Васьміног: адукацыя для беларускіх дзяцей сёння і заўтра

🎙Кіраўнік “Васьмінога” Аляксей Канстанцінаў даў Польскаму Радыё інтэрвію 📌 Сябры! Нагадваем, што мы адкрылі доступ да курсаў для беларускіх школьнікаў. Пра дадатковую школьную адукацыю распавёў кіраўнік праекта “Васьміног: адукацыя для беларускіх школьнікаў сёння і заўтра” Аляксей Канстанцінаў у гутарцы Польскаму Радыё. 📚 Школьнікі ўнутры і па-за межамі Беларусі не маюць магчымасці атрымліваць адукацыю па шматлікіх прадметах без ідэалагічнага складніку. Для гэтага на платформе “Васьміног” сабраныя курсы, якія дазволяць беларускім школьнікам атрымаць неабходныя веды. 👉 Пра курсы, якія з’явіліся на партале “Васьмінога”, — чытайце ў картках. 🎧 Цалкам размову з Аляксеем слухайце на Польскім Радыё. ❓Дзяліцеся ў каментарах, якія б курсы яшчэ варта было размясціць на платформе. ❗️Курсы можна паглядзець на сайце Васьміног #курсы

Ці задумваліся вы калісьці, колькі выбітных жанчын пакінулі яркі след у гісторыі Беларусі? 👭 На сайце “Васьмінога” дасяжны курс “Жаночая гісторыя Беларусі”

“Гэты курс – спроба падсвяціць, зрабіць бачнымі жаночыя постаці нашай гісторыі. Паказаць звыклыя вобразы з нечаканага ракурсу. Раскрыць, якія перашкоды даводзілася праходзіць жанчынам цягам стагоддзяў толькі для таго, каб праявіць сябе, пайсці сваёй дарогай.”

— Гаворыцца ў анатацыі да курсу. 👀 Курсы скіраваныя на навучэнцаў 12-16 год, якія маюць пачатковае ўяўленне пра гісторыю Беларусі. 📌 Курс пачынаецца са знаёмства з цікавымі фактамі з жыцця жанчын у першабытныя часы. І працягваецца інфармацыяй пра першых князёўнаў беларускіх зямель, вялікіх княгінь ВКЛ. У курсе прыводзяцца прыклады паспяховых жанчын у беларускай гісторыі, а таксама жанчын-ваярак і ўдзельніц паўстанняў. Васьміног #курсы

Настаўніца фізікі і стваральніца беларускай прасторы «аКсяродак» Аксана Акуневіч згадвае, як на гарышчы знайшла падручнік па фізіцы на беларускай мове.  📌 "За год перад ад'ездам я многа вандравала па Беларусі, у тым ліку, па сваяках. Я таксама некалькі разоў была ў доме сваёй бабы Нюры (Ганна) Калала і дзеда Мішы Стальмашэнка, у вёсцы Поўшава (Казённыя Лычыцы), паміж Шчорсамі і Любчай у Навагрудскім раёне. Месцы, дзе нарадзіўся і вырас мой бацька, Павел, самы малодшы з 4 дзяцей.  🏠 📖 І там, на гарышчы, у пыле і пілавінні, якім засыпалі столь, каб цяпло не сыходзіла, я знайшла падручнік “Фізікі” за 6 клас (7 клас сучаснай школы). Аўтары Пёрышкін і Родзіна, пад рэдакцыяй акадэміка Кікоіна. ❗️НА БЕЛАРУСКАЙ МОВЕ!!! 👉 Выдавецтва “Народная асвета”, Мінск, 1968. Друкарня выдавецтва “Звязда”. Перакладчыкі Л.Т. Карповіч і З.В.Старынская. Тыраж 105 тысяч! Відавочна, что гэтыя падручнікі былі для ўсіх класаў. ❓Сябры, можа хто ведае, дзе знайсці іншыя? " Васьміног

А вы паглядзелі ўжо нашыя курсы “Васьмінога”? ❗️Курсы дасяжныя на сайце Васьмінога. “Мы рады прадставіць зусім новую адукацыйную платформу, распрацаваную спецыяльна для беларускіх дзяцей, напоўненую курсамі, якія аднолькава абяцаюць задавальненне і навучанне. Наша платформа простая ў карыстанні і даступная з дому або ў дарозе. Незалежна ад таго, пачатковец вы, філосаф ці будучы гісторык — тут кожны знойдзе што-небудзь для сябе. Далучайцеся да нас, каб не толькі вучыцца, але і кінуць выклік вашай творчасці і абудзіць вашу цікаўнасць”, — запрашае да навучання на платформе “Васьмінога” кіраўнік адукацыйнага праекту Аляксей Канстанцінаў. 🎞 Глядзіце відэа пра нашыя курсы. Васьміног

🥳 “Правесці канікулы з карысцю і атрымаць веды пра Беларусь”: падарунак школьнікам ад адукацыйнага праекту “Васьміног” з нагоды Дня дзяцей 🐙 “Васьміног” афіцыйна адкрывае анлайн-курсы для школьнікаў 📌 Усе прапанаваныя прадметы можна вывучаць у асінхронным рэжыме, у зручны час і самастойна. Задачы ў кожным курсе складзеныя з улікам узроставых і кагнітыўных асаблівасцей дзяцей, яны грунтуюцца на найноўшых напрацоўках онлайн-педагогікі. Сярод прадметаў: ➡️ хуткачытанне для дзетак праз забаўкі, квэсты, размалёўкі; ➡️ захапляльнае падарожжа Аленкі і Дзімкі па краіне галаваломак "А-Я Чытаю на роднай мове"; ➡️ “Чароўны карагод года” з сапраўднымі іншапланетнікамі; курс сцэнічнай прамовы і тэатру "Гавары-ка!" ➡️ Для падлеткаў: курсы па гісторыі Вялікага Княства Літоўскага, заняткі па філасофіі “Святло з пячоры Платона”, курс “Мастацтва Беларусі 1920-х", літаратурны курс "Знак бяды" пра твор Васіля Быкава, “Жанчыны ў гісторыі Беларусі” і іншыя. ❗️Усе курсы знойдзеце на сайце "Васьмінога" Васьміног #курсы

Тэатральная студыя для дзяцей “Купалінка” закрыццё года адзначыць трыма прэм’ерамі ⏰ Паказ спектакляў з удзелам падапечных студыі адбудзецца 5 чэрвеня ў Мазавецкім інстытуце культуры. Warta паразмаўляла з рэжысёркай тэатральнай студыі Наталляй Локіць пра далейшыя планы і бягучыя праблемы “Купалінкі”. Перанеслі на карткі асноўныя цытаты.👉 ❗️Дарэчы, некаторыя напрамкі работы “Купалінкі” падтрымліваліся Васьміногам. Так, летась беларуская арганізацыя ў Варшаве “Купалінка” паспяхова правяла арт-летнік для дзетак. Арганізатары зрабілі вялікі дапаможнік на 17 старонак для тых, хто хоча таксама рэалізаваць такія імпрэзы. І гэты арт-летнік "Купалінкі" быў падтрыманы Васьміногам. Чытаць размову цалкам можна тут. Васьміног

Жахлівая сітуацыя: беларускую мову для здачы экзамену выбралі ў 4 разы меней вучняў, чым рускую 😢 🔖 У Беларусі адбыўся цэнтралізаваны экзамен па рускай ці беларускай мове. Паводле Мінадукацыі, на яго запісаліся 55,7 тысяч выпускнікоў. З іх — усяго 11,5 тысяч абралі для здачы беларускую мову. 😱 А 44,2 тысяч — рускую. 😢😡 У Беларусі няма ніводнага ўніверсітэта з беларускай мовай навучання. Беларускамоўныя школы знаходзяцца ў асноўным у сельскай мясцовасці. А, паводле міністра адукацыі Андрэя Іванца, на беларускай мове навучаюцца ўсяго 10% школьнікаў. 🙈 Васьміног

Адна з прычын адсутнасці на ЦЭ — прызыў у армію У Беларусі 27 траўня адбыўся першы цэнтралізаваны экзамен па прадмеце па выбары. На яго зарэгістравалася 55 667 навучэнцаў. Самым папулярным прадметам была матэматыка: яго здавалі 35,4% зарэгістраваных на ЦЭ. 🧐 Як паведамляе Мінадукацыі, на ЦЭ не з’явіўся 151 навучэнец. Прычын для пропуску было некалькі. На першым месцы - хвароба: 50 чалавек прапусціла з гэтай прычыны. 🔫 На другім месцы - прызыў у армію: з гэтай прычыны не з’явілася 12 чалавек. Маладыя людзі маюць толькі адну адтэрміноўку ад войска. Напрыклад, пасля сканчэння коледжу адтэрміноўка для паступлення ў ВНУ не прадастаўляецца. Васьміног

З -за мяжы перастаў адкрывацца сайт Мінадукацыі 🧐 Сайт Міністэрства адукацыі edu.gov.by/ не адкрываецца нават пры выкарыстанні ВПН. Яшчэ на мінулым тыдні інтэрнэт-рэсурс міністэрства быў дасяжны. Так супала, што сайт Мінадукацыі стаў недасяжны з-за мяжы, калі ў Беларусі пачаўся цэнтралізаваны экзамен. Менавіта 27 траўня адбыўся ЦЭ па вучэбным прадмеце па выбары. На яго зарэгістравалася 55 668 навучэнцаў. Вынікі па ЦЭ стануць вядомымі не пазней за 10 працоўных дзён. 30 траўня адбудзецца ЦЭ па беларускай ці па рускай мове. Васьміног

🔔 У Беларусі праходзяць апошнія званкі. З якімі вынікамі прыйшлі школы ў Беларусі напрыканцы навучальнага года? ➡️ Беларусь і Расія дамовіліся аб стварэнні адзіных падручнікаў па гісторыі для школ. ➡️ Дзесяцікласнікі ў Беларусі апошні год вывучаюць “Гісторыю Беларусі” ➡️ З 1 верасня гэтага года ўсе дзесяцікласнікі беларускіх школ пяройдуць на вывучэнне новай інтэграванай дысцыпліны "Гісторыя Беларусі ў кантэксце сусветнай гісторыі". ➡️ Засталося толькі 10 % беларускамоўных класаў. ➡️ Засталося ўсяго 6 прыватных школ. ➡️ Збіраюцца ўводзіць адзіную форму для школьнікаў. ➡️ Папяровы дзённік дагэтуль з’яўляецца абавязковым атрыбутам школьнага працэсу. ➡️ Большасць класных і інфармацыйных гадзін было прысвечана патрыятычным тэмам. ➡️ Для навучэнцаў 5-7 класаў стварылі падручнік па фінансавай пісьменнасці. ➡️ З 1 верасня 2024 усе школы пяройдуць на новыя правілы арганізацыі харчавання. ❓А якія б вынікі школ у Беларусі адзначылі б вы? Дзяліцеся ў каментарыях. Васьміног