إفادة محاسب _ Accountant benefit

المرحله الثالثه 🧠 مرحلة تقييم الاستراتيجية 1. تحديد النجاح أو الفشل يعني بنعرف أي الاستراتيجيات نجحت وأيها ما نجحتش 2. التعديل أو التغيير يعني بنقرر إذا الاستراتيجية محتاجة تعديل أو تغيير أو إلغاء 3 مراعاة التغيرات يعني بنراعي التغيرات الداخلية والخارجية اللي بتأثر على المنظمة جملة مساعدة للحفظ نجاح تعديل ومراعاة التغيرات = تقييم الاستراتيجية

المرحله الثانيه مرحله تطبيق الاستراتيجي 1: توفير الالتزام يعني: لازم كل العاملين يلتزموا بتنفيذ الخطة بجدية تحمل التضحيات يعني ممكن يحتاج الفريق يبذل مجهود إضافي أو يتعامل مع تغييرات صعبة 3. تحفيز العاملين يعني المديرين لازم يشجعوا الفريق ويحفزوهم علشان يشتغلوا بحماس 4. متابعة الأداء يعني نتابع تنفيذ الخطة ونقيم النتائج بشكل مستمر عشان نعرف نصلح أي مشاكل 📌 جملة مساعدة للحفظ التزام + تضحيات + تحفيز + متابعة

مراحل الإدارة الإستراتيجية هما ثلاث مراحل مرحله صياغه ومرحله التطبيق ومرحله تقييم تعالو نعرفهم ونعرف تعريفاتهم مرحله صياغه 1: تحديد الرؤيه يعني احنا عاوزين نوصل لفين علي المدي البعيد 2 : تحديد رساله المنظمه احنا بنعمل اي ولمين وازاي 3: تحليل البيئه الخارجيه اللي هي ( الفرص والتهديدات) الفرص حاجات ممكن نستفيد منها التهديدات مخاطر ممكن تواجهنا 4 : تحليل البيئه الداخليه اللي هي نقاط الضعف والقوه قوه مميزات عندنا ضعف حاجات محتاجين نحسنها 5: وضع الأهداف طويله الاجل يعني نحدد احنا عاوزين نعمل اي السنوات الجايه 6: اقتراحات استراتيجية بديله يعني نجهز اكتر من خطه ونختار الافضل دي جمل مساعده علشان تعرف أو تعرفي تحفظيها رؤيه ورساله +تحليل خارجي وداخلي + اهداف + بدائل

ان شاء الله دول هتلاقو منهم 2 فى الامتحان او 3 على الاقل بإذن الله زاكرو بتركيز ربنا يوفقنا جميعا ويكتب لنا النجاح والتفوق باذن الله 💚

استراتيجيات الدفاع 1. الانكماش لو المبيعات والأرباح بتقل لازم أعيد تنظيم الشركة وأقلل من الأصول أو الأنشطة اللي مش مجدية يعني أقلل المصاريف عشان أوفر فلوس 2. التجريد لو محتاجة فلوس سريعة أو عايزة أستعد لفرصة جديدة، ممكن أبيع جزء من الشركة أو فرع معين دي خطوة ذكية لجمع تمويل للاستثمار في حاجة أكبر 3. التصفية لو الانكماش والتجريد ما نفعتش وبقت الأمور صعبة جدًا هأضطر أبيع كل أصول الشركة وأقفلها دي أصعب خطوة، بس أحيانًا لازم ناخدها عشان نوقف الخسارة

⭕ناقش بأيجاز مراحل تقييم ومراجعة الإستراتيجية؟ أنا مديرة ف شركه كل فتره بعد اراجع خطتنا علشان اتاكد أننا ماشيين صح 1: مرحلة مراجعة اسس بناء الإستراتيجية وتقوم على مراجعة عوامل التقييم الداخلية اى القوة والضعف الداخلى لدى المنظمة ؟! يعني أنا دلوقت بصيت جو الشركه وبراها شفت نقاط القوه و الضعف عندنا وبصيت علي الفرص والتهديدات ف السوق 2: مرحله قياس اداء المنظمة وبتقوم المرحله بقياس اداء المنظمة من حيث النتائج الفعلية مع المستهدفة والانحرافات وتقييم اداء الافراد ومدى التقدم فى تحقيق الاهداف؟! بعد اما عرفت نقاط القوه والضعف هبدا بق اقيس الأداء يعني اي ابدا أقارن اللي وصلنا ليه بالاهداف اللي حطيناها وأشوف بق لو فيه انحرافات أو مشاكل ف الشغل 3: مرحلة التصرفات التصحيحية فى هذه المرحله يمكن ان تشمل تعديلات بالهيكل التنظيميه او بيع وشراء وحدات الاعمال وضع او اعادة صياغة الاهداف بعد اما عرفت اي المشاكل أو الانحرافات ابدا بق اخد قرار اني اصححها اعدل ف توزيع الأدوار ممكن اغير ف الهيكل التنظيمي أو ابيع او اشتري وحدات وكمان اعدل الأهداف لو لزم الأمر

⭕ناقش بأيجاز استراتيجيات التكامل؟ لو انت / ي مديره أو مدير وبنفذ استراتيجيه التكامل علشان اقوي شركتي وازود سيطرتها بالسوق هعمل اي ؟! ١ : التكامل للامام : يعني اي هركز علي التحكم ف وصول منتجاتنا للعملاء يعني ممكن نمتلك متاجرنا الالكترونيه أو نقاط البيع الخاصه بينا ده هيساعدنا نزيد السيطره علي الموزعين ونضمن وصول المنتج بشكل أفضل للسوق ٢: التكامل للخلف : يعني اي هشتري أو اتعاون مع الموردين الرئيسين للمواد الخام أو المكونات اللي بنحتاجها في الإنتاج كده نضمن جوده المواد ونوفر التكاليف ونقلل الاعتماد علي موردين خارجين ٣: التكامل الافكي: هفكر انضمج أو استحوذ علي شركات منافسه في نفس السوق علشان نقلل المنافسه ونكبر حصتنا في السوق وبالتالي نزيد قوتنا التنافسية

صلوا على النبي يلا نبدا 💚 اول سؤال ناقش بإيجاز متطلبات تطبيق الاستراتيجية ؟! تخيل / ي إنك مديرة وبتنفذي خطة كبيرة في شركتك هتعملي إيه؟ 1. تحطي أهداف للسنة الجاية يعني عايزين نوصل لإيه السنة دي؟ (وضع الأهداف السنوية) 2. توزعي الموارد زي الفلوس الوقت الموظفين كل حاجة لازم تروحيها في مكانها الصح! (توزيع الموارد) 3. تحطي سياسات قوانين ونظام ماشي عليه الموظفين علشان الشغل يمشي تمام (السياسات الإدارية) 4. تنظمي الشركة تعملي هيكل يعني مين مدير مين وكل واحد مسؤوليته إيه (الهيكل التنظيمي) 5. تتابعي الشغل اليومي تتابعي كل قسم بيعمل إيه وتصححي أي حاجة مش ماشية صح(إدارة العمليات) 6. تدربي الناس تعملي كورسات وتدريب للموظفين عشان يبقوا أقوى. (تدريب الموارد البشرية) 7. تجهزي الناس للتغيير لو في تغيير في الشغل تطمني إن الناس متضايقوش وتفهمهم ليه (مقاومة التغيير) 8. تخلي كل الأقسام مع بعض يعني كل إدارة عارفة دورها وبتساعد في تنفيذ الخطة الكبيرة (ربط الإدارات)

📢 تنبيه مهم هيجيلك في امتحان مادة الإدارة الاستراتيجية سؤال واحد فقط في شكل اشرح بإيجاز والسؤال مش هيتعدى خمس نقاط ركزوا كويس على الأجزاء المهمة اللي ممكن تيجي في الامتحان

اللهم صل وسلم وبارك على سيدنا محمد وعلى اله وصحبه اجمعين 💚🕊

ابدأ يومك بالقران🕊💚

#Internships #Training_opportunities 🚨🚨🚨 هذه فرصة رائعة لطلاب الجامعة الحريصين على استكشاف الصناعة المصرفية واكتساب خبرة عملية من خلال التدريب المنظم في Banque Misr بنك مصر برنامج التدريب الصيفي 2025 💢 عنوان التدريب : رواد 2025 البرنامج التدريبي الصيفي 💢 السنة الدراسية 👨 🎓👩 🎓: طالب السنة الثانية والثالثة والرابع والخامس (هندسة) 💢 أقسام ماجرز المطلوبة : 1- التجارة 2- الاقتصاد 3- الهندسة 4- أجهزة الكمبيوتر 💢 خريج الجامعة: الحد الأدنى جيد جدا ➡️🚨 التقديم في الرابط أدناه🚨➡️ https://forms.cloud.microsoft/pages/responsepage.aspx?id=qHTrof_TKUWZQHnUFv4FoiI-UGVUQfhDtEQomNS5pjpUMzlLVlpUWVoyRDJUQURGVVhMMzI1R0pQRC4u&route=shorturl (أطيب التمنيات للجميع باذن الله ♥️🤲🏻 )

في حاجات بتعدي مننا ومش بنكون راضيين عنها بس بنكون عملنا اللي علينا وسعينا النتيجة ساعات ما بتكونش على قد التعب بس الرحمة في إن ربنا شايف ومقدر كل لحظة تعب وحزن وخوف مرينا بيها مطلوب منك حاجتين وبس السعي مع حسن الظن بالله المادة عدت وخلاص مش وقت نلوم نفسنا دلوقتي وقت نركز على اللي جاي وربنا عمره ما بيضيع أجر حد سعى واجتهد حتى لو النتيجة ما كانتش زي ما توقع خلي عندك يقين إن الكرم الإلهي دايماً أعظم من الظنون وإن اللي جاي فيه خير كبير للي بيكمل الطريق بقلب راضي وعقل بيجتهد💚

من مغرب اليوم يبقى رسميًا دخلنا في أيام العشر كل الموازين هتتغير - اللي هم خير أيام الدنيا - اللي النبي ﷺ قال عن العبادة فيهم أفضل من الجهاد - اللي ابن عباس رضي الله عنه قال إنه الحسنة فيهم بتوصل ل700 ضعف وغيره... وأول شيء ندخل بيه الأيام دي هو " التوبة، والرجوع إلى الله" لأنه العبد يُحرم الطاعة بسبب ذنوبه. من دلوقت قرر وحط في نيتك إنك هتجتهد في العبادة على قد ما تقدر.. الأيام دي عظيمة، والعبادة فيها أجرها كبير جدت تخيل لو حد بيقولك إنه كل عبادة في الأيام دي بتتضاعف!! يبقى هل هتتكاسل؟؟ الإمام الأوزاعي بيقول : " بلغني أنَّ العمل في اليومِ من{ أيَّام العشر -من ذي الحجَّة} كقدر غزوة في سبيلِ اللّٰه، يُصام نهارهَا، ويحرس ليلُها، إلا أن يُختصَّ امرؤٌ بشهادةٍ". وشيخ الإسلام ابن تيمية بيقول: "‏واستيعاب عشر ذي الحجة بالعبادة ليلاً ونهاراً ‏أفضل من جهادٍ لم يذهب فيه نفسه وماله". - من دلوقت عاهد الله عهدًا لا تخلفه أبدًا إنك هتجتهد. ابدأ من المغرب ف الختمة ال هتختمها سواء هتختم مرة/ مرتين/ أو تلاته وكل م الشيطان يحبطك قوله "والله ليرين الله ما أصنع، ولن يسبقني أحد " اتعلم ف الأيام دي متقومش من مكانك إلا وأنت مخلص وردك، ولو مخلصتوش مفيش نوم اتعلم تقول لنفسك "لا"، ومتسيبش نفسك لنفسك جاهد.. واتعب.. علشان الجنة حفت بالمكاره كمان في الأيام دي نُكثر من الذكر النبي ﷺ بيقول : سبق المفردون.. اللي هم الذاكرون الله كثيرًا، والذاكرات قال الإمام ابن القيم - رحمه الله - : (الأفضل في العشر الأولى من ذو الحجة) "الإكثار من التعبد لا سيما التكبير والتهليل والتحميد فهو أفضل من الجهاد غير المتعين". وبالنسبة للقيام ممكن تصلي شويه بعد العشاء، ونام بدري واصحي قبل الفجر صلي شويه، وادعِ، ووقت السحر استغفر لحد الفجر. من بعد الفجر أذكارك / وردك/ لو عندك مذاكرة بعدين صلي الضحى ونام.. نام مثلا من 9 للظهر، وهيكون باقي اليوم عندك قسمه حسب عملك المهم وقت بعد الفجر دا مبارك متضيعوش وتنام وممكن نتصدق كل يوم حتى لو بجنيه / بكلمة طيبة/ بإماطة أذى عن الطريق/ بركعتي ضُحى نخلي عندنا ورد كبير من الذكر علشان الذكر بيعطي العبد قوة إنه يكمل الطاعات ولو حد بيمتحن (ومش هيقدر يصوم) أو حد تعبان احتسب الأجر = وتؤجر بالنية وافتكر من صدق= وصل ومن أراد الآخرة.. سعى لها خير أيام الدنيا فلا تضيعها

تذكير 📢 آخر موعد لقص الأظافر وحلاقة الشعر لمن أراد أن يضحي هو الثلاثاء انهاردة قبل المغرب إن شاء الله لحديث مسلم عن أم سلمة رضي الله عنها أن النبي صل الله عليه وآله وسلم قال: «إِذَا دَخَلَتِ الْعَشْرُ، وَأَرَادَ أَحَدُكُمْ أَنْ يُضَحِّيَ، فَلَا يَمَسَّ مِنْ شَعَرِهِ وَبَشَرِهِ شَيْئًا وكل عام وأنتم بخير 💚

https://youtu.be/YKljd-i6WsI?si=G1QC0d-xaAYnnXI_ جدول السمبلكس مهم اسمعوه لو حد مش فاهمه