يوميات مسلم

عمرك سألت نفسك ليه ربنا هيقتص للحيوانات من بعضها يوم القيامة رغم إنها بلا عقل؟ في حديث عظيم ، قال النبي صل الله عليه و سلم لَتُؤَدُّنَّ الْحُقُوقَ إِلَى أَهْلِهَا يَوْمَ الْقِيَامَةِ، حَتَّى يُقَادَ لِلشَّاةِ الْجَلْحَاءِ مِنَ الشَّاةِ الْقَرْنَاءِ! و معناه إن الحقوق هتترد لأصحابها يوم القيامة، لدرجة إن الشاة اللي ليس لها قرون، ربنا هيقتص لها حقها من الشاة اللي بقرون ونطحتها في الدنيا! السؤال هناإزاي ربنا يحاسب كائنات غير عاقلة وغير مكلفة أصلاً؟ علماء العقيدة وضحوا المشهد المهيب ده في نقطتين يخلوا القلب يرتجف ")! ١- إعلان كمال العدل المطلق القصاص بين الحيوانات مش قصاص تكليف ! يعني مفيش حيوان هيدخل جنة أو نار، ده اسمه قصاص مقابلة، ربنا سبحانه وتعالى بيجمع الخلائق كلها في مشهد واحد في يوم العدل المطلق ")! مفيش ذرة ظلم هتعدي، حتى لو كانت مجرد نطحة بين بهائم لا تعقل! بعد ما الحيوانات تاخد حقوقها من بعض، ربنا بيأمرها "كُونِي تُرَاباً"، فتتحول لتراب ")! وفي اللحظة دي، الكافر و الظالم اللي شاف دقة الحساب وعدل ربنا، وشاف مصيره الأسود اللي مستنيه بسبب ظلمه وكفره، بيبص للحيوانات ويتمنى أمنية واحدة لخصها القرآن في ختام سورة النبأ وَيَقُولُ الْكَافِرُ يَا لَيْتَنِي كُنتُ تُرَابًا ! تخيلوا المشهد بس إذا كان ملك الملوك، الجبار والعدل، لم يترك حق بهيمة نطحت بهيمة بدون وعي! تفتكر حق إنسان عاقل ومدرك ظلم إنسان زيه سيُترك؟ حق النطحة سيُرد ما بالكم اللي أكل ورث إخواته؟ واللي خاض في عرض حد؟ واللي كسر بخاطر إنسان أو دمر حياته بوعي وإدراك موقفه هيكون إيه؟! و اللي كذب و اللي اغتاب و اللي اتآمنله من حد وفضح سره المشهد دا أكبر رسالة رعب لكل ظالم، وأعظم رسالة طمأنينة لكل مظلوم .. و الحمدلله رب العالمين.