plumsprings🪸

kasabay ng deadlines ng inyong mga college applications sa katapusan ng taon ay ang deadline ng mga traditional jeepney drivers at operators upang ipasada ang kanilang mga pampublikong sasakyan sa kalsada. ang pagpapatigil sa operasyon nila ay para ipatupad ang public utility vehicle modernization program na siyang programa ng gobyerno upang iwasan ang panganib na dala ng mga tradisyonal na jeepney. subalit ang polisiyang ito ay malinaw na hindi pumapabor sa mga tsuper sa kalsada. napakalabo kung paano nila huhugutin ang isa o dalawang milyong piso upang makabili ng isang yunit ng modern jeepney. kung sa isang araw na barya barya na lang halos ang kita nila, ano pang matitira kung tutubusin nila ang mandatory na pagbili ng modern jeepney upang may maipantustos sa kanilang mga pamilya? ipaglaban natin ang karapatan nilang mamasada at isigaw natin na pakinggan ang kanilang hinaing hinggil sa panukala ng gobyerno. sana sa laban ng mga tsuper ay manatiling kasama nila tayong mga komyuter. ✊