Addis Ababa City Administration Environmental protection Authority /official/ አካባቢ ጥበቃ ባለስልጣን

በአዲስ አበባ ከተማ ከደረጃ በታች ሲያመርቱ የነበሩ ስምንት የፌስታል ምርት አምራቾች ታሸጉ የአዲስ አበባ ከተማ አስተዳደር አከባቢ ጥበቃ ባለስልጣን ከደረጃ በታች በሚያመርቱ የፕላስቲክ ፋብሪካዎች ላይ እርምጃ መውሰዱን ገልጿል።በባለስልጣን መስሪያ ቤቱ  የኮሚኒኬሽን ዳይሬክተር አቶ ሙክታር ሰይድ ለብስራት ሬዲዮና ቴሌቪዥን እንደተናገሩት ከዚህ በፊት አምራች ድርጅቶቹ በተደረገባቸዉ ክትትል እንዲያስተካክሉ በተለያየ ጊዜ ቢነገራቸዉም ማስተካከል ባለመቻላቸዉ ድርጅቶቹን የማሸግ እርምጃ ተወስዶባቸዋል። በተደረገባቸዉ ክትትልም ከደረጃ በታች የፌስታል ምርቶችን ሲያመርቱ ከተገኙ ስምንት ድርጅቶች  መካከል ኤል.ኤች ማኑፋክቸሪንግ ኃ/የተ/የግ/ማህበር፣ ኤ.ኤች ስማርት ፕላስቲክ ማምረቻ፣ ኢለኒ ፕላስቲክ ፋብሪካ፣ ሪም ፕላስቲክ ኃ/የተ/የግ/ማህበር፣ ኤስ. ኤስ ፕላስቲክ ፋብሪካ፣ ወይንሸት፣ ሳራና ጓደኞቻቸዉ ፕላስቲክ መልሶ መጠቀም ሽርክና ማህበር፣ አግማስ ማኑፋክቸሪንግ እና ዘቢባ ፕላስቲክ ማምረቻ ይገኙበታል። በደረቅ ቆሻሻ አያያዝና አወጋገድ በወጣዉ አዋጅ ቁጥር 513/1999 መሰረት 0.03mm እና ከ0.03 mm በታች የሆኑ ከአፈር ጋር መዋሃድ የማይችሉ የፕላስቲክ ምርቶችን ማምረትም ሆነ ወደ ሀገር ዉስጥ ማስገባት የተከለከለ መሆኑን ያስቀምጣል ሲሉ የኮሚኒኬሽን ዳይሬክተሩ ጨምረው ለጣቢያችን ተናግረዋል። በዛሬው እለት የተወሰደዉ እርምጃም ይህንኑን መነሻ ያደረገ መሆኑን አያይዘው ገልፀዋል። በቀጣይ ከተቀመጠዉ ደረጃ በታች የሚያመርቱ የፕላስቲክ ማምረቻ ድርጅቶች ላይም እርምጃዉ የሚቀጥል መሆኑን ባለስልጣን መስሪያ ቤቱ ገልጿል። በቅድስት ደጀኔ #ዳጉ_ጆርናል

የአዲስ አበባ ከተማ አስተዳደር አከባቢ ጥበቃ ባለስልጣን ከደረጃ በታች በሚያመርቱ የፕላስቲክ ፋብሪካዎች ላይ እርምጃ ወሰዳ። ባለስልጣን መስሪያ ቤቱ ከዚህ በፊት በተደረገባቸዉ ክትትል እንዲያስተካክሉ በተለያየ ጊዜ ቢነገራቸዉም ማስተካከል ባለመቻላቸዉ ድርጅቶቹን የማሸግ እርምጃ ተወስዶባቸዋል። በተደረገባቸዉ ክትትልም ከደረጃ በታች የፌስታል ምርቶችን ሲያመርቱ ከተገኙ ስምንት ድርጅቶች ኤል.ኤች ማኑፋክቸሪንግ ኃ/የተ/የግ/ማህበር፣ ኤ.ኤች ስማርት ፕላስቲክ ማምረቻ፣ ኢለኒ ፕላስቲክ ፋብሪካ፣ ሪም ፕላስቲክ ኃ/የተ/የግ/ማህበር፣ ኤስ. ኤስ. ፕላስቲክ ፋብሪካ፣ ወይንሸት፣ ሳራና ጓደኞቻቸዉ ፕላስቲክ መልሶ መጠቀም ሽርክና ማህበር፣ አግማስ ማኑፋክቸሪንግ እና ዘቢባ ፕላስቲክ ማምረቻ ይገኙበታል። በደረቅ ቆሻሻ አያያዝና አወጋገድ በወጣዉ አዋጅ ቁጥር 513/1999 መሰረት 0.03mm እና ከ0.03mm በታች የሆኑ ከአፈር ጋር መዋሃድ የማይችሉ የፕላስቲክ ምርቶችን ማምረትም ሆነ ወደ ሀገር ዉስጥ ማስገባት የተከለከለ መሆኑን ያስቀምጣል። ዛሬ የተወሰደዉ እርምጃም ይህንኑን መነሻ ያደረገ መሆኑን ተገልጿል። ሌሎችም ከተቀመጠዉ ደረጃ በታች የሚያመርቱ የፕላስቲክ ማምረቻ ድርጅቶች ላይም እርምጃዉ የሚቀጥል መሆኑን ባለስልጣን መስሪያ ቤቱ ገልጿል።