថា សកម្មភាពថ្មីៗនេះ មិនត្រូវធ្វើឱ្យប៉ះពាល់ដល់សិទ្ធិស្របច្បាប់របស់កម្ពុជាទាក់ទងនឹងព្រំដែនអន្តរជាតិឡើយ៕

កម្ពុជា🇰🇭តវ៉ាយ៉ាងដាច់អហង្ការចំពោះសកម្មភាពខុសច្បាប់របស់ថៃ🇹🇭 កាន់កាប់នៅតាមបណ្តោយព្រំដែន Cambodia Strongly Protests against Thailand's Unlawful Activities in Occupied Border Areas

តម្លៃប្រេងសាំង នៅការ៉ាស់សាំងតេលាជិតរង្វង់មូលដៃប្រាំបី ក្នុងភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ ថ្ងៃអាទិត្យ ទី០៥ ខែមេសា ឆ្នាំ២០២៦នេះ៖ ១. តម្លៃប្រេងម៉ាស៊ូត=៧.៨០០៛/១លីត្រ ២. តម្លៃសាំងធម្មតា=៥.៤០០៛/១លីត្រ ៣. តម្លៃសាំងស៊ុបពែរ=៦.៣០០៛/លីត្រ ៤. តម្លៃហ្គាស=៤៥០០៛/១លីត្រ

តម្លៃប្រេងសាំង នៅការ៉ាស់សាំងតេលាជិតរង្វង់មូលដៃប្រាំបី ក្នុងភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ ថ្ងៃអាទិត្យ ទី០៥ ខែមេសា ឆ្នាំ២០២៦នេះ៖ ១. តម្លៃប្រេងម៉ាស៊ូត=៧.៨០០៛/១លីត្រ ២. តម្លៃសាំងធម្មតា=៥.៤០០៛/១លីត្រ ៣. តម្លៃសាំងស៊ុបពែរ=៦.៣០០៛/លីត្រ ៤. តម្លៃហ្គាស=៤៥០០៛/១លីត្រ

អង្គភាពសារព័ត៌មាន ធីញូស៍ និងព្រះខ័នញូស៍ នាំអំណោយសប្បុរសជនខេត្តសៀមរាប ជូនវីរៈកងទ័ពជួរមុខ ការពារព្រំដែនឧត្តរមានជ័យ ខេត្តសៀមរាប ៖ នៅរសៀលថ្ងៃទី៤ ខែមេសា ឆ្នាំ២០២៦ ឯកឧត្តម ហេង សុធីរ អគ្គនាយក និងជាចាងហ្វាង អង្គភាពសារព័ត៌មាន ធីញូស៍ ដេលី រួមជាមួយលោក គង់ សុជាតិ ចាងហ្វាង អង្គភាពសាលព័ត៌មាន ព្រះខ័នញូស៍ បានដឹកនាំក្រុមការងារទាំងពីរ តំណាងសប្បុរសជនក្នុងខេត្តសៀមរាប នាំយកអំណោយចែកជូនវីរៈកងទ័ពជួរមុខ កំពុងឈរជើងការពារព្រំដែនខេត្តឧត្តរមានជ័យ។ អំណោយដែលបានប្រគល់រួមមាន៖ ទឹកសុទ្ធចំនួន ១២២យួរ អង្ករ ១០បេតូច និងអាគុយសូឡា ១ឈុត ដើម្បីជួយសម្រួលការលំបាកប្រចាំថ្ងៃ។ អំណោយទាំងនេះកើតចេញពីចិត្តស្ម័គ្ររបស់សប្បុរសជនក្នុងខេត្តសៀមរាប តាមរយៈមូលនិធិសប្បុរសធម៌ ដែលរៀបចំដោយអង្គភាពសារព័ត៌មាន ធីញូស៍ ដេលី។ ឯកឧត្តម ហេង សុធីរ និងលោក គង់ សុជាតិ បានបញ្ជាក់ថា ការចូលរួមជួយគាំទ្រនេះ ជាការបង្ហាញពីស្មារតី “ខ្មែរជួយខ្មែរ” និងជាការរួមគ្នាដែលបង្កើនកម្លាំងសាមគ្គីរវាងប្រជាពលរដ្ឋ និងកងកម្លាំងជួរមុខ។ ពួកគាត់ក៏បានថ្លែងអំណរគុណដ៏ជ្រាលជ្រៅចំពោះវីរភាពក្លាហានរបស់យុទ្ធជន ដែលបានលះបង់ពលី និងបូជាដើម្បីការពារទឹកដី និងប្រជាជនខ្មែរនៅក្នុងគ្រាលំបាកនេះ។ កម្មវិធីនេះបានបញ្ជាក់ឱ្យឃើញថា សាមគ្គីភាពរបស់ប្រជាជន និងកងកម្លាំងជួរមុខ គឺជាខ្សែសង្វាក់ដ៏រឹងមាំក្នុងការពារជាតិ និងជួយបន្តិចបន្តួចដល់ជីវភាពប្រចាំថ្ងៃរបស់វីរៈកងទ័ព៕

វីដេអូបង្ហាញពី៖ ទិដ្ឋភាពទាំងស្រុងនៅត្រង់ចំណុចភ្នំ៣៥០/ប្រាសាទតាក្របីរបស់កម្ពុជា🇰🇭 ដែលកងកម្លាំងប្រដាប់អាវុធថៃ🇹🇭កំពុងកាន់កាប់ឈរជើងដោយខុសនិងច្បាប់អន្តរជាតិ.!

មកទៀតហើយ យី!🤔

នៅទិសទី២ យោធភូមិភាគទី៤ ខេត្តឧត្តរមានជ័យ៖ កាលពីថ្ងៃទី៣ ខែមេសា ឆ្នាំ២០២៦ ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធខេមរភូមិន្ទ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញចុះសួរសុខទុក្ខ និងជូនពរជ័យ សិរីសួស្តីដល់យោធិនដែលកំពុងបំពេញបេសកកម្មដ៏ឧត្តុង្គឧត្តមក្នុងការការពារបូរណភាពទឹកដី នៅសមរភូមិមុខតាមបណ្តោយព្រំដែនកម្ពុជា-ថៃ នៅទិសទី២ របស់យោធភូមិភាគទី៤ ក្នុងភូមិសាស្រ្តខេត្តឧត្តរមានជ័យ នាឱកាសបុណ្យចូលឆ្នាំថ្មី ឆ្នាំមមី អដ្ឋស័ក ពុទ្ធសករាជ ២៥៧០ ដែលនឹងឈានមកដល់នៅពេលខាងមុខ។ នៅក្នុងឱកាសនោះដែរ ឯកឧត្តម នាយឧត្តមសេនីយ៍ ក៏បាននាំយកនូវការសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងសម្តេចកិត្តិព្រឹទ្ធបណ្ឌិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកជំទាវ ជូនចំពោះនាយទាហាន នាយទាហានរង និងពលទាហានទាំងអស់ដែលកំពុងនឹងបំពេញបេសកកម្មនៅទិសទី២ ក្នុងភូមិសាស្រ្តយោធភូមិភាគទី៤។ ជាមួយគ្នានោះផងដែរ ឯកឧត្តម ក៏បានពាំនាំនូវការកោតសរសើរពីសំណាក់សម្តេចអគ្គមហាសេនាបតីតេជោ ហ៊ុន សែន សម្តេចមហាបវរធិបតី ហ៊ុន ម៉ាណែត ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី ជូនចំពោះនាយទាហាន នាយទាហានរង និងពលទាហានទាំងអស់ដែលបានខិតខំ ពុះពារគ្រប់បែបយ៉ាងក្នុងការការពារអធិបតេយ្យ និងបូរណភាពទឹកដីរបស់យើងក្នុងរយៈពេលកន្លងមក ដែលជាស្នាដៃយ៉ាងធំធេងមិនអាចកាត់ថ្លៃបាន។ ក្នុងបរិយាកាសប្រកបដោយមនោសញ្ចេតនាដ៏ជ្រាលជ្រៅនោះ ឯកឧត្តម ក៏បាននាំយកនូវអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជូនដល់បណ្តាអង្គភាពនៅទិសទី២ របស់យោធភូមិភាគទី៤ នូវសម្ភារៈ និងថវិកាមួយចំនួនផងដែរ។

មែនទែនទៅ សូម្បីតែយន្តហោះដឹកអ្នកដំណើរ ក៏ផ្អើលដែរ🙂 «ទិសជប់គគីរ.ខេត្តឧត្តរមានជ័យ» 04-04-2026

BREAKING: កម្ពុជា🇰🇭តវ៉ាជំទាស់ចំពោះសកម្មភាពរបស់ថៃ🇹🇭ដែលកាន់កាប់នៅភូមិជោគជ័យ ខេត្តបន្ទាយមានជ័យ និងច្រកទ្វារអូរស្មាច់ ព្រមទាំងនៅស្រុកអន្លង់វែង ខេត្តឧត្តរមានជ័យ បន្ថែមទៀត!

BREAKING: តម្លៃប្រេងសាំង សម្រាប់ថ្ងៃទី០៤ ខែមេសា ឆ្នាំ២០២៦ ! - សាំង/១លីត្រ = ៥,៥០០រៀល - ម៉ាស៊ូត/១លីត្រ = ៨.១០០រៀល

សេចក្ដីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ Press Release of the Ministry of Foreign Affairs and International Cooperation

សម្ដេចធិបតី ហ៊ុន ម៉ាណែត៖ ខ្ញុំបានឃើញបណ្ដាញសារព័ត៌មានថៃចុះផ្សាយព័ត៌មាន ពាក់ព័ន្ធនឹងករណីដែលមានបណ្ដាញលួចនាំប្រេងខុសច្បាប់ ពីប្រទេសថៃចូលមកលក់នៅកម្ពុជានៅក្នុងពេលនេះ។ ខ្ញុំបានចេញបទបញ្ជាឲ្យ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ឯកឧត្តម ស ថេត អគ្គស្នងការនគរបាលជាតិ និង ឯកឧត្តម គុណ ញឹម អគ្គនាយក អគ្គនាយកដ្ឋានគយ និងរដ្ឋាករកម្ពុជា ស្រាវជ្រាវករណីនេះឲ្យបានច្បាស់លាស់។ ប្រសិនជាមានករណីនេះពិតប្រាកដមែន ត្រូវស្រាវជ្រាវឲ្យឃើញមុខសញ្ញាពាក់ព័ន្ធទាំងអស់ ហើយត្រូវចាត់វិធានការច្បាប់ឲ្យបានតឹងរឹងបំផុត។ ប្រសិនជាមានពាក់ព័ន្ធជាមួយក្រុមហ៊ុនប្រេងណាមួយ ត្រូវដកអាជ្ញាប័ណ្ណ។ ប្រសិនជាមានពាក់ព័ន្ធជាមួយមន្ត្រីរាជការ ឬកងកម្លាំងប្រដាប់អាវុធកម្ពុជា ត្រូវបញ្ចប់តួនាទី និងបណ្ដេញចេញពីក្របខណ្ឌជាកំហិត មិនថាបុគ្គលនោះមានតួនាទី ឬឋានន្តរស័ក្តិប៉ុណ្ណាទេ។ សូមរំលឹកថា កម្ពុជាបានផ្អាកការទិញប្រេងឥន្ធនៈ និងឧស្ម័នឥន្ធនៈគ្រប់ប្រភេទ ពីប្រទេសថៃចាប់តាំងពីខែមិថុនាឆ្នាំ២០២៥ ហើយក៏មិនមានការចាំបាច់ក្នុងការនាំប្រេងចូលពីប្រទេសថៃទៀតដែរ ដោយកម្ពុជាមានប្រភពប្រេងពីប្រទេសផ្សេងៗគ្រប់គ្រាន់ហើយ។

នេះគឺជាសកម្មភាពនាព្រឹក ថ្ងៃព្រហស្បតិ៍ ទី02 ខែមេសា ឆ្នាំ2026នេះ ដែលភាគីខាងយោធាថៃ🇹🇭(ចោរសៀម)បានដាក់កម្លាំង និងមានទាំងរថពាសដែកប្រភេទ«M113».ចំនួន2គ្រឿងទៀតផង។ ការដាក់កម្លាំងនិងរថពាសដែកនេះ គឺស្ថិតនៅត្រង់ចំណុចច្រកអន្តរជាតិអូរស្មាច់ ហើយក៏ជាកន្លែងដែលយោធាថៃកំពុងកាន់កាប់ និងគ្រប់គ្រងដោយខុសនិងច្បាប់អន្តរជាតិផងដែរ។ «មិនត្រឹមតែដាក់កម្លាំងនិងរថពាសដែកនោះទេ នៅយប់ថ្ងៃដដែលនេះ ប្រព័ន្ធផ្សព្វផ្សាយរបស់ភាគីថៃ🇹🇭 ក៏បានផ្សាយចោទប្រកាន់មកលើកម្ពុជា🇰🇭ថា៖ ទាហានកម្ពុជា ដែលប្រដាប់ដោយអាវុធ និងមានអាកប្បកិរិយាគ្មានវិន័យ ផឹកស្រា និងប្រព្រឹត្តអំពើញុះញង់នៅជិតទីតាំងកងទ័ពថៃ តាំងពីយប់ (ថ្ងៃទី01 ខែមេសា ឆ្នាំ 2026) រហូតដល់ព្រឹក (ថ្ងៃទី02 ខែមេសា ឆ្នាំ 2026)នេះបន្ថែមទៀត»៕

នៅថ្ងៃព្រហស្បតិ៍ ទី០២​ ខែមេសា​ ឆ្នាំ២០២៦នេះ​ នៅទិសខេត្តឧត្តរមានជ័យ​ កម្លាំងជំនាញអង្គភាពCMAC បានប្រតិបត្តិការដោះបន្សាបគ្រាប់បែកទម្លាក់ពីយន្តហោះប្រភេទMK-82 ទម្ងន់ប្រមាណជាង២៣០គីឡូក្រាម​ ប្រកបដោយជោគជ័យនិងសុវត្ថិភាព។ គ្រាប់បែកMK-82នេះបានកប់ក្នុងដីជម្រៅជាង១៣ម៉ែត្រ! គ្រាប់បែកទម្លាក់ពីយន្តហោះMK-82 ផលិតនៅឆ្នាំ២០១០​ ដោយក្រុមហ៊ុន​ GDG (General Dynamics Ordnance and Tactical Systems)និងបានកែសម្រួលបំពាក់បន្ថែមសម្ភារៈបច្ចេកទេសរបស់ក្រុមហ៊ុនកូរ៉េខាងត្បូង​ HWG​(Hanwha Corporation)និងបានទម្លាក់លេីមាតុភូមិកម្ពុជាដោយទ័ពអាកាសសៀមឈ្លានពាននៅថ្ងៃទី១០​ ខែធ្នូ​ ឆ្នាំ២០២៥​ វេលាម៉ោងប្រមាណ៤រសៀល។ សូមកោតសរសេីរដោយស្មោះចំពោះកម្លាំងជំនាញអង្គភាពCMACជួរមុខទាំងអស់ ដែលបានចូលរួម​លះបង់​ និងធ្វេីពលីកម្មក្នុងបុព្វហេតុធានាសុខសុវត្ថិភាពប្រជាពលរដ្ឋនិងគាំទ្រការស្តារអភិវឌ្ឍឡេីងវិញក្រោយមានបទឈប់បាញ់​ ស្របតាមស្មារតីដឹកនាំដ៍ត្រឹមត្រូវរបស់សម្តេចមហាបវរធិបតី​ នាយករដ្ឋមន្ត្រីកម្ពុជា។ សូមរំលឹកនិងចងចាំថា​ ព្រះរាជាណាចក្រដ៏កម្សត់នេះ​ ធ្លាប់បានឆ្លងកាត់សង្គ្រាមពីមុននៃការទម្លាក់គ្រាប់បែកពីយន្តហោះជាង១០ឆ្នាំពោលពី១០​ មករា​ ឆ្នាំ១៩៦២​ ដល់ថ្ងៃទី​១៥​ ខែឧសភា​ ឆ្នាំ១៩៧៥​ មានបរិមាណគ្រាប់បែកប្រភេទMនិងMK សរុបចំនួនប្រមាណជាង១លាន២សែនគ្រាប់​ (១.២០០.០០០គ្រាប់)៕