СУНТАРСКИЙ УЛУС 🕊️🕊️🕊️

https://max.ru/id1424005501_gos/AZ4Ha6SVASw *Сунтаарга Кыайыы параада: 200 тиэхиньикэ уонна өлбөөдүйбэт өйдөбүл* 🚩🚩🚩Ыам ыйын 8 күнүгэр Сунтаар сэлиэнньэтин киин уулуссаларынан Кыайыы өрөгөйдөөх параада ааста. Тэрээһин саамай чаҕылхай түгэнинэн «Өлбөт үйэлээх автополк» буолла. Быйылгы аахсыйаҕа уопсайа 200-чэ тиэхиньикэ мотоцикллартан саҕалаан ыарахан массыынанарга тиийэ кыттыыны ылан, улуус олохтоохторугар дьиҥнээх бырааһынньык тыынын бэлэхтээтэ. Параады Сунтаар улууһун баһылыга Анатолий Григорьев салайан ыытта. Байыаннайдыы киэргэтиллибит тиэхиньикэлэр хомсомуоллар паамытынньыктарыттан Албан аат болуоссатыгар диэри айаннаан, Кыайыы былааҕын тэлимнэтэн уонна дьоруой эһээлэрэрин мэтириэттэрин иннилэригэр тутан сүгүрүйүү сиэрин-туомут толордулар. Бу аахсыйа Сунтаар улууһугар 2016 сылтан саҕалаан ыытыллар. Сэрии бэтэрээннэригэр, тыыл үлэһиттэригэр сүгүрүйүү уонна бүгүн дойду көмүскэлигэр сылдьар буойуннарбытынан киэн туттуу туоһута.

https://max.ru/id1424005501_gos/AZ4HC672Kps *Өрөгөй уонна Сүгүрүйүү бэлиэтэ: Кыайыы былааҕа күөрэйдэ* 🚩🚩🚩Ыам ыйын 8 күнүгэр, Улуу Кыайыы үтүө үгэһинэн, Албан аат болуоссатыгар Кыайыы кыһыл былааҕын өрө таһаарыы сиэрэ-туома ыытылынна. Өрө күөрэйбит кыһыл былаах биһиги хорсун буойуттарбыт сырдык тыыннарынан уонна кыайыыга дьулуурдарынан ситиһиллибит ытык бэлиэ. Оччотооҕу кэмҥэ Рейхстаг үрдүгэр анньыллыбыт былаах бүгүн эмиэ киэҥник тэлээрэрэ оонньуур. Кыайыы кыһыл былааҕа хорсун буойуттар уонна тыылга сырдыгы-хараҥаны силбээн, күнү-түүнү билбэккэ үлэлээбит ытык дьоммут күүстээх санааларын туоһута. Кыайыы күнэ — Өрөгөй күнэ!

https://max.ru/id1424005501_gos/AZ4F-KjIBQM *Сунтаар улууһун баһылыга Анатолий Григорьев сэрии кыттыылааҕын огдообото Дария Пахомоваҕа ыалдьыттаата, махтал суругу уонна өйдөбүнньүк бэлэҕи туттарда.* 🎗🎗🎗Оччотооҕу сэрии сылларын ыар тыынын билбит, тыылга үлэлээбит уонна эйэлээх олоҕу уһансыбыт кэрэһиттэрбит кэккэлэрэ күн-түүн аҕыйаан иһэр. Кинилэр ортолоругар Сунтаар улууһун ытык олохтооҕо, сэрии кыттыылааҕын огдообото Дария Пахомова. Кини ийэ хорсун быһыытын дьиҥнээх холобурунан буолар. Дария Пахомова эдэркээн кыыс сылдьан, сэрииттэн эргиллибит биэс оҕолоох аҕаҕа кэргэн тахсыбыта. Кырачаан оҕолору бэйэтин оҕолорун курдук иитэн, таптаан, салгыы өссө биэс оҕону күн сиригэр көрдөрөн, уопсайа 10 оҕону иитэн атахтарыгар туруорбута. Бу хас биирдии дьахтартан тахсыбат, күүстээх санааны уонна сылаас сүрэҕи эрэйэр хорсун быһыы. Ытык кырдьаҕас оҕолорун, сиэннэрин тапталларыгар угуттанан өссө да уһун үйэлэннин! _Сунтаар улууһун дьаһалтатын пресс-сулууспата_

https://max.ru/id1424005501_gos/AZ4F6iYlOE4 *КИМ ДА УМНУЛЛУБАТ, ТУОХ ДА УМНУЛЛУБАТ!* 🎗🎗🎗Аҕа дойду Улуу сэриитэ Сунтаар сиригэр-уотугар хаалларбыт бааһа дириҥ уонна ыарахан. Бу кэмнэрдээҕи устуоруйа хас биирдии улуус дьонун таарыйар чахчылардаах. Ол курдук, 1941 сыллаахха сэрии саҕаланыаҕыттан Сунтаар сириттэн уопсайа 2756 киһи ийэ дойдутун көмүскүү барбыта. Кинилэр Москва анныгар, Сталинградтааҕы кыргыһыыга, Курскайга уонна Берлини ылыыга хорсуннук сэриилэспиттэрэ. Ол эрэн, кыайыы сыаната олус үрдүк этэ. Сэриигэ барбыт дьонтон уопсайа 1092 киһи эрэ тыыннаах эргиллибитэ. 1664 буойун кыргыһыы хонуутугар охтубута эбэтэр сураҕа суох сүппүтэ. Сэрии фронунан эрэ бүппэтэҕэ. Сунтаар улууһун устуоруйатыгар саамай ыарахан балаһатынан тыылга буолбут аччыктааһын буолар. Сэрии сылларыгар кураан уонна кытаанах сут турбута. Ити сылларга тыылга аччыктааһынтан уонна ыарыыттан 4500 кэриҥэ киһи суох буолбута. Бу фронтан эргиллибэтэх дьон ахсааныттан икки төгүл элбэх. Ордук элбэх сүтүктээх нэһилиэктэринэн Түбэй, Сиэйэ, Наахара, Күндэйэ буолаллар. Улуу Кыайыы күнүн көрсө улуус баһылыга Анатолий Григорьев салайааччылаах делегация бастакы хомуурга барбыт буойуттар ааттарыгар турар Обоччолоох пааматынньыгар өйдөбүнньүк гирлянданы уурдулар. Биһиги иэспит кинилэр ааттарын умнубат буолуу. Хас биирдии Сунтаар киһитэ бэйэтин эһээтин, хос эһээтин аатын билэрэ — бу устуоруйаҕа саамай күндү бэлэҕинэн буолар. _Сунтаар улууһун дьаһалтатын пресс-сулууспата_

📽📽📽Быйыл республика үрдүнэн номнуо 51 термоточка бэлиэтэнэн, ыксаллаах бэлэм буолуу режимэ биллэрилиннэ. Онон сиэттэрэн, Сунтаар улууһугар баһаары утары үлэлиэхтээх сулууспалар күүстэрин уонна кыахтарын тургутан көрдүлэр. Бу туһунан НВК ханаалыгар көстүбүт сюжеты көрүҥ🙌

https://max.ru/id1424005501_gos/AZ4AbjqZdGk 🇷🇺🇷🇺🇷🇺Байыаннай дьайыыга кыттыыны ылан, төрөөбүт Сунтаарын сиригэр Денис Попов — Дьоҕур этэҥҥэ эргиллэн кэллэ. Кини «Боотур» этэрээтин састаабыгар киирэн, саперунан чиэстээхтик сулууспалаан, байыаннай иэһин бигэтик толордо. Сунтаар улууһун баһылыга Анатолий Григорьев уонна патриотическай иитиигэ специалист, байыаннай дьайыы бэтэрээнэ Владимир Ведерников буойун-саперу кытта ирэ-хоро кэпсэттилэр. Денис курдук хорсун санаалаах, дойдуларын таптыыр уолаттар баар буоланнар, биһиги эйэлээх халлаан анныгар олоробут. Киниэхэ доруобуйаны, этэҥҥэ буолууну уонна эйэлээх олоҕор ситиһиилэри баҕарабыт. _Сунтаар улууһун дьаһалтатын пресс-сулууспата_

https://max.ru/id1424005501_gos/AZ4AYLkPOgY *Сунтаар кэскиллээх мадьынылара Россия түһүлгэтигэр кыайыы өрөгөйүн биллилэр.* 🏆🏆🏆Чебоксары куоракка ыытыллыбыт мас тардыһыытыгар Россия чемпионатыгар Сунтаар улууһун кэскиллээх спортсменнара дойдуларын аатын үрдүктүк тутан, ситиһиилээхтик кытыннылар. Турнир түмүгүнэн биһиги эдэр спортсменнарбыт — Богдан Прокопьев, Жанна Чалбанова, Зафарджон Решетников уонна Валерия Николаева уопсайа 2 кыһыл көмүс уонна 1 боруонса мэтээли аҕаллылар. Үрдүк ситиһиилээх спортсменнары уонна кинилэри бэлэмнээбит тренердэри улуус баһылыга Анатолий Григорьев уонна тустаах тэрилтэ салайааччылара үөрүүлээх быһыыга-майгыга эҕэрдэлээтилэр, Сунтаар аатын Россия таһымыгар дорҕоонноохтук ааттатан, улуус спорка кэскилэ бигэтин көрдөрбүттэрин иһин истиҥ махтал тылларын эттилэр. Маннык кыайыылар атын да оҕолор спорка дьулуһалларыгар, чөл олоҕу тутуһалларыгар үтүө холобурунан буолаллар. Сунтаар эдэр мадьыныларын инникитин да улахан күрэхтэһиилэр, аан дойду таһымнаах кыайыылар күүтэллэр. Эһиги кыайыыгыт — улууспут киэн туттуута! _Сунтаар улууһун дьаһалтатын пресс-сулууспата_

https://max.ru/id1424005501_gos/AZ38yXmndS8 *Сунтаар улууһа ойуур баһаардарын утары охсуһууга бэлэм: «Эрдэттэн бэлэмнэнии — кыайыыга тирэх»* 🔹️🔹️🔹️Саха сиригэр сааскы кэм саҕаланыаҕыттан, республика үрдүнэн номнуо 51 термоточка бэлиэтэнэн, ыксаллаах бэлэм буолуу режимэ биллэрилиннэ. Онон сиэттэрэн, Сунтаар улууһугар ойуур баһаарын утары үлэлиэхтээх сулууспалар күүстэрин уонна кыахтарын тургутан көрдүлэр. Ойуур баһаарын кытта охсуһууга бириэмэни сүтэрбэт, суһал быһаарыныыны ылынар уонна хас биирдии сулууспа бэйэ-бэйэтин кытта ситимнээхтик үлэлиирэ улахан оруоллаах. Сунтаар улууһун баһылыга Анатолий Григорьев бэлиэтииринэн, уоту кытта охсуһууга «эрдэттэн бэлэмнэнии — кыайыыга тирэх» диэн принцип тутуһуллар. Бу тэрээһиҥҥэ барыта 30 техника уонна 90 киһи таҕыста. Бэрэбиэркэ кэмигэр хас биирдии техника туруга, үлэһиттэр анал таҥастарынан уонна туттар тэриллэринэн хааччыллыылара сиһилии бэрэбиэркэлэннэ. Специалистар бэлиэтииллэринэн, Сунтаар улууһа ойуур баһаарын көрсөргө толору бэлэм. Ол эрээри, хас биирдии олохтоох уоттан сэрэхтээх буолара, айылҕаҕа сылдьыы быраабылатын тутуһара сүрүн көмө буолуоҕа. _Сунтаар улууһун дьаһалтатын пресс-сулууспата_

https://max.ru/id1424005501_gos/AZ38hcKccA4 🔹️🔹️🔹️Быйыл Сунтаар улууһа төрүттэммитэ 225 сылын бэлиэтиир үбүлүөйдээх ыһыах ыһыллыаҕа. Улуус баһылыга Анатолий Григорьев анал хамыыһыйа чилиэннэрин кытта сынньалаҥ паркатын көрдүлэр. Манна төрүт үгэһи тутуһан саҥа тутуулар дьэндэйиэхтэрэ. Ол курдук, медицинэ үлэһиттэригэр, авиатордарга уонна оскуола дириэктэрдэригэр анал балаҕаннар тутуллуохтара. Тутуу бастакы хаамыылара саҕаланнылар — сирэ быһылынна, былааннара бигэргэннэ. Бу саҥа балаҕаннар Ыһыах кэмигэр эрэ буолбакка, кэлэр да өттүгэр парка тупсарыгар, норуот үгэһин үйэтитэргэ күүс буолар сиринэн буолуоҕа. _Сунтаар улууһун дьаһалтатын пресс-сулууспата_

*Ытыктабыллаах Сунтаар улууһун олохтоохторо уонна ыалдьыттара!* 🔴Ыам ыйын 8 күнүгэр киэһээ 18:00 чаастан “Өлбөт үйэлээх автополк” автопробекка ыҥырабыт, “Хомсомуол” пааматынньыгыттан “Ленин” болуоссатыгар диэри тимир көлөнөн барыы. 🚙🚗 🔴Киэһээ 19:00 чаастан “Өйдөбүл төлөнө” сэлэлии хаамыы. Хаамыы “Ленин” болуоссатыттан “Албан аат” болуоссатыгар диэри. Кыайыы күнүгэр аналлаах “Умнубаппыт, киэҥ туттабыт, сүгүрүйэбит” “Өлбөт үйэлээх автополк”, “Өйдөбүл төлөнө” Арассыыйа аахсыйаларыгар ыҥырабыт.🇷🇺

📽📽📽 Ыам ыйын бастакы күннэрэ сунтаардарга күүрүүлээх үлэнэн уонна сомоҕолоһуу тыыннаах саҕаланнылар. Нэһилиэк иһигэр ыытыллар үгэс буолбут хомунуу-ыраастаныы үлэлэрин сэргэ, бу сырыыга анал байыаннай дьайыы кыттыылаахтарын дьиэ кэргэттэригэр күүс-көмө буолууга улахан болҕомто уурулунна. Бу туһунан НВК ханаалыгар көстүбүт сюжеты көрүҥ🙌

https://max.ru/id1424005501_gos/AZ3iNMVGdRU *Сомоҕолоһуу күүһэ - үлэҕэ!* 🕊🕊🕊Үлэ күнүн көрсө Сунтаар дьоно-сэргэтэ уонна тэрилтэлэр үлэһиттэрэ көхтөөх субуотунньукка таҕыстылар. Кыһыны быһа мунньуллубут бөҕү-сыыһы хомуйан, уулуссалары ыраастаан, нэһилиэк сирэ-уота тупса түстэ. Бырааһынньык саамай суолталаах түгэнинэн улуус дьаһалтатын эр дьоно тэрийбит аһымал ааксыйалара буолла. Кинилэр биир киһи курдук түмсэн, байыаннай дьайыыга сылдьар уолаттар дьиэ кэргэттэригэр оттук маһы бэлэмнээтилэр. Уопсайа 62 киһи күүһүн түмэн саһаан маһы бэлэмнээһин үлэтин ыыттылар, байыаннай сулууспалаахтар 13 ыалларыгар маһы тиэйэн биэрдилэр. Бу ааксыйа улахан тирэх уонна өйөбүл буолар. Бу курдук Күөх Маай бырааһынньыга дьону сомоҕолоон, үтүө дьыалаҕа түмэн үлэ көдьүүстээх, таһаарыылаах буолла. 📽 үлэ хаамыытын улуус баһылыга Анатолий Григорьев кэпсиир👆 _Сунтаар улууһун дьаһалтатын пресс-сулууспата_

https://max.ru/id1424005501_gos/AZ3dJqitXiQ 🇷🇺🇷🇺🇷🇺Сунтаарбыт биир хорсун уола, Игорь Корнилов, анал байыаннай дьайыыга бэйэтин ытык иэһин чиэстээхтик толорон, этэҥҥэ дойдутугар эргиллэн кэллэ. Кини бэйэтин баҕатынан хантыраак баттаһан, Ийэ дойдутун көмүскэлигэр туруммута. Билигин Игорь төрөөбүт-үөскээбит Тойбохойун сиригэр-уотугар салгыы олохсуйар, үлэлиир-хамсыыр былааннаах. Саллаат буолан Ийэ дойдутун көмүскээбит буоллаҕына, билигин кини тыа хаһаайыстыбатын ылсан дойдутун сайыннарыыга күүс-көмө буолуоҕа. Киниэхэ инники олоҕор ситиһиилэри, чэгиэн туругу уонна үтүө баҕа санаалара туола туралларыгар баҕарабыт. _Сунтаар улууһун дьаһалтатын пресс-сулууспата_

https://max.ru/id1424005501_gos/AZ3cs0B3Sk8 *Сунтаарга Саха Өрөспүүбүлүкэтин күнүн үрдүк таһымнаахтык бэлиэтээтилэр* 🔹️🔹️🔹️Сунтаар улууһугар Саха Өрөспүүбүлүкэтин күнүн үөрүүлээхтик уонна үрдүк күүрүүлээхтик бэлиэтээтилэр. Бу күн сунтаардар мустан, дойду сайдыытыгар тус кылааттарын киллэрбит үтүө үлэһит дьонун чиэстээтилэр. Тэрээһин сүрүн чааһыгар улуус баһылыга Анатолий Григорьев итиитик-истиҥник эҕэрдэлээтэ. Кини бэйэтин тылыгар өрөспүүбүлүкэ сайдыыта хас биирдии киһи тус кыһамньытыттан уонна үлэтиттэн тутулуктааҕын тоһоҕолоон бэлиэтээтэ. Үөрүүлээх быһыыга-майгыга улуус бастыҥ үлэһиттэригэр Арассыыйа Федерациятын уонна Саха Өрөспүүбүлүкэтин үрдүкү наҕараадаларын туттарда. Бу күн эдэр көлүөнэҕэ эмиэ ураты суолталанна. 14 саастарын туолбут оҕолор Арассыыйа Федерациятын гражданинын пааспорын үөрүүлээхтик тутан, дойду эппиэтинэстээх гражданнара буолалларын билиннилэр. Бэлиэ күнү көрсө Үөрэҕирии түмэлэ Сунтаар улууһун сырдык тыыннаах дьонугар аналлаах быыстапканы арыйда. Бу экспозицияҕа улууспут сайдыытыгар сүдү кылааттарын киллэрбит чулуу дьоммут сырдык сэбэрэлэрин, кинилэр олорон ааспыт суоллара үйэтитиллибит мэтириэттэрин сэргии көрдүбүт. Тэрээһин кэмигэр мустубут дьон санаата көтөҕүллэн, наҕараадаламмыт биир дойдулаахтарын сылаастык эҕэрдэлээтилэр. Үтүө үлэһит дьонунан киэн туттар Сунтаар сирэ өрөспүүбүлүкэ бэлиэ күнүн ити курдук биир сомоҕо буолан көрүстэ. 📽 Үтүө түгэни анал устууга көр👆 _Сунтаар улууһун дьаһалтатын пресс-сулууспата_

📽📽📽Федеральнай суолу көрөр-истэр Сунтаравтодор тэрилтэҕэ үксэ кэлии дьон үлэлиир. Ол эрээри кэлиҥҥи кэмҥэ саха уолаттара эмиэ баар буоллулар. Маныаха бэйэ дьоно төрөөбүт сирдэрин климатын, уратытын үчүгэйдик билэр буоланнар, суолу өссө чиҥник уонна үйэлээхтик туталлар. Бу туһунан НВК ханаалыгар көстүбүт сюжеты сэргээҥ🙌

📽📽📽Сунтаарга быйыл 6-с төгүлүн бастакы куһу бултаабыт дьону бэлиэтииллэр. Бу тэрээһин аатырбыт булчут, адьырҕа кыылы бултааһыҥҥа улахан уопуттаах Валерий Прокопьев сырдык кэриэһигэр ананар. НВК ханаалыгар көстүбүт сюжеты сэргээҥ🙌

*Суол — олох тымыра: «Сунтаравтодор» эдэр специалиһа Айаал Борисов* 🏗🛣Федеральнай суол нэһилиэктэри ситимниир, олох тэтимин быһаарар ураты суолталаах. Өр сылларга бу эйгэҕэ үксүн кэлии дьон үлэлиир буоллахтарына, кэлиҥҥи кэмҥэ бэйэбит сахабыт уолаттара суол тутуутугар күүскэ ылсыбыттара киһини үөрдэр. Бэйэ сирин-уотун климатын, айылҕатын уратытын билэр дьон үлэҕэ сыһыаннара атын — кинилэр суол уйгулаах, чиҥ буоларыгар ис сүрэхтэн кыһаллаллар. Бүгүн биһиги «Сунтаравтодор» тэрилтэ биир бастыҥ үлэһитин, Айаал Борисовы кытта билиһиннэрэбит. Кини бу тэрилтэҕэ үлэлээбитэ нэһиилэ түөрт эрэ ый буоллар да, бэйэтин үтүө суобастаах, ирдэбиллээх специалист быһыытынан көрдөрдө. Айаал суол эйгэтигэр саҥа киһи буолбатах. Бу иннинэ «Айан Суол» тэрилтэтигэр үлэлээн, байылыат уопуту мунньуммут идэлээх маастар. Суол тупсаҕай, көнө буолара быһаччы грейдерист маастарыстыбатын кытта сибээстээх. Айаал нэдиэлэҕэ хас да төгүл, халлаан туругуттан көрөн, суолга тахсан сири тэҥниир, көннөрөр. _"Суолу тэҥнии сырыттахпына утары ааһааччы суоппардар фараларын тыктаран махтанан ааһаллара олус үөрдэр. Онон инникитин да дойдум суола тупсарыгар дьулуһуом"_ - диир эдэр суоппар. Суол оҥоруута хас биирдии киһиттэн үрдүк эппиэтинэһи ирдиир уустук үлэ, ону Айаал эҥкилэ суох толорор. Айаал — Сунтаардааҕы технологическай колледжка үөрэммитэ. Манна кини бульдозерист-грейдерист идэтин баһылаабыта. Ол эрээри кини ситиһиитин кистэлэҥэ — оҕо эрдэҕиттэн тыа сиригэр техниканы кытта алтыһан үөрэммит үөрүйэҕэр сытар. Колледжка ылбыт дириҥ билиитин уонна айылҕаттан бэриллибит талаанын дьүөрэлээн, кини кылгас кэм иһигэр тэрилтэ бастыҥ үлэһиттэрин кэккэлэригэр киирдэ. Айаал курдук бэйэ идэтигэр бэриниилээх, төрөөбүт сирин тупсарарга дьулуурдаах эдэр специалистар баар буоланнар, биһиги суолбут куруук көнө, айанныырга куттала суох буолуоҕар эрэнэбит. Айаал Борисов туһунан НВК ханаалын Сунтаардааҕы филиала устан, сонуннарга көрдөрөн үйэтиттэ✊️

https://max.ru/id1424005501_gos/AZ3Y4ix2RRI *Суол — олох тымыра: «Сунтаравтодор» эдэр специалиһа Айаал Борисов* 🏗🛣Федеральнай суол нэһилиэктэри ситимниир, олох тэтимин быһаарар ураты суолталаах. Өр сылларга бу эйгэҕэ үксүн кэлии дьон үлэлиир буоллахтарына, кэлиҥҥи кэмҥэ бэйэбит сахабыт уолаттара суол тутуутугар күүскэ ылсыбыттара киһини үөрдэр. Бэйэ сирин-уотун климатын, айылҕатын уратытын билэр дьон үлэҕэ сыһыаннара атын — кинилэр суол уйгулаах, чиҥ буоларыгар ис сүрэхтэн кыһаллаллар. Бүгүн биһиги «Сунтаравтодор» тэрилтэ биир бастыҥ үлэһитин, Айаал Борисовы кытта билиһиннэрэбит. Кини бу тэрилтэҕэ үлэлээбитэ нэһиилэ түөрт эрэ ый буоллар да, бэйэтин үтүө суобастаах, ирдэбиллээх специалист быһыытынан көрдөрдө. Айаал суол эйгэтигэр саҥа киһи буолбатах. Бу иннинэ «Айан Суол» тэрилтэтигэр үлэлээн, байылыат уопуту мунньуммут идэлээх маастар. Суол тупсаҕай, көнө буолара быһаччы грейдерист маастарыстыбатын кытта сибээстээх. Айаал нэдиэлэҕэ хас да төгүл, халлаан туругуттан көрөн, суолга тахсан сири тэҥниир, көннөрөр. _"Суолу тэҥнии сырыттахпына утары ааһааччы суоппардар фараларын тыктаран махтанан ааһаллара олус үөрдэр. Онон инникитин да дойдум суола тупсарыгар дьулуһуом"_ - диир эдэр суоппар. Суол оҥоруута хас биирдии киһиттэн үрдүк эппиэтинэһи ирдиир уустук үлэ, ону Айаал эҥкилэ суох толорор. Айаал — Сунтаардааҕы технологическай колледжка үөрэммитэ. Манна кини бульдозерист-грейдерист идэтин баһылаабыта. Ол эрээри кини ситиһиитин кистэлэҥэ — оҕо эрдэҕиттэн тыа сиригэр техниканы кытта алтыһан үөрэммит үөрүйэҕэр сытар. Колледжка ылбыт дириҥ билиитин уонна айылҕаттан бэриллибит талаанын дьүөрэлээн, кини кылгас кэм иһигэр тэрилтэ бастыҥ үлэһиттэрин кэккэлэригэр киирдэ. Айаал курдук бэйэ идэтигэр бэриниилээх, төрөөбүт сирин тупсарарга дьулуурдаах эдэр специалистар баар буоланнар, биһиги суолбут куруук көнө, айанныырга куттала суох буолуоҕар эрэнэбит. Айаал Борисов туһунан НВК ханаалын Сунтаардааҕы филиала устан, сонуннарга көрдөрөн үйэтиттэ✊️

https://max.ru/id1424005501_gos/AZ3Ym9uiT6s *Идэҕэ бэриниилээх буолуу бэлиэтэ: Сунтаарга бастыҥ муниципальнай үлэһиттэр ааттаннылар* 🔹️🔹️🔹️*Сунтаар улууһугар олохтоох дьаһалта үлэһиттэрин иккис төгүлүн ыытыллар «Бастыҥ муниципальнай үлэһит» күрэҕэ үрдүк таһымнаахтык түмүктэннэ. Бу тэрээһин үлэ дьонун сомоҕолуур, кинилэр идэлэригэр үүнэллэригэр-сайдалларыгар кынаттыыр сыаллаах ыытылынна.* Муниципальнай сулууспалаах — кини судаарыстыба уонна норуот икки ардыгар турар, дьон кыһалҕатын бастакынан истэр, сир-уот сайдыытын сүрүннүүр киһи. Онон да буолуо, күрэх балаһыанньата олус ирдэбиллээх уонна киэҥ ис хоһоонноох. Уопсайа улуус нэһилиэктэриттэн тоҕус бастыҥ эдэр үлэһит дьиҥнээх идэ таһымын иһин күөн көрсүстүлэр. Күрэх хас да түһүмэҕинэн ыытылынна. Кыттааччылар бастатан туран дьылабыай этикеккэ, тас көрүҥҥэ уонна бэйэни тутта-хапта сылдьыыга дьоҕурдарын көрдөрдүлэр. Идэтийбит дьүүллүүр сүбэ үлэһиттэр уустук ыйытыыларга хайдах хоруйдуулларын, сокуон баазатын төһө билэллэрин сыаналаата. Күрэх сүрүн чааһынан улуус сайдыытыгар туһуламмыт бырайыактары көмүскээһин буолла. Эдэр исписэлиистэр нэһилиэк олоҕун тупсарар, тыа сиригэр эдэр ыччаты тардар уонна социальнай боппуруостары быһаарар саҥа сүүрээннэри билиһиннэрдилэр. Көрөөччүлэри ордук сөхтөрбүтэ — үлэһиттэр айар талааннара. Сыанаҕа кинилэр ылбаҕай ырыаһыт, асчыт, фотограф, иистэнньэҥ быһыытынан арылыннылар. 🏆 Тыҥааһыннаах киирсии түмүгүнэн кыайыылаахтарынан буоллулар: 🥇 Сайан Иванов (Хоро нэһилиэгэ) — «Бастыҥ муниципальнай үлэһит» үрдүк аатын ылла! 🥈 Евгений Кривошапкин (Сунтаар нэһилиэгэ) — иккис бочуоттаах миэстэ. 🥉 Айна Николаева (Дьаархан нэһилиэгэ) — үһүс миэстэ. Маннык тэрээһиннэр муниципальнай сулууспа эйгэтигэр кадрдар сайдалларыгар улахан төһүү күүс буолаллар. Кыайыылаахтар эрэ буолбакка, бары кыттааччылар саҥа уопуту ыллылар, коллегаларын кытта санаа үллэһиннилэр. Кыайыылаахтары өссө төгүл иистиҥник эҕэрдэлиибит! Эһиги үлэҕит — улууспут кэскилэ. Идэҕитигэр өссө үрдүк ситиһиилэри, дьон-сэргэ махталын уонна саҥа үрдэллэри баҕарабыт! ✊ _Сунтаар улууһун дьаһалтатын пресс-сулууспата_

https://max.ru/id1424005501_gos/AZ3SdZdUH1Q *«АЛРОСА» уонна Сунтаар улууһа: саҥа сөбүлэҥ — саҥа кыахтар* 🔹️🔹️🔹️Мирнэй куоракка алмаас хостуур «АЛРОСА» хампаанньа сыллааҕы үлэтин түмүктүүр «Хозактив» үгэс буолбут корпоративнай форума ситиһиилээхтик ыытылынна. Бу суолталаах тэрээһиҥҥэ Сунтаар улууһун баһылыга Анатолий Григорьев кыттыыны ылла. Форумҥа ааспыт сыл көрдөрүүлэрэ ырытылыннылар уонна инникитин алмаас промышленноһын сайыннарыы сүрүн хайысхалара торумнаннылар. "АЛРОСА" хампаанньа — Сунтаар улууһун социальнай-экономическай туруктаах сайдыытыгар өрүү тирэх буолар стратегическай партнер. Тэрээһин түмүгүнэн Сунтаар улууһун уонна хампаанньа икки ардыгар салгыы бииргэ үлэлиир туһунан сөбүлэҥҥэ илии баттанна. 🤝 Бу докумуон олохтоох нэһилиэнньэ олоҕун таһымын тупсарарга, социальнай эрэллээх буолууну хааччыйыыга уонна улуус инфраструктуратын сайыннарыыга туһуланар. _Сунтаар улууһун дьаһалтатын пресс-сулууспата_