ሰዋስው ☘☘☘☘

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀 ሥርዓተ ዋዜማ ዘኅዳር ፳፬ ካህናተ ሰማይ ወተክለ ሐይማኖት 🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀 ሃሌ ሉያ ዘይዌልጦ ለሰማይ ወይኄድሳ በምድር በበረከቱ፤ ኅሩያነ ዚአሁ የኃድሩ ውስቴታ፤ ለካህናት አልበሶሙ ህይወት፤ ጻድቃንኒ ትፍስሕት ይትፌስሑ፤ ወይትወሀውሁ በአዝማን ፤ ዘአልቦ ኁልቊ። ምልጣን፦ ለካህናት አልበሶሙ ህይወት፤ ጻድቃንኒ ትፍስሕት ይትፌስሑ፤ ወይትወሀውሁ በአዝማን ዘአልቦ ኁልቊ፤ወይትወሀውሁ በአዝማን ዘአልቦ ኁልቊ። አመላለስ፦ ወይትወሀውሁ በአዝማን ዘአልቦ ኁልቊ/2/ ወይትወሀውሁ በአዝማን ዘአልቦ ኁልቊ/4/ በ፭ ለእግዚአብሔር ምድር በምልዓ፦ ካህናት ክብር ይደልዎሙ ለእለ ይትለአኩ ሰናየ መላእክት ካህናት ክብር ይደልዎሙ እግዚአብሔር ነግሠ፦ ለካህናቲከ እግዚኦ ለካህናቲከ እለ አስመሩከ ትቤሎሙ ባዑ ጽርአ መቅደስከ ኃበ የኃድር ኃይለ ስብሐቲከ ይትባረክ፦ ካህናቲከ ይለብሱ ጽድቅ ወጻድቃኒከ ትፍስሕት ይትፌስሑ ሰላም በ4 ካህናቲከ ወምእመኒከ ይሴብሑከ የዓርጉ ለከ መስዋዕት ንጹሐ እንበለ ኑፋቄ ወይብሉ ቅዱስ ቅዱስ ቅዱስ እግዚአብሔር ንጉሰ ሰላም ሰላምከ ሀበነ አመላለስ፦ ወይብሉ ቅዱስ ቅዱስ ቅዱስ እግዚአብሔር /2/ ንጉሰ ሰላም ሰላምከ ሀበነ/4/ መልካም በአል @eotcw🍀🍀🍀🍀🍀🍀🍀🍀🍀🍀

🍀🍀🍀🍀🍀🍀🍀🍀 ሥርዓተ ማኅሌት ዘህዳር ፳፬ ካህናተ ሰማይ ወተክለሃይማኖት 🍀🍀🍀🍀🍀🍀🍀🍀🍀🍀🍀 የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ (ሥርዓተ ነግሥ) ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገአርየ፡ ሃሌ ሉያ ሃሌ ሉያ፡ ወኢትሚጥ ገጸከ እምኔየ፡ በዕለተ ምንዳቤየ አጽምእ እዝነከ ኀቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል መልክአ ሥላሴ ሰላም ለመታክፍቲክሙ መሠረተ ዓለም እለ ፆሩ: ኖትያተ ኖኅ ሥላሴ ወዕፀወ ዐባይ ሐመሩ: ዲበ መንበርክሙ ሰብአ ሶበ አምላክ ነጸሩ: ኪሩቤል ወሱራፌል ታህተ እገሪሁ ገረሩ: እስመ ለሊሁ አዘዘ ወእሉ ተፈጥሩ፡፡ ዚቅ፦ እሉ ኪሩቤል ወሱራፌል የዓርጉ ሎቱ ስበሐት፤ እንዘ ይብሉ፤ ቅዱስ ቅዱስ ቅዱስ አንተ እግዚአብሔር፤ አብ ወወልድ ወመንፈስ ቅዱስ። ዚቅ ዓዲ፦ ቅዱስ ቅዱስ ቅዱስ እግዚአብሔር፤ ጽርሐ አርያም ማኅፈዱ መካነ ትጉሃን ዓፀዱ፤ ካህናተ ሰማይ ቀዉማን በዓዉዱ፤ አክሊላቲሆሙ ያወርዱ፤ ቅድመ መንበሩ ይሰግዱ፤ይርዕዱ፤ ኢይዝብጦሙ ሶበ ይበርቅ ነዱ። ነግስ፦ ሰላም ለክሙ ሚካኤል ወገብርኤል፤ ሱራፌል ወኪሩቤል ኡራኤል ወሩፋኤል ሶርያል ወፋኑኤል፤ አፍኒን ወራጉኤል ወሳቁኤል፤ ሊቃናተ ወነድ ዘሰማያዊት ማእፈድ፤ በንተ በግዑ እቀብዋ ለዛቲ አጸድ። ዚቅ፦ ሊቃናተ ነድ መላእክተ ምሕረት እለ ድልዋን ለሣህል፤ ሰአሉ አስተምህሩ ለነ፤ አስመ በጸሎት ትንብልናክሙ፤ ትድኅን ወኢትማስን ሀገር። ነግስ ይትባረክ ስምኪ ማርያም ለዘአውፃእከነ እምፀድፍ፤ በርኅራኄኬ ትሩፍ፤ ይዌድሱኪ ኪሩቤል በከናፍር ወአፍ፤ ሐራ ሰማይ ትጉሃን አኁዛን ሰይፍ፤ አምሳለ ደመና ይኬልሉኪ በክንፍ ዚቅ፦ ብፅእት አንቲ ማርያም ወዉድስት በአፈ ኩሉ፤ ኪሩቤል ይሴብሑኪ ወሱራፌል ይቄድሱኪ፤ መላእክት በበነገዶሙ ይትቀነዩ ለኪ፤ ወለቶሙ ለነቢያት ይእቲ ማርያም፤ እሞሙ ለሐዋርያት ይእቲ ማርያም፤ ደብተራ ፍጽምት እንተ ኢገብራ እደ ሰብእ፤ ዕፁበ ግብረ መንግስተ ሥጋ ኢያርኃወ፤ ዕፁበ ግብረ። ነግስ ዘዝክረ ቃል ፦ ካህናቲከ ይለብሱ ጽድቀ፤ ወጻድቃኒከ ይትፌስሁ ጥቀ፤ ተክለሃይማኖት በልብሱ ኮከበ ብርሐን ሠረቀ፤ ካህናተ ሰማይ ዘይትአፀፋ መብረቀ፤ አፍቀርዎ ወኮንዎ ማእረ ወአ ዚቅ፦ ለእሙንቱ ሐራ ዕበዮሙ ተዓዉቀ፤ ተክለ ሃይማኖት ዜነወ ጥዩቀ፤ በእንቲአነ ይተንብሉ ጽድቀ፤ ካህናተ ሰማይ ይሴብሑ ሊቀ፤ ተ ልቢቦሙ ዘእሳት መብረቀ። ዓዲ ይቤ መምህርነ ተክለ ሃይማኖት ጻድቅ፤ ለልየ ርኢኩ መንበሮ ለሊቅ፤ ካህናት የዓጥኑ በማዕጠንት ዘወርቅ፤ እምገበዋቲሁ ይወጽእ መብረቅ። ዘጣእሙ፦ ሰላም ለዝክር ስምኪ ዘመንክር ጣዕሙ ፤ለወልድኪ አምሳለ ደሙ ፤መሠረት ሕይወት ማርያም ወጥንተ መድኀኒት ዘእም ቀዲሙ፤ ኪያኪ ሠናይተ ዘፈጠረ ለቤዛ ዓለሙ ፤ እግዚአብሔር ይትባረክ ወይትአኰት ስሙ፡፡ ዚቅ፦ አክሊሎሙ ለሰማዕት ተስፋ መነኮሳት፤ ወያሚሆሙ ለካህናት፤ ነያ ጽዮን መድኃኒት። ዚቅ አዲ፦ ሱራፌል ወኪሩቤል ይኬልልዋ፤ ንጽሕት በድንግልና አልባቲ ሙስና መድሐኒት ይዕቲ፤ ንብረታ ጽሙና፤ ፀምር ፀዓዳ እንተ አልባቲ ርስሐት። መልክዐ ተክለ ሃይማኖት፦ ሰላም ለእንግዳከ ዘጥበብ ምዕላድ፤ ወዘመንፈስ ቅዱስ ማህፈድ፤ ተክለሃይማኖት ያእቆብ እንተ እግርከ ግሙድ፤ ያስተበጽዑከ ሰማያዊያን ነገድ፤ እለ ይገሥሡ እሳተ በዕድ። ዚቅ፦ ሃሌ ሉያ ብሩህ ከመ ፀሐይ ፀዓዳ ከመ በረድ፤ ዘቦአ ቤተ መቅደስ ሃሌ ሉያ፤ ዝኬ ውእቱ ገብርኤል መልአክ፤ ዘባጢሁ ለእሳት፤ ዘልብሱ መብረቅ ሐመልማለ ወርቅ ሃሌ ሉያ፤ ሃሌ ሃሌ ሃሌ ሉያ፤ አስተብዕዎ ኩሎሙ መላእክት መልክዐ ተክለ ሃይማኖት፦ ሰላም ለአዕዳዊከ ዘገስሳ ነዶ፤ ለእግዚአብሔር አምላክ ስብሐተ መላእክት ዘየዐውዶ ፤ተክለሃይማኖት አብርሃም ዘጻመውከ በተአንግዶ፤ አድኅነኒ እምቃሳሜ ወይን አመ ይሌዕል ማዕጸዶ፤ እስመ አበ ስሩዕ ከመ ያድኅን ወልዶ ዚቅ፦ ለካህናት ሰመዮሙ መረግደ፤ እደዊሆሙ ይገሣ ነደ፤ በቅድመ አቡሁ ይሠዉዑ ወልደ፤ ወማዕጠንቶሙ ይትፈቀር ፈድፋደ። መልክዐ ተክለ ሃይማኖት፦ ሰላም ለኩልያቲከ ዘፈተኖን በትዕግሥት፤ ኢየሱስ ክርስቶስ አበ ብርሃናት፤ ተክለሃይማኖት ሰጋዲ ከመ መላእክት፤ ጸሎትከ ዘገበርክሃ እስከ ኊላቔ ምእተ አመት፤ መድኃኒት ትኩነኒ እምግሩም ቅስት። ዚቅ፦ ይሰግድ በብረኪሁ፤ እስከ ይመጽእ ሥርየት ለኃጥአን፤ ሚካኤል እመላእክት መኑ ከማከ ልዑል፤ መኑ ከማከ ክቡር። መልክአ ፳፬ቱ ካህናተ ሰማይ፦ ሰላም እብል ለስእርተ ርእስክሙ ዘላህበሰ፤ ዘቦቶን ዕፍረት ዘመአዛሁ እጹብ፤ ዕሥራ ወርብዕ ሰማያዊያን አርባብ ፤ ምስለ አብያጺሁ እለ ይቄድሱ ኪሩብ፤ እምኔክሙ ይትአኰት ወይሴባህ አብ። ዚቅ፦ መንበረ ልዑል የዓጥኑ ቃለ ፈጣሪ ይሰምዑ፤ ብፁዓን ካህናት ጽርሐ አርያም የኃድሩ። መልክአ ፳፬ቱ ካህናተ ሰማይ፦ ሰላም ለእስትንፋስክሙ እስትንፋስ ርትዕ ወሣህል፤ ኀዋኅወ ሰማይ አንትሙ እለ ሱራፌል፤ለእግዚአብሔር ዘይነብር ዲበ መንበሩ ልኡል፤ ይቀውሙ ዓውዶ ወይኬልሁ በቃል፤ ዘነጸረክሙ ኢሳያስ ይብል ዚቅ፦ ኢሳይያስኒ ይቤ ርኢክዎ ለእግዚአብሔር፤ ይነብር ዲበ መንበሩ ነዋህ ወብሩህ፤ ወምሉዕ ቤተ ስብሐቲሁ፤ መልዓ ምድር ስብሐቲሁ፤ አዕላፈ አዕላፋት መላዕክት፤ ወትዕልፊተ አዕላፋት ይቀዉሙ ዓዉደ። መልክአ ፳፬ቱ ካህናተ ሰማይ፦ ሰላም ለእመታቲክሙ መንፈሳዊያን አንጋድ፤ ዘኅብራቲክሙ አምሳለ መረግድ፤ ሊቃናት ዕሥራ ወ፬ቱ በፍቅድ፤ ረስይዎ ከመ አዘቅት ወከመ ስቁር ጽኢድ፤ ለኀጕለ ህይወትየ ዘይፈቅድ አብድ። ዚቅ፦ ለካህናተ ሰማይ ኅብራቲሆሙ ከመ መረግድ፤ ወአልባሲሆሙ ፀዓዳ ከመ በረድ፤ ይቤ ተክለ ሃይማኖት ዘገብረ ሰማ፤ ለሥላሴ ይደሉ ስብሐት፤ እስመ ወሀቡነ ሲሳየ ዕለት፤ ኅብስተ ቅዳሴ ዘይሴሰይዎ መላእክት። ማህሌተ ጽጌ፦ ዓቢይ ውእቱ ተአምር ጸግዮትኪ በድንጋሌ፤ ወፈርዮትኪ በንጽሕ ቁርባነ አምልኮ መጥለሌ፤ ማዕጠንተ ሱራፌ ዘወርቅ ወጽዋዓ ኪሩብ ዕንቈ ቢረሌ፤ አልቦ ጸሎት ወአልቦ ትንባሌ፤እንበሌኪ ማርያም ዘየዓርግ ሉዓሌ። ዚቅ፦ ናስተማስለኪ ኦ እግዝእትነ ማርያም፤ በማዕጠንት ዘወርቅ፤ ዘውስተ እደዊሆሙ ለሊቃነ ካህናት ሰማያዉያን፤ እለ ይከዉኑ ጸሎተ ኩሎሙ ቅዱሳን መሐይምናን፤ እምዲበ ምድር በዉስተ ማዕጠንቶሙ፤ ከማሁ በስእለተ ስምኪ፤ የዓርጉ ስእለቶሙ ለዕጓለ እመሕያዉ፤ ዉስተ ማኅደረ ሥሉስ ቅዱስ አብ ወወልድ ወመንፈስ ቅዱስ። 🏵🏵🏵🏵🏵 ምልጣን፦ ሰአሉ ለነ ጻድቃን ውሉደ ብርሀን ፤ ከመ ንድኅን በጸሎትክሙ፤ ጸልዩ ለነ ካህናት አግብርት እግዚአብሔር ፤እስመ ለክሙ ይቤለክሙ፤ አማልክት አንትሙ፤ ወደቂቀ ልዑል ኩልክሙ እስመ ለአለም፦ ጻድቅኒ ይቤ ለልየ ርኢኩ፤ እሳት መንበሩ ለእግዚአብሔር፤ ይወጽእ ኃይለ መለኮት ወክብር ፤ አመውስተ ውእቱ መንበር ፤ ህልዉ ካህናት ይቀውሙ ዓውዶ፤ ኅብራቲሆሙ ይመስል መረግደ፤ማ፦ ውእቱኒ ባረክሙ ፤ ወወሀቡ ስብሀት ለፈጣሪዎሙ መልካም በአል @eotcw🍀🍀🍀🍀🍀🍀🍀🍀🍀🍀🍀

🍀🍀🍀🍀🍀🍀🍀🍀🍀 ሥርዓተ ማህሌት ዘህዳር //፱፩//ጽዮን 🍀🍀🍀🍀🍀🍀🍀🍀🍀🍀 ሰላም ለኵልያቲክሙ እለ ዕሩያን በአካል፤ ዓለመክሙ ሥላሴ አመ ሐወፀ ለሣህል፤ እምኔክሙ አሐዱ እግዚአብሔር ቃል፤ ተፈጸመ ተስፋ አበው በማርያም ድንግል፤ ወበቀራንዮ ተተክለ መድኃኒት መስቀል፡፡ ዚቅ ሃሌ ሉያ ለአብ፣ ሃሌ ሉያ ለወልድ፣ ሃሌ ሉያ ለመንፈስ ቅዱስ ፤ዕዝራኒ ርእያ ለጽዮን ቅድስት፤ እንዘ ትበኪ ከመ ብእሲት፡፡ ዘጣዕሙ ፦ ሰላም ለዝክር ስምኪ ዘመንክር ጣዕሙ ፤ለወልድኪ አምሳለ ደሙ ፤መሠረት ሕይወት ማርያም ወጥንተ መድኀኒት ዘእም ቀዲሙ፤ ኪያኪ ሠናይተ ዘፈጠረ ለቤዛ ዓለሙ ፤ እግዚአብሔር ይትባረክ ወይትአኰት ስሙ፡፡ ዚቅ ዘዘካርያስ ተቅዋም ዘወርቅ፤ዘሕዝቅኤል ነቢይ ዕፁት ምሥራቅ ለመሠረትኪ የኃቱ ዕንቈ ሰአሊ ለነ ማርያም በአሚን ንጽደቅ፡፡ ነግስ፦ ነቢያተ እሥራኤል ጸሐፉ በመጽሐፎሙ እሙነ፤ ነገረ ሰቆቃው ወላህ በዘመኖሙ ዘኮነ፤ ውስተ አፍላጋ አመ በጼዋዌ ነበርነ፤ውስተ ኵሃቲሃ እንዚራቲነ ሰቀልነ ፤ሶበ ተዘከርናሃ ለጽዮን እምነ፡፡ ዚቅ ወይቤላ ኢትሬእዪኑ ላሃ ዚአነ፤ እንተ ረከበተነ በእንተ ጽዮን፤ ዕዝራኒ ርእያ ወተናገራ ወረብ፦ ወይቤላ ኢትሬእዪኑ ላሃ ዚአነ እንተ ረከበተነ/2/ ዕዝራኒ ርእያ ወተናገራ/2/ ማኅሌተ ጽጌ ዘካርያስ ርእየ ለወርኃ ሳባጥ በሠርቁ፤ ተአምረኪ ለዘይት ማእከለ ክልኤ አዕጹቁ፤ማርያም ጽዮን ለብርሃን ተቅዋመ ወርቁ፤ ዕዝራኒ በገዳም አመ ወዓለ ዉዱቁ፤ለኅበረ ገጽኪ ጽጌ ሐተወ መብረቁ፡፡ ዚቅ፦ ለቅድስት ቤተ ክርስቲያን ፯ቱ መኃትዊሃ፤ ወ፯ቱ መሣውር ዘዲቤሃ፤ ዘካርያስ ርእየ ተቅዋመ ማኅቶት፤ ዘኩለንታሃ ወርቅ ወያክንት፤ዕዝራኒ ርእያ ለጽዮን ቅድስት እንዘ ትበኪ ከመ ብእሲት ወረብ፦ ለቅድስት ቤተ ክርስቲያን ቤተ ክርስቲያን ፯ቱ መኃትዊሃ/2/ ዕዝራኒ ርእያ በርእየት ብእሲት/2/ ዚቅ(ዘበአታ) ዕዝራኒ ርእያ በርእየተ ብእሲት፤ ወሶበ ርእያ ኢኮነት ብእሲት አላ ሀገር ቅድስት ፤ርእየ ተቅዋመ ማኅቶት ዘኲለንታሃ ወርቅ ወያክንት መልክዓ ማርያም ሰላም ሰላም ለዝክረ ስምኪ ሐዋዝ፤ እምነ ከልበኒ ወቍስጥ ወእምነ ሰንበልት ምዑዝ፤ ማርያም ድንግል ለባሲተ ዐቢይ ትዕዛዝ፤ይስቅየኒ ለለጽባሑ ወይነ ፍቅርኪ አዚዝ፤ከመ ይሰቅዮ ውኂዝ ለሠናይ አርዝ፡፡ ዚቅ ሃሌ ሉያ X3 እምነ ጽዮን በሀ፤ ቅድስት ቤተ ክርስቲያን ሥርጉት በስብሐት፤ዓረፋቲሃ ዘመረግድ ሥርጉት በስብሐት፤ ወማኅፈዲሃ ዘቢረሌ ሥርጉት በስብሐት፤ እምስነ ገድሎሙ ለሰማዕት ሥርጉት በስብሐት፤ታቦተ ሕጉ ለንጉሥ ዐቢይ ሥርጉት በስብሐት፤ እንተ ክርስቶስ መሠረትኪ ፤ ፀሐየ ጽድቅ ያበርህ ለኪ፡፡ ወረብ እንተ ክርስቶስ መሠረትኪ ፀሐየ ጽድቅ ያበርህ ለኪ ፀሐየ ጽድቅ/2/ ለሰማዕትሥርጉት በስብሐት ሥርጉት በስብሐት/2/ መልክዓ ማርያም፦ ሰላም ለአስናንኪ ሐሊበ ዕጐልት ዘተዛወጋ፤ ወመራዕየ ቅሩፃት እለ እምሕፃብ ዐርጋ፤ ማርያም ድንግል ለደብተራ ስምዕ ታቦተ ሕጋ ፤ አፍቅርኒ እንበለ ንትጋ ለብእሴ ደም ወሥጋ፤ ዘየዐቢ እምዝ ኢየኃሥሥ ጸጋ፡፡ ዚቅ ታቦተ ሕጉ ለእግዚአብሔር በካህናት ሕጽርት፤ ወበመንፈስ ቅዱስ ክልልት፤ንጉሥኪ ጽዮን ኢይትመዋዕ በፀር ወኢየኀድጋ ለሀገር፡፡ ወረብ ታቦተ ሕጉ ለእግዚአብሔር በካህናት ሕጽርት ወበመንፈስ ቅዱስ ክልልት/2/ ንጉሥኪ ጽዮን ኢይትመዋዕ በፀር ወኢየኀድጋ ለሀገር/2/ መልክዓ ማርያም፦ ሰላም ለከርሥኪ ዘአፈድፈደ ተበጽዖ፤እም ታቦተሙሴ ነቢይ ለጽሌ ትእዛዝ ዘየኀብኦ፤ማርያም ድንግል ጊዜ ጸዋዕኩኪ በአስተብቍዖ፤ ለፀርየ ብእሴ አመጻ ኀይለ ዚአኪ ይጽበኦ፤እስከነ ያሰቆቁ ጥቀድኅሪተ ገቢኦ። ዚቅ ሃሌ ሃሌ ሉያ በጾም ወበጸሎት፤ ተመጠወ ሙሴ ኦሪተ፤ ጽላተ አሥሮነ ቃላተ፡፡ ወረብ ሃሌ ሃሌ ሉያ በጾም ወበጸሎት፤ ተመጠወ ሙሴ ኦሪተ ጽላተ አሥሮነ ቃላተ፡፡ መልክዓ ማርያም፦ ሰላም ለመከየድኪ እለ ረከቦን መከራ፤እምፍርሃተ ቀተልት ሐራ እንበለ አሣእን አመ ሖራ፤ማርያም ጽዮን ታቦተ ቃለ ጽድቅ መንፈቃ ዕሥራ፤ ዕጐላት እም ዕጐሊሆን ከመ ኪያኪ አፍቀራ፤ አፍቀርኩኪ አፍቅርኒ እም ይእዜ ለግሞራ። ዚቅ ሃሌሉያ ወሪድየ ብሔረ ሮሜ፤ ለቤተ ክርስቲያን ርኢክዋ፤አእመርክዋ አፍቀርክዋ፤ከመ እኅትየ ኀለይኩ፤እም ድኅረ ጉንዱይ መዋዕል፤ ወእምዝ እም ድኅረ ኅዳጥ ዓመታት፤ካዕበ ርኢክዋ ወትትሐፀብ በፈለገ ጤግሮስ ፡፡ ወረብ ሃሌ ሉያ ወሪድየ ብሔረ ሮሜ/2/ ለቤተ ክርስቲያን ርኢክዋ አእመርክዋ አፍቀርክዋ ለቤተ ክርስቲያን/2/ መልክዓ ማርያም፦ በዝንቱ ቃለ ማኅሌት ወበዝንቱ ይባቤ፤ለዘይስእለኪ ብእሲ ጊዜ ረከቦ ምንዳቤ፤ብጽሒ ፍጡነ ትሰጠዊዮ ዘይቤ፤ማርያም ዕንቍየ ክርስቲሎቤ ወምዕዝተ ምግባር እምከርቤ፤ ዘጸገየ ማኅጸንኪ አፈወ ነባቤ፡፡ ዚቅ አብርሂ አብርሂ ጽዮን፤ ዕንቍ ዘጳዝዮን፤ ዘኃረየኪ ሰሎሞን፡፡ ወረብ አብርሂ አብርሂ ጽዮን/2/ ዕንቍ ዘጳዝዮን ዘኃረየኪ ሰሎሞን ንጉስ/2/ ምልጣን ዓይ ይእቲ ዛቲ እንተ ታስተርኢ እምርሑቅ፤ ከመ ማኅቶት ብርህት ከመ ፀሐይ፤ ሙሴኒ ርእያ ሀገር ቅድስት ዕዝራኒ ተናገራ ዳዊት ዘመራ፡፡ አመላለስ፦ ዕዝራኒ ተናገራ /2/ ተናገራ ዳዊት ዘመራ/4/ ወረብ ዘምልጣን ሙሴኒ ርእያ ሀገር ቅድስት፤ ዕዝራኒ ተናገራ ተናገራ ዘመራ ዳዊት እስመ ለዓለም ዘካርያስ ርእየ ተቅዋመ ማኅቶት፤ኩለንታሃ ወርቅ በየማና ወበጸጋማ አዕጹቀ ዘይት ፤ደብተራ ፍጽምት ሀገር ቅድስት፤ ነቢያት ይትፌሥሑ በውስቴታ፤ ሐዋርያት ይትኃሠዩ በውስቴታ፤ ወዳዊት ይዜምር በውስተ ማኅፈዲሃ፤ ዘበሰማይኒ ወዘበምድርኒ በቃለ ዳዊት ይሴብሑ፤ወይብሉ ኵሎሙ ሃሌ ሉያ፡፡ አመላለስ፦ ዘበሰማይኒ ወዘበምድርኒ በቃለ ዳዊት ይሴብሑ/2/ ወይብሉ ኵሎሙ ሃሌ ሉያ(4)። ወረብ ዘካርያስ ርእየ ተቅዋመ ማኅቶት ኩለንታሃ ወርቅ በየማና ወበጸጋማ አዕጹቀ ዘይት፤ ነቢያት ይትፌስሑ ሐዋርያት ይትሐሰዩ በውስቴታ ወዳዊት ይዜምር በውስተ ማኅፈዲሃ፡፡ ሰላም ዘካርያስ ርእየ ተቅዋመ ማኅቶት፤ገነተ ትፍስሕት መካነ ዕረፍት፤ እንተ ይእቲ ማኅደር ለካህናት፤ ለእለ የኃድሩ በፈሪሃ እግዚአብሔር፤ ይእቲኬ ቤተ ክርስቲያን፤በውስቴታ የዓርጉ ስብሐተ ካህናት በብዙኅ ትፍስሕት ወሰላም፡፡ መልካም በአል @eotcw 🍀🍀🍀🍀🍀🍀🍀🍀🍀🍀🍀

🍀🍀🍀🍀🍀🍀🍀🍀🍀 ሥርዓተ ዋዜማ ዘኅዳር ጽዮን/፱፩/ 🍀🍀🍀🍀🍀🍀🍀 ኢኃደጋ ለምድር እምቅድመ ዓለም ወእስከ ለዓለም እንበለ ካህናት ወዲያቆናት ዘካርያስ ካህን ነቢይ ወሰማዕት ዘርእየ ተቅዋመ ማኅቶት። ምልጣን፦ ዘካርያስ ካህን ነቢይ ወሰማዕት ዘርእየ ተቅዋመ ማኅቶት ዘርእየ ተቅዋመ ማኅቶት። አመላለስ፦ ዘርእየ ተቅዋመ ማኅቶት/2/ ዘርእየ ተቅዋመ ማኅቶት/4/ በ፭ ለእግዚአብሔር ምድር በምልዓ፦ ካህን ወነቢይ ወሰማዕት ሊቀ ካህናት ካህን ወነቢይ። እግዚአብሔር ነግሠ ዘካርያስ ርእየ ተቅዋመ ማኅቶት ኲለንታሃ ወርቅ ዓረፋቲሃ ዘዕንቊ ወመሰረታ ዘጽድቅ ለቅድስት ቤተ ክርስቲያን። ይትባረክ፦ አጽምእ ሰብአ መሐይምናን አርአያሃ ወዘካርያስሃ ወልደ በራክዩ ነያ ዕዝራኒ ርእያ በርእየተ ብእሲት እምነ ይእቲ ቤተ ክርስቲያን ዘካርያስ ርእየ ተቅዋመ ማኅቶት። ሰላም በ፪ ዘካርያስ ርእየ ተቅዋመ ማኅቶት ኲለንታሃ ወርቅ ዓረፋቲሃ ዘዕንቊ ፯ቱ መሐትዊሃ ወ፯ቱ መሣውር ዘዲቤሃ እዝራኒ ርእያ ለጽዮን ቅድስት ሰላማዊት። አመላለስ፦ እዝራኒ ርእያ ለጽዮን ቅድስት ፤ ለጽዮን ቅድስት ሰላማዊት(4)። መልካም በአል @eotcw 🍀🍀🍀🍀🍀🍀🍀🍀🍀🍀