Sahe | ساهـی

وردە وردە ڕۆژانی پڕ عیشق و جوانیت پڕ لە فێڵی میهرەبانیت لە یادمدا وەختە دەمرێ! لە ئێستاوە چیتر بگری بۆ ئەو ڕۆژەی کەوا خوداش پشتم دەگرێ! ساهی,

لەشەپۆلی کامە دەریاو لە هاژەی کام تاڤگە ئەچی ؟ هێندە جوانی ئەوکاتانەی کە هەڵدەچی ؟ کاتێ ئەدوێی بەهێمنی ئەبیت بە خوڕەی کانییەك لەشەوێکی مانگە شەودا خۆت نازانی ئەخولقێنی چ جوانییەك ! ساهی,

کە ڕۆیشتی ! وەفام ویستی سەر هەڵبڕێ تاوێ هێخەی ناڕەزایت بۆ دادڕێ بەچاوی وت : گریانێکی زۆر دەربڕێ بەڵام هۆشم نەیخوارد فریو کاتێ سەری بۆت هەڵبڕی بەو چەقۆیەی بەڕۆشتنت لە سینگت نام دەری هێناو، هەر لەوێدا سەری بڕی!! ئێستا ئیتر بوکی خەیاڵی شەوم نیت هەرچی جوان بێ تۆ ئەوم نیت ئێستا جار جار، بێیتە یادم شەوانی پڕ لەئارامیم بێدار ئەکەی لەتاوی خۆشەویستیت نا بەڵکوو ڕۆحم بێزار ئەکەی ساهی,

لەدەستی من مەڕۆ دەستم بەدامان نەکا بشکێ دڵی وەک شووشە ئامان بەمـن چـی عـالەمێ کـۆبن لەدەورم کەتۆی دونیاو هەموو عالەم لەلامان ساهی,

وەرە سـاقی لە مەیخانەت دەسـا دەس بۆچی پێک نایە مەگەر هەر خۆت بکەی چارم بەمن ئەم دەردە پێک نایە لەلایــێ دەردی بـێ سامان ، لەلایــێ دەردی دووری یار هـەتا ئەم لای دەکـەم چارە ، کـەچی ئـەو لایە ڕێک نایە فەلـەک چەرخی لەبەختی من نەسوڕا هەر شەوم بینی بڵێـی ڕۆژی نــەبـێ یاخـــود لەلای مــن ڕۆژی هەڵنایە ؟ تەمەن پەیوەستی ئاواتێ ببوو، ڕۆیی و لە دەستم چوو لەتەختــــی پـادشــایم دابنێـــــن خـــــۆ تـــازە بــێجایە ئەگـەر یارێ لە ئــەحـواڵی نەپــرسیت کـاتـی دڵ تەنگی ئیتـر وا دیــارە پـەیمانــی پــەڵاش و پـــوشی دەم بایە وەفا خـۆ گەر کەمێکیش بـێ لەلای عـاشق گـەلێ زۆرە کـــە یــاری لوتفــی بنـوێنـێ بەزەڕڕە پـــڕ بــە دونیایە پـەرێشانـی خــراپ باڵــی بـە ســەرمــا داوە ، دەیـزانم لە دونیـای ڕۆشــنا هێنــدەم نەمــاوە ، شـاهیدم خوایە ئەمن هەرچی بکەم ، هەرچی بڵێم ، ئەو کوێرە نابیستە گلـە بۆچـی ئەکــەی "ســاهــی" بـە هــانای دڵتەوە نایە ســاهی,

کەیلە دڵ،دەرمانی کەیلی ناخی پڕ ژانم مەڕۆ ئەی هەتاوی ئاسمانی چاوی بارانم مەڕۆ تا لە تاریکی ژیانی میحنەتیمدا بەند نەبم کازیوەی ڕاماڵی تاریکی بەیانیانم مەڕۆ ڕۆح ئەگەر تۆنیت، کەسێ ڕۆحم دەبا نیشان بدا خۆت مەخە جەستەی کەسێ تر ڕۆحەکەی گیانم مەڕۆ من لەسەر ئاینی عیشقی تۆم و پەیوەستم بەدڵ نا تکایە ، ئەی رەسولی عیشقی ئاسمانم مەڕۆ تەنگی سینەی ئاگرم هێزی لەبەردا لێ بڕیم ئەی هەوای سازگاری مانم، هێزی وەستانم مەڕۆ تاریفی ئازاری سەختم ، نا بە شیعر ناکـرێ تۆ و خودا چاکی دەزانن ، چەند پەرێشانم مەڕۆ وا لە سارای بێ کەسی مردن دیـارە لێمەوە چۆڕە ئاوی گۆزەکەی ، گەرمی بیابانم مەڕۆ هەر بپرسە حاڵی" ساهی " گەر لەدووریت مایەوە ئەستەمە هەرچەندە، بۆیە دەستە دامانم مەڕۆ ســاهی,

تۆ کە کازیوەی بەیانیانی منی حەیفە بێژم دڵ، ئەتۆ گیانی منی! چۆن دەبێ وەسفت بە ئەندازەی گوڵێ تۆ لەکاتێکدا، گوڵستانی منی؟ تیشکی ئەستێرە و تریفەی مانگەشەو هێندە نا، هەم ڕۆژ و ئاسمانی منی تا بەیان ڕوو بەندی ڕووی شەو لادەبا هاودەمی گریانی پڕ ژانی منی بۆ بڵێسەی سینەیی پڕ ئاورم گوژمەیی تاو تاوی بارانی منی ناز و ئاوازت بە گوێما هەر کەدێ بولبولی فەسڵی بەهارانی منی من کە ڕێبواری هیلاکی ڕێگەتم ئاوی سازگار و خوڕەی کانی منی جەننەتی و ڕووم ناوە بۆ دەرگای دڵت هاتم و پێم وایە ڕەییانی منی گەر "وَمَنْ يَدْعُ مَعَ اللَّهِ " نەبا پڕ بەدڵ دەمگوت کە یەزدانی منی تا خەیاڵ لێوم لە سەر لێوت بنێ دێڕ بە دێڕی شیعر و دیوانی منی سەر بنێ سینەم، لە خۆت گوێ ڕاگرە تێ دەگەی هۆکاری دەورانی منی تا نیگات ڕاگیری ڕۆحی "ساهی" بێ هەر مننەت بارتم کە جێی مانی منی ساهی,

ئەقڵ ئەڵێ: تۆ لەدەسی ژانی درێژ ڕاکە بچۆ لە دەسی دڵ ڕەقی ئەو شۆخە کە بێ باکە بچۆ لێوی پڕ باروو شەقارت بەدەمی غونچەیی ئەو کە نەگات خۆری حەزت تازووە ئاواکە بچۆ مەگــەڕێ تــۆ لەخـەزێنەی زەمەنی پڕ لەخەما نییە بۆت قەترەیە دڵخۆشی کەم هیواکە بچۆ یار ئەڵێ: دەستی وەفات بارە لەسەر شانی دڵم من ئەچم، تۆش کەهەتا عیشقی دڵت پاکە بچۆ من ئەزانم کە گڕی ئاگری ئەم عیشقە، تەواو دەتسوتێنێ بەسە لێم دووربە، وەها چاکە بچۆ شوێنی بولبول گوڵ و گوڵزارە منیش فێرە گوڵم تۆ تــەواوی تەمــەنت پایـــزی غــەمناکە بچۆ ئەقڵ ئەڵێ:خۆت لە گوڵێ لادە کەوەرزێکە وەفای گوڵێ دڕکی لەپەڕی زیاترە، لێی ڕاکە بچۆ حەقیقەت ژەهرە بەڵام بینۆشە ژینت ئەوەیە بە قسەی دڵ مەکە کەم "ساهی" تەمەنناکە بچۆ عەقڵ و یار هەردوو بەجووت ڕاستییە هەرچی کە دەڵێن! دڵی بێچارە ئەڵێ : خۆت خۆڵی بەر پاکە مەچۆ ساهی,

ئەقڵ ئەڵێ: تۆ لەدەسی ژانی درێژ ڕاکە بچۆ لە دەسی دڵ ڕەقی ئەو شۆخە کە بێ باکە بچۆ لێوی پڕ باروو شەقارت بەدەمی غونچەیی ئەو کە نەگات خۆری حەزت تازووە ئاواکە بچۆ مەگــەڕێ تــۆ لەخـەزێنەی زەمەنی پڕ لەخەما نییە بۆت قەترەیە دڵخۆشی کەم هیواکە بچۆ یار ئەڵێ: دەستی وەفات بارە لەسەر شانی دڵم من ئەچم، تۆش کەهەتا عیشقی دڵت پاکە بچۆ من ئەزانم کە گڕی ئاگری ئەم عیشقە، تەواو دەتسوتێنێ بەسە لێم دووربە، وەها چاکە بچۆ شوێنی بولبول گوڵ و گوڵزارە منیش فێرە گوڵم تۆ تــەواوی تەمــەنت پایـــزی غــەمناکە بچۆ ئەقڵ ئەڵێ:خۆت لە گوڵێ لادە کەوەرزێکە وەفای گوڵێ دڕکی لەپەڕی زیاترە، لێی ڕاکە بچۆ حەقیقەت ژەهرە بەڵام بینۆشە ژینت ئەوەیە بە قسەی دڵ مەکە کەم "ساهی" تەمەنناکە بچۆ عەقڵ و یار هەردوو بەجووت ڕاستییە هەرچی کە دەڵێن! دڵی بێچارە ئەڵێ : خۆت خۆڵی بەر پاکە مەچۆ ساهی,

ئەقڵ ئەڵێ: تۆ لەدەسی ژانی درێژ ڕاکە بچۆ لە دەسی دڵ ڕەقی ئەو شۆخە کە بێ باکە بچۆ لێوی پڕ باروو شەقارت بەدەمی غونچەیی ئەو کە نەگات خۆری حەزت تازووە ئاواکە بچۆ مەگــەڕێ تــۆ لەخـەزێنەی زەمەنی پڕ لەخەما نییە بۆت قەترەیە دڵخۆشی کەم هیواکە بچۆ یار ئەڵێ: دەستی وەفات بارە لەسەر شانی دڵم من ئەچم، تۆش کەهەتا عیشقی دڵت پاکە بچۆ من ئەزانم کە گڕی ئاگری ئەم عیشقە، تەواو دەتسوتێنێ بەسە لێم دووربە، وەها چاکە بچۆ شوێنی بولبول گوڵ و گوڵزارە منیش فێرە گوڵم تۆ تــەواوی تەمــەنت پایـــزی غــەمناکە بچۆ ئەقڵ ئەڵێ : خۆت لە گوڵێ لادە کە وەرزێکە وەفای گوڵێ دڕکی لەپەڕی زیاترە، لێی ڕاکە بچۆ حەقیقەت ژەهرە بەڵام بینۆشە ژینت ئەوەیە بە قسەی دڵ مەکە کەم "ساهی" تەمەنناکە بچۆ عەقڵ و یار هەردوو بەجووت ڕاستییە هەرچی کە دەڵێن! دڵی بێچارە ئەڵێ : خۆت خۆڵی بەر پاکە مەچۆ ساهی,