Bureau of Labor and Skills-Dire Dawa

የድሬዳዋ አስተዳደር ሥራና ክህሎት ቢሮ  "ብቃት" የወጣቶች የስራ ላይ ልምምድ ፕሮጀክት ሦስተኛ ዙር ትግበራ በሁለት ተከታታይ ዙሮች የህይወት ክህሎትና የስራ አፈላለግ ስልጠና ወስደው ያጠናቀቁ 1200 ሰልጣኞች የምርቃት መርሃግብር በድምቀት ተካሄደ፡፡ በዚህም የሰልጣኞች የምርቃት መርሃግብር ላይ የአስተዳደሩ ከፍተኛ አመራሮች የተገኙ ሲሆን የድሬዳዋ አስተዳደር ክቡር ከንቲባ አቶ ከድር ጁሃር ለሰልጣኞች የእንኳን ደስ አላችሁ መልዕክት ያስተላለፉ ሲሆን በስልጠናው ያገኙትን እውቀት በቀጣይ በስራ ላይ ለሚኖራቸው ስልጠና እንዲጠቀሙበት በማሳሰብ የሚመጡ እና የሚገጥሟቸን ፈተናዎች በጥንካሬ በማለፍ ለራሳቸውና ለሃገራቸው የሚጠቅሙ ዜጎች እንዲሆኑ መልዕክታቸውን አስተላልፈዋል፡፡ የቢሮው ኃላፊ አቶ ሮቤል ጌታቸው በበኩላቸው በሁለት ዙሮች ለ12 ቀናት የህይወት ክህሎትና የስራ አፈላለግ ስልጠና በኮሌጆቹ ውስጥ ሲሰጣቸው የቆየ ሲሆን ይህንንም ሲያጠናቅቁ በመረጡት የሙያ ዘርፍ በአስተዳደሩ በሚገኙ አምራችና አገልግሎት ሰጪ ኢንደስትሪዎች ላይ የኪስ ገንዘብ እየታሰበላቸው በተግባር እየሰሩ እውቀትና ክህሎታቸውን የሚያዳብሩ እንደሚሆን ገልጸው በስልጠና ቆይታቸውም በኮሌጆቹ የህጻናት ማቆያ ቦታዎች ተዘጋጅቶላቸዋል በዚህም የልጅ እናት የሆኑ የፕሮጀክቱ ተጠቃሚዎች ስልጠናውን ሳይስተጓጎሉ እንዲወስዱ መቻሉን በማስታወስ ለዜጎች ሁሉን ተደራሽ የሚያደርግ የስራ ዕድል ተጠቃሚ የሚያደርጉ ስራዎች በመሰራት ላይ ለመሆናቸው ይህ መርሃግብር ማሳያ መሆኑን ተናግረዋል። በቢሮው የሥራ ዕድል ፈጠራ እና የአንድ ማዕከል ዳይሬክቶሬት ዳይሬክተር አቶ ሰኢድ አሊ በአጠቃላይ በሁለት ዙር በሁለቱም ኮሌጆች ሰልጥነው ያጠናቀቁ ሰልጣኞች ብዛት አንድ ሺህ ሁለት መቶ መሆናቸውን ገልጸው በቀጣይ ቀናትም ሰልጣኞቹን ከኢንዱስትሪዎች ጋር የማስተሳሰር ስራ የሚጠናቀቅ መሆኑን አስታውቀው ሰልጣኞቹን በሁለቱ የመንግስት ኮሌጆች በማሰልጠንና ሁኔታዎችን በማመቻቸት የተሳተፉ አካላትን ሁሉ አመስግነዋል። የሥራና ክህሎት ቢሮ ህዝብ ግንኙነት ግንቦት 1/2017 ዓ.ም ድሬዳዋ

ዛሬ የምናስቃኛቹ በድሬዳዋ ፖሊቴክኒክ ኮሌጅ ሰልጣኝ ተማሪዎች የተሰሩና በ4ኛው ሀገር አቀፍ የክህሎት ውድድር ላይ ለኤግዚቢሽን የቀረቡ ቴክኖሎጂዎችን ይሆናል፡፡ አንደኛው ኤሌክትሮኒክ ኢኪውፕመንት ኮንትሮል ሲስተም ሲሆን በቀላሉ በውሃ፣ በጸሃይ እንዲሁም በተለያየ ምክንያት ሊጎዱ ወይም ሊበላሹ የሚችሉ የኤሌክትሮኒክስ ቁሳቁሶችን ደህንነታቸውን ለማስጠበቅ ድጋፍ የሚያደርግ ቴክኖሎጂ ሲሆን ቁሳቁሶቹ ያሉበትን ሁኔታ  እየተከታተለ ለሚመለከተው አካል መረጃ ይሰጣል፡፡ ሁለተኛው ወተር ቢሊንግ ሲስተም ሲባል በተለምዶ ባለው አሰራር የውሃ ቆጣሪ ንባብ የሚያደርግ ባለሙያ አድካሚ እና ጊዜ የሚወስድ ቤት ለቤት በመዞር የማንበብና ክፍያን የማሳወቅ ሂደትን በቀላሉ በእያንዳንዱ የውሃ ቆጣሪ የሚያልፈውን የውሃ ልኬት በተገጠመለት ሴንሰር በመለካት ለሚመለከተው አካል መረጃ የሚያደርስ ይሆናል፡፡ በቀጣይ ቴክኖሎጂዎቹን በሰፊው ወደ ስራ ለማስገባት ከሚመለከታቸው የዘርፍ አካላት ጋር ከኢትዮ ቴሌኮም ተግባራዊ እንቅስቃሴ እየደረገ ሲሆን ከአስተዳደሩ ውሃና ፍሳሽ ባለስልጣን ጋር በቅርበት እየተሰራ ይገኛል፤ በተጨማሪም በኤግዚቢሽኑ ላይ ለኢንዱስትሪዎች ከሚደረግ ድጋፍ ጋር በተያያዘ በኮሌጁ የተሰሩ ችግር ፈቺ የሆኑ ስፔርፓርቶች ቀርበዋል፡፡ የሥራና ክህሎት ቢሮ ህዝብ ግንኙነት ግንቦት 1/2017 ዓ.ም አዲስ አበባ

በድሬዳዋ አስተዳደር ሥራና ክህሎት ቢሮ ሶስተኛ ዙር ብቃት የወጣቶች የስራ ላይ ልምምድ የህይወት ክህሎት እና የስራ አፈላለግ ስልጠና ማጠቃለያ መድረክ በዛሬው ዕለት ተካሄደ።

የአረንጓዴ ክህሎት ቀን አረንጓዴ ቀለም ብቻ ተደርጎ የተቆጠረበት ጊዜ ያበቃ ይመስላል ዛሬ ላይ አረንጓዴ ታዳሽ ሀይልን፣ ስማርት ግብርናን፣ ተረፈ ምርቶችንና ቆሻሻን መልሶ መጠቀም የሚያስችሉ የፈጠራ ሥራዎችን፣ አዲስ የኢነርጂ አማራጭ፣ የኤሌክትሪክ መኪና እያልን ብዙ ጉዳዮችን የሚወክል ሆኗል፡፡ በተለይ አረንጓዴ ክህሎት ለአየር ንብረት ለውጥ የማይበገር ኢኮኖሚ መገንባት ሚናው ላቅ ያለ ነው ለዚህም ወቅታዊና ዘርፈ ብዙ ጥቅም ያለው ጉዳይ ምላሽ የሰጠ በአስተዳደር ደረጃ በቴክኖሎጂ ድሬዳዋን ወክሎ በ4ኛው ሀገራዊ የክህሎት ውድድር ላይ ተሳታፊ የሆነ አሰልጣኝ መምህር ያሬድ ሁሉአለም  በኢትዮ ጣሊያን ፖሊቴክኒክ ኮሌጅ የአውቶሞቲቭ አሰልጣኝ መምህር ሲሆን ለውድድር ያቀረበው ቴክኖሎጂ አማራጭ ኃይል(Alternative Fuel) ከወዳደቁ የፕላስቲክ ቁሶች እና ከጃትሮፋና ከጥጥ ፍሬ ተክሎች በመቀላቀል(ባዮዲዝል) የተመረተ ለተሸከርክሪ የነዳጅ ፍጆታ የሚውል ነው፡፡ በተለያዩ ሂደቶች ውስጥ አልፎ የሚመረተውን ይህን አማራጭ የኃይል አቅርቦት ወደ ጥቅም ለማዋል ከሚመለከተው አካል የላብራቶሪ ሙከራ ተደርጎ ማረጋገጫ አግኝቷል፤  ከንጹህ ነዳጅ ጋር በመቀላቀልም መጠቀም የሚቻል መሆኑና በዚህም ከውጪ የሚገባውን ነዳጅ መቀነስ የሚያስችል በተለይ በምርቱ ሂደት ለዜጎች ቋሚና ጊዚያዊ የስራ ዕድል ከመፍጠር በተጨማሪ በተኪ ምርትነት የውጭ ምንዛሪን የሚያስቀር በመሆኑ በቀጣይ በመንግስትና በግሉ ዘርፍ ትብብርና ድጋፍ በሰፊው ወደ ስራ መግባት እንደሚፈልግና ለዚህም ዝግጁ መሆኑን አረጋግጦልናል፡፡ ‹‹ብሩህ አእምሮዎች በክህሎት የበቁ ዜጎች›› የሥራና ክህሎት ቢሮ ህዝብ ግንኙነት ሚያዚያ 30/2017 ዓ.ም ድሬዳዋ

"የማህበረሰብ አቀፍ ውይይት ለስራ ባህል ግንባታና ምርታማነት" በሚል መሪ ሀሳብ የተዘጋጀ የንቅናቄ ስራዎች ማስጀመሪያ መርሐ ግብር !

የሽሬ ግብርና ቴ/ሙ/ት/ስልጠና ፖሊቴክኒክ ኮሌጅ አመራር አባላትን የያዘ ልዑካን ቡድን በኢትዮ-ጣሊያን ፖሊቴክኒክ ኮሌጅ የልምድ ልውውጥ ጉብኝት አካሄደ፡፡ ሚያዚያ 30/2017 ዓ.ም የኢትዮ-ጣሊያን ፖሊቴክኒክ ኮሌጅ በEASE ፕሮጀክት ትግበራ እያሳየ በሚገኘው ከፍተኛ አፈፃፀም ጋር ተያይዞ በሀገሪቱ የሚገኙ በርካታ ኮሌጆች ለልምድ ልውውጥ ወደ ተቋማችን እየመጡ መሆኑ የሚታወቅ ሲሆን በዛሬው እለትም በሰሜን ኢትዮጵያ ትግራይ ክልል የሚገኘው የአክሱም ፖሊቴክኒክ ኮሌጅ በተቋማችን የልምድ ልውውጥ ጉብኝት አድርጏል:: ቡድኑ በኮሌጃችን በነበረው የልምድ ልውውጥ ጉብኝት መርሃ-ግብር ወቅት የኢትዮ-ጣሊያን ፖሊቴክኒክ በEASE ፕሮጀክት ያለውን የአፈፃፀም ሂደት በዝርዝር የተመለከተ ሲሆን በተጨማሪም ኮሌጁ በተለያዩ ተግባራት እያከናወናቸው የሚገኙ የለውጥ ስራዎችም በኮሌጁ ዲን አቶ ታደለ አሰፋ አማካኝነት ሰፋ ያለ ገልፃ ተደርጎላቸዋል:: ልኡካን ቡድኑ በኮሌጁ ባደረገው ምልከታና የተደረገላቸው ገለፃ መነሻ በማድረግ በተካሄደው የጋራ ውይይት ወቅትም የኢትዮ-ጣሊያን ፖሊቴክኒክ ኮሌጁ እያከናወናቸው በሚገኘው ዘርፈ ብዙ የስራ እንቅስቃሴዎች መደነቃቸውን ገልፀው በተለይም ኮሌጁ በEASE ፕሮጀክት አተገባበር ላይ በአጭር ጊዜ እያሳየ ያለው የላቀ አፈፃፀም ለሌሎች አቻ ተቋማትም ሞዴል ተደርጎ መወሰድ የሚችልበት ደረጃ ላይ እንደሚገኝም ሀሳባቸውን ገልፀዋል:: በተጨማሪም ልኡካን ቡድኑ በኮሌጁ የሚገኙ የተለያዩ የትምህርትና ስልጠና ክፍሎች እንዲሁም ዎርክ ሾፖችን ተዘዋውረው የተመለከቱ ሲሆን እዚህ በኮሌጁ ያገኟቸውን በርካታ ልምዶችንም ቀምረው በመጡበት ኮሌጅ ውስጥ ተግባራዊ ለማድረግ እንደሚሰሩም ገልፀዋል:: የኢትዮ-ጣሊያን ፖሊቴክኒክ ኮሌጅ

የፋይዳ ዲጂታል ብሔራዊ መታወቂያ ምዝገባ መርሀ-ግብር በኢትዮ-ጣሊያን ፖሊቴክኒክ ተካሄደ። ሚያዚያ 30/2017 ዓ.ም እንደ ሀገር የተጀመሩ የሪፎርም ስራዎች ተጠናክረው እንዲቀጥሉ ለማስቻልና የዲጂታል ኢትዮጵያ ራዕይ እውን ከማድረግ አኳያ ሁሉንም ዜጋ የፋይዳ ዲጂታል መታወቂያ እገልግሎት ተጠቃሚ ማድረግ ቁልፍ ተግባር ተደርጎ በንቅናቄ እየተሰራ ይገኛል:: በዚህም በዛሬው እለት በኮሌጁ በተዘጋጀው የፋይዳ ዲጂታል መታወቂያ የምዝገባ መርሃ-ግብር ላይ የኢትዮ-ጣሊያን ፖሊቴክኒክ ኮሌጅ አመራሮች እና ሰራተኞች እንዲሁም ሰልጣኝ ተማሪዎች በቦታው በመገኘት ምዝገባቸውን ማከናወንም ችለዋል:: የኢትዮ-ጣሊያን ፖሊቴክኒክ ኮሌጅ

#ዜና /በአስተዳደሩ የተፈጠሩ የስራ እድሎች ለስራ ባህል ማደግ እና ለሀገሪቱ የኢኮኖሚ እድገት የሚኖረው አበርክቶ ከፍተኛ ነው ሲሉ የድሬዳዋ አስተዳደር ክቡር ከንቲባ ከድር ጁሀር ገለጹ #DGC ሚያዚያ 30/2017 "የማህበረሰብ አቀፍ ውይይት ለስራ ባህል ግንባታና ምርታማነት" በሚል መሪ ሀሳብ የድሬዳዋ አስተዳደር የስራ እና ክህሎት ቢሮ ምርታማነት ማረጋገጥ የሚያስችል የንቅናቄ ማስጀመሪያ መድረክ በዛሬ እለት አካሂዷል ። በንቅናቄ መድረክም ተገኝተው የመክፈቻ ንግግር ያደረጉት የድሬዳዋ አስተዳደር ክቡር ከንቲባ አቶ ከድር ጁሀር ድሬዳዋ ከመስረታዊ ጀምሮ በንግድ እና በኢንዱስትሪው ዘርፍ ከፍተኛ የሆነ የስራ እንቅስቃሴ የነበራት የህዝብም የስራ ባህል ጠንካራ የነበረበት መሆኑን አንስተው አሁንም ወጣቱ መንግስት የሚፈጥራቸው የስራ እድሎች በመጠቀም ራሳቸውን እና ሀገራቸውን መለወጥ እንደሚገባ አስገንዝበዋል። የአስተዳደሩ መንግስት የማህበረሰብ አቀፍ የምርታማነት ውይይት በትኩረት መተግበር ከተቻለ የሥራ ባህልን በመቀየር እና የሀገሪቱን የኢኮኖሚ እድገት በማሳደግ ረገድ ሚናው የጎላ መሆኑን ተናግረዋል። የድሬዳዋ አስተዳደር የስራና ክህሎት ቢሮ ኃላፊ አቶ ሮቤል ጌታቸውም በበኩላቸው መድረኩ በዋናነት ከስራ ባህል ጋር ያሉ ችግሮች (በአመለካከት ልማድ ና አሰራር ) ላይ ያሉ ችግሮች በመቀነስ ከዛሬ ችግር ወይም ደህነት በመላቀቅ ወደ ተሻለ ነገ መሸጋገር የሚያስችል አቅም መፍጠር እንደሆነ ተናግረዋል ። በዚህም የስራ ባህልን ግንባታችን ምን ይመስላል የሚሉትን እና በዋናነት የአካባቢ ጸጋን ለይቶ በመጠቀም ለወጣቶች ምቹ የስራ እድልን ከመፍጠር አንጻር ያሉ ጉዳዮች ላይ እንደሚመክር ገልጸዋል። የአካባቢ ልማትና የህብረተሰብ ተሳትፎ ጽ/ቤት ኃላፊ ወ/ሮ ረሂማ አወል ሲገልጹ በንቅናቄ የሚከወነውን የስራ ዕድል ፈጠራ ዙሪያ ወጣቶች ከስራ ማማረጥ አስተሳሰብ ተላቀው መንግስት በሚፈጥርላቸው የስራ እድሎች ተጠቃሚ ለማድረግ በሁሉም ብሎክ ለሚገኙ ስራ ፈላጊዎች ግንዛቤ እንዲኖራቸው የማድረግ ስራ መሰራቱን ተናግረዋል። በመርሀ ግብሩም የብልጽግና ፓርቲ ድሬዳዋ ቅ/ጽ/ቤት ኃላፊ ክቡር አቶ ኢብራሂም ይሱፍን ጨምሮ ከፍተኛ የአስተዳደሩ አመራሮች የሀይማኖት አባቶች ፣ ጥሪ የተደረገላቸው እንግዶች እና ነዋሪዎች ተገኝተዋል ። ©️ DDGC

"አንድነት በክህሎት ቀን" ሶስተኛ ቀኑን በያዘው 4ኛው ሀገር አቀፍ የክህሎት ውድድር ሀገራዊ አንድነት በክህሎት የውድድር አደባባይ ብዝሃ ክህሎቶች በአንድነት ደምቀው በኢትዮጵያ የቆዳ ስፋት ከሁሉም አካባቢዎች የተወጣጡ ልጆቿ እንደ ቤተሰብ አንድ ሆነው የነገዋን ኢትዮጵያ እያሰቡ በመወዳደር ላይ ይገኛሉ። በዛሬው ዕለትም የድሬዳዋ አስተዳደር ሰልጣኝ የክህሎት ተወዳዳሪዎች ቀጥለው በውድድሩ እየተሳተፉ ሲገኝ በተግባራዊ ጥናትና ምርምር አስተዳደሩን በመወከል የተማሪዎችን የአቴንዳንስ ስርአትን ዲጂታል በሆነ መንገድ ለማሻሻል ታልሞ የተዘጋጀ ተግባራዊ ጥናትና ምርምር በተወዳዳሪ አሰልጣኝ መምህራን ቀርቧል። መልካም ዕድል ለተወዳዳሪዎቻችን! የሥራና ክህሎት ቢሮ ህዝብ ግንኙነት ሚያዚያ 29/2017 ዓ.ም ድሬዳዋ

በድሬደዋ አስተዳደር ሥራና ክህሎት ቢሮ ከማስተር ካርድ ፋውንዴሽን ፕሮጀክቶች ጋር በ2025 የመጀመሪያ ሩብ አመት የሥራ አፈጻጸም ላይ ያተኮረ ከፌዴራል በመጡ ከፍተኛ አመራሮች የሱፐርቪዥንና የጉብኝት መረሃ ግብር ተካሄደ፡፡ በዚህም የድሬዳዋ አስተዳደር ሥራና ክህሎት ቢሮ በማስተር ካርድ ፋውንዴሽን ስር የሚገኙ የተለያዩ ፕሮግራሞች ጋር በቅንጅት የተሰሩ ስራዎች ከፌደራል በመጡ አመራሮች በአስተዳደሩ ከሚገኙ የፕሮግራም አስተባባሪዎች እና የቢሮው አመራሮችና ባለሙያዎች ጋር በመሆን አፈጻጸሙን የገመገሙ ሲሆን በተጨባጭ የመስክ ጉብኝት በማድረግ የህብረተሰቡን ተጠቃሚነት  መመልከት ችለዋል፡፡ በማስተር ካርድ ፋውንዴሽን ስር የሚገኙ የተለያዩ ፕሮግራሞች ሲኖሩ በዛሬው ዕለት ከቢሮው ጋር ስራዎቻቸውን በዕቅድ አናብበው እየሰሩ የሚገኙና ስራቸው የተገመገመ የመስራት ስራ ፈጣሪዎች ፕሮግራም፣ ጥላ ፕሮግራም፣ ሳፊ ፕሮግራም፣ መስመር ፕሮግራም እና ሲድ ፕሮግራም ናቸው፡፡ በአስተዳደሩ ከተማና ገጠር ፍትሃዊ ተደራሽነትን ለማረጋገጥ የአጋር አካላት ድጋፍ ወሳኝ መሆኑን የገለፁት በቢሮው የሥራ ዕድል ፈጠራ እና የአንድ ማዕከል ማስተባበሪያ ዳይሬክቶሬት አቶ ሰኢድ አሊ የአጋር አካላት ሚና ቀላል የማይባል መሆኑንና በቀጣይም ተቀራርቦ እና በየጊዜው በተመሳሳይ መልኩ ስራዎችን አቅዶ እየገመገሙ መሄድ አስፈላጊ በመሆኑን ገልጸዋል፡፡ የሥራና ክህሎት ቢሮ ህዝብ ግንኙነት ሚያዝያ 28/2017 ዓ.ም ድሬዳዋ

#ዜና | የኢትዮ ጣሊያን ፖሊ ቴክኒክ ኮሌጅ አድራ ፕሮጀክት የ 5000 ዋት ሶላር ፒቪ ኢኒስታሌሽን እና ኮሚሽኒንግ ከባለድርሻ አካላት ጋር የምክክር መድረክ አካሄደ ። #Dire tv አማርኛ ሚያዚያ 28/2017 በድሬዳዋ አስተዳደር በኢትዮ ጣሊያን ፖሊ ቴክኒክ ኮሌጅ እና በአድራ ኢትዮጵያ በቅንጅት እየተሰራ ያለ የኤሌትሪክ ሀይል የሚሰራ በአይነቱ ለየት ያለ ሶፍት ዌር የተገጠመለትን የኮሌጁን የኤሌክትሪክ ዲፖርትመንት ሙሉ ለሙሉ በሶላር ሀይል ኢንዲጠቀሙ የሚያደርግ ፕሮጀክት ከጀርመን ሀገር በመጡ የሶላር ዘዴዎች የተሰራ 5000 ዋት ሶላር ፒቪ ዝርጋታ በትብብር በመስራት በይፋ የርክክብና የምረቃ መርሀ ግብር ተካሂዷል ። የድሬዳዋ አስተዳደር የስራና ክሎት ቢሮ ሀላፊ አቶ ሮቤል ጌታቸዉ በጸሀይ ሀይል የሚሰራ የሀይል ምንጭን መጠቀም ውስጥ የታዳሽ ሀይልን የመጠቀም አዲስ ልምድና አዲስ አቅምን የፈጠረ መሆኑን ገልጸው በተጨባጭ ያለዉን አስተዳደሩ የሚፈልገዉን ቴክኖሎጂ የሞላ የስራ እድልን መፍጠር ላይ ከዚህ በላይ መስራት ይገባናል ብለዋል ።ድርጅቱ ላደረገው ድጋፍም በቢሯቸውና በአስተዳደሩ ስም አመስግነዋል። የአድራ ኢትዮጵያ ፕሮግራም ዳሬክተር ዶ/ር ዘሪሁን አዋኖ በበኩላቸው ወጣቶች በታዳሽ ሀይል በሶላር ሀይል መሳቢያ ተከላ ሥራ ሰልጥነዉ ህዝባቸዉና ሀገራቸዉን እንዲያገለግሉ ብሎም የራሳቸውን ህይወት እንዲለዉጡ አላማ ይዞ እየሰራ ያለ ፕሮጀክት መሆኑን ገልፀዉ ወጣቶችን የክህሎት ባለቤት በማድረግ ወጣቱ ከስራ ፈጠራ ወደ ሀብት ፈጠራ እንዲገባ የሚያነሳሳ ፕሮጀክት ነዉ ሲሉ ተናግረዋል ። የኢትዮ ጣሊያን ፖሊ ቴክኒክ ኮሌጅ ዲን አቶ ታደለ አሰፋ እንዲሁ እንደ አስተዳደር ከያዝነዉ ድሬዳዋን የዘመነች ከተማ የማድረግ ግንባታ ላይ ትልቅ ሚና የሚጫወት ፕሮጀክት ነዉ ብለዋል ። አድራ ኢትዮጵያ ፕሮጀክቱ ሲጀመር ለ120 ሰልጣኞች የስራ እድል ለመፍጠር የታሰበ ሲሆን በመጀመሪያ ዙር ከ46 በላይ ሰልጣኞችን አሰልጥኖ በማስመረቅ ለሁለተኛ ዙር ምዕራፍ እንዲሁ አሰልጥኖ ለማስመረቅ በዝግጅት ላይ ይገኛል ። አድራ ኢትዮጵያ መንግስታዊ ያልሆነ ድርጅት ላለፉት አርባ ሁለት አመታት የተለያዩ የልማት ስራዎችን በተለይ የነብስ አድንና ዜጎችን ህይወት መለወጥ ላይ ትኩረት አድርጎ በተለያዩ የኢትዮጵያ ክፍሎች ሲሰራ የቆየ አሁንም እየሰራ ያለ ድርጅት ሲሆን በድሬዳዋ አስተዳደር ከኢትዮ ጣሊያን ፖሊ ቴክኒክ ኮሌጅ ጋር በመተባበር በአጫጭር ስልጠናዎችና በሶላር ፒቪ ሲስተም መስመር ዝርጋታና ጥገና ተማሪዎችንንና መምህራንን የማሰልጠንና የማብቃት ስራ እየሰራ እንደሚገኝ ከመድረኩ ተገልጿል። ሰላም ይኄይስ