قهوة مبرمجين

‏الـ vibe coding حرام😁 تقدر ترفض استخدام الذكاء الاصطناعي لأسباب دينية في أمريكا مبرمجة عمرها 34 سنة صاحب العمل سمح لها تبرمج بالطريقة التقليدية بدون استخدام الذكاء الاصطناعي. حسب كلامها نماذج الذكاء الاصطناعي تتعارض مع معتقداتها الدينية بسبب المشاكل الأخلاقية للتقنية. تخيلوا إنه بعد رسالة بابا الفاتيكان الأخيرة (encyclical) حول مخاطر الذكاء الاصطناعي، كثير من الشركات ممكن يواجهون طلبات مشابهة من موظفيهم. وأيوه، المحامون يحذّرون إن أصحاب العمل راح يكونون في موقف صعب لأن مثل هذي النزاعات بسهولة تتحوّل إلى قضايا تمييز ديني.

واحد من أكثر المستثمرين تأثيراً في العالم، راي داليو، تنبّأ بانهيار فقاعة الذكاء الاصطناعي. في مقابلة مع Bloomberg، قال إن كل التحولات التقنية العظيمة لازم تولّد فقاعات والذكاء الاصطناعي ماهو استثناء. (وعلى فكرة الفقاعات بالذات هي اللي خلّت داليو مشهور لهذي الدرجة. لانه تنبّأ بفقاعة 2008 مقدماً، وكسب منها مليارات.) "الفقاعة تنفجر، لما الثروة تتحوّل إلى نقد" هذا كلامه كذا صار مع فقاعة الدوت كوم. المستثمرون يشترون الأسهم، أسعارها ترتفع، وعلى الورق الثروة كمان ترتفع. وبعدها لما عدد كبير من الملاك يحاولون في نفس الوقت يبيعون أسهمهم ويحققون أرباحهم الأسهم تفقد قيمتها لأن الإيرادات من التقنية لين الحين قليلة. داليو يقول إن الذكاء الاصطناعي فعلاً راح يغيّر العالم لكن الجدوى الاقتصادية لين الحين ما تشتغل والفقاعة حتماً راح تنفجر في السنوات القادمة إلا إذا شركات الذكاء الاصطناعي بدأت تدخل في الربح بشكل حاد وتكسب مليارات. وهذا احتمال ضعيف. حالياً الشركات تصرف تقريباً 8 أضعاف اللي تكسبه وعشان تبرّر الاستثمارات الحالية بحلول 2030 القطاع لازم يكسب 2 تريليون دولار سنوياً. ولين الحين حتى أكثر التوقعات تفاؤلاً ما تقترب من الرقم هذا.

قوقل تحاول تشتري كود مطوّري تطبيقات أندرويد عشان تدرّب عليه الذكاء الاصطناعي. بدات Google ترسل رسائل تعرض فيها على مطوّري التطبيقات المشهوره في المتجر إنهم يبيعون الوصول لكودهم عشان تدرّب عليه أدوات الذكاء الاصطناعي حقها. في الرسائل يدعونهم لـ "مشروع تجريبي" ويوعدونهم بدخل مقابل كود تطبيقاتهم، سواء الشغّالة حالياً أو المؤرشفة.

من جهة ثانية، في سان فرانسيسكو، البيوت الفاخرة تتباع مقابل أسهم OpenAI و Anthropic. www.zillow.com/homedetails/160-Noe-St-San-Francisco-CA-94114/461638923_zpid/

واحد من عملاء Anthropic من الشركات الكبرى، بالخطأ 500 مليون دولار على التوكنز في شهر واحد. أيوه تخيلوا نصف مليار دولار. نشر القصة موقع Axios نقلاً عن مستشار الشركة (واسم الشركة ما تم الكشف عنه). الموضوع إن الموظفين ما كانت محطوط لهم حدود لاستخدام التوكنز، فحرقوا توكنز إضافية بقيمة ملايين الدولارات حرفياً. كذا فهمنا من وين Anthropic عندها كل هذا الـ ARR.

واحد تقني يكسب 300 ألف دولار سنوياً ويعيش كصعلوك فقير 😂 نشرت Business Insider قصة مطوّر عمره 24 سنة في وادي السيليكون يعيش كأنه راهب ما عنده سيارة ولا تلفزيون ولا كنبة يقتصد على كل شي حرفياً وتقريباً ما ياكل خارج المكتب ويعيش لحاله مثل طالب جامعي مسكين. السبب إن هدفه يتقاعد وعمره 30 سنة ومعه 2 مليون دولار في الحساب. علشان كذا يدّخر ويستثمر تقريباً كل اللي يكسبه. طبعا مش الوحيد اللي كذا ظهرت فرقة كاملة اسمه FIRE اختصار لـ Financial Independence, Retire Early (الاستقلال المالي، التقاعد المبكر)، يتبعها كثير من المشتغلين في وادي السيليكون. فكروا فيها 😅

عيد مبارك و تقبل الله منا ومنكم صالح الاعمال

‏لقيت موقع يبين الاستثمارات في الذكاء الاصطناعي هل ردّت تكاليفها أو لا. داخل الموقع لوحة تفاعلية فيها مصاريف وإيرادات OpenAI و Google و Microsoft و Meta و Amazon و xAI وشركات ثانية. بعض الأرقام صارت بالتريليونات. تقدروا ترتبوها حسب الأرباح أو الخسائر أو الإيرادات و تشوفوا إن من سباق الذكاء الاصطناعي هذا كله، الفايز الوحيد لين الحين هو بياع المجارف Nvidia 🔥 isaiprofitable.com‎

نائب رئيس Wix أطلق منصة لتعليم البرمجة مع Claude داخل موقع zero2claude.dev فيه تقريباً 150 درس تفاعلي و 14 مستوى. باختصار كورس ضخم ياخذك من الصفر بهدوء وبدون استعجال من التيرمنال والـ MCP والـ agents إلى تطوير كامل مع Claude Code. ممتاز لغير التقنيين. والكورس قيّمه بوريس تشيرني بنفسه مبتكر Claude Code.

اليوم GitHub تم اختراقهم المطورين أكدوا الاختراق وتسريب المستودعات 💀 الشركة صرّحت إن المهاجمين قدروا يحصلون على وصول لحوالي 3800 مستودع داخلي تابع لـ GitHub. حالياً، يفحصون الـ logs بشكل طارئ ويحاولون يفهمون حجم الأضرار. الاختراق صار بسبب extension مصاب في VS Code اختراق جهاز أحد موظفي GitHub. وبعد كذا الشركة اضطرت تجدد كل الأسرار ومفاتيح الوصول بشكل عاجل. هذا اللي يحصل لما يوظّفون vibe coders 😬

موضوع حرفياً مأخوذ من فلم كوميدي وكالة الأمن السيبراني الأمريكية نشرت على GitHub مفاتيحها وكلمات المرور حقها. 😅 الباحثين اكتشفوا ريبو عام اسمه Private-CISA فيه بيانات اعتماد سيرفرات Amazon AWS GovCloud. وفي ملف اسمه AWS-Workspace-Firefox-Passwords.csv كانت أسماء المستخدمين وكلمات المرور بشكل مكشوف لعشرات الأنظمة الداخلية لـ CISA ووزارة الأمن الداخلي. والمشكلة في واحد فكّر يطفي خاصية GitHub Secret Scanning يدويا اللي عادة تحذّرك لما تنشر مثل هذي الأشياء. الباحثين وصفوها بأنها أسوأ تسريب شافوه في حياتهم ومجلس الشيوخ الأمريكي يطالب بجلسة سرية عاجلة من CISA. وهذا شي ما يستغرب: لأن هذي الوكالة بالذات هي اللي مسؤولة عن الأمن السيبراني للشبكات الفدرالية الأمريكية وتعطي توصيات للجهات الثانية عن طريقة تخزين الباسوردات بشكل آمن. الظاهر ما تحتاج Mythos ولا غيره عشان تخترق الحكومة الأمريكية 😂

😱 في أمريكا، أخوين توأم حذفوا 96 قاعدة بيانات حكومية بعد فصلهم بدقائق معدودة. الأخوين منيب وصهيب أختر دمّروا 96 قاعدة بيانات حكومية خلال ساعة واحدة من إقالتهم من شركة تخدم جهات فدرالية. في الوثائق القضائية ما تم ذكر اسم الشركة اللي كان الأخوين يشتغلون فيها. لكن على الأرجح الكلام عن شركة Opexus اللي هي مقاول IT يخدم أكثر من 45 جهة فدرالية أمريكية. كل شي بدأ في 18 فبراير 2025 لما الأخوين انعزموا لاجتماع على Microsoft Teams وتم إبلاغهم بإقالتهم. الاجتماع انتهى الساعة 4:50 عصراً وبعد 5 دقايق فقط الساعة 4:55، صهيب حاول يدخل على شبكة الشركة لكن وصوله كان محظور. أما حساب منيب فكان شغّال فدخل النظام وبدأ مباشرة يحذف كل قواعد البيانات اللي يقدر يوصل لها. الساعة 4:58 بأمر DROP DATABASE dhsproddb دمّر قاعدة بيانات وزارة الأمن الداخلي. الساعة 4:59 منيب سأل أداة ذكاء اصطناعي عن كيفية مسح سجلات SQL Server بعد حذف قواعد البيانات. والمضحك إن واحد من الأخوين قرر يسجّل الاجتماع قبل ما يبدأ نقاش الإقالة. الـ HR بلّغوهم بالخبر وخرجوا من الجلسة بعد حوالي دقيقتين ونصف. منيب وصهيب ما طفوا التسجيل وبالتالي خلال الساعة اللي بعدها Teams كان يسجل الأخوين وهم يناقشون اللي صار ويحذفون قواعد البيانات يبدو إنهم ما لاحظوا إن الاجتماع لين الحين شغال. بالإضافة إلى حذف قواعد البيانات منيب نزّل ملف فيه 1.2 مليون صف من البيانات الشخصية: أسماء، عناوين، أرقام هواتف، وهاشات كلمات مرور. وهنا الجزء الأكثر إثارة الأخوين سابقاً انحكم عليهم بسبب اختراق أنظمة وزارة الخارجية الأمريكية وتسريب بيانات شخصية. وقتها منيب أخذ 39 شهر سجن وصهيب 24 شهر. وهذي بالذات السبب اللي خلّى الشركة تقيلهم: الشركة عرفت بأحكام السجن السابقة حقهم في فبراير 2025، وعلى طول بدأت إجراءات الإقالة. يعني ما حد كان يدقق على الموظفين اللي مسجونين سابقاً بسبب اختراق وزارة الخارجية الأمريكية، وببساطة وظّفوهم في الشركة، وأعطوهم وصول لقواعد البيانات الحكومية، وبعدين أقالوهم عبر MS Teams بدون ما يبلوكون حساباتهم أول النتيجة: تم القبض على الأخوين في ديسمبر 2025. صهيب يواجه عقوبة قد تصل إلى 21 سنة ومنيب يواجه ما يصل إلى 45 سنة.

مين باقي مايتابع حسابي بتويتر ✌️🏼 https://x.com/i/status/2056276020303380647

تخيلوا ChatGPT Plus مجاناً لمدة سنة كاملة لكل سكان مالطا OpenAI وقّعت اتفاقية مع الدولة. هذي أول دولة في العالم توزّع الاشتراك على كل المواطنين مش بس على المعلمين أو الموظفين الحكوميين. الشرط الوحيد هو إنك تكون مواطن أو مقيم + تجتاز دورة محو الأمية الرقمية في استخدام نماذج الذكاء الاصطناعي. "الذكاء الاصطناعي يشكّل مستقبلنا. هذه المبادرة تضمن إن كل مواطن عنده الفرصة يكون جزء من هذا المستقبل" هذا كلام وزير الاقتصاد المحلي عندهم.

من كان يعرف إن شركة Casio في سنة 1983، أطلقت ساعة يد بشاشة لمس وتقنية التعرف على الكتابة اليدوية؟ هذي بالذات كانت الميزة المميزة لساعة Casio AT-550. على شاشة الساعة كنت تقدر ترسم بإصبعك أرقام ورموز رياضية وتظهر فوراً على الشاشة. على سبيل المثال عشان تجمع الرقمين 12 و 3 كنت ترسم واحد وبعدها اثنين وبعدين علامة الجمع وبعدها ثلاثة بالنهاية علامة المساواة وتطلع لك النتيجة. مهمة التعرف على الكتابة كانت أسهل لأن عدد الرموز ما كان يتجاوز عشرين رمز وكنت تدخلها رمز رمز يعني أشكال الكتابة محدودة. ومع ذلك كانت تعتبر طفرة سبقت زمنها بـ 20 سنة على الأقل. ولو أخذنا بالاعتبار إن سعر AT-550 كان 100 دولار بس يصير الموضوع شبه خيال علمي.

الان فهمنا مين اللي يسرق كل الوظائف واحد تقني اشتغل في 5 شركات في نفس الوقت، ويربح تقريباً 746000 دولار شهرياً 🔥 قبل سنة بس كان يجمع بين 3 وظائف لكن الذكاء الاصطناعي والتخطيط الذكي سوّوا اللي عليهم. الان يقوم الساعة 4 الفجر يروح النادي وبعدها الساعة 6 يبدأ يشغّل الـ agents على مهام الشغل. وحتى يقول إنه كان يقدر ياخذ وظيفه بشركة سادسة بس يستحي. لما يكون فيه تسريحات جماعية هذي الأيام يحس بالحرج إنه ماسك 5 وظائف لحاله (مسكين والله). ومستحيل يتنازل عن أي وحدة منها لأنه يستثمر في العقارات ويوفّر. طبعآ كيف قدر يجمع بين كل هذي الوظائف حسب كلامه: تكون عندك سماعتين تحسباً لاجتماعات أونلاين متزامنة. ما تشتغل في شركات متشابهة المجال وما تحمّل نفسك أكثر من طاقتك.

الذكاء الاصطناعي ما بيسرق وظائفنا ومافيش اي خوف في سوق العمل هذا كلام أندرو نج مؤسس Coursera و DeepLearning AI. نج يرى إن السردية التافهة والقاسية عن الذكاء الاصطناعي القادر على كل شي اللي بيدمر سوق العمل تخدم بس 3 أطراف: مختبرات الذكاء الاصطناعي لأن تصريحات مثل بنستبدل المبرمجين وغيرهم ترفع توقعات السوق وقيمة الشركة. الخدمات والمنتجات لأن صعب تبيع اشتراك بـ 100 دولار. لكن لو قدّمته على إنه بديل لموظف راتبه 100 ألف يصير العرض مغري. الشركات نفسها لأن كذا يصير أسهل تبرر التسريحات بدل ما تعترف إنها فاشلة في الإدارة.

‏حوالي 15 رئيس تنفيذي من كبار الشركات سافروا مع ترامب إلى الصين لمناقشة العلاقات التجارية. من ضمنهم: تيم كوك، وإيلون ماسك، ولاري فينك، وغيرهم. جنسن هوانغ اكيد عُزم (وترامب في منشوره وصفه بـ"العظيم") لكن حسب الأخبار انه انضم للرحلة في آخر لحظة تقريباً. المجموعة كلها وصلت الصين. في الاجتماع الرسمي مع شي جين بينغ بيناقشون تخفيف التوتر التجاري والتعرفات الجمركية اللي ممكن تخلي العلاقات بين البلدين أكثر توازناً. طبعاً بدون هوانغ كان الموضوع بيكون بدون فائده لأن قيود تصدير الشرائح هي بالذات اللي خربت العلاقات بين البلدين مؤخراً. أيوه الذكاء الاصطناعي صار جزء من الجيوسياسة. السؤال الآن إلى وين بتوصل المحادثات وهل الصين بتحصل على وصول أكبر للسوق الأمريكي للهاردوير.

هاكرز استخدموا الذكاء الاصطناعي لاكتشاف ثغرة وتجهيز هجوم جماعي 😱 قوقل صرّحت إنها وقفت مجموعة هاكرز من كوريا الشمالية استخدمت الذكاء الاصطناعي عشان تلقى ثغرة zero-day وتجهّز exploit للإصابة الجماعية. وهذي أول حالة موثّقة يتم فيها تسليم الـ AI مهمة البحث عن الثغرات واستغلالها على نطاق واسع. ورغم إنهم لحقوا يوقفون الهجوم إلا إن الموضوع بحد ذاته صادم. الهدف كان أداة إدارة أنظمة ويب مفتوحة المصدر وشائعة الاستخدام وما أعطوا تفاصيل أكثر. قوقل تقول إن هذا قمة جبل الجليد وإن الـ vibe hacking الجاي بيكون أسوأ بكثير. نستعد 🥲

‏اتوقع بدأت المشاكل انهيار Amazon شكله قريب الموظفين بدأوا يحرقون توكنات بدون فايدة، بس عشان ما يدخلون في قائمة التسريحات ولا يحصلون على نظرات مريبة من المدراء 😅 مدراء الشركة وفّروا للمبرمجين وصول لأداة داخلية اسمها MeshClaw (تقريبًا نسخة من OpenClaw) عشان أتمتة العمليات. وطبعًا فرضوا KPIs صارمة: أكثر من 80% من المطورين لازم يستخدمون الذكاء الاصطناعي بشكل مستمر. وللرقابة حطوا لهم داشبورد عام يعرض عدد التوكنات المحروقة يراقبه المدراء بشكل لحظي. النتيجة ما تأخّرت: المطورين بدأوا يستخدمون الـ agent بشكل جماعي لمهام تافهة وبدون أي معنى بس عشان يزيدوا الأرقام ويلحقوا بزملائهم اللي طبعاً هم نفس الشيء يشغّلون agents بدون أي حاجة فعلية. الله يعلم كيف بتكون نهاية هذي الشركات حسابي بتويتر