БСТ | Яңылыҡтар

Сибайҙа Эшҡыуарлыҡ йорто төҙөлә Бында эштәр барышы менән премьер-министр Андрей Назаров танышты. "Киләсәк фабрикаһы" тигән проект бәләкәй һәм урта бизнес үҫеше идеяларын ғәмәлгә ашырырға булышлыҡ итә. - Эшҡыуарлыҡ йорто Урал аръяғы бизнес даирәһе вәкилдәрен туплау урыны булырға тейеш. Бында һалымдар, бизнес план билдәләү, хоҡуҡи ярҙам, квалификация һәм белем биреү мәсьәләләре буйынса консультация бирелә. Проект, тәҡдимдәр менән килеүселәргә тейешле ярҙам күрһәтелә, тине Андрей Назаров. Премьер-министр төҙөлөш эштәрен тиҙәйтергә ҡушты.

Спорт менән шөғөлләнә башлар өсөн бер ҡасан да һуң түгел Ошо көндәрҙә 59 йәшен тултырасаҡ Рауил Булатов өс йыл элек бокс түңәрәгенә йөрөй башлай. Спортҡа һөйөүҙе бала саҡта уҡ атайым тәрбиәләне, ти ул. Ңҙен бокс, саңғы шыуыу кеүек төрлө өлкәләрҙә һынап ҡарай. Артабан, уҡыу, эшкә урынлашыу, карьера төҙөү.

Өфөнөң Дим районы ҡала клиник дауаханаһында яңы реанимация бүлеге асылды Дим районының ҡала клиник дауаханаһы Өфөнөң иң ҙур медицина учреждениеларының береһе. Ул 100 меңдән ашыу кешене хеҙмәтләндерә. Икенсенән, дауаханаға Ҡырмыҫҡалы менән Бүздәк арауығындағы автомобиль трассаһы ҡарай, йәғни, юл фажиғәләрендә зыян күреүселәр бында килтерелә. Күп осраҡта ашығыс медицина ярҙамы күрһәтеү талап ителә. Әлегә тиклем реанимация дауахананың 5-се ҡатында урынлашҡан булған.

«Башҡорт» ҡушаматлы яугир үҙе уҡыған мәктәпкә барып, уҡыусылар менән осрашты Хәрби формала тигеҙ сафта Ҡыҙыл майҙандан үтеү. Махсус хәрби операцияла ҡатнашыусы «Башҡорт» ҡушаматлы яугир бала саҡ хыялын тормошҡа ашырған. 25 йәшлек Мөҙәрис Аҫылбаев Архангел районының Тәүәкәс ауылы егете. Махсус хәрби операция башланған саҡта контракт буйынса Алыҫ Көнсығышта хеҙмәт итеп йөрөгән һалдат шунда уҡ алғы һыҙыҡҡа юлланыу теләген белдерә. Тәүге көндәрҙә үк күрһәткән ҡаһарманлыҡтары өсөн ике тапҡыр «Батырлыҡ ордены» менән бүләкләнә. Әле тыуған яғына ялға ҡайтҡан яугир үҙе уҡыған мәктәпкә барып, уҡыусылар менән осрашты.

Ике аҙналыҡ ялдан һуң йәнә хәрби позицияға Бөгөн мобилизацияланған ир-егеттәрҙең бер төркөмө махсус хәрби операция биләмәһенә юлланды. Ватан һаҡсыларын ата-әсәләре, ҡатындары, балалары, дуҫтары һәм коллегалары оҙатты. Һалдаттар үҙҙәре менән хеҙмәттәштәренә күстәнәс һәм тәү кәрәк-яраҡтар алған. Үҙ подразделениеларына улар уңайлы автобустарҙа бара. Хәрбиҙәр отпускты күберәк ғаиләләренә бүлергә тырышҡан. Араларында кәләш алыусы ла бар. «Ромби» ҡушматлы яугир өйләнеп, юлға яңы көс менән сыға.

Табиптар ситтән тороп уҡытылмай Думала табиптар һәм фармацевтарға белем биреү буйынса закон проекты әҙерләнгән. Ул 25 февралдә икенсе уҡыуға сығарыла. Уға ярашлы, бындай белгестәр мотлаҡ махсус уҡыу йорттарында ғына әҙерләнә, квалификацияһын яҡшырта ала. Электрон форматта, ситтән тороп уҡытыу тыйыла. Әле Рәсәйҙә 127 медицина ВУЗы бар. Уларҙың 49 -ы Һаулыҡ һаҡлау министрлығы контролендә.

Хеҙмәттәшебеҙ Ләйсән Мәзитованың ауыр ҡайғыһын уртаҡлашабыҙ «Тамыр» каналы алып барыусыһы, блогер Ләйсән Мәзитованың әсәһе Ләлә Сөләймәнова вафат булған. Ләйсәндең һәм яҡындарының ауыр ҡайғыһын уртаҡлашабыҙ, түҙемлек теләйбеҙ...

Башҡортостанда йәш ауыл хужалығы белгестәренә дәүләт ярҙамы күрһәтелә Ауыл хужалығы министрлығында конкурс һөҙөмтәләре барланды. 70 белгес һайлап алынды. Уларға 750-шәр мең һумлыҡ дәүләт ярҙамы күрһәтелә. - Бөгөн ауыл хужалығында кадрҙарға ҡытлыҡ ҙур. Яҡшы белгестәр талап ителә, тине Вице-премьер-Ауыл хужалығы министры Илшат Фазрахманов.

Башҡортостан йылғаларында шартлатыуҙар була Яҙғы ташҡын алдынан боҙ тығылыу хәүефе булған урындарҙа шундай эш ҡаралған. -Бөгөн ташҡын буйынса аныҡ фараз юҡ. Әммә төрлө хәлдәргә әҙер булырға тейешбеҙ, - тип яҙа социаль селтәрҙә премьер-министр Андрей Назаров. - Мониторинг өсөн барыһы ла әҙер. Пилотһыҙ авиация, кәмәләр бар. Ғәҙәттән тыш хәлдәр министрлығы боҙ тығылыу хәүефе булған 61 урынды билдәләне, бында шартлатыу эштәре буласаҡ, тине Андрей Назаров.

Өфөнөң «Сосны» торлаҡ комлексына сысҡандар оялаған Урында йәшәүселәр ялыуҙар менән яуаплы ведомстволарға мөрәжәғәт иткән. Хәл буйынса тикшереүҙәр ойошторолған, Роспотребнадзор идаралығы район хакимиәтенә кимереүселәрҙе юҡ итеү буйынса саралар ойоштороу тураһында күрһәтмә сығарған. Бөгөн урындағы хәлде тикшерер өсөн республиканың Торлаҡ һәм төҙөлөш күҙәтеүе дәүләт комитеты хеҙмәткәрҙәре лә рейдҡа сыҡты. Килеп тыуған: хәл сәбәптәрен БЮТ ижади төркөмө асыҡланы.

Өфө районының Авдон ауылындағы участка дауаханаһына яңы медицина ҡорамалдары алынған Заманса йыһазландырыу «Сәләмәтлек» милли проектының беренсел медицина звеноһын модернизациялау программаһы буйынса алып барыла. Авдондар әйтеүенсә, участка дауаханаһындағы шарттарға хәҙер ҡала халҡы ла көнләшерлек. Медицина учреждениеһы Өфөнөң Дим районы ҡала клиник дауаханаһына беркетелгән һәм 14 меңдән ашыу кешене хеҙмәтләндерә.

Шишмә районынан Бөйөк Ватан һуғышы ветераны бер-нисә айҙан бер быуатлыҡ юбилейын билдәләргә әҙерләнә Бикәй ауылынан фронтовик Солтан Хәйҙәровҡа 1 июндә 100 йәш туласаҡ. Уның хәрби яҙмышы аяныслы: йәшләй генә фронтҡа китә, немецтарға әсирлеккә эләгә, һәләк булған тип таныла. Әммә ветеранға тыуған еренә иҫән-һау әйләнеп ҡайтыу насип була. Солтан Хәйҙәровтың һуғыш йылдарындағы хәтирәләре хаҡында киләһе яҙмала .

Батырҙар тын ала: башҡорт батальоны яугирҙары оҙайлы алыштарҙан һуң тылда Биш ай хәрби бәрелештәр һыҙығында булғандан һуң ниһәйәт ротацияға. Рәсәй Геройы Миңлеғәле Шайморатов исемендәге беренсе ирекле башҡорт батальоны штурмлаусылары оҙайлы заданиенан һуң ялға сыҡты. Яҡташтарыбыҙ оборона министрлығының башҡа подразделениелары менән берлектә нацистарҙы тар-мар итә. Яугирҙарҙы подразделениеның тыл районында БЮТ хәрби хәбәрселәре лә ҡаршы алды.

Салауат Юлаев исемендәге ирекле батальондың бер төркөм яугирҙары йәнә яуға юлланды Милли батырыбыҙ исеменә тап төшөрмәйҙәр. Салауат Юлаев исемендәге ирекле батальондың бер төркөм яугирҙары йәнә яуға юлланды. Ватан һаҡсыларын тантаналы оҙатыу сараһы «Өфө-арена» алдындағы майҙанда үтте.

Башҡортостандың йәш фермеры һәм эшҡыуарҙары студенттар менән тәжрибә уртаҡлашты Өфөлә ойошторолған «Киләсәк командаһы» форумында ауыл хужалығы өлкәһендә иң яҡшы һәм уңышлы бизнес-проекттар өйрәнелде. Шулай уҡ сарала ҡатнашыусылар Башҡортостан башлығы Радий Хәбиров менән осрашып, тармаҡ өсөн көнүҙәк булған мәсьәләләр күтәрҙе. Ҡаланан ситтә эш асыу, хужалыҡ алып барыу мөмкинлектәре һәм дәүләт ярҙамы тураһында киләһе яҙма.

Башҡортостандың Үзбәкстан төбәктәре менән хеҙмәттәшлек итеүҙә үҫеш мөмкинлектәре киң Уҙған йылдың 11 айы һөҙөмтәләре буйынса тышҡы тауар әйләнеше 20 процентҡа артҡан. Был турала республика башлығы Радий Хәбиров Үзбәкстандың Рәсәйҙәге Ғәҙәттән тыш һәм тулы хоҡуҡлы илсеһе Ботиржон Асадов менән эшлекле осрашыуында билдәләп үтте. Яҡтар юл картаһына һалынған мөһим проекттарҙы ҡарап, сәнәғәт кооперацияһына төп иғтибарҙы йүнәлтте.

БЮТ журналистарына дрон һөжүм итергә маташҡан

💥Балтас районынан МХО яугиры һөйгәне менән никах уҡытты Алғы һыҙыҡтан «Танып» позывнойлы яугир һөйгәне менән сәстәрен сәскә бәйләгән. Тулҡынландырғыс ваҡиға - йәштәрҙең никахы Иҫке Балтас ауылы мәсетендә үткән.

Башҡортостандың тағы бер ауылына газ килде Ошо көндәрҙә Ҡыйғы районының Ҡолмәт ауылына газ үткәрелгән. Район хакимиәтенән хәбәр итеүҙәренсә, газға 212 йорт тоташтырыласаҡ. Белгестәр 12,9 километр оҙонлоҡтағы ҡасаба-ара газ үткәргес һәм 4,036 километр оҙонлоҡтағы газ таратыу селтәрен файҙаланыуға тапшырылды, тип билдәләнеләр муниципалитет хакимиәтендә. Объект Башҡортостан Республикаһының 2021–2025 йылдарға газ менән тәьмин итеүҙе һәм газлаштырыуҙы үҫтереү программаһы сиктәрендә төҙөлгән.

Өфөлә Ғабдулла Ғиләжевтың иҫтәлегенә арналған хәтер кисәһе үтте Рәсәйҙең һәм Башҡортостандың атҡаҙанған мәҙәниәт эшмәкәре, Салауат Юлаев исемендәге дәүләт премияһы лауреаты Ғабдулла Ғиләжевтың тыуыуына - 95 йыл. Тарихи дата айҡанлы арҙаҡлы шәхестең коллегалары, уҡыусылары Заһир Исмәғилев исемендәге Өфө дәүләт сәнғәт институтында хәтер кисәһе үткәрҙе. Сәхнә оҫталары күренекле режиссер, актер, педагог тураһындағы хәтирәләре менән уртаҡлашты, Ғабдулла Ғабдрахман улы ҡуйған спектаклдәрҙән өҙөктәр күрһәтте.