إفادة محاسب _ Accountant benefit

تطبيقاً للقانون

تطبيقاً للقانون

معلش ي جماعه اني بنزل الاسئله متاخر بس مضغوطه كل أما القي سؤال مهم أو حاجه حساها مفيدة لينا هنزلها هنا علشان نستفيد سواء دعواتكم بالتوفيق وربنا يوفقنا جميعاً 🤲💚

⭕ سوال مهم جداً يمكن للمنظمات القويه تفادي الآثار السلبيه القوي الاقتصادية ؟! وضح رايك تعالو نفهم السوال هنا السؤال بيقول هل المنظمات القويه تقدر تتفادي ( تتجنب ) الآثار السلبيه اللي بتسببها القوي الاقتصادية ( زي الركود و البطاله و الضرائب) ؟! اجابتنا هتكون لا متقدرش تتفادي طب ليه ؟! لان فيه حاجات ف الاقتصاد خارجه عن إرادة اي منظمه مهما كانت قويه زي مثلا الركود : الناس مش معاها فلوس ف الشراء هيقل البيع هيقل الأرباح هتقل البطاله : ناس كتير من غير شغل يبقي الاستهلاك هيقل الضرائب: لو الدوله زودت الضرائب المستثمرين ممكن يهربوا من السوق ده الدخل بعد الضريبه لو قل الناس هتصرف أقل ف الشركات تكسب أقل يعني كل ده ممكن يبوظ خطه الشركه حتي لو كانت عامله استراتيجيه ممتازة

تعالوا نعرف ازاي نصنف عوامل التقييم ف السوال ده هو بيديلك عوامل التقييم زي ما هو عطيهالك وتبدا هتصنفهم (IS قوة الصناعه )👇 اي حاجه تلاقيها ف الجدول اللي هو عطهولك تدل علي أن السوق بيكبر أو مجاله قوي زي فتح فرع جديد او فرص النمو ف السوق الطلب علي منتجات الصناعه قله المنافسه تشجيع الحكومه الصناعية اي حاجه من دول تصنفيها أنها IS قوة الصناعة FS👇 هي القوي الماليه يعني كل العوامل اللي بتقيس الوضع المالي زي زيادة رأس المال زيادة الإيرادات تحقيق الأرباح القدرة علي التمويل الذاتي النمو ف الاصول يعني اي حاجه تتعلق ب الفلوس تبقي FS (CA المزايا المنافسه )👇 بتقيس هل الشركه عندها مزايا تنافسيه عن الآخرين زي جودة المنتج أو الخدمة خدمات اضافيه ولاء العملاء التكنولوجيا المتقدمه اسعار تنافسيه يعني اي حاجه بتخلي العميل يفضل الشركه (Es الاستقرار البيئي)👇 ده عن البيئه الخارجيه وعدم استقرارها زي ارتفاع المخاطر ف السوق زيادة المنافسه تقلبات سياسيه واقتصادية قيود تنظيميه اي حاجه بتخوف الشركه من البيئه الخارجيه