War News

سەرۆکی پەرلەمانی عێراق هەیبەت حەلبووسی: نامەیەکی ڕوونمان بۆ ئێرانییەکان نارد سەبارەت بە گروپە چەکدارەکان. ئێمە لەبەر ئێران ناچینە نێو گرژی و ھەڵچوون لەگەڵ دەورووپشتمان بەتایبەت وڵاتانی عەرەبی.

عەبدولڕەحمان جەزائیری، سەرکردە لە حەشدی بەرگری: لەسەر دوو دۆسیەی گەندەڵی لە دهۆک و سلێمانی، فەرمانی دەستگیرکردن بۆ دوو پەرلەمانتاری هەرێمی کوردستان دەرچووە

پێچەوانەی هەمووان.! ئەم هەڵمەتی دەستگیرکردنەی لە بەگداد روودەدات، جگە لە سیناریۆیێکی بەرنامە لەبۆ دارێژراوی کاتی، هیچی دی لەبارادا نییە،! چوونکێ ئەمانەی دەستگیرکراون، ئەم کاراکتەرانەن کە ئیدی لە شەقام، یا ناوەندی سیاسی بێزراوو بێ پشت و پەناو خاوەن چەندینجار سەنگەر گۆڕینن.! هەموو ئەمانەی دەستگیرکراون، ئەندامانی گروپەکانی(مالیکی، حەلبوسی، سودانی، کازمی، عەبادی، هتد)ن کە لەپاش کەوتنی سەدام، بڕیار بەدەستی ئەلعێراق بووون، ئەم ناوانەی دەنێو کەوانەدا هاتوون، وڵاتی عێڕاقییان کاولکرد لەسەردەمی فەرمانڕەوایەتییان، رادەستی هەگبەو پڕۆگرامی دوورمەودای خودان مانگی (شیعی)ییان کرد، بەم هۆیەوە هەر خودی ناوەکانی ناو کەوانەکە، لە ترێلیۆن یەن و یۆڕۆ، نەک دۆلار.! کەمترییان نییە.! راوکەری سەرەکی کە ئێستێ، وەک پاڵەوان لە گۆڕەپانەکە دەبیندرێت، دڵنیابن لە هەموویان سەرسەریترە،! بیرتان نەچێت زەییدی، پەنجە مۆری رەزامەندی نێو گروپەکە کردوویەتی بە سەرەکوەزیران،!

با پێتان بڵێم ئەم وێنەیە کێیەو بۆ تا ئێستا نەتوانراوە دەستگیر بکرێت سەرمەد عەبد عەلی کازم السودانی، سکرتێری تایبەتی محمد شیاع سودانی، کە لەناو کابینەکەی سودانی کایەی سەرەکی و «سەری مارەکە» گەندەڵییەکان بووە، ئێستا بووەتە هۆی تەقینەوەی کێشەیەکی گەورە لە بەغدا. ماوەی دوو ڕۆژە لەسەر فەرمانی عەلی زەیدی، هێزێکی ئەمنی دەنێردرێتە سەر ماڵی محەمەد شیاع سودانی بە مەبەستی دەستگیرکردنی سەرمەد، بەڵام سودانی ڕێگری دەکات. شەوی ڕابردوو ململانێکان گەیشتوونەتە لوتکە؛ سودانی بە توندی بە فایەق زێدان و زەیدی ووتوە: «هێزەکان بکشێننەوە، ئەگینا تەواوی فایەلەکانی گەندەڵی عێراق و پۆخڵەواتەکانی دەسەڵاتی دادوەری و تەنانەت خوودی فایەق زێدانیش ئاشکرا دەکەم!» ڕۆکان_جاف

عالییە نووسەیف چەندین خوول پەرلەمانتاری مالیکی بوو، چووە بەرەی سوودانی دەستگیرکرا… حەسەن خەفاجی وەبەرهێنەر وبازرگانە، خوولی رابردوو لەگەڵ مالیکی بوو ئەمجارە چووە لای سوودانی ئەویش دەستگیرکرا… بەها نووری پێشتر پەرلەمانتاری مالیکی بوو، چووە بەرەی سوودانی لەگەڵ ئەو خۆی هەڵبژارد دەرچوو کەچی ئەویش دەستگیرکرا… عەبدولرحمان لوویزی دوو خوول پەرلەمانتار بوو، 2026 لە موسڵ لە سەر لیستی سوودانی دەرچوو ئەویش دەستگیرکرا… ئەمە دیوێکی دیکەی ئەو چاکسازییە لە بەغداد باس دەکرێ! کاکە گیان ئێمە ئاگادارین زیاتر لە هەفتەیەک هەڵمەتێکی گەورە لە دژی سوودانی هەیە، عەدنان جومەیلی بریکاری وەزارەتی نەوت بووە، ئێ وەزیرەکە سەر بە دەوڵەتی یاسا بووە! جگە لەمە ناکۆکی و ساردی زۆر لە نێوان سوودانی و فایەق زێدان هەبوو، چەند جارێک شێخ قـ،ـەیس سوڵحی بۆ کردن کێشەکە گەیشتە تۆمارکردنی ڤیدیۆی …. و تۆمارکردن دەنگی سەرکردە سیاسییەکان! شتەکە ئاڵۆزە، فرە رەهەندە، بەس کەمترین شت پەیوەندی بە چاکسازی ریشەیی و حەقیقی هەیە! مەحمود یاسین کوردی

باس کردن لە FBI ئەمریکی و لیستی ناوی گەندەڵکاران کە گوایە تۆم باراک بۆ عەلی زەیدی ناردووە ئەسڵ و ئەساسی نییە ئەو قسانە بابەتی سۆشیالمیدیایە ئاگاداربن! ئەمریکا کێشەی لەگەڵ گەندەڵی نییە، ئەمریکی باوکی ئەو سیستەمە گەندەڵییە لە دوای 2003 کە قوڕی بە سەر نەوەکانی داهاتووی عێراقیش کرد! دزی دەکەی، پیاو دەکـ،ـوژی ئەمریکا حەقی نییە بەس مووشەک و درۆن بۆ باڵیۆزخانەی ئەمریکا لە بەغدادو ئیسـ،ـرائیل و هاوپەیمانەکانی مەنێرن چ دەکەی بکە! دۆناڵد ترەمپ هیچ ئیشی نییە کارمەندەی ئیف بی ئای دەنێرێتە ماڵی عالیە نووسەیف و محەممەد صەیهود لە بەغداد ئەوجا بـ،ـکوژرێ و هەڵای ئیعلامی و دیموکراتەکانی لە ناوخۆی ئەمریکا لە سەر گەورە بکرێ بەو کاتی هەڵبژاردنە! ناڵێم ئەمریکای ئاگادار نییە، بەڵام ئەمریکا دەستی نییە، عەلی زەیدی مانگی تەمووز دەچێتە کۆشکی سپی نایەوێ بە دەستی بەتاڵ بچێت! دڵتان بە تۆم باراک خۆش نەبێ ئیشەکانی لە سووریاو رۆژئاوای کوردستان دیارە، دژایەتی گەندەڵی لە بەرنامەیان نییە! ئەحمەد چەلەبی کە عەڕابی رووخاندنی رژێمی سەدام بوو لە کۆتاییەکانی تەمەنی لە هەندێک شت پەشیمان بوو، بەتایبەت لە گەندەڵی و دزینی سامانی عێراق زۆر نیگەران بوو لە یەکێک لە سیمنارەکانی دەڵێ: بەناوی پشتیوانیکردنی رێکخراوەکانی کۆمەڵی مەدەنی لە پارەی عێراق (پۆڵ برێمەر) لە یەک ساڵدا 795 ملیۆن دۆلاری خەرجکرد! مەحمود یاسین کوردی

تەقاندنەوەی سەدان موشەکی حیزبوڵا لە باشوری لوبنان لە شەوی ڕابردوو لەلایەن ئیسرائیلەوە

🔴 چەند پەیامێکی عەلی زەیدی لە کۆبوونەوەی ئەنجوومەنی وەزیرانی عێراقەوە: - ئەو هەڵمەتەی دژ بە گەندەڵی ئەنجامدرا، قۆناخی یەکەمە. - حکومەت لە بەرەنگاربوونەوەی گەندەڵی بەردەوام دەبێت بۆ گەڕاندنەوەی سامانی گشتی. - پەرۆشیمان بۆ دۆخی عێراقییەکان وامان لێدەکات جەخت بۆ رۆڵەکانی گەلەکەمان بکەینەوە کە پاسەوانی بەهێز بەسەر موڵک و ماڵی گشتیدا هەن و بە باشترین شێوەش بەکاریان دەهێنین. - دۆخەکە گەیشتووەتە رادەیەک کە چیدی ناکرێت بێدەنگیی لێ بکرێت. - راسپاردنی دەزگا چاودێرییەکان بۆ وەرگرتنی هەر نیشاندەرێک سەبارەت بە ئەدای حکومەت یان ئەدای وەزارەتەکان، بە مەبەستی ئاشکراکردنی حاڵەتەکانی گەندەڵی یان کەمتەرخەمی.

ئەوەی لەعێراقدا ڕوودەدات، جێبەجێ کردنی داواکارییەکانی ئەمریکایە بۆ لێدان و پەلوپۆکردنی کۆتایی ئێران؛ ئەمریکا، سێ خولە داوا لە سەرۆك وەزیرانی عێراق دەکات کە دەست و هەژمونگەرایی ئێران لەعێراقدا ببڕێت. وە هەر سەرۆك وەزیرانێك دانرابێت بە ڕەزامەندی ئەمریکا بووە و کۆتاییهێنان بەهەژمونگەرایی ئێران لەعێراقدا یەکێك بووە لەمەرجەکانی ئەمریکا بۆ دانانی سەرۆك وەزیران و کارکردن لەگەڵ حکومەتی عێراقدا. بەتایبەتر لە دوو بابەتی سەرەکیدا کە بریتین لە: - هەڵوەشاندنەوەی میلیشیاکانی حەشدی شەعبی و گروپە چەکدارەکانی سەر بە ئێران. - ڕاگرتنی قاچاغچێتی دۆلار و گەیاندنی بە ئێران بە چەندین ڕێگەی جیاواز لەوانە بەقاچاغ بردنی دۆلار، بەبازاڕکردنی نەوتی ئێرانی، کڕینی کارەبا، بازرگانی خۆراك و شتومەك..هتد. لەم جێبەجێ کردنی ئەم ئەرکەدا: هەریەك لە (مستەفا کازمی و محەمەد شیاع سودانی) سەرکەوتوو نەبوون و نەیانتوانی ئەو بەڵێنانەی بە ئەمریکایان دابوو بەرنەسەر. هەر بۆیە ئەمریکا ڕێگەی پێنەدان هیچیان بۆ خولی دووەمی سەرۆکایەتی حکومەت کاندید ببنەوە، لەم ڕوانگەیەوە (عەلی زەیدی) وەك تاکە کاندیدی چاوەڕواننەکراو لەدەرەوەی چواچێوەی هەماهەنگی و بە پشیوانی ئەمریکا سەرۆکایەتی حکومەتی نوێی عێراقی وەرگرت بۆ جێبەجێ کردنی داواکاری و پاراستنی بەرژەوەندییەکانی ئەمریکا کە لەسەروو هەموویانەوە پەلوپۆکردن و لەقاڵبدانی ئێرانە. ئەوەی (عەلی زەیدی) دەستی داوەتێ بەناوی (ڕووبەڕووبوونەوەی گەندەڵی و کۆکردنەوەی چەك لەدەستی دەوڵەت)، بریتییە لە جێبەجێ کردنی ستراتیژی ئەمریکا و ئامانجی سەرەکی لێدانە لە ئێران، بەو پێیەی ئەوانەی تێوەگلاون و دەستگیر کراون و ئەوانەی لە ڕۆژانی ئایندەش دەستگیر دەکرێت سەرجەمیان بە ڕاستەوخۆ یان ناڕاستەوخۆ پاڵپشتی ئابووری ئێران بوون و دۆلاریان بە شێواز و بە بیانوی هەمەجۆر بەقاچاغ بۆ ئێران ناردووە و پاڵپشتی هێزە میلیشیاییەکان و گروپە چەکدارەکانی ئێران بوون لە عێراقدا. (عەلی زەیدی): لەم قۆناغەدا و لە جێبەجێ کردنی ئەرکەکانیدا ڕووبەڕووی ئاڵنگاری گەورە دەبێتەوە، بەڵام ئەوەی زلهێزێکی وەك ئەمریکای لە پشت بێت بە ئاسانی ناکەوێت. چاوەڕوانی پێشهاتی نوێتر بن لە ناوچەکەدا.. تێبینی؛ - پێشتر لە چەندین چاوپێکەوتن و نوسین و شرۆڤەمدا، بەوردی باسی چۆنیەتی پەلوپۆکردنی ئێران و ڕاست کردنەوەی پرۆسەی سیاسیم لەعێراقدا کردووە. بۆیە هەر بەڕێزێك ئارەزوو دەکات دەتوانێت بگەڕێتەوە سەریان. ئەم بەستەرەی خوارەوە لەگەڵ چەندین بابەتی ترم، بۆ ئەو بەڕێزانەی ئارەزووی وردەکاری زیاتر دەکەن بەسوود دەبن. https://www.facebook.com/share/1EiZ7Wh88w/?mibextid=wwXIfr دکتۆرنیکۆڵا ئەشرەف شاڵی

نامەوێ بێ ئومێدتان بکەم، بەس ئەوەی خاوەنی چەک و هێزە لە عێراق لە (ئۆپەراسیۆنی بەرەباین) سەلامەتە، دەستیان بۆ یەک کەسی باڵای کـ،ـەتائیب حـ،ـZبوڵڵا بردووە ئەویش دەستگیر نەکراوە، رەنگە ئەم پەیامێک بێت چەک دانەنێنن دەستگیرتان دەکەین، یان پەیامێک بێت بۆ کۆشکی سپی بڵێن ئەوەتا دەستمان بە گەورەترین فەصائیڵ بردووە! هیچ شتێک بەبێ (سیاسەت) ناکرێ!

هەر ئەم پیاوە سبەی لە پۆستەکەی نەما دارو دەسەکەی ئەویش دەسگیر ئەکرێت ئەمە شەڕی گەندەڵی نیە شەڕی بەرەیە ناکۆکی و ئیش پێ نەمانە (ئا ئەمەیە مەوزوع)😉

جارێکی دیکە دژەتیرۆری ئێراق داوا لە تەیف سامی دەکات خۆی ڕادەستی هێزەکانیان بکات

جاسم عەتیە ئەندام پەرلەمان تەقەدووم حزبی حەلبووسی لەلایەن دژەتیرۆر دەستگیر کرا

کەمێکی ڕیکە دەستەی نەزاهەی ئێراقی پەیامێک پێشکەش دەکات بە دەیان دۆلارەوە

بە گوێرەی پێگەی ئەکسیۆسی ئەمریکی کە لە بەرپرسێکی باڵای ئەمریکا گواستووەتەوە و ڕایگەیاند: "بڕیارمان دا هەموو چالاکییە جەنگییەکان ڕابگرین"، ئەمەش وەک هەوڵێک بۆ ڕێگریکردن لە تەقینەوەی تەواوەتیی دۆخەکە. بە گوێرەی پێگەکە، ئێستا هەردوولا هێرشەکانیان ڕاگرتووە و کەشتییەکان دەتوانن بە ئازادی هاتوچۆ بکەن تا گفتوگۆ تەکنیکییەکان دەست پێ دەکەنەوە، کە وا بڕیارە ڕۆژی سێشەممەی داهاتوو شاندی تەکنیکیی ئەمریکا و ئێران بۆ چارەسەرکردنی ناکۆکی لەسەر گەرووی هورمز لە دەوحەی پایتەختی قەتەر کۆببنەوە.

دژەتیرۆری ئێراقی گەیشتە پارێزگای میسان

بریارە ئەمشەو لیستێکی دیکە له تۆمەتباران لە سنوری موسڵ و دەورووبەری دەستگیر بکرێن

ناوچەی کەڕادە له بەغدا داخراوە هێزە ئەمنییەکان بڵاوەیان پێکراوە

نازانم تا چەند ڕاستە ، ئەمشەو ئیسرائیل ١٠٠٠ موشەکی حیزبوڵا لە جبەخانەیەکی گەورە بە قوڵی ٢٥ مەتر و بە درێژایی ٢٠٠ مەتر ، لە باشوری لوبنان دەتەقێنێتەوە، لەوانەیە بومەلەرزەیەکی گەورە لە سوریا و لوبنان و ئیسرائیل دروست بکات.

New Middle East خودی ناتۆ بۆ بەگژاچوونەوەی یەکێتی سۆڤیەت دروستبوون، وە کاتێک ناتۆ بەردەوام بەرەو رۆژهەڵات دەکشێت، ئەوە مەترسی بۆ سەر رووسیا دروستکردووە نەوەک رووسیا بێت مەترسی بۆ سەر ناتۆ دروستکردبێت، ئەم هاوکێشەیە زۆر روونە بەڵام بەرەی رۆژئاوا تەنها لەچاوی خۆیانەوە شت دەخوێننەوە بۆیە لۆژیکی ئەوان ئاوهایە: "ناتۆ دەبێت بەرەو رۆژهەڵات بکشێت چونکە ئەگەر وانەکات رووسیا هێرشدەکات."

واتە بچیتە سەر ماڵی دراوسێکەت، بڵێن بۆ؟ بڵێیت ئاخر ئەگەر نەیەم ئەو هێرشدەکات...