TTYSI • TITLI • ТИТЛП

✔️🟦🟦🟦 TALABALAR TURAR JOYIGA JOYLASHISH VA VAQTINCHA RO‘YXATDAN O‘TISH OSONLASHDI 🗣2026-yil 1-avgustdan boshlab talabalar turar joyiga joylashish hamda turgan joyi bo‘yicha vaqtincha ro‘yxatdan o‘tish jarayoni yagona elektron xizmat orqali amalga oshiriladi. ⏺Endilikda talaba talabalar turar joyiga joylashgandan so‘ng vaqtincha ro‘yxatdan o‘tish uchun alohida hujjatlar yig‘ishi yoki boshqa idoralarga murojaat qilishi talab etilmaydi. ⏺Buning uchun my.gov.uz portalidagi “Talabalar turar joyiga joylashish uchun ariza yuborish” elektron xizmati orqali ariza yuborish kifoya. ⏺Ariza tasdiqlangach, talabaga elektron shartnoma va yo‘llanma taqdim etiladi. To‘lov amalga oshirilganidan so‘ng esa talabaning turgan joyi bo‘yicha vaqtincha ro‘yxatga olingani haqidagi qayd varag‘i elektron shaklda rasmiylashtiriladi. 💬Eslatma: Turgan joyi bo‘yicha vaqtincha ro‘yxatga qo‘yish muddati to‘lov amalga oshirilgan kundan boshlab shartnomada belgilangan muddat yakuniga qadar amal qiladi. 📧 Ariza yuborish #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️🌍🌍🌍🌍🌍🌍🌍 TALABALAR TURAR JOYIDAN KIMLAR KO‘PROQ FOYDALANADI? 🗣Talabalar turar joyidagi mavjud o‘rinlar, bo‘sh qolgan joylar sonidan kelib chiqib, navbat asosida quyidagi tartibda taqsimlanadi: 🔹 1-kurs talabalari — 55–65% 🔹 2-kurs talabalari — 15–20% 🔹 3-kurs va undan yuqori kurs talabalari — 20–25% ⏺Mazkur taqsimot birinchi kurs talabalarining yangi o‘quv muhitiga moslashishi hamda ularni yashash sharoitlari bilan ta’minlashni ustuvor yo‘nalish sifatida qo‘llab-quvvatlash maqsadida amalga oshiriladi. ⏺Shu bilan birga, yuqori kurs talabalari uchun ham mavjud o‘rinlar o'rnatilgan tartibda ajratiladi. __________ 🗣Avvalroq, Institutning birinchi prorektori Baxtiyor Nasimov talabalar turar joylarida olib borilayotgan tayyorgarlik jarayonlarini ko‘zdan kechirib, mas’ullar bilan amalga oshirilayotgan ishlarni muhokama qilganligi yuzasidan xabar berilgan edi. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️ 🖥🖥🖥 🗣“Mening yurtim” telekanali orqali efirga uzatilayotgan “Gapiring” tok-shousining navbatdagi sonida Toshkent to‘qimachilik va yengil sanoat instituti vakili ekspert sifatida ishtirok etdi. ⏺“Dual ta’lim – talaba o‘qisinmi, ishlasinmi? Gapiring” mavzusiga bag‘ishlangan ko‘rsatuvda institutning To‘qimachilik matolari texnologiyasi kafedrasi mudiri, texnika fanlari doktori (PhD) Jo‘rabek Muxtarov ekspert sifatida qatnashib, dual ta’lim tizimining afzalliklari, uning ta’lim sifati va ishlab chiqarish bilan integratsiyasidagi o‘rni haqida o‘z fikr-mulohazalarini bildirdi. ▶️Tomosha qilish #TTYSI_OAV_BIZ_HAQIMIZDA #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 INSTITUT OLIMASI LONDONDAGI KONFERENSIYADA ISHTIROK ETDI

Toshkent to‘qimachilik va yengil sanoat instituti Iqtisodiyot fakulteti dekani, iqtisodiyot fanlari doktori (DSc) Gulasal Madraximova Buyuk Britaniyaning London shahrida bo‘lib o‘tgan 10th World Conference on Information Communication Systems, Software, Security and Sustainability (WorldS4 2026) nufuzli xalqaro ilmiy konferensiyasida muvaffaqiyatli ishtirok etdi.

🗣Konferensiya doirasida olima “The Impact of Green Bond Issuance on Agricultural Productivity: A Case Study of Agrobank” mavzusidagi ilmiy tadqiqotini taqdim etdi. Mazkur tadqiqotda yashil obligatsiyalarni chiqarishning qishloq xo‘jaligi samaradorligiga ta’siri Agrobank faoliyati misolida ilmiy jihatdan tahlil qilinib, barqaror moliyalashtirish mexanizmlarining agrar sohani rivojlantirishdagi o‘rni yoritib berildi. ⏺WorldS4 2026 konferensiyasi axborot-kommunikatsiya tizimlari, dasturiy ta’minot, kiberxavfsizlik va barqaror rivojlanish yo‘nalishlaridagi ilg‘or ilmiy tadqiqotlarni muhokama qilishga bag‘ishlangan nufuzli xalqaro ilmiy platforma hisoblanadi. Unda dunyoning turli mamlakatlaridan yetakchi olimlar, professor-o‘qituvchilar, tadqiqotchilar hamda soha mutaxassislari ishtirok etib, zamonaviy ilmiy yutuqlar va innovatsion ishlanmalarni taqdim etdilar. ⏺Konferensiya materiallarining Springer Nature nashriyoti hamkorligida chop etilishi mazkur ilmiy anjumanning xalqaro nufuzi va ilmiy ahamiyatini yana bir bor tasdiqlaydi. ⏺Konferensiya yakunida Gulasal Madraximovaga ilmiy ma’ruzasi uchun xalqaro namunadagi sertifikat topshirildi. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 YEVROPADAGI XALQARO MALAKA OSHIRISH DASTURI MUVAFFAQIYATLI YAKUNLANDI

Toshkent to‘qimachilik va yengil sanoat instituti professor-o‘qituvchilari hamda rahbar xodimlarining Chexiya Respublikasining Praga shahridagi European Institute of Applied Science and Management (EIASM)da tashkil etilgan xalqaro malaka oshirish dasturi muvaffaqiyatli yakunlandi.

🗣Dastur davomida ishtirokchilar zamonaviy ta’lim texnologiyalari, oliy ta’lim tizimida sun’iy intellektdan samarali foydalanish, raqamli transformatsiya jarayonlari hamda Yevropa oliy ta’lim muassasalarining ilg‘or tajribalari bilan yaqindan tanishdilar. Shuningdek, o‘quv mashg‘ulotlari davomida innovatsion pedagogik yondashuvlar, ilmiy-tadqiqot faoliyatini rivojlantirish va xalqaro akademik hamkorlikni kengaytirish masalalariga alohida e’tibor qaratildi. ⏺Malaka oshirish dasturi yakunida barcha ishtirokchilarga xalqaro namunadagi sertifikatlar tantanali ravishda topshirildi. Mazkur sertifikatlar ularning xalqaro malaka oshirish dasturini muvaffaqiyatli tamomlaganini tasdiqlaydi. ⏺Ushbu dastur Toshkent to‘qimachilik va yengil sanoat institutida ta’lim sifatini yanada yuksaltirish, zamonaviy pedagogik texnologiyalarni o‘quv jarayoniga keng joriy etish hamda professor-o‘qituvchilarning xalqaro tajribasini boyitishda muhim ahamiyat kasb etadi. Shu bilan birga, xalqaro hamkorlikni mustahkamlash va institutning jahon ta’lim makonidagi nufuzini yanada oshirish yo‘lidagi navbatdagi muhim qadam bo‘ldi. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 PRAGADAGI XALQARO MALAKA OSHIRISH DASTURIDA PROFESSOR-O‘QITUVCHILAR ISHTIROK ETDI

Toshkent to‘qimachilik va yengil sanoat instituti professor-o‘qituvchilari hamda xodimlari Chexiya Respublikasining Praga shahrida joylashgan European Institute of Applied Science and Management (EIASM)da tashkil etilgan xalqaro malaka oshirish dasturida ishtirok etishdi.

🗣Malaka oshirish dasturi zamonaviy ta’lim texnologiyalarini o‘rganish, xalqaro tajribani o‘zlashtirish hamda oliy ta’lim sifatini yanada takomillashtirishga qaratilgan bo‘lib, unda Yevropaning ilg‘or yondashuvlari va innovatsion amaliyotlari bilan tanishish imkoniyati yaratildi. ⏺Dastur doirasida “Oliy ta’limda sun’iy intellektdan samarali foydalanish: Yevropa tajribasi va hozirgi tendensiyalar” (Effective Use of Artificial Intelligence in Higher Education: European Experience and Current Trends) mavzusida seminar-treninglar tashkil etildi. ⏺Mashg‘ulotlarda sun’iy intellekt texnologiyalarining ta’lim jarayonidagi imkoniyatlari, o‘quv va ilmiy faoliyatda AI vositalaridan samarali foydalanish, akademik halollik tamoyillariga rioya etish, sun’iy intellektdan mas’uliyatli va etik foydalanish masalalari yuzasidan atroflicha fikr almashildi. ⏺Mazkur xalqaro malaka oshirish dasturi institut professor-o‘qituvchilarining kasbiy salohiyatini oshirish, ta’lim jarayoniga zamonaviy raqamli texnologiyalarni joriy etish hamda xalqaro tajribalarni milliy ta’lim tizimiga tatbiq etishda muhim ahamiyatga ega. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 YEVROPANING YANA BIR NUFUZLI OLIYGOHI BILAN HAMKORLIK MEMORANDUMI IMZOLANDI

Toshkent to‘qimachilik va yengil sanoat instituti birinchi prorektori Baxtiyor Nasimov boshchiligidagi delegatsiya Chexiyaning Praga Menejment va Texnologiyalar Instituti (PIMT)ga rasmiy ravishda tashrif buyurdi.

🗣Tashrif doirasida ikki oliy ta’lim muassasasi vakillari o‘rtasida uchrashuv bo‘lib o‘tdi. Muzokaralarda ta’lim, ilm-fan, innovatsiyalar hamda xalqaro akademik hamkorlikni yanada rivojlantirish istiqbollari yuzasidan fikr almashildi. ⏺Uchrashuvda Toshkent to‘qimachilik va yengil sanoat instituti hamda Praga Menejment va Texnologiyalar Instituti (PIMT) o‘rtasida hamkorlik memorandumi imzolandi. Mazkur hujjat ikki oliy ta’lim muassasasi o‘rtasidagi o‘zaro manfaatli aloqalarni yangi bosqichga olib chiqish, uzoq muddatli strategik sheriklikni yo‘lga qo‘yish hamda qo‘shma tashabbuslarni amalga oshirish uchun mustahkam huquqiy asos yaratadi. ⏺Memorandumga muvofiq, tomonlar qo‘shma ta’lim va ilmiy-tadqiqot dasturlarini amalga oshirish, ilg‘or akademik va kasbiy tajriba almashinuvini yo‘lga qo‘yish, professor-o‘qituvchilar hamda talabalar uchun akademik almashinuv va malaka oshirish dasturlarini tashkil etish, shuningdek, ilmiy loyihalar, seminarlar, konferensiyalar va boshqa qo‘shma tadbirlarni hamkorlikda o‘tkazishga kelishib oldilar. ⏺Mazkur hamkorlik ikki oliy ta’lim muassasasining ilmiy salohiyatini birlashtirish, xalqaro ta’lim standartlarini joriy etish, talabalar va professor-o‘qituvchilar uchun yangi imkoniyatlar yaratish hamda innovatsion g‘oyalarni amaliyotga tatbiq etishda muhim ahamiyat kasb etadi. ⏺Uchrashuv yakunida tomonlar o‘zaro ishonch va manfaatli sheriklik tamoyillari asosida hamkorlikni izchil rivojlantirish, qo‘shma loyihalar ko‘lamini kengaytirish hamda ta’lim va ilm-fan sohasida uzoq muddatli samarali aloqalarni mustahkamlashga tayyor ekanliklarini tasdiqladilar. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️🟦🟦🟦 BAXTIYOR NASIMOV EUROPEAN INSTITUTE OF APPLIED SCIENCE AND MANAGEMENT FAXRIY DOKTORI UNVONI BILAN TAQDIRLANDI

Chexiya Respublikasiga amalga oshirilgan rasmiy tashrif doirasida Toshkent to‘qimachilik va yengil sanoat instituti birinchi prorektori, iqtisodiyot fanlari doktori, professor Baxtiyor Nasimov European Institute of Applied Science and Management (EIASM) tomonidan Faxriy doktor (Honorary Doctor) unvoni bilan taqdirlandi.

🗣Mazkur yuksak e’tirof professor Baxtiyor Nasimovning oliy ta’lim tizimini rivojlantirish, ilm-fan va innovatsiyalarni qo‘llab-quvvatlash, xalqaro akademik hamkorlikni kengaytirish hamda zamonaviy ta’lim tashabbuslarini amalga oshirish borasidagi ko‘p yillik samarali faoliyati va salmoqli ilmiy yutuqlarining xalqaro miqyosdagi e’tirofi sifatida topshirildi. ⏺Faxriy doktor unvoni nafaqat professor Baxtiyor Nasimovning shaxsiy ilmiy-pedagogik faoliyatiga berilgan yuksak baho, balki Toshkent to‘qimachilik va yengil sanoat institutining xalqaro maydondagi nufuzi va ilmiy salohiyatining e’tirofi sifatida ham alohida ahamiyat kasb etadi. ⏺Toshkent to‘qimachilik va yengil sanoat instituti jamoasi professor Baxtiyor Nasimovni ushbu nufuzli xalqaro mukofot bilan samimiy muborakbod etadi hamda kelgusidagi ilmiy, pedagogik va xalqaro faoliyatida ulkan muvaffaqiyatlar tilaydi. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 EUROPEAN INSTITUTE OF APPLIED SCIENCE AND MANAGEMENT BILAN HAMKORLIK MEMORANDUMI IMZOLANDI

Chexiya Respublikasiga amalga oshirilgan rasmiy tashrif doirasida Toshkent to‘qimachilik va yengil sanoat instituti hamda European Institute of Applied Science and Management (EIASM) o‘rtasida hamkorlik memorandumi imzolandi.

🗣Mazkur memorandum ikki oliy ta’lim muassasasi o‘rtasida ta’lim, ilm-fan va innovatsiyalar sohasidagi hamkorlikni yangi bosqichga olib chiqishga xizmat qiladi. Hujjat qo‘shma ta’lim va ilmiy-tadqiqot dasturlarini amalga oshirish, professor-o‘qituvchilar hamda talabalar akademik almashinuvini rivojlantirish, xalqaro grant va ilmiy loyihalarni birgalikda amalga oshirish uchun mustahkam huquqiy asos yaratadi. ⏺Hamkorlik doirasida zamonaviy ta’lim texnologiyalarini joriy etish, ilmiy tadqiqotlar samaradorligini oshirish, qo‘shma konferensiyalar, seminarlar va malaka oshirish dasturlarini tashkil etish hamda ikki tomonlama tajriba almashish yo‘nalishlarida hamkorlikni kengaytirish rejalashtirilgan. ⏺Ushbu memorandum Toshkent to‘qimachilik va yengil sanoat institutining xalqaro hamkorlik geografiyasini yanada kengaytirish, ta’lim sifatini xalqaro standartlar asosida rivojlantirish hamda talabalar va professor-o‘qituvchilar uchun yangi akademik imkoniyatlar yaratish yo‘lidagi muhim qadamlardan biri hisoblanadi. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️🟦🟦🟦🟦🟦 XALQARO EKSPERT ISHTIROKIDA LIBOS DIZAYNI BO‘YICHA O‘QUV SEMINAR VA MAHORAT DARSLARI O‘TKAZILADI 🗣Germaniya To‘qimachilik Uyushmasi Gesamtmasche tomonidan amalga oshirilayotgan GUZ Partners loyihasi, O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi, "O‘zto‘qimachiliksanoat" uyushmasi hamda Toshkent to‘qimachilik va yengil sanoat instituti hamkorligida libos dizayni mutaxassislari uchun xalqaro o‘quv seminar va ixtisoslashtirilgan mahorat darslari tashkil etiladi. ⏺Seminar va mahorat darslarini moda hamda to‘qimachilik dizayni bo‘yicha taniqli xalqaro ekspert Robert Herzog olib boradi. Mutaxassis Hugo Boss AG va Laurèl kabi dunyoning yetakchi moda brendlari bilan ko‘p yillik muvaffaqiyatli hamkorlik tajribasiga ega. ⏺Seminar dasturida quyidagi yo‘nalishlar bo‘yicha nazariy va amaliy mashg‘ulotlar o‘tkaziladi: - Barqaror materiallar bozoridagi zamonaviy trendlar va global tendensiyalar; - Loyiha hamda kolleksiyalar uchun g‘oyalar xaritasini professional darajada shakllantirish usullari; - Xalqaro standartlarga mos portfolio tayyorlash bo‘yicha amaliy tavsiyalar; - Moda va to‘qimachilik dizaynida innovatsion yondashuvlar hamda bozor ehtiyojlarini tahlil qilish. ⏺Mazkur seminar libos dizayni yo‘nalishida faoliyat yuritayotgan professor-o‘qituvchilar, mutaxassislar, dizaynerlar hamda talabalarga xalqaro tajribani o‘rganish, amaliy ko‘nikmalarini rivojlantirish va professional aloqalarni kengaytirish uchun muhim imkoniyat yaratadi. 📅 2026-yil 3–7-avgust 📍 Toshkent shahri, Toshkent to‘qimachilik va yengil sanoat instituti 💬Joylar soni cheklangan! Ro‘yxatdan o‘tish va qo‘shimcha ma’lumot uchun: 📞+998997901255 — Kamola 📞+998977206870 — Yulduz #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️✅✅✅✅ YANGI O‘QUV YILIGA TAYYORGARLIK MASALALARI MUHOKAMA QILINDI

Toshkent to‘qimachilik va yengil sanoat instituti birinchi prorektori Baxtiyor Nasimov tomonidan yangi 2026/2027-o‘quv yiliga tayyorgarlik jarayoniga bag‘ishlangan yig‘ilish o'tkazildi.

🗣Yig‘ilishda institutda yangi o‘quv yiliga tayyorgarlikning borishi, o‘quv auditoriyalari va laboratoriyalarning moddiy-texnik bazasini yanada mustahkamlash, ta’lim sifati va o‘quv jarayonini zamonaviy talablar asosida tashkil etish masalalari atroflicha muhokama qilindi. ⏺Shuningdek, moliyaviy yo‘nalishlarda belgilangan vazifalar ijrosi, mavjud resurslardan samarali foydalanish, xarajatlarni maqbullashtirish hamda rejalashtirilgan ishlarni belgilangan muddatlarda sifatli amalga oshirish yuzasidan mas’ullarga tegishli topshiriqlar berildi. ⏺Yig‘ilish yakunida yangi o‘quv yilini puxta tayyorgarlik bilan kutib olish, ta’lim jarayonini yuqori saviyada tashkil etish hamda institut infratuzilmasini yanada takomillashtirish bo‘yicha ustuvor vazifalar belgilab olindi. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️‼️‼️‼️✅✅✅✅ O'QUVCHILARGA PROFESSORLAR TA'LIM BERADI

Avval xabar berilganidek, Yakkasaroy tumani hokimligi, Toshkent to‘qimachilik va yengil sanoat instituti hamda Yakkasaroy tumani Maktabgacha va maktab ta’limi bo‘limi o‘rtasida robototexnika, sun’iy intellekt va raqamli texnologiyalar sohasida hamkorlikni rivojlantirish to‘g‘risidagi memorandum imzolandi.

🗣Mazkur hamkorlik doirasida memorandum ishtirokchilari Yakkasaroy tumanidagi 73-son umumta’lim maktabida tashkil etilgan zamonaviy robototexnika, sun’iy intellekt va raqamli texnologiyalar o‘quv laboratoriyasi faoliyati bilan tanishdilar. ⏺Tashrif davomida maktab o‘quvchilari uchun yaratilgan zamonaviy sharoitlar, robototexnika to‘garaklari, innovatsion o‘quv jihozlari hamda raqamli texnologiyalarni o‘qitishga qaratilgan amaliy mashg‘ulotlar jarayoni ko‘zdan kechirildi. Shuningdek, yoshlarning muhandislik tafakkurini rivojlantirish va ularni zamonaviy kasblarga tayyorlash borasida amalga oshirilayotgan ishlar yuqori baholandi. ⏺Memorandum doirasidagi hamkorlikni amaliy bosqichga olib chiqish maqsadida, Toshkent to‘qimachilik va yengil sanoat instituti Avtomatlashtirish va dasturiy injiniring kafedrasi professor-o‘qituvchilari o'quvchi - yoshlarga robototexnika, sun’iy intellekt va dasturlash yo‘nalishlari bo‘yicha o‘quv mashg‘ulotlarini tashkil etadilar. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️✅✅✅✅ ROBOTOTEXNIKA VA SUN’IY INTELLEKT YO‘NALISHIDA HAMKORLIK MEMORANDUMI IMZOLANDI

Yakkasaroy tumanidagi “Yoshlar murojaatini tahlil qilish markazi”da kelajak avlodni zamonaviy bilim va ko‘nikmalar bilan qurollantirish, yoshlarning innovatsion salohiyatini ro‘yobga chiqarish hamda ta’lim va amaliyot integratsiyasini mustahkamlashga qaratilgan muhim uchrashuv bo‘lib o‘tdi.

🗣Uchrashuv doirasida Yakkasaroy tumani hokimligi, Toshkent to‘qimachilik va yengil sanoat instituti hamda Yakkasaroy tumani Maktabgacha va maktab ta’limi bo‘limi o‘rtasida robototexnika, sun’iy intellekt va raqamli texnologiyalar sohasida hamkorlikni rivojlantirish to‘g‘risidagi memorandum imzolandi. ⏺Memorandumni imzolash marosimida Yakkasaroy tumani hokimi Nilufar Allabergenova, Toshkent to‘qimachilik va yengil sanoat instituti birinchi prorektori Baxtiyor Nasimov hamda Yakkasaroy tumani Maktabgacha va maktab ta’limi bo‘limi boshlig‘i Komiljon Xaydarov ishtirok etdilar. ⏺Hamkorlik doirasida qo‘shma o‘quv dasturlari, seminar va treninglar, mahorat darslari, tanlovlar hamda amaliy loyihalarni tashkil etish orqali ta’lim va amaliyot integratsiyasini yanada mustahkamlash rejalashtirilgan. Mazkur tashabbus yoshlarning innovatsion fikrlashini rivojlantirish va mamlakatning raqamli taraqqiyotiga munosib hissa qo‘shadigan malakali kadrlarni tayyorlash yo‘lida muhim ahamiyatga ega. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️🟦🟦🟦 “BIZ – YAGONA VATAN FARZANDLARIMIZ” G‘OYASI AMALDA

Toshkent to‘qimachilik va yengil sanoat instituti jamoasi “Biz – yagona Vatan farzandlarimiz”, “O‘zbekiston – yagona Vatan” hamda “Qo‘shnichilik va bag‘rikenglik saboqlari” mavzulari doirasida tashkil etilgan ma’naviy-ma’rifiy tadbirlarda ishtirok etdi.

🗣Tadbirlar davomida jamiyatda millatlararo totuvlik, diniy bag‘rikenglik, o‘zaro hurmat va hamjihatlik muhitini mustahkamlashga qaratilgan davra suhbatlari, uchrashuvlar, kitob ko‘rgazmalari, ijodiy muloqotlar, intellektual tanlovlar hamda sport musobaqalari tashkil etildi. ⏺Bu kabi tadbirlar talaba-yoshlar qalbida vatanparvarlik tuyg‘ularini yuksaltirish, millatlararo do‘stlik va hamjihatlik g‘oyalarini mustahkamlash, bag‘rikenglik madaniyatini keng targ‘ib etishda muhim ahamiyat kasb etadi. #TTYSI_Yagona_Vatan #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️🟦🟦🟦🟦🟦 HURMATLI TALABALAR! 🗣Toshkent to‘qimachilik va yengil sanoat institutida talaba-yoshlarning bo’sh vaqtlarini mazmunli tashkil etish maqsadida quyidagi tanlov, aksiya va musobaqalar tashkil etiladi: 🎤 "Yoshlar ovozi" tanlovi 📚 "Yosh kitobxon" tanlovi 👨‍👩‍👧 "Yosh kitobxon oila" tanlovi 🚚 "Kitob karvoni" aksiyasi 📖 "Kitob ulashib" aksiyasi 🧠 "Intellektual olimpiada" 🏆 "Besh tashabbus olimpiadasi" (Mini futbol, Stol tennisi, Voleybol, Yengil atletika, Stritbol, Badminton) ⏺Barcha fakultet talabalari mazkur tanlov va musobaqalarda faol ishtirok etishga taklif etiladi. ⏺Tanlov va musobaqalarning o'tkazilish sanasi, joyi hamda ro'yxatdan o'tish tartibi fakultet dekanatlari va institutning ijtimoiy tarmoqlardagi rasmiy sahifalari orqali e'lon qilinadi. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

#Olimlar_minbari #20-26.07.2026 “Yangi davr strategiyasi: O‘zbekiston va Belarus hamkorligining mustahkam asosi” — Bahodirjon SHERMUHAMMADOV, Farg‘ona davlat universiteti rektori, professor; “G‘oyadan sanoatgacha: universitet ilmi qachon zavod mahsulotiga aylanadi” — Botir USMONOV, Toshkent kimyo-texnologiya instituti rektori, professor; «Опора и ведущая сила страны» — Шерзод МУСТАФАКУЛОВ, ректор Международного университета Нордик, профессор; “Ilm-fan va innovatsiyalar integratsiyasi: Samarqandlik olimlar Polsha tajribasini o‘rganmoqda” — Shavkat HASANOV, Samarqand agroinnovatsiyalar va tadqiqotlar instituti rektori, professor; “Ona tilimiz parvozi ezgu tashabbus va sa’y-harakatlarda namoyon bo‘lmoqda” — Nozliya NORMURODOVA, Toshkent davlat o‘zbek tili va adabiyoti universiteti prorektori, professor; “Taraqqiyotning intellektual ustuni” — Baxtiyor NASIMOV, Toshkent to‘qimachilik va yengil sanoat instituti birinchi prorektori, professor; “O‘zbekiston venchur texnologiyalarning o‘sishi bo‘yicha jahon reytingida birinchilikni egalladi” — Shamsiddin ALLAYOROV, Toshkent davlat iqtisodiyot universiteti kafedra mudiri, professor; «Университет нового инженерного мышления» — Юлдуз ЭРГАШЕВА, заведующая кафедрой Каршинского государственного технического университета, доктор исторических наук, профессор; «Трансформация традиционного института» — Дилорамхон КАМБАРОВА, профессор Ферганского государственного университета, доцент; «Равный доступ к знаниям — важный принцип социального государства» — Сайёра АКБАРОВА, доцент ТГЭУ, доктор философии (Phd) по педагогическим наукам; «Поддержка расширяет горизонты» — Руслан АРЗИЕВ, и. о. Доцента кафедры философии Ургенчского государственного университета, доктор философии (phd). Facebook | Instagram | YouTube | Telegram

✔️🟦🟦🟦 BOLAGA NISBATAN ZO‘RAVONLIKNI KO‘RSANGIZ — BEFARQ BO‘LMANG! 🗣Har bir bola xavfsiz, sog‘lom va mehrga to‘la muhitda ulg‘ayish huquqiga ega. Agar siz bolaga nisbatan zo‘ravonlik, beparvolik yoki uning hayoti va sog‘lig‘iga tahdid soluvchi holatlarga guvoh bo‘lsangiz, bu haqda zudlik bilan xabar bering. 📞1246 qisqa raqamli koll-markaziga qo‘ng‘iroq qiling. ⏺Sizning murojaatingiz mas’ul mutaxassislar tomonidan qabul qilinadi va shaxsingiz sir saqlanishi kafolatlanadi. ⏺Quyidagi holatlarda darhol murojaat qiling: 🔹 bolaga nisbatan jismoniy, ruhiy yoki jinsiy zo‘ravonlik sodir etilganda; 🔹 beparvolik yoki shafqatsiz munosabat kuzatilganda; 🔹 bolaning hayoti, sog‘lig‘i yoki xavfsizligiga tahdid tug‘diruvchi boshqa holatlar aniqlanganda. ⏺Eslatma: Hozirda 1246 qisqa raqamli koll-markaz sinov tartibida faoliyat yuritmoqda. ⏺Beparq bo‘lmang — bir qo‘ng‘iroq bolaning hayotini o‘zgartirishi mumkin. #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

✔️📰📰📰📰📰📰📰 KARADENIZ TEXNIKA UNIVERSITETI BILAN HAMKORLIK MEMORANDUMI IMZOLANDI

Toshkent to‘qimachilik va yengil sanoat instituti Ilmiy ishlar va innovatsiyalar bo’yicha prorektori Nodir Mirzayev boshchiligidagi delegatsiyasining Turkiya Respublikasiga amalga oshirgan rasmiy tashrifi doirasida Karadeniz Texnika Universiteti bilan hamkorlik memorandumi imzolandi.

🗣Memorandumga muvofiq, tomonlar professor-o‘qituvchilar va talabalar akademik almashinuvini yo‘lga qo‘yish, qo‘shma ta’lim va ilmiy-tadqiqot dasturlarini amalga oshirish, laboratoriyalar o‘rtasida hamkorlikni kengaytirish, ilmiy loyihalar, seminarlar, konferensiyalar hamda malaka oshirish dasturlarini birgalikda tashkil etish bo‘yicha kelishib oldilar. ⏺Shuningdek, hamkorlik doirasida kimyo texnologiyasi, materialshunoslik, mexanika muhandisligi, iqtisodiyot va menejment ta’lim yo‘nalishlari bo‘yicha talabalar almashinuvini yo‘lga qo‘yish yuzasidan ham muhim kelishuvlarga erishildi. ⏺Mazkur memorandum Toshkent to‘qimachilik va yengil sanoat institutining xalqaro hamkorlik geografiyasini yanada kengaytirish, ta’lim sifatini xalqaro standartlar asosida rivojlantirish hamda talabalar va professor-o‘qituvchilar uchun yangi akademik imkoniyatlar yaratish yo‘lidagi navbatdagi muhim qadam bo‘ldi. #TTYSI_Xalqaro_Hamkorlik #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube

📢 Abituriyentlar diqqatiga! Test sinovida ishtirok etgan boʻlsangiz, qabul jarayoni davom etayotganini unutmang! 🗓 25-iyuldan 8-avgustga qadar my.uzbmb.uz platformasi orqali: ✅ oliy taʼlim tashkiloti; ✅ bakalavriat taʼlim yoʻnalishi; ✅ taʼlim shaklini (kunduzgi, kechki yoki masofaviy) tanlashingiz shart. 📌 5 tagacha oliy taʼlim tashkiloti va yoʻnalishni tanlash mumkin. ⚠️ Tanlovni 8-avgustga qadar oʻzgartirish mumkin. Muddat tugagach esa hech qanday oʻzgartish kiritilmaydi. 📄 Tanlovni tasdiqlagandan keyin shakllanadigan «Abituriyent qayd varaqasi»ni yuklab olib, saqlab qoʻyishni unutmang. Facebook | Instagram | YouTube | Telegram

✔️🌍🌍🌍🌍🌍🌍🌍 TANLOVNING 2-BOSQICHI BO‘YICHA VIDEOQO‘LLANMA

Oliy ta’lim muassasalari, ta’lim yo‘nalishlari, ta’lim shakli hamda tanlov ustuvorligini to‘g‘ri tanlashingiz uchun Tanlovning 2-bosqichi bo‘yicha maxsus videoqo‘llanma tayyorlandi.

🗣Mazkur videoqo‘llanmada: - OTM va ta’lim yo‘nalishlarini tanlash tartibi; - ta’lim shaklini belgilash; - tanlov ustuvorligini tanlash; - arizani tasdiqlash jarayoni hamda boshqa muhim masalalar batafsil tushuntirilgan. ⏺To‘g‘ri tanlov — muvaffaqiyatli talabalik sari qo‘yilgan eng muhim qadamdir. #TTYSI_Qabul_2026 #TTYSI #TITLI #ТИТЛП 🌍🌍🌍🌍🌍🌍 Instagram|Web-site|Facebook|YouTube