BelKantent

⚡️СТРЫМ⚡️ Сёння працягнем з Gravity Rush Remastered на Playstation5 (эксклюзіў для плятформы). Лямпавую і прыемную гульню ў стылі японскіх коміксаў. А потым перойдзем на РС - супрацьлеглую Condemned:Criminal Origins -атмасферна-змрочную, гнятучую, але не меньш цікавую. Завітвайце недзе праз гадзіну -паўтары. P.S. І там і там заўважаны коткі. https://www.twitch.tv/lepus81

⚡️Стрым!⚡️ Завітвайце праз хвілін 20, пашастаем па ўсякіх закінутых месцах і крыху папалохаемся ці пасмяемся з палахлівага стрымеру. І паспрабуем даследваць, чаму мруць птушкі і вырасла колькасць забойстваў у атмасферы гэтага татальнага заняпаду. https://www.twitch.tv/lepus81

З рубрыкі "Мія рэкамендуе"! 😸 Можа хто не ведаў, але ў стыме ёсць бясплатныя заліпальныя гульні-размалёўкі, дзе трэба шукаць коцікаў, на чорна-белым фоне. Дык вось, на днях адбыўся рэліз новай гульні ад 100 Cozy Games - 100 Space Cats, якая выкананая ўжо ў каляровай палітры (што прыйшлося не да густу аматарам і фанатам папярэдніх гульняў студыі) Але нішто не перашкаджае праверыць, як атрымалася. Таксама іншая студыя Noobzilla выпусціла бясплатна дзве свае гульні Cats and Seek : Osaka і Cats and Seek : Kyoto. Шукаем коцікаў у гарадах Японіі. Галоўная асаблівасць, што гульні БЯСПЛАТНЫЯ, і ў іх можна даць пагуляць дзецям, напрыклад, каб яны развівалі ўважлівасць, густ і любоў да сяброў нашых меньшых. Таму ніжэй я прымацую дзве спасылкі на ўсе гульні двох студый, што зацікавіць - дадавайце ў свае бібліятэкі Steam 100 Cozy Games - 100 Cats (можна прагартаць старонку ўніз і дадаць у сваю бібліятэку гульні з рэлізаў) Noobzilla - Cats & Seek

Спадарства! Мы (група аўтараў беларускага кантэнту ў ТГ) рады прадаставіць вам распрацаваную намі папку «Кантэнт 1.0». Мы сабралі для вас шмат цікавых каналаў, на самыя розныя тэмы ад класічных мемаў да сэкс-асветы. Мы спадзяёмся, што гэта прапанова вас зацікавіць. (Не хвалюйцеся "экстрыму" сярод прапанаванага няма!!!) https://t.me/addlist/mYJofajf5HFmM2Vi https://t.me/addlist/mYJofajf5HFmM2Vi https://t.me/addlist/mYJofajf5HFmM2Vi Калі нехта жадае далучыцца да падборкі (незалежна ад колькасьці падпісантаў) зьвяртайцеся сюды ў "Прышпільныя коміксы": @pryshpilny_bot

Вытворцы NAND памяці павялічывюць вытворчасць чыпаў. Пасля невясёлых навін у пачатку года аб змяншэнні вытворчасці чыпаў памяці і росце цэнаў на цвёрдацельныя назапашвальнікі, нарэшце з'явіліся добрыя навіны. Выратванне прыйшло адкуль не чакалася. Попыт на флэш-памяць прыйшоў ад цэнтаў апрацоўкі дадзеных АІ. Samsung Electronics, і SK Hynix пачалі аднаўляць тэмпы вытворчасці NAND, хоць раней яны зніжалі сваю магутнасць з-за перанасычанасці чыпамі, што прыводзіца да зніжэння цэнаў і фінансавых страт. Так яны знізілі вытворчасць на 30%, а Micron на цэлых 50%, што выклікала ў выніку рост цэнаў у 2024 годзе. Летам мінулага года можна было набыць адзін з флагманскіх якасных NVME SSD (на скрынах) аб'ёмам 2Tb ад 100 еўра, цэны да вясны 2024 года выраслі на іх прыблізна да 200 Еўра, але зараз можна замовіць WD SN850X 2Tb за 149Еўра на amazon.de і пачакаць да пачатку ліпеня дастаўкі. Яўна гэта SSD з новых партый памяці па ўжо больш нізкай цане, улічваючы тэрмін чакання. Як и які NVME SSD выбраць чакайце ў артыкуле.

🗣Чуткі: Новы флагман Ryzen 9 9950X можа каштаваць танней папярэднікаў і выйсці ўжо ў канцы ліпеня. Адзін з канадскіх рэтэйлераў паказаў цану і дату пачатку продажу новых працэсараў AMD Ryzen 9000 "Granit Ridge" але хутка прыбраў прапанову. З гэтага выцеку стала вядома дата - 31 ліпеня і цана, прыблізна 610 даляраў ЗША. Гэта танней, чым кошт ранейшых флагманаў Zen4. Ryzen 7950X і 7950X3D каштавалі па 699$ даляраў ЗША на старце. Падцверджанні аб даце старту продажаў прыходзяць і з іншых крыніц. Амерыканскі рэтэйлер B&H Photo Video таксама паказаў дату продажу 31 ліпеня. Адно цікава, AMD аб'явяць самі афіцыйна цэны і дату, ці гэта будзе так пакрысе праходзіць па чутках ад іх партнёраў? Меньшая цана навінак Zen5 можа сведчыць аб тым, што вялікіх распродажаў на Zen4 можа і не быць. Але інтрыга захоўваецца, засталося чакаць каля шасці тыдняў.

ЗША ўвялі санкцыі супраць вытворцы DeepCool за продаж прадукцыі ў расію. У гэту сераду Дзярждэпартамент ЗША абвясціў аб уводзе санкцый у дачыненні да кампаніі Beijing DeepCool Industries, папулярнага вытворцы корпусаў для РС, паветраных і вадкасных сістэм ахалоджання і блокаў сілкавання. Кампанія падазраецца ў тым, што паставіла ў расію тавараў на суму болей 1 млн. $ ЗША, якія маглі быць выкарыстаны ў вядзенні ваенных дзеянняў супраць Украіны. Прадстаўніцтву DeepCool у ЗША, магчыма, прыйдзецца неадкладна спыніць усе продажы, але на сёняшні дзень у буйнейшых крамах Amazon і Newegg усё яшчэ можна набыць прадукцыю DeepCool. Дрэнная навіна можа быць для тых, хто набыў прадукцыю вытворцы, бо 99%, што яны застануцца без пасляпродажнай падтрымкі. Кампанія прадстаўнік, як і іншыя юрыдычныя і фізічныя асобы таксама не змогуць весці дзейнасць з кітайскім вытворцам, набываючы іх прадукцыю. У Еўропе прадукцыю DeepCool можна свабодна набыць на гэты момант і пад санкцыі яны пакуль што не трапілі.

⚡️СТРЫМ-ДАЙДЖЭСТ⚡️ Прывітанне! Кароткі дайджэст аб бліжэйшых стрымах. 1. Мы скончылі на стрымах шыкоўную старую гульню XIII (не блытаць з нізкаякасным рэмастарам 2020 года) і сёня пачнем на Sony Playstation 5 - рэмастар эксклюзіва з PS Vita Gravity Rush (лямппава і спакойна) 2. Потым вечарам на РС запусцім Condemned: Criminal Origins містычна-жахлівы экшан, дзе валасы дыбам, а змагацца прыйдзецца з антысацыяльнымі элементамі спадручнымі сродкамі ў жахлівай атмасферы. Распрацоўшчык яе, вядомыя і згінуўшыя Monolith, якія пасля яшчэ паспелі выпусціць серыю гульняў F.E.A.R 3. Ну і апошняя разынка - Bodycam - рэалістычны (як у жыцці, глядзіце скрыншот) шутэр, з якім у мяне ўзніклі тэхнічныя праблемы, але спадзяюся выправіць, і абяцаю паказаць на стрыме. Плюсы - неверагодна складана, мінусы - тэхнічна вельмі недасканала і глючна. Завітвайце: https://www.twitch.tv/lepus81

Новы фармат модуляў аператыўнай памяці CAMM2 заваёўвае дэсктопны сегмент. Вытворцы мацярынскіх плат MSI, Asus і Asrock зацікавіліся новым тыпам RAM модуляў. CAMM2 (Compression Attached Memory Module) гэта ўжо другая рэвізія стандарта, які існуе ў двух варыяцыях - у прамаывугольнай версіі - для цэнтраў апрацоўкі дадзеных і ў выглядзе вуглаватых модулей LPCAMM2, якія прызначаны для лаптопаў (можаце бачыць на скрыншоце ўверсе ў варыянце ад GeiL) Сэнс замены звычайнай U-DIMM, да якой мы ўсе прызвычаіліся, на кампактны варыянт, які эканоміць месца ў гарызантальнай і вертыкальнай плоскасці і дазваляе лепш ахалоджваць RAM (пры разгоне), паставіўшы, напрыклад, вадкасны радыятар. На другім скрыншоце вы бачаце варыянт мацярынскай платы MSI Project Zero з CAMM2 модулем, інжынеры вытворцы бачаць толькі плюсы ў такіх модулях, бо іх выкарыстанее здыме праблему вялікіх паветраных кулераў, якім высокія U-Dimm часта перашкаджалі. Тры буйныя вытворцы памяці Micron, Samsung, Hynix падцвердзілі ўдзел у распрацоўках.