223
مشترکین
اطلاعاتی وجود ندارد24 ساعت
-17 روز
-330 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Repost from ͙͙Foormulɑɑ Jireenyɑɑ 🇵🇸
Daangaa Jaalala koo
.
Sin jaaladha yoon jedhu
Dhuguma onneerraa
Shakkii malee fudhadhu
Sin nyaatinii garaa
.
Ammam na jaalattaa?
jettee nan gaafatin
Jaalalli urjiidhaa
Beekaniin lakkaa'an
@A4mulaa_jireenyaa
Repost from ͙͙Foormulɑɑ Jireenyɑɑ 🇵🇸
Gubataa Qaama koo
Isa wayyaan dhokse
Hubamaa yada koo
Si ilaaleen obse!
Si malee goonkumaa
Akkan orma hin yaanne
Siif mirkaneessuudhaaf
Siif boo'ee hin maraannee..?
Akkamiin dagattee
Akkas jetta koodee
Takkaamaaf si nuffee
Yoomuman siin oode..?
Anooo....
Maqaa siif jijjiireen
Mararteen si waamaa
Maalif jaalala koo
Goota ibsaa dhaamaa?
@A4mulaa_jireenyaa
Repost from ͙͙Foormulɑɑ Jireenyɑɑ 🇵🇸
Maalif wal sodaannaa
Silaa wal jaalannaa
Ifa baasuu baannus
Maddii maddii deemnee
Inuma haasofnaa
Eenyumayyuu caalaa
Waliif ni dhiphannaa
Sagalee walii osoo hin dhaga'in
Buluuf ni rakkannaa
Kanarra maal eegnaa
Dhugaa walitti Himneet
Akka taane taanaa
.
@A4mulaa_jireenyaa
Repost from ͙͙Foormulɑɑ Jireenyɑɑ 🇵🇸
Urgaa gaarii natti biiftee
Ati dhufnaan fuula iftee
Rakkinni koo na dhokata
Onneen kiyyas ni boqota
Miira gaddaa narraa qola
Kolfeen seeqa natti tolaa
Burqaa kootu ol mirgisaa
Haamileen koos ni lalisaa
~
Kanaafuu
Kanin baase sitti himadhu
Fuulla ifaan na simadhuu❤️🔥
𝔖𝔬𝔯𝔦 ♡
@A4mulaa_jireenyaa
#Dursii_hubadhu!
Bara durii namicha duuti mootii biyya bulchu tokkootiin itti murtaa’etu ture. Guyyaaf halkan dabaree wal jijjiiruun guyyaan du’a isaa itti dhiyaate. Guyyichi gaafa gahu, bakka jiruutii barbaadamee akka dhiyaatee murtoo isaa fudhatuuf ajajni bahe. Namichis qabamee dhiyaate. Ta’us, mootichi filannoo biraa kennuufii jaalate. Akkana jedheenii, “Yoo ati bishaan biikerii guutuu sitti kennamu kana saffisa siin jedhamuun, hanga bakka murtaa’e geessee deebitutti dhangalaasuudhaa baatte, du’a ni oolta. Garuu, dhangalaafte taanaan dachaa dhiphifamuun ajjeefamta.”
Namichis gammachuu guddaadhaan, “Naaf ta’a yaa mootii!” jechuun deebiseefii. Filannoon namicha kanaa, mooticha dabalatee namoota gamaafi gamanaan isa ilaalan ajaa’ibsiisee ture. Kanarraan kan ka’e, tutni namoota sanaa iddoo lamatti hiramee ture. Gareen tokko ni deeggaru, nikolfuufii; gareen biraan immoo, itti kolfuu ittis qoosuun mogoleefi haamilee isa buusaa turani. Deeggartoonni isaa, “Yaa namicha gamna nanaa, filannoonkee akkam gaariidha!
Dhugumatti, kana gochuunis lubbuukee ni oolchatta…jabaadhu!” jechuun harka isaanii walitti reebuun isa jajjabeessuuf wacu turani. Faallaa kanaan, kanneen mogolee isa buusan immoo, “Wayi yaa namicha isa filannoo isaan dhiphifamanii du’uu bitachuuf dhama’u nanaa! Maaliif wanta hin taaneef fiigda? Silaahoo bishaan biikerii keessaa kun yommuu baattee deemtu dhangala’uu hinhafuuti, ammuma murtookee hin fudhattuu?…lakkii siif wayya!” jechuun dabaree isaanii itti wacu. Osooma tutni kun bitaaf mirgaan itti marsanii jiranii, akka deeggartoota kubbaa miillaa, namichi kun bakka jedhame kana gahee deebi’e.
Bishaanichi biikerii keessaa guutuudha…hindhangalaane.
Mootichi baay’ee ajaa’ibsiifachuun itti marmee, “Baga gammadde….baga du’a oolte!” ittiin jedhe. Dhumarratti, mootichi namicha kana gaaffii gaafate, “Namoonni hedduun sitti marsuun kaan siif, kaan immoo sitti wacaa turani. Sagaleen waca isaaniifi sosochiin dhiichisa isaanii asiifi achi, garanaaf garas sin ilaalchifnee? Akkamittis fuuldurakee qofaa ilaaluun haala kanaan dorgee kee xumurte?
Namichis, “Yaa mootii barri mootummaakee haadheeratu! Edaa namoonni na marsanii turanii? Ani nama tokkoyyuu hin argine. Sagalee nama tokkoos hin dhageenye. Sababiin isaas, ijjikoo sochii dambalii bishaan biikerii sana irra waan jiruufi.
Dhageettiin gurra koos asuma kanarra jira. Kunis, filannookoo osoo hintaane dirqama jiraachuukooti; lubbuunkoo biikerii bishaan baatu sanarra waan jiruufi. Gurrakoo gara biraaf yoon ergise, gara sana ilaaluun koo hinhafu. Akkas taanaan, bishaan kun dhangala’uun isaa nama hins hakkisiisu. Bishaan dhangalaanaan, nan du’a. Kanaaf, dhageettiin gurrakoofi agartuun ijakoo, akkasumas yaaduun sammuukoofi dhahannaan onneekoo, iddoo barbaachisaa isa ta’e lubbuukoo oolfachuu danda’urra waan ta’eefi” jechuun mootii sanaaf deebise. Kanaanis du’a oolee jedhama.
•~>Gaafa sochii eegaltu sirrattis sochiitu eegalama. Waa'eenkee karaa lamaan odeeffamuu itti fufa. Kaan sababa malee si jibba, sirratti odeessa, maqaakee faalee dhiisuu dida, dhagaa filee sitti darbata. Kaanimmoo ofitti si waama, harka walitti siif rukuta, dibbee siif reeba! Kan sitti wacu gargaartee sagalee wacaa ol kaasuun, gurra gara kaayyoo kee hinbutuchiin; dhagaa sitti darbamuu walitti qabi, riqicha ce'umsaafi mana galmaa ittiin ijaarratta; jechoota sin ilaalle sitti maxxanan immoo akka dubbii waa'ee hinbaafneefi balfa gatamaatti fageenyatti ofirraa eegi. Akkanuma, kan si faarsu faana of hinfaarsiin; gaafa si arrabsu faana of arrabsuu malta. Sagalee weedduu iddoo siif hinmalletti miirri siif kennu dhageessee, weedduufi gonfoo gaara mo'ichaa irraa akka hinhafnetti of eegi.
Eeyyeen, kan siif laatu kennaa isaa dura, eenyummaa isaa adda baasi. Hubataa ta'i! Kan siif jibbu jaalattee, kan si jibbu hinjibbiin. Kan siif reebu ol kaastee, kan si reebu reebuuf yeroofi anniisaa kee hingubiin. Dursii hubadhu!
Madda: Kitaaba Sansakkaa Sakaalame
Dubbisuufi barreessuun ittuma fufa!
👍 4❤ 3
Harmee...
Kuftee kaatee
Galtee baatee
Sagal aadda
Anaaf yaadda
Guyyaatti al kuma guungmtee
maqaa Waaqayyoo waamaa
Jilbaaf imimmaaniin kuftee
waa'ee koo Rabbitti dhaamaa
Dhibee danuun gadadamtus
waa'ee kootu si yaachisa
Qarreef qoree gidiraa'rra
yaada kootu si kaachisa
Illeen dafqa, ijaan imimmaan cobsaa
Erbee kafana keen haxooftee nama dhoksaa
Akka soddomman uumaa booroo kudhan Obsaa...
Saphaphuu'rra marmaaru kee
faana koof gumaachuuf dhaabbii
Fayyaa kee naaf haa gadamsu
👍 1
MAXXANSA SEEDAA KEETII
Nan yaadadha; Jecha kee afaanii ba'ee,
fajachee na booji'e
Isa ijaan walii gallaan kokkeetti immoo si hafe,qaroon ija keenyaa jecha bakka bu'ee
Har'a adda fagaannus;
Ashaaraan faana keetii natti as adeema, waaroo caagi'oo baatee!
Taphnii fi Kolfi kee durii lubbuu koo cinaatti godoo hin jigne ijaarratee
Yeedalaan naan taphata ergaa imimmaanii agartuu kootii baatee.
Maasiin jaalalaa alasii sanyii 'rra facaafne, haamaan isaa hin ga'e nuti adda fagaannne
Addeessa kaleessa nu miidhagseen deebinee,
Do'ii taajjabbii taane!
Kunoo....
Wadaroon faana keetii Kaleessaatti na hidha
Bor akkamiin naaf birmata ofkoo waliin, har'a kootiin nagaa hin qabu wal ooddeedha.
Ilaali;
Muffii fi kolfi keenya,hawwii fii abjuun keenya, kaasseetta seedaatti xaxamee
Barruun qixaa'ee tolfamee,akka si hin daganneef maqaa keetiin maxxanfame!
Kunoo alan dubbisu maxxansi seedaa keetii har'a na dagachiisa
Fuulduratti yoon deemu dudduuba na 'laalchisa!
@Walaloo Oro🇨🇦💎
👍 1
Yaa uumaa koo yaa guddaa koo
Natti hin dhiisiin muddama koo
Qalbii kootu na rifataa
Qaama kootu wal qirchataa
Nagaa dhabeen beelli dhufee
Qulqullutu qeetti Kufee
Gurraacha koo mooti hundaa
Nurraa dhiqi koottuu gaddaa
Naa soroorsii okkola koo
Walii galchi obbolaakoo
Murtee kenni kan saba koo
Mee naa suphii eelaa kankoo
Hallaallicha harki biluu
Kan si caale homtuu hin jiru
Nuuf birmadhuu dhiqi cubbuu
Sabakoo baraari lubbuu
Gurraacha koo mooti hundaa
Nurraa dhiqi koottuu gaddaa
Siin furama ijjibaannii
Araaruma koo furmaannii…
@@Walaloo Oro🇨🇦💎
❤ 1
An;
Ofii koo caala akkan siif yaadu
Siif bil jedhee akkan badu
Akkan si jaaladhu siif ibsuuf
Si jiraachisee of cillimsuuf
Ofii keetti si amanee hin du'u
Duuti koo kankee booda haa ta'u
@Walaloo Oro🇨🇦💎
Kottu giifti,
Dimimmisi yoo dhiyaatu
Yandoo yaadaa dheessinaa
Jal-buusee garaa buufnee
Biiftuu geggeessinaa,
Gaafa aduun gala kaatu
Halluu samii miidhagsu
Hurrii toora dhabullee
Mil’annaan miira ibsu,
Qindaa’inaa fi faca’iinsi
Akka hin taane waliif faallaa
Qalbiin akka hin daganne
Teenyee wajjin ilaallaa,
Foolii nagaa ulachaa
Miira walitti hirkifnaa
Xiqqoo wajjin haasofnee
Baay’ee wajjin callifnaa,
(Sababni)
Gad-fageenya miira keessaa
Gaafii jechi, ni daangessa!
Hin hafin,
Ammumaa fi asuma
Kan jiru sharafannaa
Mi’aa fi miidhaga keessatti
Of argachuuf of dhabnaa,
Kottu!
Kottu giifti,
Dimimmisi yoo dhiyaatu
Yandoo yaadaa dheessinaa
Jal-buusee garaa buufnee
Biiftuu geggeessinaa,
Gaafa aduun gala kaatu
Halluu samii miidhagsu
Hurrii toora dhabullee
Mil’annaan miira ibsu,
Qindaa’inaa fi faca’iinsi
Akka hin taane waliif faallaa
Qalbiin akka hin daganne
Teenyee wajjin ilaallaa,
Foolii nagaa ulachaa
Miira walitti hirkifnaa
Xiqqoo wajjin haasofnee
Baay’ee wajjin callifnaa,
(Sababni)
Gad-fageenya miira keessaa
Gaafii jechi, ni daangessa!
Hin hafin,
Ammumaa fi asuma
Kan jiru sharafannaa
Mi’aa fi miidhaga keessatti
Of argachuuf of dhabnaa,
Kottu!
@Walaloo Oro🇨🇦💎
یک طرح متفاوت انتخاب کنید
طرح فعلی شما تنها برای 5 کانال تجزیه و تحلیل را مجاز می کند. برای بیشتر، لطفا یک طرح دیگر انتخاب کنید.