اکنون در دسترس! پژوهش تلگرام ۲۰۲۵ — مهمترین بینشهای سال 
War News
رفتن به کانال در Telegram
2 363
مشترکین
+124 ساعت
-147 روز
-2430 روز
آرشیو پست ها
2 363
عێراقچی :
کۆتاییهێنان بە جەنگ لەو ڕێککەوتنەدا بە واتای کشانەوەی ئیسرائیلیش دێت لە ناوچە داگیرکراوەکانی باشووری لوبنان، و ئێمە ئەمەمان بە ڕاشکاوی بە لایەنەکەی دیکە ڕاگەیاندوە.
2 363
عێراقچی :
لە نێوان ئەندامانی پەرلەمانی ئێران هەردوو بەرەی لایەنگر و دژبەری دەقی پێشنیارکراوی ڕێکەوتن بوونیان هەیە، بەڵام لە کۆتاییدا بڕیارێکی بەکۆمەڵ دەدرێت.
کاتێک بڕیارێک دەدرێت، بە فەرمی ڕادەگەیەنرێت.
دوژمن هیوای خواستبوو لە دانوستانەکانی پێش جەنگدا بگات بە ئامانجەکانی، بەڵام بەهۆی بەرگری ئێمەوە نائومێد بوو و دەستی بە جەنگ کرد.
تەنانەت لە کاتی جەنگیشدا بۆی دەرکەوت کە ناگات بە ئامانجەکانی و بێهیوا بوو، بۆیە داوای دانوستانی کرد.
هەر کە قۆناغەکانی کۆتایی دانوستانەکان تەواو بوون، ڕێککەوتنەکە واژۆ دەکرێت و ڕادەگەیەنرێت، واژۆکردنی سەرەتایی بە شێوەیەکی مەودادوور (بە ئۆنلاین) لە ڕێگەی دیجیتاڵییەوە ئەنجام دەدرێت، وە
ئەمە لەوانەیە لە چەند ڕۆژی داهاتوودا ڕووبدات.
2 363
ترەمپ ئەم پۆستەی عێراقچی بڵاوکردەوە:
یاداشتنامەی لێکتێگەیشتنی ئیسلام ئاباد هەرگیز لە ئێستا نزیکتر نەبووە، چاوەڕێی کۆتاییهێنان بە قۆناغەکانی کۆتایی دەکرێت، بۆیە پێویستە میدیاکان خۆیان لە هەر جۆرە پێشبینییەک دەربارەی ناوەڕۆکەکەی بەدور بگرن.
لە چوارچێوەی هەڵوێستی بەرپرسیارانە و شەفافماندا، سەرجەم وردەکارییەکان لە کاتی گونجاودا بۆ ڕای گشتی بڵاو دەکرێنەوە.
2 363
ترەمپ و ئەمریکا و هەموو جیهان دەڵێن ئەم هەفتەیە ڕێکەوتن دەکرێت!
کەچی هەندێ سەرچاوە تازە بە تازە باسی چونە ژوورەوەی هێزەکانی ئەحمەد شەرعی تیرۆریست دەکەن بۆ ناو لوبنان بۆ شەڕی حیزبوڵا، ئەگەرچی ئێرانیەکان دەڵێن لوبنانیش لە ئاگربەستەکەدایە! ئەم کارانە باتێکە و دوو هەوان، هەر دوێنێ شەو بوو تمەن ١٨ ملیۆنی تێپەڕاند، ئەمڕۆ سی ئێن ئێن راپۆرتێکی هەبوو ، وتی هەتا ئێستا ترەمپ ٣٩ جار وتویەتی بەم نزیکانە لەگەڵ ئێران ڕێک دەکەوین، ئەمڕۆ ئەفسەرێکی گەورەی مۆساد، یەک هەڵەمان لەم جەنگەدا کرد، ئەویش نەبوونی ئۆپەراسیۆنێکی تاک لایەنەی ئیسرائیلیانە بۆ بردنە دەرەوەی یۆرانیۆمی پیتێنراو لە ئێران بوو، ئەو شەڕەی ئیسرائیل دەستی پێکردەوە، زەحمەتە بێ دانانی خاڵی کۆتایی بێت لەسەر دێڕەکانی شەڕەکە، ساڵی ٢٠٢٠ توێژینەوەیەکم بڵاو کردەوە باسی ئەوە دەکات کە گەورەترین چالێنجی ئیسرائیل لە سەدەی ٢١ تورکیایە، بۆیە ناکرێت ئیسرائیل مەشغوڵی ئێرانیش بێت لە بوونی تەحەدایەکی وەکو تورکیا، هەر کاتێک باسی ڕێکەوتنی ئەمریکا و ئێران دەکەن، ئەو قسەیەی پزیشکیانم بیر دێتەوە کە سەرەتای ئەمساڵ و ٢ مانگ پێش هێرشەکانی ئەمریکا و ئیسرائیل بوو بەسەر ئێران، ووتی کە ئەمریکا و ئیسرائیل پلانیان داناوە بۆ دابەشکردنی ئێران لە ماوەی ٣٦ مانگ، بۆیە هەرچەند ورد ئەبمەوە، یان ڕێکەوتن ناکرێت ، یان ڕێکەوتنێکی لە شێوە تەسلیبوونی ئێران دەبێت، بە تایبەتیش هەندێ سەرچاوە باسی ئەوە دەکەن کە ئێرانییەکان وەکو شیرینی باسی پێدانی ١ ملیۆن بەرمیل نەوت بە ئەمریکا دەکەن.
2 363
ئاژانسی هەواڵی فارس :
هێشتا ئێران بڕیاری لەسەر ڕێککەوتن نەداوە و دەنگۆی واژۆکردنی رێككهوتن لە ڕۆژی یەك شەممە له ژنێڤ درۆیە چونکە هێشتا پرۆسەی پێداچوونەوە و بڕیاردان لە ئێران یەکلا نەبووەتەوە .
2 363
ئاژانسی مێهری ئێران ١٤ خاڵی ڕێکەوتنەکەی بڵاو کردەوە:
١- ئاگربەستێکی دەستبەجێ و هەمیشەیی لە هەموو بەرەکاندا، بە لوبنانیشەوە.
٢- پابەندبوونی ئەمریکا بە دەستوەرنەدان لە کاروباری ناوخۆی ئێران و ڕێزگرتن لە سەروەریی ئێران.
٣- هەڵگرتنی تەواوی گەمارۆی دەریایی لە ماوەی ٣٠ ڕۆژدا.
٤- پابەندبوونی ئەمریکا بە کشانەوەی هێزەکانی لەو ناوچانەی دەوروبەری ئێران.
٥- کردنەوەی گەرووی هورمز لە ماوەی ٣٠ ڕۆژدا بەپێی ڕێکخستنەکانی ئێران.
٦- ڕاگرتنی گەمارۆکان لەسەر نەوتی ئێران، بەرهەمە پترۆکیمیاییەکان و هەناردەکردنی پەیوەندیدار، لەگەڵ دەستڕاگەیشتنی تەواو بە داهاتەکانی.
٧- پێشکەشکردنی پلانی ئاوەدانکردنەوە بۆ ئێران لەلایەن ئەمریکا و هاوپەیمانەکانی بە بەهای لانی کەم ٣٠٠ ملیار دۆلار.
٨- قۆناغێکی دانوستان بۆ ماوەی ٦٠ ڕۆژ بە مەبەستی گەیشتن بە ڕێککەوتنی کۆتایی لەسەر کێشە ئەتۆمییەکان و هەڵگرتنی تەواوی گەمارۆ سەرەتایی و لاوەکییەکانی ئەمریکا، لەگەڵ ڕێوشوێنە پەیوەندیدارەکانی ئەنجومەنی ئاسایشی نەتەوە یەکگرتووەکان و ئاژانسی نێودەوڵەتی وزەی ئەتۆمی (IAEA).
٩- ئێران دووپاتی پابەندبوونی خۆی بە پەیماننامەی قەدەغەکردنی بڵاوکردنەوەی چەکی ئەتۆمی (NPT) دەکاتەوە بۆ پەرەپێنەدانی چەکی ئەتۆمی.
١٠- لە ماوەی دانوستانەکاندا، ئەمریکا هیچ هێزێکی زیاتر ڕەوانەی ناوچەکە ناکات و هیچ گەمارۆیەکیش ناسەپێنێت.
١١- ئازادکردنی ٢٤ ملیار دۆلار لە سەروەت و سامانی بەستراوی ئێران لە ماوەی قۆناغی دانوستانی ٦٠ ڕۆژەدا، کە نیوەی پێش دەستپێکردنی دانوستانەکان دەخرێتە بەردەست.
١٢-:دامەزراندنی میکانیزمێکی چاودێری بۆ بەدواداچوونی جێبەجێکردنی ڕێککەوتنەکە.
١٣- ڕێککەوتنی کۆتایی لەلایەن بڕیارێکی ئەنجومەنی ئاسایشی نەتەوە یەکگرتووەکانەوە پەسەند دەکرێت.
١٤- دانوستانە کۆتاییەکان تەنها دوای ئازادکردنی نیوەی سەروەت و سامانی بەستراوی ئێران، ڕاگرتنی گەمارۆ نەوتییەکان و هەڵگرتنی گەمارۆی دەریایی دەست پێدەکات.
ڕێککەوتنی کۆتایی تەنها جەخت لەسەر پیتاندنی یۆرانیۆم، کەرەستەی پیتێنراو، سووککردنی گەمارۆکان و ئاوەدانکردنەوەی ئابووریی ئێران دەکاتەوە.
بەرنامەی مووشەکیی ئێران و پشتیوانیی گرووپەکانی بەرگری لە ئەجێنداکە دەرکراون.
جا ئەگەر ئەمە ڕێکەوتنەکە بێت، واتە ئەمریکا تەسلیمی ئێران بووە، نەوەک ئێران !
2 363
ڕێبەری کرداری ئێران "قالیباف " و جێگری سەرۆکی ئەمریکا " دیڤانس" ڕێکەوتنەکە واژۆ دەکەن .
2 363
ترەمپ:
ئێران لەژێر هیچ بارودۆخێکدا دەستی بە چەکی ئەتۆمی ناگات.
ئێران دەستی بە چەکی ئەتۆمی ناگات و من ڕەزامەندیم لەسەر ئەم بابەتە دەربڕیوە.
ئێران چەکی ئەتۆمی ناکڕێت و گەشەی پێ نادات.
ئێمە ڕێگە نادەین ئێران دەستی بە چەکی ئەتۆمی بگات و ئەمە بۆ هەمووان گرنگە.
ئێمە بەم دواییانە ئێرانمان بە توندی بۆردومان کرد و سەرکردەکانیان زیاتر لە من دەیانویست بە ڕێککەوتن بگەن.
ئەم ڕێککەوتنە بۆ ویلایەتە یەکگرتووەکان و ڕۆژهەڵاتی ناوەڕاست نایابە و پێموایە بۆ ئێرانیش نایاب دەبێت.
ئێمە هەر لە سەرەتاوە لە جەنگی دژی ئێراندا سەرکەوتین.
ئێمە گەیشتین بە یاداشتنامەیەکی لێکتێگەیشتنی ورد و ئێران دەیەوێت واژۆی بکات.
ئێمە لەم جەنگەی دژی ئێراندا لە ڕووی سەربازییەوە سەرکەوتووین.
ئێمە کەشتییەکی زۆرمان و سەدان ملیۆن بەرمیل نەوتمان لە گەروی هورمز دەرکرد.
ئێرانییەکان دەرفەتیان هەیە وڵاتەکەیان کە تا ڕادەیەکی زۆر وێران بووە، ئاوەدان بکەنەوە.
ڕێککەوتن لەگەڵ ئێران واژۆ دەکرێت و گەروی هورمز دوای ئەوە دەکرێتەوە.
2 363
وەزارەتی دەرەوەی ئێران:
پێشتر ڕامان گەیاندووە کە زۆربەی بڕگەکانی ڕێککەوتنەکە یەکلایی کراونەتەوە، بەڵام لایەنی ئەمریکی داوای زیادکردنی مەرجی نوێی کردووە.
بەرپرسە باڵاکانی ئێران سەرجەم بڕگەکانی لێکتێگەیشتنەکە تاوتوێ دەکەن، و لە کاتی گونجاودا هەڵوێستی خۆمان ڕادەگەیێنین.
ئەو ڕاپۆرتانەی باس لە کات و شوێنی واژۆکردنی ڕێککەوتنەکە دەکەن، تەنیا خەمڵاندنی میدیایین.
ڕێککەوتنەکە لەگەڵ واشنتۆن هێشتا نەبووەتە کۆتایی.
ئەو وەشانەی لایەنی ئەمریکی دەیخاتە ڕوو، ئامانجیان ئەوەیە ئەو تێگەیشتنە دروست بکەن کە گوایە ئێران لەژێر گوشار و هەڕەشەدا لە هەڵوێستەکانی پاشگەز بووەتەوە.
دەقی لێکتێگەیشتنەکە نزیکەی ئامادەیە.
نێوەندگیەرەکان ئێستا ڕۆڵی خۆیان دەگێڕن. پاکستان و قەتەر ڕۆڵێکی چالاک لە هەوڵەکانی نێوەندگیریدا دەگێڕن.
2 363
نووسینگەی نەتانیاھۆ:
سەرۆک ترەمپ ئەمشەو لەگەڵ سەرۆک وەزیران نەتەنیاهۆ سەبارەت بە یاداشتنامەی لێکتێگەیشتنی ئامادەکراو لەگەڵ ئێران بۆ چوونە ناو دانوستانەکان گفتوگۆی کرد.
سەرەڕای ئەوەی ئیسرائیل لایەنێک نییە لە یاداشتنامەی لێکتێگەیشتنەکەدا، سەرۆک وەزیران پێزانینی خۆی بۆ پابەندبوونی سەرۆک ترەمپ دەربڕی کە ڕێککەوتنی کۆتایی لە کۆتایی دانوستانەکاندا ئەم خاڵانە لەخۆ بگرێت: دەرکردنی یۆرانیۆمە پیتێنراوەکان، هەڵوەشاندنەوەی ژێرخانەکانی پیتاندن، سنوردارکردنی بەرهەمهێنانی موشەک و ڕاگرتنی پشتیوانیی ئێران بۆ گروپە تیرۆریستییەکانی لە ناوچەکەدا
2 363
دۆناڵد ترەمپ:
🔻 ئەمە لەبیر ناکەم کوردەكان؛ ئەمە لەبیر ناکەم
دۆناڵد ترەمپ بۆ "فۆكس نیوز" :
لە راستیدا چەکمان بۆ ناردن (خۆپیشاندەران ئێران) و راشکاوانە بڵێم کورد بێ هیوای کردووین.
کورد شەرمەزاری کردین.
من رازی نەبووم بەو بڕیارە، وەك دەزانن، دەمگوت: نا، پێموانییە ئەو چەکانە رادەست بکەن.
پێم وایە ئەو چەکانەیان بۆ خۆیان هەڵگرتووە، ئەوە شەرمەزارییە.
بەڵام ئەمە لەبیر ناکەم کوردەكان، ئەمە لەبیر ناکەم.
هەندێک چەکیان هەیە، بەڵام وەك دەزانن چەكیان نییە، ببینن تەناتەت ئەگەر هەندێکیشیان هەبووبێت، ئەوان هەر ترساون.
2 363
ئێران بوونی هەر جۆرە ڕێککەوتنێک ڕەتدەکاتەوە.
ئیسرائیلیش دەڵێت هیچ زانیارییەکیان لەسەر بوونی ڕێککەوتنێکی لەو شێوەیە نییە.
