Hurfikr.uz

ЭЙ, ҲУРМАТЛИ ва ҲУРМАТСИЗ ҲАМКАСБЛАРИМ! Кўпчилигимиз бу ёлғончи, ялтир-юлтир дунёдан кутилмаганда ўтиб кетишимизни унутиб қўйдик, шекилли. Ўзимизни туғиб-тарбиялаган, гоҳ-гоҳида эркалатиб елкасига миндириб олган, кўтарган она халқимизнинг қийналиб яшаётганини эмас, балки, қўпол ўхшатишим учун узр, ўзига суяк ташлаётган соҳибига талпинган ит каби фақат юқори мартабали зотларни мақтаб, маддоҳлик қилишни касб қилиб олдик. Баъзи бир савияси ўта паст блогер хотинларни қўя турайлик, ҳокимларга ялтоқилик қилишда айрим эркаклар ҳатто ўша валломатларнинг рафиқаларининг рашки келадиган даражада ҳаддан ошишмоқда. Ваҳоланки, 2017-, 2018-, 2019 йилларда халқнинг кўзини қувонтирадиган даражада бошланган ислоҳотлар ярим йўлда, ўлда-жўлда қолиб кетди... Ваҳоланки бундай бўлмаслиги мумкин эди. Россия, Туркия, Қозоғистону ҳатто Шўролар Иттифоқи даврида яшаш даражаси бизнинг Ўзбекистонимиздан анча қолоқ бўлган ўлкаларда алп йигитларимиз, ҳатто эрли-эрсиз жувонларимиз нон излаб, хору зор бўлмасликлари мумкин эди. Агар сизу биз "Мени танқид қилма" дея суяк ташлаётган қўлларни кўзларимизга суртмаганимизда! Яхши ислоҳотли Президентни ҳам, туну кун ишлайдиган ҳокимларни ҳам аслида маддоҳлар арслонни ўраб олган шоқоллар каби ҳақ йўлдан адаштирадилар ва охири гиёҳвандликка мубтало қилишни мақсад қилган оғуфурушлар каби мақтовларга, ҳамду саноларга ўргатиб қўядилар.. Яшаш манзилим Янгийўл туманида бўлгани боис, пойтахтдан уйга қайтаётиб, ҳар кечқурун Чилонзор буюм бозори тўғрисида - катта йўлни  ярмигача тўсиб йўловчи машиналарга қўл кўтариб турган юзлаб инсонларга кўзим тушади. Ярмидан кўпи аёллар... Айримлари билан тўхтаб, суҳбатлашаман. Ҳасратлашаман..Улар ўз ҳудудларидан иш топишолмаган Самарқанд, Жиззах, Сирдарё вилоятларида яшайдиган оддий инсонлар. Энг яқин манзилдан қатнаб ишлайдиганлари ҳам пойтахтдан эллик беш километр олис Тошкент вилоятининг Чиноз туманидан. Ҳар куни саҳар туриб йўл - йўлакай машиналарга қўл кўтариб, Тошкентга қатнаб савдо, мардикорчилик, фаррошлик, аравакашлик каби оғир ишлар  билан шуғулланиб, чарчаб - толиб, яна ярим тунгача бир амаллаб уйларига етиб оладилар. "Ҳаммаёқ гуллаб-яшнаган, ҳозирги ҳокимимиз келди-ю, чорбоғимиз ҳосил бера бошлади, шу инсон раҳбар бўлиб келмаганида бошимизга осмон қулаб тушар эди..." деган пахтачи маддоҳлар кун сайин сувараклар сингари кўпайиб боришмоқдаки, оқибатда ислоҳотлар ярим йўлда чала қолиб кетди...  Исёнкор сатрлар муаллифи, оташнафас шоир Шавкат Раҳмоннинг "Ёвга терс қараган мусулмон эмас" деган мужоҳидона шеъри бор. Ўша шеърда эрйигитлари қонхўр Ўрусия генераллари томонидан, калтаклаб, қиличлаб қўрқитилиб, қулга айлантирилган бўлса, агар бу юртнинг эркаклари батамом қирилиб битган бўлса, "Борми эрйигитлар, борми эрқизлар?" дея халқнинг жасур аёлларию  қизларига қарата хитоб қилади. Ва туркий элнинг тўмарислари эркак аскар либосини кийиб, от чоптириб майдонга кирадилар. Худди Анора Содиқова сингари! Дарвоқе, Анора синглимизнинг қаламни, сўз неъматини Ҳақ йўлда эмас, ҳаром нафси йўлида фидо қилиб юрган зиёсиз зиёлиларга тааллуқли ўша постини яна бир карра ўқишни тавсия этаман.... Бахтиёр Олломурод https://t.me/Hurfikruznews

Президент билан учрашган абитуриент муддатидан олдин талаба бўлди Ўтган ҳафта якунида Президент билан Фарғонада учрашган абитуриент Мадина Солиевага давлатимиз раҳбари ўзи орзу қилган ЎДЖТУга ўқишга киришига омад тилиган эди. Бу воқеадан бир кун ўтиб Олий таълим, фан ва инновациялар вазирлиги вакиллари ҳамда ЎДЖТУ ректори Фарғонага келиб, унга имтиёзли асосида, ҳеч бир имтиҳонсиз ўқишга қабул қилинганлиги тўғрисидаги сертификатни тантанали  топширибди. Маълумот учун, бу йил ОТМга ўқишга кириш учун 894 279 абитуриент ҳужжат топширган. https://t.me/Hurfikruznews

БМТ Украина учун прогнозни эълон қилди 2100-йилга бориб Украина аҳолиси 15,3 миллион кишигача қисқаради, дея хабар берди БМТ экспертлари “Жаҳон аҳолисининг истиқболлари 2024” ҳисоботида. Мутахассисларнинг фикрича, жорий йил бошида Украинада 37 миллионга яқин аҳоли бор эди. БМТ шунингдек, 2084-йилда дунё аҳолиси максимал 10,3 миллиард кишига етади ва кейин аста-секин камая бошлайди, деб ҳисобламоқда. 2100 йилга бориб, сайёрамиз аҳолиси сони 10,2 миллиардга камаяди. https://t.me/Hurfikruznews

Бази бир телевизион каналларимизда, эрталабдан бачкана, ёқимсиз қилиқлар қиладиган бошловчилар тўпланиб нимани тарғиб қилаяти? Қани ибратли лавҳалар, малҳам бўлувчи сўзлар ва ҳ. к, қаерга кетаяпмиз…. Азиз Эрназаров https://t.me/Hurfikruznews

Россияда селфи оламан деб дарёга қулаган ўзбекистонлик чўкиб кетди Россияда маст ўзбекистонлик Волхов дарёсида чўкиб кетди, деб хабар беради маҳаллий ОАВ - 78ru. Ҳодиса 12 июль куни кечқурун Ленинград вилоятида юз берган, 55 ёшли ўзбекистонлик Волхов дарёси соҳилида спиртли ичимликлар истеъмол қилган. Эркак ўша вақида ўзини телефон камерасига суратга олаётган ҳам бўлган, шунда утойиб кетиб, дарёга йиқилган ва чўкиб кетган. Воқеа жойига етиб келган қутқарувчилар эркакни зўравонлик аломатларисиз топишган, марҳумни қирғоққа олиб чиқишган ва полиция ходимларига топширишган. Тергов олиб борилмоқда.​​​​​​​​​​​​​​​​ https://t.me/Hurfikruznews

❗️Ижтимоий тармоқда сел икки аёлни қандай оқизгани тасвирланган видео пайдо бўлди Бу воқеа Қирғизистонда содир бўлган https://t.me/Hurfikruznews

Жамият ҳеч нарсани кўрмаяпти, чунки уни чуқур гипноз ҳолатида ушлаб туришибди. Халқ ҳеч қачон бу даражада гумроҳ бўлмаган. Одамга бир оз нафас ростлаб, бўлаётган воқеа-ҳодисаларни идрок этишига имконият беришмаяпти. Бири биридан бемаъни, охири йўқ сериаллар, бетайин эстрада, шаҳватпараст ва тажовузкор фильмлар онгостимизга секин-аста сизиб кириб, худбинлик ва зўравонликни ўстираяпти. Росмана одам қисқа фурсат ичида ҳаётининг мазмунига бефарқ танбал ва лоқайд ҳайвонга айланаяпти. Сергей КАПИЦА, рус олими https://t.me/Hurfikruznews

Рақобат қўмитаси Korzinka'га нисбатан иш қўзғатди Компания истеъмолчиларни чалғитувчи рекламага қўйиладиган талабларни бузган. «Энг арзон» дея реклама қилинган товарларнинг нархи бозордагидан юқори бўлиб чиқди. https://t.me/Hurfikruznews

Яман ҳусийлари Адан кўрфазидаги Исроил кемаларига баллистик ракеталар билан зарба берди Қизил денгиз бўйида жойлашган Исроилнинг Эйлат бандаргоҳига ҳам ҳужум ташкил этилган. https://t.me/Hurfikruznews

Кун фотоси Сариқгул Муаллиф: Хонбиби Ҳиммат қизи https://t.me/Hurfikruznews