БСТ | Яңылыҡтар

Башҡортостанда электр самокаттар ҡатнашлығында авариялар теркәлә Быйыл ғына 112 Системаһына 120-нән ашыу хәбәр ҡабул ителгән. Ғәҙәттән тыш хәлдәр буйынса дәүләт комитетынан хәбәр итеүҙәренсә, улар самокаттан ҡолау, автомобилгә, йәйәүлегә бәрелеү осраҡтары менән бәйле. Электр самокатта иҫерек килеш йөрөргә ярамай. Транспортта бер юлы бер генә кеше булыуы шарт.

«Салауат Юлаев»тың баш тренеры Виктор Козлов яңы контрактҡа ҡул ҡуйҙы Килешеү ике йылға иҫәпләнгән һәм эш хаҡы йылына 45 миллион һум тәшкил итәсәк. Виктор Николоевич 2022 йылдан юлаевсылар менән етәкселек итә. Быйылғы миҙгелдең даими чемпионатын Өфө клубы Көнсығыш конференцияла икенсе урында тамамланы. Плей-оффта яҡташтарыбыҙ ярымфиналға тиклем барып етте, унда Ярославлдең «Локомотив»ынан серияла 1:4 иҫәбе менән отолдо.

Халыҡ-ара музейҙар көнөндә Республиканың төп телеканалы музейында асыҡ ишектәр көнө үтте Тәүге тапҡыр тормошҡа ашырылған сараға килеүселәр радио һәм телевидение тарихы менән яҡындан танышты. Уларға бай мәғлүмәт тупланған ике тиҫтәләп стендтан тыш, фондта һаҡланған яҙмалар ҙа күрһәтелде. Шулай уҡ экскурсияға килеүселәр уҙған быуаттан бөгөнгө көнгә тиклем файҙаланылған радио һәм телевидение ҡоролмаларын ҡараны.

Бишбүләк районы Ҡыңғыр-Мәнәүез ауыл биләмәһендә хәтер мемориалы төҙөлә башланы Бөйөк Ватан һуғышында Еңеүҙең 80 йыллығы уңайынан Бишбүләк районы Ҡыңғыр-Мәнәүез ауыл биләмәһендә хәтер мемориалы төҙөлә башланы. Урындағы халыҡ меценаттар менән берлектә аҡса йыйып яугир олатайҙарҙың исемен мәңгеләштерҙе. Мемориал майҙанын төҙөкләндереү эштәрен ауылдаштар тулыһынса үҙ көсө менән башҡарған. Тулыраҡ мәғлүмәт киләһе яҙмала.

Фәйзи Ғәскәров исемендәге халыҡ бейеүҙәре ансамбленең Рәсәйҙең яңы биләмәләренә гастроле тамамланды Бөгөн ижади коллектив Луганск халыҡ республикаһының Красный Луч һәм Луганск ҡалаларында сығыш яһаны. Иң тәүҙә яҡташтарыбыҙ Штеровка ауылында Рәсәй Геройы Миңлеғәле Шайморатовҡа арналған мемориаль комплекста булды.

Өфөлә «Атайсал» форумының йомғаҡлау тантанаһы үтте Бөгөн Өфөлә «Атайсал» форумының йомғаҡлау тантанаһы үтте. Илһөйәрлек ҡоронда илдең һәм республиканың төрлө төбәктәренән делегаттар ҡатнашты, сара ҡунаҡтарын Башҡортостан башлығы тәбрикләне. «Атайсал» реаль эштәргә нигеҙләнгән дөйөм халыҡ хәрәкәтенә әйләнде, тине Радий Хәбиров. 4 йыл элек старт алған проект бөгөн 7 меңдән ашыу кешене берләштергән күләмле майҙансыҡ, уның сиктәрендә 31 меңдән ашыу проект тормошҡа ашырылған. Башҡарылған эштәрҙең дөйөм суммаһы 1 миллиард 750 миллион һум тирәһе.

Радий Хәбиров йәш ғалимдар менән фәнде үҫтереү буйынса осрашты Йәш ғалимдарға күрһәтелгән дәүләт ярҙамы саралары һәм күләмле төҙөлөш проекттары. Республика башлығы Радий Хәбиров төбәктең юғары уҡыу йорттары ғилми хеҙмәткәрҙәре, аспиранттары менән осрашып, фән һәм юғары белемде үҫтереү буйынса алып барылған системалы эш менән таныштырҙы.

Тыуған илгә һөйөү ғаиләлә тәрбиәләнә «Атайсал» форумында МХО яугирҙарына һәм ғаиләләренә күрһәткән ярҙамы өсөн ирекмәндәр юғары наградаларға лайыҡ булды. Улар күсмә студияла ҡунаҡта - Салауат һәм Ҡырмыҫҡалы райондарынан МХО яугирҙары әсәләре, «Ватанды һаҡлаусылар» фонды Рәйзәнә Солтанова һәм Раушания Рамаҙанова. https://vkvideo.ru/video-27097047_456290316

Башҡортостанда эсәр һыу ҡоролмалары яңыртыла Быйыл 4 объектты төҙөү һәм 17 урында ремонт ҡаралған, тип хәбәр итәләр Торлаҡ-коммуналь хужалыҡ министрлығынан. Был 37 мең кеше өсөн коммуналь хеҙмәт сифатын яҡшыртырға тейеш. Эштәр "Тормош өсөн инфраструктура" милли проектына ярашлы алып барыла. 2023-2024 йылдарҙа республикала 21 объект ремонтланған.

Халыҡ-ара музейҙар көнө уңайынан Республиканың төп телеканалы музейында асыҡ ишектәр көнө үтте Тәүге тапҡыр тормошҡа ашырылған сараға килеүселәр радио һәм телевидение тарихы менән яҡындан танышты. Уларға бай мәғлүмәт тупланған ике тиҫтәләп стендттан тыш, фондта һаҡланған яҙмалар ҙа күрһәтелде. Шулай уҡ экскурсияға килеүселәр уҙған быуаттан бөгөнгө көнгә тиклем файҙаланылған радио һәм телевидение ҡоролмаларын да ҡараны. Улар менән тармаҡ үҫешендә торған ветерандар үҙҙәре таныштырҙы.

Шаранда махсус хәрби операцияла ҡатнашыусыларҙың ғаиләләре өсөн «Ғаилә ялы» ойошторолдо Шаран ауылының үҙәк район мәҙәниәт йортонда махсус хәрби операцияла ҡатнашыусыларҙың яҡындары өсөн Ғаилә ялы уҙғарылды. Хәрби хеҙмәткәрҙәргә һәм уларҙың ғаиләләренә ярҙам итеүгә арналған сара 9 ғаиләне бергә йыйҙы.

Өфөлә ағас һырлаусылар оҫталыҡта ярыша Ағас скульптуралар әҙерләү конкурсы Еңеүҙең 80 йыллығы һәм Өфөгә “Хеҙмәт ҡаһарманлығы ҡалаһы” почетлы исем бирелеүҙең 5 йыллығына арнала. Бәйгелә профессиональ рәссамдар, дизайнерҙар, скульпторҙар, мәғариф учреждение уҡытыусылары һәм студенттары, һырлаусылар һәм балта оҫталары ҡатнаша ала. Конкурс ике этапта уҙа. Ғаризалар 29 майға тиклем ҡабул ителә.

Әбйәлил районында баҡырҙы геологик разведкалау планлаштырыла Был хәлгә урындағы халыҡ борсолоу белдерә. Шуға ла «Салауат» йәмғиәте үҙ эшен мөмкин тиклем асыҡ алып барырға, һәр һорауға яуап бирергә һәм үҙ позицияһын аңлатырға тырыша. Бының өсөн ауылдарҙа осрашып-танышыу маҡсатында йыйындар үткәрелә, тирә-яҡ мөхиткә йоғонто яһау ихтималлығы тураһында отчеттар еткерелә.

Янғын һүндереү-ҡотҡарыу подразделениелары Салауат ҡалаһындағы янғын һүндерелгән Рәсәйҙең Ғәҙәттән тыш хәлдәр министрлығынан белдереүҙәренсә, бөгөн иртәнге сәғәт 10-сы ун минут тирәһендә «Свеча» предприятиеһында шартлау тураһында хәбәр килә. Алдан билдәле булыуынса, емереклектәр аҫтында бер кеше ҡалыуы ихтимал. Уны эҙләү буйынса барлыҡ кәрәкле саралар күрелә. Шулай уҡ өс ир ашығыс рәүештә ауыр хәлдә дауаханаға оҙатыла. Был турала үҙенең социаль селтәрҙәрендә Айрат Рәхмәтуллин яҙған.

Яугирҙар Күп функциялы үҙәктәрҙә ветеран статусын һәм 25 төр ярҙамды теркәй ала Махсус хәрби операцияла ҡатнашыусылар Куп функциялы үҙәктәрҙә хәрби хәрәкәт ветераны статусын теркәй ала. Бынан тыш яугирҙар 25 төрлө ярҙам сараһын берҙәм тәҙрә ысулы менән теркәп тиҙ арала документтар тултыра. Торлаҡ-коммуналь хужалығы, транспорт һалымы өсөн ташламалар, балаларҙың уҡыуы һәм туҡланыуы өсөн компенсация, газификация кеүек хеҙмәттәр яугирҙар араһында ҙур һорау менән файҙалана. Махсус хәрби операцияла ҡатнашысуылар Күп функциялы үҙәктәрҙә сиратһыҙ хеҙмәтләндерелә. Яугирҙарҙы берҙәм тәҙрә ысулы менән ҡабул итеү Рәсәй Оборона министрлығы һәм Иҡтисади үҫеш министрлығы тарафынан ойошторолған.

Быйыл да Башҡортостанда йәш ғалимдарға 100 миллион һум күләмендә грант ярҙамы бүленә Быйыл да Башҡортостанда йәш ғалимдарға 100 миллион һум күләмендә грант ярҙамы бүленә. Аҡса ғилми-мәғариф стажировкалары һәм торлаҡ шарттарын яҡшыртыуға ҡаралған. Был турала республика башлығы Радий Хәбиров төбәктең юғары уҡыу йорттары ғилми хеҙмәткәрҙәре, аспиранттары менән осрашыуында билдәләне.

Өфө үҙәгендә парковка өсөн түләмәүселәргә штраф һалына Ошо турала закон проекты әҙерләнгән. Ул май айында Дәүләт Йыйылышы-Ҡоролтайҙа ҡарала. Штраф суммаһын мең ярым һумдан билдәләү тәҡдим ителә. Спикер Константин Толкачев белдереүенсә, был өлкәлә тәртип урынлаштырырға кәрәк. Өфө үҙәгендә түләүле парковкалар быйыл йәй асылырға тейеш.

Борай районында Ағиҙел аша күпер төҙөлөшө тамамланды Объект М-12 федераль трассаһында, Дүртөйлө-Әсет юлында урынлашҡан. Һынауҙар тамамланыу тураһында Рәсәй хөкүмәте рәйесе урынбаҫары Марат Хөснуллин белдерҙе. Күперҙең оҙонлоғо 800 метрҙан ашыу. М-12 трасаһының 140 километры Башҡортостан аша үтәсәк. Бында транспорт йөрөшө түләүле була.

Башҡортостанда ҡотороу сире асыҡланды Ҡариҙел районы Үреш-Битулла ауылында карантин индерелде. Сикләү ваҡытында был биләмәгә мал индереү һәм сығарыу тыйыла. Ауылда вакцинация уҙғарыла. Ветеринария буйынса дәүләт комитеты сир сәбәптерен асыҡлай, уның таралыуына юл ҡуймау өсөн саралар күрә.

Радий Хәбиров Евразия белем биреү үҙәген флагман проект тип атаны Был турала Республика Башлығы бөгөн йәш ғалимдар менән осрашыуҙа белдерҙе. “Башҡортостан вуздарының федераль программаларҙа ҡатнашыуы мөһим әһәмиәткә эйә. Быйыл “Приоритет-2030” программаһына аграр университет ҡушылды. Нефть, Медицина, Өфө фән һәм технологиялар университеттары менән бергә миллиарл һумдан ашыу аҡса бүленә. Баш ҡалала вуз-ара кампустың икенсе өлөшөн төҙөү дауам итә. Уның майҙаны 140 мең квадрат метрҙан аша. Ул яңы асыштар өсөн илдә иң яҡшыларҙың береһе буласаҡ. Обьект биләмәһендә әле республика алдынғы юғары уҡыу йорттарының структур подразделениелары һәм индустриаль партнерҙарҙың офистары урынлашҡан. 20-нән ашыу лаборатория һәм тикшереү үҙәктәре эшләй”-, тине Радий Хәбиров.