M23-SECTION D ( channel )

🔴 لي بعثولنا أسماءهم من قبل يعاودو يبعثو مع إضافة باقي المعلومات.

🔴 رد أستاذ الفرنسية بخصوص الطلبة لي ملقاوش علاماتهم. يرجى ارسال: الاسم ، اللقب ، السنة و المدرج لي عقبتو فيه الامتحان.

🔴 لي ملقاش اسمو فلافيشاج يبعثلنا الاسم و اللقب

لي مبعثش يبعث باه نقدرو نتواصلو مع البروف

#رسائلكم قلهم بلي فال distributeur راهم كاين des produits خالصة الصلاحية تعهم باه يديروا حسابهم.

🔴 لي ملقاش اسمو فلافيشاج يبعثلنا الاسم و اللقب

🔴 السلام عليكم ورحمة الله، ( إن شاء الله تكونوا كامل بخير ) • بعد ما حطينا المنشور لي قلنا فيه حا نتطوعوا باه نديروا صورة الدفعة ونلموا التبرعات باه تكون حاجة مليحة كي لعادة... • فالكونطرول تع neuro لمينا حوالي 4000 دينار، يعني تبرعوا 10 أشخاص من 1100 على الأكثر ( مايعني 0,9% من لبرومو برك لي مدو )، وعليه الطلبة لي تبرعوا نهار الخميس أرواحوا نعاودوا نرجعولكم الدراهم تعكم. • بالنسبة للصورة الدفعة حا تكون حاجة خفيفة في ساحة الكلية نتكفلوا بيها حنا الممثلين إن شاء الله. بالتوفيق وليلة سعيدة !

🔴 Les parties enlevées dans le module génétique .

نختم حاليا بهذه الآية الكريمة التي ما أحوجنا لفهمها و تشرب معناها العميق لا فيما يخص الدراسة فقط، بل هنيئا لمن وضعها نُصب عينيه قاعدة لمشوار هذه الحياة الفانية. فلا ننسى ..من وجد اللّه فماذا فقد، ومن فقد الله فماذا وجد. دون أن أطيل أكثر..كانت هذه بعض النقاط اللي إن شاء اللّه تنقص عليكم قليلا من البحث و الفرز بين مختلف المراجع المرسلة من طرف الأساتذة و هي بإذن اللّه بداية جديدة و فرصة جديدة للجميع و نأمل من اللّه عزّ و جلّ التوفيق و الإفادة و الاستفادة جميعا ، كما سيتم باذن الله تقديم نفس الشيء بالنسبة للجينيتيك في الأيام القادمة✨ بالتوفيق في كل ما هو آت، لا تنسونا من صالح دعائكم بالشفاء العاجل و السلام عليكم و رحمة اللّه و بركاته.

على واش يحكي الدرس السادس و الأخير؟ 📚الدرس السادس: Le système du complément هادي المرة، رح نحكيو على واحد السلاح الثقيل تابع للجهاز المناعي: آلة الحرب الكيميائية تاع الجهاز المناعي، ديما يخدم وحدو بلا ما نحسو ولي هو le système du complément واش هو؟ هو "الفريق المساعد" لي يخدم مع anticorps وles cellules immunitaires باش يقضو على العدو. » وهو مجموعة كبيرة من protéines plasmatiques (يعني موجودة في الدم)، كي يتفعّلو، يطلقو سلسلة تاع تفاعلات خطيرة ضد العدو l'antigène (bactéries, virus, champignons…). و نقدروا نشبهوه ب "الدومينو🁄" خطر تفاعل وحد برك منو يجر الثاني والثالث… حتى يخرّج نتيجة قوية: -يفجّر الميكروبات -يساعد خلايا المناعة تبلع العدو (opsonisation) -يجيب الخلايا الدفاعية لمكان الخطر (chimiotactisme) رح نتعلمو فهاذ الدرس : •كيفاش يتفعّل الـ complément ؟ عندنا 3 voies: كل وحدة تبدا بطريقة مختلفة، بصح يكملو كامل في نفس الطريق بتشكيل le même complexe و القضاء على l'agresseur: -Voie classique (مرتبطة بالأجسام المضادة = anticorps) -Voie alterne (تتفعّل مباشرة على سطح الميكروب) -Voie des lectines (تتفعّل بفضل بروتينات تعرف السكر الموجود على سطح العدو) •و كيفاش يخدمو هاد البروتينات مع بعضهم لتكوين: C3 convertase → نقطة مفصلية. C5 convertase → اللي تبني النظام النهائي: MAC (Complexe d’Attaque Membranaire) → يخترق الميكروب ويفجّرو الخ... ________ الآن ماهو الفرق بين les polycopiés المرسلة من طرف الأساتذة؟ 🔴الدرس السادس: •Le système du complément غير موحد حيث: »» في الملحقة: polycopié de 10 pages »» في الكلية: un diapo 📌📝لكني أذكر أن الأستاذة التي قدمت الدرس (وهي نفسها التي قدمته في الكلية و الملحقة) أخبرتنا بأن le diapo الذي أرسلته للكلية هو على العموم أسهل و أبسط للطالب به يستوعب الآليات و التفاعلات المتتلية لي كاينة في هاد le cours

على واش يحكي الدرس الخامس؟ 📚الدرس الخامس: •Le complexe Majeur d'histocompatibilité CMH في هاد الدرس، رح نحكيو على la carte d’identité لي عندها كل خلية في الجسم. هاد البطاقة اسمها CMH، وتسمى HLA (chez l’homme). كل واحد فينا عندو CMH خاص بيه، وهدي هي لي تخلي الجسم يعرف روحو وما يغلطش بين الخلايا تاعو وخلايا العدو (bactéries, virus…). كي تتبدل هاد البطاقة ولا تكون فيها حاجة ماشي طبيعية --> الجهاز المناعي يهاجم، لأنو يشوفها خطر. ال CMH يخدم كذلك في عرض les antigènes ( يقدمهم لــ lymphocytes T) باش يقرر الجهاز واش يدير. ⬅️واش رح نتعلمو فهاذ الدرس: •بنية les HLA، وكفاه يتشكلو sur le plan génétique (قريناها فالباك) • الفرق بين CMH de classe I وCMH de classe II : -Classe I: موجودة عند كامل الخلايا (sauf globules rouges) وتعرض antigènes pour LT CD8+. -Classe II: موجودة غير عند cellules immunitaires (CPA) وتعرض antigènes pour LT CD4+. •مختلف أدوارها داخل العضوية •نظرة عامة على الأمراض لي تقدر ترتبط بها ____ ماهو الفرق بين les polycopiés المرسلة من طرف الأساتذة؟ 🔴 الدرس الخامس: Le complexe majeur d'histocompatibilité CMH غير موحد حيث: »» في الملحقة: polycopié de 05 pages »» في الكلية: polycopié de 14 pages 📝📌فبشوفة العين واضح أن درس الملحقة أبسط و أخف و الله أعلم ____ >> وهو درس بإذن اللّه سهل جدا جدا و قد أخبرني الزملاء الذين حضروا أنه حرفيا نفس الشي لي قريناه عام الباك✅

على واش يحكي الدرس الرابع؟ 📚الدرس الرابع: Les immunoglobulines في هاد الدرس، رح نحكيو على إحدى أنواع الأسلحة لي يستعملهم الجهاز المناعي باش يواجه أي عدو دخل للجسم، وهاد الأسلحة هما les immunoglobulines، المعروفين أكثر باسم anticorps (الأجسام المضادة). كي تدخل مادة غريبة (antigène) للجسم، يخرّج الجهاز المناعي أجسام مضادة باش يربطها ويعطّلها. هاد الأجسام يخدموهم les lymphocytes B، ومبعد يطلقوهم فالدم أو فالسوائل الأخرى. هاد الدرس رح نتعلمو: واش هي les immunoglobulines؟ وشحال الأنواع لي كاينين؟ و الفرق بين IgG, IgA, IgM, IgE, وIgD.. دور كل نوع وين يخدم؟ واش يدير؟ مثلاً: Les IgG: أكثر وحدة كاينة فالدم، تحمي ضد البكتيريا والفيروسات. Les IgA: تلقاوها بزاف فاللعاب، الدموع، الحليب. les IgM: أول وحدة تتصنّع كي يهاجم الجسم. les IgE: تلعب دور في les allergies (الحساسيات). كيفاش يخدمو؟ وكفاه يرتبطوا مع l'antigène؟ التركيب تاعهم لي نعرفوه من قبل بلي على شكل Y، و نعرفوا أن لكل جهة دور؟ الخ.... ____ 🟢الpolycopié موحد بين الكلية و الملحقة

على واش يحكي الدرس الثالث عموما؟ 📚الدرس الثالث: Les antigènes كي نقولو "العدو" تاع الجهاز المناعي، نقصدو بيه حاجة اسمها antigène (مولّد المضاد). الـ antigène هو أي مادة دخيلة على الجسم و أي مادة تقدر تخلّي الجهاز المناعي يتحرك ويهاجمها. راح نتعلموا في هاد الدرس: واش هو الantigène بالضبط؟ ماهو الفرق بين immunogène و antigène non immunogène؟ الفرق بين antigène complet و haptène؟ كيفاه نقدروا ندير des classifications لهادو les antigènes و على أي أساس؟ ما هي les épitopes (الأجزاء الصغيرة اللي تتعرف عليهم الخلايا المناعية) و كيفاش حتى تتعرف عليه؟ الخ.... __ 🟢 ال polycopié موحد بين الكلية و الملحقة و هو عبارة عن diapo، و قد أخبرني بعض الزملاء الذين حضروا الدرس أنه نفس le diapo الذي قدمت به الأستاذة الدرس في المدرج كما قالو أن الاستماع للvocale مزامنة مع متابعة le diapo قد يساعد و يسهل الدرس.

على واش يحكي الدرس الثاني؟ 📚الدرس الثاني: Les organes lymphoïdes في هاد الدرس راح نفهمو وين تتكون و تتربى الخلايا المناعية (les cellules de l'immunité) وين تتعلم و وين يخزنوا الذكريات لي يحتفظوا بيهم؟ حيث عندنا نوعين أساسين من les organes lymphoïdes: 1/Les organes lymphoïdes primaires/centraux: وين تتكون و تكبر الخلايا المناعية(مثل les lymphocytes) و نقدروا نشبهوها بمقر النشأة ثم التدريب/ التدريب الأولي، هادي المقرات الprimaire هي: •La moelle osseuse (نخاع العظم) --> مصنع إنتاج مختلف الخلايا •Le thymus (الغدة الزعترية) --> مدرسة تدريب les LT 2/ Les organes lymphoïdes secondaires/périphériques: وين تروح الخلايا المناعية باش تلقى l'antigène و تتفاعل معاه و نقدروا نشبهوها بأرض المعركة أو حلبة النزال. وهي: •Les ganglions lymphatiques (العقد اللمفاوية) •La rate (الطحال) •Les MATL [Mucosal Associated Lymphoid Tissu/ Le tissu lymphoïde associé aux muqueuses] (النسيج اللمفاوي المُخاطي) في هاد الدرس راح نشوفوا كيف لكل عضو من هذه الأعضاء دوره و وقته في تنسيق المعركة حيث تعرف كل خلية خدمتها من و كيف و إلى أين؟ و كل هذا يعكس دقة النظام و التكامل في هاد الجهاز المناعي. ____ 🟢 وكما قلنا سابقا le Polycopiés du cours راهو موحد ويبدو على العموم بسيط و بإذن اللّه مش حيكون درس صعب

صحا ماهو الفرق بين les polycopiés المرسلة من طرف الأساتذة؟ 🔴بالنسبة لهذا للدرس الأول: •Les cellules de l'immunité »»في الملحة قُدم على شكل polycopié واحد (طويل نوعا ما "32 pages") و يشمل كل أنواع الخلايا. »»بينما في الكلية فقد تم تقسيمه إلى مجموعة من les "mini" cours و الصراحة ماهمش "mini" على الإطلاق وهم كالتالي: - Le lymphocyte T et TCR: (14 pages) -Le lymphocyte B: (14 pages) -Les cellules NK: (13 pages) -Les CPA: ((Les cellules dentritiques)): (09 pages) -Les granulocytes et Mastocytes: (10pages) -و على ما يبدوا مازال تُرسل الأجزاء تع "Les macrophages + Les monocytes" منLes CPA »» المهم.. و منه: - الملحقة: 32 pages ( ممكن يتقلص عددها ب une réorganisation للصور و المساحات و..) - الكلية:60pages = 14+14+13+9+10 (قابلة للزيادة إذا أُرسل الجزء المتبقية من les CPA) 📌📝 و منه الأولى للجميع استخدام polycopié الملحقة الذي يشمل كل les cellules de l'immunité

على واش يهدر الدرس الأول عموما؟ 📚الدرس الأول: Les cellules de l'immunité شفنا من قبل فالباك العديد من الخلايا لي تتدخل في الاستجابات المناعية الفطرية و المكتسبة، و الآن رح نفرقوهم بشكل أدق فقط: --» كاين خلايا تهاجم مباشرة، هادو يخدمو في المناعة السريعة، الفورية، "الفطرية" (on les appelle les cellules de l’immunité innée). --» وكاين خلايا تتعرّف على العدو وتحفظو في الذاكرة، هادو يخدمو في المناعة النوعية (les cellules de l’immunité adaptative). --» وكاين خلايا تربط بين النوعين، تخدم شوية من هنا وشوية من هنا نقدروا نشبهوا نظام الجهاز المناعي بنظام الجيش، في هذا الدرس رح نتعرفوا على مختلف أنواع الجنود في هذا الجيش: عندنا les soldats de première ligne: كيما les polynucléaires neutrophiles (PNN) و les cellules NK، يخدمو بسرعة وما يحتاجوش تعليمات. ____ ⬅️ حيث la première partie du cours تحكي على: •Les Granulocytes (PNN, PNE, PNB) خلايا سريعة حُبَيْبية، تقتل الميكروبات، و تدير Les inflammations. • Les Mastocytes مسؤولين على الحساسية (allergies). ____ ( و Les NK كذلك من جنود الصف الدفاع الأول لكنهم تابعين ل les lymphocytes و مبعدا نهدروا عليهم) ____ ⬅️️ تهدر la 2ème partie du cours على: •Les CPA (Cellules présentatrices d'antigènes) ولي هي عارضات المستضد كيما قريناها فالباك هادو الخلايا نقدروا نشبهوهم بالمخابرات و الوسطاء/ أجهزة الاتصال لي تحكم ال l'antigène، تقطعوا و تعرضوا لباقي الخلايا بش تتعرف، les CPA هادو هوما: -Les cellules dentritiques. -Les macrophages/ Les monocytes. ____ ⬅️ ️و أخيرا la dernière partie du cours تهدر على • Les lymphocytes: لي فيهم عدة أنواع: منهم من هو يهاجم تلقائيا= immunité innée: -Les NK و فيهم لي غريبة شوية جاية نص innée نص adaptative = à la frontière : - Les NKT و فيهم لي متخصصة = immunité adaptative/ spécifique: -Lymphocytes T (CD4, CD8, Tγδ...) -Lymphocytes B (B1, B2, mémoire) ولي نقدروا نصوروهم كجنود النخبة لي ميتدخلوش إلا بعد فهم عميق لل l'antigène و يحتفظو بالمعلومات و الخبرة لي خداوها منو ___ هو درس طويييل لكن الفهم تاعو رح يكون بداية مليحة بزاف للدخول في جو هاد le module