SOBAHEL_KHEYR♡

አንዳንድ ጊዜ ሴት በዝምታ ብዙ ህመም ትሸከማለች። በልቧ እያለቀሰች በፊቷ ፈገግታን ትላበሳለች፤ የምትመኘው ሳይሳካ፣ የምትጠብቀው ሲዘገይና የምትጥርለት ነገር ከእጇ ሲርቅ ራሷን እድለቢስ እንደሆነች ታስባለች። ግን እህቴ፣ ዛሬ ያለሽበት ችግር የሕይወትሽ መጨረሻ አይደለም፤ የዛሬው እንባሽም የነገሽን ፈገግታ አይወስንም። አላህ በዝምታ የምታፈስሺውን እንባ፣ በልብሽ ውስጥ የምትደብቂውን ህመምና ማንም የማያውቀውን ትግልሽን ያውቃል። ሰዎች ህመምሽን ባይረዱትም አላህ ግን አያጣውም። የምትመኚው ነገር ቢዘገይ ተስፋሽን አትተዪ፤ የምትፈልጊው ባይሳካ ራስሽን አትውቀሺ። አንቺ የማታውቂውን አላህ ያውቃል፤ የማታዪውንም መልካም ነገር በፈቃዱ ሊያዘጋጅልሽ ይችላል። አላህ በቁርአኑ እንዲህ ይላል፦ فَإِنَمَعَالْعُسْرِ يُسْرًا إِنَمَعَالْعُسْرِ يُسْرًا «ከችግር ጋር ምቾት አለ። በእርግጥ ከችግር ጋር ምቾት አለ።» 📖 ሱረቱል ኢንሺራህ (94፡5–6) እህቴ፣ ዛሬ በችግር ውስጥ ብትሆኚም ነገ ሌላ ቀን ነው። በዛሬው ጨለማ ውስጥ ሆነሽ የነገሽን ብርሃን አትካዲ። ዱዓሽን ቀጥዪ፣ ሰብርሽን ጠብቂ፣ ጥረትሽን አታቋርጪ፤ ተስፋሽንም በአላህ ላይ አድርጊ። ምክንያቱም የዛሬው ውድቀት የነገሽን ስኬት አይከለክልም፣ የዛሬው ሀዘንም የነገሽን ደስታ አይሰርዝም። 🤲 ያ አላህ፣ ልቧን አረጋጋ፣ ሀዘኗን በደስታ ቀይርላት፣ በችግሯ ጊዜ ሰብርን ስጣት፣ የልቧን መልካም ምኞት ከሷ ዲንና ሕይወት ጋር የሚስማማ ከሆነ ፈጽምላት። ከምትጠብቀውም በላይ የሆነ ኸይርን ስጣት፣ ተስፋ በቆረጠችበት ጊዜ በምሕረትህ አበርታት። ሰላም ለነዛ እኛ ሳናቅ ዱአ ለሚያረጉልን 🕊️