Ethiopian Higher Education Institutions Muslim Students' Union

የወለጋ ዩኒቨርሲቲ ሙስሊም ተማሪዎች ጀመዓ በጁምዓ ሰዓት የወጣው የመውጫ ፈተና ፕሮግራም እንዲሻሻል እና መሠል ጥፋቶችን የሚፈፅሙ አካላት ተጠያቂ እንዲሆኑ ለዩኒቨርሲቲው ፕሬዚዳንት ፅ/ቤት ባስገባው ደብዳቤ ጠይቋል!

ከቲክቫህ ኢትዮጵያ ጀምሮ ላሉ የሚዲያ ተቋማት ላኩላቸው:: በየአመቱ ለሚፈጠረው ችግር ምክንያቱ ምን እንደሆነ ሚኒስቴር መስሪያ ቤቱን ጠይቀው በይፋ እንዲነግሩን እንፈልጋለን:: የቲክቫህ የመልዕክት መቀበያ @tikvahethiopiaDM ነው:: በሌሎቹም ቀጥሉ!!

ለምታውቁት ሁሉ አሰራጩ ድምፃችን ከፍ ብሎ ይሰማ ስለ መብቶቻችን ያለንን ቁርጠኝነት ይወቁ ይህ ትውልድ ዝም ብሎ የሚያልፈው የመብ ጥሰት እንደሌለም ይገንዘቡ ! ! ! https://t.me/EHEMSU

የኢትዮጵያ ከፍተኛ ትምህርት ተቋማት ሙስሊም ተማሪዎች ህብረት የትምህርት ሚኒስቴር የመውጫ ፈተናን (Exit Exam) በመጪው አርብ በጁምዓ ሰዓት ማለትም ከ5:00-7:30 ለመስጠት ያወጣውን ፕሮግራም እንዲቀይር ጠየቀ! ••••••••••••••••••••••••••••••••••••••••••• የካቲት 18 / 2018 ዓ.ል •••••••••••••••••••••••••••••••••••••••••• ህብረቱ ለትምህርት ሚኒስቴር ባስገባው ደብዳቤ ጁምዓ የሙስሊሞች ሳምንታዊ በዓል መሆኑንና ከ5:30-7:30 በሀገር ደረጃ የመንግስት መስሪያ ቤቶች እረፍት መሆናቸውን ጠቅሶ በዚህ ሰዓት የፈተና ፕሮግራም ማውጣት የሙስሊም ተማሪዎችን እሴቶችን እና መብቶችን መጋፋት እንደሆነ ገልፇል:: መሠል ጥፋቶች መደጋገማቸው ሙስሊሙን ተማሪ ከሚኒስቴር መስሪያ ቤቱ የሚያራርቁ በመሆናቸውም ተመሳሳይ ችግሮች በዘላቂነት እንዳይፈጠሩ መስመር እንዲደረገም ጠይቋል:: ይኼው ችግር በባለፈው አመት ተስተካክሎ ዳግም ዘንድሮም መፈጠሩ የሚኒስቴር መስሪያ ቤቱን ቸልተኝነት እንደሚያሳይ በመግለፅም ይህ እንዲፈጠር ምክንያት የሚሆኑ አካላት ይጠየቁ ዘንድም ጠይቋል:: @MohammadamminKassaw

ቦንጋ ዩኒቨርሲቲ እስከ ዛሬ ባለው ለስሁር ምግብ የማይዘጋጅ ቢሆንም በተማሪዎች ጥያቄ መሠረት ከትላንት ጀምሮ እንደተስተካከለላቸው የዩኒቨርሲቲው ጀመዓ አሳውቋል:: ማሻ አላህ ! ! ! https://t.me/EHEMSU

ወልቂጤ ••• የኢትዮጵያ ከፍተኛ ትምህርት ተቋማት ሙስሊም ተማሪዎች ሕብረት ለወልቂጤ ዩኒቨርሲቲ ጀመዓ ቋሚ የገቢ ምንጭ ይሆን ዘንድ የኢትዮጵያ ሙስሊም ወጣቶች ካውንስልን በማስተባበር የፕሪንት ቤት አበረከተ ! ! ! ••••••••••••••••••••••••••••••••• የካቲት 18 / 2018 ዓ.ል ••••••••••••••••••••••••••••••••• የከፍተኛ ትምህርት ተቋማት ሙስሊም ተማሪዎች ሕብረት ጀመዓዎች ቋሚ የገቢ ምንጭ እንዲኖራቸው በማድረግ የፋይናንስ ነፃነት እንዲኖራቸው ማድረግ ከሚሰራቸው ፕሮጀክቶች መካከል አንዱ ሲሆን በዘንድሮው አመት ጀመዓዎችን ፕሮፖዛል እንዲያስገቡ በማድረግ አወዳድሮ አሸናፊ ለሆኑት የተሟላ ፕሪንት ቤት አበርክቷል:: አሸናፊ ከሆኑት ጀመዓዎች መካከል የወልቂጤ ዩኒቨርሲቲ ጀመዓ አንዱ ሲሆን ሙሉ ማቴርያሎችን ተቀብሎ ወደ ስራ እንደገባ የሕብረቱ ፕሬዚዳንት በአካል ተገኝቶ አይቷል:: የዩኒቨርሲቲው ጀመዓ አመራሮች መሠል ተግባራት የዩኒቨርሲቲ ጀመዓዎችን በማጠናከር ረገድ አይተኬ ሚና እንዳላቸው የገለፁ ሲሆን ጀመዓዎች ለሚያደርጉት እንቅስቃሴ አስተማማኝ የሆነ የፋይናንስ ምንጭ እንደሚሆን ተናግረዋል:: ይህንንም ተከትሎም የያዙትን በማሳደግ ሌሎች ቋሚ የገቢ ምንጮችን በማቋቋም ጀመዓቸውን ከመጥቀም ባሻገር ለማህበረሰቡ አገልግሎት የሚውሉ ስራዎችን እንደሚሰሩ ገልፀዋል:: በስተመጨረሻም የኢትዮጵያ ሙስሊም ወጣቶች ካውንስልን እና ሕብረቱን አመስግነዋል:: ከዚህም በተጨማሪ የጀመዓው አመራሮች ከከፍተኛ ትምህርት ተቋማት ሙስሊም ተማሪዎች ሕብረት ፕሬዚዳንት ሙሐመድአሚን ካሳው ጋር ስለወደፊት አቅጣጫ እና ጉዞ ፍሬያማ ውይይት አካሂደዋል:: https://t.me/EHEMSU

ተሻሻለ ተብሎም ያልተሻሻለው የመውጫ ፈተና ፕሮግራም ! ! ! ጁምዓ ሳምንታዊ በዓላችን እንደሆነ እየታወቀ: ከ5:30 - 7:30 ባለው ሰዓትም በመንግስት መስሪያ ቤቶች አገልግሎት እንደማይሰጥ በግልፅ ተቀምጦ ሳለ ... ትምህርት ሚኒስቴር ግን በጁምዓው ቀን ከ5:00 - 7:30 የመውጫ ፈተናን ለመስጠት ከ2 ቀን ቡሃላ ቀጠሮ ይዟል:: ተማሪዎች ድምፃቸውን እያሰሙ ያሉ ቢሆንም ጆሮ ዳባ ልበስ እንዳለ ነው:: ማሻሻያ አወጣሁ ብሎ ማስታዎቂያ ቢያወጣም ስለ ሙስሊም ተማሪዎች ጥያቄ ግን ምንም አይነት ማሻሻያ የለም:: አሁንም ቢሆን መሠል አካሄዶች ከሙስሊም ማህበረሰብ ተራርቆ ያለውን የትምህርት ሚኒስቴር ይበልጥ የሚያቃቅር እና የሚያቀያይም እንደሆነ ታሳቢ ተደርጎ በቶሎ ማስተካከያ በማድረግ ለተሰራው ጥፋትም በይፋ ይቅርታ መጠየቅ እና አጥፊዎችን መቅጣትም ይጠበቅበታል:: ተቋሙ የመላው ኢትዮጵያዊ እንደመሆነ በሕዝበ ሙስሊሙ ላይ ሸፍጥ የሚሰሩ አካላት ግማሹን ሕዝብ አግልለው የሚመሩትም ሆነ ለሀገር የሚሰሩት መልካም ስራ አይኖርምና በትልቁ ሊጠየቁ ይገባል:: መልዕክቱ ለሁሉም ይደርስ ዘንድ ይሰራጭ ! ! ! ፍትሕ ለሙስሊም ተማሪዎች ! ! !

የአዲስ አበባ ዩኒቨርሲቲ ሙስሊም ተማሪዎች ህብረት ለአዲስ አበባ ዩኒቨርሲቲ የአካዳሚክ ምክትል ፕሬዝዳንት ሲሰበስበው የነበረውን ፊርማ ከደብዳቤ ጋር አስገባ ••••••••••••••••••••••• የአዲስ አበባ ዩኒቨርሲቲ ሙስሊም ተማሪዎች ህብረት ላለፉት ጊዜያት ወደ 1141 ከሚሆኑ የዩኒቨርሲቲው ሙስሊም ተማሪዎች የሰበሰባቸውን ፊርማዎች ከደብዳቤ ጋር አስገብቷል። ህብረቱ በደብዳቤው ላይ በዩኒቨርሲቲው ከ2017 ዓ.ል ጀምሮ ተግባራዊ እየተደረገ ባለው የዲሲፕሊን መመሪያ ሙስሊም ሴት ተማሪዎች ኒቃብ እንዳይለብሱ የሚደነግገው አንቀፅ እስካሁን ድረስ ተፈፃሚ መደረጉ በተማሪዎች ላይ ከፍተኛ ቅሬታንና የስነ-ልቦናን ጫና ያሳደረ መሆኑን ገልጿል። የሙስሊም ተማሪዎች ህብረትም ችግሩን ለመቅረፍ በተደጋጋሚ ጊዜ ውይይት ለማድረግ ጥረት ማድረጉናን በዩኒቨርሲቲው በኩል ግን የጉዳዩን አሳሳቢነት ባላገናዘበ መልኩ ችላ እየተባለ እንደቆየም አክሎ አስቀምጧል። በመቀጠልም ይህ ጥያቄ የሙስሊም ተማሪዎች ጥያቄ መሆኑን ለማረጋገጥ ከ1000 በላይ (1141 የሚሆኑ) ተማሪዎች በገዛ ፈቃዳቸው የፈረሙትን ፊርማ አያይዞ ማቅረቡን የገለፀ ሲሆን ዩኒቨርሲቲው የጉዳዩን አሳሳቢነት ተገንዝቦ በአስቸኳይ አንቀፅ 6 ንዑስ አንቀፅ 6 ላይ ያለውን የኒቃብ ክልከላን እንዲያነሳና የተማሪዎችን ህገ-መንግስታዊ እና ሰብአዊ መብቶችን በተግባር እንዲያከብር አሳስቦ ተቋሙ ሊዚህ የተማሪዎች ድምፅ በአፋጣኝ አዎንታዊ ምላሽ የማይሰጥ ከሆነ ተማሪዎች በሚሰማቸው ቅሬታ ለሚፈጠሩ የትኛውም አለመረጋጋቶችና ሂደቶች ህብረቱ ምንም አይነት ሀላፍትና እንደማይወስድና ሀላፍትናው የዩኒቨርሲቲው እንደሆነ አስቀምጧል። መብቶቻችንን ለማስከበር ከአሁን በኋላ የቀረን ምንም አይነት ትዕግስት የለም!!! @aaumsu

Dhugaaf, Haqaf, fi Bilisummaaf daqiiqaa 2 haa kenninu! ​"FEDERATION OF AFRICAN LAW STUDENTS!" – Barattoonni mirga isaanii ilaalchisee haalli mana barumsaa keessatti qaban maal akka fakkaatu qorannoo gaggeessaa jira. Qorannoon kun akkuma xumurameen jijjiiramni akka dhufuuf akka hojjetu beeksiseera. ​Gaaffilee hedduun dhiyaatanis, gaaffiin "Yuunivarsiitiin keessan mirga bilisummaa amantii keessanii ni kabaja?" jedhus keessatti argama. Kanaafuu, sarbamni mirga amantii nurra gahaa jiru hundaaf akka gahuuf, filannoo dhugaa jiru ibsu filadha. Yoo EMAIL dhaan isin quunnaman, barreeffama bal'aa furaa dhiyeessaafii. ​Guutuudhaaf hidhaa (link) kana fayyadamaa: https://forms.gle/YRjk2qqPqaNPHieX7 ​Dhugaaf Haqaf Bilisummaaf ... Share haa taasifamu! ! ! https://t.me/EHEMSU

ለሐቅ: ለፍትሕ: ለነፃነት 2 ደቂቃ እንስጥ! "FEDERARION OF AFRICAN LAW STUDENTS!" - ተማሪዎች መብታቸውን አስመልክቶ በትምህርት ቤት ያላቸው ሁኔታ ምን ይመስላል የሚል የዳሰሳ ጥናት እየሰራ ይገኛል:: ጥናቱ እንዳለቀም ለውጥ ይመጣ ዘንድ እንደሚተጋ አሳውቋል:: የተጠቀሱ ብዙ ጥያቄዎች ቢኖሩም "ዩኒቨርሲቲያችሁ የሀይማኖት ነፃነታችሁን ያከብራል?" - የሚል ጥያቄም አለው:: ስለሆነም እየደረሱብን ያሉት የሀይማኖት የመብት ጥሰቶች ለሁሉም ይደርሱ ዘንድ እውነታውን የሚገልፀውን ምርጫ ምረጡ:: በEMAIL Contact ካደረጓችሁ ዝርዝር ነገር አስቀምጡላቸው:: ለመሙላት https://forms.gle/YRjk2qqPqaNPHieX7 ይጠቀሙ:: ለእውነት ለፍትሕ ለነፃነት ! ! !

ትምህርት ሚኒስቴር የመውጫ ፈተናን በጁምዓ ቀን ከ5:00-7:30 ለመስጠት ፕሮግራም አውጥቷል! ሆን ብሎ በሚመስል መልኩ አመት በአመት የሙስሊም ተማሪዎችን መሠረታዊ መብቶችን የሚጥሱ ፕሮግራሞችንና አሰራሮችን የሚያወጣው ትምህርት ሚኒስቴር በዘንድሮው አመትም በጁምዓ ቀን ከ5:00 - 7:30 EXIT EXAMን ለመፈትን ፕሮግራም አውጥቷል:: ባለፈው አመት ተመሳሳይ ፕሮግራም አውጥቶ የከፍተኛ ትምህርት ተቋማት ሙስሊም ተማሪዎች ሕብረት የተማሪዎችን ጥያቄ ለሚኒስቴር መስሪያ ቤቱ ይዞ ካቀረበ ቡሃላ ማስተካከያ ማድረጉ ይታወሳል:: በዘንድሮው አመትም ተመሳሳይ ስህተቶ መፈፀሙ በተማሪዎች ዘንድ ከፍተኛ ቅሬታ የፈጠረ ሲሆን ሚኒስቴር መስሪያ ቤቱ የሚከውናቸው ተግባራት ሙስሊም ተማሪዎችን ታሳቢ ያላደረገና መብታቸውን የሚጥስ መሆኑን ያመላከተ ነው:: የጁምዓ ቀን በመንግስት ተቋማት ውስጥ ከ5:30 - 7:30 አገልግሎት እንደማይሰጥ በአዋጅ የተደነገገ እና ቀኑም የሙስሊሞች ሳምንታዊ በዓል ከመሆኑ ባሻገር ከ5:30 - 7:30 ባለው ሰዓት ውስጥ የጁምዓ ስግደት የሚፈፀምበት መሆኑ እየታወቀ ይህንን በመግፋት የወጣው ፕሮግራም ፍፁም ስህተት እንደሆነ ተመላክቷል:: ስለሆነም ትምህርት ሚኒስቴር በተደጋጋሚ እየፈጠራቸው ላሉት ስህተቶች ሙስሊም ተማሪዎችን ይቅርታ በመጠየቅ: ይህንን ስህተት በተደጋጋሚ የሚፈጥሩ አካላት ላይ እርምጃ በመውሰድ ፈተናው ከመድረሱ በፊት ማስተካከያ ያደርግ ዘንድ እንጠይቃለን::

የኢትዮጵያ ከፍተኛ ትምህርት ተቋማት ሙስሊም ተማሪዎች ሕብረት ለሰላሌ ዩኒቨርሲቲ ጀመዓ ቋሚ የገቢ ምንጭ ይሆን ዘንድ የኢትዮጵያ ሙስሊም ወጣቶች ካውንስልን በማስተባበር የፕሪንት ቤት አበረከተ ! ! ! ••••••••••••••••••••••••••••••••• የካቲት 9 / 2018 ዓ.ል ••••••••••••••••••••••••••••••••• የኢትዮጵያ ከፍተኛ ትምህርት ተቋማት ጀመዓዎች ቋሚ የገቢ ምንጭ እንዲኖራቸው በማድረግ የፋይናንስ ነፃነት እንዲኖራቸው ማድረግ ከሚሰራቸው ፕሮጀክቶች መካከል አንዱ ሲሆን በዘንድሮው አመት ጀመዓዎችን ፕሮፖዛል እንዲያስገቡ በማድረግ አወዳድሮ አሸናፊ ለሆኑት የተሟላ ፕሪንት ቤት አበርክቷል:: አሸናፊ ከሆኑት ጀመዓዎች መካከል ሰላሌ ዩኒቨርሲቲ ጀመዓ አንዱ ሲሆን ሙሉ ማቴርያሎችን ተቀብሎ ወደ ስራ እንደገባ የሕብረቱ ፕሬዚዳንት በአካል ተገኝቶ አይቷል:: የዩኒቨርሲቲው ጀመዓ አመራሮች መሠል ተግባራት የዩኒቨርሲቲ ጀመዓዎችን በማጠናከር ረገድ አይተኬ ሚና እንዳላቸው የገለፁ ሲሆን ጀመዓዎች ለሚያደርጉት እንቅስቃሴ አስተማማኝ የሆነ የፋይናንስ ምንጭ እንደሚሆን ተናግረዋል:: ይህንንም ተከትሎም የያዙትን በማሳደግ ሌሎች ቋሚ የገቢ ምንጮችን በማቋቋም ጀመዓቸውን ከመጥቀም ባሻገር ለማህበረሰቡ አገልግሎት የሚውሉ ስራዎችን እንደሚሰሩ ገልፀዋል:: በስተመጨረሻም የኢትዮጵያ ሙስሊም ወጣቶች ካውንስልን እና ሕብረቱን አመስግነዋል:: :- እንደ ሕበረት መሠል ስራዎች መጠናከር እንዳለባቸው የምናምን ሲሆን የዩኒቨርሲቲ ጀመዓዎች በፋይናንስ ተጠናክረው ለሀገር የሚጠቅም ስራ አበርክተው ይሰሩ ዘንድ ማህበረሰቡ እንዲያግዝ ጥሪያችን ነው::

የኢትዮጵያ ከፍተኛ ትምህርት ተቋማት ሙስሊም ተማሪዎች ሕብረት ከሰላሌ ዩኒቨርሲቲ ሙስሊም ተማሪዎች ጋር ውይይት አደረገ ! ! ! ••••••••••••••••••••••••••••••••••••••• የካቲት 9 / 2018 ዓ.ል ••••••••••••••••••••••••••••••••••••••• የኢትዮጵያ ከፍተኛ ትምህርት ተቋማት ሙስሊም ተማሪዎች ሕብረት ከሰላሌ ዩኒቨርሲቲ ሙስሊም ተማሪዎች: ከጀመዓው የሹራ አባላት እንዲሁም አሚሮች ጋር በጀመዓው እንቅስቃሴ እና ክንዋኔዎች ዙሪያ ውይይት አካሂዷል:: በውይይቱ ወቅት ከሕብረቱ ጋር በመሆን የዩኒቨርሲቲ ጀመዓ የሙስሊም ተማሪዎችን መብት ለማስከበር ሲደረጉ የነበሩ እንቅስቃሴዎች እንዲሁም እንደጀመዓ ሲሰሩ የነበሩ እና ሊሰሩ በታቀዱ ስራዎች ዙሪያ ውይይት ተደርጓል:: የዩኒቨርሲቲው ጀመዓ ሕብረቱ እያደረገ ላለው መልካም እንቅስቃሴ ምስጋናቸውን ያቀረቡ ሲሆን የሕብረቱ ፕሬዚዳንት ሙሐመድአሚን ካሳውም ሕብረቱ ጀመዓዎችን ለማጠናከር የጀረውን ውጥን በቀጣይነት እንደሚሰራበት ገልፇል:: በስተመጨረሻም የዩኒቨርሲቲው ጀመዓ እያከናወናቸው ያሉት እንቅስቃሴዎች ተስፋ ሰጪ እንደሆኑ ተመላክቷል::

የ3ቱ ፎቶዎች ወግ ተምሳሌት ከሐዋሳ ዩኒቨርሲቲ ሪፈራል ካምፓስ ጀመዓ ! ! ! የመጀመሪያው ፎቶ ከአንድ አመት እና 11 ወራት በፊት የነበረ የተማሪዎች መስጂድ ነው:: ክረምት ሲመጣ የሚያፈስ: ፀሐዩ ሲበረታ የሚያቃጥል ነበር:: ይህን ከአላህ ጋር በጥረታቸው ለማስተካከልና የተሻለ እና ሁሉንአቀፍ የሆነ መስጂድ ለመገንባት የቆረጡ ተማሪዎች መንገድ ጀመሩ:: የ2ተኛው ፎቶ ደግሞ ከአንድ አመት እና 3 ወራት ጥረት ቡሃላ በአላህ ፈቃድ የደረሱበት ደረጃ ነበር:: በስተመጨረሻ ላይ የሚታየው ፎቶ ሁለት አመት ባልሞላ ጊዜ ውስጥ እውን የሆነን ሕልም ያሳያል:: በትብብር ከተለፋ እና ከተሰራ ከየት መድረስ እንደሚቻል እውነተኛ ተምሳሌት ናቸው:: ይህ ደግሞ የስራቸው መጨረሻ አይደለም:: ለጀመዓቸው ቋሚ የገቢ ምንጭ የሚያስገኙ ፕሮጀክቶችን ነድፈው እውን ለማድረግ በርትተው እየሰሩ ነው:: አላህ ካሰቡት በላይ ስኬትን ይወፍቃቸውና!!! እኔስ? አንተስ? አንቺስ? እኛስ? ሌሎች ጀመዓዎችስ? ምን ሰራን? ምንስ ለመስራት ውጥን ይዘናል?

ልፋታቸው ከውጤት በቅቷል! በድጋሜም አመስግነዋል!! የሐዋሳ ዩኒቨርሲቲ ሪፈራል ካምፓስ ተማሪዎች ከአመታት በፊት የነበረባቸውን የመስጂድ እጦት ለመቅረፍ ላቀረቡት ጥሪ በከፍተኛ ትምህርት ተቋማት ሙስሊም ተማሪዎች አስተባባሪነት አብዛኞቻችሁ ተረባርባችሁ ነበር:: እነሆ ዛሬ ከፍፃሜ ደርሰዋል:: በድጋሜም ምስጋናቸውን አድርሰዋል:: እንኳን ደስ አለን!!! አላህ ያበርታቸው!!! አላህ ይቀበላችሁ!!""

ሰላሌ ዩኑቨርሲቲ ጀመዓ ከዩኒቨርሲቲው ፕሬዚዳንት እና አመራሮች ጋር በነበረው ውይይት ረመዷን ላይ በሚያስፈልጉ ዝግጅቶች ዙሪያ ከበፊቱ በተሻለ ሁኔታ ላይ እንደደረሱ ገልፀዋል:: ካፌ ላይ ከሚኖሩ የስሁር እና ኢፍጣር ዝግጅቶች በተጨማሪ የሶላት ሁኔታም ተነስቶ ነበር:: ከዚህም በተጨማሪ የጁምዓ ቀን የትምህርት ክ/ጊዜ ከጧት እስከ 5:30 ከሰዓት ደግሞ ከ7:30 ጀምሮ እንዲሆን ከስምምነት ደርሰዋል:: :- የሚበረታታ ለውጥ ነው:: ተማሪዎች ተስፋ ሳይቆርጡ በሚያደርጉት ሰላማዊ ጥያቄ ምክንያት በአንድ ወቅት ለሙስሊም ተማሪዎች በጣም የማይመች የነበረው ግቢ መጠነኛ ማሻሻያ እያደረገ ነው:: ጥያቄዎች መቀጠል ያለባቸው ሲሆን ሌሎች ጀመዓዎችም መሠል ልምዶችን በመውሰድ ፍትሐዊ የሆነ ከባቢ እስኪፈጠር እና አሰራሮች እስኪስተካከሉ ድረስ መጠየቅን ልማድ ማድረግ ይጠበቅባቸዋል::

ረመዷን ከደጅ ደርሷል ... የሚከተሉት ጥቆማዎች ለዩኒቨርሲቲ ጀመዓዎች ...   ♢ ረመዷን ውስጥ ከሌላው ወር የተለየ የምግብ ፕሮግራም: በር ላይ የተለየ የመግቢያ መውጫ ሰዓት እንዲሁም በመሐል የሚዘገጃጁ ፕሮግራሞች ቅድመ ዝግጅት ስለሚያስፈልጋቸው ከአሁኑ ቀድማችሁ ፎርማል በሆነ መልኩ አሳውቋቸው:: በተለይም የመጀመሪያው ቀን ላይ ስሁር የሚዘነጋበት ሰፊ እድል ስላለና በየአመቱ እየተደጋገመ ስለሆነ ቀድማችሁ ከአሁኑ አሳውቋቸው:: ♢ እስከ ዛሬ ስሁር የማይዘጋጅላችሁ ግቢዎች መብታችሁ ስለሆነ በዘንድሮው እንዲያስተካክሉ አድርጉ ♢ እስከ ዛሬ ለስሁር ሰራተኛ የማይቀጥሩላችሁ ግቢዎች መብታችሁ ስለሆነ በዘንድሮው እንዲያዘጋጁ አድርጉ ♢ እስከ ዛሬ ለተራዊህ እና ተሐጁድ መውጣትን የማይፈቅዱላችሁ ግቢዎች መብታችሁ ስለሆነ በዘንድሮው እንዲያስተካክሉ አድርጉ ♢ እስከ ዛሬ ከግቢው ማህበረሰብ ጋር የምትሰባሰቡበትን ፕሮግራም የማታዘጋጁ ጀመዓዎች ፋይዳው ላቅ ያለ ነውና ከዘንድሮ ጀምራችሁ ብታዘጋጁ ይመከራል አላህ ያግዘን ... በርታ በሉ ... አንድ ነገር አስተካክሎ ማለፍ በራሱ ትልቅ ነገር ነው ! ! ! https://t.me/EHEMSU

የአዲስ አበባ ዩኒቨርሲቲ ሙስሊም ተማሪዎች ህብረት (AAUMSU) በኒቃብ በሚለብሱ እህቶቻችን ላይ እየተፈጸመ ያለውን መድልዎ እና የመብት ጥሰት በዘላቂነት ለመፍታት የሚያደርገውን ጥረት በመቀጠል፣ ለፌዴራል ሴቶችና ማህበራዊ ጉዳይ ሚኒስቴር ይፋዊ የቅሬታ ደብዳቤ አስገባ። ••••••••••••••••••••••••••• ህብረቱ ለተቋሙ ባስገባው ደብዳቤ ዩኒቨርሲቲው ባወጣው "የተማሪዎች የሥነ-ምግባርና የዲሲፕሊን ውስጠ ደንብ" ላይ ማንነትን ለመለየት በሚል ኒቃብ መልበስን መከልከሉ እና ይህም እህቶቻችን በትምህርታቸው ላይ ከፍተኛ እንግልት እንዲደርስባቸው ማድረጉ ገልጿል። ህብረቱ ከዩኒቨርሲቲው አመራሮች ጋር ተደጋጋሚ ውይይቶችን ለማድረግ ጥረት እንዳደረገና የመፍትሔ ሀሳቦችንም እንዳቀረበ የጠቀሰ ሲሆን፣ በዩኒቨርሲቲው በኩል ተቀባይነት ሳያገኝ እንደቀረ ገልጿል። ይህ ክልከላ ደግሞ የሀገሪቱን ህገ-መንግስት እና አለምአቀፍ የሰብአዊ መብቶች ድንጋጌዎችን የሚፃረር ከመሆኑም በላይ፣ ተማሪዎች በነፃነት የመማር መብታቸውን እየጣሰ ይገኛል። በመጨረሻም ሚኒስቴር መስሪያ ቤቱ ጉዳዩ በቀጥታ የሚመለከተው ተቋም እንደመሆኑ ጉዳዩን በመገምገም ለተማሪዎቹ አስፈላጊውን ድጋፍ እንዲያደርግ አሳውቋል። የዚህም ደብዳቤ ግልባጭ በተመሳሳይ ለፕሬዝዳንት ፅህፈት ቤት የገባ ቢሆንም ለመቀበል ፍቃደኛ አለመሆናቸውንም ለማሳወቅ እንወዳለን #እንደለበሰች_ትማራለች ©️ aaumsu @MohammadamminKassaw