រដ្ឋបាលខេត្តកំពង់ចាម

ឯកឧត្តម​វេជ្ជបណ្ឌិត​ គិន​ ប៊ុន​លី​ ថ្លែងថា​យុវជន ជាកម្លាំងយ៉ាងសំខាន់ក្នុងបុព្វហេតុការពារសុខសន្តិភាព និងការអភិវឌ្ឍប្រទេសជាតិ

នារសៀលថ្ងៃទី១១ ខែមិថុនា ឆ្នាំ២០២៦ ឯកឧត្តម គន់សុភា អភិបាលរងខេត្ត និងជាប្រធានលេខាធិការដ្ឋាន តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្តកំពង់ចាម បានអញ្ជើញដឹកនាំកិច្ចប្រជុំក្រុមការងារលេខាធិការដ្ឋាន នៃគណៈកម្មាធិការគ្រប់គ្រងគ្រោះមហន្តរាយខេត្តកំពង់ចាម នៅសាលប្រជុំសាលាខេត្ត ។ ក្នុងកិច្ចប្រជុំនេះដែរក៏មានការចូលរួមពីលោក លោកស្រី នាយករងរដ្ឋបាលសាលាខេត្ត , អភិបាលរង ក្រុង-ស្រុកទទួលបន្ទុក និងមន្ត្រីបង្គោល ព្រមទាំងមន្ត្រីលេខាធិការដ្ឋានថ្នាក់ខេត្តផងដែរ។

នៅរសៀល​ ថ្ងៃ​ទី១១​ ខែមិថុនា​ ឆ្នាំ​២០២៦​ ឯកឧត្តម សា ស៉ីថា អភិបាលរងខេត្ត តំណាងឯកឧត្ដម អ៊ុន ចាន់ដា អភិបាលខេត្តកំពង់ចាម បានដឹកនាំកងកម្លាំងសមត្ថកិច្ច​ និងអាជ្ញាធរពាក់ព័ន្ធ បន្តចុះត្រួតពិនិត្យទីតាំងមួយចំនួន និងផ្សព្វផ្សាយច្បាប់ និងលិខិតបទដ្ឋានគតិយុត្តសំខាន់ៗ នៅក្នុងភូមិសាស្ត្រស្រុកកងមាស។

កិច្ចប្រជុំសាមញ្ញលើកទី២៥ អាណត្តិទី៤ របស់ក្រុមប្រឹក្សាខេត្តកំពង់ចាម រដ្ឋបាលខេត្តកំពង់ចាម នៅព្រឹកថ្ងៃទី១១ ខែមិថុនា ឆ្នាំ២០២៦ បានបើកកិច្ចប្រជុំសាមញ្ញលើកទី២៥ អាណត្តិទី៤ របស់ក្រុមប្រឹក្សាខេត្ត ក្រោមអធិបតីភាព ឯកឧត្តម ខ្លូត ផន ប្រធានក្រុមប្រឹក្សាខេត្ត និង ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។ កិច្ចប្រជុំបានអនុម័តលើរបៀបវារៈ ដូចខាងក្រោម: ១-ពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២៤ អាណត្តិទី៤ របស់ក្រុមប្រឹក្សាខេត្តកំពង់ចាម។ ២-ពិនិត្យ ពិភាក្សា និងអនុម័តសេចក្តីព្រាងរបាយការណ៍ស្តីពី ការអនុវត្តការងារប្រចាំខែ ឧសភា និងលើកទិសដៅប្រចាំខែមិថុនា ឆ្នាំ២០២៦ របស់រដ្ឋបាលខេត្តកំពង់ចាម។ ៣-ពិនិត្យ ពិភាក្សា និងអនុម័តសេចក្តីព្រាងស្តីពីការរៀបចំបែងចែកប្រាក់រង្វាន់ប្រចាំខែ ដល់មន្ត្រីសាលាខេត្តកំពង់ចាម ដែលទទួលបានពីការផ្តល់សេវារដ្ឋបាលសម្រាប់ខែ ឧសភា។ ៤-ពិនិត្យ ពិភាក្សា និងអនុម័តសេចក្តីព្រាងសេចក្តីសម្រេចស្តីពី ប្រតិទិនន័យកិច្ចប្រជុំសាមញ្ញ អាណត្តិទី៤ របស់ក្រុមប្រឹក្សាខេត្តកំពង់ចាម សម្រាប់រយៈពេល ១២ខែ លើកទី៣។ ៥-ពិនិត្យ ពិភាក្សា និងអនុម័តលើការស្នើសុំបន្តអាណត្តិទី២ របស់អភិបាល អភិបាលរង ក្រុង ស្រុកក្នុងដែនសមត្ថកិច្ចដដែល។ ៦-បញ្ហាផ្សេងៗ។

នាព្រឹកថ្ងៃទី១១ ខែមិថុនា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញចូលរួមក្នុងកិច្ចប្រជុំប្រឹក្សាយោបល់ និងចុះពិនិត្យទីតាំងគម្រោង សម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP) ក្រោមអធិបតីភាព ឯកឧត្តម ហេង ណន រដ្ឋលេខាធិការក្រសួងសាធារណការ និងដឹកជញ្ជូន នៅសាលប្រជុំសាលាខេត្ត។ ក្នុងកិច្ចប្រជុំនេះដែរក៏មានការអញ្ជើញចូលរួមពី ឯកឧត្តម លោកជំទាវ អនុរដ្ឋលេខាធិការ, លោក នាយកទីចាត់ការអន្តរវិស័យសាលាខេត្ត, លោក នាយករងទីចាត់ការផែនការ និងវិនិយោគសាលាខេត្ត, អភិបាលរងក្រុង, ប្រធាន និងអនុប្រធានមន្ទីរពាក់ព័ន្ធ, តំណាងធនាគារ AIIB និងតំណាងក្រុមហ៊ុន Kunhwa ផងដែរ។

កិច្ចប្រជុំពិភាក្សាការងារ ដើម្បីចុះត្រួតពិនិត្យ និងវាយតម្លៃគុណភាពសេវា និង ការអនុវត្តមុខងារដែលបានប្រគល់ឱ្យរដ្ឋបាលខេត្ត ក្នុងការគ្រប់គ្រងមណ្ឌលថែទាំកុមាររបស់រដ្ឋ នៅក្នុងខេត្តកំពង់ចាម លោកជំទាវ ប៉ាង ដានី អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងឯកឧត្តម អុល រ៉ូ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិ សម្បទា បានអញ្ជើញជាគណៈអធិបតីក្នុងកិច្ចប្រជុំពិភាក្សាការងារ ដើម្បីចុះត្រួតពិនិត្យ និងវាយតម្លៃគុណភាពសេវា និង ការអនុវត្តមុខងារដែលបានប្រគល់ឱ្យរដ្ឋបាលខេត្ត ក្នុងការគ្រប់គ្រងមណ្ឌលថែទាំកុមាររបស់រដ្ឋ នៅក្នុងខេត្តកំពង់ចាម នាព្រឹកថ្ងៃទី១១ ខែមិថុនាឆ្នាំ២០២៦ នៅសាលប្រជុំសាលាខេត្តកំពង់ចាម។ កិច្ចប្រជុំនេះក៏មានការអញ្ជើញចូលរួមពីប្រតិភូអមដំណើរ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ប្រធានមណ្ឌលថែទាំកុមារ និងមន្ត្រីជំនាញពាក់ព័ន្ធជាច្រើនរូបផងដែរ។ ឯកឧត្តម អុល រ៉ូ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិ សម្បទាបានមានប្រសាសន៍ថាកិច្ចប្រជុំក្នុងថ្ងៃនេះមានសារៈសំខាន់ណាស់ ដោយពិនិត្យមើលស្ថានភាពជាក់ស្តែងនៃការរស់នៅ របបអាហារ សុខភាព អនាម័យ សុវត្ថិភាព និងការទទួលបានការអប់រំរបស់កុមារនៅក្នុងមណ្ឌល ដើម្បីឱ្យស្របទៅតាមស្តង់ដារបច្ចេកទេស និងបទដ្ឋានគតិយុត្តជាធរមាន។ ឯកឧត្តមបានបន្តទៀតថាបន្ទាប់ពីកិច្ចប្រជុំពិភាក្សានេះ ក្រុមការងារចម្រុះថ្នាក់ជាតិ និងថ្នាក់ក្រោមជាតិ នឹងចាប់ផ្តើមចុះពិនិត្យទីតាំងមណ្ឌលថែទាំកុមាររបស់រដ្ឋនៅក្នុងខេត្តកំពង់ចាមផ្ទាល់ ដើម្បីធ្វើរបាយការណ៍បូកសរុប និងរៀបចំផែនការសកម្មភាពបន្ត ក្នុងទិសដៅលើកកម្ពស់សុខុមាលភាព និងឧត្តមប្រយោជន៍របស់កុមាររងគ្រោះ និងងាយរងគ្រោះឱ្យមានចីរភាព។ នាឱកាសនោះដែរ លោកជំទាវ ប៉ាង ដានី អភិបាលរងខេត្ត បានថ្លែងអំណរគុណយ៉ាងជ្រាលជ្រៅចំពោះឯកឧត្តម រដ្ឋលេខាធិការ និងប្រតិភូអមដំណើរទាំអស់ដែលអញ្ជើញមកចុះត្រួតពិនិត្យ និងវាយតម្លៃគុណភាពសេវា និងការអនុវត្តមុខងារដែលបានប្រគល់ឱ្យទៅរដ្ឋបាលរាជធានី ខេត្ត លើការគ្រប់គ្រងមណ្ឌលកុមារកំព្រារបស់រដ្ឋ ក្នុងខេត្តកំពង់ចាម។

អភិបាលខេត្តកំពង់ចាម អះអាងថា យើងត្រូវបន្តខិតខំឱ្យបានល្អទៅមុខទៀត កុំឱ្យ Online Scams បំផ្លាញអនាគតយុវជន និងប្រទេសជាតិរបស់យើង (កំពង់ចាម): អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានអះអាងថា ពីមុនមកល្អហើយ ប៉ុន្តែយើងត្រូវបន្តខិតខំឱ្យបានល្អទៅមុខទៀត ធ្វើយ៉ាងណាកុំឱ្យ (Online Scams) បំផ្លាញអនាគតយុវជន និងប្រទេសជាតិរបស់យើង ថ្លែងបែបនេះក្នុង កិច្ចប្រជុំសាមញ្ញលើកទី២៥ អាណត្តិទី៤ របស់ក្រុមប្រឹក្សាខេត្តកំពង់ចាម នាព្រឹកថ្ងៃទី១១ ខែមិថុនា ឆ្នាំ២០២៦ ក្រោមវត្តមានឯកឧត្តម ខ្លូត ផន ប្រធានក្រុមប្រឹក្សាខេត្ត ។ ក្នុងឱកាសនោះដែរ ឯកឧត្តមអភិបាលខេត្ត បានថ្លែងថា ដោយបានដាក់ចេញញនូវ ផែនការជាយុទ្ធសាស្ត្រ កំណត់ និងគ្រប់គ្រងបាននូវបណ្តាទីតាំង ដែលសង្ស័យមានការ ប្រមូលផ្តុំមនុស្សរស់នៅប្រកបអាជីវកម្មផ្សេងៗ ជាលទ្ធផលធ្វើឱ្យក្នុងភូមិសាស្ត្រខេត្តកំពង់ចាម់​ ពុំមានទីតាំងបទល្មើសឆបោកតាមប្រព័ន្ធបច្ចេកវិទ្យាទេ ទាំងនេះ អាស្រ័យដោយយើងបានចាត់វិធានការណ៏នានាជាប់ជាប្រចាំពីចម្ងាយ កំណត់គោលដៅមុន ចុះពិនិត្យ និងពង្រាយកម្លាំងតាមគោលដៅ ដែលនឹងអាចមានការហើរចូលពី ខាងក្រៅនូវមុខសញ្ញាសង្ស័យបានទាន់ពេលវេលា ។ ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាក់ថា ការងាររដ្ឋបាលចំហរតាមដងផ្លូវសាធារណៈ កម្លាំងជំនាញយើងបានធ្វើការបង្ក្រាបបទល្មើស ៧លើក ឃាត់ខ្លួនមនុស្ស ៥៨នាក់ ដែលជាជនជាតិចិនធ្វើដំណើរចូលក្នុងខេត្តកំពង់ចាម ដោយគ្មានលិខិតឆ្លងដែន (ខុសច្បាប់) បញ្ជូនខ្លួនទៅអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ។ ជាមួយគ្នានោះ ឯកឧត្តមអភិបាលខេត្ត​ បានសង្កត់ធ្ងន់ថា​ ជាបទពិសោធន៍ក្នុងការអនុវត្តការងារប្រឆាំង បទល្មើសឆបោកតាមប្រព័ន្ធបច្ចេកវិទ្យា (Online Scams) បន្ទាប់ពីទទួលបានបទបញ្ជា លេខ០១ និង អនុក្រឹត្យលេខ០៣របស់រាជរដ្ឋាភិបាលកម្ពុជា​ គណៈបញ្ជាការឯកភាពរដ្ឋបាលខេត្ត បានច្បាមជាប់នៅនឹងដៃ និងឈានទៅគ្រប់គ្រងភ្លាមៗ នូវគោលដៅសំខាន់ៗចំនួន ៤០២ទីតាំង និងកន្លែងផ្សេងៗ ៧១៤ទីតាំង រួមទាំងដាក់ចេញនូវ វិធានការផ្សព្វផ្សាយ ចំនួន ២៧៧៦លើក ផងដែរ ៕

អភិបាលខេត្តកំពង់ចាម ជំរុញឱ្យសហគមន៍ទុរេនស្រុកស្ទឹងត្រង់ ជួយទប់ស្កាត់ការនាំចូលទុរេន ពីប្រភពខាងក្រៅ ដើម្បីរក្សាតម្លៃរបស់ខ្លួនឲ្យបានគង់វង្ស (កំពង់ចាម): ដើម្បីលើកកម្ពស់តម្លៃកសិផលក្នុងស្រុក និងទប់ស្កាត់ការក្លែងបន្លំ ការនាំចូលពីប្រភពខាងក្រៅ ដែលឈានទៅរកការបាត់បង់តម្លៃកសិផលរបស់ខ្លួន, ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានផ្តល់ការណែនាំដល់បងប្អូនប្រជាកសិករ និងសហគមន៍ដាំទុរេនក្នុងស្រុកស្ទឹងត្រង់ ឱ្យរួបរួមគ្នា ជួយទប់ស្កាត់ការនាំចូលទុរេន ពីប្រភពខាងក្រៅ ក្នុងនោះត្រូវបង្កើតជា "ស្លាកសញ្ញាសម្គាល់ផលិតផល" ឱ្យបានច្បាស់លាស់ ដើម្បីរក្សាតម្លៃរបស់ខ្លួនឲ្យបានគង់វង្ស។ ឯកឧត្តម ថ្លែងបែបនេះ ក្នុងកិច្ចប្រជុំ សាមញ្ញលើកទី២៥ អាណត្តិទី៤ របស់ក្រុមប្រឹក្សាខេត្ត នាព្រឹកថ្ងៃទី១១ ខែមិថុនា ឆ្នាំ២០២៦។ ឯកឧត្តម អភិបាលខេត្ត បានសង្កត់ធ្ងន់ថា ទុរេនស្រុកស្ទឹងត្រង់ គឺជាកសិផលដែលមានសក្តានុពលខ្ពស់ និងមានរសជាតិឆ្ងាញ់ពិសាដែលទទួលស្គាល់ដោយអ្នកបរិភោគទូទៅ។ ទោះជាយ៉ាងណា កន្លងមកមានការយកឈ្មោះទុរេនស្ទឹងត្រង់ទៅប្រើប្រាស់លើទុរេនដែលនាំចូលពីក្រៅតំបន់ ដែលធ្វើឱ្យប៉ះពាល់ដល់កេរ្តិ៍ឈ្មោះ និងតម្លៃទីផ្សារពិតប្រាកដ។ ឯកឧត្តមអភិបាលខេត្ត បានណែនាំដល់ក្រុមសហគមន៍ ជំរុញឱ្យសហគមន៍សហការជាមួយមន្ទីរជំនាញ ដើម្បីបង្កើតឡូហ្គោ (Logo) និងស្លាកសញ្ញាសម្គាល់ដែលបញ្ជាក់ពីប្រភពដើម "ទុរេនស្ទឹងត្រង់"។ ណែនាំឱ្យមានការប្រើប្រាស់ ស្លាក QR Code បិទលើផ្លែទុរេននីមួយៗ ដើម្បីឱ្យអតិថិជនងាយស្រួលស្កេនពិនិត្យប្រភពចម្កា។ ក្នុងនោះ មន្ទីរកសិកម្ម រុក្ខាប្រមាញ់និងនេសាទខេត្ត ត្រូវធ្វើការណែនាំជូនដល់បងប្អូនប្រជាពលរដ្ឋឲ្យប្រកាន់ខ្ជាប់នូវការដាំដុះតាម

សេចក្ដីប្រកាសព័ត៌មាន ស្ដីពីការបែងចែកប្រាក់រង្វាន់ជូនមន្ត្រី និងបុគ្គលិក នៃរដ្ឋបាលខេត្តកំពង់ចាម សម្រាប់ខែឧសភា ឆ្នាំ២០២៦

ដើម្បីបញ្ជ្រាបការយល់ដឹងទៅដល់មូលដ្ឋាន និងម្ចាស់ទីតាំងអាជីវកម្មនានាតាមបណ្តាលស្រុក-ក្រុងទាំង១០នៃ​ខេត្តកំពង់​ចាម និងធានាសុវត្តិភាព ដល់ដំណើរការអាជីវកម្មប្រកបរបរទទួលទាន ស្របតាមអនុក្រឹត្យណែនាំលេខ០៣ របស់រាជរដ្ឋាភិបាល និងច្បាប់ស្តីពីការប្រយុទ្ធប្រឆាំង ការឆបោក តាម ប្រព័ន្ធបច្ចេកវិទ្យាOnline Scams។ នៅរសៀលថ្ងៃទី១០ ខែមិថុនា ឆ្នាំ២០២៦ ឯកឧត្តម សា ស៉ីថា អភិបាលរងខេត្ត តំណាងឯកឧត្ដម អ៊ុន ចាន់ដា អភិបាលខេត្តកំពង់ចាម បានដឹកនាំកងកម្លាំងសមត្ថកិច្ច​ និងអាជ្ញាធរពាក់ព័ន្ធ បន្តចុះត្រួតពិនិត្យទីតាំងមួយចំនួន និងផ្សព្វផ្សាយច្បាប់ និងលិខិតបទដ្ឋានគតិយុត្តសំខាន់ៗ នៅក្នុងភូមិសាស្ត្រស្រុកកោះសូទិន។

ឯកឧត្តម ហ៊ុន ម៉ានី អញ្ជើញប្រកាសទទួលស្គាល់ប្រធានគណៈកម្មាធិការ ស.ស.យ.ក ខេត្តកំពង់ចាម

មន្ទីរបរិស្ថានខេត្តកំពង់ចាម បានរៀបចំប្រារព្ធទិវាបរិស្ថានជាតិ និងបរិស្ថានពិភពលោក ៥ មិថុនា ក្រោមប្រធានបទ «សំណល់សូន្យ Zero Waste» នៅថ្ងៃទី១០ ខែមិថុនា ឆ្នាំ២០២៦ ឯកឧត្តម គន់ សុភា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមពិធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា ក្រោមប្រធានបទ «សំណល់សូន្យ Zero Waste» ចូលរួមសហការពីរដ្ឋបាលស្រុកស្ទឹងត្រង់ និងមានការឧបត្ថម្ភពី «អង្គការសម្អាតទន្លេ សមុទ្រ River Ocean Clean Up» ព្រមទាំងមានការនិមន្ត ចូលរួមពីព្រះសង្ឃ និងមន្ត្រីរាជការ កងកម្លាំងប្រដាប់អាវុធ សសយក កាកបាទក្រហម កាយរិទ្ធ និងប្រជាពលរដ្ឋផងដែរ។ ក្នុងកម្មវិធីប្រារព្ធទិវា ៥ មិថុនា នេះផងដែរ ក៏មានកម្មវិធីសំណួរ-ចម្លើយ ដោយមានរង្វាន់លើកទឹកចិត្តដល់អ្នកចូលរួម(រង្វាន់មាន ប៊ិច សៀវភៅ ឆ័ត្រ និងដបទឹក)។ បន្ទាប់ពីកម្មវិធីប្រារព្ធទិវា ខាងលើ ក៏មានសកម្មភាពដើររើសសំរាម និងសម្អាតតាមច្រាំងទន្លេ មុខសួនច្បារសាលាស្រុកស្ទឹងត្រង់ ដើម្បីជាសកម្មភាពក្រើនរំលឹកដល់ស្មារតីយុវជន ប្រជាពលរដ្ឋចូលរួមចំណែកក្នុងទុកដាក់សំរាមឱ្យបានត្រឹមត្រូវ និងចូលរួមកាត់បន្ថយការប្រើប្រាស់ប្លាស្ទិក។