შოთა მარტინენკო / Shota Martinenko

მნიშვნელოვანი ამბავი. საქართველოს პარლამენტმა დაარეგისტრირა ჩვენი კანონპროექტი, რომელიც უცხო ქვეყნის მოქალაქეებისთვის ბინადრობის ნებართვის გაყიდვის წესის აკრძალვას ითვალისწინებს. ამ საკითხის გატანას დიდი შრომა და ბრძოლა დასჭირდა. ორჯერ შევაგროვეთ 50 000-ზე მეტი ხელმოწერა. პარლამენტი არაერთხელ ცდილობდა პროცესის გაჭიანურებას - ხელოვნურად დაახარვეზა როგორც ხელმოწერები, ისე თავად კანონპროექტი. თუმცა სისტემატიურ ძალისხმევას და თანმიმდევრულ მუშაობას შედეგი ყოველთვის მოაქვს. შემდეგი ეტაპი საკანონმდებლო ინიციატივის პარლამენტში განხილვაა, რომელიც სექტემბერში გაიმართება.

რატომ არ ვემხრობი საკონსტიტუციო მონარქიას: https://www.facebook.com/share/p/1EYL23Ue5p/

ბელფასტში (ჩრდილოეთ ირლანდია) მიგრაციის წინააღმდეგ ადგილობრივი მოსახლეობის საპროტესტო გამოსვლები მიმდინარეობს. პროტესტის მიზეზად სახელდება სუდანელი მიგრანტის მიერ ადგილობრივ მაცხოვრებელზე დანით განხორციელებული სასტიკი თავდასხმა. რამდენიმე დღით ადრე, ბრიტანეთში მომხდარი კიდევ ერთი მსგავსი დანაშაულის დეტალები გასაჯაროვდა. გავრცელებული ინფორმაციით, 18 წლის ბრიტანელი სტუდენტი ინდოელმა მიგრანტმა სასიკვდილოდ დაჭრა. შემთხვევის ადგილზე მისულმა სამართალდამცავებმა, თავდამსხმელის განცხადებებზე დაყრდნობით, დაჭრილ სტუდენტს ხელბორკილები დაადეს და დროულად არ აღმოუჩინეს სამედიცინო დახმარება, რის შედეგადაც იგი გარდაიცვალა. დიდ ბრიტანეთში საიმიგრაციო კრიზისი იმდენად მასშტაბურ ხასიათს იღებს, რომ აღნიშნული საკითხი ქვეყნის ერთ-ერთ მთავარ პოლიტიკურ და საზოგადოებრივ თემად იქცა. ეს ფაქტები, ჩემი აზრით, კიდევ ერთხელ აჩვენებს, რამდენად მძიმე შედეგები შეიძლება მოჰყვეს უკონტროლო მიგრაციას, რამდენად სერიოზულ გამოწვევებს აჩენს მულტიკულტურალიზმის პოლიტიკა და რამდენად პრობლემური შეიძლება იყოს ადგილობრივ საზოგადოებასთან კულტურულად და ღირებულებითად შეუთავსებელი ჯგუფების მასობრივი დასახლება. ეს რეალობა ქართულმა საზოგადოებამაც მკაფიოდ უნდა გააცნობიეროს. ამ საკითხის მნიშვნელობიდან გამომდინარე, მის შესახებ სერიოზული და ღია დისკუსია აუცილებელია. თუ მსგავსი გამოწვევების მართვა უჭირს ისეთ სახელმწიფოს, როგორიც დიდი ბრიტანეთია, საქართველოსთვის ეს ამოცანა კიდევ უფრო რთული იქნება.

მიწოლა ჭრის. როცა ხალხი უნამუსობას არ გაუტარებს და მიწოლას არ მოერიდება, მერე მთავრობა ხან სტატისტიკას დააბრალებს და ისე დაიხევს უკან, ხან სიმწრით საკუთარ უნაგირს დაუწყებს მტვრევას. ამიტომ, მიწოლას ნუ ვერიდებით და როცა ჩვენი პარტია ვცდილობთ, სოციალური მოთხოვნებით მთავრობა შევავიწროვოთ და დათმობები ვაიძულოთ, ამ დროს არ არის საჭირო - "არაფერს აზრი არ აქვს, ლაპარაკით არაფერი იცვლება, ფარხმალი დავყაროთ" - ტიპის ტექსტებით უიმედობის თესვა და უმოქმედობის წახალისება. პოლიტიკური კრიტიკა და ზეწოლა ჭრის და სისტემის დაჩქარებული შევარდნაძიზაციის ფონზე სულ უფრო და უფრო გაჭრის.

ბევრი მომმართავს კითხვით, ყველას ვერ ვპასუხობ და მინდა ერთიანად ვუპასუხო: ზურას პოზიცია საკონსტიტუციო მონარქიაზე ზურას პირადი პოზიციაა და არა პარტიის პოზიცია. არიან ჩვენიანები, ჩვენი თანამებრძოლები, ვინც ემხრობიან მონარქიზმს, თანამებრძოლებს შორის არიან მემარჯვენეები, მემარცხენეები, ეროვნულები, კონსერვატორები, ნაციონალისტები და ასე შემდეგ, ჩვენიანების რიგებში ზოგადად არსებობს განსხვავებული ხედვები ეროვნული ინტერესების გატარების ტაქტიკურ  ამოცანებთან დაკავშირებით. მაგრამ მონარქიზმთან დაკავშირებით და საერთოდ ზოგადად პარტიის პოზიცია უცვლელია, რაც ყოველთვის იყო, ისაა ახლაც და მომავალშიც იგივე დარჩება. ქრისტიანული დემოკრატია.

ეს ხდება რეალურად ქვეყანაში...

გეუბნებით, აქ ცალ ფეხზე დგომა იწყება მეთქი და ზოგს არ სჯერა. კარგი ვაცალოთ, მთავარი ცალფეხზე დგომები წინ არის, კოჰაბიტაციას ყველა ისე ცხადად დაინახავს, უარყოფა შეუძლებელი იქნება...

წავიდა ცალ ფეხზე დგომა? თუ ღირსეული ფორმა ექნება აშშ-ის მოთხოვნით ქოცების "საქციელის ცვლილებას"?

მოხარულები ვართ, რომ ნაცები პარლამენტში უნდა შევიდნენო)) ამისთვის მადლობა ახალ ადმინისტრაციასო)) 2020-შიც ყველაფერი გავაკეთეთ და შეთანხმებაც კი დავდეთ დასავლეთთან, რომ ნაცები პარლამენტში შეგვეყვანაო)) ახლა ნახეთ, ნაცების "დასამთავრებლად" ვადამდელიც თუ დანიშნეს და პარლამენტშიც გაიყვანეს, მერე განსაკუთრებით კარგი სანახავი იქნება - "მე მჯერა, ნაცებს მართლა ასრულებენ" - პოზიციის ხალხის დებილი სახეები.

წავიდა ნაცკოჰაბიტაციაზე დალაგება? აშშ-ის საელჩოს განცხადებაში ეგ აზრი იყო აშკარად გადმოცემული. და განცხადებიდან მეორე დღეს ეს... ანუ, ვიღაცები თუ სახელმწიფო გადატრიალებას აწყობდნენ და პრეზიდენტის სასახლეში ძალადობრივად იჭრებოდნენ მაგ მიზნით, 6 თვეში საპროცესოს უფორმებ და უშვებ - მასე მუშაობს ძალადობრივი გადატრიალების აღკვეთის და სასჯელის ლოგიკა? ახლა ვნახოთ, ვადამდელი არჩევნებით დანიშვნით ეგ კოჰაბიტაცია ბოლომდე ოფიციალურადაც თუ გაფორმდება.

გულბაათ რცხილაძის დაპატრიმებაზე ხელისუფლებამ შინაარსობრივად შემდეგი ფორმულირება გვამცნო - ვიღაც სხვა ქვეყნის წარმომადგენელს უყვებოდა, მისი აზრით სომხეთში ან აზერბაიჯანში როგორი ეკონომიკური ვითარებაა ან საქართველოში ხალხს რა უჭირს, რა ულხინს და რითია კმაყოფილი ან უკმაყოფილოო. ანუ პოლიტიკურ ვითარებაზე თავის ანალიზს და დასკვნებს უყვებოდა ვიღაცასო. თუ ეს არის ბრალის შინაარსი, პრობლემა იმაშია, რომ ამგვარი ბრალდებით ნახევარი ქვეყანაა პატიმრობაში გაშვებადი მთავრობის სრული შემადგენლობის ჩათვლით. მაგრამ კარგი, დავუშვათ ინერგება სტანდარტი, რომ ამ შინაარსის ბრალდება პატიმრობას ითვალისწინებს. აქ ვითარებას რეალურად სახიფათოს ხდის ხელისუფლების მიერ ბოლო დროს აქტიურად დანერგილი პრაქტიკა, როცა რეზონანსულ საქმეებს გრიფი საიდუმლოს ადებენ, ადვოკატს გაუთქმელობაზე აწერინებენ ხელს და საზოგადოებას ინფორმაციის მიღების და განსჯის საშუალებაც აღარ ეძლევა, საერთოდ რამენაირად რეალურ ბრალდებას და ფაქტებს ეფუძნება საქმე, თუ ადამიანებს უბრალოდ ხელისუფლების სურვილის საფუძველზე უშვებენ ციხეებში. ცალსახად, ნებისმიერი უცხო ქვეყნის აგენტი დასაჭერია, ოღონდ ამ შემთხვევაში ფაქტი ის არის, რომ გაჟღერებული ფორმულირება, რბილად რომ ვთქვათ, არასერიოზულად ჟღერს, საქმის გასაიდუმლოება კი უბრალოდ პოლიტიკური ანგარიშსწორების შთაბეჭდილებას ამყარებს.

როგორც გვატყობინებენ, უცხოელების კურიერებად უკანონოდ მუშაობის ფაქტებზე ადამიანები პატრულს რომ ურეკავენ, პატრული ან საერთოდ არ მოდის, ან მოდის და აგრესიული ფორმით პასუხობს მიმართვის ავტორებს, უცხოელებს არანაირი შეზღუდვა არ აქვთ მუშაობაზე და ცილისწამებაზე პირიქით თქვენ შეიძლება სამართლებრივი დევნის ქვეშ აღმოჩნდეთო. ანუ სახეზეა პოლიციის სისტემური დანაშაული, უცხოელების დასაქმების აკრძალვაზე არსებული შეზღუდვის შეგნებული იგნორირება და ხელისუფლების გარიგება საკურიერო კომპანიებთან. ქოცები უბრალოდ უცხოელებზე ახურდავებენ ქვეყანას ფინანსური სარგებლის სანაცვლოდ და ვისაც კიდევ ამათი იმედი გაქვთ, რომ ესენი და ამათი კანონები დაიცავენ ქვეყანას მასიური მიგრაციისგან, მინდა გითხრათ, რომ უსინდისობამდე უპასუხისმგებლო პოზიცია გიკავიათ.

გორში პოლიციის მხრიდან მოქალაქეების ცემის შესახებ https://www.facebook.com/share/v/1Gn96Zmm8R/?mibextid=wwXIfr

გორის ინციდენტი და დრაკონის დილემა

როდესაც სისტემა ზედმეტ ძალაუფლებას იღებს ხელში, აუცილებლად ჩნდება დაუსჯელობის განცდა. „ოცნება“ 24-საათიან რეჟიმში „სისხლიან ნაცებზე“ გვესაუბრება და უკვე 14 წელია ძალაუფლებას სწორედ ამ პროპაგანდის ექსპლუატაციით ინარჩუნებს. თუმცა „ნაცების“ მმართველობის დროს განსხვავებული კი არ ხდებოდა - მოქალაქეებს ზუსტად ასეთივე მეთოდებით უსწორდებოდა „გაბლატავებული“ კრიმპოლიცია.