️ፈለገ ጥበብ Photography (ፈለገ ጥበብ ፎቶ ማህደር ዘፈለገ ጥበብ ሚዲያ)

በኢትዮጵያ ኦርቶዶክስ ተዋህዶ ቤተክርስቲያን በምስራቅ   ሸዋ ሀገረ ስብከት የአድአ ወረዳ ቤተክህነት ሰ/ት/ቤቶች አንድነት በስሩ በሚገኙ 18 አጥቢያ ሰ/ት/ቤቶች አዲሱን የስርአተ ትምህርት የማስጀመሪያ መርሐግብር አከናወነ። የፈለገ ጥበብ ሚዲያ (ፈ.ጥ.ሚ) ጥቅምት 11/2016 ዓ.ም በጠቅላይ ቤተክህነት ተዘጋጅቶ ለሁሉም አህጉረ ስብከት በተሰራጨው ወጥ የሆነ ከ1ኛ- 12ኛ ክፍል ስርአተ ትምህርት የማስጀመሪያ መርሐግብር ላይ መ/ሀዲስ ቆሞስ አባ ሀ/ገብርኤል የም/ሸዋ ሀገረስብከት የሰ/ት/ቤቶች ማደራጃ መምሪያ ሀላፊ መጋቢ ጥበብ መ/ር እውነቱ ጥላሁን የአድአ ወረዳ ቤ/ክ ዋና ፀሀፊ ዲ/ን ፍስሐ ታደሰ የሀገረስብከቱ አንድነት ም/ሰብሳቢ እና የወረዳው አንድነት ተቀዳሚ ም/ሰብሳቢ ወጣት ከተማ ደረጀ የሀገረስብከቱ አንድነት ዋና ፀሀፊ የወረዳው አንድነት የስራ አመራር ኮመቴ አባላት በተገኙበት በተመረጡ አጥቢያዎች የተከናወነ ሲሆን በሀገረስብከቱ እና በወረዳው አመራሮች የስርአተ ትምህርቱ እና የፈተናው አላማ ለተማሪዎች ግንዛቤ እንዲሁም አባታዊ መመሪያ እና የስራ አቅጣጫ ተሰጥቷል። በዛሬ መርሐግብር በከተማ 12 እና በገጠር 6 በድምሩ በ18 አጥቢያ ለ4ኛ እና ለ7ኛ ክፍል ተማሪዎች የመግቢያ ፈተና የተሰጠ ሲሆን ፈተናው 1951 ተማሪዎች ተፈትነዋል ። ከነዚህም ውስጥ 502 ተፈታኞች በአፋን ኦሮሞ የተፈተኑ ናቸው። የወረዳው ሰ/ት/ቤቶች አንድነት እንደገለፀው ከሆነ በቀጣይነትም ህዳር 02/03/16 ዓ.ም በገጠር ሌሎች 8 አጥቢያዎችን ለማስጀመር በእንቅስቃሴ ላይ መሆኑን ገልፀዋል። ለዚህ መርሐግብር መሰካት የወረዳው አንድነት ት/ት ክፍል የጎላ ድርሻ አንደነበረው ተገልጿል። ደብረዘይት/ቢሾፍቱ