Dr. Estifanos(MD, Psychiatrist)-ዶ/ር እስጢፋኖስ

Join us

🌸 የእናቶች ቀን ልዩ ፕሮግራም 🌸 ሁላችሁንም  ተጋብዛችኋል “ከእናት ማጣት በኋላ ከሀዘን ማገገም፤ ያልተነገሩ የሀዘን ስሜቶችን መረዳትና መፍታት” 💔 እናትን ወይም የእኛ  የምንለቸዉን ሰዎች ማጣት ከፍተኛ  ጥልቅ ሀዘን ነው 👩🎤ተጋባዥ እንግዶች፡  እሌኒ ክንፉ • የስነ ልቦና ባለሙያ • በካውንስሊንግ ሳይኮሎጂ ማስተርስ • የወላጅነት ስልጠና አሰልጣኝ • Healing with Eleni መስራች         🎯 ፕሮግራሙ ✔️  ሙያዊ ድጋፍ  የሚያገኙበት ✔️ ሐዘንን መረዳት እና መቀበል ✔️ ስለሀዘን ያልተነገሩን ግን እያለፍንባቸው ያሉ ሰሜቶች   ✔️የማያፅናኑን ማፅናኛዎች ✔️ የጤናማ መፅናኛ መንገዶች ✔️ ከሐዘን ወደ  ትርጉም  ወዳለዉ  ህይወት  መጓዝ 📅 ቀን: እሁድ ግንቦት  2/2018 ⏰ ሰዓት: ምሽት 12:00 📍 መድረክ: https://t.me/TizuPsychology     👩🎤 መድረክ አወያይ ሳይኮሎጂት ትዝታ አየለ #የእናቶች_ቀን #ሐዘን_መፅናናት #MentalHealth #HealingJourney

ከሱስ ህክምናዎች መሃል አንዱ የ ቡድን ስነልቦና ህክምና ነው:: 'ሌላሰው' በተሰኘው የዶ/ር ምህረት ደበበ መጽሃፍ ላይ ያገኘሁትን ኤና ስለዚህ ህክምና የተሻለ ያስረዳል ብዬ ያሰብኩትን ክፍል ላጋራችሁ ወደድኩ:: መጽሃፉን እንድታነቡት እመክራለሁ::

Join us

የግንቦት ወር የአዕምሮ ጤና ግንዛቤ ማስጨበጫ ወር ነው:: ለመሆኑ 'አዕምሮ' ምንድን ነው? አዕምሮ በሌላ ስያሜው ሩህ፣ ልቡና፣ ነብስ በመባል ይታወቃል:: የአዕምሮ/ነብስ አረዳድ በፍልስፍናው አለም፣ በሃይማኖቶች፣ በሳይንሱ..የተለያየ ሁኖ እናገኘዋለን:: ለምሳሌ በክርስትና አስተምህሮ ነብስ ረቂቅ እንደሆነች ይታመናል፤ የነብስ ባህርያት የሚባሉትም የሚከተሉት ናቸው:- ለባዊነት:- ማሰብ፣ ማሰላሰል የምትችል ነባቢነት:- መናገር፣ መግባባት የምትችል ህያዊት:- ዘላለማዊነት/ኢ-መዋቲነት የሆነች ** የሳይንሱ እና የፍልስፍናው አለም በቁስ-አካል(Body) Vs አዕምሮ(Mind) ጉዳይ በ Dualism(ምንታዌ) እና Monoism(አንድነት) ጽንሰሃሳብ ተከፍሏል:: ሳይንስ የ Monoism ጽንሰሃሳብን በመከተል አዕምሮ ማለት የአንጎል(የ Brain) የስራ ውጤት(out put) እንደሆነ ያምናል::   አዕምሮ ስንል Though:- ማሰብ/መረዳታችን: Feeling/Emotion :- ስሜታችንን Behavior:- ባህርያችን፣ አድራጎታችን ይመለከታል:: ከላይ የተጠቀሱት ባህርያት ደግሞ የአንጎል የስራ ውጤት እንደሆኑ ማስረዳት ተችሏል:: ስለዚህ አዕምሯችን ደህና ለመሆን አንጎላችን ደህና መሆነን እና ስራውን በአግባቡ መስራት ይኖርበታል::  በአንጻሩ አካል(አንጎል) ሲታመም የአዕምሮ ህመም ያጋጥመናል:: ይህም በአስተሳሰብ፣ በስሜት እና በባህርይ ልክ አለመሆን ይገለጻል:: አንጎል በተለያዩ ምክንያቶች ስራው ሊስተጓጎል ይችላል:: እናንተስ አዕምሮ/ነብስን እንዴት ትረዱታላችሁ? ዶ/ር እስጢፋኖስ እንዳላማው- የአዕምሮ ህክምና ስፔሻሊስት

Take a look at my Canva design!

የመጽሃፍ ግብዣ የመጽሃፉ ርዕስ- የሁሉ ደራሲ- ዶ/ር ዳዊት አሰፋ( የአዕምሮ ህክምና ስፔሻሊስት) ዶ/ር ዳዊት አሰፋ በሙያቸው የአዕምሮ ህክምና ስፔሻሊስት ሲሆኑ፤ በሙያው ከአስር አመት በላይ ልምድ ያላቸው አንጋፋ ባለሙያ ናቸው:: ከክሊኒካል ስራቸው ባሻገር: በአማኑኤል የአዕምሮ ስፔሻሊስት ሆስፒታል እና በኤካ ኮተቤ ሆስፒታል አገልግለዋል:: በአሁኑ ሰዓት በኤካ ኮተቤ ሆስፒታል ባልደረባዬ ናቸው:: የዶ/ር ዳዊት አሰፋን መጽሃፍ እንድናነበው እና እንድንወያይበት ስጋብዛችሁ በታላቅ ደስታ ነው:: መልካም ንባብ!

ደህንነት/ Wellness 🔹🔹🔹 እንደ አለም የጤና ድርጅት ብያኔ: አንድ ሰው ጤነኛ ነው የሚባለው አካላዊ፣ ስነልቦናዊ/አዕምሯዊ እና ማህበራዊ ጤንነቱ ሲጠበቅ ነው:: ህመም ወይንም አካላዊ እክል የለብንም ማለት ጤነኛ ነን ማለት እንዳልሆነ ይጠቁማል:: በስነልቦናው አለም ህይወት ደህንነቷ ምሉዕ እንዲሆን የሚከተሉት ጉዳዮች ከግምት ውስጥ ይገባሉ: 1:- ጤናማ መንፈሳዊ ህይወት (Spirituality):- ይህ አምድ በሃይማኖትም ይሁን ያለ ሃይማኖት የሚኖሩ መንፈሳዊ ክዋኔዎችን ይመለከታል:: አምልኮ፣ ምስጋና፣ ዮጋ፣ ሜዲቴሽን፣ ውስጥን ማድመጥ.. የመሳሰሉትን ክዋኔዎች ተጠቅሞ መንፈሳዊ ተግባርን መከወን ይቻላል:: በነገራችን ላይ መንፈሳዊነት የኑባሬ ጥያቄዎቻችንን(existential questions) ያስታግስልናል ብዬ አስባለሁ:: 2:- አካላዊ ጤኔነት(body):- ይህንንም ስፖርት መስራት፣ የተመጣጠነ ምግብ በመመገብ፣ በቂ እረፍት በማድረግ፣ ህመም ካለም በመታከም እና በመሳሰሉት ክዋኔዎችን መፈጸም ይቻላል:: 3:- ጤናማ የሆነ የስራ ከባቢ እና ተያያዥ ስኬቶች (Job/work/achievement):-  ሲግመንድ ፍሮይድ የሰው ልጅ ሁለት አበይት ጉዳዮች ያስፈልጉታል ይላል፤ መስራት እና ማፍቀር/መፈቀር😉😊 የምንወደውን ስራ እየሰራን ከሆነ: የሰራነውን ያህል እያገኝን ከሆነ: ለሰራነው ስራ እውቅና አያገኘን ከሆነ፣ የስራ እና ሌሎች የህይወት መስኮቻችን ሚዛናቸውን ጠብቀው እንደሆነ(Work life balance).. ስራችን ጤናማ መሆኑን ይጠቁማል:: አልያ ስራችን ለ Burnout ሊያጋልጠን ይችላል:: 4- ጤናማ ማህበራዊ ህይወት:- የሰው ልጅ ማህበራዊ እንስሳ ነው ይባላል:: ምን እንኳን በራስ መተማመን ቢኖረን እና ጠንካሮች ብንሆን.. ባንድም በሌላም መልኩ የሌሎችን እገዛ መሻታችን አይቀርም:: መቆም ከሌሎች ጋር ነው!  ይህም ማህበራዊ ህይወታችን ከቤተሰብ፣ ከጓደኛ፣ ከፍቅረኛ፣ ከጎረቤት እና ወዘተ..ጋር የሚኖረንን ግንኙነት ይመለከታል:: 5- ጤናማ አዕምሮ/ልቡና:- ይህም የሚሆነው ጤነኛ አስተሳሰብ፣ ስሜት፣ እና ባህርይ ሲኖረን ነው:: አሻም አሻም! ዶ/ር እስጢፋኖስ እንዳላማው- የአዕምሮ ህክምና ስፔሻሊስት ለበለጠ መረጃ:- Telegram:- https://t.me/DrEstif facebook:- https://www.facebook.com/DrEstif

Virtuous/ communal Narcissist( (ደግ መሳይ ራስ ወዳዶች) አንዳንድ ናርሲሲስቶች 🔹ደግ መስለው ለመታየት ይሞክራሉ 🔹መካሪዎች እና አነቃቂዎች ናቸው 🔹በበጎ ስራዎች ላይ ይሳተፋሉ 🔹ሃይማኖተኞች እና ሰው አክባሪዎች መስለው ይኖራሉ(በነገራችን ላይ የሃይማኖት ተቋማት ለ Narcissistic ሰዎች ምቹ ናቸው.. ጥቅስ እያጣቀሱ  እና hypnotize እያደረጉ ምዕመኑን ሰጥ ለጥ አድርገው እንዲታዘዛቸው ማድረግ ስለሚያስችሏቸው) ግን.. ይህ ሁሉ ከልባቸው አይደለም፤ የማስመሰል እንጂ! እንዲህ የሚያደርጉት ደግ ስለሆኑ ሳይሆን የሰዎችን ቅቡልነት ለማግኘት ሲሉ ነው:: ሰውን መልካም በመምሰል ደልለው የውስጣቸውን መሻት ለመፈጸም:: That is Their way of manipulation. (እዚህ ጋር አንድ ወሳኝ ጥያቄ መጠየቅ ይኖርብናል.. Altruistic(ምግባረ ሰናይነት) ከምን ይመነጫል? የምር ሰዎች የሚያገኙት ጥቅም ሳይኖር ሌሎችን እንዲሁ ሊረዱ የሚችሉበት አግባብ ይኖርን? መጠኑ ይለያያል እንጂ ሁላችንም ስንረዳ መልካም ለመባል አይደለምን?.. የ virtuous narcissism ትንሽ ለየት ይላል..) ደግሞም...አያንዳንዷን የበጎ አድራጎት ስራዎቻቸውን በደምብ ያስወራሉ:: እጃቸውም ሆነ ልባቸው የሚፈታው በካሜራ ፊት ሲሆኑ ነው:: ውለታ ይቆጥራሉ:: የተበደሉ ወይንም የተገለሉ ሲመስላቸው እንዲህ አድርጌላችሁ.. ብለው ማልጎምጎም እና ማገሰጻቸው የማይቀር ነው:: የበጎነት ስራዎቻቸውን ኋላ ላይ ቆጥረው ይረከቧችኋል.. 'በጎነታቸው' አላማው የሰዎችን ቅቡልነት ማግኘች፣  'ጥሩ ናቸው' ተብለው መወደስ ነውና::  ይህ External validation ውስጣዊ ባዶነታቸውን በተወሰነ መልኩ ይሞላላቸዋል:: እውነት እና ንጋት እያደር ይጠራል እንደሚባል ሁሉ.. ከጊዜያት በኋላ የተደበቀው ማንነታቸው መገለጥ ይጀምራል.. እብሪት እና ከኔ ወዲያ ላሳር ማለት ይጀምራሉ:: አንዳንድ ሰዎች የቀደመ 'መልካም መሳይ' ባህሪያቸውን አስበው ሊከራከሩላቸው ይሞክራሉ.. እነሱም እነዚህን የሚከራከሩላቸውን ሰዎች አደላድለው ይይዟቸዋል..እንዲያ ነው እንግዲህ ነገሩ:: መውጫ: ያው እነዚህ ሰዎች Narcissistic ለመሆን አቅደው እና አልመው አይደለም የሆኑት..አንድም ይህ ባህሪያቸው የስነልቦና ችግራቸውን ለማስታገስ የሚጠቀሙት defense እንደሆነ ይታመናል.. የስነልቦና ህክምና ማግኘታቸው አንድም ይህን ስምም ያልሆነ ራስን የማግዘፍ እና ሌሎችን የማናናቅ ባህሪያቸውን እንዲያጤኑት፣ ሲልም እንዲያስተካክሉት ይረዳቸዋል:: አሻም አሻም! ዶ/ር እስጢፋኖስ እንዳላማው: የአዕምሮ ህክምና ስፔሻሊስት

ያልመረጣችሁ ሊንኩን በመጫን ድምጽ መስጠት ትችላላችሁ