БСТ | Яңылыҡтар

Әминә Шафиҡова «Музалар тауышы.Башҡортостан» китабы авторҙары һәм геройҙары менән осрашты Башҡортостандың мәҙәниәт министры Әминә Шафиҡова «Музалар тауышы.Башҡортостан» китабы авторҙары һәм геройҙары менән осрашты. Илһөйәрлек рухында яҙылған йыйынтыҡтағы әҫәрҙәр махсус хәрби операция темаһына бағышланған. Ижади эштәрҙең күбеһе алғы һыҙыҡта, хәрби шарттарҙа яҙылған.

Эльвира Айытҡолова һәм Әлфит Ниғәмәтйәнов Иглин халҡы менән аралашты Иглин районында Дәүләт Думаһы депутаты Эльвира Айытҡолова менән Дәүләт Йыйылышы-Ҡоролтай депутаты Әлфит Ниғәмәтйәнов халыҡты ҡабул итте, махсус хәрби операция ветераны менән осрашты. Халыҡты ҡабул итеү ваҡытында төрлө һорауҙар күтәрелде.

«Башҡортостан» полкы дрондарға ҡаршы ҡоралды камиллаштыра Көндән-көн үҙгәреп торған хәрби бәрелеш шарттары техниканы даими камиллаштырыуҙы талап итә. «Башҡортостан» полкының ремонт ротаһы дрондарҙан һаҡланыу сараларын тағы ла нығыраҡ, хәүефһеҙерәк итеп үҙгәртә.

Өфөнөң Нижегородка биҫтәһендә бер тәүлектән ашыу 14 йәшлек ҡыҙҙы эҙләйҙәр Башҡортостан буйынса Эске эштәр министрлығынан хәбәр итеүҙәренсә, ата-әсә полицияға ғариза менән мөрәжәғәт иткән. Мәктәпкә юлға сыҡҡан уҡыусы Шепетов урамында юғалған. Ул бәйләнешкә сыҡмай һәм дәрескә лә килмәй. Үҫмер аҡ күлдәк, ҡара-зәңгәр салбар һәм ҡара жилет кейгән. Ҡулында ҡара күн рюкзак тотҡан. Бала тураһында мәғлүмәт белеүселәргә Эске эштәр минисрлығының ышаныс телефонына йәки яҡындағы полиция бүлексәһенә хәбәр итеүҙәре һорала.

Тәтешле районында үлемесле авария теркәлгән Бөгөн көндөҙ Тәтешле районында үлемесле авария теркәлгән. Башҡортостан дәүләт автоинспекцияһы мәғлүмәтенә ярашлы, Борай-Иҫке Балтас-Көйәҙе юлдында «Лада Гранта» автомобиле 7-се модель «ВАЗ» менән бәрелешә. Фажиғә һөҙөмтәһендә һуңғы транспорт сараһы водителе һәм уның пассажиры ашығыс медицина ярҙамы килгәнгә тиклем вафат була, тағы ла ике кеше төрлө тән йәрәхәттәре ала.

Радий Хәбиров Өфө фән һәм технологиялар университетының киберспорт командаһы ағзалары менән осрашты Республика башлығы Радий Хәбиров Өфө фән һәм технологиялар университетының киберспорт командаһы ағзалары менән осрашты. Көн тәртибендә төбәктә компьютер спорты үҫеше һорауҙары ҡаралды.

Радий Хәбиров «Креатив индустрия» сәғәтендә айти-технологиялар белгестәре менән осрашты Башҡортостан башлығы Радий Хәбиров «Креатив индустрия» сәғәтендә айти-технологиялар белгестәре менән осрашты. Төбәк етәксеһе тармаҡ хеҙмәткәрҙәрен һөнәри байрам менән тәбрикләп дәүләт наградалары тапшырҙы. Һанлы технологиялар үҫешкән осорҙа хеҙмәт баҙарында айти-белгестәргә ихтыяж арта. Республикала йәш програмистарға ярҙам саралары ойошторолған. Гранттар, махсус уҡыуҙар, льготалы ипотека һәм башҡа саралар булдырылған.

Шаран районында Сәләмәтлек поезы эш башланы Һаулыҡ һаҡлау программаһы буйынса урындағы халыҡ ауылдан йыраҡ китмәй табиптарға күренә ала. Бында анализдар бирергә, маммография үтергә, кардиологҡа, онкологҡа, гинекологҡа күренергә, грипттан прививка яһатырға мөмкин. Пациенттарға алдан яҙылырға кәрәкмәй, үҙең менән паспорт һәм полисың булыуы ғына шарт.

Башҡортостан менән Татарстан араһындағы күпер ваҡытынан алда сафҡа инәсәк Октябрьский ҡалаһы эргәһендә объекты төҙөкләндереү 85 процентҡа тамамланған. Күләмле реконструкция «Тормош өсөн инфраструктура» милли проекты буйынса алып барыла. Бының өсөн 1 миллиард һум самаһы аҡса бүленгән.

Өфөлә рәссам Наталья Белоусова менән керамика оҫтаһы Милена Федотованың күргәҙмәһе асылды Өфөлә «Заманса сәнғәт музейында» рәссам Наталья Белоусова менән керамика оҫтаһы Милена Федотованың күргәҙмәһе асылды. Экспозицияға психология, йәшәү мәғәнәһе, кешелек, мөхәббәт, шәхестең эске кисерештәренә арналған картиналар ҡуйылған. Бер нисә йыл элек ҡаты сирләп инвалид креслоһына ултырған рәссам Наталья Белоусова тамашасыларҙы һүрәттәренә шиғыр яҙып йәлеп итә. Керамика оҫтаһы Милена Федотова тәбиғәттән һәм сәйәхәттәрҙән илһамланып төрлө скульптуралар ижад итә.

Өфөлә йәшәүсе Татьяна Перцева япраҡ-ботаҡтарҙан биҙәүестәр яһай Йәшеллектең матурлығы-биҙәүестәрҙә. Өфөнән Татьяна Перцева төрлө ағастарҙың япраҡ-ботаҡтарын йыйып, уларҙы гальванопластика технологияһы буйынса эшкәртә, йәғни электр химияһы тәьҫире һөҙөмтәһендә металл, баҡыр күсермәләрен яһай.

Сәләмәтлек поездары ярҙамында 4 меңгә яҡын ауырыу аысҡланған Мобиль бригадалар быйыл республиканың 300-ҙән ашыу ауыл-ҡалаһында булып 170 меңгә яҡын пациентты ҡабул иткән. Күсмә станция ошо көндәрҙә Өфө районының Булгаков ауылында ла эшләй. Бында анализдар бирергә, маммография үтергә, кардиологҡа, онкологҡа, гинекологҡа күренергә, грипттан прививка яһатырға мөмкин.

Өфөлә милли гвардия ғәскәрҙәре ҡотҡарыусылары һәм янғын һүндереүселәренең чемпионаты башланды Ғәҙәттән тыш хәлдәр системаһында хеҙмәт итеүселәр ярышы йыл һайын ойошторола. Конкурс бер яҡтан оҫталарҙы асыҡларға булышлыҡ итһә, икенсенән, яңы эш алымдары, технологиялар менән танышыу мөмкинлеге булып тора.

Башҡортостан яугирҙары Донбаста ҡаһарманлыҡ күрһәтә 90-сы гвардия танк дивизияһының 228-се полкында хеҙмәт итеүсе яугирҙарыбыҙ Донецк халыҡ республикаһының Покровское йүнәлешендә дошманды дөмөктөрә. Мотоуҡсылар полкында яҡташтарыбыҙ ҙа байтаҡ. Улар үҙҙәрен ҡурҡыу белмәҫ, сая, ҡаһарман яугирҙар булараҡ танытҡан. Башҡортостан хәрбиҙәре менән БЮТ хәбәрселәре лә осрашты.

Стәрлетамаҡ кооперативы дәүләт ярҙамы менән етештереүҙе арттырҙы Һуңғы дүрт йылда республиканың ауыл хужалығы ҡулланыусылар кооперативтары ярты миллиард һумдан ашыу дәүләт ярҙамы саралары менән файҙаланған. Өс йыл элек Стәрлетамаҡ районындағы берләшмә матди-техник базаны нығытыуға грант алып, производство ҡеүәтен арттырған. Бөгөн цехта етештерелгән кулинар изделиелар продукцияһы Башҡортостан район-ҡалалары һәм Силәбе өлкәһе сауҙа нөктәләренә оҙатыла. Бәлештәргә айырыуса ихтыяж юғары.

Борай районында йылғаға ҡолаған автомобиль өсөнсө көн тигәндә табылған Башҡортостандың ғәҙәттән тыш хәлдәр буйынса дәүләт комитеты ҡотҡарыусылары бөгөн һыу төбөнән 12-се модель «ВАЗ» автомобилен сығарған. Алдан хәбәр итеүебеҙсә, 7 сентябрҙә юғары тиҙлектә килгән машина төҙөлөп ятҡан күпергә бәрелә. Авария һөҙөмтәһендә яна башлаған машина һыуға ҡолай. Эҙләү эшенә йылғалағы көслө ағым менән насар күреү мөмкинлеге ҡатмарлыҡ тыуҙыра. Ҡотҡарыусылар автомобилде тик һыу аҫты камераһы ярҙамында 2 метр ярым тәрәнлектә күрә алған. Машинаны һыуҙан сығарғанда салонда водителдең кәүҙәһе лә табылған.

Башҡортостанда ҡырау төшөүе көтөлә Был турала төбәк Ғәҙәттән тыш хәлдәр министрлығынан хәбәр итәләр. Ведомстовонан белдереүҙәренсә, республиканың көньяҡ-көнсығышында юғары янғын хәүефе, ә төндә нолдән ике градусҡаса һыуытып ҡырау төшөүе күҙаллана. Иртәгә төндә урыны менән бер аҙ ямғыр яуа, көндөҙ башлыса яуым-төшөмһөҙ буласаҡ. Һауа температураһы төндә 2-7, көндөҙ 13-18 градус йылы күрһәтә.

Башҡортостандың спорт өлкәһендәге башланғыстарына йәшел ут Был турала Рәсәйҙең спорт министры Михаил Дегтярёв Мәскәүҙә Радий Хәбиров менән осрашыуҙа белдерҙе. Эшлекле фекер алышыу барышында федераль министр республика етәксеһен «Физик культура һәм спорт отличнигы» билдәһе менән бүләкләне. Михаил Дегтярёв былтыр Өфөләге «Рәсәй-спорт державаһы» халыҡ-ара форумының юғары кимәлдә ойошторолыуын тағы ла бер тапҡыр билдәләп үтте.

Денис Лебедев Баймаҡ ҡалаһының үҙәк майҙанында иртәнге зарядка үткәрҙе Рәсәй боксы легендаһы Баймаҡта! Бөгөн донъя чемпионы Денис Лебедев ҡаланың үҙәк майҙанында иртәнге зарядка үткәрҙе. Көслө нокауттары менән билдәле булған боксер менән осрашыуға Башҡортостандың спорт йондоҙҙары-күренекле чемпиондар ҙа ҡушылды.

Башҡортостанда льгота ярҙамы алыусылар 1 октябрҙән социаль хеҙмәт тупланмалары алыу ысулын үҙгәртә ала Әле был хоҡуҡ менән республикала 318 меңдән ашыу кеше файҙалана. Улар - Бөйөк Ватан һуғышы, хәрби хәрәкәттәр ветерандары һәм инвалидтары., Чернобыль һәләкәтендә зыян күреүселәр һәм башҡалар. Башҡортостанда 119 меңдән ашыу кеше льготаны шифаханаға путевка рәүешендә, тимер юлда һәм ҡала ара транспортта дауаланыуға барып ҡайтҡанда, медицина тауары алыуға тотона. Ҡалғандарға ул айына 1728 һум 46 тин күләмендә аҡсалата түләнә.