News Of Myanmar

နတ်မောက်မြို့နယ်၊ ဒီးဒုတ်ကုန်းကျေးရွာတွင် နေအိမ်၌ရှိနေသော အပြစ်မဲ့အရပ်သားပြည်သူတစ်ဦးကို PDF အကြမ်းဖက်သမားငါးဦးက ဖမ်းဆီးခေါ်ဆောင်သွားပြီး ဦးခေါင်းအားသေနတ်ဖြင့်ပစ်သတ်သွား NOM ဇန်နဝါရီ ၂၆၊ ၂၀၂၆ မကွေးတိုင်းဒေသကြီး၊ နတ်မောက်မြို့နယ်၊ ဒီးဒုတ်ကုန်းကျေးရွာနေ ဦးအောင်ဝင်း (၅၈) နှစ် သည် ဇန်နဝါရီလ ၂၄ ရက်နေ့ ည ၁၁ နာရီအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားငါးဦးခန့်က ဆိုင်ကယ်သုံးစီးဖြင့် ရောက်လာပြီး အကြမ်းဖက်ဖမ်းဆီးခေါ်ဆောင်ကာ ကျေးရွာ၏ အနောက်ဘက် ဒီးဒုတ်ကုန်းချောင်းအတွင်းရှိ သဲသောင်ပြင်ပေါ်တွေင် သေနတ်ဖြင့် ပစ်ခတါသတ်ဖြတ်သွားခဲ့သဖြင့် ဦးအောင်ဝင်းတွင် ဦးခေါင်းပွင့်ထွက်ဒဏ်ရာရရှိကာ သေဆုံးခဲ့ကြောင်းသိရသည်။ News Of Myanmar NOM

ရေစကြိုမြို့နယ်တွင် နေအိမ်သို့ မိသားစုနှင့်အတူပြန်လာသည့် အမျိုးသားတစ်ဦးကို PDF အကြမ်းဖက်အဖွဲ့ ဓါး၊ သေနတ်များဖြင့် ထိုးခုတ်ပစ်သတ်ပြီး ၎င်း​၏ဇနီးနှင့် တစ်လသားအရွယ် ကလေးငယ်လေးတို့ကို ဖမ်းဆီးခေါ်ဆောင် သွား NOM ဇန်နဝါရီ ၂၆၊ ၂၀၂၆ မကွေးတိုင်းဒေသကြီး၊ ရေစကြိုမြို့နယ်၊ အမှတ် (၈) ရပ်ကွက်နေ ကိုဟန်ဝင်းရွှေ (၂၅) နှစ်သည် ဇနီး ဖြစ်သူ မခိုင်ဖြိုးဝေ (၂၄) နှစ်၊ သမီးဖြစ်သူ မသင်းမြတ်ခိုင် (၁) လသားတို့နှင့်အတူ ဇန်နဝါရီလ ၂၅ ရက်နေ့ နံနက် ၇ နာရီခွဲအချိန်၌ ပေကုန်းကျေးရွာမှ အမှတ် (၈) ရပ်ကွက်ရှိ ၎င်းတို့၏နေအိမ်သို့ ဘတ္တရီစက်ဘီးဖြင့် ရေစကြို-ပခုက္ကူသွားကားလမ်းအတိုင်း ပြန်လာစဉ် အမှတ် (၇) ရပ်ကွက်ရှိ ဘက်စုံစိုက်ပျိုးရေးပန်းခြံအနီးအရောက် PDF အကြမ်းဖက်အဖွဲ့ (စိစစ်ဆဲ)က စက်ဘီးအား တားဆီးကာ ကိုဟန်ဝင်းရွှေအား ဓား/သေနတ်များဖြင့် ထိုးခုတ်ပစ်ခတ်သတ်ဖြတ်၍ မခိုင်ဖြိုးဝေနှင့် မသင်းမြတ်ခိုင်တို့အား အကြမ်းဖက်ဖမ်းဆီးခေါ်ဆောင်သွားခဲ့သဖြင့် ကိုဟန်ဝင်းရွှေတွင် ကျည်ထိမှန်ဒဏ်ရာ၊ ဓားဒဏ်ရာများရရှိကာသေဆုံးသွားခဲ့ကြောင်းသိရသည်။ News Of Myanmar NOM

NUG အကြမ်းဖက်အဖွဲ့​၏ ကျောက်ဆည်မြို့နယ် ပြည်သူ့ကာကွယ်ရေးတပ်​၏ စခန်းမှူး အဏ္ဏဝါ (ခ) စောသက်နိုင်က PDF ရဲမေ ဒေါင်းမလေးကို အလိုမတူဘဲ အဓမ္မနှစ်ကြိမ်ပြုကျင့်ပြီးသတ်ဖြတ်ကာ အလောင်းကို အဝတ်ဗလာအနေအထားဖြင့် ဧရာဝတီမြစ်ထဲမျှောပြီး ဖျောက်ဖျက် NOM ဇန်နဝါရီ ၂၆၊ ၂၀၂၆

၂၀၂၆ ခုနှစ်၊ ဇန်နဝါရီလ ၂၅ ရက်နေ့ ညအချိန်က မိုးကုတ်တွင် တရားမဝင်ကျောက်ခိုးတူးနေသူများအား တပ်မတော်စစ်ကြောင်းက ဝင်ရောက်ဖမ်းဆီးရာ ကျောက်ခိုးတူးသူ ၂၀၀ ကျော်ဖမ်းမိကြောင်းသိရှိရသည်။ Source: K.W.M

မိမိတို့အစိုးရအနေဖြင့် ၂၀၂၅ ခုနှစ်ပါတီစုံဒီမိုကရေစီအထွေထွေရွေးကောက်ပွဲကို အောင်မြင်စွာကျင်းပပြုလုပ်နိုင်ခဲ့ကြောင်း တပ်မတော်ကာကွယ်‌ရေးဦးစီးချုပ်ပြောကြား (၂၅.၁.၂၀၂၆) NOM ဇန်နဝါရီ ၂၅၊ ၂၀၂၆

အီရန်ကာကွယ်ရေးဝန်ကြီးဌာနရဲ့ ပြောရေးဆိုခွင့်ရှိသူက “အမေရိကန်-ဇီယွန်ဝါဒီတွေရဲ့ တိုက်ခိုက်မှုကို ကျနော်တို့ ရင်ဆိုင်ရမယ်ဆိုရင် ကျနော်တို့ရဲ့ တုံ့ပြန်မှုက အရင်ကထက် ပိုမိုပြတ်သားပြီး နာကျင်စရာကောင်းလာပါလိမ့်မယ်” လို့ ပြောဆိုလိုက်ပါတယ်။ NOM

အစားအသောက်နှင့် ဆေးဝါးကွပ်ကဲရေးဦးစီးဌာနက သုံးစွဲရန်မသင့်သော အလှကုန်ပစ္စည်းများကို အများပြည်သူသိရှိရန် အသိပေးကြေညာ NOM ဇန်နဝါရီလ ၂၆၊ ၂၀၂၆

ရွှေဘိုမြို့နယ်၊ ငါးပိအိုးကျေးရွာရှိ PDF အကြမ်းဖက်အဖွဲ့စခန်းကို တပ်မတော်က လေကြောင်းတိုက်ခိုက်မှုပြုလုပ် NOM ဇန်နဝါရီ ၂၆၊ ၂၀၂၆ စစ်ကိုင်းတိုင်းဒေသကြီး၊ ရွှေဘိုမြို့နယ်၊ ငါးပိအိုးကျေးရွာရှိ PDF အကြမ်းဖက်အဖွဲ့စခန်းကို ဇန်နဝါရီလ ၂၆ ရက်နေ့ နံနက် ၁၂ နာရီ ၃၈ မိနစ်အချိန်၌ တပ်မတော်က လေကြောင်းတိုက်ခိုက်မှုပြုလုပ်ခဲ့ပြီး တိုက်ခိုက်မှုအတွင်း အကြမ်းဖက်သမားများထိခိုက်သေဆုံးမှုများရှိကြောင်းသိရသည်။ News Of Myanmar NOM

လက်ရှိကျင်းပ ပြီးစီးခဲ့တဲ့ ရွေးကောက်ပွဲမှာ အားသာချက် ရှိစေတဲ့ အချက်တစ်ခုက မဲပေးစက် သုံးသွားတဲ့ ကိစ္စပဲ ဖြစ်ပါလိမ့်မယ်။ အရင်က တံဆိပ်တုံးထုရတယ်။ အမှန်ခြစ်ရတယ်။ ပယ်မဲတွေ အများကြီး ဖြစ်ဖို့ ရာခိုင်နှုန်းများတယ်ပေါ့။ ခု မဲပေးစက်ရဲ့ အားသာချက်က ပယ်မဲ လုံးဝ မဖြစ်နိုင်တော့ဘူး။ ကိုယ်ရွေးချယ်လိုက်တဲ့ ပါတီပဲ Auto ထွက်လာလိမ့်မယ်။ အားသာချက်က မဲပေးကြာချိန်ကို လျှော့ချနိုင်လိုက်တာပါပဲ။ ဆိုတော့....အရင် လက်ထက်တွေလို ဖယောင်း သုတ်ပါတယ် ဆိုတာတွေ၊ တံဆိပ်တုံး အတု ကိစ္စတွေ ပြောစရာ မဖြစ်လာခဲ့ဘူး။ ဒါပေမယ့် အားနည်းချက်ကတော့ မဲပေးခါနီး မဲဆန္ဒရှင်စာရင်းတွေ ကို ပြန်ရှာရတဲ့ ဒုက္ခပဲ။ ဒါလည်း ကြားဖြတ်လောက်ဆို အချိန်မီ ပြင်ဆင်သွားလိမ့်မယ်လို့ မျှော်လင့်ရပါတယ်။ ဘယ်လိုပဲဖြစ်ဖြစ် အခက်အခဲ အတားအဆီးတွေ ကြားထဲကနေ ရွေးကောက်ပွဲ တစ်ခုကတော့ အောင်အောင်မြင်မြင်ပဲ ပြီးဆုံးသွားခဲ့ပါပြီ။ အနိုင်ရတဲ့ ပါတီတွေလည်း အစိုးရဖွဲ့ဖို့ ပြင်ဆင်ကြတော့မှာ ဖြစ်သလို ထုံးစံအတိုင်း အစိုးရရဲ့ ပထမ ရက် (၁၀၀) စီမံကိန်းမှာ ဘာတွေ အပြောင်းအလဲ စလုပ်မှာလဲ ဆိုတာကိုတော့ စောင့်ကြည့်ကြရတော့မှာပေါ့လေ။ ပါတီနိုင်ငံရေးအတွက် အကြံပြုလိုတာကတော့ ရွေးကောက်ပွဲ ပြီးသွားရင်တောင် ကိုယ်စားပြုဒေသခံပြည်သူနဲ့ အဆက်အသွယ် မပြတ် ရှိနေဖို့ အရေးကြီးပါတယ်။ နိုင်ငံရေးပါတီတွေအနေနဲ့ ရေရှည် Long-term Plan တွေးကြဖို့ပါပဲ။ ခုချိန်ကာလဟာ လူငယ်တွေကို အတွေ့အကြုံအတွက် လက်တွဲ သင်ယူခေါ်ဖို့ အကောင်းဆုံး အချိန်လို့လည်း မြင်ပါတယ်။ နိုင်ငံရေး မျိုးဆက်မပြတ်ဖို့ အရေးကြီးပါတယ်။ အနိုင်ရသူတွေလည်း ဒီ ၅ နှစ်မှာ ပြည်သူထောက်ခံရကျိုးနပ်အောင် စွမ်းဆောင်ကြရမှာ ဖြစ်သလို နောက် ၅ နှစ်ကာလအတွက်ပါ မျိုးဆက်သစ်တွေကို ကိုယ်စားပြု ရွေးကောက်ခံမယ့် ဒေသမှာ မျက်နှာကြိုပြနေဖို့လည်း လိုအပ်ပါတယ်။ ရှုံးနိမ့်သွားတဲ့ တသီးပုဂ္ဂလတွေ၊ နိုင်ငံရေး Third party တွေအနေနဲ့လည်း ကြားဖြတ်ရွေးကောက်ပွဲ ကျန်နေသေးသလို လွှတ်တော်ပြင်ပ နိုင်ငံရေးလမ်းကြောင်းကနေ C & B လုပ်နိုင်မယ့် အခွင့်အရေးလည်း ရှိနေနိုင်ပါသေးတယ်။ တကယ်လိုများ အစိုးရဖွဲ့နိုင်တဲ့ ပါတီ အနေနဲ့ နိုင်ငံရေး သဘောထားများပိုကြီးရင် သီခြား ကော်မတီ ဥက္ကဋ္ဌ ရာထူးတာဝန်တွေလည်း ပေးအပ်ရင်း နိုင်ငံရေး အရွေ့တစ်ခုကို တွန်းတင်တာမျိုးလည်း ဖြစ်ကောင်း ဖြစ်နိုင်ပါသေးတယ်။ အဓိကကတော့ တိုင်းပြည်အပေါ် စေတနာမှန်တဲ့ အစိုးရနဲ့ ညီညွှတ်ရေးကိုသာ ဦးတည်တဲ့ အတိုက်အခံ မျိုးကပဲ မြန်မာ့နိုင်ငံရေး အရွေ့ကို တွန်းတင်သွားပါလိမ့်မယ်။ အရေးကြီးတာကတော့ အစိုးရ ဖွဲ့လာနိုင်မယ့် နိုင်ငံရေး ပါတီ အနေနဲ့ တကယ် လက်တွေ့ကြတဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေ လုပ်ပြနိုင်ဖို့ အရေးကြီးပါတယ်။ NLD ပါတီ ဦးဆောင်တဲ့ အစိုးရခေတ်မှာ တနင်္သာရီတိုင်းဝန်ကြီးချုပ်လိုမျိုး ဆိုးဆိုးရွားရွား အဂတိတွေ နာမည်မထွက်ဖို့ လိုပါတယ်။ တိုင်းပြည်က တကယ်လည်း လုပ်စရာတွေ များပါတယ်။ ယာယီသမ္မတကြီး မြေပြင်ဆင်းတော့မှ မြို့အင်္ဂါရပ်နဲ့ မညီတဲ့ ကျူးကျော်ဆိုင်ခန်းတွေ၊ ရေစီး ရေလာ မကောင်းတဲ့ ပြဿနာတွေ၊ စည်ပင် လမ်းမြေကို ကျော်ဆောက်ထားတဲ့ အမိုးအကာတွေ....ကို ပြောနေ၊ မှာကြားနေရတာက မြင်ရ၊ကြားရတာ သိပ်တော့ အဆင်မပြေပါဘူး။ ဒီလို အောက်ခြေသိမ်း အလုပ်တွေ ဆိုတာက မြို့တော်ဝန်၊ စည်ပင်နဲ့ ဝန်ကြီးချုပ်တွေမှာ တာဝန်အရှိဆုံး ဖြစ်ပါတယ်။ ကိုယ့်မြို့ဒေသ ဖွံ့ဖြိုးတိုးတက်ဖို့ ၊ ကိုယ့်ပြည်နယ်၊ ကိုယ့်တိုင်းဒေသကြီးမှာ အလုပ်အကိုင် အခွင့်အလမ်းတွေ ပေါ်ပေါက်ဖို့ဆိုတာ ခြေဥ ၂၀၀၈ ရဲ့ ဇယား၂ ထဲမှာ ရှိနေတယ် ဆိုတဲ့အချက်ကို ဆုပ်ကိုင်ထားရမှာ ဖြစ်ပါတယ်။ သေချာတာကတော့ ရွေးကောက်ခံ အစိုးရလက်ထက်မှာ ဘယ်ပြည်နယ်၊ တိုင်းက အစိုးရတွေက တကယ်အလုပ်လုပ်ပြတယ်ဆိုတာ ပြည်သူက မျက်စေ့ဒေါက်ထောင့်ကြည့်နေတော့မှာပါ။ (နရီမိုး)

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ပါတီစုံဒီမိုကရေစီ အထွေထွေရွေးကောက်ပွဲ အပိုင်း(၃)တွင် ပါဝင်ဆန္ဒမဲပေးနေကြသည့် မဲဆန္ဒရှင်ပြည်သူများအား မဲရုံများအလိုက် လိုက်လံကြည့်ရှုအားပေး (ရုပ်သံ) NOM ဇန်နဝါရီ ၂၅၊ ၂၀၂၆

ဒဂုံမြို့သစ်(တောင်ပိုင်း)တွင်ယာဉ်တိုက်မှုဖြစ်ပွားအမျိုးသား လေးဦးဒဏ် ရာရရှိ NOM၊ဇန်နဝါရီ၂၆၊၂၀၂၆ ရန်ကုန်တိုင်း၊ဒဂုံမြို့သစ်(တောင်ပိုင်း)မြို့နယ်၊ အမှတ်(၁၇)ရပ်ကွက်၊ ကျန်စစ်သားလမ်းနှင့် အမှတ်(၂) လမ်းထောင့်တွင်ယမန်နေ့ဇန်နဝါရီ၂၅ရက်ည၆နာရီခန့်က ယာဉ်တိုက်မှုဖြစ်ပွားခဲ့ပြီး အမျိုးသား လေးဦးဒဏ်ရာရရှိခဲ့ကြောင်းမီးသတ် တပ်ဖွဲ့မှသတင်းထုတ်ပြန်ထားကြောင်းသိရသည်။ ဖြစ်စဉ်မှာ YBS ၅၉ယာဉ်သည်ဂိတ်တွင်ရပ်ထားသည်ကိုဟိုက်ဂျက်ကားကနောက်မှ ဝင်တိုက်ခဲ့သည့်အတွက် ဟိုက်ဂျက်ယာဉ်ပေါ်ပါအမျိုးသား လေးဦးဒဏ်ရာရရှိခဲ့ကြောင်းသိရသည်။ အဆိုပါဖြစ်စဉ်ကြောင့် ထိခိုက်ဒဏ်ရာရရှိသည့် အမျိုးသား လေးဦး တို့အား ကံပရဟိတအသင်း၊ မြို့ဦးလုလင်ပရဟိတအသင်း၊ အဖြူရောင်နှလုံးသားပရဟိတအသင်းနှင့် သီရိမင်္ဂလာပရဟိတအသင်းတို့မှ သူနာတင်ယာဉ်များဖြင့် မြောက်ဥက္ကလာပပြည်သူ့ဆေးရုံသို့ ပို့ဆောင်ပေးခဲ့ ကြောင်းသိရသည်။

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ပါတီစုံဒီမိုကရေစီ အထွေထွေရွေးကောက်ပွဲ အပိုင်း (၃) တွင် ပါဝင်ဆန္ဒမဲပေးနေကြသည့် မဲဆန္ဒရှင်ပြည်သူများအား မဲရုံများအလိုက် လိုက်လံကြည့်ရှုအားပေး NOM ဇန်နဝါရီ ၂၅၊ ၂၀၂၆

CDF ဟားခါးအကြမ်းဖက်အဖွဲ့​၏ တွဲဖက်အတွင်းရေးမှူး ဆလိုင်းငွန်ဆန်းအောင်သေဆုံး NOM ဇန်နဝါရီ ၂၆၊ ၂၀၂၆ ဇန်နဝါရီလ ၂၅ ရက်နေ့၌ သေဆုံးခဲ့ကြောင်းသိရပြီး သေဆုံးသည့်အကြောင်းရင်းကိုမူ တိတိကျမသိရသော်လည်း ၎င်း​၏ဖခင်ဖြစ်သူ ပြီးခဲ့သည့်ရက်ပိုင်း၌ ကျန်းမာရေးကြောင့် သေဆုံးသွားပြီးနောက် အကြမ်းဖက်သမား ဆလိုင်းငွန်ဆန်းအောင်လည်း ကျန်းမာရေးချို့ယွင်းလာပြီး ဇန်နဝါရီ ၂၅ ရက်နေ့၌ ရုတ်တရက်သေဆုံးသွားသည်ဟု ၎င်းနှင့်နီးစပ်သည့် အသိုင်းအဝိုင်းထံမှသိရသည်။ News Of Myanmar NOM

ဖိလစ်ပိုင်နိုင်ငံ၊ Shariff Aguak မြို့မှာ မြို့တော်ဝန် Akmad Ampatuan ကို တတိယအကြိမ်လုပ်ကြံသတ်ဖြတ်ဖို့အတွက် ကြိုးစားခဲ့မှုမှာ မြို့တော်ဝန်ရဲ့ ကျည်ကာ Land Cruiser ကားကို RPG နဲ့ ပစ်ခတ်တိုက်ခိုက်မှုမှာ ကားကိုတိုက်ရိုက်ထိမှန်သွားခဲ့တယ်လို့ သိရပါတယ်။ လုပ်ကြံဖို့ကြိုးစားသူဟာ လုံခြုံရေးတပ်ဖွဲ့ဝင်တွေရဲ့ ပြန်လည်တိုက်ခိုက်မှုကြောင့် သေဆုံးသွားခဲ့တယ်လို့ သိရပါတယ်။ တနင်္ဂနွေနေ့ (၂၅.၁.၂၀၂၆) မနက်အစောပိုင်းက ဖြစ်ပွားခဲ့တာဖြစ်ပြီး RPG နဲ့ ပစ်မှတ်ထား ချုံခိုတိုက်ခိုက်မှုမှာ မြို့တော်ဝန်က အသက်ဘေးက လွတ်မြောက်ခဲ့ပေမယ့် လုံခြုံရေးတပ်ဖွဲ့ဝင် ၂ ဦး ဒဏ်ရာရရှိခဲ့တယ်လို့ သိရပါတယ်။ အဖြူရောင်ဗင်ကားကို စီးနင်းလိုက်ပါလာတဲ့ သံသယရှိသူ ၃ ဦးစလုံးကို ရဲနဲ့ စစ်ဘက်ပူးပေါင်းအဖွဲ့က လိုက်လံဖမ်းဆီးမှုအတွင်း သေဆုံးသွားခဲ့ပါတယ်။ NOM

ဖိလစ်ပိုင်နိုင်ငံ၊ Shariff Aguak မြို့မှာ မြို့တော်ဝန် Akmad Ampatuan ကို တတိယအကြိမ်လုပ်ကြံသတ်ဖြတ်ဖို့အတွက် ကြိုးစားခဲ့မှုမှာ မြို့တော်ဝန်ရဲ့ ကျည်ကာ Land Cruiser ကားကို RPG နဲ့ ပစ်ခတ်တိုက်ခိုက်မှုမှာ ကားကိုတိုက်ရိုက်ထိမှန်သွားခဲ့တယ်လို့ သိရပါတယ်။ လုပ်ကြံဖို့ကြိုးစားသူဟာ လုံခြုံရေးတပ်ဖွဲ့ဝင်တွေရဲ့ ပြန်လည်တိုက်ခိုက်မှုကြောင့် သေဆုံးသွားခဲ့တယ်လို့ သိရပါတယ်။ တနင်္ဂနွေနေ့ မနက်အစောပိုင်းက ဖြစ်ပွားခဲ့တာဖြစ်ပြီး RPG နဲ့ ပစ်မှတ်ထား ချုံခိုတိုက်ခိုက်မှုမှာ မြို့တော်ဝန်က အသက်ဘေးက လွတ်မြောက်ခဲ့ပေမယ့် လုံခြုံရေးတပ်ဖွဲ့ဝင် ၂ ဦး ဒဏ်ရာရရှိခဲ့တယ်လို့ သိရပါတယ်။ အဖြူရောင်ဗင်ကားကို စီးနင်းလိုက်ပါလာတဲ့ သံသယရှိသူ ၃ ဦးစလုံးကို ရဲနဲ့ စစ်ဘက်ပူးပေါင်းအဖွဲ့က လိုက်လံဖမ်းဆီးမှုအတွင်း သေဆုံးသွားခဲ့ပါတယ်။ NOM

ဝိုင်းမော်ဘက်တွင် လီဆူးပသစက KIA ရဲ့ကျွန် PDF ၃ ဦးအား ဖမ်းမိ - တိုက်ပွဲသတင်းစုံ

ပါတီစုံဒီမိုကရေစီအထွေထွေရွေးကောက်ပွဲ အပိုင်း (၃) သို လာရောက်လေ့လာကြသည့် နိုင်ငံတကာရွေးကောက်ပွဲစောင့်ကြည့်လေ့လာသူများအား ဂုဏ်ပြုညစာစားပွဲဖြင့်တည်ခင်း ဇန်နဝါရီ ၂၅၊ ၂၀၂၆ ၂၀၂၆ ခုနှစ် ဇန်နဝါရီ ၂၅ ရက်တွင် ကျင်းပပြီးစီးခဲ့သည့် ပါတီစုံဒီမိုကရေစီအထွေထွေရွေးကောက်ပွဲ အပိုင်း (၃) သို့ လာရောက်လေ့လာခဲ့ကြသည့် နိုင်ငံတကာရွေးကောက်ပွဲ စောင့်ကြည့်လေ့လာသူများအား တည်ခင်းဧည့်ခံသည့် ဂုဏ်ပြုညစာစားပွဲကို ယနေ့ညနေပိုင်းတွင် ရန်ကုန်မြို့ရှိ Park Royal ဟိုတယ်၌ ကျင်းပသည်။ ညစာစားပွဲသို့ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး၊ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း၊ ပြည်ထောင်စုရွေးကောက်ပွဲကော်မရှင်အဖွဲ့ဝင်များ၊ ရန်ကုန်တိုင်းဒေသကြီး သယံဇာတရေးရာဝန်ကြီး၊ ဘယ်လာရုစ်သမ္မတနိုင်ငံမှ ကိုယ်စားလှယ်အဖွဲ့၊ ကမ္ဘောဒီးယားနိုင်ငံ ရွေးကောက်ပွဲကော်မရှင်မှ ကိုယ်စားလှယ်အဖွဲ့၊ နီပေါနိုင်ငံ ရွေးကောက်ပွဲကော်မရှင်မှ ကိုယ်စားလှယ်အဖွဲ့၊ အင်ဒိုနီးရှားနိုင်ငံ ရွေးကောက်ပွဲကော်မရှင်မှ ကိုယ်စားလှယ်အဖွဲ့၊ ဗီယက်နမ်ဆိုရှယ်လစ်သမ္မတနိုင်ငံမှ ကိုယ်စားလှယ်အဖွဲ့၊ နီကာရာဂွါနိုင်ငံမှ ကိုယ်စားလှယ်အဖွဲ့၊ အိန္ဒိယနိုင်ငံမှ ကိုယ်စားလှယ်နှင့် International Conference of Asian Political Parties (ICAPP) အဖွဲ့မှ ကိုယ်စားလှယ်အဖွဲ့၊ ရန်ကုန်တိုင်းဒေသကြီး ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများ၊ ပြည်ထောင်စုရွေးကောက်ပွဲကော်မရှင်ရုံးမှ တာဝန်ရှိသူများ၊ ဌာနဆိုင်ရာတာဝန်ရှိသူများနှင့် ဖိတ်ကြားထားသော ဧည့်သည်တော်များ တက်ရောက်ကြ သည်။ ဦးစွာ ပြည်ထောင်စုရွေးကောက်ပွဲကော်မရှင်ဥက္ကဋ္ဌက ရွေးကောက်ပွဲ၏ အရေးကြီးသည့် မှတ်တိုင်တစ်ခုဖြစ်သည့် ရွေးကောက်ပွဲအပိုင်း (၃) ကို အောင်မြင်စွာ ကျင်းပနိုင်ခဲ့ပြီဖြစ်ပါကြောင်း၊ ရွေးကောက်ပွဲတွင် အဆွေတော်တို့၏ ပါဝင်ဆောင်ရွက်ခဲ့မှုများကို ချီးကျူးမှတ်တမ်းတင်သည့်အနေဖြင့် ယနေ့ဂုဏ်ပြုညစာစားပွဲကို ကျင်းပပြုလုပ်ရခြင်း ဖြစ်ပါကြောင်း။ ရွေးကောက်ပွဲကျင်းပသည့် လုပ်ငန်းစဉ်တစ်လျှောက်လုံးတွင် ပါဝင်၍ စောင့်ကြည့်လေ့လာခဲ့ကြသည့်အတွက် မြန်မာနိုင်ငံတော်အစိုးရနှင့် မြန်မာနိုင်ငံ ပြည်သူများကိုယ်စား အထူးပင်ကျေးဇူးတင်ရှိပါကြောင်း၊ အဆွေတော်တို့၏ စောင့်ကြည့်လေ့လာမှုသည် လွတ်လပ်မှုနှင့် တရားမျှတမှု၊ ပွင့်လင်းမြင်သာမှုကို ခိုင်မာစေရုံသာမက ရွေးကောက်ပွဲကော်မရှင်၊ နိုင်ငံရေးပါတီများ၊ လွှတ်တော်ကိုယ်စားလှယ်လောင်းများ၊ မဲဆန္ဒရှင်ပြည်သူများနှင့် ရွေးကောက်ပွဲတွင် ပါဝင်သူအားလုံး၏ ယုံကြည်မှုကို ပိုမိုခိုင်မာစေမည်ဖြစ်ပါကြောင်း။ နိုင်ငံရေးပါတီများ၊ ရွေးကောက်ပွဲကော်မရှင်အဖွဲ့ခွဲများ၊ မဲရုံအဖွဲ့ဝင်များ၊ လုံခြုံရေးတာဝန်ထမ်းဆောင်ကြသူများ၊ အရပ်ဘက်လူမှုအဖွဲ့အစည်းများ၊ ရွေးကောက်ပွဲ အောင်မြင်ရေးအတွက် အဘက်ဘက်မှ ကူညီဆောင်ရွက်ပေးခဲ့ကြသူများ၊ အထူးသဖြင့် နိုင်ငံသားတစ်ဦး၏ တာဝန်သိစိတ်ဖြင့် လာရောက်မဲပေးခဲ့ကြသည့် မဲဆန္ဒရှင်ပြည်သူများ၏ ကြိုးစားအားထုတ်မှုများကို အဆွေတော်တို့အနေဖြင့် မျက်ဝါးထင်ထင်မှတ်ကျောက်တင်နိုင်ခဲ့ပြီဖြစ်ပါကြောင်း၊ ပြည်သူများ၏ စိတ်အေးချမ်းသာယာ၊ ပျော်ရွှင်တက်ကြွစွာနှင့် နိုင်ငံ့အနာဂတ်အတွက် မဲပေးနေမှုများကို တွေ့မြင်သိရှိခဲ့ကြပြီး ဖြစ်ပါကြောင်း။ ယနေ့ အခမ်းအနားကတစ်ဆင့် မြန်မာနိုင်ငံနှင့် နိုင်ငံတကာအသိုင်းအဝိုင်းတို့အကြား ပူးပေါင်းဆောင်ရွက်မှုနှင့် နားလည်မှုကို ပိုမိုခိုင်မာစေမည်ဟု ယုံကြည်ပါကြောင်း၊ မိမိတို့နိုင်ငံ၏ စစ်မှန်ပြီး စည်းကမ်းပြည့်ဝသည့် ပါတီစုံဒီမိုကရေစီစနစ်ကို တည်ဆောက်ရာတွင် အထောက်အကူဖြစ်စေမည့် အဆွေတော်တို့၏ လေ့လာတွေ့ရှိချက်များနှင့် အကြံပြုချက်များကိုလည်း စောင့်မျှော်နေပါကြောင်း၊ ရွေးကောက်ပွဲအောင်မြင်စွာ ကျင်းပနိုင်မှုသည် မြန်မာနိုင်ငံ၏ ကောင်းမွန်သည့် အရွေ့တစ်ခုကို ဖော်ဆောင်နိုင်ခြင်း ဖြစ်ပါကြောင်း၊ ရွေးကောက်ပွဲ အပိုင်း (၃) ပိုင်းလုံးကို အောင်မြင်စွာ ကျင်းပနိုင်ခဲ့သည့်အတွက် အထူးပင်ဂုဏ်ယူဝမ်းမြောက်မိပါကြောင်းနှင့် တက်ရောက်လာကြသည့် အဆွေတော်တစ်ဦး တစ်ယောက်ချင်းစီကိုလည်း ကျေးဇူးတင်အသိအမှတ်ပြုပါကြောင်း ဂုဏ်ပြုစကားပြောကြားသည်။ ထို့နောက် ပြည်ထောင်စုရွေးကောက်ပွဲကော်မရှင်ဥက္ကဋ္ဌသည် ညစာစားပွဲသို့ တက်ရောက်လာကြသူများနှင့် ဂုဏ်ပြုညစာကို အတူတကွသုံးဆောင်ကြပြီး ညစာမသုံးဆောင်မီနှင့် သုံးဆောင်နေစဉ်အတွင်း သာသနာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာန၊ ယဉ်ကျေးမှုအကအဖွဲ့၏ မြန်မာ့ရိုးရာယဉ်ကျေးမှုအဆိုအကများဖြင့် ဖျော်ဖြေတင်ဆက်မှုများကို ကြည့်ရှုအားပေးခဲ့ကြပြီး ဖျော်ဖြေတင်ဆက်မှုအပြီးတွင် အနုပညာဦးစီးဌာနအဖွဲ့များအား ဂုဏ်ပြုပန်းခြင်းများနှင့် ဂုဏ်ပြုငွေများ ပေးအပ်ချီးမြှင့်ခဲ့ကြောင်းသိရသည်။

မိမိအနေဖြင့် နိုင်ငံတော်တာဝန်ထမ်းဆောင်ချိန်တွင် တပ်မတော်သားများနှင့် မြန်မာနိုင်ငံရဲတပ်ဖွဲ့ဝင်များ၊ မြန်မာနိုင်ငံမီးသတ်တပ်ဖွဲ့ဝင်များအတွက် ထောက်ပံ့ကြေးများနှင့် သက်စွန့်ဆံဖျားစရိတ်များ တိုးမြှင့်ဆောင်ရွက်ပေးခဲ့ကြောင်း၊ တပ်မတော်သားမိသားစုဝင်များ၏ နေရေး၊ စားရေးနှင့် ဝတ်ရေးကိစ္စရပ်များ အဆင်ပြေချောမွေ့စေရေးအတွက်လည်း လိုအပ်သည်များကို ဖြည့်ဆည်းဆောင်ရွက်ပေးလျက်ရှိနေကြောင်း၊ တပ်မတော်အကြီးအကဲတစ်ဦးအနေဖြင့် မိမိဦးဆောင်ကွပ်ကဲအုပ်ချုပ်နေရသည့် အဖွဲ့အစည်းနှင့် မိမိတပ်ဖွဲ့ဝင်များကို မည်ကဲ့သို့မြှင့်တင်ဆောင်ရွက်ပေးရမည်ကို အမြဲမပြတ်စဉ်းစား၍ လိုအပ်သည်များ စီမံဆောင်ရွက်ပေးခဲ့ကြောင်း၊ တပ်မတော်အနေဖြင့် နိုင်ငံတော်တွင် ကျရောက်လာနိုင်သည့် မည်သည့်အန္တရာယ်ရန်စွယ်ကိုမဆို ကာကွယ်ရန် တာဝန်ရှိသည်ဖြစ်သဖြင့် စွမ်းရည်စွမ်းအားရှိသည့်တပ်မတော်ဖြစ်စေရေး ဆက်လက်ကြိုးပမ်းတည်ဆောက်သွားကြရမည်ဖြစ်ကြောင်းဖြင့် မှာကြားပြီး အရာရှိ၊ စစ်သည်များ၏ လိုအပ်ချက်များကို မေးမြန်းသည်။ ယင်းနောက် နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ် ရေးဦးစီးချုပ်က အရာရှိ၊ စစ်သည်၊ မိသားစုများအတွက် စားသောက်ဖွယ်ရာပစ္စည်းများကို ပေးအပ်ရာ တိုင်းမှူးကလည်းကောင်း၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ်၏ ဇနီးက တပ်နယ်မိခင်နှင့် ကလေးစောင့်ရှောက်ရေးအသင်းအတွက် ချီးမြှင့်ငွေများကို ပေးအပ်ရာ တိုင်းမှူး၏ ဇနီးကလည်းကောင်း အသီးသီးလက်ခံရယူသည်။ တွေ့ဆုံပွဲအပြီးတွင် နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ်နှင့် ဇနီး၊ အဖွဲ့ဝင်များသည် တက်ရောက်လာကြသည့် အရာရှိ၊ စစ်သည်၊ မိသားစုများအား ရင်းရင်းနှီးနှီး လိုက်လံနှုတ်ဆက်ခဲ့ကြကြောင်းသတင်းရရှိသည်။

လုပ်ငန်းများကို ထမ်းဆောင်ရာတွင် ကံ၊ ဉာဏ်၊ ဝီရိယများပေါင်းစပ်၍ မိမိတို့တာဝန်များကို ကျေပွန်စွာထမ်းဆောင်နိုင်ကြရန်လိုကြောင်း၊ ကောင်းသည့်အလုပ်ကို လုပ်မည်ဆိုပါက ကောင်းကျိုးကိုခံစားနိုင်မည်၊ မကောင်းသည့်အလုပ်ကိုလုပ်ပါက မကောင်းကျိုးကို ခံစားရမည်ဖြစ်ကြောင်း၊ မိမိတို့ကို သင်ကြားပေးထားသည့် စစ်အတတ်ပညာများကို ဉာဏ်ဖြင့် သုံးသပ်ဆင်ခြင်၍ ကျွမ်းကျွမ်းကျင်ကျင် အသုံးချဆောင်ရွက်သွားနိုင်ရန်လိုကြောင်း၊ စစ်သည်တစ်ဦးချင်းစီအလိုက် စစ်သားကောင်းတစ်ယောက်ပီသစွာ တာဝန်ထမ်းဆောင်ကြရန်လိုပြီး ထိုသို့ဆောင်ရွက်မှသာလျှင် တစ်ဦးချင်းစီ၏ အရည်အသွေးများ တက်လာမည်ဖြစ်ပြီး နိုင်ငံတော်ကာကွယ်ရေးတာဝန်များကိုလည်း ကျေပွန်စွာ ထမ်းဆောင်နိုင်မည်ဖြစ်ကြောင်း၊ စွမ်းရည်စွမ်းအားရှိသည့် တပ်မတော်ဖြစ်စေရေးအတွက် တပ်မတော်အနေဖြင့် ခေတ်အလိုက်နေ့စဉ်နှင့်အမျှ ပြောင်းလဲတိုးတက်လာနေသည့် နည်းပညာများနှင့်အညီ စစ်အသုံးအဆောင်ပစ္စည်းများ တပ်ဆင်ပေးခြင်းများကို စဉ်ဆက်မပြတ် ဆောင်ရွက်ပေးလျက်ရှိကြောင်း၊ စွမ်းအားရှိသည့် တပ်မတော်ဖြစ်စေရေးအတွက် ရှိသင့်ရှိထိုက်သည်များကို ဖြည့်တင်းပေးနေရမည်ဖြစ်သကဲ့သို့ စွမ်းရည်ရှိသည့် တပ်မတော်ဖြစ်စေရေးအတွက်လည်း စစ်သည်တစ်ဦးချင်းစီအလိုက်၊ တပ်ဖွဲ့တစ်ဖွဲ့ချင်းစီအလိုက်မှစ၍ ကျန်းမာကြံ့ခိုင်မှုရှိစေရေး၊ တိုက်ရည်ခိုက်ရည်နှင့် ရဲစွမ်းသတ္တိရှိစေရေး၊ စစ်နည်းဗျူဟာနှင့် စစ်လက်နက်ပစ္စည်းများအပေါ် ကျွမ်းကျင်မှုရှိစေရေး အမြဲမပြတ်လေ့ကျင့်ဆောင်ရွက်ပေးနေရမည်ဖြစ်ကြောင်း၊ အလားတူ နေ့စဉ်နှင့်အမျှ ပြောင်းလဲတိုးတက်နေသည့် စစ်အတတ်ပညာနှင့် စစ်နည်းဗျူဟာများကိုလည်း ခေတ်နှင့်အညီ အသုံးချနိုင်ရေးဆောင်ရွက်ကြရန်လိုကြောင်း၊ စွမ်းရည်စွမ်းအားရှိသည့် တပ်မတော်တစ်ရပ်ကို တည်ဆောက်သွားမည်ဆိုပါက မိမိတို့နိုင်ငံအပေါ်မည်သူကမျှ မလေးမစားပြုလုပ်နိုင်မည်မဟုတ်ကြောင်း၊ ထို့ကြောင့် စွမ်းရည်စွမ်းအားရှိသည့် တပ်မတော်တစ်ရပ်ကို အမြဲတမ်းဆက်လက်ကြိုးပမ်းတည်ဆောက်သွားကြရမည်ဖြစ်ကြောင်း။ လက်ရှိအချိန်တွင် တပ်မတော်၌ အမျိုးသမီးစစ်မှုထမ်းများသည်လည်း အမျိုးသားများနှင့် ရင်ပေါင်တန်း၍ နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်နေပြီဖြစ်ကြောင်း၊ ၂၀၂၄ ခုနှစ်တွင် ကောက်ယူခဲ့သည့်လူဦးရေနှင့် အိမ်အကြောင်းအရာ သန်းခေါင်စာရင်းအချက်အလက်များအရ မိမိတို့နိုင်ငံတွင် အမျိုးသမီးဦးရေမှာ ပိုမိုများပြားသည်ကို တွေ့ရှိရကြောင်း၊ သို့ဖြစ်၍နိုင်ငံတော်တွင် အမျိုးသမီးများ၏ လုပ်အားမှာ မနည်းသည်ကို တွေ့မြင်နိုင်ကြောင်း၊ တပ်မတော်သားမိသားစုဝင် မှီခိုသူမိသားစုများ အချင်းချင်းအနေဖြင့် ညီရင်းအစ်ကို၊ မောင်ရင်းနှမစိတ်ဓာတ်မွေး၍ စည်းလုံးညီညွတ်စွာဖြင့် နေထိုင်ဆောင်ရွက်ကြရန်လိုကြောင်း၊ စစ်သည်အင်အားနှင့် ရဲမေအင်အားများ ပူးပေါင်းဆောင်ရွက်မည်ဆိုပါက နိုင်ငံတော်၏ ကာကွယ်ရေးအင်အားစုမှာ များစွာတောင့်တင်းခိုင်မာသည်ကို တွေ့မြင်ရမည်ဖြစ်ပြီး စုစည်းညီညွတ်သည့်အားကို တန်ဖိုးထားဆောင်ရွက်ကြရန်လိုကြောင်း။ အရာရှိ၊ စစ်သည်များအနေဖြင့် ခေတ်နှင့်အညီပြောင်းလဲတိုးတက်နေသည့် သိပ္ပံနှင့် နည်းပညာများကိုလည်း လေ့လာနေကြရန်လိုကြောင်း၊ ဗဟုသုတများရရှိစေပြီး အသိအမြင်များတိုးပွားလာစေရေး၊ မိမိတို့တစ်ဦးချင်းစီ၏ လူမှုစီးပွားဘဝများ တိုးတက်စေရေးအတွက် စာပေဖတ်မှတ်လေ့လာခြင်းများကို ဆောင်ရွက်သွားကြရန်လိုကြောင်း၊ စာပေဖတ်မှတ်လေ့လာခြင်းအားဖြင့် တစ်ဦးချင်းစွမ်းရည်များ တိုးမြင့်လာနိုင်မည်ဖြစ်ပြီး တစ်ဦးချင်းစွမ်းရည်မှ တပ်မတော်တစ်ရပ်လုံး၏စွမ်းရည်များ တိုးတက်လာစေရေး ဆောင်ရွက်သွားကြရမည်ဖြစ်ကြောင်း၊ အလားတူ နိုင်ငံတော်၏ ဖြတ်သန်းခဲ့ရသည့် သမိုင်း ကြောင်းနောက်ခံအကြောင်းအရာများကို မှန်မှန်ကန်ကန်သိမြင်ရှုမြင် သုံးသပ်နိုင်ရေးအတွက်လည်း စာပေများဖတ်ရှုကြရန်လိုကြောင်း၊ တပ်မတော်၏ အမျိုးသားနိုင်ငံရေးအခန်းကဏ္ဍတွင် ပါဝင်နေရမှု၊ နိုင်ငံတော်တည်ငြိမ်အေးချမ်းရေး၊ တရားဥပဒေစိုးမိုးရေးတို့အတွက် ခေတ်အဆက်ဆက် ဆောင်ရွက်ချက်သမိုင်းကြောင်းများကိုလည်း လေ့လာကြရန်လိုကြောင်း၊ နိုင်ငံတော်ကို ဦးဆောင်ခဲ့ကြသည့် နိုင်ငံ့ခေါင်းဆောင်ကြီးများ၏ သမိုင်းကြောင်းများကိုလည်း လေ့လာကြရန်လိုကြောင်း၊ ထိုသို့မိမိတို့နိုင်ငံ၏ သမိုင်းကြောင်းများကိုဖတ်ရှုလေ့လာခြင်းဖြင့် မိမိတို့ တပ်မတော်၏ တာဝန်ထမ်းဆောင်ရမှုများကိုလည်း မှန်မှန်ကန်ကန်ဖြင့် သိရှိနားလည်လာမည်ဖြစ်ကြောင်း။

မိမိတို့အနေဖြင့် ရွေးကောက်ပွဲကျင်းပအပြီး အနိုင်ရရှိသည့် အစိုးရအဖွဲ့အား နိုင်ငံတော်၏ တာဝန်များကို လွှဲပြောင်းပေးသွားမည်ဖြစ်ကြောင်း၊ မိမိတို့အစိုးရအနေဖြင့် နိုင်ငံတော်ကို ပါတီစုံဒီမိုကရေစီလမ်းကြောင်းပေါ်၌ ခိုင်ခိုင်မာမာဖြင့် ဆက်လက်လျှောက်လှမ်းနိုင်ရေး ဆောင်ရွက်ခြင်းပင်ဖြစ်ကြောင်း၊ မိမိတို့အစိုးရအနေဖြင့် ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကို အောင်မြင်စွာဖြင့် ကျင်းပပြုလုပ်နိုင်ခဲ့ပြီး နိုင်ငံတကာမှ ရွေးကောက်ပွဲစောင့်ကြည့်လေ့လာရေးအဖွဲ့များလည်း လာရောက်လေ့လာခဲ့ကြကာ အပြုသဘောဆောင်သည့် မှတ်ချက်များစွာကိုလည်းရရှိခဲ့ကြောင်း၊ မိမိတို့ ကျင်းပပြုလုပ်ခဲ့သည့် ရွေးကောက်ပွဲသည် အောင်မြင်သည့် ရွေးကောက်ပွဲတစ်ရပ်ဖြစ်ပြီး ရွေးကောက်ပွဲအောင်မြင်စွာကျင်းပနိုင်ရေး ပါဝင်ထမ်းဆောင်ခဲ့ကြသူများအားလုံးကိုလည်း မိမိအနေဖြင့် အသိအမှတ်ပြုကျေးဇူးတင်ပါကြောင်း။ နိုင်ငံ့အရေးနှင့် နိုင်ငံရေးတို့ကို ဆောင်ရွက်ရာတွင် အားနှင့်မာန်နှင့် ကြိုးပမ်းဆောင်ရွက်ကြရန်လိုကြောင်း၊ မိမိတို့နိုင်ငံအနေဖြင့် ရွေးကောက်ပွဲကျင်းပပြုလုပ်နိုင်ရန်အတွက် ပါတီများ သတ်မှတ်စည်းမျဉ်း စည်းကမ်းများနှင့်အညီ ဖွဲ့စည်းခွင့်များပေးခဲ့ပြီး ရွေးကောက်ပွဲတွင် တစ်နိုင်ငံလုံးအတိုင်းအတာဖြင့် ဝင်ရောက်ယှဉ်ပြိုင်သည့် ပါတီကြီးများရှိသကဲ့သို့ ဒေသအလိုက် ဝင်ရောက်ယှဉ်ပြိုင်သည့် ပါတီများလည်းရှိကြောင်း။ တပ်မတော်၏ အခန်းကဏ္ဍ တပ်မတော်သည် နိုင်ငံတော်တွင် အခိုင်အမာဆုံးသောအဖွဲ့အစည်းဖြစ်ပြီး လွတ်လပ်ရေးရရှိကတည်းကပင် ယနေ့အချိန်အထိ တည်ရှိနေသည့် အဖွဲ့အစည်းတစ်ရပ်ဖြစ်ကြောင်း၊ နိုင်ငံတော်တွင် နိုင်ငံရေးပါတီများ၊ အဖွဲ့အစည်းများ မည်သို့ပင်ပြောင်းလဲခဲ့သည်ဖြစ်သော်လည်း တပ်မတော်အနေဖြင့် နိုင်ငံတော်ကာကွယ်ရေးနှင့် လုံခြုံရေးတာဝန်များကို ဒို့တာဝန်အရေးသုံးပါးဦးထိပ်ထားလျက် ယနေ့ထက်တိုင် မမှိတ်မသုန် ထမ်းဆောင်နေခြင်းဖြစ်ကြောင်း၊ တပ်မတော်၏ အဓိကတာဝန်သည် နိုင်ငံတော်၏ ပြည်ပရန်ကာကွယ်ရေးနှင့် ပြည်တွင်းလုံခြုံရေးကို ဆောင်ရွက်ရခြင်းဖြစ်ကြောင်း၊ သို့သော်လည်း လွတ်လပ်ရေးရရှိပြီးချိန်မှစ၍ ဖြစ်ပေါ်လာခဲ့သည့် လက်နက်ကိုင်ပဋိပက္ခများကြောင့် သောင်းကျန်းမှုနှိမ်နင်းရေးစစ်ဆင်ရေးများကို ခေတ်အဆက်ဆက်ဆောင်ရွက်ခဲ့ရကြောင်း၊ ပြည်တွင်းလက်နက်ကိုင် ပဋိပက္ခများကို ထိန်းသိမ်းဆောင်ရွက်ရမည်မှာ မြန်မာနိုင်ငံရဲတပ်ဖွဲ့၏ တာဝန်ဖြစ်သော်လည်း လိုအပ်ချက်အရ တပ်မတော်မှ ပါဝင်ဆောင်ရွက်နေရခြင်းဖြစ်ပြီး မြန်မာနိုင်ငံရဲတပ်ဖွဲ့ကိုလည်း စွမ်းရည်မြှင့်တင်ရေးဆောင်ရွက်ပေးလျက်ရှိကြောင်း။ နိုင်ငံတော်ကို ပြည်ပရန်မှကာကွယ်ရေးအတွက် တပ်မတော်ကို စဉ်ဆက်မပြတ် စွမ်းရည်၊ စွမ်းပကားများ မြှင့်တင်နေရမည်ဖြစ်ကြောင်း၊ တပ်မတော်သားများအနေဖြင့် မိမိတို့အားပေးအပ်လာသည့် တာဝန်များကို ကျေပွန်စွာ ထမ်းဆောင်နိုင်ရေးအတွက် ရုပ်ပိုင်း၊ စိတ်ပိုင်းဆိုင်ရာများ ကျန်းမာကြံ့ခိုင်နေရမည်ဖြစ်ကြောင်း၊ အရည်အချင်းပြည့်ဝသည့် တပ်မတော်၊ တိုက်စွမ်းရည်၊ တိုက်စွမ်းအားရှိသည့် တပ်မတော်ဖြစ်ရမည်ဖြစ်ကြောင်း၊ ထိုသို့ အရည်အချင်းပြည့်ဝရန်အတွက် လေ့ကျင့်သားပြည့်ဝနေရန်လိုပြီး တပ်မတော်သားတစ်ဦးချင်းအနေဖြင့် ကျန်းမာကြံ့ခိုင်ရမည်၊ တိုက်ရည်ခိုက်ရည်ရှိရမည်၊ ရဲစွမ်းသတ္တိရှိရမည်၊ စစ်နည်းဗျူဟာနှင့် စစ်လက်နက်ပစ္စည်းများအပေါ် ကျွမ်းကျင်မှုရှိရမည်ဖြစ်ကြောင်း၊ တပ်မတော်သားတစ်ဦးချင်းစီအလိုက်၊ တပ်၊ ဌာနချုပ်များအလိုက် တိုက်ပွဲဝင်အသင့်ဖြစ်စေရေးအတွက်လည်း ကြိုတင်ပြင်ဆင်ဆောင်ရွက်ထားကြရန်လိုကြောင်း။