Elyorbek Eldorbek o'g'li | Blog

УСТОЗГА АТАБ... Ширин сўзларингиз янграр қулоқда, Гўзал табассумлар ёдимда ҳамон, Гарчи кўп ишингиз бизга жумбоқда, Кўргим келар устоз, соғиндим ёмон! Дарслар ҳаётингиз мазмуни эди, Илмга бердингиз сиз барча имкон, Толиблар йўлида интизор бўлиб, Улар ғами билан ўтдингиз ҳар он, Устозим мен сизни соғиндим ёмон. Қани, сизла ўтган вақтларга қайтсам, «Устоз» дея қалбим дардини айтсам, Қўлларингиз ўпиб йўлингиз тутсам, Дилимда қолмасди ҳеч қандай армон, Устоз, кўргим келар, соғиндим ёмон! Атрофимда толиб илмлар бисёр, «Устоз» дейишганда тортаман ҳушёр, Мендайлар бу номга етиши душвор, Ўрнингиз бунчалик билинди ҳамон, Устозим соғиндим, соғиндим ёмон! Келинг ўз ўрнингиз сизга мунтазир, Бу осий қалблардан кўтарилсин кир, Буюк муаллимни сиз эслатинг бир, Дуойингиз мудом эслайман ҳар он, Кўргим келар устоз, соғиндим ёмон! Маъюс турардингиз, дилда доим ғам, Золимлар олдида қалб мағрур, бош хам, Дердингиз «Уларга инсоф бер, эгам!», Сиздек бўлолмайин қалбимда фиғон, Кўргим келар устоз, соғиндим ёмон! Мусулмон фарзанди йиғласа йиғлаб, Уларла елкадош бўлишга чорлаб, Бизга айтардингиз мудом таъкидлаб: Дин учун аяманг сўралса ҳам жон, Устоз, устозгинам, соғиндим ёмон! Аллоҳим У зотга марҳамат қилгин, Бизларга ҳам хизмат бурчини илгин, Дину миллат учун қалбимиз тилгин, Олим бўлмасакда бўлайлик инсон, Лек сизни соғиндим устозим ёмон!!! Улуғбек Бухорий ——— Bayyina.uz | Обуна бўлиш Ижтимоий тармоқларда бизни кузатинг! → taplink.cc/bayyinauz

#maʼlumot #kitobxonlik_maktabi Doniyor Nasriddinov bilan suhbatga marhamat! «Colba» oʻquv markazi rahbari Doniyor Nasriddinov bilan «Kitobxonlik maktabi» loyihamizning navbatdagi soniga tashrif buyuring. Ayni dam yurtimizdagi barcha bilim yurtlari: maktab, kollej va litsey, oliy bilim yurtlari uchun oʻquv yili boshlangan. Ilm yoʻliga qadam qoʻygan har bir talaba bilishi zarur bo'lgan ma'lumotlar, oʻqish davomida doim yodida tutishi kerak boʻlgan jihatlar boʻladi. Bir necha yillik ustoz, minglab shogirdlar chiqargan mehmonimiz Doniyor Nasriddinov yuqoridagi jihatlar, talabalar eʼtibor berishi kerak boʻlgan mavzular haqida suhbat qilib beradilar, inshaalloh. Suhbat 13-sentabr kuni 14:00 da «Hilol Nashr» nashriyotining majlsilar zalida boʻlib oʻtadi. Ushbu xabar izohida Doniyor Nasriddinovga savolingizni qoldirishingiz mumkin. Eng yaxshi 3 ta savol bevositda suhbat kuni mehmonimizga beriladi, inshaalloh. 😊 📆 13-sentabr, 14:00 📍 «Hilol-Nashr» nashriyoti @hilolnashr

Ўзбекистонда Туркистон туғилди бугун. Иншааллоҳ бунда униб-ўсади у. Мусулмон Туркистон дунё устунларидан бўлади ҳали. ===== Гўзал Туркистон, сенга не бўлди? Сахар вақтида гулларинг сўлди. Чаманлар барбод, қушлар ҳам фарёд, Ҳаммаси маҳзун. Бўлмасми дил шод? Билмам не учун қушлар учмас боғчаларингда? Бирлигимизнинг тебранмас тоғи, Умидимизнинг сўнмас чироғи. Бирлаш, эй халқим, келгандир чоғи, Безансин энди Туркистон боғи. Қўзғал, халқим, етар шунча жабру жафолар! Ол байроғингни, қалбинг уйғонсин, Қуллик, асорат – барчаси ёнсин. Қур янги давлат, ёвлар ўртансин. Ўсиб Туркистон, қаддин кўтарсин, Яйраб, яшнаб ўз Ватанинг гул боғларингда! Абдулҳамид Чўлпон @MubashshirAhmad

Гўзал Туркистон, сенга не бўлди? Сахар вақтида гулларинг сўлди. Чаманлар барбод, қушлар ҳам фарёд, Ҳаммаси маҳзун. Бўлмасми дил шод? Билмам не учун қушлар учмас боғчаларингда? Бирлигимизнинг тебранмас тоғи, Умидимизнинг сўнмас чироғи. 104 yil o'tib qayta kuylangan Turkiston marshi @Muhammadali_Eshonqulov

Turkiston Muxtoriyati bayrog'i (Mustaqil davlatimizning birinchi bayrog'i) - Kecha Mustaqillik bayrami bo'lib o'tdi. Unda tariximizning ko'p jihatlari gavdalantirildi. Xususan, Turkiston Marshi (Turkiston Muxtoriyatining madhiyasi) kuylandi. - 1917-yil 28-noyabr kuni "Turkiston muxtoriyati" e'lon qilindi. Yuqoridagi mana shu davlat bayrog'i. - Madhiyasining so'zlari Abdulhamid Sulaymon o'g'li Cho'lponga tegishli - Turkiston Muxtoriyatining hududi hozirgi O'zbekiston, Qozog'iston va Qirg'iziston hududlarini o'z ichiga olgan. Rasmiy Davlat tili o'zbek, qozoq va qirg'iz tili hisoblangan. - Muxtoriyat 72 kun yashadi. Bolsheviklar tomonidan tarqatilib, uning ta'sischilari qattiq ta'qibga olindi, ba'zilari surgun qilindi, ba'zilari otib o'ldirildi. - Kuni kecha bayramda bu voqealar esga olindi, bu juda ko'p narsalar haqida xabar beradigan voqea bo'ldi. @elyorbek_turaboyev

O'zbekiston Respublikasi Mustaqilligining 31 yilligi hammamizga muborak bo'lsin! Mustaqil Vatanda yashash orzusida millionlagan otalarimiz janglarda, qamoqlarda, lagerlarda shahid bo'ldilar! Onalarimiz nomuslari uchun oxirgi nafasigacha kurashdilar, farzandlarini, erlarini dushman o'qiga ming bir iztirob va ming bir fahr bilan jo'natdilar! Olimlarimiz, ahli ilm va ahli irfonlar bir on bo'lsin duolarida mustaqillik ne'matiga yetkazishini so'rab to'xtamadilar! Hammalari bu olamdan o'tdilar! Lekin, Alhamdulillah bu ne'mat biz avlodlariga nasib qildi! Ularning qonlari, duolari yerda qolmadi! Alloh taolo biz avlodlarni ajdodlariga mos farzandlardan qilsin! Mustaqillik ne'matini biladigan, uning shukrini qiladiganlardan qilsin! Bu ne'matni bardavom qilsin! @elyorbek_turaboyev

​​ҚAРОР ВA ҚAТЪИЯТ Инсоннинг бошига тушган бало унинг ичидан чиқади. Ташқаридан келмайди. Сотқининг бўлмаса, мағлубият нелигини билмасдинг. Табиатимиздаги ноқисликларнинг бир нечасини санаб ўтишга қарор қилдим. Бу нуқсонларнинг аксари ёшларда кузатилади. Aгар ислоҳ этилмаса, айтажагимиз қусурлар томир отиб, умримизни қуритиб юборади. Aксаримиз нима хоҳлашимизни билмаймиз: машҳурликми, бойликми, тўкинликми? Ёшлар орасида ташаббускор ва ғайрати қайнаб турганлари кўп. Шижоат тошиб, ҳамма ишни бажаришни истайди. Елкасига ҳар хил юкларни ортиб олган. Ҳаракатлари замирида ўта банд ва муҳим шахс қиёфасини яратишга бўлган муваффақияциз уриниш ўзини кўрсатиб турибди. Aфсус. Ичимиздаги асл хоҳиш шон-шуҳратдир: қўйилаётган суратлар, айтилаётган фикрлар, сўйланаётган нутқлар, қарсаклар, офаринларга бўлган ўчлик, холос. Сўзларимдан ранжиманг. Тўғри, ичингиздан Aллоҳнинг ризосига эришмоқ истаги милтиллайди. Бу истак сизни ҳаракатлантирадиган кучга айланмагани ўзингизга ҳам маълум. Aгар шундай бўлганида, гулдан гулга қўнган капалакни кўрмас эдик сиймойингизда. Зотан, ичимиздаги иккинчи офат – қарорсизликдир. Кўзимизга бошқаларнинг амали чиройли кўринади. Унга ўхшашни истаймиз: ҳамма олқишлаётган шахсга тақлид учун кучимизни, ҳаракатимизни сафарбар этамиз. Боқиб кўрсакки, биров дастурчи, биров сухандон, биров оператор, биров ашулачи, биров олим: ҳаммасининг мухлиси бор. Бир куни дастурчи, бир куни воизга айланишни истайсиз. Бунинг номи йўлсизлик деб аталади. “Энг гўзал амал, кам бўлса-да, давомийсидир”. Расулуллоҳ соллаллоҳу алайҳи ва саллам буюк ҳақиқатни сўйладилар. Инсонлар камдан кам ҳолларда икки ишни бир вақтда қила оладилар, бу мураккаб. Ишларни кетма-кет, занжир услубида бажармоқ лозим. Бир ишни тугатиб иккинчисига ўтиш дегани бу. Битта соҳани маҳкам ушланг. Ўша соҳанинг устаси бўлинг. Ҳар кўрганга кўнгил кетиши яхши эмас. Баъзилар бор: Aлининг тижорати яхши бўлса, тожирликка чопади; Валининг иши юришса, Валининг ишини такрорлайди. Ичингдан ёниб чиққан кашфиётгина сен учун ғалаба калитидир. Ўзгаларга кўр-кўрона эргашмоқ эмас. Мақсад, қарор ва қатъият. Шу учтасига соҳиб чиқинг: тезда мевасини терасиз, иншааAллоҳ. Ота-оналар! Болаларга тартибли ишлашни ва хоҳишларни аниқлаб олишни ўргатинг. Токи фарзандингиз ўз йўлини топиш учун ҳар деворга бош уриб, қимматли ёшлигини совуриб юбормасин. Акром Малик

#TARIXIY_TASHRIF 🕋 Prezidentimizning Saudiya Arabistoniga tashrifi va Umra ibodatidagi eng unutilmas lahzalar 🎬 (To'liq video) Shayx Alijon qori rasmiy sahifalari👇 Telegram | Facebook | Youtube | Instagram

Kecha tunda Prezident Shavkat Mirziyoyev umra safarini amalga oshirdi. Bu hodisani qalbida zarra iymoni bor odam juda katta xursandchilik bilan qabul qildi. Bir musulmon o'laroq boshqa bir dindosh birodarining sajdaga bosh qo'yganini ko'rish juda katta baxtdir. Agar bu butun bir davlat rahbari bo'lsa - chi? Do'stlar, xursandchiliklar bejiz emas. Chunki InshaAlloh bu umra safari xalq orasida marazlab yotgan juda ko'p fitnalarga suv quyadi. Alloh taolo ziyoda qilsin!

Машааллоҳ! Битта мустажоб дуоим бўлса раҳбарлар ҳаққига қилган бўлардим, деган салафи солиҳларимизни Аллоҳ таоло раҳмат қилсин. Бизнинг ҳам биттагина мустажоб бўлишини билган дуоимиз бўлса, раҳбарларимиз ҳаққига яхшилик сўраб дуо қиламиз! @AbdullohRahim

#boshlandi | Hujjatli film Yahyo qori hafizahulloh Havola 👉 https://youtu.be/2e_i6GvI94w

​​#иқтибос Тасаввуф аҳлининг қоидаларидан бирида: «Одоб бўлмагунича, Ҳақ ва халқ билан сайри сулук бўлмас», дейилган. Шунинг учун ҳам машойихлар: «Ким нимага эришса, фақат одоб билан эришади. Ким нима билан қуласа, фақат беодоблик билан қулайди», деганлар. Яхши одоб аслида нафснинг камолотга етгани, унинг интизомлилиги, жиловлангани ва яхшиликда эканининг аломатидир. Аксинча, беодоблик нафснинг ҳали покланмагани, жиловланмагани ва интизомда эмаслиги аломатидир. ©️ Шайх Муҳаммад Содиқ Муҳаммад Юсуф раҳматуллоҳ алайҳ https://t.me/islomuz

Имом Бухорий, Имом Муслим ва Имом Термизийлар қилган ривоятда Расулуллоҳ соллаллоҳу алайҳи васаллам шундай марҳамат қилганлар: في الصحيح عن رسول الله صلى الله عليه وسلم : "أحب الأعمال إلى الله أدومها وإن قل" «Аллоҳ учун энг маҳбуб амал оз бўлса ҳам, давомли бўлганидир». الخطوات الصغيرة المستمرة = أسهل الطرق وأسرعها إلى الإنجازات الكبيرة. Узлуксиз ташланган қисқа қадамлар катта-катта муваффақиятларга энг осон ва энг тез олиб борувчи йўлдир. @AbdullohRahim

Менинг Аллоҳни танишимда, тўғри йўл топишимда устозимнинг хизматлари катта. Қолаверса Ургутдаги кўзга кўринган аҳли илмларнинг бари у кишининг шогирдлари. Барчамиз устоздан бу маънода қарздормиз. Устозимизни Аллоҳ раҳматига олсин. Буюк ажрлар билан сийласин. Фарзандларига, аҳлларига, шогирдлари ва муҳибларига Аллоҳ сабр берсин! Азизлар! Устозни ҳақларида дуода бўлинглар, илтимос! https://t.me/Abdulqodir_Polvonov

УСТОЗИМ Куни кеча 2022 йил 10 августда буюк устозимиз домла Шоди ҳазратлари вафот этдилар. Бугун 11 август куни пешин намозидан сўнг жаноза намози ўқилади. Устоз 1982 йилдан то умрларининг охиригача Ургутда бош имом хатиб лавозимида ишлаб келдилар. Халқимизнинг яхши ва ёмон кунларида доимо бирга бўлдилар. Устозимиз доимо халқимизни диний аҳволидан ташвишда эдилар. Мустақилликдан олдинги қайта қуриш йиллари устоз ёшларга илм бериш мақсадида ўз ҳаракатларини бошладилар. 1988 йилда бизнинг маҳалламиздаги фаол отахонлардан бўлган устозимиз Мулла Аҳмад бобо, Аҳтам бобо, Бозор боболар билан биргаликда ёшларга диний таълим беришни бошладилар. Юқорида номлари зикр қилинган отахонлар домла учун ўз уйларини мадраса қилиб бердилар. Ўша пайтлар домланинг қизил жигули машиналари бўлар эди. Ҳар куни қатнаб талабаларга қуръон, тажвид, араб тили, туркий ёзувдан дарс бердилар. 1990 йиллар атрофида ўша пайтдаги марказий масжид бўлмиш “Чўбин” масжиди қошида мадраса очишни ният қилдилар. Бироз муддат мадраса норасмий ҳолатда фаолият кўрсатиб турди. Ўшанда бизга дарс бериш асносида илмга бизни тарғиб қилар, “сизларни чет элларда ўқитаман, Мисрга юбораман”, деб руҳлантириб турар эдилар. Дарҳақиқат ўша пайтларда Ургутдан жуда кўп ёшлар устознинг хизматлари билан Мисрга ўқишга кетди. Таъбир жоиз бўлса, ўша пайтда Ўзбекистондан кетган ёшларнинг деярли ярми Ургутдан эди. Домла Шоди ҳазратлари Қашқадарёлик устоз Элмурод домла билан биргаликда мадраса очиш учун кўп югурдилар. Аллоҳ насиб қилган экан Элмурод домла Китоб шаҳрида мадраса очдилар. Бугун бу мадраса элимиз хизматида. Аммо домла Шоди устозимизга қандайдир сабаблар билан Ургутда мадраса очиш насиб бўлмади. Умид қиламизки, устозга ҳам мадраса очиш ажри берилди. Домла бу билан тўхтаб қолмадилар. Наманганга, Қўқонга бориб биз учун дарс берадиган устоз қидирдилар. Қўқондан, Қашқадарёдан тўртта қори устозларимизни Ургутга олиб келиб, уларни уй-жой, егулик билан таъминлаб, уларни ҳимоя қилиб турдилар. Қори устозларимиз анча йиллар Ургутда дарс бериб юрдилар. Домла Шоди ҳазратлари уларни ҳар томонлама ҳимоя қилиб, қўллаб турдилар. Домла доимо имомлар ва қориларни ҳимоя қилиб юрар эдилар. Давлатманд кишиларни уларга ёрдам беришга, уларни қўллашга доимо даъват қилиб юрар эдилар. У киши бизга: “Кишилар очган заводи ва фабрикаси билан фахрланади. Менинг заводим ҳам, фабрикам ҳам сизлар!”, дер эдилар. Домланинг Ургут марказий жомиъ масжидининг очилишида ўринлари ниҳоятда беқиёс. Аввало масжид қурилишида, қолаверса унинг очилишида, адлиядан ўтишида домла катта меҳнат қилдилар. Масжид қурилишида ишлаганлар билади, қурилиш ниҳоятда масъулиятли ва оғирдир. Масжид халқимиз ва жуда кўп ҳомийлар ёрдамида қуриб битказилди. Айтишимиз мумкинки, масжид ёлғиз домланинг ташаббуслари ва хизматлари билан бунёд бўлди. Масжид республикада энг катта хонақоҳга эга десак муболаға қилмаган бўламиз. Иншааллоҳ домланинг номаи-аъмолларидан масжид қурилиши ҳам жой олади деган умиддаман. Домла масжид очилишидан бирор йил илгари мени қаерда кўрсалар “сизга бир янгилик бор” деб юрар эдилар. Масжид адлиядан ўтишидан бироз олдин мени чақирдилар. Анча суҳбатлашдик. Масжиднинг келажакдаги аҳволидан ташвишда эканликларини айтдилар. “Бу масжиднинг қурилиши ўзича бўлиб қолгани йўқ. Бу масжид омонат. Нолойиқ инсонга топшириб қўйсам охиратда жавобгар бўламан. Буни мен ишончли қўлларга топширишим лозим. Сиз шу ерда ишлайсиз”, дедилар. Мен: “Устоз менда диплом йўқку!”, дедим. Домла: “Ишингиз бўлмасин, мен борман!”, дедилар. Масжид очилганидан сўнг олти ойларча домланинг қўллари остида масжидда хизмат қилдим. Шу вақт мобайнида домланинг очиқ кўнгилли, ҳазилкаш ва дилкаш инсон эканликларини ҳам кашф қилдим. Тақдир тақозоси билан менга ковиднинг оғир кўриниши тегди. Олти ойча тўшакда ётдим. Шундан сўнг домлага ортиқ масжидда ишлай олмаслигимни айтдим. Қолаверса, ижодий ишим ҳам тўхтаб қолди. Шогирдларга вақт ажрата олмай қолдим. Домла тўғри тушуниб менга рухсат бердилар. Бугун масжид ишончли қўлларда алҳамдулиллоҳ!