ፍኖተ- አማራ ሚዲያ (Finote- Amhara ) Midea

በስቦ ማስከዳት አንድ የመከላከያ ሰራዊት አባል ሁለት ዳይሞሊ ክላሽ በመያዝ ፋኖን ተቀላቀለ! ፀሐይ መውጫ ከተባለ አካባቢ የሚንቀሳቀሰው 16ኛ ክፍለ ጦር የብልፅግና ሰራዊት አባል የነበረው መሰረታዊ ወታደር ድርጅት አማረ አገዛዙን በመቃወም ሰኔ 16 ቀን 2018 ዓ/ም የአማራ ፋኖ ብሔራዊ ንቅናቄ (አፋብን) ወሎ ቤተ-አማራ ምኒልክ ዕዝ 303ኛ ግዙፉ አሳምነው ኮር 21ኛ ክፍለ ጦርን ተቀላቅሏል። የመከላከያ አባሉም ከአሸባሪው ቡድን ጋር አብሮ መቀጠል ሕዝብ እና ሃገርን መክዳት ስለሆነ አብሬ አልቀጥልም በማለት ምሽግ ላይ የነበሩትን ሁለት ሰራዊት አባልን እስከ ወዳኛው በመሽኘት ሁለት ዳይሞሊ ክላሽ፣ 250 የክላሽ ተተኳሽና ሦስት የእጅ ቦምብ በመያዝ የተቀላቀለ ሲሆን የክፍለ ጦሩ ከፍተኛ አመራሮች ባደረጉለት ደማቅ አቀባበልም ደስተኛ መሆኑን አልደበቀም። መዳረሻው ድል እና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል ሲል የ303ኛ ግዙፉ አሳምነው ኮር ሚዲያና ኮሙኒኬሽን መረጃውን አድርሷል ።   ህልውናችን በተባበረ ክንዳችን!      ሰኔ 16 ቀን 2018 ዓ/ም

አማራ ሳይንት የገባው የጠላት ኃይል ከፍተኛ ጉዳት አስተናገደ:: 136 ወታደሮች ተደመሰሱ!! ጓሜዳ ታዳጊ ከተማንም ነፃ ማድረግ ተችሏል:: 6ተኛ ቀኑን በያዘው ትንቅንቅ የአፋብን ወሎ ቤተ አማራ ምኒልክ ዕዝ 105ኛ ኮር 47ኛ ክፍለ ጦር ታቦር ተራራ ሻለቃ ፋኖዎች ታላቅ የጦር ሜዳ ጀብዱ ፈጽመዋል:: ጓሜዳን ነፃ ማድረግ የተቻለ ሲሆን ወደ ተድባበ ማርያም ቀጠና ለመግባት ተግተልትሎ የተጓዘው የ11ኛ ዕዝ 204ኛ ኮር ሜካናይዝድ እና እግረኛ ሰራዊት ከፊትም ከጀርባም ጥቃት ተሰንዝሮበት በርካታ አባላቱን ተነጥቋል:: አምበሳ መጫሪያ እና ተሮ ሜዳ በተባሉ ቦታወች የበርካታ ወታሮች አስከሬን የወደቀ ሲሆን ጠላት አስከሬኑን እንኳን ማንሳት የማይችልበት ሁኔታ ውስጥ እስኪገባ ድረስ በታቦር አናብስት ወታደራዊ የበላይነት ተወስዶበታል:: አጅባር የሚገኘው አማራ ሳይንት ሪፈራል ሆስፒታል በጠላት ኃይል ቁስለኞች መጥለቅለቁ ታውቋል:: ይህን ዜና እያጠናከርንበት ባለንበት ቅጽበት እንኳን 3 አምቡላንሶች ቁስለኛ ጭነው ወደ ደሴ መስመር እየተጓዙ በለጩማ ላይ ሲደርሱ ታይተዋል:: በብርሀን ፍጥነት ተድባበ ማርያም እገባለሁ ብሎ በ2 ጄኔራሎች እየተመራ የተንቀሳቀሰው ጠላት የሽንፈት ፅዋን መጎንጨቱን ተከትሎ በህዝብ ዘንድ ከፍተኛ መነቃቃት የተፈጠረ ሲሆን ጠላትም የፋኖን የማድረግ አቅም ተገንዝቦበታል:: በርሀ ድረስ እገባለሁ በሚል እብሪት በዋሮ ቀጠና በኩል ጭምር ጠላት ተኩስ ቢከፍትም የታቦር አናብስት አሳፍረው መልሰውታል:: የአፋብን ወሎ ቤተ አማራ ምኒልክ ዕዝ 105ኛ ኮር 47ኛ ክፍለ ጦር ሼህ ሁሴን ጅብሪል ሻለቃም የተወሰነ ኃይል ወደ አማራ ሳይንት በማሻገር በዋሮ ግንባር ያለውን የጠላት ኃይል ከታቦር አናብስት ጋር በመሆን አይቀጡ ቅጣት ቀጥተውታል:: ጠላት ስፍር ቁጥር የሌለው እግረኛ ሰራዊት እና መድፍን ጭምሮ በርካታ ከባድ መሳሪያዎች ወደ አማራ ሳይንት አስገብቶ የአየር ኃይል ድጋፍም ተደርጎለት ቢፈራገጥም ያሰበውን መፈፀም ሳይችል ቀርቷል:: በዚህ የተበሳጨው ጠላት ሲተኩሰው የነበረው መድፍ የቤት እንስሳትን ጭምር ገድሏል:: ባለፉት 24 ሰአታት በጠላት ላይ የደረሰው ጉዳት እንደሚከተለው ነው:- የተደመሰሰ - ከ30 በላይ ጠላት የቆሰለ - ከ50 ያላነሰ ጠላት በድምሩ ከትናንት ጀምሮ ከ80 በላይ የጠላት ኃይል ከጥቅም ውጭ ተደርጓል:: ሰሞኑን የተደመሰሱት አጠቃላይ ድምር 136 ደርሷል:: ይህ የተረጋገጠ መረጃ ነው:: በየጥሻው ወድቀው የቀሩትን ቁጥር ለማወቅ አልተቻለም:: ምንጭ፦ በአፋብ ምኒልክ ዕዝ ሕዝብ ግንኙነት መምሪያ!

የተከበራችሁ የሃይማኖት አባቶች የተከበራችሁ የአፋብን የድርጅት አመራሮች የተከበራችሁ የምንሊክ እዝ አመራሮች አባላት የተከበራችሁ የቴድሮስ ዕዝ አመራሮች እና የሰራዊት አባላት በሙሉ  በቅድሚያ  እንኳን  ለጀግና አባታችን  ለጀኔራል አሳምነው ፅጌ ሰባተኛ  መታሰቢያ አመት  በሰላም አደረሳችሁ  እንዲሁም  በዚች  በተቀደሰች ቀን ለመመረቅ ዝግጁ የሆናችሁ  የምንልክ ዕዝ  የ105ኛ ኮር የ29ኛ ክፈለጦር  ተመራቂ ሰራዊት እንኳን ደስ አላችሁ ለማለት እውዳለሁ  ለተመራቂዎች የቀረበ የትግል ቃል ኪዳን እና የአደራ መልዕክት! የተከበራችሁ የትግል አጋሮቼ  ፤ የነጻነት ታጋዮች እና የዛሬው ቀን የክብር ባለቤቶች እንኳን ለዚህ የቃል ኪዳን ቀን በሰላም አደረሳችሁ። ዛሬ እዚህ የቆማችሁት ለተራ ስልጠና ማጠናቀቂያ አይደለም ዛሬ እዚህ የተሰለፋችሁት ለአማራ ህዝብ ህልውና እና ለነጻነት ዘብ የምትቆሙበትን ታሪካዊ አደራ ለመረከብ ነው። አሳምነው ፅጌ ለአማራ ትግል ምልክት ሆኖ ያለፈው ህይወቱን ሳይሳሳ ለህዝብ ክብር በመስዋዕትነት በመክፈል ነው። እርሱ የለቀቀልን አደራ አማራ ተደራጅቶ ከመጣ እና ኢጎን ጥሎ ለጋራ አላማ ከተሰለፈ ማንም የማይደፍረው ህዝብ እንደሚሆን ነው። ​እኛ የአማራ ትግል ታጋዮች እና ሰልጣኞች በኢትዮጵያ ታሪክ ውስጥ ለአማራ ህዝብ ክብር ነፃነት እና ቀናነት ዋጋ የከፈሉትን ጀግኖች አርአያነት በመከተል የብርጋዴር ጀነራል አሳምነው ፅጌን የትግል ፅናት ያልተሸነፈ መንፈስ እና የአማራነት ፅኑ አቋም መነሻ በማድረግ ይህንን የትውልድ ቃልኪዳን በመገንባት ልክ እንደ አባታችን አሳምነው ፅጌ ትግላችን በምንም አይነት ፈተና በምንም አይነት መከራ ወይም የጠላት ሴራ ወደ ኋላ እንደማይመለስ ቃል ገብተን  የትግሉ ዓላማ የአማራን ህዝብ ህልውናና ክብር ማረጋገጥ መሆኑን አምነን እስከ መጨረሻው ጠብታ ደም ድረስ በፅናት መቆም አለብን ። ብ/ጀ አሳምነው ፅጌ አማራን ከቦታ ቦታ አገናኝቶ በአንድ የትግል ማዕቀፍ ውስጥ እንዳሰባሰበ ሁሉ እኛም በውስጣችን ያለውን ልዩነት አጥበን በጋራ የጠላት ግብ ላይ በማተኮር ለአማራነት የሚቆም አንድ ልብ እና አንድ አላማ ያለው የትግል ሃይል ለመፍጠር ተሰልፈን የአማራነት ትግል የትናንቱ የጀግኖች ታሪክ ብቻ ሳይሆን የዛሬው ትግልና የነገው የልጅ ልጆቻችን ዋስትና መሆኑን ተገንዝበን በጀነራሉ ስም የተገባው ይህ አደራ የህልውናችን መገለጫ እንደሆነ አምነን ፤ ትግሉን ሳይጨርሱ ወደ ኋላ መመለስ እንደሌለብን በሙሉ ልብ ቃል እንገባለን። እናንተ ዛሬ ከዚህ የትግል ማዕከል ስትመረቁ ከሁሉ በላይ ቅድሚያ የምትሰጡት ከጎታች ኢጎ እና ከራስ ወዳድነት ስሜት መውጣትን ነው። ኢጎ ለታጋይ መርዝ ነውን የራሱን ጥቅም የሚያስቀድም ታጋይ የህዝቡን እንባ ሊያብስ አይችልም። ከዚህ ከንቱ የራስ ስሜት ወጥታችሁ የህዝብን አደራ በትከሻችሁ ላይ ስትጭኑ የትግሉን አላማ በደም ስራችሁ ስትረዱ ብቻ ነው የድል አርማ የምትሆኑት። ከዚህ ጎን ለጎን የድርጅታችሁን አፋብን መዋቅርን መሪን እና ድርጅትን በአክብሮት መያዝ የትግላችሁ መገለጫ ነው። መሪን ማክበር ለትግሉ ስኬት፤ ድርጅትን ማክበር ደግሞ ለትግሉ ህልውና ወሳኝ ነው። ድርጅት የትግሉ አከርካሪ ነው፤ የድርጅትን ደንብ መሪዎች እና አመራር ማክበር ለህዝብ ትግል ያለዎትን ታማኝነት ማሳያ ነው። ይህ ትግል የሀይማኖት ሳይሆን የማንነት ትግል መሆኑን መገንዘብ ይገባል። የአማራን ህዝብ ህልውና ለመጠበቅ የምናደርገው ይህ ትግል ከማንኛውም እምነት ወይም የሀይማኖት ልዩነት በላይ የሆነ የመኖር እና ያለመኖር የህልውና ትግል ነው። የአማራ ብሄርተኝነትን በፅኑ አለት ላይ ስንገነባ መለያያችን ሳይሆን አንድነታችንን ማዕከል እናደርጋለን፤ ስለዚህም በሀይማኖት አጥር ውስጥ ሳንወሰን እንደ አማራ በማንነታችን ብቻ አንድ ሆነን እንታገላለን። ከዚህም በላይ የትግላችን ከፍተኛው መገለጫ አማራ ለአማራ የመሆንን የተቀደሰ ምልክት በተግባር እውን ማድረግ ነው። አማራ ለአማራ ማለት በአንድነት መቆም እርስ በርስ መተጋገዝ የሌላውን ህመም እንደራስ ህመም መቁጠር እና የጋራ ጠላትን በአንድነት መመከት ማለት ነው። ይህ መፈክር ሳይሆን የህይወት ዘይቤአችሁ ሊሆን ይገባል። እርስ በርሳችሁ ተደጋግፋችሁ ተከባብራችሁ እና ተዋደዳችሁ ስትኖሩ ስትታገሉ የጠላት ሴራ ይረግፋል፤ የህዝባችን ተስፋ ይለመልማል። የአማራ ብሄርተኝነት እንደ ንፋስ የሚለዋወጥ ሳይሆን እንደ ተራራ የቆመ በታሪክ፤ በባህል ፤ በአንድነት እና በፍትህ መሰረት ላይ የቆመ መሆን አለበት። ይህ ብሄርተኝነት ጠላትን የሚያንቀጠቅጥ ወዳጅን የሚያበረታታ እና ለአማራ ህዝብ የማያናጋ እምነት የሚፈጥር ነው። የብሄርተኝነታችን ፅኑ አለት በእናንተ አርበኝነት በብ/ ጀ አሳምነው ፅጌ መስዋዕትነት እና በህዝባችን አጥንትና ደም የታነጸ ነው። ስለዚህም ይህን እምነት በማንም የማይናወጥ ፅኑ አለት ላይ በመገንባት የጠላትን ጥቃት መመከት እና የክብርን ግንብ መገንባት አለባችሁ። የትግላችን አሻራ የሚቀረጸው በጡንቻ ብቻ ሳይሆን በድርጅታዊ ዲሲፕሊን ፤ በታማኝነት፤ በአንድነት እና በአማራነት ስሜት ነው። ብ/ ጀ አሳምነው ፅጌ የከፈለው መስዋዕትነት እኛን ከፋፋይ እና አሳሳች ከሆኑ የውስጥ ጠላቶች ጠብቆ የድርጅትን ክብር ጠብቀን የህዝብን የነጻነት ጥማት እንድንጠማ አድርጎናል። እናንተ የዚህ ትግል ተተኪዎች ሆይ የህዝብ አደራ ተሸካሚዎች እና የፍትህ ፀሐይ አድራጊዎች ናችሁ። በመስክ ላይ ስትሰማሩ ከጀርባችሁ የህዝብ ጸሎት እንዳለ በፊታችሁ ደግሞ የነጻነት አላማ እንዳለ አትዘንጉ። የትግሉ አላማ የራስን ስም በታሪክ መዝገብ ላይ ማስፈር ሳይሆን የአማራን ህዝብ ከውርደት እና ከስቃይ ማውጣት ነው። ይህ የተቀደሰ ቃል ኪዳን በቃል ብቻ ሳይሆን በተግባር ይረጋገጣል። በጠላት ፊት እንደ አርማ የቆማችሁት እናንተ የህዝባችሁ የነጻነት ተስፋዎች ናችሁ። የብ/ ጀ አሳምነው ፅጌ መንፈስ የትግሉ ምልክት ሆኖ ከፊታችሁ ይሂድ  የከፈለው መስዋዕትነት ለጀግንነታችሁ ዋስትና ይሁን። ከኢጎ ወጥታችሁ ድርጅታችሁን እና መሪዎቻችሁን አክብራችሁ አማራ ለአማራ የሚለውን የትግል ቃል ኪዳን በተግባር እውን አድርጋችሁ ትግሉ የማንነት እንጂ የሀይማኖት አለመሆኑን በጽኑ እምነት ይዛችሁ፤ የአማራን ብሄርተኝነት በፅኑ አለት ላይ አንጻችሁ፤ የህዝብን አደራ በታማኝነት ተሸክማችሁ፤ እስከ መጨረሻው የድል አፋፍ ድረስ በቁርጠኝነት እንደምትጓዝ አንጠራጠርም ። አማራነት በጀግንነት ይፀናል፤ የድርጅት ህግ፣ መሪ እና አደራ በትግላችን ይፈጸማል፤ የአማራ አንድነት በድል ይደመደማል! የአማራነት ትግል በጀግኖች ደም የጠነከረ ፤በሰልጣኞች ፅናት የዘለቀ እና በውጤት የሚታተም የህዝብ አደራ ነው። በብ/ጀ/ አሳምነው ፅጌ ስም እና አሻራ ትግሉ በድል እስኪጠናቀቅ ወደ ኋላ አንልም።  መቶ አለቃ ዮሴፍ አስማረ  አነሰግናለሁ------------

አባ መላ(ንጉስ ተክለሀይማኖት) የመተከሉ ግንብ! መተከል በረሃው...... ያ ምድር ያ ቆላ ታሪክ ይናገራል...... ሲነሳ አባ መላ በላያ ተናገር...... ቢዝር ወይም ዳንጉር ደም አጥንት መኖሩን...... ከመተከል አፈር አባይም ይመስክር...... ይናገር  ለጣና ተክለሃይማኖት ነው...... የአሽመን(መተከል) ዋስትና ደርቡሽ ሲያገሳ...... ሊያጠፋው ድንበሩን አዳል ተሰማ ነው...... ያስከበረው ምድሩን ዋንበራ(ወንበራ) ታውቃለች...... ያን የጦር ማዕበል የጀግናው ክንድ ነው...... የሀገር ሲሳይ ብል ድንበሩን አትግፉ...... አትድፈር ርስቱን አባ መላ አለልህ...... ሚሰብር ወገብን ©Birhanu Chalie Demelash https://www.facebook.com/share/1BMtrRDfpz/

ራሱን በብቁ ሰራዊት እያደራጀ የሚገኘው ምኒልክ ዕዝ 105ኛ ኮር 29ኛ ክፍለጦር ለአራተኛ ተከታታይ ጊዜ አዳዲስ ምልምል ሰራዊት አስመረቀ! ምኒልክ ዕዝ 105ኛ ኮር ከጠላት ላይ ከሚወስደው ተከታታይነት ያለው መብረቃዊ ጥቃት በተጨማሪ ለአማራ ሕዝብ የሕልውና ትግል ራሱን በሰው ሃይል እያጎለበተ ይገኛል። የ105ኛ ኮር አሃድ የሆነችው ነበልባሏ 29ኛ ክፍለጦር ነፃ ቀጠናወችን በመፍጠር ለአማራ ሕዝብ ትግል ትልቅ እመርታ እና ተስፋ የሆነውን በሰው ሃይል ግዙፍ የመሆን እቅድን በንቃት በመተግባር ላይ ናቸው። 105ኛ 29ኛ ክፍለጦር የጠላትን ሃይል በደፈጣ፣ በመደበኛ ውጊያ ፣ በልዩ የከተማ ውስጥ ኦፕሬሽን እንዲሁም በጠላት ውስጥ ሰርጎ በመግባት የአገዛዙን ወታደራዊ እና ፓለቲካዊ አቅም በመገምገም ከውስጡ ፍርክስክሱን በማውጣት ላለፉት አመታት  ምትሃታዊ ጀብዱዎቹን እየፈፀመች ትገኛለች። ለሶስት ዙር በብቃት አዲስ የፋኖ አባላትን ማስመረቅ የቻለቺው ክፍለጦሯ ለአራተኛ ጊዜ የኮማንዶ አባላትን በስኬት ማስመረቅ ችላለች። ለተከታታይ አራት(4) ወራት ከባድ የስልጠና ልምምዶችን ምንም ባልተሟላ የስልጠና ግብዐት በፅናት ላሰለጠኑ አሰልጣኞች እንዲሁም ከባዱን የኮማንዶ ስልጠና ላጠናቀቁ ምሩቅ የሰራዊት አባላት የክፍለጦሯ አመራሮች የከበረ ምስጋና አቅርበዋል። ምልምል የኮማንዶ አባላትም የአማራ ሕዝብን በጀግንነትና በፅናት ለማገልገል ቃል በመግባት የምረቃ ፕሮግራሙ በስኬት ተጠናቋል ሲል የ29ኛ ክፍለጦር ሕዝብ ግንኙነት ዘርፍ ሃላፊ አርበኛ አስማማው ፈንታው መረጃውን አድርሷል። መዳረሻውን ድልና ነፃነት የሆነው የአማራ ሕዝብ የሕልውና ተጋድሎ ይቀጥላል!! ህልውናችን በተባበረ ክንዳችን! አፋብን ወሎ ቤተ አማራ ምኒልክ ዕዝ ህዝብ ግንኙነት መምሪያ ሰኔ 16/2018 ዓ/ም

አፋብን ሸዋ ጠቅላይ ግዛት አሳምነው ዕዝ የመጀመሪያ መደበኛ ጉባዔውን አካሄደ ​ሰኔ 16/2018 ዓ.ም ​በሸዋ ጠቅላይ ግዛት ውስጥ ሲንቀሳቀሱ የነበሩት ሁለቱ ዕዞች አንድነታቸውን እውን ካደረጉበት ቀን ጀምሮ በሸዋ ጠንካራ ድርጅታዊና ተቋማዊ እንቅስቃሴዎች ተጠናክረው ቀጥለዋል። የሸዋ ጠቅላይ ግዛት አሳምነው ዕዝ የመጀመሪያ ጉባዔውን በማካሄድ የሸዋን አንድነት በጽኑ መሠረት ላይ እያጠናከረ መጓዙን ቀጥሏል። ​ይህ ጉባዔ ከሰኔ 9/2018 ዓ.ም እስከ ሰኔ 15/2018 ዓ.ም ለተከታታይ ሰባት (7) ቀናት የተካሄደ ሲሆን፣ በጉባዔው ላይ የዕዙ ጠቅላላ ማዕከላዊ ኮሚቴ አባላት ተሳትፈዋል። በዚሁ ስብሰባ ላይ ድርጅቱ ከትላንት እስከ ዛሬ እንዲሁም ከዛሬ እስከ ነገ በሚከተላቸው መርሆች ላይ ጥልቅ ግምገማ በማድረግ፣ የታዩ ክፍተቶችን በመንቀስና ለቀጣይ ስኬትን ሊያጎናፅፉ የሚያስችሉ ውሳኔዎችን በማሳለፍ የቀጣይ አቅጣጫዎችን አስቀምጧል። ​በጉባዔው የተለዩ ዋና ዋና ክፍተቶችና የተወሰዱ ማስተካከያዎች፦ ▸ቀደም ሲል የነበሩ የተናጠል ጉዞዎች ህዝብን፣ ሰራዊትንና ደጋፊዎችን ያሳፈሩ፣ ትግሉ በሚፈለገው ፍጥነት እንዳይሄድ ያደረጉና ለጠላት ጊዜ የሰጡ በመሆናቸው ወደፊት እንዳይደገሙ ተደርጓል። ▸የድርጅቱ የአሠራር ክፍተቶች ተገምግመው፣ አንድ ወጥና ሰንሰለቱን የጠበቀ አሠራር እንዲዘረጋ በሚል አቋም ተይዟል። ▸ከጉባዔው ማግስት ጀምሮ የድርጅቱ ወታደራዊና ህዝባዊ መዋቅር ሙሉ በሙሉ ወደ ሥራ እንዲገባ ተወስኗል። ▸የህዝብና የሰራዊት መብቶችን ማክበር ቀዳሚ ተግባር መሆኑ ተረጋግጧል። ​ በሂደቱም ቀጣይ በትኩረት እንድሰሩ አቅጣጫ የተሰጠባቸው ጉዳዮች :- ▸ድርጅታዊ አሠራርና መርሆዎችን ሙሉ በሙሉ ተፈፃሚ ማድረግ። ▸በህዝባዊ አገልግሎት ሰጪ ተቋማት ላይ አንድ ወጥ አሠራርን መተግበር። ▸የሰራዊቱን ብቃትና ዝግጁነት በስልጠናና ተሃድሶ ወደ መካናይዝድ በማሻሻል ለማይቀረው ድል ማዘጋጀት። ▸ህዝቡ ከትላንት ደጀንነቱ በላቀ መልኩ፣ ለነገው የድል ግስጋሴ በጠንካራና ወጥ አደረጃጀት እንዲዘጋጅ ማድረግ። አርበኛ ኢ/ር ደሳለኝ ሲያስብ (የዕዙ ዋና መሪ) እንደገለፀው :-ትግሉ ግለቱን ጠብቆ እንዳይሄድ አደናቃፊ የነበረውን ወጥመድ በጥሰነዋል። ማዕከላዊ ኮሚቴው በሰራዊቱና በህዝቡ ፍላጎት እውን የሆነውን የሸዋ አንድነት በተግባር ለመግለጽ ከመቼውም በላይ በልበ ሙሉነት ሥራ መጀመሩን ገልጿል። ​አርበኛ ጠጁ ባበይ (የዕዙ ም/ል መሪ) እንደገለፀው :-ከውስጥም ከውጪም ድላችንን ለሚናፍቅና በአንድነቱ ደስ ለተሰኘው ሁሉ፣ ለምናደርገው አኩሪ የህልውና ተጋድሎ ከጎናችን ትሆኑ ዘንድ ጥሪያችን ተግባራዊ ነው።አንድነታችን እውን ነው።ከዚህ ቡሀላ አንድነትን የሚጠላ ካለ ህዝባችንንና ሰራዊታችንም አይቀበልም በአንድነት ለማይቀረው ድል እንጓዛለን። ​በማጠቃለያው፣ የአገዛዙን ዕድሜ ላለማራዘም ዋጋ እየከፈሉ ላሉ ጀግኖች የድል ቀን ከመቼውም በላይ እየቀረበች ስለሆነ አስፈላጊውን ዝግጅት እንዲያደርጉ መስራት አለብን በማለት ሀሳቡን ገልጿል።። ​"ክብር ለትግሉ ሰማዕታት!" "ህልውናችን በተባበረ ክንዳችን!" ​የአፋብን ሸዋ ጠቅላይ ግዛት አሳምነው ዕዝ የህዝብ ግንኙነት መምሪያ

አፋብን ሸዋ ጠቅላይ ግዛት አሳምነው ዕዝ የመጀመሪያ መደበኛ ጉባዔውን አካሄደ ​ሰኔ 16/2018 ዓ.ም ​በሸዋ ጠቅላይ ግዛት ውስጥ ሲንቀሳቀሱ የነበሩት ሁለቱ ዕዞች አንድነታቸውን እውን ካደረጉበት ቀን ጀምሮ በሸዋ ጠንካራ ድርጅታዊና ተቋማዊ እንቅስቃሴዎች ተጠናክረው ቀጥለዋል። የሸዋ ጠቅላይ ግዛት አሳምነው ዕዝ የመጀመሪያ ጉባዔውን በማካሄድ የሸዋን አንድነት በጽኑ መሠረት ላይ እያጠናከረ መጓዙን ቀጥሏል። ​ይህ ጉባዔ ከሰኔ 9/2018 ዓ.ም እስከ ሰኔ 15/2018 ዓ.ም ለተከታታይ ሰባት (7) ቀናት የተካሄደ ሲሆን፣ በጉባዔው ላይ የዕዙ ጠቅላላ ማዕከላዊ ኮሚቴ አባላት ተሳትፈዋል። በዚሁ ስብሰባ ላይ ድርጅቱ ከትላንት እስከ ዛሬ እንዲሁም ከዛሬ እስከ ነገ በሚከተላቸው መርሆች ላይ ጥልቅ ግምገማ በማድረግ፣ የታዩ ክፍተቶችን በመንቀስና ለቀጣይ ስኬትን ሊያጎናፅፉ የሚያስችሉ ውሳኔዎችን በማሳለፍ የቀጣይ አቅጣጫዎችን አስቀምጧል። ​በጉባዔው የተለዩ ዋና ዋና ክፍተቶችና የተወሰዱ ማስተካከያዎች፦ ▸ቀደም ሲል የነበሩ የተናጠል ጉዞዎች ህዝብን፣ ሰራዊትንና ደጋፊዎችን ያሳፈሩ፣ ትግሉ በሚፈለገው ፍጥነት እንዳይሄድ ያደረጉና ለጠላት ጊዜ የሰጡ በመሆናቸው ወደፊት እንዳይደገሙ ተደርጓል። ▸የድርጅቱ የአሠራር ክፍተቶች ተገምግመው፣ አንድ ወጥና ሰንሰለቱን የጠበቀ አሠራር እንዲዘረጋ በሚል አቋም ተይዟል። ▸ከጉባዔው ማግስት ጀምሮ የድርጅቱ ወታደራዊና ህዝባዊ መዋቅር ሙሉ በሙሉ ወደ ሥራ እንዲገባ ተወስኗል። ▸የህዝብና የሰራዊት መብቶችን ማክበር ቀዳሚ ተግባር መሆኑ ተረጋግጧል። ​ በሂደቱም ቀጣይ በትኩረት እንድሰሩ አቅጣጫ የተሰጠባቸው ጉዳዮች :- ▸ድርጅታዊ አሠራርና መርሆዎችን ሙሉ በሙሉ ተፈፃሚ ማድረግ። ▸በህዝባዊ አገልግሎት ሰጪ ተቋማት ላይ አንድ ወጥ አሠራርን መተግበር። ▸የሰራዊቱን ብቃትና ዝግጁነት በስልጠናና ተሃድሶ ወደ መካናይዝድ በማሻሻል ለማይቀረው ድል ማዘጋጀት። ▸ህዝቡ ከትላንት ደጀንነቱ በላቀ መልኩ፣ ለነገው የድል ግስጋሴ በጠንካራና ወጥ አደረጃጀት እንዲዘጋጅ ማድረግ። አርበኛ ኢ/ር ደሳለኝ ሲያስብ (የዕዙ ዋና መሪ) እንደገለፀው :-ትግሉ ግለቱን ጠብቆ እንዳይሄድ አደናቃፊ የነበረውን ወጥመድ በጥሰነዋል። ማዕከላዊ ኮሚቴው በሰራዊቱና በህዝቡ ፍላጎት እውን የሆነውን የሸዋ አንድነት በተግባር ለመግለጽ ከመቼውም በላይ በልበ ሙሉነት ሥራ መጀመሩን ገልጿል። ​አርበኛ ጠጁ ባበይ (የዕዙ ም/ል መሪ) እንደገለፀው :-ከውስጥም ከውጪም ድላችንን ለሚናፍቅና በአንድነቱ ደስ ለተሰኘው ሁሉ፣ ለምናደርገው አኩሪ የህልውና ተጋድሎ ከጎናችን ትሆኑ ዘንድ ጥሪያችን ተግባራዊ ነው።አንድነታችን እውን ነው።ከዚህ ቡሀላ አንድነትን የሚጠላ ካለ ህዝባችንንና ሰራዊታችንም አይቀበልም በአንድነት ለማይቀረው ድል እንጓዛለን። ​በማጠቃለያው፣ የአገዛዙን ዕድሜ ላለማራዘም ዋጋ እየከፈሉ ላሉ ጀግኖች የድል ቀን ከመቼውም በላይ እየቀረበች ስለሆነ አስፈላጊውን ዝግጅት እንዲያደርጉ መስራት አለብን በማለት ሀሳቡን ገልጿል።። ​"ክብር ለትግሉ ሰማዕታት!" "ህልውናችን በተባበረ ክንዳችን!" ​የአፋብን ሸዋ ጠቅላይ ግዛት አሳምነው ዕዝ የህዝብ ግንኙነት መምሪያ

በአባታችን በታላቁ ሰማዕቱ ጀኔራል አሳምነው ፅጌ መታሰቢያ ቀን በሃሳብና በፓለቲካዊ ብስለት የሚመራው ጀብደኛው ምኒልክ ዕዝ 106ኛ ኮር 31ኛ-ሰንጥቅ ክፍለጦር የተሃድሶ ፕሮግራም አካሄዱ! ከህልውናው የጦርነት ትንቅንቅ ባሻገር የእያንዳንዱን የፋኖ የግንዛቤ እድገት እና የባለ-ራዕይነት ጥበብን በማስረፅ የክፍለጦር አባላቶችን የተሃድሶ ስልጠና ተሰቷል። ይህ ፕሮግራም ትውልድንና ሀገርን ለሚረከብ ሀይል የመሪነትንና የሃላፊነትን አፅናፍ በማሳየት ለአሸናፊነት የሚያበቃን ቁልፍ የሀሳብ መንገዶች ተዘክረውበታል። በፕሮግራሙ ላይ የአፋብን ወሎ ቤተ-አማራ ምኒልክ ዕዝ ህዝብ ግንኙነት መምሪያ ሃላፊ አርበኛ ብርሃን አረጋ ተገኝተው ከአማራ ፋኖ ለአማራ ህዝብ ምን ይጠበቃል? ህዝቡስ ምን ማድረግ አለበት? የህልውና ትግላችንን ለማሳካትና አሸናፊዎች ለመሆን ምን ይጠበቅብናል? ተሃድሶውስ ምን ያህል ትግላችንን ያስፈልገዋል? በሚሉ ቁልፍ አጀንዳዎች ላይ ሰፊ ትንታኔ የሰጡ ሲሆን በተሃድሶ መድረኩ አዎንታዊ አንድምታ ተችሯቸዋል። ትውልድ ተረካቢን ሀይል ከፖፕሊዝም (ከስሜት) አስተሳሰብ ወደ አሰላሳይ እና ምክኒያታዊ ትውልድ ለመቀየር የተሃድሶው ስልጠና መሰጠቱ ለታጋዩ ትግልን በኢኮኖሚ እቅድ፣በድፕሎማሲ መስመርና በፖለቲካዊ ልዕልና ለህዝቦች ሁሉ የሚጠቅም አስተዳደርን ለመመስረት የሚጠቅም ስልጠና ነው ሲሉ የክፍለጦሩ አመራርና አባላት ተናግረዋል። ትግልንና ታጋይን ለመጠበቅ ከዘመኑ የእድገት አድማስ እኩል የሚስፈነጠር ትውልድን በአስተሳሰብ ልህቀት ማብቃት ከጦርነት ባሻገር ለህልውናችን ወሳኝ እርምጃ መሆኑን መተማመን ላይ በመደረሱ የተሀድሶው ስልጠና ተሰቷል። መዳረሻውን ድልና ነፃነት የሆነው የአማራ ሕዝብ የሕልውና ተጋድሎ ይቀጥላል!! ህልውናችን በተባበረ ክንዳችን! አፋብን ወሎ ቤተ አማራ ምኒልክ ዕዝ 106ኛ ኮር  ህዝብ ግንኙነት መምሪያ ሰኔ 16/2018 ዓ/ም

የጎጠኞች ድሪቶ

🎯 አስመሳይ ሁላ! ​(አዲሱ ደረበ) ​ፋኖዎቻችን በአገዛዙ የጥይት አረር ከመመታታቸው በፊት፣ መጀመሪያ እዚህ ማኅበራዊ ሚዲያ ላይ ነው ደጋግመን የምንገ*ድላቸው። አዎ፣ ጨክነን ደጋግመን ገድለ*ናቸዋል! ስንፈልግ በየጎጡ ተቧድነን ስማቸውን እያጠፋን፣ ሲያሻን የጥፋት ኃይልና ወያኔ እያልን ታርጋ እየለጠፍንባቸው፣ ደስ ካለንም ከጠላት እኩል እንዲ*መቱና እንዲ*ገደሉ ዘመቻ እየከፈትንባቸው ያለነው የዚሁ የማኅበራዊ ሚዲያ ጉዶች አይደለንምን? ጠ*ላት ከፊትና ከኋላ ከቦ ከሚያስጨንቃቸው ይልቅ፣ እኛ ከጀርባ ሆነን ገመናቸውን ስንገልጥና ምሽጋቸውን ለጠላት አሳልፈን ስንሰጥ እንውላለን። እንዲህ ስናደርግ ነፍስና ሥጋቸው እንደሚላቀቅ እያወቅን እንኳ የማንራራላቸው፣ ከየት እንደበቀልንና ወደ የት እንደምናደግ የማንታወቅ አግድም አደጎች በየፊናችን የትየለሌ ነን። ልክ እንደ ድመት የራሷን ልጆች ጨክና እንደምትበላ፣ እኛም የራሳችንን አርበኞች አሳልፈን የምንሰጥ ወለፈንዲዎች ምድራችንን ሞልተናታል። ​ዛሬ አርበኛ አማረ አቸነፍን ጨምሮ ወርቃማና ብርቅዬ ጓዶቻችን ተሰውተውብናል። ልክ እንደ ዛሬው ​ጀግኖቹ ከተሰው በኋላ ያ የለመድነው የአዞ እምባችን እንደ ጉድ ይፈሳል። አስመሳይነታችንና ምንፍቅናችን በገሀድ ይገለጣል። በሞታቸውና በከፈሉት ክቡር መስዋዕትነት ላይ የገጽታና የላይክ ትርፍ ለመቃረም ሁሉም ይሯሯጣል። ልክ የፋኖ የቅርብ አማካሪና መካሪ እንደነበረ ሁሉ፣ ወይም መሬት ላይ ካሉ የጦር አዛዦች ጋር በቀጥታ ይደዋወላል ለመባል፣ አሊያም ትናንት የፈጸመውን አጥፊነቱን ዛሬ በትግል ባለቤትነት ስም ለመቀየር ሲል እያለቀሰ ሲያስመስል ይውላል። ዛሬ ከመሬት በታች ሆነው ምስክርነት ሊሰጡ የማይችሉትን የሰማዕታት ጓዶቻችንን ምስል እየለጠፈ እማኝ በመጥራት ያላዝናል። “ምን ብለኸኝ ነበር? ያወራነውን ታላቅ ምስጢር ሁሉ የት ጥለኸው ወደቅህ? ያላንተ እኮ ትግሉ አይሆንልኝም! ትናንት በስልክ ስታወራኝ እየተሰናበትከኝ ነበር ወይ?” እያለ በውሸትና በማስመሰያ ቃላት በቁም ያለውንና የሚሰማውን አማራ ይሸነግላል፣ ያደነዝዛል። መሽቶ ሲነጋ ግን፣ ይሄው አስመሳይ ስብስብ ሌላ በሕይወት ያለና ግንባር ላይ የሚዋደቅ ፋኖ ፈልጎ ስም የማጥፋት ዘመቻ ይከፍታል። አስመሳይ ሁላ! በርካታ ጀግኖቻችንን ከጠላት ጥይት በፊት የብዕር መርዝና የማኅበራዊ ሚዲያ ሴራ ገድሏቸዋል። ​የአማራ ሕዝብ እውነተኛ የቁርጥ ቀን ልጆች የሆናችሁና ለእውነት የተሰዋችሁ ብርቅዬ ጓዶቻችን ሆይ፤ እናንተስ ከምድራዊው ውሸትና ክህደት አምልጣችኋል። ፈጣሪ አምላክ ንጹሕ ነፍሳችሁን በገነት ያኑርልን፤ ለእኛም ከዚህ የከፋ አስመሳይነትና የቁም ሞት የሚታደገንን ልቦና ይስጠን። ​ድል ለአማራ የህልውና ትግል! 🎯

የአገዛዙ ሰራዊት አሁንም ወደ ጀብደኛዉ ምኒልክ ዕዝ እየኮበለለ ነዉ!! ዛሬ ሰኔ 15/2018ዓ.ም  አልብኮ ወረዳ ካለው አድማ ብተና 26ኛ ሻለቃ አንድ አባል እና ከመከላከያ 36ኛ ክ/ጦር አባል ሙሉ ትጥቃቸውን በመያዝ አፋብን ወሎ ቤተ አማራ ምኒልክ ዕዝ 104ኛ ኮር 25ኛ ክ/ጦርን ተቀላቅለዋል። አባሎቹም ወደ ፋኖ ሲመጡ  በክ/ጦሩ አመራሮች በተደረገላቸው አቀባበል እና እንክብካቤ ደስተኛ መሆናቸውን ተናግረዋል ሲል የ104ኛ ኮር ህዝብ ግንኙነት መምሪያ መረጃዉን አድርሷል።   መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል! ህልውናችን በተባበረ ክንዳችን! የአፋብን ወሎ ቤተ አማራ ምኒልክ ዕዝ ሚዲያ እና ኮሚዩኒኬሽን  መምሪያ!!      ሰኔ:-15/ 2018 ዓ/ም

አፋብን ወሎ ቤተ አማራ ምኒልክ ዕዝ 104ኛ ኮር 25ኛ ክ/ጦር  በጠላት ኃይል ላይ መብረቃዊ ጥቃት ፈፀመ።   ሰኔ 15/2018ዓ.ም  ከወረኢሉ ወረዳ በወይብላ ማሪምና በቁልቢ ቦታወች አገዛዙ ጥምር ጦር እያለ የሚጠራዉ የአማራን ህዝብ መጨፍጨፊያ ስም በተሰጠው የአብይ አህመድ ዙፋን ጠባቂ ስራዊት ላይ በደፈጣና ስቦ ወደ መግደያ  ቦታ በማስገባት የ104ኛ ኮር ቃኝና የ25ኛ ክ/ጦር አንደኛ ሻለቃ አናብስቶች  በፈፀሙት መብረቃዊ ጥቃት መቶ አለቃ ፋንታው የተባለ ሻለቃ መሪ ጨምሮ ከ10 በላይ ሰራዊት ሲደመሰስ በርካታ ቁስለኛውን ተሸክሞ ወደመጣበት ፈርጥጦ ተመልሷል።   መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!! ህልውናችን በተባበረ ክንዳችን! የ104ኛ ኮር ህዝብ ግንኙነት መምሪያ    ሰኔ 15/2018ዓ.ም