الركن

هتقول له إيه؟! لما الدكتور في الكلية بيقول أنا هعمل محاضرة هقولكم فيها على شوية أسئلة هيجي منها في الإمتحان، الطلبة بتبقى هتموت من الفرحة، وكلهم بيحضروا ويكتبوا الأسئلة دي ويذاكروها صم .. ليه؟ أصلها أكيد جاي منها في الامتحان، لازم تذاكرها .. اللي مش هيذاكرها وهو متأكد إنها جاية في الإمتحان هيبقى غبي، ده حتى كلمة غبي كويسة في حقه .. وتخيلوا مثلاً لو جبنا طلبة ثانوية عامة، وما أدراكم ما الثانوية العامة، وقولنالهم إن الإمتحان إتسرب والأسئلة دي جاية بكرة مليون في المية في الإمتحان .. تخيلوا هيتصرفوا إزاي ؟؟ هيباتوا ليلتها صاحيين يحفظوا إجابات الأسئلة دي، أصلها ثانوية عامة، مش لعبة .. واللي يعرف أسئلة ثانوية جاية في الإمتحان وميذاكرهاش يبقى .... !! طيب .. بعد الحكم الشنيع اللي حكمتم به بنفسكم على ((الطلبة المجانين رسمياً)) في الأمثلة اللي فاتت دي، لو قولتلكم إن ربنا أخبرنا بالاسئلة اللي هنمتحن فيها ونتسألها في إمتحان الأخرة، ومع ذلك ماذا كرناش، ولا حتى حطينا في بالنا أن أي حد فينا ممكن ميعاد امتحان الآخرة بتاعه يكون في أي لحظة!! أصل فيه شاب عايش حياته ومقضيها بيقول: أنا إمتحاني لما أبقى فوق الـ ٦٠ .. مش النبي ﷺ هو اللي قال إن أعمار أمته ما بين ٦٠ و ٧٠ سنة ؟؟ أبقى ساعتها بقي أدخل الجامع وأبات فيه كمان!! وميعرفش المسكين إن النبي ﷺ برده أخبر عن موت الفجأة وإنتشاره وقال إنه من علامات الساعة، يعني ممكن في أي لحظة تموت من غير أي مرض أو إنذار، من غير ما تلحق تتوب!! كام شاب تعرفه مات فجأة في زماننا ده ؟؟ كتييير جداً صح .. مش كنت ممكن تكون واحد منهم؟! امتحان الآخرة يا شباب!! إمتحان الآخرة اللي كل واحد فينا مُعرّض إنه يدخله في أي لحظة، جهزناله إزاي؟ استعدينا له بإيه؟ ربنا - أخبرنا بالأسئلة كاملة، فالمجنون اللي ملهوش عقل فقط هو اللي هيعرف أسئلة الإمتحان المصيري في حياته وميجهز لهاش إجابة!! ده مش إمتحان ثانوية عامة .. ده مش إمتحان في كلية ده مش إمتحان ماجستير أو دكتوراة .. كل ده هين .. ده امتحان تحديد المصير؛ يا جنة يا نار!! كل واحد فينا هيتسئل في ٧ أسئلة إجبارية، لازم هتتسئل فيهم يعني هتتسئل فيهم، مفيش مفر، مصيرك مش هيتحدد غير لما تجاوب على الأسئلة دي .. أسئلة في القبر: من ربك ؟ وما دينك؟ ومن نبيك؟ أسئلة في أرض المحشر: عمرك فيما أفنيته؟ شبابك فيما أبليته؟ مالك من أين اكتسبته وفيما أنفقته؟ وعلمك ماذا عملت به؟ في البوست الجاي من السلسلة إن شاء الله نعرف الأسئلة دي بالتفصيل أكتر .. #للكبار_فقط

صباح الخير يا شباب..☀️ كتير مننا بيضحك ع نفسه وكل ما تيجي في دماغه حاجه يقولك بكرة هعملها يلا نبدأ نصلي يقولك هبدأ من بكرة ، طب نعمل طاعة ،طب مذاكرة بكرة ! طب تضمن منين إن بكرة صحتك هتكون موجودة ،أو ان الفرصة هتيجي تاني ، أو إن بكرة هيجي أصلا وأنت موجود في الدنيا ؟! ربنا فاتح لك أبواب خير دلوقتي سواء (صلاة، صدقة، خدمة ناس، طلب علم)، والأبواب دي مش دايمًا بتفضل مفتوحة يبقى تستغلها . أستخدم الامانة اللي ربنا رزقك بيها في طاعته قال النبي ﷺ:

اغتنم خمسًا قبل خمس: شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك .

متسمحش للتسويف يعطلك او ينهي حياتك وانت عايش واستغل كل لحظة وكل نفس وابدأ من النهارده وخد خطوة انت تقدر . وفقكم الله لما يحب ويرضى.🤍

لا تنسوا صيام الاثنين ♥️

آخر آيتين فىِ سورة البقره لهم فضل عظيم جداً .. قال رسول الله ﷺ :

من قرأ الآيتين من آخر سورة البقرة في ليلة كفتاه.

-متفق عليه. كفتاه أي: أجزأتا عنه من قيام الليل، وقيل: كفتاه كل سوء، وقيل: كفتاه شر الشيطان، وكل ما ذكر صحيح

صباح الخير يا شباب 🌤 الحسن البصري كان بيقول:

يابن آدم، إنما أنت أيام ، كلما ذهب يوم، ذهب بعضك.

فالأيام هي راس مالك في الدنيا دي، واللي بمرور الوقت بينقص، فالحل إنك تستثمره صح وتحوله لحسنات في ميزان الآخرة. كل يوم فرصة للاستمرار، فرصة لإنقاذ ما يمكن انقاذه، وفرصة للبعيد إنه يقرب، وللعابد الزاهد إنه ينافس ويجتهد أكتر. فخلي اليوم ده وكل يوم يشهد ليك يوم القيامة بدل من إنه يكون حجة عليك أمام رب العباد. اشتغل على عباداتك إنها تكون أفضل على أخلاقك وتعاملاتك، وعلى أعمالك الدنيوية إنك تخرجها بأحسن شكل ممكن. ربنا يجعل صباحكم كله خير وسعادة🌷

ماشي يا شوية كذابين 😅😝

انا مش حاسس أنا مش مقتنع بموضوع الخوف ده؟؟ إحنا نخاف من ربنا ليه؟ إحنا المفروض نحب ربنا وبس لو سألتك دلوقتي إحنا بنعبد ربنا ليه؟ هترد وتقول: علشان هو خلقنا لكده؛ خلقنا للعبادة .. تمام .. ولما نعبده صح هيحصلنا إيه؟أكيد ربنا هيرضى عننا .. ولما يرضى عننا هيعملنا إيه؟ هيدخلنا الجنة ومش هيدخلنا النار .. بس.. إنت كده جبت المفيد يبقى الخلاصة: إننا بنعبد ربنا طمعاً في ثوابه، وخوفاً من عذابه .. وده مش كلامي .. ده كلام ربنا سبحانه وتعالى:

وَادْعُوهُ خَوْفًا وَطَمَعًا

وقال تعالى:

تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ

إزاي بقى حد يقول إنه مينفعش نخاف؟! الإمام ابن القيم رحم الله بيقول كلام جميل جداً:

الإنسان في طريقه إلى الله مثل الطير، له جناحان ورأس، الجناحان هما الخوف من الله والرجاء في رحمته، ورأسه هي محبة الله

وطبعاً علشان أي طائر يطير ؛ لازم يطير بالجناحين مع بعض .. مينفعش يطير بجناح واحد .. وهو ده للأسف اللي الناس بتعمل عكسه دلوقتي!! طايرين بجناح واحد، جناح الرجاء وده مينفعش طبعاً !! وكل ما تيجي تكلم حد يقولك يا عم ربنا غفور رحيم! ربنا رحمته وسعت كل شئ، هو أنا بعمل إيه؟ بشرب سجاير، بكلم بنات، مش بصلي، وإيه يعني؟ ده ربنا غفر للي قتل ۱۰۰ واحد ؛ مش هيغفرلي؟!! ودي مشكلة كبيرة .. هو ميعرفش إن اللي قتل ۱۰۰ نفس ربنا غفر له علشان تاب إليه وكان رايح يبدأ حياة جديدة .. إنما صاحبنا اللي ماشي بالمبدأ ده لو مات وملحقش يتوب يا عالم هيكون مصيره إيه؟! لازم نتكلم عن الخوف ولازم الإنسان يخاف علشان يبطل معصية .. ده كلام ربنا مش كلامي ! قال تعالى:

فَذَكَرْ بِالْقُرْآنِ مَنْ يَخَافُ وَعِيدِ

يعنى اللي هيتذكر بالقرآن ويتعظ بيه هو المؤمن اللي خايف فعلاً من عذاب ربنا إزاي منتكلمش عن النار وربنا بيحذرنا ويخوفنا وبيقول:

لَهُم مِّن فَوْقِهِمْ ظُلَلٌ مِّنَ النَّارِ وَ مِن تَحْتِهِمْ ظُلَلٌ.ذَلِكَ يُخَوِّفُ اللَّهُ بِهِ عِبَادَهُ يَا عِبَادِ فَاتَّقُونِ

كل الآيات دي وغيرها كتير بتدفعنا إن الواحد لازم يخاف من ربنا وعقابه .. لأن الإنسان لو عرف مدى إنتقام الله، ماكنش هيتجرأ على الله بالسهولة دي ده المفروض في زمن الفتن إن الإنسان يخاف أكثر!! إنما الواقع زى ما الكل شايف .. الناس ولا في دماغها!! ده الواحد يوم ما بيكون عليه إمتحان بيبقى في قمة الرعب وتلاقيه قاعد يذاكر غصب عنه .. ولو مديره في الشغل هيعدي عليه في يوم ، تلاقيه مظبط الشغل ومفيش فيه غلطة ، لييييييه ؟ علشان طبعاً خايف على وظيفته ..!! طيب فيه حد عاقل يخاف على وظيفته في الدنيا الفانية، وميخافش على مكانه في الجنة الأبدية؟! محتاجين شوية تفكير في آخرتنا يا شباب ربنا يرزقنا الخوف والحياء منه .. اللهم آمين تعالوا نشوف بقى ايه هي المشكلة التانية: انا مش حاسس بطعم العبادة! تلاقي الشاب يقولك: الواحد مش بيلاقي لذة في العبادة ولا إنشراح في الصدر ولا الحاجات اللي بنسمع عنها دي كلها! بل بالعكس، الواحد بيلاقي الصلاة صعبة وتقيلة على قلبه، تفسر بايه الكلام ده؟ والإجابة هتكون: علشان نفس السبب اللي فات! قلبك من كتر المعاصى بقى عليه طبقة صدأ رهييييبة .. فالإيمان مش هيعرف يدخل قلبك من أول مرة ولا تاني مرة.. الموضوع هياخد وقت في الأول على ما الطبقات دي تتشال.. وبعد كده هتحس فعلاً بلذة الطاعة والعبادات .. ده غير إنك لسه في أول الطريق وقلبك فيه شوية رواسب وحنين للماضي ومعاصيه .. واوعى الشيطان يدخلك من المدخل ده ويخليك تسيب العبادات ويقولك إنها ملهاش لازمة وربنا مش هيقبلها طالما مفيهاش خشوع والقلب مش حاسس ليها بطعم! إوعى تسمع لكلام الشياطين ده ! قال الإمام ابن القيم رحم الله في مدارج السالكين:

السالك في أول الأمر يجد تعب التكاليف ومشقة العمل لعدم أنس قلبه بمعبوده، فإذا حصل للقلب روح الأنس زالت عنه تلك التكاليف والمشاق، فصارت قرة عين له وقوة ولذة، فتصير الصلاة قرة عينه بعد أن كانت عملاً شاقاً عليه، ويستريح بها بعد أن كان يطلب الراحة منها

يعني من الآخر ما تستعجلش .. لازم هتتعب في الطاعة في الأول لحد ما طبقة الصدأ اللي على القلب تزول وتنتهي؛ وبعدين هتلاقي نفسك مستمتع بجد وعايش أحلى حياة في طاعة الله #للكبار_فقط

من الآية ١٢ في سورة الفرقان إلى الآية ٢٠ #ورد_التدبر

عن جابر بن عبد الله رضي الله عنهما قال: قال رسول الله ﷺ:

يوم الجمعة اثنتا عشرة ساعة ، لايوجد فيها عبد مسلم يسأل الله عز و جل شيئا إلا آتاه إياه ، فالتمسوها آخر ساعة بعد صلاة العصر

فادعوا الله وانتم موقنون بالإجابة .. ولا تنسونا من دعائكم ❤️ ومتنساش تصلي على النبي ﷺ .. اللهم صل وسلم وبارك على نبينا محمد ﷺ ❤️

اللهم صل وسلم وبارك على نبينا محمد ﷺ ❤️

من الآية ٣ إلى الآية ١١ في سورة الفرقان #ورد_التدبر

إنَّ يَوْم الْجُمُعَة يَوْم دُعَاء وَذِكْرٍ وَعِبَادَةٍ: مِنْ الْغسل وَالتَّبْكِير إِلَى الصَّلاة وَانْتِظَارهَا وَاسْتِمَاع الْخُطْبَة وَإِكْثَار الذِّكْر بَعْدَهَا وغيرها من العبادات؛ لِقَوْلِ اللَّه تَعَالَى: (فَإِذَا قُضِيَتْ الصَّلاةُ فَانْتَشَرُوا فِي الأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا) جمعة مباركة ❤️✨

صباح الخير يا شباب..☀️ انا عايزك تتخيل معايا كده تكون قاعد مع النبي ﷺ في الجنة وتقابل أبو بكر وعمر رضي اللَّه عنهم وأرضاهم ، ومش بس كدة لا وتتكلم معاهم وتشوفهم بعينك . أكيد مجرد التخيل دلوقتي فرحك جدا وكأنك بتحلم ..عايز أقولك إن دا مش حلم دي الجنة. الجنة إللي هتشوف فيها الأنبياء والصالحين وتقعد معاهم اللي النبي ﷺ قال عنها:

قالَ اللَّهُ تَبارَكَ وتَعالَى: أعْدَدْتُ لِعِبادِي الصَّالِحِينَ،ما لا عَيْنٌ رَأَتْ، ولا أُذُنٌ سَمِعَتْ، ولا خَطَرَ علَى قَلْبِ بَشَرٍ .

أتعب.. أتعب بجد في الدنيا علشان الجنة تستاهل وشربة واحدة من إيد رسولنا الكريم ﷺ كفيلة تنسيك كل التعب كفاية لذة النظر لله سبحانه وتعالى . أكثروا من الصلاة على النبي ﷺ وأدعوا كتير لنفسكم ولأهلكم وللمسلمين جميعاً لعل الله يستجيب جمعتكم مباركة .🤍

اللهم صل وسلم وبارك على نبينا محمد ﷺ ❤️

يا دمع أم في مشربية الانتظار لسة النهار موفاشي ورد أحبابها من عتمة الغيبة

استنزلوا رحمة الله وعطاياه ... بالصلاة عليه ﷺ من أفضل الأعمال ليلة ويوم الجمعة كثرة الصلاة على النبي ﷺ. قال النبي ﷺ:

أكثروا من الصلاة عليّ ليلة الجمعة ويوم الجمعة فإن صلاتكم معروضة عليّ

وقال النبي ﷺ:

إن أولى الناس بي يوم القيامة أكثرهم عليّ صلاة

وقَالَ ﷺ:

مَنْ صَلّـى عَلَيّ صَـلاة  صَلّــى اللهُ عَلَيْهِ بِهَا عَشْـــرٓاً

الصلاة الواحدة بعشر! والعشر بمائة!! والمائـة بألـف!!! والألف بعشرة آلاف!!!! وفي ذلك فليتنافس المتنافسون. ‏صَلواْ عَلي مَن سَكنت القُلوب مَحبتهُ وإشتاقت  العُيون لرؤيتهُ ﷺ  - ليلة الجمعة - قيام الليل ياكرام

آخر آيتين فىِ سورة البقره لهم فضل عظيم جداً .. قال رسول الله ﷺ :

من قرأ الآيتين من آخر سورة البقرة في ليلة كفتاه.

-متفق عليه. كفتاه أي: أجزأتا عنه من قيام الليل، وقيل: كفتاه كل سوء، وقيل: كفتاه شر الشيطان، وكل ما ذكر صحيح

عبد الله بن مسعود إسلامه هو من الأوائل المبكرين للإسلام، وسادس ستة أسلموا واتبعوا الرسول ﷺ. ولقد قال عن أول لقاء بينه وبين الرسول ﷺ: كنتُ غلامًا يافعًا، أرعى غنمًا لعقبة بن أبي معيط، فجاء النبي ﷺ وأبو بكر، فقالا:

يا غلام، هل عندك من لبنٍ تسقينا؟

فقلتِ:

إني مؤتمن، ولستُ ساقيكما

فقال النبي ﷺ:

هل عندك من شاةٍ حائل، لم ينزُ عليها الفحل؟

قلتُ:

نعم

فأتيتهما بها، فاعتقلها النبي ومسح الضرع ودعا ربه فحفل الضرع، ثم أتاه أبو بكر بصخرة متقعرة، فاحتلب فيها، فشرب أبو بكر، ثم شربتُ ثم قال للضرع: اقلص، فقلص، فأتيت النبي ﷺ بعد ذلك فقلت:

علمني من هذا القول

فقال:

إنك غلامٌ مُعلَّم

ما بعد الإسلام كان عبد الله بن مسعود أول من جهر بالقرآن بعد رسول الله ﷺ بمكة، إذ اجتمع يومًا أصحاب رسول الله ﷺ فقالوا:

والله ما سمعت قريش هذا القرآن يُجهَر لها به قط، فمن رجلٌ يسمعهموه؟

فقال عبد الله بن مسعود:

أنا

قالوا:

إنّا نخشاهم عليك، إنما نريدُ رجلًا له عشيرة يمنعونه من القوم إن أرادوه

قال:

دعوني، إن الله سيمنعني

فغدا ابن مسعود حتى أتى المقام في الضحى، وقريش في أنديتها، فقام عند المقام ثم قرأ:

ٱلرَّحۡمَٰنُ (1) عَلَّمَ ٱلۡقُرۡءَانَ

فتأملوه قائلين:

ماذا يقول ابن أم عبد؟ إنه ليتلو بعض ما جاء به محمد

فقاموا إليه، وجعلوا يضربون وجهه، وهو ماضٍ في قراءته حتى بلغ منها ما شاء الله أن يبلغ، ثم عاد إلى أصحابه مصابًا في وجهه وفي جسده، فقالوا له:

هذا الذي خشيناه عليك

فقال:

ما كان أعداء الله أهون عليّ منهم الآن، ولئن شئتم لأغادينّهم بمثلها غدًا

قالوا له:

حسبُك فقد أسمعتهم ما يكرهون

صفاته كان عبد الله بن مسعود من المال معدمًا، لكن الإسلام منحه مكان الفقر نصيبًا رابيًا من خزائن كسرى وكنوز قيصر، وكان في الجسم ناحلًا، فمنحه الإسلام مكان ضمور جسمه إرادة تقهر الجبارين، وكان في الجاه معدومًا، فمنحه الإسلام خلودًا، وعلمًا، وشرفًا. ولقد صدقت فيه نبوءة الرسول ﷺ يوم قال له: إنك غلامٌ معلم، فقد علمه ربه حتى صار فقيه الأمة، وعميد حفظة القرآن جميعًا. عرف خلفاء الرسول وأصحابه له قدره، فولاه أمير المؤمنين عمر على بيت مال الكوفة، وقال لأهلها حين أرسله إليهم:

إني والله لا إله إلا هو، قد آثرتكم به على نفسي، فخذوا منه، وتعلموا.

ولقد أحبه أهل الكوفة حبًا لم يظفر بمثله أحدٌ قبله، ولا أحدٌ مثله، وإجماع أهل الكوفة على حب إنسان أمر يشبه المعجزات؛ ذلك أنهم أهل تمرد وثورة، لا يصبرون على طعام واحد، ولا يطيقون الهدوء والسلام. ولما أراد الخليفة عثمان بن عفان عزله عن الكوفة، أحاط به أهلها وقالوا له:

أقِم معنا ولا تخرج، ونحن نمنعك أن يصل إليك شيء تكرهه منه

فقال لهم:

إن له عليّ الطاعة، وإنها ستكون أمور وفتن، ولا أحب أن يكون أول من يفتح أبوابها!

وحدث بين عثمان وابن مسعود خلاف تفاقم حتى حُجِب عن عبد الله راتبه ومعاشه من بيت المال ومع ذلك لم يقل في عثمان كلمة سوء واحدة، بل وقف موقف المدافع حين ترامى إلى سمعه محاولات اغتيال الخليفة، قال كلمته المأثورة:

لئن قتلوه؛ لا يستخلفون بعده مثله

💡هذا هو عبد الله بن مسعود صاحب رسول الله ﷺ، وهذه ومضة من حياة عظيمة مستبسلة، عاشها صاحبها في سبيل الله، ورسوله، ودينه، هذا هو الرجل الذي كان جسمه في حجم عصفور! #حكاية_صحابي