БСТ | Яңылыҡтар

Башҡортостандың Мәҙәниәт министрлығында Йәштәр советы ойошторолдо Ул йәштәрҙе мәҙәниәт өлкәһендә ҡарарҙар ҡабул итеү процесына әүҙем йәлеп итеү маҡсатында булдырылған. Йәштәр мәҙәниәтте һәм сәнғәтте үҫтереүгә йүнәлтелгән төрлө башланғыстарҙы тормошҡа ашыра аласаҡ. Советҡа 18 йәштән 35 йәшкә тиклемге әүҙем йәштәр конкурс нигеҙендә һайлап алынған. Йәш советтың тәүге ултырышы үтте. Йыйылышта ҡатнашыусылар төрлө проекттар, идеялар тураһында фекер алышты.

Өфөлә Ленин паркын төҙөкләндереү йәмәғәт контроленә алынды Республика Башлығы ҡушыуы буйынса эшсе төркөм булдырылды, уның тәүге ултырышы үтте. Йәмәғәтселәр, тарихсылар, власть органдары вәкилдәре паркты ҡараны, эш күләмен баһаланы. - Беҙҙең маҡсат - реконструкция барышында ҡануниәт үтәлешен күҙәтеү, парктың тарихи йөҙөн, һәйкәлдәрҙе һаҡлап ҡалыу, тине эшсе төркөм етәксеһе, Йәмәғәт палатаһы рәйесе Данияр Абдрахманов. Ленин паркы был аҙнала реконструкцияға ябылды.

Башҡортостанда “Урал батыр” эпосы көнө булдырыла Был турала Республика башлығы башҡорт теле һәм әҙәбиәте уҡытыусыларының Бөтә Рәсәй съезында белдерҙе. “Башҡорт халыҡ ижадының бөйөк ҡомартҡыһы – “Урал батыр” эпосының тәрбиәүи көсө баһалап бөткөһөҙ. Ул үҫеп килгән быуынды тәрбиәләү халҡыбыҙҙың бай мәҙәни мираҫына нигеҙләнергә тейеш, тине Радий Хәбиров. Съезд барышында республика башлығы алдынғы педагогтарға дәүләт наградалары тапшырҙы. Күренекле яҙыусы, йәмәғәт эшмәкәре, мәғрифәтсе, "Йәйләү” лагерының махсус программаһы һәм "Тормош һабаҡтары" дәреслектәре авторы Мәрйәм Бураҡаеваға “Башҡортостандың халыҡ уҡытыусыһы” тигән маҡтаулы исем бирелде.

Радий Хәбиров Бәләбәйҙә яугир ғаиләләре менән осрашты Башҡортостан Башлығы Радий Хәбиров бөгөн Бәләбәйҙә махсус хәрби операцияла һәләк булған Иван Рычагов, Ринат Сәфәргәлиев, Павел Селиверстов, Андрей Сулмаков, Сергей Телегин, Сергей Чернятьев һәм Александр Шульганың ғаиләләре менән осрашты. Республика етәксеһе яугирҙарҙың ата-әсәләренең ауыр ҡайғыһын уртаҡлашты, улдарының хәрби бурыс үтәгәндә күрһәткән батырлыҡтары өсөн үлгәндән һуң бирелгән генерал Шайморатов орденын тапшырҙы. “Улдарығыҙ– ысын геройҙар, улар үҙ бурысын намыҫ менән үтәне, Тыуған иле өсөн ғүмерҙәрен бирҙе. Улар тураһында иҫтәлекте һаҡлау, ата-әсәләре, ғаиләләре, балаларына ярҙам итеү- беҙҙең бурыс.”-, тине Радий Хәбиров.

Ер шарының шәфҡәтле һөнәр эйәләре үҙҙәренең һөнәри байрамын билдәләне Табиптарҙың уң ҡулы. Ер шарының шәфҡәтле һөнәр эйәләре үҙҙәренең һөнәри байрамын билдәләне. Башҡортостандың медицина учреждениеларында 25 меңгә яҡын ҡатын-ҡыҙ шәфҡәт туташы һөнәре буйынса эшләй, пациенттарға ярҙам итә, дауалауҙа һәм реабилитация үтеүҙә хәл иткес роль уйнай. Зоя Хруслова 55 йыл дауамында яратҡан һөнәренә тоғро ҡала.

Өфөлә хоккей миҙгеле йомғаҡтары буйынса матбуғат конференцияһы үтте Журналистарҙың һорауҙарына «Салауат Юлаев» клубы етәксеһе Ринат Бәширов һәм баш тренер Виктор Козлов яуап бирҙе. Әле тренер менән яңы контракт тураһында һөйләшеүҙәр аҙағына яҡынлыша. Хәтерегеҙгә төшөрәбеҙ, «Локомотив» менән һуңғы уйында төбәк башлығы Радий Хәбиров Виктор Козловҡа киләһе миҙгелдә лә эшен Өфө клубында дауам итергә тәҡдим итте.

Башҡорт дәүләт ҡурсаҡ театрында хәйриә балы үтте Үҙенсәлекле бала тәрбиәләгән ата-әсәләрҙең кисерештәрен үҙ күңеле аша үткәрә алған мәрхәмәтле кешеләр бер майҙанға йыйылды. Меценаттарҙың хәйриә балы тәүге тапҡыр ойошторолдо.

Өфөгә «Хәтерҙә берҙәмлек. Батырлыҡта көс!» агитпоезы килде Өфөгә «Хәтерҙә берҙәмлек. Батырлыҡта көс!» агитпоезы килде. 19 апрелдә юлға сыҡҡан тематик поезд 75 көн дауамында Рәсәй ҡалалары буйлап йөрөп 3 июлдә Мәскәүгә ҡайта. Рәсәйҙең Хеҙмәт ҡаһарманлығы ҡалаһы тигән маҡтаулы исем бирелгән Өфө акцияны бишенсе тапҡыр ҡабул итә.

Өфөлә Ленин паркы реконструкцияға ябылды Өфөлә Ленин паркы реконструкцияға ябылды. Ремонт ике йылға тиклем һуҙылыуы ихтимал. Мәҙәни мираҫ һаналған объектты төҙөкләндереү айырым иғтибар талап итә. Бөгөн махсус эшлекле төркөм парктағы шарттар менән танышты.

Республикала башҡорт теле һәм әҙәбиәте съезында 650-нән ашыу делегат ҡатнашты Республикала икенсе тапҡыр ойошторолған башҡорт теле һәм әҙәбиәте съезында 650-нән ашыу делегат ҡатнашты. Эшлекле майҙансыҡтарҙа Башҡортостандың бөтә-район ҡалаларынан һәм күрше төбәктәрҙән йыйылған педагогтар башҡорт телен һаҡлау, телде һанлаштырылған ҡушымталар аша өйрәтеү, балаларҙа туған телгә һөйөү тәрбиәләү һорауҙары буйынса фекер алышты. Өфөлә съезд 9 майҙансыҡта ойошторолдо.

Башҡортостанда «Урал батыр» эпосы көнө булдырыла Был турала республика башлығы Радий Хәбиров башҡорт теле һәм әҙәбиәте уҡытыусыларының икенсе Бөтә Рәсәй съезында иғлан итте. Төбәк етәксеһе билдәләүенсә, үҫеп килгән быуынды тәрбиәләү халҡыбыҙҙың бай мәҙәни мираҫына нигеҙләнергә тейеш. Съезға килгәндә, ул тәүге тапҡыр алты йыл элек уҙғарылғайны. Мәғариф системаһы алдында телде өйрәнеүҙе йәндәндереү, уны балаларға ла, өлкәндәргә лә мауыҡтырғыс итеү маҡсаты ҡуйылғайны.

Башҡортостанда талпандан зыян күреүселәр артҡан Медицина учреждениеларына 2 мең 356 кеше мөрәжәғәт иткән. Уларҙың 800-гә яҡыны балалар, тип хәбәр итәләр Ҡулланыусылар хоҡуҡтарын яҡлау хеҙмәтенән. Башҡортостанда халыҡ күпләп йөрөгән биләмәләр йыл һайын талпанға ҡаршы препараттар менән эшкәртелә.

Өфө Евразия алыш сәнғәте уйындарын ҡабул итә Ярыштар 16-18 майҙа Рима Баталова исемендәге спорт әҙерлеге үҙәгендә үтә. Сара Бөйөк Ватан һуғышында Еңеүҙең 80 йыллығына бағышлана. Уйындарҙа илдең 60 төбәгенән һәм сит илдәрҙән ҡатнашыусылар көтөлә. Улар алыштың 30 төрөндә көс һынаша.

Белорет табиптары айыуҙан зыян күреүсегә тейешле медицина ярҙамы күрһәтә Мохтажлыҡ булған осраҡта пациенттың саниавиация менән Өфөгә күсерелеүе ихтимал. Иҫегеҙгә төшөрәбеҙ, ваҡиға 4 майҙа Әбйәлил районы Шәрип ауылы эргәһендәге урманда теркәлде. 70 йәшлек ир инә айыу һәм уның ике балаһы менән ҡапма-ҡаршы осрашҡан. Был хәлдән һуң урман хужаһы кешегә ташлана. Тағы ла бер осраҡ уҙған байрам көндәрендә Белорет районында теркәлгән. Магнитогорскиҙан 20 туристы айыу Кирәл тауға ҡарай баҫтырған.

Батырҙарға дан: Баймаҡ мәктәбендә «Герой парталары» асылды Батырҙар исеме мәңгеләштерелде. Баймаҡ ҡалаһының 1-се мәктәбендә махсус хәрби операцияла һәләк булған яугирҙарға «Герой парталары» асылды. Тантанала батырҙың туғандары, класташтары, дуҫтары ҡатнашты.

Республикала башҡорт теле һәм әҙәбиәте уҡытыусылары съезы үтә Икенсе тапҡыр ойошторолған сарала 650 делегат ҡатнаша. Республиканың бөтә-район ҡалаларынан һәм күрше төбәктәрҙән йыйылған педагогтар башҡорт телен һаҡлау, телде һанлаштырылған ҡушымталар аша өйрәтеү, балаларҙа туған телгә һөйөү тәрбиәләү һорауҙары буйынса фекер алышты.

Башҡортостан студенттары Рәсәйҙең һанлы киләсәген төҙөй Өфө фән һәм технологиялар университеты юғары уҡыу йорттары араһында тәрәнәйтелгән айти белем биреүгә гранттар конкурсында еңеп сыҡҡан. Конкурсҡа 47 заявка тапшырылған, гранттарға илебеҙҙең 26 юғары уҡыу йорто, шул иҫәптән Башҡортостандан Өфө фән һәм технологиялар университеты лайыҡ булған.

Шаран районында яҙғы баҫыу эштәре 48 мең гектар майҙанда башҡарыла Быйыл Шаран районында яҙғы баҫыу эштәре 48 мең гектар майҙанда башҡарыла, был уҙған йыл менән сағыштырғанда, 1 мең гектарға күберәк. Иген һәм ҡуҙаҡлы, майлы культураларға өҫтөнлөк бирелә. Хужалыҡтар үҙйөрөшлө машина һәм сәсеү агрегаттарын даими яңырта, йыл ярым эсендә генә етмештән ашыу техника һатып алынған.

Башҡортостан китаптары интернет аша һатыла Электрон майҙансыҡтарҙа беҙҙең республика авторҙарының 300-ҙән ашыу китабы бар. Был турала Республика матбуғат һәм киң мәғлүмәт саралары агентлығы етәксеһе Максим Ульчев белдерҙе. Ozon, Wildberries, Яндекс Маркет менән тейешле килешеүҙәр төҙөлгән. Уҙған йылда Башҡортостанда электрон платформалар аша 14 меңдән ашыу китап һатылған.

Башҡортостан мәктәптәренә билдәле шәхестәр исемдәре бирелде Радий Хәбиров тейешле документҡа ҡул ҡуйҙы. Уға ярашлы, Балаҡатай районы Яныбай ауыл мәктәбе Фазлетдин Ислахов исемен йөрөтә. Балтас районы Һәйтәк ауылындағы уҡыу йорто Дан орденының тулы кавалеры Рифҡәт Туҡаев исемен алды. Балтас районы Түбәнге Һикеяҙ ауылындағы мәктәп Советтар Союзы Геройы Ғабдулхай Сәйетов исеме менән аталды. Тағы бер Герой Павел Щербаков исеме Әлшәй районы Раевка ауылындағы 4-се мәктәпкә бирелде.